مجمع الروايات الكامله والحصريه فقط اضغط على اسم الروايه موجوده كامله في موسوعة القصص والروايات جميع الفصول مع البرنس محمد السبكي قصص وروايات كامله يسعدني تواجدكم معنا في المدونه

 رواية ابن عمى الظابط الفصل الرابع 4بقلم هدى رامى حصريه 

رواية ابن عمى الظابط الفصل الرابع 4الاخير بقلم هدى رامى حصريه

بارت 4 والاخير.

خلصت محاضراتي بعد يوم مرهق بس رغم ارهاقه مش هيجي حاجه في إرهاق قلبي..خرجت من الجامعه و واتفاجئت لما لاقيته واقف قدام عربيته ولابس اسود كعادته ..تجاهلته وكنت لسه همشي..

-ندى .استني

=عايز ايه تاني.

-ندى .افهميني انا مكنش قصدي اخبي عليكي والله ..انا..

=مكنش قصدك!؟؟مكنش قصدك ايه بظبط.. مكنش قصدك تقرب مني ولا تعلقني بيك ولا تخبي عليا انك خاطب...ايه هو اللي مكنش قصدك؟؟؟؟!!!

-ندى انا والله كنت هقولك. بس كنت مستني الوقت المناسب..

= الوقت المناسب ؟!!وايه هو الوقت المناسب بالنسبه لك؟!  كنت عايزني اتعلق بيك اكتر من كده بعدين تقولي ؟

-ندى .انا..

= مش عايزه اسمع منك حاجه تاني ...خلاص كل حاجه بينا انتهت..

ده لو كان فيه بينا اصلا..

قولتها بقهر وسخريه..وكنت لسه همشي ودموعي مغرقه عيني بس كان فيه عربيه جايه بسرعه مختش بالي منها وقبل ما تخبطني

-حاسبي يا ندى..

قالها مازن وهو بيزقني بعيد عن العربيه ... والعربيه خبطته مكاني..

حسيت جسمي اتشل وانا شايفاه مرمي على الأرض غرقان في دمه والناس بدأت تتجمع حواليه ..مكنتش سامعه اي صوت حواليا .كان الدنيا وقفت ..كل حاجه وقفت حواليا ..فوقت من صدمتي وانا شايفاه ..مرمي على الأرض والدم مغرق هدومه 

-مازن ..مازن قوم بالله عليك ..

قولتها بعيط بصوت مهزوز. بس هو كان لسه بيفتح ويغمض عينيه وأيده حاولت تمسك ايدي وقالي بصوت حاول يطلعه بالعافيه 

- متعطيش ..انا كويس..

=....

كنت بعيط ومش عارفه اعمل ايه ولا اقول ايه سمعت صوته وهو بيقول باخر نفس فيه 

- انا اسف يا ندى..سامحيني ..انا بح..

مكملش كلامه لانه فقد وعيه 

صرخت بأعلى صوتي:

-حد يلحقه بالله عليكم..الإسعاف!!.

عدى اسبوعين دخل فيهم في غيبوبه ..فاتوا عليا كأنهم سنين كنت بدعيله في كل لحظه فيهم ..مسبتوش لحظه كنت قاعده جمبه..بدعيله وانا ماسكه أيده وبعيط ..وقفت عياطي بصدمه وانا حاسه أيده بتتحرك في ايدي .. جريت على بره بسرعه

-دكتور ..يا دكتوررر.مازن حرك أيده ..والله حرك أيده انا حسيت بيها..

ابستم و دخل لمازن وانا مستنياه بره على نار.. كان بابا ومنه وحسن خطيبها جم ..الدكتور خرج وقال إن مازن فاق وهينقلو اوضه عاديه ..بعدين نقدر ندخله واحد واحد ..

-حمدالله على سلامته ..

قالت الجمله دي شهد اللي لسه جايه ..

بصتلها وكأني فأجاه افتكرت أنو خاطب واني مليش حق فيه ..

