رواية حبيبي من يكون الفصل الثالث 3 بقلم نور محمدحصريه في مدونة موسوعة القصص والروايات
رواية حبيبي من يكون الفصل الثالث 3 بقلم نور محمدحصريه في مدونة موسوعة القصص والروايات
قفلت مع اختها وفعلا لمت هدومها كلها في الشنطه ولبست عبايتها وطلعت من الاوضه وقربت من الباب ولسه هتفتحه لقت طارق قدامها
طارق بستغراب وصدمه: حنان انتي رايحه فين وايه دي.. شنطه هدومك بتعملي بيها ايه
حنان بصتله بخوف ورعشه وكلام اختها لسه بيتردد جوه عقلها فقالت بتعلثم وخوف: انا انا بس كنت.
سكتت من الخوف فقال طارق: مالك ياحنان كملي انتي ايه؟!
حنان بصتله برعب وكانت ميته حرفيا في شده خوفها فقالت بدون تفكير بسبب الخوف المسيطر عليها منه: انا عاوزه اطلق منك ياطارق
طارق بصدمه: نعم عاوزه ايه.. عاوزه تطلقي مني ياحنان
حنان بصتله برجفه وخوف وتراجعت للخلف ودموعها سالت على وجهها غصب عنها من شده رعبها منه وفجأه وقعت على الارض بعد ما حست ان رجلها مبقتش قادره تشيلها ابدا
وهنا طارق اتفزع وجرى عليها بقلق وخوف كبير وحضنها بقوه
طارق بقلق وخوف: اهدي مالك ياحنان انتي خايفه مني انا والله ماهعمل لك حاجه اقسم مااقدر اعمل لك حاجه اصلا اهدي
بصتله بدموع وبقت حالتها صعبه اوي قدامه وهنا حس طارق بمياه تحتها ففزع اكتر وحملها بسرعه زي الطفله الصغيره
طارق بصدمه وخوف: حنان وعز جلال الله انا مامتعصب منك ارجوكي اهدي انتي مرعوبه مني كده ليه
وبعدها اخدها للحمام وغير لها هدومها بهدووء وطلع حطها على السرير بحنيه ونام جنبها وهو حاضنها بقوه
طارق بحنيه وهمس: هششش اهدي ونامي ياحنون وانا هنا جنبك مش هسيبك هقرألك قرآن علشان ترتاحي ماشي ياقلبي نامي بقى
حست باراحه والاطمئنان اخيرا بعد موجه الرعب اللي مرت بيها معاه ونامت بغمق وهي سامعه صوته العذب في تلاوه القرآن الكريم عليها
وفي شقه فارس
عبير كانت بتكلم امها في الفون
عبير بضيق: ايوه ياماما انا سمعته بدوني بيقول كده قدام اخوه طارق وطلعت الحربايه دي متجوزه طارق علشان بتحب جوزي فارس اخوه وعاوزه تغيظه
امها بغضب: اه يابت العقربه دي بتلعب على الحبلين يابت.. اجوزت واحد وعاوزه تلف على اخوه كمان اسمعي يابت ياعبير خدي بالك من جوزك انا عارفه الصنف ده مش بيملى عينه غير التراب
عبير بخوف: اه ياماما عندك حق طب اعمل ايه معاها انا خايفه تلف على جوزي كمان وانا حاسه ان فارس غيران عليها من اخوه
امها بخبث: لا انتي اسمعي مني كويس هتعملي ايه علشان تخلصي منها خالص
عبير بطاعه: هاا قولي وانا هنفذ فورا ياماما
امها بتخطيط وخبث: تمام انتي دلوقتي هتروحي تعملي......
وبعد ساعات في شقه طارق
فتحت حنان عنيها لقت طارق لسه جنبها بيقرأ عليها آيات القرآن الكريم
حنان ببسمه وستغراب: انت كل الوقت ده ولسه بتقرأ عليا قرآن ياطارق
طارق سمعها فصدق وبصلها بهتمام وقال بقلق: صباح الخير ياحنون ايه حاسه نفسك احسن دلوقتي
حنان براحه:الحمد لله ياطارق احسن كتير وشكرا انك فضلت جنبي ومسبتنيش لوحدي في الوقت ده انا بس كنت وقتها...
قاطعها طارق: خلاص ياحنان اللي حصل انا نسيته.. بس قبل مااقفله معاكي حابب اقولك اني كنت عارف كل حاجه من قبل مااجوزك وكملت جوازي منك لاني حبيتك ومتأكد ان ربنا هيراضيني فيكي وقلبك كمان هيحن عليا ان شاء الله في يوم من الايام
حنان بتوتر وحزن: طارق انا اسفه اوي اني خبيت عليك بس انا كنت وقتها خايفه اوي منك و..
