رواية احببته رغماً عنى الفصل الأول والثاني والثالث والرابع بقلم ياسمين حسين
رواية احببته رغماً عنى الفصل الأول والثاني والثالث والرابع بقلم ياسمين حسين
الفصل الأول والثاني
*********
فى احد الأحياء الشعبية القديمة اعيش انا وامى فى هذة الشقة الشبه متهالكة تقريبا منذ شهر تقريبا توفى ابى بسبب حادث سيارة مؤلم ومنذ وفاته والحزن يخيم على منزلنا ومنذ هذا اليوم بدأت حالت امى بالتدهور شيئا فشئ وتركت عملها لأن حالتها الصحية كانت غير جيدة لم يكن لدى أصدقاء سوى صديقتى فرح كانت فرح هى من تهون على تقريبا بعد وفاة ابى
سلمى محمد هى فتاة فقيرة جدا بعد وفاه ابيها اصيبت امها بمرض خطير وهى تمتلك عينين رماديتين ورثتهما عن امها وشعر بنى طويل وذات جسد هزيل جدا ولاكنه ليس سئ وقد تخرجت من كليه تجارة انجلش مؤخرا
فى صباح يوم الأتنين استيقظت بتثاقل وذهبت لأحضر الطعام وذهبت الى غرفة والدتى
سلمى: ماما ماما اصحى يلا يا حببتى عشان معاد الدوا قرب
كريمة بتثاقل: سبينى يا سلمى والله ما قادرة اقوم ويا بنتى الأكل هيكفى مين ولا مين كولى انتى بالهنا والشفا يا حببتى وجبيلى الدوا بعد ما تخلصى فطار
سلمى بأشفاق: يا ماما حرام عليكى نفسك انتى تعبانة ولازم تاكلى كويس ويا ستى ملكيش دعوة بيا ربك كريم يلا بقى قومى يا كرملة بقى انتى ليه غلباوية كده الله!!!
كريمة بأبتسامة: اه منك يا سلمى رغم كل الى احنا فيه ولسة بتهزرى
سلمى بمرح : اه بهزر ومهزرش ليه سبيها على الله انتى وبكره كله هيبقى أحسن ان شاء الله
كريمة : ان شاء الله
تناولت افطارى انا وأمى ومن ثم انطلقت ذاهبة للبحث عن عمل لان المال كان على وشك النفاذ
فى قصر الكيلانى
انتهى يوسف من شرب قهوته الساخنة ومن ثم توجهه الى شركته الخاصة وهو فى طريقة الى العمل تلقى اتصال من صديقه
يوسف: عايز ايه يا كريم على الصبح كده!!
كريم: ازيك يا يا باشا وبعدين مالك داخل فيا شمال ليه كده دا انا كنت محضرك حتت سهرة فى منطقة جديده انما ايه جنان
يوسف بتأفف: ميه مرة قلتلك مش حروح اى مكان من المشبوهين الى انت بتقولى عليهم دول وبعدين انا شايف مزاجى حلو اوى فى الكباريه الى انا بروح ومش هغيره سلام بقى!!
كريم: ماشى براحتك سلام !
وصل يوسف الى الشركة وتوجه الى مكتبه الخاص وفور دخوله نادى السكرتيرة الخاصة به بغضب شديد
السكرتيرة سها بقلق: خير حضرتك طلبتنى
يوسف بوجه غاضب: اه هاتيلى اخر صفقة عشان اشوف هببتوا ايه فيها مش عارف مشغل شويه بهايم معايا هنا بالشركة
السكرتيرة سها بتوتر: تحت امرك يا فندم ثوانى والملف يكون عند حضرتك!!
