رواية مغامرات عائلية الفصل الثالث عشر 13بقلم همس كاتبة حصريه في مدونة موسوعة القصص والروايات
رواية مغامرات عائلية الفصل الثا عشر 13بقلم همس كاتبة حصريه في مدونة موسوعة القصص والروايات
بارت 13
عبد الله بصدمة : ايه ده ان شاء الله ؟!
عدنان بذهول : اندومي !!!!!!!!
حبيبة بشهقة : فين صنية الفراخ بالبطاطس الي سيبناكم تعملوها ؟!
تميم بعبوس : اتحرقت بالفرن
زياد : عاش يا رجالة .. هتعشونا اندومي بعد ما اتفرمنا بالشغل ؟!
كارما : ده حتى الغدا كان عيش و جبنة لا كدة كتير بجد
فارس : اندومي ! يا نهار اسود .. طب و الله منا واكل
عبد الله : بقالكم ساعتين في المطبخ انت و هو و ما عرفتوش تعملو غير الاكل ده ؟!
اوس بابتسامة : ما عملنا سلطة جنبها اهو
فريدة : دي انا الي عملتها على فكرة
سحر : الله يكسفك يا تميم .. و انا الي بقول عليك دكتور قد الدنيا .. انت عارف الاندومي مضرة بالصحة و محدش فينا بياكلها
تميم بغيظ : منا كنت بعمل صنية فراخ و اتحرقت بالفرن .. و المطبخ اتبهدل و احنا اتلسوعنا كمان … قولت انقذ الموقف يعني
عدنان : يا ريتك ما فكرت .. محدش هياكل منه … مش حرام الاكل ده يترمي
حلا باندفاع : يترمي ايه ؟ اديهولي كدة دنا هشفطه بخمس دقايق
دينا : اشطا و انا كمان هاكل اندومي .. ما تيجي نعمل تحدي بما ان الكمية كبيرة
سعاد : بس منك ليها ده كله امراض .. هقوم اعمل حاجة تتاكل على السريع
تميم : امراض ايه ؟! على فكرة هيا بس مفيهاش قيمة غذائية يعني .. بس مكوناتها ما بتسببش اي امراض
عبد الله بتحذير : ما تتفلسفش و تعمل علينا دكتور و انت مش فالح تعملنا عشا اصلا .. قومي يا سحر انتي و الستات اعملولنا حاجة كويسة ناكلها
اوس : ما تقلقوش يجماعة انا طلبت دليفري
ايهاب : هو احنا ناقصين ؟! ايه هتأكلنا فرايد تشيكن و لا سباغيتي يا اوس ؟!
دينا لغادة : الحقي باباكي بيقول سباغيتي .. ده اتطور اوي خودي بالك ليتجوز خواجاية على امك هو كمان
غادة بحدة : اخرسي يا دينا
اوس : على فكرة انا طلبت اكل بيتي عادي زي الي بتعملوه هنا
تميم : طب ما كنت اتنيلت عملت كدة من الاول ضروري يعني تكسفني قدامهم ؟!
اتى مصطفى من الخارج هو يهتف : الاكل وصل الاكل وصل
خديجة : اما نشوف ايه الاكل الي طلبته يا سي اوس
بعد دقائق كان الطعام على الطاولة امامهم و هم يحدقون به بشراهة
كان متنوع الاصناف يحتوي على اطباق الدجاج المشوي و طبق الفتة و العديد من طواجن البامية و اللحم
فارس بجوع : هجوووووم
عبد الله : منين الاكل ده يا اوس ؟!
اوس : من وحدة هنا بتشتغل بالاكل البيتي
سحر بشك : و انت تعرفها منين يا اوس ؟!
نظرت له حبيبة بنظرات ثاقبة تنتظر الاجابة
اوس : و الله كلمت يزن و سألته و هو الي قالي عليها .. هو انا هصاحب ست عدت الخمسين سنة عشان كام اكلة ؟!
