رواية حب بلا حدود الفصل السابع عشر 17بقلم الكاتبه مريم وليد حصريه في مدونة موسوعة القصص والروايات
رواية حب بلا حدود الفصل السابع عشر 17بقلم الكاتبه مريم وليد حصريه في مدونة موسوعة القصص والروايات
الفصل السابع عشر
قد مر يومين علي ما حدث وجاء الدكتور كاظم واخد رزان وشجن
طبعا قاسم وسيف هيتجننو من اللي بيعمله الدكتور كاظم
اتجه سيف مسرعا الي منزل الدكتور كاظم يريد ان يفهم منها ما حدث
فقد جاءة رساله من صديقه بكل التسجيلات اللي كانت بتبعتها جومانه لشجن
وايضا علم ان سارة سكرتيرته مشتركه معاهم وبقي معاه دليل لكلامهم
قابله الدكتور كاظم بإستغراب من حضورة في هذا الوقت الباكره انها الساعه السـابعه صـباحـا
خير يا سـيف ممـكن اعرف سبب الزياره دي ايـه
دي لسه الساعه سـبعه الصـبح
حـمـحـمـ سـيف بحـرج
انا اسف علي الازعاج بس انا كـنت عـايز اقـابل شـجن ضـروري
كـاظم بـبرود
وعايز شجن في ايـه ان شـاء الله
سيف وهو بيجز علي سنانه
عايزها
عايز مراتي وانا جاي عشان اتـفاهم مـعاها لانـي عـرفت
الحـقيقه كـامله وحـابب اننا نتكلم مع بعض واراضيها
واخدها وامشي علي طـول مـن غـير ما نـسبب ازعاج
لحـضرتك اكـتر من كـده
قالها سيف بـبـتسامه صـفرا
كاظم ببرود وسخريه من كلامه
ههههه تاخدها مره واحده كده بالسـااااااهـل
سيف بغـضب
ممكن اعرف حضرتك بتضحك علي ايه
جـذب كاظم جرناله واخذ يـقرأ فيه بـلامـبالاه قاصد يشعل غـيظ وغـضب سـيف
ليـهب سيف يصـرخ بغضب وعدم صـبر
ممكن تقـولي فين اوضتها عشان اطـلعلها
عشان اتفاهم معاها بطريقتي
رفع كاظم عينه من علي الجرنال
اقعد هنا ومتتحركش من مكانك لحد ما اروح اعرفها
واعمل حسابك لو رفضت تقابلك
انا اللي هقفلك يا سيف مفهوووم
قـالهـا وهـو بيـشـير الي الكـرسي بتحـذير
قـعد سـيف وهو بيضرب كف علي كف بغيظ وهو بيقول بعدم تصديق من اسلوبه معاه
الله يخربيتك انت كمان طلعتلي منين هي كانت نقصاك
يخربيت سقالة اهلك ده قاسم ليه حق كان عايز يبلغ المافيا عنك راجل سمـج
قالها بغضب
في اوضه شجن بعد ما سمحت لـكاظم بالدخـول
كاظم
شجن يابنتي
سيف تحت وكان عايز يتكلم معاكي انا هخليه يطلع يقابلك وتحلو مشاكلكم سوا
شجن برفض وغضب
لو سمحت يا عمو انا مش عايزة اتكلم معاه
بلغه ان خلاص انتهينا فياريت يطـ....
