مجمع الروايات الكامله والحصريه فقط اضغط على اسم الروايه موجوده كامله في موسوعة القصص والروايات جميع الفصول مع البرنس محمد السبكي قصص وروايات كامله يسعدني تواجدكم معنا في المدونه

 رواية أنا والشيطانه الفصل الخامس والسادس والسابع بقلم محمد طه

رواية أنا والشيطانه الفصل الخامس والسادس والسابع بقلم محمد طه

#أنا_والشيطانه 

#بقلم_محمد_طه 

#الخامس

_صوت بنت بدلع..اللي قاعد قدامك دلوقتي.. هوا الوحيد اللي يعرف كل حاجه.. إسم المق،تول؟ وأتق،تل ليه؟ ومين اللي قت،له؟ 

(أنا أول ما سمعت الصوت عرفته عالطول..صوت البنت اللي بتقول إنها شيطانه..وأول ما سمعت اللي قالته..التلفون وقع من إيدي عالأرض وفقدت إراده تعبيرات وشي وبقيت باصص لأبويا ف ذهول)

(وأبويا وطى جاب التلفون ومستغرب من اللي حصل وبيحاول يشوف مين اللي بيتصل لكن كان الخط قفل وبدأ يستفهم مني)بقلم..محمد طه 

_مين اللي كان بيتصل يا عبدالرحمن..وقالك إيه خلاك بلمت كده 

(بدأت أتحكم ف أعصابي واهدي شويه لأن مش معقوله هقول لأبويا اللي كانت بتكلمني شيطانه وبدأت استجمع قوتي وعمال أفكر هقول لأبويا إيه) 

_وبعدين أخدت نفس طويل واستغفرت ربنا وقلتلو..

مفيش يا حاج أنا بس دوخت شويه..يمكن عشان بقالي يومين ما نمتش كويس..وبعدين هوا أصلا مفيش حد رد

_وأخدت التلفون من أبويا وأستأذنته إني هدخل اريحلي ساعه..ودخلت اترميت على السرير..وطبعا مستحيل هيجيلي نوم بعد اللي سمعته..

_يعني أبويا الوحيد اللي يعرف كل التفاصيل عن جريمه الق،تل دي..لأ يا عبدالرحمن هيا ما قالتش أبوك هيا قالت اللي قاعد قدامك..طيب ما اللي كان قاعد قدامي أبويا..يمكن بتهرتل بأي كلام وخلاص..

_وبدأت أربط الأحداث ببعضيها من لحظه إتصال أبويا بيا الصبح وإحساسي إن المكالمه دي مش طبيعيه..ورد فعل أبويا أول ما شافني وقالي أنته إيه اللي جابك..وتوتر أبويا وعصبيته وخوفه الذياده عن اللزوم ده..بقلم..محمد طه 

_إيه يا عبدالرحمن هتشك ف أبوك..لأ مستحيل..

وبعدين الشيطانه دي قالت انو يعرف كل حاجه عن جريمه الق،تل وما قالتش إن هوا القا،تل..طيب معقوله يكون حد من عيلتنا..

_آه ما هيا ملهاش حل تاني..مستحيل يكون أبويا خايف عليا بالشكل ده..إلا ولازم يكون اللي عملها واحد من عيلتنا..

_هتعمل إيه يا عبدالرحمن.. هتواجه أبوك وتقف قصاده.. ولا تعمل نفسك ما تعرفش حاجه..والمشكله إني لو واجهت أبويا هيقولي أنته عرفت منين وإزاي..

ساعتها هقوله شيطانه اللي قالتلي..دا ساعتها يمكن يرزعني قلم.. روحي تطلع للي خالقها..

_وبعد تفكير قررت إني أستني شويه لحد ما أشوف الحكومه هتوصل لإيه..وأكلم رياض إبن عمي يبقي يتابعني بكل الأخبار أول بأول..وأخدت بعضي ومشيت من البلد..

_وأول ما وصلت شقتي ف القاهره كان حوالي الساعه 11 بالليل..دخلت أوضتي واترميت زي القت،يل..بقلم..محمد طه 

_صحيت تاني يوم الساعه واحده الضهر..لكن ما صحيتش لوحدي..فجأه وأنا نايم لقيت حد بيخبطني ف كتفي..أنا صحيت وقبل ما أفتح عنيا 

(بخوف ف سري) مين اللي بيحاول يصحيني..أعوذ بالله من الشيطان الرجيم..معقول ممكن تكون البنت الشيطانه دي..طيب عماله تخبط ف كتفي ليه ومش عايزه تنطق..وفجأه سمعت صوت روفيده مراتي..

