مجمع الروايات الكامله والحصريه فقط اضغط على اسم الروايه موجوده كامله في موسوعة القصص والروايات جميع الفصول مع البرنس محمد السبكي قصص وروايات كامله يسعدني تواجدكم معنا في المدونه

 رواية عــروس الجبـــايــش الفصل السادس وعشرون26 بــقلم يـــاســـة الموسوي 

رواية عــروس الجبـــايــش الفصل السادس وعشرون26 بــقلم يـــاســـة الموسوي 

#عــروس_الچبـــايــش 🌼

#الــبـارت__26

#بـقلم_يــاســـة_الموسوي🌱

كل نفس ذائقة الهوى،

رحماكِ إني ذائقٌ عيناكِ،

فلا طاب العيش حينما

مال الفؤاد لحواء سواكِ.

فيا حلم دهري أنتِ ومنيتي،

كل ما دون البلوغ فداكِ."

...................... 

يُـمـن :- انا شفتهم طبوا وانا جمدت بمكاني شعنده جاي شيريد انوب جايب امه وابو ويا وين يريد يوصل هذا 

طببتهم أمي للديوانية و اجت عليه لگتني واگفه بـباب المطبخ فاتت سريع وتگول

-- بسرعة حظري الجاي 

-- شعدهم جايين

-- ما ادري جوز على شغلة مـراد يلا سوي الجاي بسرعة 

عافتني و طبت للصاله سريع  وانا طلعت القوري وحضرت الجاي بعدني واگفه على الطباخ رجعت اجت لابسة جبتها تريد تروح يمهم اخذت الماي وراحت الهم وانا ضليت احضر بالجاي 

بس شني ما ضلت سالفه ما تذكرتها وخطرت على بالي ساعة اگول جايين على زهراء ومراد ساعة عليه ساعة هيج بس يگعدون ويرحون 

افتريت ومشيت للصالة وحطيت إذني على باب الاستقبال اليم الصالة اريد اسمع 

بس ما اسمع شي ضليت اروح للمطبخ وارجع للصالة لحد ما فار الجاي صبيته 

و رحت للديوانية وگفت بالباب و دگيته 

طلعت امي اخذت الصينية من ايدي بس شكلها ضايجة وما مرتاحة عكس اول ما اجوا ، اخذت الصينية من إيدي وطبت واول ما طبت سمعت ابو يگول

-- هاي يُـمن 

شهيناز :- اي 

-- ما تصيحيها نشوفها 

رجعت امي طلعت لگتني بعدني بمكاني 

تقربت عليه وتگول

-- روحي الغرفتج ولو يصيحون عليج ما تجين حتى لو اني صحتج ما تجين بسرعة يلا 

بس گالت هيج بسرعة رجعت الغرفتي واسمعها تردله ما تقبل تجي تستحي وراها طبيت وبعد ما سمعتهم ربع ساعة وسمعت صوت عمي هاشم وتميم اجوا انوب وراهم بعشر دقايق اجى مـراد وخالتي ام تميم 

گعدوا يمهم بالديوانية ساعتين همَ گاعدين سوى وراها راحوا و اول ما طلعوا اجت امي للصالة والباقين و راها انا جنت بغرفتي واسمعها تگلهم 

-- لحد يباوع عليه ولا لو اخر يوم بعمري ما انطيها اله تخبلت واروح ازوجها الواحد مثله 

هاشـم :- محد گالج انطيها هيَ بنتج وانتِ تعرفين مصلحتها اكثر من الكل 

تميـم :- يابة ماكو داعي تگولهم خلونا نشوف الأبنية من الاول وانهوا الموضوع وياهم 

هاشـم :- خليها تفكر وأمها نفس الشي تفكر إني ما اريد ادخل بخطيتها جوز يقتنعن إني شكو اروح و انهي الموضوع من البداية

شهيناز :- لاعيني ما انطيها شنو تخبلت اطلع من رائف افوت بمنـاف ما رايدتها 

ام تميم :- فكري زين وراها الله كريم لا تستعجلين انطي النفسج وقت وخلي الابنية تاخذ قرار 

هاشـم :- المهم هسه مـراد باچر من الصبح تروح تقدم طلب بالمحكمة حتى تعقد ونهاية الشهر نحدد موعد الزواج خلونا نخلص ما دام رجع بكلامة واتعذر 

مـراد :- هوَ هيج باچر اروح الصبح 

رجعوا يحچون حچي عادي بعيد عن مناف واهله وراها سمعت خالتي تسأل عليه وامي صاحتني لبست حجابي وطلعت سلمت عليهم وگعدت 

