رواية مغامرات عائلية الفصل التاسع 9 بقلم همس كاتبة حصريه في مدونة موسوعة القصص والروايات
رواية مغامرات عائلية الفصل التاسع 9 بقلم همس كاتبة حصريه في مدونة موسوعة القصص والروايات
بارت 9
زياد : بس انا بحبك
غادة : و انا بكرهك .. بكرهك اكتر من اي حاجة بالدنيا
زياد : انتي كدابة … يا غادة انتي مش هتسامحي بقا ؟ بقالنا اربع سنين على الحالة دي
غادة بحدة : احترم نفسك و انت بتكلمني .. و ما تفتحش معايا مواضيع اتقفلت من زمان .. مش عايزة اسمع حاجة
قامت لتذهب مرة اخرى و لكنه امسكها جيدا و قال بغضب : لا هنتكلم .. انا ما عملتش حاجة تخليكي تعملي فيا كدة .. انتي الي اصريتي على فسخ الخطوبة لمجرد انك سمعتي شوية كلام من الي حوالينا .. ما فكرتيش حتى تكلميني و تتناقشي معايا … من حقك تزعلي على كل الي عملته بعد كدة …. بس مش من حقك تلوميني و انتي مش فاهمة حاجة
غادة بحدة : طبعا لازم اطلع انا الغلطانة … انت ليه بتحب دور الضحية اوي كدة .. زياد انت ما صدقت انا ابعد عشان تروح تتجوز … عمري ما هسامحك و لا هحبك زي زمان … انت بالنسبالي مش اكتر من ابن عم دمه تقيل
نفضت يده و قامت بسرعة … ذهبت من امامه
*************************
كان عبد الله يقف و ينظر الى احفاده و هم يحاولون العمل رغم مشاكساتهم الكثيرة
فريدة من وراءه : جدو
عبد الله : ايوة يحببتي
تقدمت و وقفت بجانبه … مدت له كوب الشاي و قالت : هو حضرتك ليه معاقبهم بالشكل ده ؟ الدنيا الضهر و الجو حر عليهم
عبد الله بابتسامة : دي مش عقوبة يحببتي .. ده جميل هيفضلو يفتكروه لغاية ما يكبرو
فريدة باستغراب : مش فاهمة
عبد الله : بصي يا فريدة .. انتي اكبر حفيدة بنت ليا … و بعد كام يوم و هتبقي مرات اكبر حفيد عندي برضو … و انا اول واحد شجعت موضوع جوازكم عشان احافظ على عيلتي …. انتو الوحيدين الي اشترطت عليكو تسكونو عندي هنا بعد الجواز .. يعني بالمستقبل هتكوني انتي ست البيت ده فلازم تتعلمي ازاي هتحافظي عليه
فريدة بابتسامة : اوعدك يجدو هعمل اي حاجة عشان احافظ عليه .. طب قولي بقا ايه الفكرة من العقوبة دي ؟
عبد الله : لو تبصي للارض الي قدامك … دي حتتة الارض الي ابويا فنى عمره فيها …ده قبل ما نشتري الاراضي الي وراها و نشتغل بالزراعة .. حتتة الارض دي هيا الي عيشتنا انا و امي و ابويا و اخويا عبد الرحمن … و بعد ابويا و امي ما ماتو .. انا و عبد الرحمن اشتغلنا فيها و ربينا عيالنا في البيت ده مع بعض … كانت ايام صعبة و كلها شقى و فقر بس الارض دي سترتنا و سدت جوعنا …. احفادي و احفاده ما شافوش الايام دي و لا اشتغلو فيها قبل كدة … يا دوبك كان تميم بيساعد باباه شوية في الموسم … اول درس عايز اعلمله ليكم ان الارض دي مش مجرد شوية تراب و زرع … دي تاريخ العيلة … هيا الي قدرت تسندنا و تأكل عيالنا … و لازم انتو تحافظو عليها
فريدة بسرحان : عمرك ما قولتلي الكلام ده قبل كدة يا جدو
عبد الله : طبيعي .. عشان مش عايز تحفظو الكلام حفظ و بس .. عايزهم يحسو بقيمتها .. شايفة البنات اول مرة يلبسو لبسنا مع انهم اتولدو هنا … و الاولاد كل واحد سارح في ملكوت غير عن الدنيا دي …. من ساعة ما جم البيت و اجتمعو عندي و انا عارف خلافاتهم …و عارف مين بيحب مين و مين الي مش طايق التاني .. و ده بقى الدرس التاني
