رواية حمواتي التؤام الفصل السادس والسابع والثامن والتاسع والعاشر والحادي عشر بقلم الكاتبة أميرة سليمان حصريه في مدونة موسوعة القصص والروايات
رواية حمواتي التؤام الفصل السادس والسابع والثامن والتاسع والعاشر والحادي عشر بقلم الكاتبة أميرة سليمان حصريه في مدونة موسوعة القصص والروايات
.الحلقة 6
مشكلة بيني بين حماتي ماتت فيها
عزوزتي 💔
كيف خشيت ب ندوش ل عزوزتي جتني مرت خالي ل هي حماتي تقولي كيف بس كيف قتلها تي شن هو ل كيف قاتلي كيف
تشكوا في اختي و تحبسوا اختي قتلها خوك مش انا راهو خوك ل شاك فيها بعتالي
علاش بنتي اختفت منين هي خشت قعدت
جنبها قاتلي توا تشوفي قتلها بري ديري شن تبي باهي كيف قعمزت المرأة على كرسي صنتها حالة على خاطر هي أم راجلي قلت نكسب فيها اجر و الصدمة
كيف ابديت ندوش ليها جتني حماتي فتحت الباب ب القوة جايبه عصا و كانت
تبي تضربني و اني نعيط و الحمام بخار لين جت عزوزتي طايحة من على كرسي على رأسها على حوض و الدم ابديه ينزل
ب القوة و اني نعيط غير شن درتي غير شن درتي فجأة قعدنا نعيطوا جاي راجلي يجري رفع أمه 💔 دخلوها للعناية طول
و قالوا حالتها صعبة و اني الدم معبي ايدي
و قعدت في حالة صدمة و نرعش قدام العناية راجلي يعيط على أخته باهي هكي باهي و هي جتها نوبة هلع و خوف من ل صار شرطة امشوا للحوش يبوا يشوفوا
شن صار ب زبط دارو تفتيش جماعة الأمن
للحوش كله اول شي الحمام غسلت وجهي و ايديه غيرت ملابسي و جابني بابا للمستشفى ثاني و اني كيف وصلت قدام
العناية قلت ل راجلي شن ما فيش جديد
قالي نفس شي حالتها و حماتي جنبي فجأة و احنا مقعمزين نشبح غير في جماعة الأمن جاين يجروا و الدنيا كله تعبت جنود
اني لين 💔 قلبي كان بيطلع اخدوا راجلي من جنبي راجلي قعد يقول ليهم شن فيه
لوحه الشرطي لوطة جاي طايح قدامة اني و حماتي نعيطوا لين بوي قعد يقول غير خلي نفهم منكم بس رآهو أمه تعبانه طلعوا
يجروا بيه برا و الصدمة و الكارثه 😲
ل خلت سيرتنا على كل لسان ل خلت سمعت عيلة تحت الارض و خلت بوي يقولي يا تروحي معاي للحوش يا تنسي
شن اني انا بوك منين طلعنا من العيادة و القينا سيارة المتشي إمتاع شرطة معبية
ب... تابع
.الحلقة 7
اني عزوزتي أعطت بنتي ل عيلة سودانية
مكر في ولدها
طلعنا من السيارة و القينا سيارة الشرطة
المتشي معبية حبوب ممنوعة قال شرطي ل راجلي القينا هذا راهو في حوش اهلك
راجلي يقوليه اني مدخليش قاليه انت تاجر في الحبوب راجلي قاله حشاني رفعوه هو
و اخواته التؤام للحبس اني مصدومة و أمهم في العناية تعبانة رفعوهم للعيادة دارو ليهم تحاليل ألقوا المخزن معبي حبوب خالي يقولي شن مرتي شن امدايرة اني ساكته 💔 و مصدومة قالي خالي حي علينا شورها عيلة حرفة طحنا فيها و الكارثة بعد ما طلعوا نتائج تحاليل بعد أيام
طلعوا حمواتي زوز يتعاطوا في الحبوب و و يخدموا في طلبيات للبنات و الاولاد حشاكم و راجلي طلع نظيف طلعوه طول
بوي طول روح بيه للحوش قالي طلاق خلاص و خالي طلق مرته طول ل هي حماتي اني قعدت مش راضية قتله توا نرجع ل راجلي خاصة وين سمعت عزوزتي توفت الصبح نضت لبست قتله عيب عليه
الراجل ما شفت منه إلا كل الخير شن دخل
اخواته قالي بوي تطلعي لا نعرفك لا تعرفيني طلعت مع خوي حطني قدام باب
العزاء في يوم الجنازة ب تحديد و احنا نراجوا في رجالة يجيبوا المرآة شي ل صار في وسط خيمة العزاء خلى راجلي يحلف
على أنه يمشي في جنازة أمه منين و اني مقعمزة على الكرسي و الظهر كيف اذن
الصدمة ...تابع
الحلقة 8
و اني مقعمزة في خيمة عزاء عزوزتي
و جنازة قريب توصل للحوش مش يطلعوا
