رواية خفايا الدروب الفصل الاول والثاني والثالث والرابع والخامس بقلم ندى ناصر حصريه في مدونة موسوعة القصص والروايات
رواية خفايا الدروب الفصل الاول والثاني والثالث والرابع والخامس بقلم ندى ناصر حصريه في مدونة موسوعة القصص والروايات
_انتي مخصوملك يومين علي الاهمال يا استاذه ندىٰ
ندىٰ بغضب: قولت لحضرتك انها مش غلطتي اصلا لتكمل بهدوءبس احب اخليها استقاله بدل خصم انا مش غلطانه عشان حد يحاول يقل مني واسكت بعد اذنك
لتذهب خارج الشركه قبل استماع رد
~~~~~~~~~~~~~~~~~~
_مالك يا ندوش سرحانه في ايه لتكمل بدندنه سهران ليالي بفكر فيك
ندىٰ بغضب:سلمىٰ وربي ارمي عليكي المج يفتح دماغك انا خلقي ضيق دلوقتي
سلمىٰ بمرح:وسعيه يامولاتشي احكي ماذا بكِ يا فتاه انني انصت لكي الان
ندىٰ بتنهيده: اسفه بس سبت الشركه النهارده وعايزه اشوف شركه تاني
سلمىٰ ببعض الجديه: ايه السبب عشان تسبيه كده حد ضايقك قولي بس وانا هوريكي هعمل فيه ايه اه احنا مش قله في البلد دي
ندىٰ بضحكه وهي تترك المج:احب اشوف الشجاعه امبارح مع الصرصار وتكمل بضحك لا واول ما طار لقيتك جريتي علي السلم
سلمىٰ بتمثيل الخجل: الله ما هو بيخض برضوا لتكمل بجديه ندىٰ متهربيش ايه اللى حصل
ندىٰ بتنهيده:حاضر هقولك
flash back ♡
*ايه يا ندوش مش ده وقت بريك ببه بسه شغاله
ندىٰ بحده: مستر اكرم مسمحش لحضرتك تتعدى الحدود ايمي استاذه ندىٰ غير كده لا
اكرم بمكر:حاضر يا استاذه ندوش اسمعي الكلام هنتعشي بس والله هعجبك وكان هيمسك ايدها
ندىٰ بغضب ورد فعل سريع: ضربته كف خماسي عنب
اكرم بغضب من فعلها ليقترب منها ويقول هوريكي ازاي تمدي ايدك عليا بس صبرك
ندىٰ ببعض الخوف لتقف امامه بثبات: اعلي ما في حميرك اركبه ده مقامك وتتركه وتمشي
اكرم بخبث:هنشوف ثباتك ده كمان شويه ازاي
اكرم ياخذ ورق من مكتب ندىٰ مهم
ينتهي البريك وكل واحد يرجع مكتبه
سهر: ندىٰ مستر عُدي عايز الورق في. مكتبه حالا
ندىٰ بعمليه: حاضر بعد اذنك
لتءهب ولم تجد الاوراق لتتوتر وتخاف وكان الصدمه اكبر ان المدير جه بنفسه ياخد الاوراق
عُدي: ممكن الورق يا انسه ندىٰ
ندىٰ بخوف: هو هو بصراحه الورق. كان هنا وانا خت بريك ورجعت ملقتهوش
عُدي بغضب:يعني ايه مش هنا هو احنا في حضانه اتفضلي شوفيه حالا
جأت لترد لقت اكرم يرد بخبث: استاذ عُدي ده نسخه كان عندي احتياطي بيبقي عندي من اي ورق
عُدي بغضب اقل:شكرا يا اكرم ويوجه كلامه ل ندىٰ
_انتي مخصوملك يومين علي الاهمال يا استاذه ندىٰ
ندىٰ بغضب: قولت لحضرتك انها مش غلطتي اصلا لتكمل بهدوء بس احب اخليها استقاله بدل خصم انا مش غلطانه عشان حد يحاول يقل مني واسكت بعد اذنك
End flash ♡
♡♡♡♡♡♡♡♡♡♡♡
سلمىٰ بغضب:ابن اللي مترباش
ندىٰ بسرعه: بنت عيب ندعي بالهداية بس حتي لو بياذينا وفي قول الله تعالي
في سورة الحجرات، ربنا سبحانه وتعالى قال:
; "يَا أَيُّهَا الَّذِينَ آمَنُوا لَا يَسْخَرْ قَوْمٌ مِّن قَوْمٍ عَسَىٰ أَن يَكُونُوا خَيْرًا مِّنْهُمْ وَلَا نِسَاءٌ مِّن نِّسَاءٍ عَسَىٰ أَن يَكُنَّ خَيْرًا مِّنْهُنَّ وَلَا تَلْمِزُوا أَنفُسَكُمْ وَلَا تَنَابَزُوا بِالْأَلْقَابِ..." (الحجرات: 11)
الآية دي بتعلمنا إن مينفعش نشتم أو نعيّر غيرنا أو نسخر منهم، لأن ممكن يكونوا عند ربنا أحسن مننا.
♡♡♡♡♡♡♡♡♡♡♡
سلمىٰ باستغراب: بس هو اذاكي ازاي يبقي احسن منا
ندىٰ بحنان: يا عيوني احنا هنا في الدنيا عشان نسعى لدخول الجنه ولو شتمناه هياخد حسنات منا مع انه الغلطان فخلينا. ناخد منه. هو احسن الحسنات وتكمل بتنهيده " ويلا عشان عندك جامعه الصبح وده اهم حاجه حاليا وانا هنزل اشوف شركه احسن
سلمىٰ بحب:حاضر وربنا يكرمك بكل خير
♡♡♡♡♡♡♡♡♡♡♡♡♡♡♡♡♡
في يوم جديد باشراقه توحي بامل جدي
_______________________________
ندىٰ باستعجال:بصي يا سوسو خلصي الجامعه. هترجعي. تلاقي الاكل في التلاجه وانا ربنا ييسر الامر والاقي شغل بسرعه
وتقف امام سلمىٰ وتحضنها: خلي بالك من نفسك انا مليش غيرك
سلمىٰ تحضنها:يا ندوشي انا كمان مليش غيرك بس في ضهرك سندال يا ابو الصحاب
ندىٰ بقرف:سندال يا معفنه وامال لو مش جامعه امريكيه وجاتلك منحه كمان كنتي هتتكلمي. ازاى
سلمىٰ بغرور مزيف: don't wrong my sister good bye my love
ندىٰ بحنان اخوي:استودعتك الله يا عيوني
لتنزل لتبحث عن العمل
♡♡♡♡♡♡♡♡♡♡♡♡♡♡♡♡♡♡♡♡
بعد لف كتير وتعب
ندىٰ بتعب امام النيل: اللهم استودعتك حالي ونفسي فسهل امري
وتسرح مع تيار المياه
لتسمع.