************
فى احد شوارع القاهرة كانت سلمى تسير بلا خطى وهى تفكر فى كيفيه ايجاد عمل
سلمى بخفوت: يارب انا عمالة أدور على شغل من الصبح ومحدش راضى يشغلنى انت عالم بحالى يارب حتى لو وصل بيا اشتغل خدامة فى البيوت انا موافقة بس الاقى اى شغلة اصرف بيها على الست الغلبانة امى
فى منزل سلمى
تمللت الأم على سريرها الشبه متهالك وهى تفكر بمستقبل ابنتها الذى على وشك الأنهيار
كريمة: آاه لو كان بأيدى يا حبت عينى كنت اشتغلت بدالك والله بس انتى عارفة ان صحتى بقت على ادى للأسف ومن ثم اتجهت الى الدولاب وارتديت عبائتها واخدت بعض النقود لكى تشترى بعض الطعام لكى
تصنعه على الغداء وهى فى طريقها الى النزول سمعت صوت الجارة
ام سلوى وهى تصيح: صباح الخير يا ست كريمة اخبارك ايه؟!!
كريمة: صباح النور يختى انا الحمد لله كويسة
ام سلوى بمكر: اومال ست البنات بنتك النبى حريصها راحت فين على الصبح كده؟!
كريمة بنبرة منزعجة : راحت تدور على شغل ما انتى عارفة البير وغطاه يا ام سلوى من ساعة ما مات سى كامل واحنا حالتنا مش ولا بد وانا قعدت فى البيت زى ما انتى شايفة اهو!!
ام سهيلة بتأفف: طيب يختى قلبى معاكى يا ام سلمى منجلكيش فى حاجة وحشة بعد اذنك
كريمة: اتفضلى يختى خدى راحتك
فى منزل الكيلانى
الخادمة: أجبلك حاجة يا فريدة هانم ؟!
فريدة وهى ترفع احد حاجبيها: انتى لسة فاكرة تيجى تسألينى اذا كنت عايزة حاجة ولا لأ انتى مش شايفة الساعة بقت كام يا حيوانة انتى؟!!
الخادمة بتوتر: معلش والله يا مدام فريدة راحت عليا نومة
فريدة بتأفف: طب خدى بالك بعد كده لأحسن المرة الجاية هيكون طردك وروحى جهزيلى الفطار بسرعة عشان اتأخرت على النادى
الفصل التانى
*********
وجدت عمل فى احد محلات الملابس بعد عناء البحث واستلمت عملى ونبهنى صاحب المحل بالألتزام بالمواعيد لكى لا يتسبب تأخرى بطردى من العمل امتثلت لأوامرة ورجعت الى البيت وانا مرهقة من شدة البحث منذ الصباح
فى منزل سلمى
سلمى بصوت مرتفع: ماما يا كريمة انا جيت !
كريمة : حمدلله على السلامة يا حببتى ايه اتأخرتى كده ليه؟!!
سلمى بأرهاق: ما انتى عارفة يا ماما عقبال ما لقيت شغل دا انا لفيت لف لحد ما لقيت الشغل وقالت بتأفف : ويا ريت بعد كل التعب ده المرتب عدل ده ميكفيش نفر حتى
كريمة : معلش يا حببتى ربك بيسهل واكيد الفلوس هتأضى متخافيش ويلا غيرى هدومك عشان تاكلى
سلمى بتعب : معلش يا ماما أعفينى النهاردة مش قادرة خالص وهموت وانام يلا تصبحى على خير
كريمة بأشفاق: وانتى من اهله يا حببتى
فى كبارية النجوم
جلس يوسف على البار وطلب كأسا من الخمر لكى يحتسية بعد ها اليوم المرهق
كريم : ايه يا يا لورد اتأخرت ليه؟!!
يوسف: ما انت عارف يا كريم انا جيت علطول اهو بعد ما خلصت شغل
كريم: يا ابنى ارحم نفسك شويا وخلى ابوك الى ملهوش تلاتين ألف لازمة يشتغل شويا بدل مهو مقضيها صياعة فى بلاد برة كده
يوسف وهو يلوى فمه: وانا مالى ومالة كل واحد حر يصيع بقى ميصعش كل واحد ادرى بحاله وبعدين يعنى هى كانت فارقة مع فريدة هانم كفاية عليها الكوافير والنادى ملين عليها حياتها
كريم: ههههههههه امك ديه غريبة والله يا اخى
*****************
بعد انتهاء بوسى من رقصتها توجهت الى يوسف واحطت بيدها على عنقه وهمست بحب: ايه يا جو اتأخرت كده ليه انا مستنياك من الصبح
يوسف وهى يطبع قبلة على رقبتها: معلش يا بوسى ما انتى عارفة الشغل
بوسى بمياعة : ربنا يكون فى عونك يا حبيبى ها مش يلا بقى ولا ايه؟!