فريدة باستغراب : لا معلش مفهمتش الدرس ده
عبد الله : هقولك .. لو ملاحظة انا وزعت الاولاد بمجموعات .. فارس و تميم دايما بيتناقرو على اي كلمة عشان كدة حطيتهم مع بعض … اوس و مصطفى دول تقريبا اخوات بالاسم بس .. زياد و غادة بينهم مشكلة قديمة بس لسا بيحبو بعض … و حلا و دينا مش بيطيقو لارا و كارما .. كل مجموعة فيهم اخترتها عشان يشتغلو مع بعض دي كانت فرصة ليهم .. عشان الشغل بيفتح ابواب كتير عليهم … هيزهقو و يبتدو يتناقشو و يعرفو بعض اكتر .. طبيعي اول يوم يحصل خناقات بس لما يمر شوية وقت هتلاقيهم اتعودو على بعض و اتقربو من بعض
فريدة : يااااه يا جدو .. عمرها ما كانت هتخطر على بالي الفكرة دي … بجد دي طريقة هايلة عشان يتقربو من بعض
عبد الله : ايوة .. دي بقا الحكمة من العقاب ده … بكرا لما يكبرو هيفتكرو الايام دي و هيعملو المستحيل عشان يحافظو على اللمة الحلوة
فريدة بابتسامة : طب اشمعنا انا و حبيبة مستبعدين ؟
عبد الله : عشان انتو ملكمش مشاكل مع حد .. انتي هنا الكل بيحبك و قريبة من كل البيت .. و حبيبة بريئة جدا .. كان كل الي ينقصها هو اوس عشان تظهر محبتها .. في البداية كانت مش طايقة حد بس من ساعة ما رجع هيا بقت طبيعية و بان عليها انتماءها للبيت ده … حبيبة بالذات دي ما اقدرش افرط فيها .. عشان دي وصية الغالي .. كانت اكتر حد قريب من اخويا و هيا الي بتفكرني بيه
فريدة بابتسامة : فعلا هيا لطيفة اوي مع كل الي في البيت .. انا فاكرة كويس لما جدو عبد الرحمن كان مينزلهاش من حضنه من كتر ما هو متعلق بيها .. كان بيقول دايما مش هيديها لحد غريب .. ده حتى كان بيقول من زمان ان دي مرات اوس المستقبلية
عبد الله : عشان كدة انا مستعجل على جوازهم .. حتى اني وافقت انهم يسكنو بمصر بس اضمن انها مبسوطة معاه .. عايز اوفي بوعدي لاخويا عشان اقابله عند ربنا و انا مرتاح
فريدة : ربنا يديك طولة العمر يا جدو .. انا بجد فخورة اني اتربيت في البيت ده .. انا بحبك اوي
حضنته بقوة و هي تبتسم و تنظر الى الشباب في الارض … و يتردد كلام جدها في اذنها حتى لا تنساه ابدا
***************************
في تمام الساعة الثانية ظهرا
اتجه عدنان الى الغيط و هو يحمل صينية على رأسه
عدنان بصوت عالي : الاكل جيه يا اولاد .. يلا تعالو اتغدو
التم حوله الشباب عدا اوس و حبيبة و زياد
دينا بقرف : ايه ريحتك دي يا تميم .. روح استحما انا هرجع
تميم : و الله قولي الكلام ده لجدي الي مرمطني
ارتمى فارس على العشب و قال بتعب : يا انهار اسود .. ايه الي بيحصل معايا ده .. شكلي بودع يجدعان
عدنان : كل واحد ياخد طبقه و يطفحه بسرعة عشان ترجعو للشغل
حلا بصدمة : ايه ده ان شاء الله ؟ عيش و جبنة ؟! هو احنا شحاتين و بتعطفو علينا ؟!
عدنان : جدك قال الي هيعترض هيحرمه من الاكل
كارما : لا كدة ظلم حرام عليه يعمل فينا كدة
دينا : قولتلكو جدو ما بيرحمش ما صدقتونيش
اتى مصطفى و هو يركض
مصطفى : اخيرا جيه الاكل .. هموت من الجوع
عدنان : خود يلا و وزع انت ع الباقي
امسك اوس يد حبيبة بعدما علم انه وقت الاستراحة و ذهبا باتجاه شجرة بعيدة عن الانظار و جلسا تحتها
حبيبة بابتسامة : الجو هنا يهبل .. هو انتا مش هتاكل ؟!