- بقولك ايه يا خالد متعصبنيش عايز شريك بالنص ويكون عنده ضمير في الشغل،
بص. هما نص مليون اقل مش هقبل انا قولتك اهو; يلا سلام، بلا زيدان بلا بتاع هو اي كافيه ده شغال اللهم بارك لولا ان مش ببقي موجود هنا عشان الشركه مكنتش هشارك حد يلا سلام يا خالد انا هتصرف سلام
ندىٰ ببسمه للماضي
flash back ♡
ندىٰ بطفوله: بابا عايزه اخرج معاك وتكمل بهمس من غير ماما
الاب بنفس الهمس: اكيد هو عندنا. كم ندوش بس البسي بسرعه اعقبال ما البس كمان يلا
ندىٰ بفرحه.:هااي احلا بابي في الدنيا هلبس الفستان بسرعه
ليبتسم الاب لفرحه اول ابنه له فهو يحبها كثيرا
بعد قليل
الاب:يلا يا ندوشي عشان منتاخرش
ندىٰ بفرحه: ايه رائيك يا بابا
الاب وهو يحضنها.احلا بنوته كده كده
الام بتمثيل الزعل:يعني ما ينفعش ابقي. معاكم
ندىٰ بطفوليه: الجو وحش عليكي هتتعبي خليكي هنا امان
ليضحك كل من الاب والام
الاب بضحك:. كما تدين دان يا ساره
ساره:بقي كده طب يلا امشوا من هنا يلا استودعتكم الله
ليذهب كل من الاب و ندىٰ اللي كافيه هادئ
ندىٰ بانبهار: بابا المكان تحفه اللهم بارك يكرا لما اكبر هيبقي عندي كافيه كبير وهخليه اجمل من كده
الاب بابتسامه لابنته ويتحدث بحنان:قولي ان شاء الله وانا هبقي جنبك ديما يلا اشربي عصيرك براحه
End flash ♡
ندى بدموع: ربنا يرحمك يا بابا بس ده عايز نص مليون اجيبهم منين ربنا يرزقني. من حيث لا احتسب
♡♡♡♡♡♡♡♡♡♡♡♡♡♡♡♡
لترجع للبيت
ندىٰ وتفتح النور:السلام عليكم يا اهل الدار
(لازم نقول السلام عليكم واحنا داخلين البيت حتي لو مفيش حد عشان ميدخلش الشيطان معانا )
لتدخل وتقفل الباب
وبعد ساعه تدخل سلمىٰ وتقول السلام
ندىٰ وتضع الاطباق للغده: اقعدي كلي اكيد جعانه اووي
سلمىٰ بجوع: انا طلع عيني من ده دكتور ربنا يهديه ونخلص من دي جامعه
ندىٰ طب سمي الله وتعالي دلوقتي
لتبدا في الاكل وتسمع خبط على الباب
سلمىٰ وهي تاكل:خليكي انا قايمه افتح وتلبس حجابها
سلمىٰ:حاضر حاضر جايه
وتفتح الباب
:السلام عليكم انتي ندىٰ
سلمىٰ باستغراب:لا سلمىٰ اختها مين حضرتك
الشخص بابتسامه:انا...........
كلامكم بيفرق معايا جدا وكل ريآكت مهم ليا اكمل
سؤال خفيف لز كنت مكان ندىٰ قدان المدير كنتم هتعملوا ايه وانتم مظلومين ♡🙃
حدودته #خفايا_الدروب♡
في خفايا الحياه توجد دروب لا نعرف لها مكان ولاكن تاتي لنا بامر الله ♡•
ڰ/ندىٰ ناصر
بارت 2
سلمىٰ: حاضر حاضر جايه
وتفتح الباب
: السلام عليكم انتي ندىٰ
سلمىٰ باستغراب: لا سلمىٰ اختها مين حضرتك
: هنتكلم من على الباب برضوا
ندىٰ من خلف سلمىٰ: معلش اصلنا بنات لوحدنا ومينفعش ندخل حد منعرفهوش مين حضرتك وعايز ايه
: انا محمد احمد السيوفي
سلمىٰ و ندىٰ باستغراب: ايوا مين برضوا
محمد بملل: مش انتي ندىٰ ناصر السيوفي
ندىٰ بهدوء: اه يعني عايز تقول ايه برضوا
محمد بمراره: يعني مجاش كده في بالك ان ممكن اكون ابن عمك مثلا مثلا لسمح الله
سلمىٰ وتوجه كلامه ليه: طب اصبر يا ابن عمي معرفش اننا عندنا اعمام اصلا اوعى بس كده يعم هتفضل مصدوملي
ليبتعد قليلا وينظر لها بصدمه من اسلوبها وعلي النظير الاخر تبتسم ندىٰ علي اسلوب اختها مع اي شب ، وبدات سلمىٰ تنادي على جارتهم بصوت عالي
طنط ام سالم يا طنط
ام سالم بخضه : نعم يا سلمىٰ في حاجه ولا ايه وانت مين يا ابني
ندىٰ بلطف:. اسفين اننا خضناكي يا طنط بس الاستاذ عايز يتكلم معانا وحضرتك عارفه مش هينفع لوحدنا فمعلش تعالي اقعدي معانا لحد ما نشوف عايز ايه
ام سالم بحنان: حاضر يحبيبتي وتتجه نحو بيت ندىٰ وتقول: انا في مقام امهم الله يرحمها يا ابني
ليومئ محمد لها بتفهم
سلمىٰ بادب: اتفضلي يا طنط واتفضل حضرتك وتكمل بسخريه: يا حلاوه يا اولاد عندنا ابن عم في يوم وليله
محمد بهمس: على فكره مش ذنبي انا كمان لسه عارف من اسبوع واعقبال ما عرفت اوصلكم كمان