-تقدروا تدخلوا ليه دلوقتي ..بس واحد واحد علشان النفس ..ومتطولوش عليه علشان هو لسه تعبان....

الدكتور قال كده وشهد دخلته 

-حمدالله على سلامتك يا مازن. 

= الله يسلمك يا شهد ..انا ...انا كنت عايز اقولك..

-متقولش حاجه يا مازن انا فاهمه كل حاجه ..

احنا اصلا متخطبناش عن حب ..دي كانت صفقه بين بابا وباباك ..واحنا علشان ولاد عم وصحاب من زمان افتكرنا اننا هننفع سوا..بس احنا مش هننفع سوا يا مازن ..وبعدين انت بتحب واحده تانيه ...وهي بتحبك..

بصلها بحزن:

=انا اسف يا شهد ..مكنش المفروض ادي لنفسي الفرصه احب وانا خاطبك ..حتى لو مش بنحب بعض ..

-متتأسفش ... الحب مش بأدينا ..يمكن انا لما عرفت في الاول زعلت علشان  حبتها و

انت خاطبني بس...

= بس ايه؟؟

-بس عذرتك لما جربت الحب انا كمان لاول مره ...

= ايهه؟؟

ضحكت وقالت :

-ايوه فيه حد كده ..بس والله هو محترم اني مخطوبه وانا برضو مقولتش اي حاجه ليه ..بس قولت اجي اطمن عليك واقولك ..خد الدبله ..دي مش ليا ..دي لللي ملكت قلبك ...

ابتسم و قال:

- ربنا يوفقك يا شهد واعتبري الدبلتين دول هديه من ابن عمك ..

ابتسمت وسلمت عليه ومشيت وانا كل ده بغلي بره من كتر الغيره ..خرجت وانا دخلته وعيوني بتطق شرار...

-حمدالله على سلامتك يا مازننن 

قولتها بعصبيه وانا بجز على اسناني ..

ابتسم عليا وقال:

=الله يسلمك ..مالك واقفه متنحه كده ليه ..تعالي اقعدي .

روحت قعدت جمبه وانا عماله اهز رجلي بعصبيه وقولت :

- ايههه كل ده ..وحشتك اوي يعني ...حبكت تحب فيها في المستشفى..

ضحك وقال:

=احب فيها ؟!.. انا مبحبش غيرك ..

-ايوه سايبنا واقفين بره وعمال تح....ايههههه؟!!! انت قولت ايهههه؟!!!

ضحك على صدمتي وقال:

=بقول انا ب.ح.ب.ك. 

فضلت متنحه وبعدين قولت :

- وشهد

= انا وشهد خلاص سبنا بعض ..وبعدين يعني انا اقولك بحبك ..وانتي تقوليلي وشهد!؟؟ 

- امال عايزني اقول ايه؟

= بحبك مثلا ..ومسمحاك 

يا قره عيني..

- مسمحاك يا قره عيني ..

= طب وبالنسبه ل بحبك ؟!

"بعد شهرين كنا بنرقص سلو في نص القاعه ..انا بفستاني الابيض وهو بالبدله السوده ...على اغنيه عمرو دياب وهو بيقول ....

وماله لو ليله توهنا بعيد وسبنا كل الناس..

انا يا حبيبي حاسس بحب جديد،ماليني ده الاحساس..

وانا هنا جنبي احلي الناس..

انا هنا جنبي اغلي الناسس..."

كنت سانده راسي على كتفه وهو ساند رأسه على راسي ،حاسه اني خلاص ملكت الدنيا ،اخيرا بقينا لبعض.

تمت بحمد الله.......

لمتابعة  الرواية الجديدة زورو قناتنا علي التليجرام من هناااااااااا

بدل ماتدور وتبحث علي الروايات عمل 

متابعه لصفحتنا على فيس بوك هنااااااااااا

الرواية كاملة من هناااااااااا

مجمع الروايات الكامله 1اضغط هناااااااا

 مجمع الروايات الكاملة 2 اضغط هناااااا