رواية أنا والشيطانه الفصل الأول والثاني والثالث والرابع بقلم محمد طه
رواية أنا والشيطانه الفصل الأول والثاني والثالث والرابع بقلم محمد طه
أنا أسمي عبدالرحمن عندي 27سنه من محافظه الفيوم ومن عيله غنيه جدا.. تقريبا من أغني عائلات الفيوم وأبويا راجل معروف ف المحافظه كلها بحكمته..يعني بالبلدي كده حلال مشاكل درجه أولي
بالمناسبه أنا لسه عريس جديد..متجوز بقالي سنه.. آه سنه يبقي لسه جديد ومراتي تبقي روفيده بنت خالتي..عشنا أجمل قصه حب قبل الجواز
ومتفاهمين جدا..بقلم..محمد طه
أنا واخد شقه ف القاهره وعايش فيها أنا ومراتي عشان شغلي ف القاهره..والنهارده بقي عيد جوازنا الأول وحبيت إن يكون اليوم دا مميز وقولت بقي نخرج نسهر سهره حلوه برا ونتعشي عشوه رومانسيه
ومن هنا بدأت الحكايه
_إيه رأيك ف المكان يا روح قلبي
_أي مكان ببقي معاك فيه بيكون أجمل مكان ف الدنيا..أنته اللي بتحلي المكان يا عبدالرحمن
_يا لهوي ع الكلام الحلو..يا بت إنتي بتجيبي الكلام الحلو دا منين
-من قلبي يا قلبي
_طيب وريني كده(ومديت إيدي على قلبها لكن بسرعه منعتني وخبطتني على إيدي وهيا بتضحك )
_إتلم يا عبدالرحمن إحنا مش ف البيت
_(بصيت يمين وشمال وقولتلها)مفيش حد واخد باله وبعدين هوا إنتي غريبه..دا إنتي بتاعتي 3 مرات عارفه يعني إيه 3 مرات
_(بإستغراب)لأ مش عارفه يعني إيه..والنبي عرفني
_حبيبتي ومراتي وبنت خالتي
_تصدق صح..بس أنا بقي عايزه أشرحهملك عشان تبقي واخد بالك..وإحنا ف البيت أنا حبيبتك ومراتك وبنت خالتك..إنما وإحنا برا البيت تشيل مراتك من التلاته..يعني أنا دلوقتي حبيبتك وبنت خالتك ومش بنت خالتك كمان لأ دا أنا إبن خالتك..ويلا طفي بقي الشموع دي واطلبلنا العشا عشان جوعت
_(بلوي بوز)أطفي الشموع.. أنته خليت فيها شموع..(ويبتسم)إنتي عارفه إيه أكتر حاجه بحبها فيكي
_(ردت عليا وهيا بتطلع علبه المكياج من شنطتها عشان تظبط مكياجها) إيه
_رجولتك
(بصتلي بغضب وقفلت علبت المكياج)
_(لكني لحقت الموقف بسرعه)رجولتك برا البيت(وناديت على الجارسون)العشا بسرعه يا أبني لإبن خالتي..منور يا إبن خالتي..متهيألي الشفه اللي تحت محتاج يتجددلها الروج..بقلم..محمد طه
_وبعد ما اتعشينا فضلنا نهزر ونضحك..وأخدتها وفسحتها ف أكتر من مكان وما رجعناش البيت غير قبل الفجر كده بحوالي ساعه
وأول ما دخلنا الشارع اللي ساكنين فيه..الطبيعي إن أي حد أول ما بيدخل الشارع اللي ساكن فيه عالطول عنيه بتروح على الشقه اللي ساكن فيها..ودا اللي حصل معانا..
أنا ومراتي أول ما دخلنا الشارع بصينا على شقتنا واتصدمنا لما لقينا نور الشقه والع
روفيده بخوف واترمت ف حضني..مين اللي ف الشقه يا عبدالرحمن
أنا بصراحه خوفت وقولت ف بالي يمكن حرامي..