قاطعها كاظم بحده
شجن لازم تدي جوزك فرصه يتكلم معاكي ولازم تسمعيه وتشوفيه عايز يقولك ايه
انا جبتك هنا مش عشان افرقكم لا انا جبتك هنا عشان
اتأكدت انك هتسبي البيت كده كده فقولت ابعدك عنه شويه وتهدي
وفي نفس الوقت اعلمه الادب واخليه يحس بغلطه
من يوم ما سابك في المستشفى لحد ما صدق انك عملتي كده
لاكن نتكلم بالعقل اي واحد في نفس موقفه كان هيعمل كده واكتر كمان
لتنفجر شجن في البكاء
بس سابني ومشي
حضرتك متعرفش انا قد ايه بحب سيف
انا لحد دلوقتي مش مصدقه اللي حصل
ولا مستوعبه رده فعله معايا مكنتش متوقعه ابدا
انه يشك فيا بالطريقه دي
في تفاصيل كتير حضرتك متعرفهاش كفايه انه خذلني وموثقش فيا
انا في لحظه كنت في مكانه وسمعت كتير اوي
لما طليقته كانت بتحاول توقع بينا
وكنت واثقه فيه وعمري والله ماشكيت فيه
ده طبعاً عشان بحبه
لاكن هو بكل بساطه اتخلي عني وشك فيا
كاظم بإقناع
هي دي طبيعتنا بابنتي الستات دايما بتفكر بقلبها اكتر
لاكن الراجل لحظة غضبه مش بيفكر صح وغضبه بيسيطر عليه
اللي عايزك تفهميه من كلامي ان جوزك رجع لعقله انا شايف انك لازم تشوفيه وتحلو مشاكلكم
بصتله شجن لدقيقه وبعدين هزت رأسها بعند
طب معلش يا عمو خليها وقت تاني بس دلوقتي لا
لو سمحت قوله اني رفضت
اتنهد كاظم بتعب و هو بيقول بحنان
ماشي يابنتي انا طبعاً مقدرش اضغط عليكي ولا هجبرك علي حاجه بس اتمنى تفكري بهدوء لانه في الاول والاخر اللي واقف بره ده بيحبك
ابتسمت شجن بخجل من كلامه علي سيف وحبه ليها
ربنا يخليك ليا يا عمو اوعدك اني هفكر بهدوء
ابتسم لها كاظم بحنو
اما سيف كان واقف برا يستمع الي حديثهم تحولت ملامحه للغضب وهو بيجز علي سنانه بعنف
يود لو يدخل عليهم ويأخذها عنوها ويبرحها ضربا بسبب عنادها
تريده ان يبتعد عنها ويطلقها
هو من أخطأ وجاء حتي يراضيها ولكنها لم تعطيه الفرصه
واللي ذاد الامر سوء انها تدعي الله ان يخلي لها هذا الكاظم
حسنا شجن سأتي والقنك درسا لن تنسيه بحياتك
هبط الدرج علي عجل تارك المنزل دون ان يستأذن منه
في الصعيد في احدي القري
كان يجلس سيف
ربت علي ساقيه بترحاب الحاج احمد وهو يقول بلهجته الصعيديه
وااه مجولتش لييه يا ولدي انك هتنورنا واني كنت جيت استجبلك بنفسي ده انت نورتنا يغالي ياولد الغالي
الله يرحم ابوك كان راجل جدع جطع بيا ياولدي
ربنا يرحمه ويسامحه
سيف وهو يربت علي كتفه بإحترام
الله يرحمه
تسلم يا حاج احمد البلد منورة بصحابها
انا بصراحه كنت جايلك في موضوع مهم وهمشي علي طول
الحاج احمد بعتاب
كلام ايه ياولدي احنا بنشوفك كل يوم اياك
ثم صاح بصوت عالي
يا متوااليي خلي الحريم يحضرو الوكل بسرعه
كمل كلامه لسيف لعتاب
فكرك هسيبك ايااك ده انت غلاوتك من غلاوة ولدي
ابتسم سيف بمتنان
تسلم يا حاج ربنا يخليك
في الحقيقه كنت جايلك بخصوص جومانه
الحاج احمد بشمئزاز ونفور
عملت ايه مجصوفه الرجبه دي
اني اتوغوشت اول ما جولت اسمها اتكلم ياولدي هببت ايه النوبادي
سيف بحزن
انا كنت جتلك قبل ما اطلقها والحمدلله كنت شاهد علي كل حاجه هي عملتها في حقي
الحاج احمد
صوح ياولدي
واني بذات جلتلك طلجها دي متنفعكش
الله يسامحه اخوي هو اللي بلانا البلوه دي من اول ما جابل امها
كمل سيف
وانا طلقتها ولحد دلوقتي متكفل بكل حاجه ليها وبقول معلش عشان صله الرحم بس الي حصل فوق طاقتي وتحملي
الهانم اتفقت مع الشغاله اللي عندي وحاولوا يسقطوا مراتي لما عرفت انها حامل
قالها بغضب وهو بيجز علي سنانه
خلت الخدامه تحطلها حبوب اجهاض مش بس كده دول كمان عملو خطه قذرة يفهموني ان مراتي هي اللي كانت عايزة تسقط وانا للأسف بكل غباء وكانت ساعة شيطان يعلم ربنا صدقتهم
