رواية حمواتي التؤام الفصل الأول والثاني والثالث والرابع والخامس بقلم الكاتبة أميرة سليمان حصريه في مدونة موسوعة القصص والروايات
رواية حمواتي التؤام الفصل الأول والثاني والثالث والرابع والخامس بقلم الكاتبة أميرة سليمان حصريه في مدونة موسوعة القصص والروايات
في الوقت ل حمواتي زوز رافضين الزواج رغم هم مواليد 91 م اصريت على راجلي يعطيهم لين وحده بسيف عليها خطبتها ل خالي منين تزوجت خوهم كل ما يمشي للعمل ي صكروا على روحهم الدار و ي خدموا في خدمة غريبة 💔 مش مفهوم شن يديروا لين جاي يوم موعد العرس حماتي وحدة منهم هم زوز تؤام في
يوم الخميس ب تحديد يوم الحفلة إمتاع الصالة كان كل شي ماشي تمام في العرس الا العروسة كل شويه تقول نبي الحمام لين الناس استغربت خالي منين شافها حبها هم زوز الخوات يهبلوا جمال طاغي لاكن أفعالهم غريبة لين تحشمنا قدام الناس كل شوية تبي الحمام لين العرس صار فيه توتر و تعطل في الحمام و الفيلو تعبى ميه لين جاي خالي ألقاها في الحمام طلعت من الحمام طول على السيارة تم العرس و الناس أبدت تدوي روحت ل حوشي بعد الحفلة و راجلي يقولي خيرك شن فيه منين روحتي هكي شن صار في الصالة قتله لا شي الحمد الله الامور كويسة قعدت نمسح
في المكياج و خاطري نعرف اخواته شن وراءهم لين مع ساعة 3 خالي كلمني على الفيس قالي نايضة قتله ايه شن فيه قالي البنت رقدت خيرها تعبانة صار شي قتله ممكن بطنها ناضت عليها قالي تمام و قعدوا في علامات تعجب في رأسي مع الصبح غفيت من التعب ارقدت في غرفة المعيشة
راجلي نسمع فيه يقولي ماشي ل اختي و امي قتله باهي و رجعت رقدت ننصدم ب هاتفي يرن و يعاود ثاني ألقيته رقم الصالة إمتاع العرس رديت عليها قاتلي انتم اصحاب الحفلة إمتاع امس قتلها اي و اني لا دفعت مبلغ تفضلي شن فيه قاتلي تعالي بسرعة للصالة كلمت جارتي و امشيت اني و إياها قاتلي نبيك بروحك جارتي طلعت برا نحسابه في غلظ في الفلوس قاتلي لا غير تعالي فتحت باب الحمام و الصدمة 😰..
الحلقة 2
بعد عرس حماتي على خالي اتصلت
بيه مشرفة الصالة قاتلي تعالي بسرعة
امشيت نجري نحساب في نقص في الفلوس قعمزت معاها قتلها خير ان شاء الله قاتلي احنا اول مرة نشبحوا عرس زي هذا قتلها العروسة بطنها ناضت عليها هذا علاش صار توتر و قعدت كل شويه في الحمام و تلخبط كل شي في العرس قاتلي بس 💔 ل القيته في الحمام شي كبير اول ما افتحت باب الحمام القينا دم على باقة العروس و ملوحه في الحوض لين مصكره
الدنيا قاتلي علاش لوحت الباقة فيها دم منين جاي الدم هذا اني زمطت ريقي قتلها نزيد ليك حق تصليح الحمام فكينا من شهدرة و طلعت و سكتت على الموضوع
لين اتصلت ب خالي قتله شن جو العروس معاك قالي ترقد هلبا حماتك الباقي الامور عادية و كان جوه بكل معصب واضح الوضع مش عاجبه مش فاهمه اني شن وراءها حماتي و هي اختها غريبات هلبا
في ليل بتحديد و اني مقعمزة جنب راجلي قتله علاش أمك ولت مقعده هكي فجأة رغم أنها صغيرة في السن قالي طاحت
قتله اها اي قتله علاش وين نمشوا غادي
ما تبيش تخش ليها قالي ماهو دير في حركات تكتب في الورقة على أساس اخواتي يضربوا فيها و الكلام هذا كذب و مستحيل قتله كيف عرفت قالي ماهو عارفهم كيف يحبوا أمهم و مش م نقصين شي من دواء من كل شي مأكلة و نظافة قتله باهي تمام حاسه في حاجات كبيرة
قعده تصير في يوم الثاني راجلي سافر ل شغلة في المطار عنده رحلة ل مصر 💔