عبد الله : طيب عشان خاطر الاكل الحلو ده هعديلكم حكاية الاندومي .. بس دي هتطفحوها انتو .. و الاكل ده للكبار بس
فارس برجاء : لا يجدووو حرام عليييك … احنا احفادك على فكرة حرااام و الله انا واقع من الجوع و ما بحبش الاندومي
عبد الله : يعني ايه نرميها مثلا ؟! دي نعمة ربنا و هتاكلوها كلكو اعتبروها جزء من العقوبة
زياد : لا عندك البنات بيموتو فيها .. سيبهم هما ياكلوها و احنا ناكل معاكم .. بس ارجوك ما تقساش علينا و تحسسنا اننا في بيت النمرود
عبد الله بتحذير : زياد اتلم احسنلك .. خلاص كله هياكل من الاكل ده
حلا بتلذذ و هي تاكل الاندومي : انا هاكل الاندومي ما تقلقوش عليها هيا بايدي امينة .. بس يا تميم المرة الجاية ابقى زود المية شوية
تميم : بس يا طفسة مفيش مرة جاية اصلا
فريدة بوعيد : ماشي يا تميم .. انا هوريك .. خليت رقبتي قد السمسمة وسط العيلة و انا الي قولت خلاص هعتمد عليك بعد كدة
بدأ الجميع بتناول الطعام و كان فارس اكثرهم جوعا فقد كان يأكل بشراهة كبيرة
عبد الله : بكرا العقوبة هتكون بالعكس .. تميم و اوس هتنزلو الغيط مع زياد و غادة و تحفرو بير مية
تميم بصدمة : ايييييه ؟! احفر بير ؟؟ ليه هو من قلة المية عندنا ؟؟
عبد الله : لا بس دي عقوبة عشان الاكل الي عملته انت و اخوك
غادة بدهشة : و انا ذنبي ايه اتشحطط معاهم ؟!
عبد الله : اهو مزاجي كدة المرادي … دينا و حلا و كارما هيعملو الاكل بكرا طول اليوم … و فارس و لارا هينضفو البيت
دينا بسعادة : ايوة كدة يا جدو .. انا المطبخ ده لعبتي
تميم : ده ان لقيتي مطبخ من اساسه
عبد الله : ما حضرتك مش هتنام انت و اوس غير لما تنضفوه
اوس : على كدة نجيب واحد جديد اسهل
عبد الله بخبث : عايز افطر بكرا فطير مشلتت و جلاش يا دينا … و الغدا كوارع و ممبار و توابعه .. و العشا نفكر فيه بكرا بقا
دينا بصدمة : مش للدرجادي يا جدو
عبد الله : مش عايز اسمع اعتراض … و الستات بكرا كلهم هينزلو السوق و يغيرو جو … هنعتبرها اجازة ليهم … اما فارس و لارا و مصطفى كمان … فدول هينضفو المكتب بتاعي و يا رب بس المح ذرة تراب قد كدة لاكون مطين عيشتكم واحد واحد
فارس : هو ايه الي حصلك يا جدو ؟ للدراجادي قلبك ميت ؟؟
عبد الله : دي جزات افعالكم يا فارس .. قولتلك كل ما هتزيدو طيشكم هزود العقوبة
زياد : ده انا لو قاتلك قت..يل مش هتعمل فيا كدة يا جدي
لارا : بس الحمدلله بكرا اخر يوم عقوبة
دينا بخبث : فعلا الواحد وحشته ايامه الهادية
عبد الله باستغراب : مين قال كدة ؟! العقوبة يومين مش يوم واحد
حلا باندفاع : ما النهاردة يوم و بكرا اليوم التاني
عبد الله بضحكة تعجب : و الله ؟؟؟؟؟!