الحاج احمد بصدمه
استغفر الله هي حوصلت لكده ياولدي
اني جولتلك من يوم ما مات اخوي
ان مرته وبته ملزمين مني واني اولي بيهم لكن ابوك الله يرحمه جالي انهم هيعيشو وسطيكم
وانا عملتله حساب وسكت ودي مش عوايدنا واصل
وبردك لما امها ماتت كنت عايز اخدها اهنه وانت وجتها
جولتلي انك هتتجوزها
جولت ومالو هي هتلاجي زيك فين
لاكن انا كنت عارف ان المصراوية دي مهتركحش غير امعاي انا الوحيد اللي اجدر اكسر شوكتها واعيد تربيتها من جديد
ابتسم سيف علي كلامه العفوي
انا عارف يا حاج وعديت ليها كتير عشان خاطر.امي وخالتي بعد ما سقطت نفسها
بصله الحاج احمد بحزن وشفقه
استهدي بالله يا ولدي المهم طمني
مرتك كيفها دلوك
سيف براحه
الحمدلله ربنا عالم بحالي وعدت علي خير
الحاج احمد
الحمدلله ياولدي ربنا كبير
طيب جولي انت بتفكر في ايه واني معاك وفضهرك
ياغالي ياولد الغالي
سيف بهدوء
ربنا يخليك يا حاج
انا ناويلها علي خير انا لا عايز اضربها ولا اسجنها
بس انا مش هعمل كده احتراما ليك
الحاج احمد
تسلم ياولدي
انا عارف انك اصيل ولد اصول ولو انها تستاهل كل اللي هتعمله فيها ده انا شايل ليها في جلبي كتيير من يوم ما جيت وجولتلها تاجي تطلع علي اخوي التعبان وهي رفضت هي وامها ياجو الصعيد واخوي حزن ومات يومها من جهرته
سيف بحزن
الله يرحمه عشان كده انا فكرت في حل
ليسرد عليه سيف ما سيفعله معها
الحاج احمد
واني موافج ياولدي علي خيرت الله رتب امورك واتصل بيا جبلها عشان اجهز حالي
وحجك وحج مرتك عندي ياولدي
سيف بشماته
اتفقنا ياحج بإذن الله علي معادنا
الحاج احمد
متجلجش ياولدي
سيف
معلش يا حاج مضطر امشي عشان الدنيا ملغبطه معايا بس اوعدك اني هجيب مراتي في اقرب وقت عشان تتشرف بمعرفتك
الحاج احمد بمحبه
تنورنا يا ولدي خلاص انا مش هضغط عليك اتوكل على الله
مشي سيف بعدها
في شقة جومانه
فاقت من احلامها والاوهام التي علي جرس الباب
توجهت للباب ونظرت من العين السحريه لتتسع ابتسامتها عندما وجدته سيف
نعم فهي منتظرة هذه اللحظه بفارغ الصبر
خلعت مأذرها وظلت بقميصها البيتي القصير الذي يكشف اكتر مما يستر
فتحت الباب بلهفه
سيييف
ابتسملها سيف غصب عنه لكن تلاشت سريعاً وقبض علي يدها بقوة دون ان ينظر لها وهو مشمئز منها
ولقي روبها مرمي علي الارض خده ورماه ليها
خدي البسي ده
انتي ناسيه انك مش علي ذمتي يا بنت خالتي ولا خلاص بقيتي عادي الحاجات دي مش بتفرق معاكي
نزلت راسها بحرج مصطنع
سوري يا سيف انا اتصرفت بعفويه من فرحتي لما بصيت ولقيتك بره
ثم ارتدت مأذرها علي مضض
جلس سيف علي اقرب اريكه
اقعدي عشان عايزك في موضوع مهم
اتسعت ابتسامتها اكتر فهي تعلم ما سيطلب منها فقد اخبرتها امنه بكل ما حدث رغم علمها ان حمل شجن مازال موجود لاكن لا يهمها المهم ان سيف سيكون ملكها وهذا في احلامها
سيف وهو بيجز علي سنانه
مبروك عليكي الفيلا
جومانه بسعادة ودلال
ربنا يخليك ليا يا سيف انت عارف اني وحيدة دلوقتي ومليش حد غيرك دلوقتي بجد مش عارفه اشكرك ازاي علي كل اللي عملته معايا وبتعمله
شملها سيف بنظره جعلتها تتوتر
هقولك تشكريني ازاي و ده الموضوع اللي جايلك
عشانه
عقدت جومانه حاجبيها بإستغراب
لم يمهلها الفرصه لتسال
جومانه انا هعمل معاكي ديل
انا هتجوزك
قاطعته وهي تقفز من مكانها لتجلس بجانبه وهي
تتمسك بتلك ذراعيه بسعاده
بجد يا سيف هترجعلي تاني انا مش مصدقه نفسي
أخيراً حسيت بحبي ليك
بصلها سيف مطولا وهو بيجز علي سنانه بقوة
اديني فرصه افهمك اكيد مش بالشكل اللي جيه في بالك ده
شوفي انا قررت اطلق شجن وبما انها حامل مضطر انها تبقي لحد ما تولد وهطلقها
ليكمل بهدوء عكس النيران المشتعله جواه