خلى ليا السيارة و امشي توكل ل خدمته
ضميت حوشي 💔 و امشيت قلت خلي ندير دورة على حماتي ل قعدت و أمها امشيت ما قلتيش اني جايه اني كيف جيت ب ندق على الباب نسمع فيها تعيط على أمها ب اختي ربي ساتر عليها و انتي لازم تسكتي فكينا من جو الكتابة إمتاع الورق اني روحت نرعش مع بعضي قعدت ثلاثه ايام مريضة في حوشي 💔 لين و اني راقدة في ليل مع ساعة 3 يتصل بيه خالي يقولي تعالي بسرعة ل حوشي 💔 قتله شن فيه غير شن فيه قالي تعالي شوفي مش عارفه كيف لبست كيف ولعت السيارة وصلت في حوش خالي لين ألقيت خوالي و خالاتي و امي و الكل واقفين وين خشيت ننصدم ب...تابع
الحلقة 3
وين خشيت ل حوش مرت خالي ل هي حماتي بعد ما خالي اتصل بيه في نصف ليل قالي تعالي شوفي حماتك و الصدمة
اول ما خشيت القيتها تضحك بشكل جنوني قتله شن فيه خيرها قالي خالي ليها
ساعة على الحالة هاذي قتله بلكي تلبست
ركبنا في السيارة و ي حليلي و في الإشارة
الناس كلها تشبح لينا كيف تضحك لين جانا
المرور و خالي كذب عليه قاليه مسحورة لين وصلنا للجنة إمتاع ...نزل خالي يدور في شيخ لين الحارس إمتاع المبنى قال توا ما فيش حد راهو خيركم يا جماعة الخير
في الصبح فقط قاليه خالي راهو تعبانة ساعدنا قال خلي نجرب حضي و نكلمهم
اتصل حكم بيهم كلهم الناس راقدة لين رد واحد منهم قاليه اهو الفجر توا كيف خش وقته خلي نصلي توا نجي قعدنا قدام المبنى لين الحارس قال لي خالي متأكد مسحورة المرأة قاليه خالي شن تقصد
قاليه شي و رجع مكانه قعدنا ساعة ب زبط
وهي تضحك بروحها لين اني قلبي وجعني
و قعدت نبكي و نزلت من السيارة نبي نفس و هواء بس 💔 و الصدمة 😧
نشبح في شيخ جاي ب سيارته قال
ل خالي نزلها نزلنا بيها اني و امي و هي
كيف ابديه يقرأ سكت قاله خالي خيرك يا شيخ قاله المرأة ما فيها شي هاذي حالة نفسية ممكن لاكن حاجة روحيه لا خالي أنصدم رفعناها طول للعيادة أعطاها الدكتور مهدي لين رقدت و ناديت اختها
قاتلي اختي ما فيها شي و الصبح مع ساعة 11 ناضت و أمورها كويسة روحنا بيها ما القينا تفسير لا منها و لا من أهلها رجعت ل حياتها ما فيها شي بس قعدت في علامة
تعجب قلت توا ايجي راجلي من السفر ب نشبح شن قصتهم اول ما روح قتله على كل شي مشي يجري يحقق معاها و ما خلى شن قال ليها لازم تحافظي على حياتك الزوجية القيتها باعته رسالة شكرا يا عوادة
وجعتني و سكتت فات ايام و جت ايام اتصلت بيه قتلها شن تبي قاتلي اليوم عيد ميلادي اني و اختي و امدايرين حفلة في استراحة إمتاع خالك قتلها باهي و صكرت
في وجهها ما نبيش نمشي قبل لاكن راجلي
قالي ما تجيش امشيت حتى هدية ما رفعت قعمزت غير على خاطر راجلي بس
كيف شربت و تعشيت معاها ننصدم ب
أحقر موقف صار في حياتي يا حليلي بس
منين ألقيت روحي... تابع
الحلقة 4
ألقيت روحي في عيد ميلاد حماتي نضحك بروحي مش عارفه علاش فجأة لين طحت في المسبح و جونا الرجالة يجروا و نقلب عيد الميلاد ل عياط و اني نضحك مش عارفه شن قاعد يصير لين نضت ألقيت روحي على سرير المستشفى قالي راجلي هذا غير اختي دارت العار و تضحك اهو انتي ل هكي و تتبلي على اختي اني نبكي و نحلف نقوليه اني مش عارفه علاش درت هكي قالي بري عند اهلك و خلاني في العيادة بروحي اهو كيف طلع من العيادة و معاه اخواته قاتلي دكتورة مبروك عليك قتلها شن هو ل مبروك قاتلي انتي حامل