تميم : ايوة يا جدو بأمارة حبيبة الي اتوسطت لينا و انت وافقت
عبد الله : انا قولت ايه بالزبط يا حبيبة ؟
حبيبة : قولتلي العقوبة يومين
عبد الله : ايوااا و الكلام ده قولته النهاردة .. يعني اليومين هما بكرا و بعده
دينا : لا كدة مش عدل حضرتك قولت يومين يعني النهاردة و بكرا بس
عبد الله بابتسامة : ما انتو مش هتضحكو عليا يا دينا
فريدة بنفاذ صبر : جدو عشان خاطري كفاية … سيبهم يتعاقبو بكرا و بس .. انا اعصابي باظت و مش مركزة بفرحي خالص
عبد الله : مش لما خطيبك يتعدل الاول
فريدة : انا هعدلهولك بعد الجواز بس ارجوك انا مش قادرة استحمل جنانهم ده
سحر بضحك : واضح ان دكتورنا هيشوف ايام سودة بعد الجواز
تميم بابتسامة : معلش هبقى استحمل
عبد الله : ماشي يا فريدة عشان خاطرك بس هخلي العقوبة لبكرا
*************************
في الليل
كان الجميع قد ذهب للنوم عدا تميم و اوس الذين يعملان منذ ساعات بتنظيف المطبخ
اوس : انا ايه الي جابني للبيت ده .. منا كنت عايش برنس بانجلترا .. لازم يعني اتنيل ارجع عندهم ما كنت اتجوزت حبيبة بمصر هيحصل ايه يعني
تميم : جدك ده يخرب بلد بحالها .. علم علينا كلنا مرة وحدة
اوس : على اخر الزمن انا اقف اغسل المواعين زي الستات
سعاد من وراءه : و ماله غسيل المواعين يا سي اوس ؟! اهو تتعلم ازاي هتساعد مراتك بعد الجواز .. و لا انت ناوي تعمل بنتي شغالة ليك و لعيالك ؟
اوس بابتسامة : ايه الكلام ده يا طنط .. دي حبيبة مش اي حد .. هجيبلها غسالة اطباق و طقم شغالين و هي تفضل مرتاحة و تاخد بالها مني بس
سعاد : اوبا .. لا على كدة ماشي .. هاجي اسكن عندك انا كمان
تميم : ابوس ايدك يا طنط ساعدينا .. انا بهدلت الدنيا اكتر ما هي متبهدلة .. بصي البوتجاز اسود ازاي و مش راضي ينضف
سعاد : عشان حضرتك جاهل .. ما تستخدم مزيل الدهون مهو قدامك اهو يا اذكى اخواتك
تميم باستغراب : مش هيحرقلي ايدي ؟! انا غسلت بيه المواعين من كام ساعة و ايديا بقو يحرقوني جامد
سعاد بشهقة : يخربيتك .. غسلت بيه المواعين ؟؟؟؟ ليه يا غبي ؟؟ ده للبوتجاز بس
تميم : و انا ايش عرفني يا طنط هو انا عمري دخلت مطبخ قبل كدة ؟
سعاد بنفاء صبر : انا هتشل .. هطلع انام احسنلي
اوس : استني يا طنط طب قوليلنا ننضف المطبخ ازاي ؟
سعاد : روح اسأل امك يا روح امك
خرجت تزامنا مع دخول حبيبة
حبيبة : ايه كل ده لسا ما خلصتوش ؟!