اوس بخبث : لا هاكل طبعا .. بعد الشغل الواحد محتاج وجبة دسمة
حبيبة بحماس : طب هروح اجيب الطبق بتاعك
كانت ستقوم و لكنه امسكها من يدها و جذبها الى حضنه و فاجأها بقبلة طويلة سرقها من شفتيها الوردية
بعد ثواني
اوس بابتسامة : هو ده اكلي
حبيبة بابتسامة خجل : عيب كدة .. احنا بالغيط
اوس بضحك : ما اغلب قصص الحب بالارياف بتتولد بالاماكن دي .. نسيتي كام مرة كنا نهرب و نيجي نستخبى هنا
حبيبة : ياااه ده من زمان اوي لما كنا نلعب استغماية … عمره ما حد عرف مكانا … احنا دايما الي كنا بنكسب
اوس بابتسامة : طول ما انا معاكي هبقى دايما كسبان
اخفت خجلها عندما خبأت وجهها في عنقه تستنشق عطره النفاذ الذي يوحي برجولته الطاغية
بعد اكثر من ربع ساعة اتاهم مصطفى
مصطفى بسخرية : جدو بيقول الاستراحة انتهت .. اتفضل يا اوس بيه ع الشغل و كفاياك محن
امسك اوس كمشة من التراب و نثرها في وجه اخية
اوس : اتلم يالا و روح كمل شغلك من سكات
مصطفى بغيظ : اقسم بالله لاقول لجدو
و هرب بسرعة تزامنا مع قدوم يزن صديق اوس
يزن بضحك : كنت متاكد اني هلاقيك هنا … انت ايه الي عمل فيك كدة يا ابني ؟
اوس : هو انا شكلي وحش للدراجة دي ؟
يزن : لا و الله بالعكس لايق عليك جدا .. بس اول مرة اشوفك بالجلابية .. برضو مش مستغني عن اناقتك المعتادة يا صاحبي
اوس بسخرية : تسلم الله يخليك .. انت ايه الي جابك هنا ؟!
يزن : جدك كلمني و عزمني انا و ابويا على الغدا .. جاي اسألك هو عرف ازاي ؟ اصله اعتذر لابويا على الي عملتوه
اوس : معرفش .. اكيد في عميل وسطنا و قاله .. ده عاقبنا زي العيال الصغيرة
يزن بضحك : جدك ده دماااغ .. يا لهوي ع التهزيق .. دول بياكلو جبنة و عيش .. و تميم اتبهدل يحرام بالزريبة
اوس بنفخ : هقول ايه .. حكم القوي
يزن و هو يلتفت الى حبيبة التي تصور المناظر حولها بهاتفها حتى تترك لهم مجال للحديث
يزن : ازيك يا مرات اخويا
حبيبة بابتسامة : الحمدلله
اوس بسرعة : طب يلا غور من هنا .. روح شوف باباك
يزن بغمزة : بتوزعني يعني .. ماشي يا صاحبي
غادة : ده بني ادم زبالة .. بعد كل الي عمله عايش دور الضحية
حلا : جدعة يا بت الي وقفتيه عند حده .. ده بني ادم خاين اوعك ترجعيله
لارا : و الله انك حمارة يا غادة .. ده بيموت فيكي … حرام عليكي مرمطتي اهله معاكي
حلا بصدمة : اش اش اش .. مين الي بيتكلم .. لارا ؟ مستحييييل
لارا بغيظ : و انتي مالك ؟! انا بكلم اختي .. و قبل ما تقوي اختي على الي بتحبه روحي شوفي اختك فين و مع مين
حلا بسخرية : مع مين يختي ؟! دي قاعدة مع جوزها .. مش بتلف على الي رايح و الي جاي زيك
لارا بغضب : و حياة ربنا لو ما اتخرستي هكون طاحناكي
حلا بتحدي : طب وريني هتعملي ايه يلا
غادة : بس بقا منك ليها .. انتو كل شوية هتتخانقو .. كفاية … انا الغلطانة اني بفضفض لعيال زيكو
كان يزن يمشي باتجاه البيت و لكن سمع صوت خشخشة اساور … التفت الى اتجاه الصوت و ابتسم .. اتجه لدينا التي تمسك المقص و تقلم النباتات
يزن بضحك : ازيك يا حجة نفيسة … خلصتي علاج و لا لسا
دينا : يخربيت الغتاتة .. دمك سم ياض
يزن : الله يخليكي … ايه هو العلاج ما نفعش و لا ايه ؟
دينا ببلاهة : علاج ايه يا اهبل انت
يزن : علاج مجموعة الامراض النفسية الي فيكي .. ايه الي عاملاه بنفسك ده ؟! في وحدة تنزل الغيط بكمية الدهب دي ؟!