بس لو حرامي أكيد مش هيولع نور الشقه..وبعدين خمنت إن يكون حد من أهلي..بس برضوا هيدخلو الشقه إزاي من غير مفاتيح
أنا عمال أخمن وأدور على سبب وروفيده جسمها كله بيتنفض من الخوف ف حضني..وبعدين بدأت إني أطمن نفسي واطمنها
_(بهدوء)فيه إيه يا إبن خالتي مالك..ما كنت عامل فيها 7 رجاله من شويه..وبعدين إحنا لسه ف الشارع..والمفروض إنك إبن خالتي..وأنا إبن خالتي ما يخافش..بقلم..محمد طه
_(هيا بخوف)مش وقت هزار يا عبدالرحمن..مين اللي ف الشقه
_أكيد يعني مفيش حد..والأكيد إني نسيت نور الشقه والع..إهدي كده وأطمني مفيش حاجه
_(ودخلنا الشقه وأنا عمال أفتكر هل فعلا أنا نسيت نور الشقه والع..لكن إحنا ما لقيناش أي حاجه غريبه ف الشقه..ولا حاجه متبهدله ولا ناقصه..مفيش غير إن نور الصاله والع..لكني بدأت أكد لروفيده إني أنا اللي نسيت النور والع)
_(وكملنا سهرتنا لحد ما خلاص النهار قرب يطلع..ودخلنا ناخد دش سوا..وطلعنا عشان ننام..
وقبل ما نروح ف النوم جرس الباب يرن)
_قومت لبست ترنج وروحت أفتح الباب..لقيت بنت عندها حوالي 30 سنه وجمال إيه وشياكه إيه وأنوثه إيه أنا أول ما شوفتها تنحت ياجي خمس دقايق ومش قادر أنطق..عمال أبلع ف ريقي بس من شده الجمال اللي واقف قدامي وخصوصا إنها كانت شبه عريانه وكان فيه أجزاء كتير من جسمها عريان
_وبعدين استجمعت قوتي وبلعت ريقي يمكن للمره المليون وقولتلها..أفندم
_ردت عليا وهيا مبتسمه وقالتلي..أنا الشيطانه.........
_ويتبع..........
#أنا_والشيطانه
#بقلم_محمد_طه
#الثاني
_ردت عليا وهيا مبتسمه وقالتلي..أنا الشيطانه
فضلت متنح وقولت ف بالي..أكيد طبعا لازم تكون شيطانه..لأن مستحيل الجمال دا يكون بشر زينا..
وقطع سرحاني ف جمالها صوت مراتي وهيا خارجه من أوضه النوم لأني طولت أوي عالباب فقالت تطلع تشوف فيه إيه..بقلم..محمد طه
_مين يا عبدالرحمن
_لفيت وشي بسرعه لمراتي وأنا بحاول أنشف العرق اللي ظهر على وشي وقولتلها بصوت هادي جدا..
تقريبا الآنسه تايهه
_بصت روفيده عالباب وقالتلي بإستغراب..آنسه..هيا فين الآنسه دي
_لفيت وشي بسرعه ناحيه الباب لقيتها اختفت وجريت أبص على السلم فوق وتحت مفيش حد خالص وأنا عمال أضرب كف على كف وأقول ف بالي هيا راحت فين..راحت فين..لحد ما روفيده كررت عليا السؤال تاني
_مين اللي كان عالباب يا عبدالرحمن
_(قفلت الباب ودخلت الشقه وروحت على أوضه النوم وروفيده جات ورايا وأنا عمال أضرب كف على كف وهتجنن..وقعدت على السرير وبدأت أشرح اللي حصل لروفيده)
_أنا فتحت الباب لقيت بنت جميله أوي..أنا أول مره أشوف بنت بالجمال ده(وهنا خبطتني روفيده ف كتفي من باب الغيره)أنا بكلمك بجد ولما قولتلها أفندم قالتلي(وبعدين سكت)بقلم..محمد طه
_(بإستفسار)قالتلك إيه
_ورفضت إني أقول لمراتي هيا قالتلي إيه عشان متخافش وكدبت عليها وقولتلها..قالتلي إنها تايهه
_ردت عليا بنعس وهيا بتتثاوب..آهي غارت وراحت لحال سبيلها..يلا عشان ننام عشان أنا ميته من النعس
_(برفض)لأ أنام إيه..خلاص النهار طلع أنا هقوم آخد دش وأنزل أروح الشغل..نامي إنتي وأنا لما هرجع هصحيكي وهبقي أجيب غدا معايا
(وسيبت روفيده ودخلت الحمام ووقفت تحت الدش حوالي ساعه وكل تفكيري ف البنت اللي كانت عالباب
وجمالها مش عايز يفارق خيالي..وبعدين خرجت من الحمام لقيت روفيده ف سابع نومه..لبست هدومي وخرجت على شغلي)
(وأول ما نزلت الشارع لقيت قدامي عربيه جيب سودا والازاز بتاعها كله أسود..وفجأه لقيت إزاز الباب اللي ناحيتي بدأ ينزل وانصدمت لما لقيت اللي راكبه العربيه هيا نفس البنت اللي كانت عالباب) وقالتلي بصوت كله دلع..أركب يا عبدو
(أنا عنيا أتحجرت عليها ياجي خمس دقايق لأنها لابسه فستان أشيك من اللي كانت لابساه عالباب وأكثر إغراء..وبعدين بصيت يمين وشمال وشاورتلها إنها تقصدني أنا..ولقيتها بتهزلي راسها يعني آه تقصدني أنا)بقلم..محمد طه
_قربت من العربيه ونزلت شويه عشان أعرف أكلمها..