تميم برجاء : حبيبة ارجوكي ساعدينا … عشان خاطر اوس حبيب قلبك انقذينا ده احنا بهدلنا المطبخ و جدي بكرا هيمسح فينا الارض
حبيبة بابتسامة : لا طالما عشان خاطر اوس هساعدكم
اوس بحب : لا يحببتي ما تتعبيش نفسك .. روحي نامي انتي لسا تعبانة
حبيبة : لا انا بقيت احسن كتير .. هساعدكم و نخلص بسرعة
اوس : قولت لا .. يلا ع النوم
تميم بانفعال : اييييه ده ؟ انت هتثبتها قدامي .. سيبها تساعدنا شوية و بعدها تبقى تتنيل تنام
اوس بحدة : تميم اتلم
حبيبة بسرعة : طب خلاص مش هشتغل بس هقولوكو تعملو ايه عشان انتو دمرتو المطبخ بصراحة
تميم : طيب اتفضلي احكيلنا ده بيتنضف ازاي ؟
حبيبة : البس الجوانتي و رش شوية مزيل دهون و سيبها شوية .. بعدها تبقى تدعكه بسلك المواعين و تمسحه و هيبقى نضيف
تميم : الله ينور عليكي يا استاذة
بدأ تميم بالعمل بينما اوس سحب حبيبة حتى وقفت بالقرب منه و هو يغسل الاطباق
حبيبة بصدمة : كل ده صابون سايل يا اوس ؟
اوس : تميم قالي اعمل كدة
تميم باندفاع : ما تلزقش كل حاجة بتعملها بيا .. انا مليش دعوة
حبيبة بضحك : يا انهار اسود لو طنط سحر شافتك هتسود عيشتك
اوس : مهو عشان ينضف
حبيبة : اوك بس مش تدلق العلبة كلها .. هات من ايدك ده انت مش فاهم حاجة
سحبت منه الاسفنجة و بدأت بغسل الاطباق
اوس : واضح اني هتجوز ست بيت شاطرة اوي
حبيبة : امممم بس ما بتعرفش تطبخ زيك
اوس : مش مهم برضو الاندومي مش وحش و لا ايه يا تميم
تميم : بس يا رخم .. على فكرة يا حبيبة هو الي قالي اعمل الاندومي عشان اتورط قدام جدي و يعملني مسخرة
حبيبة بضحك : ده انت كان شكلك يفطس ضحك و انت شايل طبق الاندومي بكل فخر .. بس حركة صايعة بصراحة
تميم بعبوس : ماشي يا مرات اخويا و انا الي كنت فاكرك هتزبطيه و تقفي بصفي
حبيبة : ما قادرش اقف ضد جوزي
اوس بهيام : يا قلب جوزك من جوة
تميم : بس بقا ايه المحن ده .. ما تتلمو بقا .. احترم اني اخوك الكبير يالا
اوس : اخويا المهزق مش كدة ؟
****************************
بعد ساعة .. على البلكونة الخلفية للبيت
كانت تقف حبيبة مع اوس و يضع يدها على خصرها يتأمل وجهها الذي تزينه تلك الابتسامة الساحرة
اوس بحب : كل ما ببص بوشك بحس اني اتولدت من جديد .. مش عايز جو العيلة يبعدني عنك يا حبيبة
حبيبة بابتسامة : تصدق لما جيت هنا من كام يوم كنت مش طايقة البيت ده و كل الي فيه .. بس من يوما انت رجعت و انا حاسة كأن روحي رجعتلي .. مش هاين عليا اسيب البيت ده و ارجع مصر بعد فرح فريدة و تميم
اوس : و مين قال هنسيبه .. نسيتي العادات بتاعتنا ؟ فرحنا بعد فرحهم بشهر واحد .. يعني هنفضل هنا
حبيبة : بس لازم نرجع مصر عشان نزبط الدنيا هناك
اوس : ما اعتقدش جدو يوافق نقعد هناك اكتر عن يومين
حبيبة : ليه يعني ما احنا هنسكن هناك و جهازي عايز وقت بالترتيب و اساسا انا لسا ما شوفتش الشقة الي هنسكن بيها بعد الجواز و دي محتاجة وقت على ما نجهزها
اوس بخبث : هحاول اقنعه نروح انا و انتي عشان نزبط بيتنا
حبيبة بتحذير : مع عيلتي يا اوس .. ما تفتكرش انو جدو او بابا ممكن يقبلو نروح لوحدنا
اوس بعبوس : انتي مراتي على فكرة و اقدر اخدك مطرح منا عايز
حبيبة : الكلام ده بعد الفرح يا اوس مش بالخطوبة .. الا صحيح دينا قالتلي عايزة نمرة يزن صاحبك
اوس باستغراب : ليه ؟!
