رواية بدون ذنب الفصل الأول1 بقلم منال كريم حصريه في مدونة موسوعة القصص والروايات
رواية بدون ذنب الفصل الأول1 بقلم منال كريم حصريه في مدونة موسوعة القصص والروايات
: تعالي خدي بنتك.
= أنت مين،و اخد بنتي منين و هي نايمة في اوضتها.
أبتسم بسخرية و قال: هاتي هدوم و تعالي استري بنتك و خديها.
صرخت بصوت عالي: أنت شارب حاجة، أنت مين ،بقولك بنتي نايمة من بدري.
: براحتك بقا، عايزة تجي تعالي خديها من الجهه الشرقيه ،أو خليها حد يجي يتسلي عليها شوية.
و قفل السكة، وقع التلفيون منها و جريت على اوضة بنتها، و لقت الاوضة فاضية.
= ممكن تكون في الحمام.
جريت على برة و رحت الحمام ،مفيش حد، دورت في كل البيت ملهاش آثر، و افتكرت كلامه هاتي هدوم و تعالي استري بنتك.
وقعت على الارض، و تصوت و تطلم على وشها: يالهوي، يالهوي، يادي الفضيحة.
صحي جوزها ولادها الاتنين على صوتها بفزع.
محمود: في ايه يا فاطمة.
تطلم على وشها و تقول: مصيبة ،مصيبة.
الكل بلع ريقه بتوتر و سأل عامر: في ايه يا ماما.
تهز راسها و قالت: أختك جبت لنا العار.
صرخ محمود: انطقي على طول ،في ايه ،و رحمة فين.
ضربت على صدرها و قالت: معرفش، معرفش ،واحد كلمني و قال تعالي خدي بنتك من الجهه الشرقيه.
سامح: الجهة الشرقية كلها ارضي زراعية ،رحمة تعمل ايه هناك و مين ده.
: أختك فرطت في شرفها، قالي هاتي هدوم علشان استرها.
وقع محمود الأب على الارض، و سامح و عامر محدش منهم أتحرك، و كانوا مشلولين و مصدومين. و هي تصرخ و تصوت.
حتي فاق عامر الاخ الكبير و قال: بس يا ماما، بس بلاش فضايح ، أنا اروح أنا و عامر نشوف في ايه، خلي بالك من بابا اوعي تتكلمي مع حد، و لا تقولي لشروق حاجة فاهمة.
هزت راسها بنعم ،و قعدت جنب جوزها، و مفيش كلام يتقال في الموقف ده، الأربعة يدعو أنها تكون مخطوفة أو حتي ميتة بس بلاش كده.
طلع عامر خد هدوم لها، و خرج مع سامح و كل خطوة بمثابة طعن،ة في قلب كل واحد فيهم، يدعو الله يكون كل ده كذب.
بعد وقت وصلوا المكان.
وقفوا قدم كوخ صغير ،أخذ نفس و قال: سامح مفيش حاجه صح، رحمة مش هنا، تلاقي أمك مخدتش بالها أنها نايمة.
: وأنت لما جبت الهدوم من الاوضة كانت موجودة.
جملة سامح دمرت الأمل الصغير اللي في قلب عامر .
: ادخل يا عامر.
مفيش مفر لازم يدخلوا لسه يقربوا ،سمعوا صرخاتها و هي تقول: بلاش حد يتدخل أنا عر،،يانة.
وقفوا مصدومين لما سمعوا صوتها، يبقي الكلام حقيقي.
كانت قاعدة ضم رجليها و ترتعش من الخوف، و تحاول تستر جسدها العا،،ري بايدها.
حدف عامر الهدوم، و هو يقول بحدة: خلصي بسرعة.
خدت الهدوم و بقت تلبس و هي مش عارفه تقول لهم ايه، أو تعمل ايه بعد اللي حصل.
خرجت و هي تبص على الأرض اللي تم عليها سلب شرفها منها، بكامل أرداتها.
كانت تبص في الأرض بخجل و خوف، قال عامر بغضب: ايه اللي حصل.
سامح بتفهم و هو يبص حواليه: مش وقته يا عامر، بلاش فضا،يح ،يلا نرجع البيت.
مشي عامر و سامح و هي وراءهم.
حتي وصلوا البيت، جريت أمها عليها و قالت : كنتي فين,ايه اللي حصل، انطقي.
كانت بص في الأرض و تعيط بس.