روحت بيه بوي في السيارة و دموعي على خدودي اقعد بوي يكلم فيه يقوله البنت كنت تتعشى معاهم فجأة جتها الحالة قاليه
بنت ملبوسه و ترمي فيه على اخواتي
اسكت بوي قالي اهو بنتي حوش اهلك
يرحب بيك كل يوم بطني تكبر و اني
نبكي من ظلم عارفتهم تعشن دارو ليا
لاكن ديمة ندعي في ربي يفضحها هي
و اختها قعدت عند اهلي حكم تسعة شهور لين جاي موعد ولادة دار روحه جاي للعيادة
و خلص العملية و بعد ولادة قال ل بوي مرتي تروح عندي ل حوشها و تأخد قدرها روحت على خاطر بنتي ل عمرها اسبوع شبس 💔 قلت حرام نخرب حوشي لين وصلت ل 40 يوم قالي خلي نذبح
و نديروا لمة للبنت قتله تمام جهز كل شي هو و اخواته و دارو كل شي في حوش أهله و امشيت اني بس ب بنتي القيتهم
امدايرين صالة متنقلة في جنان و زمزامات و شركة تنظيم و جو قعمزت و اني لابسة صدرة و جو حطيت البنت في دار داخل
و حدة من حمواتي كانت مش على بعضها
دايخة وسط تصفيق و الاغاني و الرقص
و ريحة الوشق و جو لي شايش حماتي داخت و قاتلي اني ماشيه داخل ب نقعد مع البنت بعد ربع ساعة من كلام هذا ناضت المنشطة قالت جيبوا المولدة هي خلي نديروا جو شوية معاها خشت أمي ب تجيبها جت تجري و تعيط لين امشينا نجروا من الخيمة أمي قاتلي تعالي زودي البنت مهناش خشينا دار القينا حماتي راقدة
و البنت مهناش و الصدمة 😰....تابع
الحلقة 5
في يوم لمة بنتي أول بنت ليا و اني و الناس في الخيمة وسط الزمزامات و الجو
الحلو كيف نضت بنجيب البنت من داخل
خشيت للدار على أساس حماتي خشت
دايخة ب تقعد معاها ألقيت البنت مهناش
و حماتي راقدة و الصدمة 😧 قعدت ندور في البنت في الحوش كله اني و امي مهناش ناضت حماتي قالت كانت جنبي و اني اخداني النوم من التعب فجأة تحولت
لمة ل عياط حتى العشاء الكسكسي شيط
و الشرطة جت و الأمن و بوها يعارك في حماتي يقوللها وين بنتي وين كيف هكي
هي تبكي و تقوليه خليتها جنبي فجأة غفيت زمزامات روحوا و الناس روحت
و ضحكة اختفت و الفرحة تغيرت ل حزن
و اني قلبي خلاص قريب يوقف بنتي عمرها 40 يوم بس غير من أخذاها قعدوا
يسألوا فينا عندكم أعداء راجلي قاله لا
الحق ما عندي مع حد مرتي في حالها حتى هي فات يوم و يومين و البنت حتى حسها
معاش ليه اثر قعدت نذوب ذوبان من الزعل رأسي محوس وجهي ذبل فات عليا
اسبوع العمر 💔💔 راجلي يبكي ب عبرته
العيلة كلها خشت في حالة حزن لين فات شهر معاش طلعت بكل ل مكان تحولت ل هيكل عظمي فقدت الأمل نلقاها حيه أو ميته لين في نصف ليل جانا اتصال من حماتي ل واخدها خالي قتله راهو اختك تعبانة طول امشينا ل حوشهم رفعها راجلي
للعيادة و خالي و اختها معانا طلع دكتور قاليه خيرها جايتها صدمة قاليه راجلي لا
الدكتور لا واضح البنت مصدومة من شي
هاذي نوبة هلع قوية هلبا اعطوها مهديات روحنا بيها للحوش امتاعهم تفكرت الحوش هذا ل معاش ألقيت فيه بنتي خالي مرته
مقعمزين و معاهم راجلي هي مقعمزة
اني عيطت ب ن حسك انتي ل امدايرة هكي انتي ل كنتي معاها اعترفي بنتي وين ناضت تبكي و تحلف لين راجلي راجلي روح بيه نحسابه ب يعاركني في طريق صدمني ب قالي حتى اني تصوري شكيت
فيها نبي نشكي فيها الصبح قدم شكوى رسميا في اختي رفعوها لأنه من تصرفات
امتاعها غريبة 💔 بكل ابدت و اني قعده جنب عزوزتي لأنه قعدت بروحها خشيت
ندور ليها في ملابسها ب دوش عزوزتي
ننصدم ب ...
تكملة الرواية من هناااااااا
تعليقات
إرسال تعليق