للدفن و هي في المربوعة مغطيه ب الابيض و اني نبكي برا و و ولدها يبكي داخل في المربوعة و بناتها الزوز في الحبس حشاكم تجيني امرأة تقولي تعرفي بنتك ل اختفت بنتك ل رضيعة ل خنبت من وسط حوشك مش عارفه وينها قتلها
خيرك شن تبي توصلي قاتلي عزوزتك راهو
باعتها ل عيلة سودانية و العيلة هاذي اعطوها ل حد قريب منكم هلبا برا اسألي
قتلها شن تقولي انتي قاتلي عزوزتك تبي تقهر ولدها اني قعدت نعيط حي عليا جي
الناس كلها في العزاء التموا عليا راجلي لين داخ الكرسي وين امشوا يدوروا في المرأة
ركبت السيارة و هربت تجري معاش صنتها
رجالة رفعوا عزوزتي دفنوها و راجلي رفعوه للعيادة عنده هبوط اول ما روح
راجلي من العيادة ابديه يعيط ب ل عنده حوش يروح بسرعة معاش فيه لا عزاء لا شي و الخيمة نحاها و الناس أبدت تروح
ل اركب سيارته روح و نساوين روحوا كلهم
و يعيط ب معقولة أمي دارت فيه هذا كله
معقولة فاتت ايام و جت ايام و تمشي ايام
و اني هو في حالة حزن على كل شي صار
معانا من مركز شرطة ل الثاني و اني ندور في بنتي لين جاني قالي مش قتلك في وحدة من أقاربكم عندها البنت اي قاتلي قريبة عليكم قالي غدوا نبدا نمشوا من حوش ل حوش زيارة و شوفي الوضع ب نخشوا فجاة قتله باهي قريب اسبوع
و احنا ندوروا في احياش أقاربه ل جنبي
كل مرة نتحجج ب حاجة لين فقدت الامل
ما حسيت ب شي غريب لين قعد حوش عمته ل ساكنة بروحها خشيت اول ما قعمزت على الكرسي ... اصدمه
الحلقة 9
بعد ما وقفت عليه وحدة في عزاء عزوزتي و قاتلي راهو بنت عزوزتك أعطتها ل حد قريب عليكم في العيلة و من العيلة هو بنتي لي عمرها ايام بس في حد أخداها
من وسط صالة حوشي قعدت اندور اني و راجلي و ندور من حوش ل حوش من الأقارب امتاعه ندير في روحي نهدرز و نبدا نلاحظ في اي شي غريب حكم دورت كل الأقارب الا حوش عمته قالي هاذي عمتي حافظة كتاب الله مستحيل دير هكي قتله غير خلي نمشي بس حتى نهدرز هي ساكنه بروحها و عزبه خشيت عليها القيتها
تصلي و جنبها مصحف رحبت بيه و قعمزت قاتلي خلي نجيب قهوة قتلها باهي فجأة قعدت نتأمل في الصالة إمتاع الحوش القيت صورت بنت معلقة على الحيط قتلها
من هاذي قاتلي بنتي قتلها كيف بنتك و
انتي عزبه ضحكت قاتلي اني مطلقة و كانت عندي بنت و بنتي ماتت من زمان
و هي عمرها 15 سنة قتلها شن سبب سكتت كانت على الصامت و تصرفاتها
غريبة 💔 ركبت مع راجلي للسيارة قتله
عمتك مش عزبه قالي ايه آمالا شني
قتله توا قالت بنتي ميته و مطلقة قالي
صح بنتها ماتت قتله كيف عزبة آمالا قالي
فكيني توا و صكري على الموضوع قتلك
عمتي مستحيل دير شي ل بنتي 💔
قتله باهي و اني في طريق في الف علامة استفهام في رأسي روحت للحوش راجلي
رقد و أني طول خشيت للحمام و اتصلت ب وحدة تعرفهم عز معرفة قتلها با الله عليك فهمني شن قصة عمته قاتلي هاذي
كانت دير في الحرام جابت بنت من دون
زواج و بوها غضب عليها و قالوا للناس
انها تزوجت و طلقت و الكلام هذا ما فيش
منه بعتالي البنت وين وصل عمرها 15
ماتت قتلها شن سبب باهي علاش ماتت
البنت قاتلي مافيش حد كان متقبل وجودها البنت ماتت بسبب كلام صغار خوالها و اعمامها ماتت ب قهرتها حشاك
ألقتها الصبح ميته في فراشها صكرت الخط ما قدرتش نرقد جاي الصبح طول البست قالي وين ماشيه قتله شوية بس حوش اهلي هو حطني قدام حوش اهلي و امشي
و أني طول امشيت من حوش اهلي ل حوش عمته كنت نبي نتأكد من حاجة
بس 💔 ل صار كارثة منين فتحت الباب منين قتلها راهو ..ما توقعت الفاجعة هاذي ل صارتلي منين قتلها...تابع
هو حطني قدام حوش اهلي و أني ركبت امشيت ل حوش عمته قعمزت و قعدت
نهدرز طبيعي خليتها أمشت دير في الفطور