تميـم يباوع عليه وضايج حسيته ضايج عليه ما راضي بموضوع مناف وخطبته مع العلم چان كلش يحبه بس بعد من المشكلة مالت مراد الصارت قبل الخطبة هوَ غير نضرته عليه وبعد ما راده 

بقوا يمنا للعشة گمنا أنا وامي نحضر بالاكل امي ما فتحت الموضوع وياي ابد ولا انا سألتها لحد ما كملنا العشة و گعدنا بسفرة وحده وراها شربوا جاي وراحوا 

كلهم حتى عمـي هاشـم راح وياهم

امي طبت الغرفتها وانا عزلت البيت وغسلت المواعين و سبحت و رجعت الغرفتي تمددت بفراشي وماكو ثواني وغفيت ما فزيت غير الصبح الساعة بالعشرة حتى الصلاة فايتتني 

صليتها قضاء و گعدت اتريك وبس خلصت ريوگي امي اجت للمطبخ تلف دولمة ضليت يمها و لازم الكتاب اقرأ شويـة وگالت

-- البارحه منـاف جاب اهله واجى على مود مراد و زواجة على أساس سامع حچي عود عمج والولد حاچين عليهم و الهذا السبب متصرف هذا التصرف وبعدين رايح سأل ومستفسر وعلى اساس طلع الناقل الحچي چذاب وراها تصافوا هوَ وياهم ومن هدوا وگعدوا فتح موضوع الخطبة من جديد و رجع خطبج مره ثانية

يُـمن :- انا چنت ادري وسمعتهم بس ما علقت على الموضوع ضليت ساكته واصلاً حتى سالفه مراد چذب بچذب بس اكيد يگلهم هيج قابل يگلهم انا خربتها بلاية سبب اكيد يطلع عذر ويبري روحة 

رجعت تباوع عليه وراها گالت

-- گال الشروط اللي تردونها مدرسة قابل بيت وحدها قابل حاظر غايب اللي يخطر على بالكم حطوا عليه موافق و مشتريكم شراية ورايدج بالحلال 

نفس الشي ساكته ما ارد رجعت تسألني

-- ها شگلتي 

-- شگول يعني انتِ تدري برأي من الاول

 انا ما اريد اعرس لا من منـاف ولا من غيرة 

-- حچيت وياج قبل وارجع اعيدها الطلاق مو نهاية العالم ولا كل الازواج مثل رائف إذا فشلتي مره هذا ما يعني كل التجارب فاشلة وابسط مثال إني و عمج، يُـمن يمه حبيبتي بعدج صغيرة وحلوة والف من يتمناج لا تضلين بنفس الدائرة ونفس الخوفه والتفكير حبيبتي شيلي كل الماضي من عقلج وانسي وفكري بالمستقبل فكري بنفسج وحبيها لا تخلين عقدة رائـف تنهي حياتج ولا تتوقعين اقبلج تبقين طول عمرج بدون زواج اول وتالي راح تتزوجين وتصير عندج عائل وبيت إني صح منـاف متخوفه منه بس ما شفت منه غلط و ردت فعله اول مره على مراد واخته طبيعية حاله حال كل اخ و ثاني مره بررها وإذا صدگ سامع اكو حچي عليه فـ حقه إني خوفي منه بسبب عصبيته لا اكثر ولا اقل لان هوَ رجال معدل وما يعيبة شي وما عايزة شي حالته المادية خير من الله 

و رتبته وشهادة و شكلة واخلاقة و رجولته كلهن حاويهن وفوگاها يريدج ومشتريج وقابل بكل الشروط جاي اشوفه خوش نصيب والفرصة ما تجي اكثر من مره وحرامات نخسرها 

ضليت ساكته ما ادري شگول شو نامت

 و گعدت مغيرة رأيها بيه البارحه متخبله من عنده واليوم تريدة، رديت 

-- انا ما خايفة من العرس ولا الماضي حابسني بالعكس اصلاً انا من الاول اعتبرتها تجربة تعلمت منها و كبرت بيها وقويت بس انا ما اريد العرس كله اريد بس اكمل دراسة وبعدين بهذا الوكت الله كريم عود

-- الولد قابل تكملين دراستج و اني البارحه ما جنت راضية ولا مقتنعه بس بعدين گعدت بيني وبين روحي وشفتج مالج احد بالدنيه وإذا اليوم اني عايشة وانتِ باقية تحت جناح عمج باچر جوز اموت وعمج رجال غريب ماله حق يداعي بيج ويخليج عنده عمامج من الصبح يجون يطالبون بيج وياخذونج وماكو لا قانون ولا عشيرة يحميج منهم لان يبقون اهلج و الدنيه كلها تصير وياهم بحجه ابنية وما يصير تبقين بيت رجال غريب 