هوا حضرتك مين وعايزه مني إيه
_ردت عليا بصوت فيه نسبه إغراء..ما أنا قولتلك أنا مين فوق عالباب يا عبدو أنته بتنسي ولا إيه..وعايزه منك إيه..هوصلك لشغلك..يلا أركب بقي
_(برفض وجديه)حضرتك أنا لا هركب ولا عايز حضرتك توصليني..واتفضلي حضرتك من هنا عشان ما أعملكش مشاكل
_(بابتسامه ودلع)ليه بس كده يا عبدو..دا أنا عايزه أبسطك وادلعك..وبعدين عنيك بتقول إنك معجب بيا
وعقلك بيفكر فيا من لحظه ما شوفتني..وقلبك لما يعرفني أكتر هيحبني
(أنا تقريبا استسلمت لكلامها لأن كلامها كله صح..
لكني قولت أقاوم شويه وما أظهرش قدامها إني ضعيف ورديت عليها بكل غضب)
_إنتي فعلا شيطانه..وأنا مش هسيبك تخربيلي حياتي وبيتي(وبتحذير)أمشي من هنا عشان ما اعملكيش مشاكل بجد
_ردت بابتسامه وهيا بتشغل العربيه عشان تمشي..
أنته كداب يا عبدو..بس أنا هسيبك على راحتك ومش هضايقك..هشوفك تاني(وقبل ما تمشي نبهتني لحاجه مهمه وقالتلي) آه صحيح..بلاش تحكي كل حاجه لمراتك وخصوصا عني..بقلم..محمد طه
(وبعدين سابتني ومشيت وأنا فضلت واقف باصص عليها لحد ما بعدت واختفت وبعدين مشيت على شغلي وأنا تفكيري وتركيزي كله ف كلامها وجمالها اللي مستحيل أي إنسان يقدر يقاومه)
(المهم وصلت شغلي..وعالفكره أنا شغال ف فرع من فروع بنك ف القاهره واستلمت شغلي وف اليوم دا مكنش فيه زحمه كان اليوم رايق جدا.. ودخلت عليا أول عميله وأتصدمت للمره التالته إنها هيا هيا نفس البنت ولابسه طقم غير اللي كانت لابساهم قبل كده لكن المرادي محترم شويه لكن شيك جدا)
_كلمتها بكل هدوء أكني معرفهاش ولا شوفتها قبل كده..أفندم..أؤمري حضرتك
_ردت عليا بابتسامه ونظرات كلها إغراء..عايزه أفتح حساب يا إستاذ عبدالرحمن
_رديت عليها بكل جديه وأنا باصص على الكومبيوتر اللي قدامي لأني كنت بتعمد إني أهرب من نظراتها وقولتلها بصوت كله حزم..بطاقه حضرتك لو سمحتي
_ردت عليا رد أجبرني على إني أبصلها وقالتلي..طيب رد على تليفونك لما أطلعلك البطاقه
_أنا بصيتلها باستغراب لأن تلفوني ما رنش وبصيت على التلفون يمكن أنا عامله صامت وأنا مش واخد بالي..بس لقيت التلفون عادي محدش بيرن..فرديت عليها بغضب لكن بصوت واطي..بقلم..محمد طه
_هوا حضرتك جايه تهزري..هرد ع التليفون إزاي من غير ما يرن
_ردت عليا بابتسامه كلها ثقه..هيرن دلوقتي
_رديت عليها وكأني باتحداها..لو رن أنا مش هرد..بطاقه حضرتك لو سمحتي عشان أشوف شغلي
_ردت عليا بابتسامه تحدي وكأنها بتتحداني هيا كمان وقالت بكل دلع..هنشوف هترد ولا مش هترد