يوسف بملامح شرسة : طبعا يلا
كريم بأستنكار : حلو والله ما انا كنت رايح ام المكان التانى والولا اسلام قالى فى مزز بالهبل هناك انا غلطان انى اتنيلت سمعت كلامك
يوسف بغضب: يا ابنى بطل عكننة على المسا روح شوفلك.اى واحدة البنات متلقحين كتير اهم!!
كريم: طيب يا اخويا روح شوف الست بوسى بتاعتك لأحس انا شايفها زهقت
يوسف بمكر: وهى تقدر تزهق برضو سلام يا كيمو
كريم بتأفف : سلام يا اخويا
فى احد النوادى الراقية
جلست فريدة هانم وهى تضع قدما على قدم بتأفف لان اصدقائها قد تأخروا
فريدة بغضب: انا مش عارفة اتأخروا لية كده دول قايلنلى من ساعة فضلهم خمس دقايق ويوصلوا اووف
نازلى بأبتسامة وهى تجلس: فيرو ازيك عاملة ايه؟!
فريدة بأمتعاض: الحمد لله كويسة وبعدين فين الباقى انتوا هتيجوا واحدة واحدة كده؟!!
نازلى: جايين يا حببتى أصل شاهى كانت بتكلم ممدوح وشكلهم متخانقين جامد اوى
فريدة: انا مش عارفة ايه الى مصبرها علىه كل ده حقها تطلب الطلاق منه بقى؟!!
نازلى بمكر: والله عندك حق وبعدين قوليلى احمد بيه اخبارة ايه اليومين دول
فريدة بتوتر: ششش اسكتى يا نازلى لأحسن حد يسمعك ما انتى عارفة ان مفيش حد يعرف بالموضوع ده !
نازلى: متخافيش يا فيرو سرك فى بير!!
شاهى بعصبية وهى تجلس: كل يوم زعيق كل يوم قرف ده مش أسلوب خالص انا معرفش قبلت اتجوزه ازاى ده؟!!
نازلى: ما احنا يا ما قلنالك يا شاهى محمود مينفعكيش هو اى نعم غنى وليه اسمه فى السوق بس هو واحد ميطقش
فريدة: هو من ناحية ميطقش فهو فعلا ميطقش وبعدين مش انا قلتلك دوريلى على خدامة تكون كويسة كده لأحسن البت الى عندى ديه تعبانى على الأخر
شاهى بتذكر: اه صحيح معلش يا فريدة والله نسيت هشوفلك بكرة بنت تكون كويسة كده وابعتهالك
فريدة : طيب
************
الفصل التالت والرابع
********
فى فيلا الكيلانى
خرج يوسف من المرحاض واتجه نحو الدولاب وهو عارى الصدر لكى يبحث عن شئ ليرتدية دخلت منة الى الغرفة
بعصبية وهى تقول : والله عال اووى يا سى يوسف عماله اطلبك من الصبح وانت ولا على بالك
يوسف بعدم اهتمام: ايه عايزة ايه؟!!
منة بغضب: مش قلتلك ان عيد ميلادى بعد يومين وانت لازم تبعت تجبلى الفستان من باريس !!
يوسف بتأفف : بجد والله لازم أجبلك الفستان منة حلى عن دماغى لأحس مش فاضيلك ولا أقولك خليى فريدة هانم تجبهولك
منة : يووووه اهو انت كده وهتفضل طول عمرك كده يا يوسف
فى غرفة منة
وقفت منة امام دولابها وهى تعبث بخصلات شعرها الأسود المجعد وهى تفكر بما سترتديه فى حفلة عيد ميلادها غدا
منة بضيق: اوووف هلبس ايه انا دلوقتى فى عيد ميلادى وبعدين بقى منك لله يا يوسف ده مروان جاى بكرة
امسكت بهاتفها المحمول واتصلت بمروان: الو يا بيبى؟!