-- إسم الله عليج عمرج طويل ان شاءالله 

-- هاي الدنيا محد ضامن عمره حبيبتي يمه اخذي وكتج و گعدي وفكري صح فكري بكل الجوانب وراها رديلي خبر

 بس إذا تردين رأيي إني اشوف منـاف خوش مناف وهاي القسمة خوش قسمة واتمنى ما تضيع من ايدج 

رجعت سكتت وانا شلت كتابي ورحت الغرفتي گعدت بيها وحدي وحايرة اخطي هيج خطوة لو اتندم وخاف ما اخطيها وارجع ارفض وهم اتندم بعدين

بقيت يومين كاملات افكر وحايرة انوب گلت هوَ گال حتى لو خطبة قابل اعوف الخطبة واتعرف عليه فترة ، بس شلون اتعرف عليه واحچي وياه واكيد تصير سوالفه بيناتنا منا و منا خاف حرام عليه واشيل ذنب سكتت حايرة انوب رجعت اگول  لا لا هاي الفكرة مو صحيحة ما اسويها لو اموت 

رجعت سكتت وافكر وراها اخذت بعد چم يوم افكر بيهن واحسب واجيبها منا واحطها منا احس انعلست علس من گد ما افكر وكل ما اصفن وافكر اشوفه رجال كامل ما بيه عيب وخاف ارفضه واتندم ومثل ما گالت امي الفرصة تجي مره

 والما يستغلها يندم بعدين وخاف اتندم بعدين 

من بعد تفكير طويل دام أسبوع كامل بدون انقطاع رجعت دگت العلوية على امي بس امي ما جاوبتها واجتني تشوف رأيي سكتت ومن شافتني ساكته عافتني وراحت شوية ورجعت طلعت الها لگيتها گاعدة بالصالة گلت الها يما انا موافقة ردت 

شهيناز :- متأكدة 

-- اي 

-- فكرتي زين 

-- اي بس شرطي الاول والأخير اكمل دراستي 

-- الله يكتب البي الخير ان شاء الله 

-- و اريدج تعرفين ليش طلگ مرته شني سبب الطلاگ وهوَ عنده ولد

-- هوَ اني ناوية افهم الموضوع منهم بس جنت منتطرتج توافقين يلا اسأل

-- من تخابرينها سأليها 

-- خليني اخابرها 

شالت نقالها و خابرت على العلوية جنت گاعدة يمهم وهي تحچي اول شي سلمت عليها وراها ردت الها 

-- الولد الله يحرسة ما يعيبة شي والزواج مثل ما تعرفين عمر لا يوم ولا يومين وبنتي ما صار هواي من طلعت من تجربة فاشلة وانتوا شهود على ظلمها وأذيتها 

ما سمعت العلوية شتگول بس امي ردت عليها

-- الله يحفظكم ، بس هوَ مطلگ و عنده ولد عين الله عليه وقبل لا نبدي و نخطي خطوة وحده نريد نعرف سبب الطلاگ حتى بعد يومين ما تصير بيناتنا معاتب 

-- الله كريم براحتج هلا بيكم 

قفلته من منها ودارت عليه وتگول العصر راح يجون تعاي خلينا نخلص شغلنا بسرعة 

سألتها 

-- ليش مطلگ 

-- گالت العصر من يجون يحچولنا كلشي 

يلا همي ايدج خلينا نخلص شغلنا من وقت 

گمنا انا وياها نظفنا البيت وتغدينا وانوب راحت جابت كرزات وعصاير وكيك ورجعت انوب فاتت للغرفة مالتي طلعتلي فستان من ملابسي حلو ومرتب من زمان مشتريته بس ما لابسته وطلبت مني اسبح واللبسة بسرعة تريد تسوي شعري 

فتت للحمام سبحت وطلعت وامي وگفت تسرح بشعري بالشسوار رادت تخليلي مكياج ما قبلت گالت بس كحل احطلج 

حطتلي الكحل وراحت تخابر عمي يجي 

هيَ انطته خبر من اول ما خابرت على العلوية بس رجعت دگت عليه مره ثانية تريده يرجع من وكت قبل لا يجون  