_ومفيش ثواني ولقيت تلفوني بيرن وكان أبويا اللي بيتصل وطبعا مستحيل أبويا يرن عليا ومردش عليه وفتحت التلفون بسرعه ورديت على أبويا وهيا واقفه بتبتسم لأنها كسبت التحدي
_السلام عليكم إزيك يابا
_وعليكم السلام..طمني عليك يا عبدالرحمن عامل إيه ومراتك عامله إيه
_إحنا كويسين والله يا حاج وروفيده بتسلم عليك وبتبوس إيديك
_(بصوت كله قلق)الله يرضا عليكم يا إبني..خلي بالك منها وخلي بالك من نفسك
_(بقلق)هوا صوتك ماله يا حاج..خير هوا فيه حاجه ولا إيه..أمي كويسه وأخواتي كويسين
_إحنا كلنا كويسين يا عبدالرحمن..ما تقلقش مفيش حاجه..أنته بس خلي بالك من نفسك ومن مراتك ويبقي طمني عليكم
_وبعدين قفلت مع أبويا وأنا حاسس إن فيه حاجه حصلت لأن مش دا صوت أبويا الطبيعي..واللي بيأكد إحساسي إن أبويا عمره ما أتصل بيا الصبح..وفضلت حوالي دقيقه سرحان وقطع سرحاني صوت العميله اللي قدامي وصدمتني لما قالتلي
_بابتسامه ودلع..جريمه قت،ل
_بصيتلها بكل ذهول..نعم
_جريمه قت،ل حصلت عندكم ف البلد..ولو عايز تعرف مين اللي أتق،تل؟.. وأتق،تل ليه؟.. ومين اللي قت،له؟.. أنا ممكن أقولك............
_ويتبع.........
#أنا_والشيطانه
#بقلم_محمد_طه
#الثالث
_جريمه قت،ل حصلت عندكم ف البلد..ولو عايز تعرف مين اللي أتق،تل؟.. وأتق،تل ليه؟.. ومين اللي قت،له؟..أنا ممكن أقولك
(أنا فضلت متنح ومش مصدق اللي هيا بتقوله..أنا أصلا مش مصدق هيا إزاي عرفت إن تلفوني هيرن قبل ما يرن.. هيا شيطانه بجد ولا إيه)
(واتصدمت لما لقيتها بترد على سؤالي وأنا بكلم نفسي ف سري ولقيتها بتقولي)بقلم..محمد طه
_آه شيطانه بجد يا عبدو
_رديت عليها والخوف بدأ يسيطر عليا..أنا مش مصدقك..شيطانه إيه وهبل إيه..إنتي شكلك كده مجنونه وهربانه من مستشفى المجانين
(وهيا لاحظت إني بدأت أخاف والخوف بدأ يظهر على ملامحي وف صوتي.. وأنا بدأت أتوتر لكن حافظت على أعصابي عشان محدش من زمايلي ياخد باله وكان فيه جنبي إزازه ميه ف شربت وبدأت أهدى وبصيت قدامي ملقتهاش)
(خلصت شغل وروحت البيت وأنا أعصابي ومفاصلي سايبين ومش قادر أتحكم ف نفسي وبقيت قاعد بكلم نفسي)
_شيطانه إيه اللي بجد..مستحيل تكون شيطانه بجد..
طيب هيا عايزه مني إيه..واشمعنا أنا..أنا هتجنن..اللي بيحصل دا مستحيل يكون حقيقي..مستحيل يكون حقيقي..وقطع سرحاني صوت روفيده
_مالك يا عبدالرحمن..من ساعه ما جيت من الشغل وأنته قاعد سرحان..بتفكر ف مين بقي إن شاءالله
(ولسه هقول لروفيده وأحكيلها على اللي حصل..