تسكت سلمىٰ وتدخل الصاله
ندىٰ بادب: اتفضل استاذ محمد احب اعرف ازاي ابن عمي وبابا مقالش انه عنده اخوات ولا كنا بنزور حد ولا حد بيزورنا
محمد بتنهيده: الحكايه وما فيها من اكتر من 25 سنه عم ناصر الله يرحمه وقف قدام جدي عشان يتجوز مامتك وعشان كانت امك من بلد غير بلدنا فده كان مرفوض في العيله تماما ووالدي الحج احمد حاول يهدي الامور بس عم ناصر آصر انه يتجوز والدتك ويجي القاهره اصل احنا من بني سويف وفضل في تواصل مع والدي لمده خمس سنين وللاسف المشاغل اخدتهم
سلمىٰ بغضب : تمام بس جي ليه النهارده يعني مع ان في 20 فاتوا مشفناش ظل حد فيكم حتي
ندىٰ ببعض الحده: سلمىٰ عيب ده ضيف عندنا
ام سالم بتدخل: تعالي يا سلمىٰ معايا المطبخ نعمل حاجه يشربها الاستاذ يلا تعالي بقى واختك تتصرف
لتقوم معاها سلمىٰ وهي مضايقه
ندىٰ بابتسامه: معلش على اسلوبها بس من يوم وفات بابا وهي اسلوبها كده مع اي راجل وخصوصا اننا مرينا بظروف مش احسن حاجه بعد وفات بابا وعلي غفله تظهر وتقول انك ابن عمي برضوا
محمد بتنهيده وتفهم: انا فاهم بس انا كمان معرفش وانا جاي هنا بوصيه والدي ادور عليكم هو كان فاكر انك انتي لوحدك معرفش ان في سلمىٰ كمان
واني اعطيكي ورث عمي الله يرحمه وهو مليون جنيه وده حق البيت والارض
ويخرج اوراق من شنطته ده الورق بكل حاجه لو تحبي تتاكدي عند اي محامي
ندىٰ بهدوء وتفحص الاوراق: انا خريجه حقوق بس شئون وترجمه قانونيه وتنظر له تمام الاوراق سليمه
وتكمل بتسائل: يعني بابا ملوش غير عم احمد بس وهل ليك اخوات
محمد بابتسامه: اه ليكي عمه اسمها حوريه ليكمل بهمس وربنا يبعد شرها عننا ويكمل بصوت عالي نسبيا وليا اخت اسمها مليكه ومقولش فرحتها ازاى لما عرفت ان ليها بنات عم
لتدخل سلمىٰ بالشاي: اتفضل يا كابتن
محمد وهو يقف اسف ان شاءلله مره تانيه يكون بطريقه احسن من دي يلا بعد اذنكم وده رقمي لو حصل اي حاجه انا موجود ويغادر
ام سالم: انا همشي يبنتي لعمك ابو سالم زمانه جي من شغله
ندىٰ: معلش تعبانكي يا طنط بس مش هينفع وحضرتك فاهمه
ام سالم بحنان: فاهمه يا حبيبتي ربنا يرزقكم بولاد الحلال ولو عايزين حاجه نادوا عليا
وتغادر
لتنظر سلمىٰ لندىٰ بتسائل
لتحكي ندىٰ كل ما جرىٰ
♡♡♡♡♡♡♡♡♡♡♡♡♡♡♡♡♡♡
: ما كفايه بقى يا زيدان هتموت نفسك كده شغل شركه وكافيه يعم تابع من الكاميرات الكافيه واهتم بس بالشركه
زيدان وهو يمرر يده على عينه: الكلام سهل يا هيثم بس الفعل صعب
انا بشوف شريك بس كلهم مش حاسس انهم قد المسئوليه عايز حد اطمن علي المكان بوجوده
هيثم: ربنا يعينك يا صحبي وان شاء الله تلاقي حد كويس
زيدان بتنهيده: يارب
♡♡♡♡♡♡♡♡♡
" يعني احنا بقينا مليونيرات خلاص اوعى بقى وتكمل وهي تغني
مليونير مليونير بكرا هبقي مليونير وتقفز فوق السرير
وتضحك عليها ندىٰ جدا
ندىٰ وتحاول تخفف ضحك: يبنتي ده انتي كان ناقص تكبي الشاي علي الراجل وهو قاعد
سلمىٰ وهو تاخذ نفسها: ما هو جي يقول ابن عمي ومعرفش ايه بس بصراحه معرفش ان ولاد العم قمرات كده
ندىٰ وهي تشرب من فنجانها: ممش قولنا نغض بصرنا يا استاذه المهم قومي عشان عندك جامعه بكرا يا سمسمه
سلمىٰ بتسائل: هتعملي ايه بالمبلغ ده ياريت تفتحي مشروع بدل ما تشتغلي عند حد
ندىٰ بتفكير:شكلي هعمل كده فعلا وربنا. يسهل
♡♡♡♡♡♡♡♡♡♡♡♡♡♡♡♡♡♡
"السلام عليكم هو فين صاحب المكان
الويتر:في حاجه احب اساعد فيها حضرتك
ندىٰ ببعض التوتر:هو ممكن بس المدير محتجاه في حاجه
الويتر:طب ثواني اتفضلي اعقبال ما اخد الاذن منه
ندىٰ: تمام هستنىٰ حضرتك
بعد خمس دقايق يسمحلها الويتر بالدخول للمدير
ندىٰ فى نفسها ربنا يسرلي الحال
لتخبط علي الباب وتسمع السماح بالدخول
ندىٰ بهدوء :السلام عليكم
* وعليكم... ويرفع راسه هو انتي بتعملي ايه هنا
ندىٰ بصدمه........