انا جايلك انهارده عشان اطلب منك تساعديني اخد حقي منها و ده عشان هي استغفلتني ولعبت بالنار
معايا وعايز اردلها الالم عشره
تلاشت ابتسامة جومانه تدريجياً وقد اغرقت عيونها بالدموع خيبه الامل والقهره
يعني ايه يا سيف انت قصدك عايزني ارجعلك عشان تغيظها بيا مش عشاني انا
سيف بغضب
انا مش هضحك عليكي انا لو عليا كنت قتلتكم انتو الاتنين علي عملتكو السوده فيا بس عشان انتي بنت خالتي ده يشفعلك عندي
اما الهانم التانيه دي بقي حسابها عسيير معايا لان ببساطه لا عاشت ولا كانت اللي تستغفل سيف المنياوي
تعالت انفاس جومانه
قصدك ايه هي عملت ايه
مش دي شجن اللي بهدلتني عشانها
سيف
للاسف مفرقتوش انتو الاتنين عن بعض
لمعت عينها بشماته
مش قولتلك اهوه كلامي طلع صح وطلعت طمعانه فيك
سيف بمكر
عشان كده قررت اتجوزك عشان اردلها كل اللي عملته
بس خلاص مفيش مشكله شكلك مش موافقه تساعديني
قالها وهو يهم بالخروج
قربت منه تمسك دراعه بلهفه
سيف ارجوك اقعد انا مصدقت جتلي تاني
ثم كملت ببكاء حقيقي وهي بتتوسله
انا نفسي تسامحني ورحمه ماما عندك
انا ندمت علي كل حاجه ونفسي تديني فرصه تانيه
والله مش هتندم
زمان كنت سطحيه واتصرفت غلط بعد ما طلقتني اكتشفت اني كنت غبيه عشان ضيعت راجل زيك من ايدي
سيف
رغم اللي عملتيه في حقي زمان لاكن هديكي فرصه
جومانه بسعاده
بجد قلبي هيوقف من الفرحه
صدقني عمرك ما هتندم
ابتسم ليها ابتسامه صفرا
تمام عايز تروحي الاماكن دي وتجيبي كل اللي نفسك فيه
جومانه بطمع
حاضر يا حبيبي
ليكمل سيف بمكر
انا عايزك تعمليلي توكيل عشان ناوي افهمها اني كتبت الشركه الجديده باسمك
جومانه بشك
طيب انت عايزني اعملك توكيل انت تقصد انك هتكتبلي انا الشركه دي
سيف بمكر
اكيد طبعا
بس اعملي حسابك هنروح الصعيد نكتب الكتاب هناك
جومانه بقرف
يععع ليه كده بس وهي ناقصه ناس لوكال
سيف ببتسامه شامته
ما هو ميصحش برضو ده يعتبر وكيلك ولا نجيببهم هنا مع صحابك ومعارفك
جومانه
لا لا خلاص انا هسافر احسن
سيف
استأذن انا بقي سلام
وذهب من غير ما يسمع ردها
في فيلا الدكتور كاظم
كان يقف قاسم علي باب احدي الغرف في شقه حماه العزيز ممسكا موبايله يتحدث مع سيف قاسم بمرح
ركز شوية وحيات امك احسن تدخل عليا انا ورزان بالغلط تبقي ليلتك سوده
سيف بحقد وغيظ
طبعاً يا اخويا ما سيادتك نايم في العسل ابوها اخدها منك وانت برضو لازق فيها
ليكمل بحسره وهو يخبط كفه بعجله القياده
لاكن انا يعيني مش قادر حتي اوصلها الهانم رفضت تقابلني بس ماشي انا هعلمها الادب
قاسم بتأنيب
ارحم امي من قرك ده احب اطمنك يا خويا انا قاعد جمبها زي خيبتها ابوها قاعد علي قلبي حتي مش
عارف امسك ايدها حتي مش بقولك عايز ابلغ المافيا
عنه بس انت اللي مش مطاوعني
انفجر سيف بالضحك عليه
سيف بتأنيب
حرام عليك ياجدع ده راجل طيب
بصراحه اتكلم مع شجن في حقي كلمتين حلوين
قاسم بغضب
طيب معاك يا خويا انت مراتك مش بنته لكن الراجل ده بيغير علي رزان مني فقسته
سيف بضحك
ماشي يا خويا اتريق اوي
واغلق الهاتف في وجهه
في اوضه شجن
ولجت شجن للحمام بعد ما ملئت حوض الاستحمام لكي تنعم بحمام هادئ
بعد قليل تلفت بثوب الاستحمام الخاص بها
وخرجت متجهه الي خزانه الملابس بعقل شارد
ولم تاخذ بالها بالذي يجلس علي المقعد بجانب الفراش يطالعها بكل اريحيه
تكملة الرواية من هناااااااا
لمتابعة الرواية الجديدة زورو قناتنا علي التليجرام من هناااااااااا
بدل ماتدور وتبحث علي الروايات عمل
متابعه لصفحتنا على فيس بوك هنااااااااااا
الرواية كاملةمن هناااااااااا
مجمع الروايات الكامله 1اضغط هناااااااا
مجمع الروايات الكاملة 2 اضغط هناااااا
تعليقات
إرسال تعليق