مسكها عامر من الحجاب و قال بغضب شديد: بطلي زفت عياط و انطقي، ايه اللي حصل، و اللي كلم أمك و قالها، هاتي هدوم و تعالي استري بنتك ده مين، و تعملي ايه برة في نص الليل.
= أنا، أنا.
ضربها بالقلم ،و صرخ :اخلصي
: ده عمر
سامح: عمر مين.
= بنحب بعض، أخو واحدة صاحبتي اتعرفنا على بعض لما كان يوصلها للمدرسة.
فلاش باك
كان واقف عمر قدم مدرسة الثانوية التجارية للبنات ، مستني اخته، شاف رحمة، جري عليها.
: ازيك يا رحمة.
= الحمد لله.
: اومال فين ملك.
= جاية وراءي.
مد ايده بعلبة عصير و قال: اتفضلي.
هزت راسها بالرفض
: زعلان منك يا رحمة.
خدتها بسرعة، علشان خايفة على زعله، لأنها معجبة بيه بقالها فترة، لما يجي ياخد أخته من المدرسة، حتي هي تكون على أحر من الجمر كل يوم علشان تشوفه.
:اشربي.
=شكرا.
جت ملك و بصت بغضب و قالت: بتعمل ايه يا عمر
: مستنياكِ.
زفرت بضيق و قالت: طيب يلا، مع السلامه يا رحمة.
و خدت أخوها و مشيت.
الغريب أن ملك حذرت رحمة من أخوها و قالت لها أنها بتاع بنات و كل يوم مع واحدة، و هي ماشية وراء الشيطان.
كانت واقفة قدمهم ترتعش من الخوف و قالت: خدنا ارقام بعض و بقينا نكلم بعض كل يوم .
كانت امها قاعدة على الأرض ،تضرب على رجلها بصمت.
و سامح سند على الحائط.
و محمود قاعد على الكرسي مش قادر يتحرك و لا يتكلم.
ضربها عامر بالقلم مرة أخرى
و سأل: و ايه اللي حصل النهاردة.
بلعت ريقها بتوتر و قالت: كلمني و قال.
و عيطت و هي تفتكر اللي حصل فيها من شوية منه و من أصحابه.
وصلت رسالة على تلفيون عامر، بص في الرسالة بصدمة، كان مكتوب فيها: طبعا أختك حكت لك عني، أسمع بقا عامر، اسمي يجي على لسان حد فيكم، أختك لها عندي شوية فيديوهات تجنن، الصراحة أنا و صحابي كنا مبسوطين منها و علشان كده شوف اليومية بكام و أحنا تحت أمرك.
و انتهت الرسالة، بص لها، مسك شعرها و زقها على الأرض ،بدا يضرب فيها بجنون و غضب و الباقي يتفرج.
فضل يضرب فيها و هو يصرخ بجملة واحدة: ضيعتي شرفك و شرفنا.
كرر الجملة كتير و هو يضرب فيها بكل غل و حقد..
وقت طويل و مخدش باله أنها مش بتحرك، بص عليها بصدمة و يهز فيها و يقول: رحمة، رحمة ،هتعملي نفسك ميتة.
لكن كانت مش بتحرك.
و للحديث بقية
اتفاعلوا علشان أنزل الفصل الأخير بسرعة
فضلا و ليس أمر كل من يقرأ يسب لايك و كومنت يفرق معي ❤️ بلاش الصمت ده أعرف الحكاية حلوة أو لا منكم انتم.
،الكومنتت و لايك مش يأخذ منك ثانية بس يسعدني.
للاسف مأخوذة عن قصة حقيقية مع اختلاف بعض الأحداث.، لكن مكالمة التلفيون للأم حدثت بالفعل💔
و المنظر اللي كانت في رحمة حدث بالفعل.
ربنا يهدي كل بنت تمشي وراء شيطانها.
❤️❤️❤️❤️❤️❤️❤️❤️
سبحان الله وبحمده سبحان الله العظيم
استغفر الله العظيم و اتوب اليه
لا اله الا الله وحده لا شريك له له الملك وله الحمد وهو على كل شيء قدير
اللهم صل وسلم وبارك على سيدنا محمد
لا اله الا انت سبحانك اني كنت من الظالمين
لا حول ولا قوه الا بالله العلي العظيم
❤️❤️❤️❤️❤️
تكملة الرواية من هناااااااا
تعليقات
إرسال تعليق