وافتكرت إنها قالتلي ما تحكيش حاجه لمراتك..
وبسرعه غيرت الموضوع وما خليتش روفيده تحس بأي حاجه)بقلم..محمد طه
_أبويا أتصل بيا النهارده الصبح
_ها وبعدين..فيه حاجه حصلت ف البلد ولا إيه
_لأ مفيش حاجه حصلت
_ولما مفيش حاجه حصلت..قاعد سرحان وقلقان ليه
_أنا قلقان من إتصال أبويا بيا الصبح..أبويا عمره ما كلمني الصبح بدري كده..وبعدين صوته مكنش عاجبني..وقالي خلي بالك من مراتك وخلي بالك من نفسك..أنا مش مطمن حاسس إن فيه حاجه
_خير إن شاءالله..هوا لو فيه حاجه كان هيقولك..
أطمن..طمني أنته بقي وقولي كنت سرحان ف مين
(وف اللحظه دي حسيت إن ورقي كله مكشوف قدام روفيده وبقيت عامل زي اللي عامل مصيبه والكل بيبصو عليه..لكني حاولت أجتهد وأصر إن معرفهاش حاجه عن البنت اللي بتدعي إنها شيطانه دي)
_وقولتلها بغضب..هوا إيه اللي سرحان ف مين دا يا روفيده..ما أنا قولتلك هعيد تاني يعني
_ردت عليا بكل هدوء..لأ ما تعيدش تاني يا عبدالرحمن..بس أنا مش واحد صاحبك قاعد معاك على القهوه هيقولك مالك هتقوله أي حاجه وخلاص ويصدقك (وسكتت شويه وبعدين مدت إيدها عدلت وشي ناحيتها عشان مكنتش باصص ليها وبصت ف عنيا)قولي يا عبدالرحمن..البنت اللي جات رنت علينا الجرس الصبح بدري اللي كانت تايهه دي..وكانت حلوه أوي دي..هيا كانت لابسه إيه
(بدأت إن أنا أبتسم لأن خلاص مفيش مفر..لكن برضوا هحاول إني محكيش كل اللي حصل ولما أتأخرت ف الرد)بقلم..محمد طه
_أنا بسألك عشان ترد مش عشان تبتسم..كانت لابسه إيه
_تقريبا كده مكنتش لابسه حاجه
_ردت بغيره وزعل..وأنته بقي فتحت الباب ووقفت تتفرج(وسابتني وقامت دخلت الأوضه وهيا زعلانه مني بجد)
(دخلت وراها لاقيتها نايمه على السرير وبتعيط..
روحت قومتها ونشفتلها دموعها وأخدتها ف حضني وبعدين بدأت أهدي فيها)
_طيب أنا ذنبي إيه دلوقتي..فتحت الباب لقيت بنت شبه عريانه واقفه قدامي..أعمل إيه
_وهيا بتعيط..ما تعملش حاجه يا بيه..أقف أتفرج
_رديت عليها بابتسامه واستعباط..مش كده برضوا
_ردت عليا وهيا بتخبطني ف كتفي..أنته هتستعبط..