مروان : ازيك يا منوش عاملة ايه؟!
منة بحب: الحمد لله يا حبيبى انا كويسة وانت اخبارك ايه؟!
مروان بتأفف: ماشى الحال اهو لحد دلوقتى بحاول ادور على شغل ومش لاقى
منة وهى تفكر: طب بقلك ايه لما الامور تتصلح ما بينى وما بين يوسف هحاول اقله يدورلك على شغله عنده فى الشركة
مروان بسعادة : ياه يا منة متعرفيش انا بحبك اد ايه ؟!
منة بسعادة : وانا كمان يا حبيبى بموت فيك
...........................................
منة مصطفى الكيلانى هى ابنى مصطفى الكيلانى رجل الاعمال المشهور
تدرس فى كلية آداب وهى فى السنة الثالثة منة تمتلك عينين عسليتان وشعرها مجعد بالون الأسود ولكنها صففته بعناية كى لا يلاحظ ان شعرها مجعد
صارت كريمة بخطوات ثقيلة نحو منزلها بعدما ذهبت الى اليوق لكى تشترى بعض الخضار فلا بد ان تساعد ابنتها على هذا الحمل الثقيل الذى وقع على اعتاقها منذ وفاه والدها
اصطدمت زينات بكريمة عن عمد وهى تهتف بضيق: مش تاخدى بالك يا ست كريمة وانتى ماشية
كريمة بتعب: معلش يا حببتى مأخدتش بالى
زينات بفضول : فينك يا حببتى شفتك الصبح بدرى وانتى نازلة خير فى حاجة
كريمة : خير يا حببتى اصلى كنت بدور على شغل ما انتى عارف الى حصلنا وسلمى يا حبت عينى استلمت شغلها امبارح
زينات بلؤم: قلبى معاكى يا حببتى بس بقلك ايه خدى بالك من سلمى ولاد الحرام كتير اليومين دول!!
كريمة بعدم اهتمام: طبعا هاخد بالى منها بعد اذنك يختى
زينات: مع السلامة يختى
فى احد محلات بيع الملابس
كانت سلمى تساعد احد الزبائن فى جلب الملابس لها وتساعد تارة فى نظافة المحل
سلمى بتأفف: امتى ياربى اخلص من الأرف ده
صاحب المحل بخبث: بقلك ايه يا سلمى؟!
سلمى: نعم يا استاذ هانى
هانى بخبث : عايزك تسيقى المحل كده وتخليه بيلمع
سلمى بتأفف : حاضر
ذهبت سلمى لتحضر ادوات التنظيف وبدأت بتنظيف الأرضيات وهو ينظر اليها بتلذذ
هانى : ما تنضفى بذمة يا بت انتى وروحى نضفى الحته الى هناك ديه لأحس مليانة تراب على آخرها
سلمى : حاضر والله اصبر عليا بس
نظرت له سلمى فجأة بغضب: هو فى حاجة حضرتك بتبصلى كده ليه؟!
هانىبتوتر و تلعثم: فى ايه يا بت انتى انتى هتحققى معايا ولا ايه ما ابص ما اطرح ما انا عايز ولا كان محل ابوكى وانا مش واخد بالى!!