تركت دينا المقص و نفضت ملابسها … جلست على صخرة قريبة و قالت بضيق : كنت حابة اغير جو .. البيت كئيب جدا و كلنا زهقنا .. نفسي اعمل حاجة تسليني شوية
امسكت كيس اللب و قالت : تقزقز لب معايا ؟
يزن بابتسامة : ياااااه .. ده انتي اخدتي ع الجو بسرعة
اخذ حفنة بيده من الكيس و جلس بجانبها
يزن : امته هتخلصي قراية الكتب الي خدتيها ؟
دينا بسخرية : ليه هتفلسو من وراها .. ده انتو عندكو مطبعة قد كدة
يزن : يا ساتر .. قل اعوذ برب الفلق .. يا بت انا بسألك عشان اديكي غيرهم .. اهو تتسلي بدل الزهق ده
دينا بحماس : بجد .. هتجيبلي غيرهم ؟!
يزن باستغراب : ايوة ! .. المخزن عندك اهو روحي خودي العدد الي عايزاه و وقت ما تحبي
دينا بسعادة : يااااه ده انت طلعت طيب .. زي ابطال الروايات اولها بكونو اشرار و بعدها بيبان انه مفيش اطيب من قلبهم
يزن بضحك : بس مفيش بطل مناخيره كبيرة
دينا : ياعم تبقى تعمل عمليه .. الا قولي بقى انت غاوي قراية و لا ايه ؟!
يزن : اكيد طبعا .. طالما عندنا مكتبة كبيرة و انا رايح جاي عليها طبيعي احب القراية
دينا بسعادة : الله تحفة يا ربي تحفة
يزن بابتسامة : واضح انك عايشة بعالم تاني .. باين عليكي بتصرفاتك كانك عايشة تفاصيل كل حاجة بتقريها
دينا : اصلي مهوسة بالكتب و الروايات … الا صحيح انت ايه الي جابك ؟ عمري ما شوفتك عندنا قبل كدة
يزن : اه عشان كنا متخانقين مع عيلتك من كام سنة .. و السنة الي فاتت بس اتصالحنا .. بس انا و اوس و تميم صحاب من زمان اوي
دينا : غريبة .. يعني عمري ما شوفتك معاهم او جابو سيرتك قدامي
يزن : ما بقولك كان في خناقة .. و احنا حافظنا على صداقتنا من وراهم
دينا : طب ليه جيت لهنا ؟
يزن باستفزاز : ما بقولك اتصالحنا السنة الي فاتت
دينا : افهم يا حمار .. بقولك ايه سبب زيارتك دي .. ليه جيت هنا النهاردة ؟! اول مرة اشوف بطل غبي بالشكل ده
يزن بضحك : ايوااا قولي كدة من الاول .. جدك الي عزمنا عشان يعتذر على اقتحامكم للارض بتاعتنا
دينا : طب هو عرف منين ؟!
يزن : معرفش ما قاليش … بس ده معاه فيديو ليكو و كل حاجة عملتوها متسجلة صوت و صورة … انا استغربت من كلامه و استغربت اكتر ازاي وصله الفيديو
دينا بشهقة : يا نهار اسوووود
قامت و صرخت باعلى صوت
دينا : يا شبااااااب … انا عرفت الخاييييين
اجتمع كلهم حولها و اتى تميم و فارس من بعيد جريا
فارس و هو يلهث : مييين ؟!
رفعت اصبعها و اشارت الى مصطفى المرعوب
دينا : الخاين هو مصطفى ……… يتبع
تكملة الرواية من هناااااااا
لمتابعة باقى الرواية زورو قناتنا علي التليجرام من هناااااااااا
بدل ماتدور وتبحث علي الروايات عمل
متابعه لصفحتنا على فيس بوك هنااااااااااا
الرواية كاملةمن هناااااااااا
مجمع الروايات الكامله 1اضغط هناااااااا
مجمع الروايات الكاملة 2 اضغط هناااااا
تعليقات
إرسال تعليق