وصدگ شوية واجى صاح عليه لبست حجابي وطلعت اشوفه اول ما شافني ضحك و يگول

-- امج تگول فكرتي زين واخذتي القرار وان شاءالله يكتبلج كل الخير، بس قبل كلشي اريدج تعرفين إني ابوج وسندج والدنيا لو مالت بيج بيوم من الأيام إني تجايتج حبيبتي بابا انتِ طيبة وتستاهلين كل الخير وإني اتمنالج السعادة من كل گلبي ومتأكد منـاف رجال شهم ومعدل

 و ان شاءالله ما تشوفين ويا غير بس الخير والسعادة 

-- رحم الله والديك عمي 

-- إذا عندج شروط گوليهن حتى نتفق من البداية وياهم

-- ما عندي بس اريد اكمل دراستي 

-- خير ان شاءالله سهلة 

ضليت گاعدة يمه شوية انوب گمت للغرفة والتوتر عندي الف وارجف لحد ما سمعت الباب اندگ راح عمي يفتحه وامي اجت عليه وتگول

-- اجوا لا اطلعين لحد ما اصيحج وحجابج ذبية من تجين 

-- شلون اذبه گدامهم

-- يم العلوية تذبينه قابل يم الزلم 

رجعت طلعت و اسمع صوت العلوية وزهراء طبن للصالة وامي ترحب بيهن 

وراه عشر دقايق صاحتني طلعت سلمت عليهن بس شني دمي ناشف ميته مستحية

ومتوترة ضليت گاعدة يمهن والعلوية تمدح بـ ابنها وترجع ليورة سألتها امي

-- ما حچيتلنا ليش مطلگ زوجته وحسب ما گال أبو تميم هيَ بنت عمومته وانتم عمام واهل 

-- والله يا دادة الولد اول ما شب ابو زوجة والابنية امانه الله ما عايزها شي حلوة ومرتبة بس هوَ جان بعده جديد بدوامة

 و يشتغل هواي و يغيب ايام علينا لان يصعد واجب والابنية حلوة وصغيرة والشيطان شاطر 

-- شلون يعني الشيطان شاطر قصدج خانته

-- مناف ما يقبل هذا الموضوع ينفتح الخاطر فهودي تعرفين الولد بعد يومين يتعير بـ امه 

-- اي صح حقكم 

-- بس انتم لازم تعرفون السبب ، هوَ من جان يصعد واجب ويغيب عن البيت ايام 

بوكتها جانت التليفونات هسه نازله والناس عاجه فد عجه بيهن راح و جابلها تليفون حتى يخابرها من يصعد الدوامة وانتِ بعد تعرفين بالباقي دخل الشيطان بگلبها ولعبت بذيلها عذريني ما اگدر اكمل بعد 

-- الله يستر علينا وعلى بناتنا بس شلون عرفتوا بيها

-- هاي مره بالليل چلن يخابر عليها ويطلع عنده مشغول دگ على ابو گال ادگ عليها ومشغول ويامن تحچي اجيت إني عليها اريد اشوفها ويامن تحچي كل ضني ويا اهلها گمت افتح بالباب ما ينفتح مقفول دگيته تأخرت يلا طلعت ومن سألتها بيمن تخابرين ردت عليه جنت نايمة ما مخابرة ومنا والولد بعد ما ارتاح الها ضال يراقب بيها من ينزل لحد ما لزمها بـ ايده ومن هذاك اليوم الهذا اليوم وهوَ متعقد من النسوان لحد ما اجت هاي الحلوة 

و فتحت العقده وخلصتنا منها 

-- اتمنى من الله ما يطلع ماخذ نظره على كل النسوان ومنا وتنتهي هاي العقدة وهاي النظره 

-- لا لا شعليها النسوان كلمن وتربيته وهذيج ما تمثل غير نفسها وهوَ متفهم ومو متشدد 

-- خير ان شاءالله ، زين علاقتكم رجعت

 ويا عمامكم لو بعدهي مقطوعه 

-- ابو مناف رجعت علاقته بـ اخوه بس مو هذيج العلاقة القوية لا بقوا على گد السلام والفاتحة والعرس وهذا هو واحنه الباقين لا ما رجعنا سوى ولا شفناهم ولا شافونا من هذاك اليوم الهذا اليوم 

-- والابنية تزوجت بعدهي

-- بعدهي 

-- الله يستر على بناتنا وبنات الناس جميعاً

-- امين 

-- ام مناف عيوني احنه ما عدنا شروط ولا عدنا طلبات بس طلب واحد وهذا هو 

-- گولي داده عيونه الكم 

-- الأبنية تريد تكمل دراستها هذا الشرط الوحيد 

-- والله اني ما عندي مانع ولا الي دخل لا اني ولا ابو و هاي حياتهم همَ يقررونها ومناف گال ما عنده مشكلة بالدراسة يعني ماكو مشكلة ان شاءالله ومن هاي اللحظة احنه متصافين 