سلمى محاولة كتمان غضبها وهى تتمتم: هو انا كنت ناقصة واحد ابن*** يعد يبصلى كده اووف انا لازم اخلص بسرعة احسن الراجل ده ملهوش امان
انهيت العمل سريعا ووقفت لكى اساعد الزبائن الذين اتوا فى اختيار الملابس ومساعدة اى احد فى البروفا
بعد انتهائى من العمل اسرعت متجهه نحو المنزل لأن الساعة قد تعدت بعد١٢
فى منزل سلمى
سمعت كريمة صوت الباب واتجهت مسرعة نحو الباب
كريمة بغضب : جرى ايه يا سلمى عجبك رجوعك البيت فى انصاص الليالى كده الناس تقول علينا ايه
سلمى بتأفف: يووووه يادى الناس الى انتى مصدعانا بيهم دول يا ماما ميه مرة اقولك احنا ملناش دعوة بيهم احنا فى حالنا وهم فى حالهم وبالذات الست السوسة ديه الى اسمها زينات انا مش برتحلها
كريمة : هى كلمة مينفعش كده شوفيلك شغلانة تانية غير بتاعت انصاص الليالى ديه
سلمى : يا ماما ما انتى عارفة انا تعبت اد ايه عقبال ما لقيت الشغلانة ديه وفى الأخر بتقوليلى بكل بساطة كده سيبى الشغل طب ازاى؟!!
كريمة بحنو: يا حببتى انا خايفة عليكى والله ولاد الحرام كتير ومبيسبوس للناس حاجة
سلمى بتوتر: ادعيلى انتى بس يا امى ومتقلقيش من حاجة ربك بيسهل
كريمة وهى تقبل رأسها: بدعيلك والله يا حببتى ربنا يسهلك طريقك قادر يا كريم
فى شركة الكيلانى
توجه كريم الى مكتب يوسف وهو يسب ويزفر فى ضيق
كريم بغضب: جرى ايه يا عم يوسف سايبلى الدنيا تضرب تقلب هنا وانت ولا على بالك؟!
يوسف بعدم اكتراث: جرى ايه يا كريم ما تتعدل كده وانت بتتكلم حصل ايه؟!
كريم: الوفد الألمانى يا يوسف جاى بعد يومين انت نسيت ولا ايه؟!
ضرب يوسف رأسه: اخ اتصدق انا نسيت حكاية الوفد ده خالص وبعدين فين ام الطلب الى انا قلتلك قدمه عشان احنا عايزين سكرتيرة؟!!
كريم : ما انا مقدم على الطلب ده من اسبوع مفيش ولا واحدة عدلة جت!!
يوسف بتأفف: يووه يا كريم هو الواحد ميقدرش يعتمد عليك ابدا
كريم : اه انا محدش يقدر يعتمد عليا انا الحيطة المايلة بتاعت ام الشركة ديه ما انا عارف فى الأخر حطلع بالمولد بلا حمص!!
يوسف: ههههههه اه شكلك كده
كريم: اضحك اضحك مهو ده الى انت فالح فيه؟!
......................................................
فى محل الملابس
هانى بصياح: بت يا سلمى روحى شوفى الست هانم ساعديها فى تنقية الهدوم
سلمى بغل: وماله حاضر!
ذهبت سلمى الى السيدة بأبتسامة : ايوا حضرتك اى خدمة بدورى على حاجة معينة؟!!
السيدة برقة: ايوا يا حببتى كنت بدور على فستان كده شيك عشان عيد ميلاد بت صاحبتى بكرة اصل صراحة محبتش اروح محلات من الشيك اوى ديه واتعمدت اروح محل عادى
سلمى وهى مازلت تبتسم: تحت امر حضرتك يا فندم وحضرتك جيتى المحل المناسب اتفضلى معايا اوريكى شويه الفساتين دول
ذهبت سلمى مع السيدة لكى تريها بعض الفساتين الشيك
السيدة شاهى: الله حلو اوى ده يا انسة زوقك تحفة بجد
سلمى بفرح: بجد عجب حضرتك يا فندم
شهى بأبتسامة: طبعا عاجبنى
هانى بصياح: انتى هتفضلى واقفة ساعة ياختى وسايبة الزباين التانية واقفين كده ولا ايه؟!
سلمى بتأفف: حاضر ثانية واحدة !! بعد اذن حضرتك
شاهى: اتفضلى يا حببتى
ذهبت سلمى الى بعض الزبائن لكى ترى طلباتهم.. بعد رحيل كل الزبائن وبالأخص السيد شاهى التى اعطتنى بقشيش جيد كنت سعيدة جدا الا ان جاء صاحب المحل هانى واقترب منى ببطئ
هانى بخبث : بقلك ايه يا سلمى عايز اكلمك فى موضوع مهم اووى اوى!!