بعد كده المنظر المقرف دا لو أتكرر تاني تقفل الباب ف وشهم..أصلا بعد كده أنا اللي هفتح الباب
_رديت عليها بهزار..وأفرضي بقي روحتي تفتحي واللي ع الباب طلع راجل وشبه عاري..هيبقي إيه الكلام
_ساعتها هرزع الباب ف وشه..وبرضوا مش هخليك تفتح الباب تاني
_أمرك يا إبن خالتي..فك بقي كده ودلعني شويه
(ولسه هقرب عشان أبوسها وتلفوني يرن وكان رياض إبن عمي)
_رياض مازحا..أيوه يا عم عايش أنته ف البقلاوه ولا داري بحاجه..بقلم..محمد طه
_ما أنا قولتلك تعالي عيش معايا ف البقلاوه وأنته اللي مش راضي..عجباك البلد وعيشه البلد
_يا عم عبدالرحمن من خرج من داره أتقل مقداره
وأنا هنا ف البلد عايش ميت فل واربعتاشر..المهم أنته باين عليك كده لسه معرفتش حاجه
(وهنا بدأت إن أنا أوطي صوت التلفون من غير ما روفيده تحس بحاجه ولذياده الأمان عملت نفسي رايح المطبخ عشان أشرب ووطيت صوتي شويه)
_خير يا رياض..فيه إيه
_البلد مقلوبه من لليله إمبارح والحكومه ف كل مكان ف البلد
_باستعجال وتهور..مين اللي أتق،تل
_باستغراب..طيب ما أنته عارف أهو
_باستعجال..معرفش حاجه يا رياض..أنته بتقول حكومه يبقي أكيد فيه جريمه قت،ل
_باستغراب..وهيا الحكومه ما بتظهرش غير ف جرايم الق،تل بس
_يا عم رياض زله لسان..قولي بقي..الحكومه بتعمل إيه ف البلد من ليله إمبارح
_يا عم لا زله لسان ولا حاجه هوا تخمينك صح..فعلا فيه جريمه قت،ل..قولي الأول مراتك جنبك
_باستعجال..لأ مش جنبي.. أخلص بقي وقول فيه إيه
_عماد إبن بركات النادر..أتق،تل إمبارح بالليل..والبلد ما نامتش من إمبارح
_بصدمه..يا نهار أسود..ومين اللي قت،له
_لسه محدش يعرف حاجه..وربنا يستر عشان عيله النادر مش هيسكتو..البلد شكلها كده داخله على خراب يا إبن عمي
_بهدوء..ربنا يطمنك يا رياض..أقفل بقي لما أشوف المصيبه دي
(وقفلت مع رياض وأنا عقلي هيتشل ودماغي هتنف،جر ..وبلف عشان أخرج من المطبخ..ألاقي روفيده واقفه ورايه وطبعا سألتني السؤال المتوقع)
_هوا أنته سحبت نفسك من جنبي ليه؟؟فيه إيه بينك وبين إبن عمك مش عايزني أعرفه!!!
_بتردد..هوا أنا مكنتش حابب إن أنا اللي أبلغك اللي حصل..بس إنتي كده كده هتعرفي
_ردت عليا بقلق وخوف..إيه اللي حصل يا عبدالرحمن؟
_عماد إبن عمك مرزوق أتق،تل إمبارح بالليل.............
_ويتبع..............
#أنا_والشيطانه
#بقلم_محمد_طه
#الرابع
_عماد إبن عمك مرزوق اتق،تل إمبارح بالليل
(أول ما روفيده سمعت الخبر حسيت إنها داخت وهتوقع عالارض ف شيلتها ودخلتها جوه وفضلت تعيط..وأنا حاولت أهديها وفضلت أواسيها وأقولها)
_إن شاءالله حقه هيرجع واللي عمل كده مش هنسيبه..والمفروض دلوقتي إن إحنا ندعيله ونترحم عليه..بقلم..محمد طه
_ردت عليا وهيا غرقانه ف دموعها وقالتلي جمله واحده..أنا عايزه أنزل البلد دلوقتي
(وطبعا وافقت وأخدتها ونزلنا البلد)
(وأول ما نزلنا البلد.. الحكومه كانت منتشره ف كل مكان وكل اللي رايح واللي جاي يسألوه رايح فين وجاي منين..وبعدين وصلت روفيده لبيت عمها..