#خفايا_الدروب2
ڰ/ندىٰ ناصر
بارت 3
ندىٰ بهدوء : السلام عليكم وتنصدم من وضع زيدان
هيثم بتمثيل دلع انثوي: ايه يا بيبي موحشتك اخس عليك طب العيال اللي ما بينا حتى اسأل عليهم
زيدان بصدمه وصريخ في هيثم : ابو شكلك يجدع هتخلي الناس تفتكرنا الوان يا متخلف على ابو هزارك الرخم امشي اطلع برا يلا اطلع
هيثم بضحك وهو خارج: بنهزروا يا فواز ايه مبتهزرش معلش يا انسه بهزر والله
ندي تحاول كتم ضحكتها وهي تقف عند الباب
زيدان بتمالك غضبه ويلمم شتاته: اتفضلي يا انسه متأسف علي اللي حصل بس هو مبيعرفش. يميز امتي يهزر
ندىٰ تدخل وتترك الباب مفتوح
زيدان بهدوء: ممكن تقفلي الباب هو سوء تفاهم متخافيش
ندىٰ بتوتر خفيف: خليه كده احسن مش عشان موقف صحابك بس تسكت شويه وتكمل بشويه خجل اتمني حضرتك تفهمني
زيدان بتفهم: تمام اتفضلي كنتي محتاجه مني ايه
ندىٰ تتكلم بحديه: انا سمعت حضرتك انك محتاج شريك في الكافيه وبصراحه شفتها. فرصه كويسه كموقع وتكمل بتنهيده وكحلم حلمت اعمله في يوم من الايام
زيدان بتركيز: وايه يخليني اضمن ان المكان هيتحسن مش هيضيع في ايدك خصوصا ان انا عايز شريك عشان اركز مع شركتي يعني محتاج حد أمين ويعرف يمسك المكان صح ويطوره
ندىٰ بهدوء: الضامن هو الله وكون بالنسبه ليا مش مجرد كافيه لتقديم مشروبات وبس لا بالنسبه ليا عايزه مكان يبقى مكان راحه العميل اللي يجي وسرحت ويبقى الورد الجورى على جنب الكافيه يريح العين ورف الكتب اللي مليان حكايات تخلي الناس يعدي ساعات من غير اي احساس بيه
زيدان بابتسامة: اعتقد عندك احلام كتير بس احب اسألك سؤال ايه رائيك في جمله الزبون مبيغلطتش عامة بقت منتشره في كافيهات عشان الزبون ميعملش شوشره
ندىٰ تاخذ نفس وتخرجه بهدوء: محبش ابقى كلاشيه في الكلام بس انا هقف مع الحق ومهما كان غلط اللي بيشتغل فى الكافيه محدش ليه حق التطاول عليه حتي بنظره مش بكلمه وتكمل الموظف هنا لما يحس ان ليه حق بيتجاب وانه مش مزلول هيشتغل بحب وهيخلي باله اكتر من نفسه لانه تلقائية هيحس ان المكان مكانه ولازم يبقى احسن
زيدان بابتسامة: تمام يا انسه احنا كلمنا كل ده ومعرفتش اسمك
ويمد يده انا زيدان
ندىٰ باحراج: تمد تليفونها بدل يدها. وتقول وانا ندىٰ السيوفي متاسفه مش بسلم
زيدان: ولا يهم حضرتك بكرا اتكني اقابل حضرتك الساعه 9 نتكلم عن النسبه والمبلغ والاوراق المطلوبه
ندىٰ وهي تقف ويقف زيدان لها: عموما اتشرفت بالتعامل مع حضرتك
زيدان؛: الشرف ليا اكيد واتمني الالتزام بالمواعيد
ندىٰ: ان شاءلله بعد اذنك
وتذهب
زيدان في نفسه: والله لربيك يا هيثم الكلب اما اشوفك
♡♡♡♡♡♡♡♡♡♡♡♡♡♡♡♡♡
" خلي بالك من كل. اللي بيحصل انا قولتلك اهو
مش عايز غلطه تاني
* يا باشا هو كان حريص اوي وهو بيدور علي شريك في الكافيه عشان يركز للشركه
" انا قولتلك مليش فيه حرص انت دلوقتي علي نفسك ونلعب براحه لحد ما نخلص منه
* حاضر يا باشا اي أوامر تاني
"لا روح انتى دلوقتي
وبعدهالك يا ابن منصور
♡♡♡♡♡♡♡♡♡♡♡♡♡♡♡♡♡♡
سلمىٰ بملل: ندىٰ انا هنزل اتمشى تيجي معايا
ندىٰ: معلش يا سوسو بجد مشغوله اووي روحي لوحدك معلش
سلمىٰ وهي تدخل غرفتها: خلاص خليكي وانا هتمشى على النيل وارجع الجو ملل موت
ندىٰ وهي تدخل ورائها: مالك بقالك اسبوعين كده مش طايقه ظلك حتى
سلمىٰ بتهرب: يعنى هكون مالي الجو حر وانا فرهوده لوحدي
ندىٰ وهي تجلس على السرير وتضيق عنيها: عليا برضوا بس انا هسيبك دلوقتي ولينا كلام بعدين
سلمىٰ وهي تلف خمارها اللبيج على فستان زيتي: خلصانه يا باشا تحبي اجيب حاجه وانا جايه
ندىٰ بلطافه لاختها: احبك مرتاحه وده اهم حاجه
سلمىٰ تحضنها وتمشي
♡♡♡♡♡♡♡♡♡♡♡♡♡♡♡♡
هيثم وهو بيجري _ يبني كنت بهزر والله ويكمل بصوت انوثي انت بقيت متوحش خالص وده ميصحش خالص
زيدان بيجري وراه بالحزام: انت محتاج تتربى انت تخلي شكلي زباله كده يا معفن لا وكمان مهتميه بالكافيه وحسيت انها تؤتمن تيجي انت تبوظ شكلي تعالي هنا بقولك
هيثم وهو فوق الانتريه وبياخد نفسه : يعم اتهد بقى نفسى بيروح
زيدان ضربه بالحزام: ده انا هطلع روحك للي خلقك يا هيثم الكلب
هيثم بوجع ويجري نحيه باب الشقه:يعم يولع شكلك انت حمار في ضربك يا جدع وقفل الباب بسرعه لما شاف الفاظه بتترمي عليه
هيثم من ورا الباب: مجتش فيا مجتش فيا
زيدان بغضب وصوت عالي:ربنا يوقعك في حاجه انت مش قدها يا بعيد
يروح زيدان للنادي بعد ما يجهز
♡♡♡♡♡♡♡♡♡♡♡♡♡♡♡♡♡