و صغار تحفظ فيهم في القرآن قعدت نهدرز عليهم قتله قداش ليك تقرأ أهنا قالي سنتين و قريب نختم أن شاء الله عندها
قتله اها و كويسة معاكم قالي غير بنتها
ل تعيط افتكينا منها 💔 قتله اي بنت قالي بيبي جت فترة و بعتالي أمشت اني عيوني تعبوا دموع هي أول ما جابت القهوة نقزت
عليها قتلها وين بنتي اعترفي وين بنتي
صغار طلعوا يجروا فتحوا الباب و هربوا
اني قعدت نصارع فيها معاش قدرتها
لين قعدت نعيط ما فيش حد يسمع فيه
لين دفنتني جيت طايحة على رأسي فتحت الباب ركبت سيارتها و صكرت الباب و أمشت 💔 قعدت نعيط بروحي مافيش حد يرد لين واحد من صغار امشي قال ل أمه راهو يتعاركوا جت تخبط في الباب
قتلها ساعديني جابت راجلها كسرت الباب
رفعتني للعيادة الحمد الله ضربه بسيطة اخديت هاتف المرأة و كلمت راجلي قتله
كل شي جاني يجري هو و أعمامه امشوا
يجروا ل حوشها و الصدمة معاش ألقوا
اي اثر امشوا سألوا الولد الصغير لي حكالي
على صوت عياط البنت احكي ليهم كل
شي راجلي لين شاب رأسه و قعد يبكي
طلعت من العيادة طول للحوش و الناس تمشي و تجي عليا و أني نفسيتي تاعبه
على بنتي نبي نعرف علاش دارت هكي
بس كيف تأخد بنت ولد خوها غير شن
تبي فيها بس مش عارف 💔💔💔💔
و الصدمة روحوا نساوين من عندي و قعد
راجلي و صغار عمه في مربوعة حوشي
نضت صليت مع ساعة واحد ركعتين و قعدت نستغفر و نبكي لين خلاص بعتالي
جيت ب نرقد على سريري كيف تغطيت
نضت استغربت كيف قعدين ل توا ساعة 3
امشيت فتحت الباب ألقيت صوتهم قاعد
و ضي والع إمتاع المربوعة قربت من الباب نسمع في ولد عمه يقوله انت الله يهديك
علاش درت هكي في بنت عمتك العملة إمتاع..
الحلقة 11 ما قبل الاخير
قربت من الباب إمتاع المربوعة نسمع في ولد عمه يقوله و انت علاش درت هكي في بنت عمتك بنت صغيرة وهمتها ب الحب
و الغرام هي مراهقة في ثالثه اعدادي انتحرت و قعدت في رقبتك راجلي يبكي و يقوله هذا موضوع قديم لين حليت الباب عليهم الرجالة طلعوا من المربوعة اني قعدت نعيط ب شن امداير قولي شن امداير هي بسرعة اعترف قعد يرجف و يبكي و يقولي و الله زمان كنت مراهق كلمت بنتها و هي كانت تكلم فيه بعد ما شدني بوي و كسر هاتفي البيلة إمتاع زمان معاش تواصلت معاها نهائي بعد مدة انتحرت بس هي من يومها عندها حالة نفسية على خاطر كانوا صغار عمي ديمه يعايروا فيها على أنها بنت حرام حشاك
منها عمتي معاش تحب تخالط العيلة و التزمت و دينت بس ما عمرها حطت اللوم
على حد لين استغربت توا فهمت علاش
رفعت بنتي تبي تنتقم ل بنتها اني قعدت نبكي للصبح لين رفعني للعيادة منهارة اخديت مهدي و احنا كيف ركبنا للسيارة و احنا مروحين في الطريق قالونا راهو عمته
شدوها امشينا نجروا على أمل نلقى بنتي
و تعترف وين حطت بنتي أوصلنا ل الشرطة قالونا عمته مش أهنا في المستشفى راجلي طريق كلها السيارة قريب
يقلبها نزلت اني و إياه نجروا لين هو جاي طايح هو نازل و الصدمة 😧 وصلنا ل قسم الإسعاف اني تقول ليهم وينها وينها
جاني دكتور كشخ عليا قالي شن ديري انتي اطلعي برا يا ماما هذا ازعاج راهو في حاجة اسمها الاستعلامات وقف عليه راجلي قاله فيه كذا و كذا راهو الدكتور قال مش عارف بس شن بنقول ليكم راجلي قاله شن فيه وينها جابتها شرطة من ساعة قاله
صح اي جت بس 💔 الحالة متوفية ضاربتها سيارة خش راجلي ل ثلاجة شافها
و طلع مصدوم روحنا و سر بنتي راح مع عمته تمشي ايام و تجي ايام لين فاتوا حكم خمسة سنين على اختفاء بنتي و كبيدتي حتى صغار بعدها معاش درت
بس 💔 الصدمة كانت فاجعة كبيرة يوم
ل اني ماشية بنخدم خدمة جديدة و الصدمة صدمت عمري منين ....تابع
تكملة الرواية من هنااااااا
تعليقات
إرسال تعليق