وبعدين روحت بيتنا وأستغربت جدا من رد فعل أبويا أول ما شافني)
_بعصبيه وصوت عالي..أنته إيه اللي جابك يا عبدالرحمن
_أمي وهيا وخداني ف حضنها..فيه إيه يا حاج..دا سؤال برضوا..جاي يعمل الواجب ويقف جنب نسايبه
_رد أبويا بعصبيه ذياده..وهوا الواجب والوقوف جنب نسايبه أنا مش هعرف أعمله
_رديت على أبويا وأنا بحاول أهديه وأطمنه..يا حاج أنا كان لازم أنزل عشان روفيده مراتي..ما هوا مراتي كان لازم تنزل عشان تواسي مرات عمها وبنات عمها وبعدين عماد دا ف حكم أخوها..وأنا كان لازم أجيبها عشان ما ينفعش تنزل لوحدها..وكده كده أنا راجع تاني عشان عندي شغل بكره وما بلغتش بأجازه
_رد عليا أبويا وهوا بيقوم وبيعدل هدومه..طب يلا قوم عشان أوصلك
_ردت عليه أمي بغضب..فيه إيه يا حاج عوض..الواد ما أخدش حتي نفسه ولا شرب بق ميه..فيه إيه مالك
(وبعدين قالتلي) قوم يا حبيبي أدخل ريحلك شويه لما نحضر الأكل..بقلم..محمد طه
(أبويا بص لأمي بغضب وبعدين سابنا وخرج)
_باستفسار..هوا أبويا ماله يا أمه
_أبوك خايف عليك..ما أنته شايف البلد واللي حصل فيها والحكومه اللي ف كل مكان..قوم أنته بس كده خدلك دش وناملك شويه لحد ما نجهز الأكل
_بصيت يمين وشمال أدور على أخواتي مش شايفهم..هما أخواتي فين
_أخواتك ف أوضتهم أبوك قايلهم ما يخرجوش منها
(وسيبت أمي وروحت أطمن على أخواتي وأسلم عليهم..وأخواتي هما حنين 20سنه وسلمي 15سنه والكتكوت الصغير خالد 6سنين..وأول ما دخلت الأوضه أخدتهم ف حضني وطمنتهم وأخدتهم وخرجتهم من الحبسه اللي كانوا فيها وبعدين ما رضيتش أنام وطلعت قعدت مع أبويا قدام البيت)
_أبويا بهدوء..ما دخلتش نمت ليه
_مش جايلي نوم يا حاج..وبعدين أنا مش عارف حضرتك قلقان أوي ليه كده(ما ردش عليا وطلع سيجاره وولعها) عالفكره مكالمتك ليا الصبح دي أنا حسيت إن فيه حاجه..ما قولتليش ليه يا حاج اللي حصل
_علشان ما تجيش
_بس أنا كده كده كنت هعرف.. وكان لازم آجي.. دول نسايبي
_بغضب..وأنا قولتلك بلاش النسب ده وبلاش العيله دي بالذات..وأنا عارف وأنته عارف ليه
_بهدوء..يا حاج وأنا مالي ومال العيله واللي بيعملوه..
هوا أنا أتجوزت العيله..أنا أتجوزت بنت خالتي
_بغضب..ما اسمهاش أتجوزت بنت خالتك..إسمها أتجوزت بنت مرزوق النادر
_بهدوء..عالفكره يابا أنا عمري ما شوفتك عصبي كده..هوا أنته تعرف حاجه عن جريمه الق،تل دي..أو حد قالك عنها حاجه..بقلم..محمد طه
_أنا لا أعرف حاجه ولا حد قالي حاجه..وما تتكلمش ف الموضوع دا نهائيا..إحنا ملناش دعوه..ومش عايزين ندخل نفسنا ف حوارات ومشاكل العيله دي
_حاضر يابا
(حسيت إن أبويا يعرف حاجه عن جريمه الق،تل دي بس مش عايز يقولي حاجه..وأنا ما رضيتش أضغط عليه..لأن أبويا لما يكون مش عايز يقول حاجه..اللي قدامه لو عمل المستحيل برضوا مش هيقول)
(وسيبت أبويا ودخلت البيت وروحت علي أوضتي وفردت ضهري على السرير والتفكير هيفرتك دماغي..
ما أنا لازم أعرف فيه إيه وإيه اللي بيحصل..
لحد ما جا ف تفكيري جمله البنت اللي بتدعي إنها شيطانه دي لما قالتلي إنها تعرف مين اللي أتق،تل وأتق،تل ليه ومين اللي قت،له..وبعدين قولت لأ يا عبدالرحمن شيطانه إيه وهبل إيه..دي بني آدمه زيينا
والجريمه حصلت بالليل وهيا قالتلي الصبح..يعني أكيد تعرف حد من هنا من البلد وهوا اللي قالها..
طيب والتلفون اللي قالتلي إنو هيرن قبل ما يرن..
لأ البنت دي فيها حاجه مش طبيعيه..دي يا إما شيطانه بجد يا إما بني آدمه وفيه شيطان لابسها..