حوريه بغضب:يعني ايه بنت المركوب دي تاخد ورثها لا وكمان ليها اخت
امين جوزها: حوريه لمي يومك عشان مش ناقص وش حريم انا عايز اتخمد ورايا شغل الصبح
حوريه بغيظ:شوف الراجل مهملني ازاي وانا باكل حالي من الغيظ
امين بفقدان صبر : انا لو سكت علي اللي حصل زمان فكنتش متنش دماغي وقولت عيله في بعض لاكن عند حق ايتام فلا يا حوريه وانا وانتي عارفين ان حقهم خمس اضعاف اللي خدوه بس هم مسالوش عن حاجه فلمي يوم احسن
حوريه بغيظ وتلوي شفايفها:وانا عملت ايه زمان امها كانت طمعانه وانا كنت لازم احافظ علي شقى ابوي واخوي بس اخوي طلع غبي ومشي وراها
امين وهو يخرج من الغرفه:انا سايبلك القوضى خالص اولعي بيها بسم عقلك ده
حوريه بغضب: ماشي يا امين ماشي ما هو برضوا مش هسيبهم ولاد صفاء كده بالساهل
♡♡♡♡♡♡♡
مالك يا سلمىٰ ايه مضايقك كده اوعى الدكتور لسه بيضايقك
سلمىٰ بضيق:لسه يا ساره وبجد تعبت من كتر ما بصده وهو بارد يا ناس
ساره بتفكير:مش قولتي ليكي ابن عم متكلميه ويخلصلك من الوضع ده
سلمىٰ بسرعه:اكلم مين انتي بتهزري وبتاع ايه اكلمه وانا معرفهوش اصلا يعتبر فكك وربنا يخلصني من دكتور سليم قريب
سليم بخبث_ انتي عارفه تخلصي مني ازاى اسمعي الكلام وانتي ترتاحي وتاخدي امتيازك وبمرتبه الشرف كمان وانتي في مكانك
_ وانت الصادق هتاخد عزاك وانت واقف
______________
#خفايا_الدروب♡
ڰ/ندىٰ ناصر
ها نحن نعيش دروي لا نعلم لا باب لكنها دروبنا وحدنا ♡
بارت4
بس ليه يا بابا مقولتش ان ليا بنات عم من زمان بدل ما انا مش عارفه اتعامل مع بنات عمتي حوريه
احمد: يبنتي كان اتفاق عمك ناصر الله يرحمه محدش يعرف عنه حاجه ولا بناته بالذات يا مليكه
مليكه بحزن وتسائل: كنت بتحبه اووي يبابا
احمد بحنين: بحبه بس ده اخويا يا بنتي والاخ سند وناصر كان معايا في كل حاجه من واحنا عيال وحوريه ديما تخانق ويانا عشان بنلعب بالكوره وهي لا لولا الذكريات الحلوه يبنتي مكنش حد عارف يعيش ايامه القاسيه دي الله يرحم الغاليين قومي اعملي كوبيه قهوه من ايدك الحلوين دول
مليكه وهي تبوس راسه: والله ما في احلا منك انت يا حجوج
حوريه بقرف: ايه الدلع الماسخ ده. مش شايف انها قربت تبقى عانس جراتنا وانت سيبها اقده من غير جواز ولا عيل ولا تيل
احمد باستفزاز ودلع لبنته: بنتي في بيت ابوها والدلع كله ليها ومالي عنيها الدلع والعز وهي غاليه ابوها وميخدهاش مني غير الغالي واللي يعرف قيمتها
وقولتها ومش هعيد حكي تاني يا حوريه بنتي ملكيش صالح بيها اهتمي بحالك واتركي حال بنتي
حوريه بغيظ: حاضر يا خوي وهو اكده اللي يحكي لمصلحتكم كانه بياكل جسمكم انا رايحه بيتي ومهملاكم خالص
وتتركم تحت انظار مليكه بفخر بكلام ابوها
♡♡♡♡♡♡♡♡♡♡♡♡♡♡♡
سلمىٰ بخوف: والله ما عملت حاجه ياحضرت العميد
محمد بسخريه: حضرت العميد ايه بس انطقي كلامك عدل الاول
سلمىٰ بتبصله بغضب: وربنا حسابنا بعدين
محمد وقف بغضب قدامها: فكراني بقرون مثلا عشان اسمعه بيكلمك كده ومخلهوش يسوا تعريفه في الدنيا
العميد: اتفضل استاذ محمد انا خلاص عملتله رفض من الجامعه ومش هيتكرر تاني اللي حصل مع استاذه سلمىٰ
محمد وهو يجلس ورجل فوق رجل: دي اقل حاجه وحضرتك عارف مين هو محمد السيوفي وكونه قرب من خطيبتي فده مش هقبل بيه خالص
العميد بسرعه: احنا عارفين حضرتك كويس وكنت اتمني حضرتك في وقت احسن من كده وتقدري تشوفي محضراتك استاذه سلمىٰ
سلمىٰ باستغراب لاحترام العميد لمحمد وتقول بهمس: الواد ده ماسك ايه علي العميد ده معروف انه جشع ومش بيسمع لاي شكوى
محمد يسمعها بسبب وقوفها جنبه: انا همشي واي حاجه هتزعلها هتربق الجامعه كلها
وياخد سلمىٰ لخارج الجامعه
سلمىٰ بغضب: هو ايه اصله ده انت دافع كام للعميد ولا ماسك عليه ايه
محمد باستفزاز: اصله هتعرفيه بعدين ويكمل بغضب وهو انا مش عطيت رقمي ليكم عشان لو حصل حاجه تقوليلي متنيلتيش ليه تتصلي ولا كنتي مستنيه لما يحصل منه فعل
سلمىٰ بغضب وتبدا عيونها بالدموع : انت مين اصلا عشان تكلمني كده مفيش حد اتجرأ انه يعلي صوته عليا واكلمك ازاي هو انا اعرفك غير من يومين وانك ابن عمي يا سلام يا ابن عمي وتاني مره بقولك اهو متحاولش تعلي صوتك عليا
وجت تمشي
محمد وهو يمسك ايدها: استني انا مقصدش ازعلك بس انا اعمل ايه لما الاقيه بيكلمك كده دمي اتحرك
سلمىٰ وهي تبعد ايده: تروح تبهدل وشه كده ده انت خفيت ملامحه بجد
محمد: احمدي الله ان مكسرتلوش وشه اصلا ويلا عشان اوصلك