وساعتها بلعت ريقي بعد ما دمي نشف من الخوف..

وأخيرا قررت إني أفتح عنيا 

(باستغراب) روفيده..إنتي إيه اللي جابك..وجيتي إزاي 

(هيا باستغراب) هوا أنته مكنتش عايزني آجي ولا إيه..وبعدين خلاص أنا عملت الواجب وقعادي هناك لا هيقدم ولا هيأخر..وخصوصا إن الج،ثه لسه ف المشر،حه ومحدش عارف الحكومه هتخرجها أمتي..

وخليت أخويا حسن يوصلني..ولما جينا لقيناك نايم وما رضيش يخليني أصحيك..فعملتلو حاجه يشربها وبعدين مشي (وسكتت شويه) هوا أنته ما روحتش الشغل النهارده ولا إيه 

(أنا أول ما سمعت كلمه الشغل قومت مفزوع بسرعه ودورت على التلفون وبصيت ف الساعه لقيتها الساعه واحده الضهر ومعاد الشغل عدي..وأتصلت بسرعه بالمدير عشان أعتذرله والغريبه إني ما لقيتش منو أي رد فعل وما أعترضش على عدم حضوري)

(وبعدين قومت دخلت الحمام عشان آخد دش ومفيش دقايق لقيت روفيده داخله ورايا وكانت عريانه وقالتلي) 

_عبدالرحمن أنا زعلانه وطلبت معايا دلوقتي 

(وطبعا أنا ما أعترضتش وعشنا أجمل لحظات تحت الدش وبعد ما خلصنا وطلعنا لقيتها بتقولي إنها عايزه تاني وحصل تاني وف اليوم دا عملنا الموضوع دا أكتر من 7 مرات وأنا كنت مستغرب جدا..لحد ما أنا خلاص ما بقتش قادر)بقلم..محمد طه 

_فيه إيه يا روفيده إنتي مالك النهارده..إنتي غريبه ومش طبيعيه عالفكره 

_إيه يا عبدالرحمن..زعلانه والزعل طالب معايا الحاجه دي..إيه الغريب ف كده

_الغريب ف كده إن إحنا من يوم ما اتجوزنا ما عملناش مرتين ورا بعض ف يوم واحد 

(بزعل) طيب خلاص يا عبدالرحمن ما تزعلش نفسك..مش عايزه حاجه

(باستغراب واندهاش) هوا إنتي لسه عايزه تاني 

(بجرأه) لو ما عندكش مانع..اه عايزه تاني وتالت ورابع 

(وعشان ما ازعلهاش حاولت إني أرضيها على قد ما أقدر وفضلنا طول النهار والليل عالسرير..لحد ما جا معاد شغلي.. وطبعا مستحيل اغيب عن شغلي لليوم التاني وقبل ما أقوم عشان آخد دش وأجهز للذهاب لشغلي)

(روفيده طلبت مني إنها هيا اللي هتقوم تاخد دش الأول وبالفعل هيا اللي دخلت الأول ومفيش دقايق ولقيت تلفوني بيرن..واللي كان بيتصل تليفون روفيده وأنا بسرعه خمنت إنها نسيت تلفونها ف البلد)بقلم..محمد طه 

(بصوت عالي قبل ما أفتح)روفيده..تلفونك بيرن عليا هوا إنتي نسيتي تلفونك ف البلد ولا إيه 

(ما ردتش عليا وأنا قولت يمكن ما سمعتنيش من صوت الدش وقولت أفتح وأرد على اللي بيتصل) 

_الو 

_أيوه يا عبدالرحمن..لما تخلص شغل يبقي تعالا خدني 

(بذهول) آجي آخدك منين يا روفيده 

_هوا إيه اللي هتاجي تاخدني منين..هوا أنته لسه نايم يا عبدالرحمن..تخلص شغل وتاجي تاخدني من البلد 

(ف ذهول ف سري)..آجي آخدك من البلد..واللي ف الحمام دي تبقي مين 

(ورميت التلفون بسرعه من إيدي وجريت عالحمام..

لقيت.............

_ويتبع.........