حبيبة : قال عايزة منه كتب جديدة هو قالها تاخد من المطبعة بتاعتهم بس انت عارف هي ما تقدرش تروح عشان جدو هيسود عيشتها لو عملت كدة
اوس بخبث : واضح ان الدنيا لفت بينا و هنبقى نستر عليها زي ما كانت بتعمل معانا
حبيبة : ايه الي بتقوله ده .. دينا مش بتفكر كدة على فكرة
اوس : امممم .. منتي ما شوفتيش وشها لما عرفت ان يزن ضابط
حبيبة بضحك : قصدك ايه ؟ مش هتلحق تحبه بيومين يا اوس .. دي عايزة م..صاص د..ماء
اوس : اوعدك هتحبه و الايام هتثبتلك كلامي
حبيبة : هو يزن صاحبك ده كويس يعني و يستاهلها ؟
اوس : اكيد طبعا يزن جدع و صاحب صاحبه .. بس يعني ليه حكاية كدة هبقى اقولهالك بعدين
حبيبة : ليه طيب ما تقول دلوقتي
اوس : لا انا عارفك هتروحي تقولي لدينا و يزن لو عرف هيزعل اوي
حبيبة : يعني حاجة خاصة ؟
اوس : تقدري تقولي كدة … امشي ننام عشان بكرا عندي شغل و جدك هيطلع عيني
حبيبة بضحك : تستاهل ما انت السبب اصلا بكل الي حصلكم ده
اوس : ماشي الله يسامحك .. انا عملت كدة عشانك على فكرة
حبيبة بابتسامة : طب بحبك
اوس بهيام : و انا بموت فيكي يا حبيبة قلبي
اقترب من شفتيها على امل ان يختطف قبلة قبل النوم
لكنه سمع صوت صراخ اوقفه
حبيبة بفزع : ده صوت غادة
ركضت بسرعة الى الداخل و تبعها اوس
فتحت الباب بعنف بينما اوس ابتعد و امتنع عن الدخول
مجرد ان فتحت الباب وجدت لارا تشد شعر غادة بينما غادة تضربها بيدها و تحاول دفعها .. اتجهت لهن بسرعة و حاولت فك النزاع
حبيبة : ايييه الي بتعملوه ده .. سيبيها يا لارا
دفعتها لارا و قالت بغضب : ابعدي انتي بس
خلال ثواني كان ايهاب و فارس و زياد حاضرين
ايهاب بصوت عالي : ايه الي بيحصل ده .. سيبها يا لارا
اتجه زياد الى غادة و افلتها من يد لارا بينما فارس امسك لارا بقوة
لارا بغضب : هيا الي بدأت الاول
غادة بدموع : و الله يا بابا هيا الي لقحت عليا بالكلام
صفعة قوية نزلت على وجه لارا من ابيها تحت انظار الجميع و كان سيضربها اكثر لولا فارس الذي وقف امامه و جعل لارا وراء ظهره
فارس بغضب : خلينا نفهم الاول هما عملو ايه ؟!
التفت ايهاب الى غادة و قال : ايه الي حصل
غادة بدموع : بقالها ساعة بتعاير بيا يا بابا .. و بتتكلم بمواضيع قديمة
فهم ايهاب ما تقصده و قال : اطلعو برا كلكو مش عايز اشوف حد غير اولادي
خرجت حبيبة مع زياد وجدت اوس ينتظرهم بالخارج
اوس : ايه الي حصل ؟
حبيبة : غادة و لارا اتخانقو
زياد : ما تشغلش بالك اخوات ببعض .. امشو ننام يلا
حبيبة : تصبحو على خير
اوس : و انتي من اهله يا حببتي
و اتجه كل منهم الى اوضته
في اوضة غادة و لارا
ايهاب : قالتلك ايه يا غادة ؟
غادة : فتحت موضوع خطوبتي و عايرتني بيه
لارا بغضب : و هيا لقحت عليا بكلام زي الزفت عشان خاطر حبيبة و حلا
ايهاب : و ايه علاقة خطوبتها بشغل البنات ده ؟!