سلمىٰ وهي تتركه وتمشي: انت زي الغريب بس الفرق صله القرابه يعني مينفعش اركب معاك
محمد وهو يقفل باب العربيه ويمشي جنبها بهدوء: يبقى اوصلك برضوا بالمواصلات العامه احنا بنعرف نتصرف برضوا
سلمىٰ بنظره جانبيه: بارد وطلعلي بالبخت الاسود
محمد باستفزاز: سامعك علي فكره
♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡
* ايه مفيش اخبار
" فيه انه عايز يخلي حد شريك في الكافيه وشكله لاقى حد
* تشوفلي نيه الشريك معاه يمكن يسهلنا العب
" هي واحده يا ريس وكمان شكلها كده نضيف يعني مش بتاعت لعب ولف
* كلهم بيبقوا كده في الاول شوف انت بس ومن غير ولا غلطه فاهم
" اكيد يا ريس مع السلامه انت
❀❀❀❀❀❀❀❀❀❀❀❀✿❀❀
سلمىٰ وهي بتاكل: يبقى يا كلب البحر كده تجري اول نوصل للعميد امال طول الخناقه عماله تقولي انا جنبك انا معاكي
ساره بضحك: ياماما فضلنا سنه اضيع حياتي علي موقف وده العميد اسهل حاجه عنده الرفض اصلا بس غريبه انه لم المشكله ورفض الدكتور سليم
سلمىٰ بتفكير: ما هو ده اللي مستغرباه اووي بجد بس فكك المهم خلصت من ده دكتور روحي بقي عشان اكيد في دكتور جديد بكرا ويارب يبقى عدل
ساره: ان شاءلله خير باي يا عيوني
سلمىٰ: باي وتقفل التليفون وتخرج عند ندىٰ
سلمىٰ وهي بتقعد جنب ندىٰ في الصاله: مالك من الصبح وانتي ماسكه النوته وعماله تكتبي ورحتي فين النهارده عشان رجت ملقتكيش
ندىٰ وهي بتسيب النوته: بصي انا هدخل شريكه في الكافيه بالنص ان شاءلله
سلمىٰ بحماس: يولا يولا كافيه ايه ده ده انا هعزم براحتي بعد كده واغيظ البت سوزي اللي فاكره نفسها اغني الناس
ندىٰ وهي بتضرب سلمىٰ علي دماغها: هتعقلي امتي ها وبعدين لسه هتفق بكرا مع صاحب الكافيه وان شاءلله نمضي العقود
اما بقى كافيه ايه فاكره الكافيه اللي توهتي في مره ولنا كلمتيني اجيلك وصفتيلي كافيه اهو ده الكافيه اللي جتلك عنده
سلمىٰ وهى بتفتكر: اهو بس ده كافيه كبير واكيد بالنص يبقى مبلغ
ندىٰ: اه بس المبلغ لسه هتاكد منه بكرا بقولك بس لما سمعته في مره قال نص مليون وده مش قليل على الكافيه وكمان ده حلمي وبدل مرمطه الشركه
سلمىٰ وهي تضيق عنيها: وصاحب الكافيه مز ولا راجل كبير
ندىٰ وهي بتاخد المخده من جنبها وتحدفها علي سلمىٰ: والله انا بشك في تربيتي ليكي قومي قومي جهزي العشاء اعقبال ما اضبط الدنيا
سلمىٰ وهي تجري للمطبخ وتغمز ل ندىٰ: سيبالك يمك الدنيا توقع شباكها
ندىٰ بضحك: وربي مجنونه
_________________
احمد: يعني هما كويسين
محمد: والله يبابا كويسين وبراقبهم من بعيد زي ما طلبت ندىٰ مسئوله وعاقله فى تصرفاتها اما سلمىٰ لسانها عايز يتلم
احمد بضحك: وانا اقول متعصب ليه شكلك اتخانق وياها
محمد بضيق: ولا خناقه ولا حاجه اهم حاجه عمتي تبعد عنهم انت عارف حوارتها اللي مش بتخلص
احمد بانتباه: مخلي بالي كويس يا ابني مش عارف هخلص ميتى من دماغها دي
محمد: ربنا يسهل الحال يبوي اسيبك دلوقتي عشان الشغل وسلملي علي المجنونه مليكه
مليكه وهي تاخد التليفون من ابوها: انا مجنونه يا حمو مكنش العشم يا خويا
محمد بضحك: علي اساس انك مش عارفه انك مجنونه وبعدين بقي كلامك مصري اووي
مليكه بتفاخر: يولد ابوي احنا قدرات ماشيه علي الارض وتكمل بمرح قول بس ولاد عمي مزز ولا ايه الدنيا
محمد بخجل: بقولك ايه هقفل ورايا شغل سلام ويقفل التليفون
مليكه بتكلم ابوها: والله الواد شكله قرب يقع
وتضحك هى وبباها
♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡
سلمىٰ وهي علي السرير وتبص للسقف وتكلم بصوت عالي:
هو امتي هتجوز بقى انا زهقت عايزه قره عين لي يا ناس
ندىٰ وبترمي المخده عليها:عايزه اتخمد يبت انتي بقى ورايا كارير يا ام قره عين اتوكسي ده انا بقولك اغرفي الاكل تروحي تحرقي الاكل هتتجوزي ازاي
سلمىٰ وهي بتحدف المخده ل ندىٰ تاني: هو انتي تخصص حدف مخدات وبعدين انا عايزه واحد شاطر في المطبخ
ندىٰوهي تنام: طب لو لقيتي واحد ابقي قوليلي
وقبل ما تنام...............
#خفايا_الدروب
ڰ/ندىٰ ناصر
تفاعل ورائيكم مش مجرد كلمه ولا استيكر 💗❤️🩹
بارت 5
ندىٰ وهي تقوم تقعد على السرير: مين يخبط في ساعه زي. دي
سلمىٰ بهزار: يمكن قره عيني جي ياخدني منك
ندىٰ وهي بتلبس اسدالها: يشيخه تبا ليكي ما انتي اسلوبك يطفش القرد
وتخرج للباب
ندىٰ من ورا الباب: مين
ام سالم: انا ام سالم يا ندىٰ
ندىٰ تفتح بابتسامة بشوشه: في حاجه يا طنط حضرتك بخير وعمو؟!