طارق ببسمه: اللي فات مات بنسبه ليا ياحنان الماضي انا نسيته ومش عاوز افكر فيه تاني بس اتمنى منك انتي كمان تنسيه انا لسه متمسك بيكي ياحنان وشاريكي كمان ومعاكي كل الوقت اللي حابه تخديه علشان تتعودي عليا وتجربي تعطي ليا فرصه يمكن اقدر ادخل قلبك ويبقى ليا مكان فيه وياستي انا صبور اوي وثقتي في ربنا كبيره لاني اتمنيتك منه في صلاتي
كانت بتسمعه وحرفيا قلبها اعلن الحرب ضدد حبها القديم لفارس لان طارق كان وماذال نعم الزوج الصالح والمراعي وهي فعلا فكرت تعطي له ولنفسها فرصه تقرب منه اكتر وتجرب مشاعر جديده معاه
حنان ببسمه صادقه: وانا موافقه ياطارق من النهاردا هعطي لك ولنفسي فرصه تاني اني انسى كل اللي فات واصنع ليا معاك مستقبل جديد ومشاعر جديده
طارق حضنها بحب كبير: ياااه ياحنون اخيرا سمعت اللي كان نفسي اسمعه منك انا بجد بحبك اوي
وفي نفس الوقت في شقه عبد الحميد ابوهم
عبير بخبث: اه والله زي مابقولك كده ياحماتي سمعتهم بيقولوا كده سوى وطلعت الحربايه دي اجوزت ابنك طارق علشان تغيط فارس اخوه لانها بتحبه وغيرانه عليك
سكتت وهي بتلاحظ تغير ملامح نعمات قدامها وكملت بخبث اكبر: انا بس خايفه على جوزي واخوه يمسكوا في بعض بسببها ودول اخوات ملهمش غير بعض يعني ينفع واحد يتخانق مع اخوه او يضربه علشان وحده ست عاوزه تفرق بيهم ياحماتي والا انا غلطانه
نعمات بقلق وغضب: انتي متأكده من كلامك ده يابت ياعبير علشان مطلعش دلوقتي اجبها من شعرها العقربه خرابه البيوت دي واطلع غلطانه في الاخر
عبير بمسكنه: لا والله انا بقول الحقيقه وانا هاجي اكذب عليكي في موضوع زي ده ازاي بس ياحماتي انا بس خايفه على جوزي واخوه منها
نعمات بتوعد: تمام يبقى انا كده عداني العيب في اللي عمله فيها العقربه دي وانتي تشكري يابنتي علشان اجيتي وقولتي ليا المصبيه دي قبل فوات الاوان
عبير بخبث: العفو ده واجبي ياحماتي انا ست حره ومرضاش على نفسي الكلام ده
وفي اليوم التالي في شقه طارق
حنان صحيت من النوم مفزوعه على صوت جرس الباب فخرجت جرى وهي بتقول: في ايه استرها يارب حصل اي
فتحت الباب الشقه من هنا وفجأه لقت حماتها مسكتها من شعرها بقوه وغل
نعمات بغل وغضب: بقى انتي ياعقربه يابت العقربه عاوزه تخربي بين ولادي وتوقعيهم في بعض بسببك يازباله
حنان بألم ووجع: اااه في ايه ياحماتي انا عملت ايه سيبي شعري
نعمات بغضب: دنا هطلع روحك في ايدي ياحربايه ياخرابه البيوت
حنان فضلت تصرخ بقوه تحت ايد نعمات وفي وقتها فارس سمعها من شقته فنزل جري عليهم
فارس بصدمه وزهول:فی ایه یاماما انتي بتعملي ايه سيبي حنان حبيبتي
نعمات بصتله بصدمه ولسه هتتكلم لقت طارق طالع السلم بعد مارجع من شغله واول ماوصل عنهم انصدم كمان
طارق بصدمه وغضب:ماما انتي بتعملي فيها ايه سيبي حنان مراتي
نعمات وقتها بصت لهم الاتنين بصدمه وزهول كبير وفجأه من شده غضبها وخوفها على ولادها دفعت حنان بقوه من فوق السلم قدامهم ووو
یتبع...
تكملة الرواية من هناااااااا
لمتابعة باقى الرواية زورو قناتنا علي التليجرام من هناااااااااا
بدل ماتدور وتبحث علي الروايات عمل
متابعه لصفحتنا على فيس بوك هنااااااااااا
الرواية كاملةمن هناااااااااا
مجمع الروايات الكامله 1اضغط هناااااااا
مجمع الروايات الكاملة 2 اضغط هناااااا
تعليقات
إرسال تعليق