-- خير ان شاءالله

-- وبعد اكو شي ام يُـمن اريد اگلج عليه انتم تعرفون زهراء بس هالشهر ويانا وراها تروح البيت زوجها وما يبقى احد عدنا بس اني و ابو والبيت من الطول للطول يبقى الها وحدها يبقى بس، فهد وفهد يمي ما عليها بيه ولا راح تشيل مسؤوليته بس إذا بيوم من الايام الله اخذ امانته ومتت عود عينها عليه لان الولد مسكين و محد اله من بعدي

-- عمرج طويل وإذا على فهد لا تشيلين همه لان يُـمن بنتي واعرفها كلش زين 

تشلع عيونها وتنطيها للعالم واني ادري بيها راح تحطه بگلبها وتحسبه  بحسبه ابنها

-- ان شاءالله 

شوية و عمي صاح على امي يردونها هناك لبست جبتها و راحت هي و العلوية وزهراء يمهم وانا طبيت الغرفتي ربع ساعة واجت عليه تريدني اروح يمهم ما قبلت توسلت رادت ما قبلت استحي وإذا على الشوفه هوَ شايفني ما يحتاج اروح 

ساعة وراحوا ومن راحو امي اجت بـ ايدها فلوس گالت هاي فلوس للبدلات والصالون 

ورجعت ضحكت وتگول حتى الفلوس جايبهن وياه مستعجل سيادة.... 

-- چا شوكت يردون يخطبون 

-- الخميس 

-- اليوم ثلاثاء شـنلحگ الخميس

-- نلحگ باچر نروح نحجز بدلات و الصالون ضمياء تشتغلج شغلها يموت 

وصدگ ثاني يوم رحنا للسوك حجزنا فستان طويل لونه تركوازي اردنا تول 

وسادة ما بيه شغل بس گصت صدرة وظهره دلعات و كلش حلو وبيه جاكة بالجهه اليسرى لحد الركبه

وامي لزمتني لليلة الخميس لا خلت حفاظة جسم لا وجهه لا شعري  ما كصت اطرافه وعدلته و تنطيف وتشقير صدگ طلعت عروس وثاني يوم اخذتني الصالونها 

واشتغلتني العاملة ضمياء

بوكتها صدگ طلعت حلوة و مبين عليه عروس ومن رجعنا من الصالون لگينا خالتي ام تميم جاية هيَ والبنات  و خطية ومجهزات الضيافة گدامنا 

بالاربعة ونص العصر اجوا ونفس اللي شفتهن بخطبة مراد خالتهم ونسوان خوالهم وكم صديقة الامهم 

عشر دقايق و صاحوا على امي گالوا كملوا قراءة الفاتحة هلهلو اشتغلت الهلاهل والجكليت و انوب امي لبستني واخذتني حتى نعقد طبينا بغرفتي جنا حاطين كراسي بيها للشيخ اليعقد والنا 

دقايق و فاتوا عمي وابو وهوَ ما اگدر ارفع راسي واشوفه ميته من المستحى وارجف 

وادية تفور ورجلية ثلج شفت بس الحذاء والبنطرون لان جنت مدنگة واستحي ارفع راسي 

اجى گعد بصفي والشيخ يردد بسوالف العقد والايات والادعية لحد ما گاله

 مناف ابن أمل هل تقبل الزواج من يُـمن بنت شهيناز على المهر المعلوم كذا وكذا  ردله نعم قبلت رجع بارع عليه ويگول وانتِ يا يُـمن بنت شهيناز هل قبلتي الزواج من منـاف أبن أمل على المهر المعلوم كذا وكذا گلت بگلبي بسم الله وجعت رديت عليه نعم قبلت 

الشيخ :-  اللهم صل على محمد وال ومحمد الف مبروك عليكم و الله يبارك الكم وعليكم ويجعل حياتكم خير وبركة وسعادة ويرزقكم بالذرية الصالحة ان شاءالله ..... 

يـاسـة 🌱

تكملة الرواية من هناااااااا 

لمتابعة  الرواية الجديدة زورو قناتنا علي التليجرام من هناااااااااا

بدل ماتدور وتبحث علي الروايات عمل 

متابعه لصفحتنا على فيس بوك هنااااااااااا

الرواية كاملةمن هناااااااااا

مجمع الروايات الكامله 1اضغط هناااااااا

 مجمع الروايات الكاملة 2 اضغط هناااااا