ام سالم بزعل: انا هبات معاكم النهارده وخليه هو لوحده بقى
ندى: طب ادخلي وفهمينا ايه اللي حصل عشان قلبك يقوى على حبيب القلب كده
تدخل ام سالم و ندىٰ تقعد معاها و سلمىٰ تخرج ليهم
سلمىٰ وهى ترمي نفسها على الكنبه: الجميل زعلان ليه بس كده
ام سالم بزعل: يرضيكم يصلي العشاء لوحده وميصحنيش اصلي معاه حاضر زي كل يوم يروح هو يصلي ويسبني نايمه وياخد حسنات اكتر مني
ندىٰ بابتسامة حنونه وهي بتقرب منها وتحط ايدها علي خدها: هو انتي متخانقه عشان كده بجد يعني مفيش خناق زعيق اي نوع من انواع التطاولات مثلا
ام سالم وهي تضع ايدها علي صدرها: تطاولات ايه بس عمك ابو سالم مفيش اطيب منه ولا في رجولته اصل مش اي راجل يبقى راجل غير لو مخلي مراته تشكر فيه من طيبته معاها بس هو عايز يخلي في فرق بينا في الجنه ان شاءلله
سلمىٰ بابتسامة وضحكه خفيفه: يارب اوعدنا قره عين زي عم ابو سالم عشان الحياه قاسيه لوحدها من غير حبيب
ام سالم بضحك: والله تستاهلوا رجاله ملو هدومهم ويهننوكم ده كفايا خفه دمكم وادابكم وجمالكم
ندىٰ: تسلميلي يا طنط البيت بيتك ومطرحك بس متفهمنيش غلط انتي هتقدري تبعدي عنه ده احنا عارفين البير وغطاه برضوا
ام سالم بكسوف: والله ثانيه وحياتي هو اصلا هتلاقيه بيخبط دلوقتي
وفعلا في نفس اللحظه خبط الباب
سلمىٰ بابتسامةبلهاء: بركاتك يا طنط علمينا السر الجامد ده
ام سالم: اختشي يا بت تعالي يا ندىٰ لمي اختك عشان ماشيه ومعلش سهرتكم
ندىٰ من المطبخ: استني اعملك الشاي
ام سالم من علي الباب: لا يخبيبتي اشرب شرباتك قريب ان شاءلله
ام سالم قدام شقتها
ابو سالم بحنان: يرضيكي عيني متتاملش جمال عيونك دول
ام سالم بكسوف: يراجل اختشي ده احنا قدام الباب
ابو سالم بحب: ده انا اجيب ميكروفون واسمعهم الحب يبقى ازاي ويمسك ايدها ويبوسها حقك علي قلبي بس حسيتك تعبانه قولت اسيبك تنامي
ام سالم بحب: مسمحاك بس متعملهاش تاني عايزه ابقىمعاك في الجنه
ابو سالم: طب تعالي عشان نصلي مع بعض واعوضك بقراءه سوره طه يستي
« اتيتك بعد ضلتي وجت يدك مأمني فكيف اترك ليلي يمضي دوني بدري بين اضلعي» گ/ندىٰ ناصر
♡♡♡♡♡♡♡♡♡♡♡♡♡♡♡♡♡♡♡♡♡♡♡
في صباح جميل بورد الچوري الجميل
سلمىٰ تخرج من الاقوضى: بطني بتوجعني اوي يا ندىٰ
ندىٰ وهي تسقي ورد الچوري: اعملك حاجه دافيه طيب ولا في حاجه موتراكي مهو انتي مش بتتعبي كده غير لما تتوتري
سلمىٰ وهي تعدل حجابها: اه في دكتور جاي جديد وانتي عارفه الواحد بيصدق لما يتعامل مع دكاتره من اول السنه
ندىٰ وهي بتقرب منها وتحط الفيونكه للخمار: انتي شطوره مهما كان الدكتور مين ويستي اعملي اللي عليكي وسيبي الباقي علي ربك المهم اذكار يا استاذه
وانا مجهزالك اكلك
سلمىٰ بتسأل: امال لبسه ورايحه فين كده بدري
ندىٰ: رايحه معاد عشان الكافيه دعواتك
وكانت ترتدي ميني دريس بينك اسفله جيبه بيضه وخمار ديجيتال يجمع بين البينك والابيض وكوتش ابيض وشنطه بينك
♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡
هيثم بهزار: متشيك ورايح فين كده اوعا يواد تقابل بنت كده ولا كده ده انا اعملك فرح وقتها وما هصدق بجد
زيدلن ويسيب البرفان: ما هو بنت فعلا بس مش اللي في دماغك يا كلب ده عشان الكافيه
هيثم بغمزه: حلوه قول قول متخبيش
زيدان بنظره جانبيه: طبيبعتها مختلفه بنت محافظه بحجابها فستان واسع من غير ميكب لبقه في الكلام مش من البنات اللي بنشفها بس هو تعامل شغل بس مش اكتر
هيثم وهو بيبصله ويحط ايده علي خده: شغل شغل هو احنا قولنا حاجه
زيدان وهو ياخد مفاتيحه: هيثم هو معندكش شغل ولا بيت محتاجك
هيثم بتمثيل الزعل: يعم سيبلك البيت وماشي اصلا عندي شغل وممكن اغيب اسبوع كده
زيدان: خلي بالك من نفسك يعم لحد ماربنا يسهل
♡♡♡♡♡♡♡
تصل ندىٰ للكافيه وتبص للمكان بكل تفاصيله
من حولها وتسمع صوت من وراها
: اتاخرت عليكي
ندىٰ تلف : ابدا انا لسه واصله من دقايق
زيدان: اتفضلي في المكتب ولا تحبي هنا
ندىٰ بابتسامة: خليها هنا احسن الجو جميل النهارده
زيدان: مفيش مشكله زي ما تحبي اتفضلي على التربيزه دي
♡♡♡♡♡♡♡♡♡♡
علي التربيزه
زيدان بابتسامة: تحبي تشربي ايه
ندىٰ: لا شكرا عايزه اعرف ايه هي شروط حضرتك والسعر وكل الامور دي
زيدان بهدوء: انا صاحب شركه للاستيراد والتصدير و الكافيه كنت فاتحه وانا بدرس فهو بالنسبه ليا كتير اووي ومش عايزه يضيع ولا يتقفل انا بالنسبه ليا ده مش مجرد كافيه شغل ده مكان بنيته بكل جهدي كله فكون عايز شريك وهيكون بالنص ان شاءلله
ندىٰ بابتسامة: اللهم بارك المكان فعلا جميل وباين فيه. المجهود في التفاصيل وزي ما قولت لحضرتك هو مش مجرد مكان ليا ده حلم قديم مجتش فرصه ان احققه غير دلوقتي وان شاءلله اكون قده جدا بس النسيه حضرتك قولت النص فالمبلغ هيبقى كام
زيدان: هو هيبقى نص مليون وده اقل حاجه اكيد حضرتك عارفه
ندىٰ بجديه: الصراحه عارفه ان ده اقل حاجه وانا موافقه تحب امتى نمضي العقود
زيدان: اتصل على المحامي دلوقتي مفيش مشكله
ندىٰ: بس انا مش معايا المبلغ كاش حاليا فمش هينفع امضي من غير ما اسلم حضرتك حقك