صمتت لارا بينما غادة تكلمت و قالت : بابا انا عارفة ان لارا هيا الي قالت لماما على حلا .. مع ان حلا ما عملتش حاجة غلط .. بس لارا بتكرها هي و اختها عشان كدة عايزة تبوظ جوازة فارس .. انا اتناقشت معاها بالموضوع ده و هي بقت تتكلم على خطوبتي من زياد لغاية ما مدت ايدها عليا
ايهاب بغضب : ازاي تمدي ايدك على اختك الكبيرة ؟؟ و ازاي اصلا تفتحي مواضيع زي دي ؟؟ واضح اني معرفتش اربيكي و المك .. انتي مش هتتعدلي غير لما اسود عيشتك و احرمك من حل حاجة
دلفت خديجة بسرعة و قالت بخضة : ايه الي بيحصل
فارس : بابا سيب ماما تكلمهم و تعرف مالهم .. دي مواضيع بنات مينفعش نتدخل بيها
ايهاب بحدة : خديجة .. اقعدي افهمي منهم ايه الي حصل بالزبط … و ابقى اعدلي بنتك لاحسن اعدلها بطريقتي
خرج هو و فارس بينما خديجة تنظر الى بناتها بنظرات حادة
خديجة : اتفضلو اشرحولي الي حصل بالتفصيل
لارا ببكاء : دلوقتي كلكو هتدافعو عن غادة و اطلع انا الغلطانة انا عارفاكو
خديجة بهدوء : طب اتفضلي احكيلي ايه الي حصل عشان افهم مين الغلطانة
لارا : بنتك بقالها ساعة بتسمعني كلام زي الزفت عشان قولتلك على تصرفات حلا
غادة باندفاع : لا انا قولت ان فارس و حلا بيحبو بعض و حلا بنت كويسة يماما .. بس عشان هيا اخت حبيبة لارا عايزة تخرب عليها خطوبتها .. عشان لارا عينها من اوس و بتكره حبيبة
خديجة بشهقة : ايه الكلام ده يا غادة .. انتي اتهبلتي و لا ايه
غادة : اقسم بالله يماما دي الحقيقة .. لارا فين ما تقعد بتتكلم على حبيبة و كل ما تشوف اوس بتتصرف بطريقة مقرفة عشان تلفت انتباهه .. دي حتى كانت مشتركة مع كارما عشان تبوظ علاقتهم
خديجة بصدمة : ايه الي انا بسمعه ده ؟! لارا الكلام ده في منه ؟
لارا : دي كدابة ما تصدقيهاش يماما
غادة : لا مش بكدب .. لو تسألي اي حد بالبيت ده هيقولك ان ده حقيقي حصل .. و لارا كل يوم بتكون تتقرب من اوس و تدلق نفسها عليه و حلا ضربتها بس عشان شتمت حبيبة قدامها
خديجة بانفعال : انتي يا لارا ؟ كل ده يطلع منك يا بنت بطني ؟! ده انا بقول عليكي الهادية ام قلب ابيض … انطقي ..قولي الكلام ده صحيح ؟!