سلمى: خير يا فندم؟!!!!
اقترب منها هانى واحاطها من خصرها بسرعة وكان يحاول تقبيلها
سلمى بفزع: ان اتجننت ابعد عنى يا سافل ابعد
هانى بهيام: ليه يا بت دا انتى عجبانى من ساعة ما اشتغلتى عندى هنا وبدأ بمحاولة تقبيلى بشراهه
سلمى بصياح : ألحقونى .حد يلحقنى يا ناس
دخلت السيد شاهى وهى تقول: شكل فى حاجة غلط فى الحساب حضرتك كنت قايل ان....
شاهى بفزع: ايه الى بيحصل ده واقتربت سريعا منهم شاهى بصياح: انت اتجننت يا حيوان انت سيبها الله يخربيتك
وبعد محاولا كثيرة فى تركها جعلها تذهب مع السيد وهو يهتف بغضب: والله العظيم لموريكى قمتك يا بت ال*** مبقاش انا هانى
سلمى ببكاء : كتر خيرك يا ست هانم مكنتش عارفة هعمل ايه مع الحيوان ده لولا انك دخلتى ساعتها
شاهى بحنان: معلش يا حببتى حصل خير واهو الحمد لله لحقتك قبل ما يحص حاجة بس انا كنت عايزاكى فى موضوع كده مهم
سلمى وهى تجفف دموعها: اؤمرى حضرتك الى انتى عايزاة انا هعملهولك
شاهى : طب تعالى معايا وانا اقلك
الفصل الرابع****
فى منزل سلمى
دخلت سلمى الى البيت مبكرا فى هذا اليوم بعد رحيلها من العمل نهائيا بعد ما فعل صاحب المحل ذهبت الى غرفتها بسرعة كى لا تلاحظ امها وارتمت على السرير وهى تفكر فى عرض السيدة شاهى وتتذكر
شاهى: بصى يا سلمى انتى عارفة كويس انى بعتبرك زى بنتى بالظبط وانا عارفة انك بنت فقيرة وعلى اد حالك فأنا كنت عايزة اعرض عليكى عرض اظن ان هو هيبقى كويس بالنزبالك
سلمى بأستفهام : ايوا حضرتم ايه هو العرض؟!!
شاهى : بصى يا حببتى فى واحدة صاحبتى كبيرة فى السن وكانت محتاجة رعاية وكانت بتدور على حد يراعيها وانتى فاهمة بقى الباقى
سلمى: ايوا طبعا فاهمة حضرتك بس هى يعنى عندها كام سنة بالظبط؟!
شاهى بأرتباك: هى حوالى حاجة وخمسين حاجة وستين بصراحة مش فاكرة اووى
سلمى بأبتسامة : طب اديلى مهلة افكر فيها لو سمحت حضرتك واخد رأى ماما فى الموضوع
شاهى بأرتياح : طيب يا حببتى خدى راحت وخدى الكارت بتاعى اهو ولما تفكرى وتاخدى قرار اتصلى بيا علطول
سلمى : طبعا بعد اذن حضرتك
شاهى : مع السلامة يا حببتى
سلمى : مش عارفة اعمل ايه يا ربى فى الحكاية ديه بس انا مش قدامى اى حل تانى غير انى اوافق ربنا يسهل كده ويقدم الى فيه الخير
كريمة وهى تدخل الى غرفة سلمى
كريمة بفزع: بسم الله الرحمن الرحيم انتى رجعتى امتى يا بت انتى؟!!
سلمى : رجعت من ساعة كده تقريبا يا ماما فى حاجة ولا ايه!!!
كريمة بحيرة : انتى الى فى حاجة عايزة تقوليها يا سلمى مش صح؟!!