#أنا_والشيطانه 

#بقلم_محمد_طه 

#السادس

(ورميت التلفون بسرعه من إيدي وجريت على الحمام لقيت الدش شغال ومفيش حد ف الحمام وف اللحظه دي أغمي عليا قدام باب الحمام)

(ولما فوقت لقيتني أتأخرت على شغلي ولقيت على تلفوني رنات كتيره من روفيده وطبعا الموضوع ما أخدش معايا تفكير كتير وأتأكدت إن اللي كانت معايا هيا الشيطانه وأتأكدت إنها شيطانه بجد) 

(أخدت دش بسرعه وجريت على شغلي وأول ما وصلت.. زمايلي بلغوني قبل ما أستلم شغلي أدخل للمدير ودا طبعا كان متوقع ودخلت للمدير) 

_السلام عليكم 

(بهدوء) وعليكم السلام..تعالا يا عبدالرحمن 

(وقربت على مكتب المدير ولسه هقعد قدامه لقيته بيقولي) بقلم..محمد طه 

_لأ ما تقعدش..تعالا أنا عايزك جنبي هنا..عايزك تشوف حاجه على الكومبيوتر 

(ولقيت المدير جايبلي كاميره المراقبه المخصصه لمكان شغلي وجايبلي توقيت ما كانت الشيطانه جايه عشان تفتح حساب لكن الشيطانه ما كانتش ظاهره ف الكاميرا واللي كان ظاهر إني كنت بكلم نفسي) 

(المدير بهدوء) أنا عايز تفسير للي أنا شايفه قدامي ده

_أنا آسف يا أفندم..أوعدك إنها مش هتتكرر تاني 

(رد عليا وبدأ يتعصب) يا أستاذ أنته مش شغال ف قهوه ولا على عربيه فول عشان وأنته شغال تقعد تكلم نفسك..أنته شغال ف بنك يعني عينك لازم تكون ف نص راسك ويكون تركيزك ميه ف الميه 

(ولسه هرد عليه عشان اعتذرله تاني قاطعني) 

(بعصبيه) الموضوع دا لو أتكرر تاني أعتبر نفسك موقوف عن العمل..أتفضل يا أستاذ على شغلك 

(وخرجت من عند المدير وأنا كل تفكيري إزاي اتخلص من الشيطانه دي قبل ما تخسرني شغلي وبيتي وبعد تفكير قررت إني أروح لشيخ.. أكيد هوا اللي هيبقي عنده الحل) بقلم..محمد طه 

(وبعد ما خلصت شغلي سافرت على البلد عشان أجيب روفيده وما رضيتش أروح عندنا البيت عشان أتجنب مواجهه أبويا..وأخدت روفيده ورجعت..

وحاولت إني أعرف أي تفاصيل عن جريمه ق،تل إبن عمها منها)

_هوا إبن عمك اتق،تل إزاي 

_محدش لسه يعرف حاجه 

_إيه محدش أتكلم قدامك ف أي حاجه 

_أبويا وعمي مأكدين على نسوان العيله كلهم إنهم محدش يتكلم ف الموضوع دا خالص 

_أيوه يعني محدش يعرف أتق،تل إزاي أو أتق،تل فين أو مين اللي اكتشف الجريمه 

_صدقني يا عبدالرحمن أنا مفيش حد أتكلم قدامي ف حاجه وسألت عشان أعرف أي حاجه..مفيش حد يعرف حاجه..بس شكل كده الموضوع كبير..عشان أبويا وعمي مأكدين على الكل إن محدش يتكلم ف حاجه..وهما مستنيين يشوفوا الحكومه هتوصل لإيه 

_طيب تفتكري إن يكون اللي عملها واحد من عيلتكم 

_ما أعرفش..بس كل اللي أعرفه إن عمي مش هيسيب اللي عملها..من العيله بقي أو من برا العيله 

(وبعد ما أتأكدت إن روفيده فعلا ما تعرفش حاجه..

ما رضيتش أضغط عليها عشان ما تشكش ف حاجه)

(وبعدين قررت إني أروح لشيخ عشان أتخلص من الشيطانه اللي ظهرت ف حياتي دي..وبعدين قولت أصبر شويه..لأن الشيطانه دي هيا الوحيده اللي هعرف منها تفاصيل جريمه القتل دي..وبعد كده أبقي أروح لشيخ يخلصني منها..وبقيت مستنيها تظهرلي تاني) بقلم..محمد طه 

(لكن فات يوم والتاني وما ظهرتش..لكني ف خلال اليومين دول كنت بتعامل مع روفيده مراتي بحذر شديد جدا لأني كنت خايف أحسن يتكرر تاني اللي حصل وروفيده تبقي هيا الشيطانه لحد ما روفيده حست إن معاملتي ليها أتغيرت شويه وحست إني بقيت بسرح كتير وعقلي تقريبا مش معيا..وأنا فعلا عقلي كان هينفجر..بقيت عايز أعرف مين اللي قت،ل إبن عم مراتي وبقيت عايز أعرف الشيطانه هتظهرلي تاني أمتي وإزاي وف نفس الوقت خايف تظهرلي تاني ف شغلي واخسر شغلي بسببها)