لارا بدموع : ايوة انا مش بطيق البنتين دول و حبيبة بالذات هيا الي سرقت اوس مني .. و انتو كلكو عارفين انها علقته بسهوكتها و دلعها
صفعة اخرى نزلت على وجهها و لكن هذه المرة من والدتها
خديجة بغضب : انا الحق عليا الي سمعت من عيلة زيك .. كل ده بيحصل من غير علمي يا لارا .. ماشي حسابك معايا بعدين .. اقسم بالله ما هرحمك يا بنتي .. على اخر الزمن تجيلي بنت تسود وشي … ده انتي لسا عيلة ما كملتيش ال 17 سنة … انا هوريكي القسوة على اصولها .. انا كنت هبوظ جوازة اخوكي و اظلم بنت الناس بسبب غبائك ده .. بس ملحوقة اوعدك هربيكي من اول وجديد
لارا ببكاء : كنت عارفة انك هتقفي بصفهم .. كلكو بتكرهوني بالبيت ده .. انا عايزة ارجع بيتنا
خديجة بحدة : انتي الي كرهتي الكل بيكي …مش هنرجع للبيت الا بعد خطوبة اخوكي .. و اقسم بالله لو دايقتي بنت من بنات البيت ده لاوريكي الويل
نظرت الى غادة و قالت : و انتي كمان هوريكي ازاي تخبي عني الكلام ده .. ده انتي الكبيرة المفروض توعيها …. اتخمدو يلا حسابكم بعدين
**************************
في صباح اليوم التالي
استيقظ جميعم و اتجه كل منهم الى عمله
في المطبخ
دينا : الله تميم و اوس منضفين المطبخ كويس جدا
حلا بسخرية : لا يحببتي دي حبيبة الي ساعدتهم .. دول كانو هيدمروه اكتر
دينا : اممم .. طب يلا كل واحدة تمسك حاجة و تعملها
كارما : انا ما بعرفش اطبخ خالص .. انتو اعملو الفطار و انا هعمل الشاي
دينا : اوك انا هعمل الاكل .. بس انتي يا حلا ساعديني و ناوليني المكونات .. و كارما تبقي تغسلي الاطباق الي هنستعملها
كارما : اوك
حلا بضيق : طيب ليه جدو ما سابني اشتغل مع فارس زي امبارح
دينا : اتقلي يا بت مينفعش تفضلي بوشه كل يوم
كارما : يا بنات .. عايزة اقولكم على حاجة
دينا : في ايه ؟!
كارما بحزن : لارا امبارح اتخانقت مع غادة .. و اهلها ضربوها و زعقولها جامد .. هي بقت وحيدة و محدش بيكلمها في البيت ده .. و انا بصراحة زياد قالي ابعد عنها .. فمش عارفة اواسيها ازي
حلا : تستاهل .. دي وحدة فتنية و انتي شاطرة الي بعدتي عنها .. لارا اذتني و اذت اختي و تستاهل كل الي يجرالها
دينا : بس يا حلا ايه الكلام ده .. دي برضو بنت زيها زينا و لا نسيتي مبادئك ؟ من امته و احنا بنشجع ضرب البنات ؟
حلا : الي يغلط لازم يتعاقب و هي غلطت كتير فتستاهل
دينا : ده انتي يا بت هتخشي النار راكبة تاكسي من قسوتك دي .. حرام عليكي دي بنت صغيرة ايش فهمها بالي بتعمله ده .. انا هكلمها النهاردة بس اخلص شغل
حلا بسخرية : اوميكاد … دينا بقت ملاك الرحمة في البيت ده
***********************
في الغيط
امسك زياد الفأس و تميم امسك المجرفة و بدأ بالحفر بينما حبيبة و غادة يجلسن تحت شجرة و يصوروهم و هم يعملون
كان اوس يجمع التراب بداخل دلو و يجمعه في مكان بعيد عن الحفرة
حبيبة : هو جدو عايز البير ده ليه ؟
اوس : عشان يتسلى علينا شوية
تميم بتعب : الكارثة ان المية عندنا بكل مكان في الغيط ده .. ليه مصمم انه يعذبنا كدة مش فاهم
كان زياد يحفر باجتهاد واضح و لكنه توقف فجأة و نظر للحفرة بذهول
زياد بصدمة : اييييه ده ؟!
تميم باستغراب : في ايه ؟
زياد : تعالو شوفو انا لقيت ايه
التم جميعهم حوله و نظرو للحفرة بصدمة شديدة
حبيبة بذهول : ده …………… يتبع
مغامرات عائلية
همس كاتبة
لمتابعة باقى الرواية زورو قناتنا علي التليجرام من هناااااااااا
بدل ماتدور وتبحث علي الروايات عمل
متابعه لصفحتنا على فيس بوك هنااااااااااا
الرواية كاملةمن هناااااااااا
مجمع الروايات الكامله 1اضغط هناااااااا
مجمع الروايات الكاملة 2 اضغط هناااااا
تعليقات
إرسال تعليق