سلمى بأرتباك: اصل صراحة حصلت مشاكل فى الشغل كده خلتنى اضطر ارجع بدرى
كريمة وهى تضيق عينها بأهتمام: حاجة ايه يا سلمى الى حصلت فى الشغل؟!
سلمى وهى ترتمى بحضن امها وتبكى: الحيوان يا ماما صاحب المحل كان بيحاول يتحرش بيا
كريمة بغضب: السافل الحيوان وانتى عملتى ايه يا حببتى طيب؟!
سلمى وهى مازالت تبكى: فى ست جت المحل الله يكرمها كان فى حاجة غلط فى حسابها رجعت تانى المحل وشافت الحيوان ده وهو بيحاول يتهجم عليا
كريمة بحنو : كتر خيرها ربنا يكتر من امثالها يارب والحمد لله يا حببتى انها جت على اد كده
سلمى بأرتباك بس يا ماما انا كنت عايزة اقلك على حاجة مهمة؟!
كريم بنظرات زائغة: فى ايه يا سلمى ؟!
سلمى : اصل صراحة الست الى انقذتنى عرضت عليا عرض كده وانا بفكر اقبله
كريمة بغضب: جرى ايه يا سلمى انا هسحب الكلام من بوقكك ولا ايه ما تخلصلى؟
سلمى بتوتر: اصل يا ماما هى قالتلى ان فى ست كبيرة عايزة واحدة ترعايها وان هى يعنى محتاجة مساعدة ومش هيضر فى حاجة انى اروح اخدمها
كريمة بصدمة وهى تلطم على صدرها : يا خرابى بتى عايزة تشتغل خدامة على آخر الزمن!!
سلمى : خدامة ايه يا ماما بس انا بقلك ست كبيرة وعيانة وبعدين انا موافقة على عرض الست ديه واحسن من انى اتمرمت فى المحلات كده من الصبح لحد الليل
كريمة : والله انا مش عارفة يا سلمى انتى بتاخدى رأى ولا بتقوليلى كده وخلاص
سلمى بأبتسامة: طبعا باخد رأيك يا كرمله انا بس بفهمك انى عاجبتنى الفكرة مش اكتر
كريمة : الى يريحك يا سلمى
سلمى بأمتنان وهى تقبلها: شكرا يا كرمله
فى قصر الكيلانى
تأنقت منة كعادتها لحفلة عيد ميلادها اليوم وحضرت اليها الكوافيرة لكى تصفف لها شعرها وتضع لها لمساتها الاخيرة من المكياج
بدأ الحضور يتوافدون على الفيلا التى ازدادت بالديكورا والأضواء المعلقة واقبل الجميع على فريدة يهنئونها بعيد ميلاد ابنتها منة
نازلى بأبتسامة: اومال فين عروستنا الحلوة؟!
فريدة لسة الكوافيرة بتظبطلها مكياجها
نازلى : شفتى ازاى كبرت بسرعة العيال دول بيكبرونا بسرعة اوى يا فيرو هههههه
فريدة : بيكبرونا ايه بس يا نازلى ما انا لسة فى عز شبابى اهو وبعدين اتكلمى على نفسك انتى بس!!
نازلى: هههههههه طيب يا فيرو بس انا شايفاكى سرحانة ومش واخدة بالك مين الى جه
فريد وهى تضيق عيناها بأهتمام: مين الى جه يا نازلى؟!!!
نازلى بخبث : ممدوح بيه يا فيرو
فريدة بفرحة عارمة: بجد ممدوح هنا انا لازم اروح اسلم عليه بعد اذنك يا نازلى
نازلى : اتفضلى يا حببتى
نزلت منة على الدرج وكانت بكامل اناقتها وهى ترتدى فستان احمر يظهر كل مفاتنها
واستقبلها الجميع بسعادة وهم يهنؤنها بعيد ميلادها
احد الفتيات: واو يا منوش انتى بجد ما تتوصفيش النهاردة
السيدة نازلى: ما شاء الله عليكى جميلة خالص يا منة
منة بأبتسامة : مرسى ليكوا كلكم
مروان من خلفها: كل سنة وانتى طيبة يا حببتى عقبال ١٠٠ سنة
منة بحب: مروان !! مش معقول مكنتش متخيلة انك هتيجى
مروان: هو انا اقدر اتأخر على حبيبة قلبى منة بردو!!