وقطع سرحاني دخول أمي
_ما تزعلش من أبوك يا عبدالرحمن..أبوك خايف عليك..وأنته عارف لما بيكون فيه مشكله ف عيله النادر..البلد كلها بتبقي على كف عفريت..ودي مش مشكله..دي جريمه قت،ل
_بهدوء..أنا مش زعلان يا أمه..وبعدين أنا كده كده هعاود الليله عالقاهره عشان شغلي
_أنته هتاخد مراتك معاك وأنته معاود
_لأ يا أمه هسيبها يومين تلاته كده..وهبقي آجي أخدها..وعالفكره هيا هتبقي تروح تبات عند أمها
_بابتسامه..اللي أنته شايفه يا إبني..إلا قولي..مفيش حاجه كده جايه ف الطريق..بقلم..محمد طه
_باستغراب وعدم فهم..حاجه إيه اللي جايه ف الطريق
_هوا إيه اللي حاجه إيه..بقالكم سنه متجوزين..مش ناويين تفرحونا بحته عيل
_آه..(وابتسمت) والله يا أمه إحنا بنعمل اللي علينا ومش مقصرين ف حاجه..والباقي بقي على ربنا
_ونعمه بالله..ربنا يرزقكم بالذريه الصالحه..هقوم بقي عشان أحضرلك الأكل
(وسابتني أمي وخرجت بعد ما زودت تفكير تاني على تفكيري..هوا إزاي أنا كنت ناسي الموضوع ده..وإزاي بقالنا سنه متجوزين ولسه ما حصلش حمل..إيه يا عبدالرحمن ما فيه بيقعدوا بالسنتين والتلاته..وبعدين يمكن نكون محتاجين نروح نكشف..يمكن يكون فيه مشكله عندي أو عندها)
(وبعدين قولت لما نخلص من موضوع إبن عمها ده يبقي نشوف الموضوع ده..وبعدين رجعت أفكر تاني ف البنت اللي أخدت مساحه كبيره ف تفكيري دي..ويا تري هشوفها تاني ولا مش هشوفها..وفردت ضهري وروحت ف النوم..نمت حوالي ساعه وصحيت على تلفوني وهوا بيرن وكان رياض إبن عم)
(رياض عرف إني نزلت البلد وطلب مني إني أنزل أقابله..وأنا كمان كنت عايز أقابله عشان أعرف منو أي حاجه عن جريمه الق،تل دي..وخرجت من أوضتي لقيت أبويا قدامي ف الصاله)بقلم..محمد طه
_أنا هروح أسلم على رياض ف السريع كده وهاجي يكون الأكل جهز
_رد أبويا بعصبيه..مفيش خروج من هنا إلا على الموقف ورجلي على رجلك
_قعدت جنب أبويا وحاولت أهديه..حاضر يابا اللي أنته شايفه..بس يا ريت تكون شايف إن أنا مش صغير..وبعدين أنا جوز بنتهم يعني مستحيل حد فيهم يتعرضلي أو يأذيني..والأهم من كل ده..
الحكومه برا ف كل مكان
_رد بعصبيه..هيا المشكله دلوقتي بقي ف الحكومه..
الحكومه دلوقتي بياخدوا أي حد قدامهم وبيحققو معاه.. وأنا مش هستني لما ياخدوك..وتروح ف سين وجيم
(ما رضيتش أكتر مع أبويا ف الكلام عشان ما يتعصبش أكتر ما هوا متعصب.. لكن جا ف بالي سؤال وكنت عايز اعرف إجابته من أبويا)
_تفتكر يا حاج اللي عملها..منهم فيهم ولا واحد من برا البلد..ولا حد من جوا البلد..أنا بستبعد الاحتمال الأخير..لأن مستحيل حد من جوا البلد يفكر يقرب من حد ف عيله النادر
_أبويا بدأ يهدى شويه ورد عليا وهوا بيطلع سيجاره..
الاحتمالات كتيره..بس الاحتمال الأول هوا الأقرب..
أكيد هيبقي منهم فيهم..والأكيد إنهم هيدورو على حد يشيلهالو
(ولسه هرد على أبويا وتلفوني يرن والغريبه إن مكنش ظاهر لا إسم ولا رقم..كنسلت وما رضيتش أفتح.. وبعدين رن تاني..أخدني الفضول وفتحت)
_صوت بنت بدلع..اللي قاعد قدامك دلوقتي..هوا الوحيد اللي يعرف كل حاجه..إسم المق،تول؟وأتق،تل ليه؟ومين اللي قت،له؟..................
_ويتبع..............
تكملة الرواية بعد قليل
تعليقات
إرسال تعليق