_مالك يا عبدالرحمن أنا ملاحظه إنك بقيت بتسرح كتير اليومين دول 

(قربت منها وبقيت أبص ف عنيها وأقول ف سري إنتي روفيده ولا الشيطانه..عشان أنا عارف إنها لو الشيطانه هتعرف أنا بقول إيه ف سري وممكن تغلط وترد عليا..لكن ردها أكدلي إنها روفيده) 

_إيه يا عبدالرحمن..هيا عنيا فيها حاجه ولا إيه..أنا برضوا ملاحظه إنك كل أما تيجي تتكلم معايا تفضل باصص ف عنيا وتسرح..ولا أنته بتحبني من أول وجديد ولا إيه..أنته تصرفاتك بقت غريبه بصراحه 

_مفيش يا روفيده..أنا بس أعصابي متوتره بس اليومين دول..وبعدين فيها إيه لما أحبك من أول وجديد..وكل وقت والتاني نجدد حبنا لبعض..ولا إنتي مش عيزاني أبص ف عنيكي واشبع منهم 

_لأ يا حبيبي بص واشبع براحتك..أنا بس عايزه أطمن عليك واتأكد إنك كويس 

(وقبل ما أرد عليها تلفوني يرن وقبل ما أشوف مين اللي بيرن أنا خمنت بسرعه إنها ممكن تكون الشيطانه 

وبصيت على التلفون لقيته رياض إبن عمي كان بيتصل عشان يبلغني بالأخبار)

_الو 

_أيوه يا عبدالرحمن..عرفت الأخبار ولا لسه 

_لأ ما عرفتش حاجه..قول بسرعه 

_الحكومه قفلت القضيه 

(باستغراب واستفسار)قفلت القضيه إزاي يعني 

_الطب الشرعي أكد إنها إنت،حار مش جريمه قت،ل.......

_ويتبع.........

#أنا_والشيطانه 

#بقلم_محمد_طه 

#السابع

_الطب الشرعي أكد إنها إنت،حار مش جريمه قت،ل

(باستغراب) أنته متأكد يا رياض 

_أنا متأكد من اللي بقولهولك..بس الحقيقه اللي الكل يعرفها غير كده خالص..بقلم..محمد طه 

(وما رضيتش أكتر مع رياض ف التلفون..لأني متأكد إنها جريمه قت،ل مش إنت،حار..وأكدت على رياض أي أخبار جديده تظهر يبلغني بيها..وقفلت معاه) 

_خير يا عبدالرحمن 

_الحكومه قفلت القضيه على إنها إنت،حار

(ردت بهدوء) إبن عمي مستحيل ين،تحر..مفيش أي سبب ف الدنيا يخليه يفكر ف الانت،حار 

_بس الحكومه قالت إنو إنت،حار 

(ردت باستعجال) مش الحكومه اللي قالت 

(وبدأت أستدرجها) أومال مين اللي قال 

(بتوتر) معرفش..بس الموضوع كده ما خلصش..

الموضوع هيبدأ..وربنا يستر (وبصتلي وعنيها مليانه خوف وقالتلي) أنا خايفه على أبويا وأخويا أوي يا عبدالرحمن..قلبي حاسس إن اللي جاي مش خير 

(أخدتها ف حضني وهيا بتتنفض من الخوف وف نفس اللحظه أنا كنت خايف أكتر منها وبدعي إن ما يكونش حد من عيلتنا ليه دخل بالموضوع ده.. وبدأت أطمنها وف الحقيقه أنا اللي عايز اللي يطمني) 

_إهدي يا روفيده وأطمني..إن شاءالله خير..وإن شاءالله ربنا هيخيب ظنك وإحساسك..ومفيش حاجه هتحصل 

_ردت عليا وهيا بتترعش من الخوف ف حضني..لأ يا عبدالرحمن..دي مش عركه..دي جريمه قت،ل..وعمي وأبويا مش هيسكتو غير لما يعرفوا مين اللي عملها..

وأنا متأكده إن مش هيهدالهم بال غير لما ياخدو قصاده واحد وأتنين وتلاته وأكيد التانيين هيردو..

(وبصتلي وعنيها غرقانه بالدموع وقالتلي) أنا خايفه يا عبدالرحمن ل حسن أخويا يروح ف الرجلين 

_أطمني يا روفيده..وبعدين أبوكي برضوا مش هيسيبو وأكيد هيبقي خايف عليه أكتر منك 

_ردت عليا وهيا بتترجاني وبتبوس إيديا.. أبوس إيدك يا عبدالرحمن..كلم حسن وخليه ياجي يقعد معانا هنا اليومين دول لحد الموضوع دا ما يخلص..