منة: يااه يا مروان انت متعرفش انا كنت هبقى زعلانة ازاى لو انت مجتش النهاردة البارتى بتاع عيد الميلاد
مروان: وانا اقدر على زعل منوشة حببتى وركع على احدى قدمية واخرج علبة حمراء من جيبة وقدمها له وهو يبتسم: تقبلى تكونى خطيبتى يا منة!!
دمعت عين منة بسرعة وقالت : موافقة طبعا يا حبيبى
قام مروان واحتضنها وهمس لها بحب : ربنا يخليكى ليا يا حببتى
منة: ويخليك ليا يا مروان
فى شركة الكيلانى
كريم: ايه يا ابنى انت مش هتروح عيد ميلاد اختك ولا ايه ؟!
يوسف بتأفف: عيد ميلاد ايه وزفت ايه بس يا كريم هو انا فاضى للعب العيال ده اومال انا عايش فى شقة لوحدى ليه ماهو عشان اريح دماغى من كده!!
كريم: يا ابنى ديه اختك بردو وبعدين فريدة هانم هتفضل تقلك وقام بتقليد صوتها: ليه يا يوسف مجتش البارتى بتاع أختك ديه كده منة هتزعل منك اوى واصلا منة مش بيفرق معاها وجودك وبعد كده تقلك ديه مدام شاهى كانت جايبة بتها سارة عشان تشوف وتتكلم معاك وعايزين نفرح بيك بقى يا جو
يوسف: هههههههههههه يخرب عقلك يا كريم بقيت شبهها بالظبط
كريم : شفت بقى انا محترف ازاى وبعدين يلا عشان انا صراحة عجبتى فكرة انى اروح العيد الميلاد واصطادلى اى موزة حلوة كده من هناك!!
يوسف بخبث: هلى رأيك يا كيمو يلا بينا
انطلقوا بالسيارة متوجهين الى حفلة عيد ميلاد شقيقته منه
فى منزل سلمى
اخرجت سلمى الكارت من حقيبتها التى قد اعطته لها السيدة شاهى وامسكت بهاتفها وقامت بطلب الرقم المدون على الكارت وضعت الهاتف على اذنيها وانتظرت الى ان يجيب احد عليها
سلمى : ألو مدام شاهى معايا
شاهى : ايوا يا حببتى انا مين معايا؟!!
سلمى : انا سلمى الى حضرتك قلتلها على الشغل بقالك كذا يوم
شاهى بتذكر: اه صحيح ازيك يا سلمى عاملة ايه؟!
سلمى : الحمد لله كويسة حضرتك جمبك دوشة تحبى اتصل بيكى وقت تانى!
شاهى: لا يا حببتى اصل انا فى فرح بنت صاحبتى بس استنى بس ابعد شويه
سلمى : طيب
شاهى: كده سمعانى يا حببتى
سلمى : اه كده كويس اوى
شاهى: ايه بقى قوليلى عملتى ايه فى الى انا قلتلهولك
سلمى : صراحة انا عجبنى العرض ده اوى وموافقة
شاهى بأبتسامة: طب كويس اوى تحبى تيجى من بكرة ولا انتى ايه رأيك
سلمى: اه بكرة تمام اوى معنديش مانع حضرتك تؤمرينى بحاجة تانية
شاهى: لا يا حببتى شكرا
تكملة الرواية من هناااااااا
لمتابعة باقى الرواية زورو قناتنا علي التليجرام من هناااااااااا
بدل ماتدور وتبحث علي الروايات عمل
متابعه لصفحتنا على فيس بوك هنااااااااااا
الرواية كاملةمن هناااااااااا
مجمع الروايات الكامله 1اضغط هناااااااا
مجمع الروايات الكاملة 2 اضغط هناااااا
تعليقات
إرسال تعليق