زيدان بابتسامة ليخفف التوتر : فلوس ايه بس احنا شركاء واكيد يا استاذه ندىٰ مش هتاكلي حقي اتفضلي معايا جو اعرفك المكان باللي بيساعدوا في نظامه لحد ما يجي المحامي
ندىٰ تهز راسها علامه على الموافقه وتمشي نحيه الكافيه لجوا
زيدان في نص الكافيه بصوت عالي نسبيه: ممكن الكل يجتمع حاليا لمده خمس دقايق
ليجتمع الكل ويقفوا جنب بعض
زيدان: صباح الخير الاول
الكل يرد صباح الخير
زيدان: احب اعرفكم باستاذه ندىٰ هتبقى شريكتى النص يعني هى ليها زي في كل حاجه اتمني تعرفوها بنفسكم
وبعد ما كل احد عرفها بنفسه لتبدا ندىٰ بتعريف نفسها
انا ندىٰ ناصر السيوفي: خريجه حقوق شئون وترجمه قانونيه عمري 23 سنه اتمني وجودي يبقى خفيف علي قلوبكم
لتاتيها المباركات علي كونها شريكه في الكافيه
زيدان بيكلم ندىٰ : استاذه ندىٰ المحامي وصل ممكن تيجي معايا المكتب
ندىٰ: اكيد اتفضل
♡♡♡♡♡♡♡♡♡♡♡♡♡♡♡♡♡♡♡♡♡♡♡♡
سلمىٰ في الموقف للعربيات:
فينك يا ساره هفضل كل ده مستياكي يعني
ساره بأسف: اسفه يا سلمىٰ مش جايه النهارده رايحه مع ماما عند الدكتور النهارده
سلمىٰ: يعني هروح لوحدي النهارده في اكتر يوم محتجاكي جنبي فيه يا ساره
: ممكن اونسك انا يا جميل بدل صحبتك
سلمىٰ لسه هترد لاقت اللي بيضرب اللي بيضايقها
محمد بغضب ليها: اسبقيني علي العربيه
سلمىٰ لسه هتعترض
محمد بغضب: والله لو مركبتي دلوقتي لخليي الموقف كله يخرب عليها وطيها
لتركب سلمىٰ العرببه خوف من غضبه
الناس تحاول تشيل الولد من ايد محمد لحد ما يبعد عنه ويىكب العربيه
محمود بيركب ويشوف سلمىٰ مركزه مع شكل الولد وهي بتقص ظوافرها باسنانها: عجبك انتي كل شويه ابهدل حد عشانك
سلمىٰ بغضب وتبصله: انت مالك انا بعرف اخد حقي كبرت الموضوع اووي و
محمد بغضب: مسمعش صوتك لحد الجامعه وهاخدك بعد الجامعه وهاتي رقم اختك اعرفها وربي وما. اعبد يا سلمىٰ المح واحد يكلمك بس تاني وانتي عارفه تعاملي
سلمىٰ بغضب وصوت عالي: انت ايه يدخلك في حياتي اصلا انت مجرد ابن عم اصلا يعني ملكش اي حق وطول عمري بدافع عن نفسي ومش بلجئ لحد يعني مش ضعيفه يا استاذ انت عشان تكلمني كده ووصلني الجامعه عشان اخرتني وانا مش ناقصه خالص وانت اسهل حاجه عندك مد الايد
محمد يشغل العربيه ويديها التليفون: اكتبي رقمك ورقم اختك اخلصي وايدي بتتمد علي اللي بيفكر يجي جنب حاجه تخصني ومسمعش كلمه لحد ما نوصل فاهمه
سلمىٰ: ل...
محمد بصوت عالي: فااااهمه
سلمىٰ بغضب تاخد التليفون: فاهمه ومترفعش صوتك تاني عليا وتكتب الارقام وتبص للشباك بسكوت
محمد يوصلها الجامعه و سلمىٰ تنزل من غير كلام
محمد بهدوء: سلمىٰ استني
سلمىٰ تقف ومن غير ما تلف
محمد: انا اسف بس سمي اللي يكلم حد يخصني وانا واقف
تلف سلمىٰ ليه: انا مش بخص حد انا بخص نفسي فاهم وصوتك ميعلاش عليا تاني بكره الصوت العالي فاهم ولو سمحت ابعد عني انا بعرف ادافع عن حالي وانا كنت متوتره لوحدي اصلا وزودت البلا طين اكتر انا ماشيه وياريت ملكش دعوه بيا بقى
محمد بهدوء وابتسامه مستفزه: والله انتي تخصيني يا بنت عمي ها وصوتي مش هيعلا تاني مش عشانك بس شكله بتتعبي منه
سلمىٰ تبصله بسكوت لما اتكلم عن تعبها
ليكمل بملاحظه سكوتها.: سلمىٰ روحي محاضرتك وانا هوصلك وده مفهوش نقاش وربنا يوفقك واستني و يلف يفتح العربيه ويجيب منها حاجه ويديهالها: ده كوره حلوه بتهدي العصبيه
سلمىٰ بتبصله بصدمه:خليهالك احسن يا بارد وبعدين معندكش شغل ولا عواطلي انت ياخي شوف حياتك بعيد عني
وتمشي وتدخل اول محاضره
_____
فى المدرج
• بس بس بس بت يا سلمىٰ
سلمىٰ بتمالك عصبيتها وتلف وراها:ايه يا لارا ايه ماما بتنادي قطه
لارا بضحكه: اسفين يا قطتي متعرفيش اي اخبار عن الدكتور الجديد بيقولوا انه شب
سلمىٰ: شايب ولا شب المهم نخلص
لارا باعجاب: شايب ايه بس ده قلبي اللي شايب من الجمال
سلمىٰ بقرف:والله انكم بنات اخر زمن ولسه هتلف
سلمىٰ بصدمه: وده ايه جابه هنا يارب ما يكون اللي في بالي
_____________________________
هيثم بجديه:يفندم انا مقولتش حاجه لده كله انا ضابظ مخابرات مش ضابظ مرور عشان تكلمني كده; وانا فاهم شغلي يا حضرت العقيد
العقيد: هيثم انت من اكفئ الضباط وحياتك تهمنا فبلاش السفريه دي انت لازم تروح بني سويف هناك في صفقه بتحصل هناك ومنعرفش عنها غير حاجات بسيطه وانت عارف ايه المطلوب
هيثم ويمسح وشه علامه علي الغضب:يعني مش هسافر حاضر يا فندم اللي تأمر بيه المفروض السفر امتي
العقيد:خلال اسبوع من النهارده
هيثم:حاضر يا فندم اى اوامر تانيه
العقيد: لا ضبط امورك سلام دلوقتي
هيثم:سلام يا فندم نفس اعرف عين مين في خياتي وانا هقتله
♡♡♡♡♡♡♡♡♡♡♡♡♡♡♡♡♡♡♡♡♡♡♡♡
#خفايا_الدروب♡
ڰ/ندىٰ ناصر
تكملة الرواية من هنااااااااا
لمتابعة باقى الرواية زورو قناتنا علي التليجرام من هناااااااااا
بدل ماتدور وتبحث علي الروايات عمل
متابعه لصفحتنا على فيس بوك هنااااااااااا
الرواية كاملةمن هناااااااااا
مجمع الروايات الكامله 1اضغط هناااااااا
مجمع الروايات الكاملة 2 اضغط هناااااا
تعليقات
إرسال تعليق