وهيبقي دين ليك ف رقبتي ليوم الدين 

(باستعجال) دين إيه بس يا روفيده..هوا إحنا فيه بينا الكلام ده..وبعدين هوا إنتي عندك شك ف إني ممكن أرفض إنو ييجي يقعد معانا..حسن زي ما هوا أخوكي ف هوا أخويا أنا كمان وإبن خالتي

_بلهفه وإستعجال.. طيب كلموا دلوقتي والنبي 

_أصبري يا روفيده..أنا عايز أجيبهالو بطريقه تانيه عشان يوافق وما يرفضش..وإنتي عارفه أخوكي لو حس إن إحنا بنبعدو عن المشاكل هيركب دماغه ومش هيرضي ييجي..بقلم..محمد طه 

_ردت عليا وهيا دموعها بدأت تهدي.. طيب اللي أنته شايفه بس يا ريت ف أسرع وقت 

(وبدأت أفكر إزاي هقنع أخوها ييجي يعيش معانا..

ومن ناحيه تانيه بفكر يا تري عيله النادر ناويين على إيه..ومن ناحيه تالته يا تري مين اللي عملها من عيلتنا..أنا خلاص دماغي هتنفجر من التفكير)

(ما بقتش عارف هعمل إيه وهتصرف إزاي..وبدأ يذيد خوفي على أخواتي وأمي وأبويا وبقيت أقول لنفسي هما دول الأولي إني أجيبهم يقعدوا معايا لحد ما المشكله دي تخلص..بس أنا عارف أبويا مستحيل هيوافق)

(ووقف تفكيري عند أبويا..وإزاي أبويا هوا الوحيد اللي يعرف تفاصيل الجريمه دي..وبدأت أستبعد عيلتنا من الموضوع ده.. وأستنتج حلول تانيه..يعني مثلا ممكن يكون اللي عملها عارف إن أبويا مشهور ف البلد بحكمته وإنو بيحل أي مشكله قدامه..فراح لأبويا عشان ياخد رأيه ويشوف هيتصرف إزاي)

(وممكن يكون أبويا كان متواجد بالصدفه ف وقت الجريمه وشاف القا،تل وخايف إن رجله تيجي ف الموضوع وهوا اللي يشيلها.. وبعدين قولت مفيش غير حلين عشان أعرف حل اللغز ده)

(يا إما أواجه أبويا..يا إما أعرف اللي أنا عايزه من البنت الشيطانه دي..وبعد تفكير أخترت الحل التاني معرفش ليه..مع إنو حل لا منطقي ولا واقعي.. وبكده هيبقي أنا اللي رايح للشيطانه برجليا وأستحمل بقي اللي يحصل سواء خير أو شر..خير إيه يا عبدالرحمن دي شيطانه هييجي من وراها خير)بقلم..محمد طه 

(خلاص يا عبدالرحمن واجه أبوك.. وبعدين أنته كده كده مش عارف هيا هتظهرلك تاني ولا لأ..ولو ظهرت ممكن تظهرلك بمصيبه جديده..يعني لو ظهرتلي ف الشغل أكيد فيها رفد.. ولو ظهرتلي ف البيت هتعملي مشكله مع روفيده..ومش بعيد يا عبدالرحمن تظهر وتقولك إنها حامل منك..دي تبقي كارثه)

(وفضلت أفكر ودماغي تودي وتجيب لحد ما نعست وروحت ف سابع نومه ومعرفش إزاي أنا دخلت على السرير..المهم إني قومت مفزوع من النوم وروفيده هيا كمان قامت مفزوعه من صوتي لأني صرخت وأنا قايم من النوم.. وأول ما صحيت لقيت الشيطانه واقفه قدامي وبتقولي) 

_بلهفه وإستعجال.. الحق أختك حنين يا عبدالرحمن بسرعه.. فيه واحد هيغت،صبها وبعدين هيق،تلها......

_ويتبع..........  

_بقلم..محمد طه 

تكملة الرواية من هناااااااا 

لمتابعة باقى الرواية زورو قناتنا علي التليجرام من هناااااااااا

بدل ماتدور وتبحث علي الروايات عمل 

متابعه لصفحتنا على فيس بوك هنااااااااااا

الرواية كاملةمن هناااااااااا

مجمع الروايات الكامله 1اضغط هناااااااا

 مجمع الروايات الكاملة 2 اضغط هناااااا