رواية زوجتنى اختها كاملة بقلم إسماعيل موسي
رواية زوجتنى اختها كاملة بقلم إسماعيل موسي
وصلتنى الرساله دى على الواتس وكنت قربت انساها، مر عليها اكتر من سنه، مكنتش اعرف مين الى بعت الرساله ولا اهتميت اعرف مين ولا وصل لرقمى ازاى ،مش بحب اشغل دماغى برسايل فيك مزيفه بيكون غرضها الاستخفاف والهزار
ثم انا مليش علاقه ولا جمعنى كلام بواحده زيها، وتقريبا السنه إلى فاتت كلها كنت عايش حاله من العزله والانطواء وتارك الحياه برمتها ورا ضهرى، لكن قبل اسبوع وصلتنى رساله تانيه من نفس الرقم، وكان نصها ان تأكدت خلاص من الخيانه وهنتقم منهم هنا الاتنين لكن لازم اقابلك ضرورى
وانا بقراء الرساله الغامضه كنت بسأل نفسى، ليه الانسانه دى مصره انها تشاركنى أسرارها وخططها وبعد ما ولعت سيجاره وقعدت فى الشرفه اسمع أصوات الباعه الجائلين واتشمم رائحة النقانق المشوية لقيت دماغى عماله تفكر والموضوع ده مش راضى يخرج من دماغى، وقلت انت ليك فتره كبيره مخرجتش من شقتك، غرقان فى الدروس الخصوصيه ومش مدى نفسك إى فرصه تغير جو
ولقتنى براسها وبكتبلها حددى المكان والميعاد
ومفيش دقايق ووصلنى الرد ،هقابلك فى حديقة الأزهر قبل غروب الشمس.
لما وصلت هناك قعدت على اريكه تحت شجره ادخن سيجاره
واتأكد انى وصلت فى ميعادى
ومر الوقت وكل ما وحده تظهر افتكرها هى ،انتظرت اكتر من ساعه وكل شويه الشك بيكبر فى صدرى انى اتخدعت وكنت
ضحية مزحه تقيله من شخص تافه قدر يلعب بعقلى كأننى طفل ،وخدت بعضى ومشيت رجعت شقتى وانا بلوم نفسى لانسياقى خلف أفكار واهيه والعن الفضول إلى خلانى انزل من شقتى وحسيت انى شربت المقلب وانى استحقه
خدت دش وغيرت هدومى وريحت على الأريكه وقبل انتصاف الليل وصلتنى رساله من نفس الرقم، رسالة اعتذار
وادعاء انها مقدرتش تخرج من البيت لأن جوزها كان موجود
ومنعها تخرج، انا حاسه ان جوزى شاكك انى عرفت لأنه بيراقبنى ذى ضلى وانتهت الرساله
مفكرتش ارد ولا اعلق ورزعت التليفون فى السرير
#زوجتنى_اختها
٢
على مدى اسبوع لم اتلقى رساله من رقم تلك السيده، وملقتش فى نفسى اى رغبه فى الرد او قبول الاعتذار
بعد تفكير لقيت ان الموضوع كله على بعضه تافه هزلى
وقربت انسى كل حاجه بعد شهر لحد ما وصلتنى
نقط متقطعه بلا كلام...............
مردتش طبعأ، كنت هضحك، إلى يشوف النقط يقول اتنين بيحبو بعض زعلانين نفسهم يتصالحو ويخلقو كلام بينهم
وفى نفس اليوم الساعه اتنين الصبح وصلتنى رساله
انا عرفت السر بس حاسه انى فى خطر
شفت الرساله لما صحيت من النوم وكالعاده مكتبتش اى كلمة رد.
ومرت الايام والشهور، موصلتنيش اى رساله من الرقم ده
وكانت حياتى بدأت تتبدل بعد ما تعرفت على بنت صدفه
وانا خارج من المستشفى، كان ضغطى منخفض وحاسس بصداع والدكتور اتهمنى بالاهمال فى صحتى وان القهوة والتدخين هيدمرو حياتى وانا خارج من المستشفى كنت حاسس بدوخه واتكيت على الحيطه وقعدت على الرصيف
والبنت دى قربت منى وعرضت عليه المساعده ،كانت حركه جميله منها، حسيتها جدعه واصرت انها توصلنى شقتى
وفعلا فضلت معايا لحد ما دخلت الشارع بتاعنا،شكرتها وقلتلها تقدرى تروحى خلاص وفضلت واقف لحد ما مشيت
جنب باب العماره بتاعتنا فيه دكان سوبرماركت صاحبه راجل خمسينى وفيه كلام بينى وبينه
وانا داخل العماره سمعته بيلقح كلام من نوعية ربنا يسهلك يا عم ، والسناره غمزت ،ورغم تعبى رجعت عنده وقلتلة انت عايز ايه يا راجل يا عجوز انت ؟ انا ممكن أبلغ الوليه مراتك انك بصباص واخلى ليلتك ما يعلم بيها غير ربنا
الحج حامد ضحك كتير وقال البنت عينها منك من زمان
مرضتش اناقشها واقوله انى اول مره اشوف البنت دى النهرده، اصل هو نظره ضعيفه واستحاله تدخل معاه فى جدال وتكسبه ،قولتله بطل فتى يا عم حامد
دا انا اول مره اشوفها واول مره امشى مع بنت اصلا
فاكر كويس تعبيرات وش الحج حامد وهو بيقول حقك تتقل يا عم ،طالما البنات بتمشى وراك وتراقبك
ولما قولتله بطل كدب ،قال انا شفت البنت دى قبل كده واقفه على ناصية شارعنا ومره تانيه انت كنت داخل العماره وهى كانت بتبص عليك
اها دا انت وسعت منك جامد يا عم حامد، تصبح على خير
وسبته ومشيت.
وكان فيه قبول بينى وبين البنت دى ودا قربنا من بعض وندور على بعضنا ذى قصص الأفلام كده
انا عملت نفسى رايح المستشفى عشان اشوفها مره تانيه
وهى كمان، المره دى تبادلنا أرقام التليفونات وبدأنا نتكلم
ولانى بحب ادخل البيوت من أبوابها بعد شهر اتخطبنا
وبدأت احضر للجواز إلى حددنا ميعاده بعد ست شهور
هى كانت شغاله كول سنتر فى شركة اتصالات ومرتبها كان كويس وحالة أهلها كانت ميسوره وقدرت تجهز نفسها فى ميعاد الفرح، واتجوزنا فى شقتى ومش قادر انسى عم حامد يوم الفرح لما جه يباركلنا وهو بيقول كنت عارف انكم هتكونو لبعض، اصل مش معقول واحده تكون متعلقه بواحد للدرجه دى ويسبها.
اتجوزنا فى شقتى المتواضعه ومكنش فيه شهر عسل
هى، رجعت لشغلها وانا انتبهت لدروسى الخصوصيه
وكنت متفهم شغل نيره والتليفونات الكتير إلى بتوصلها من الشغل، بعد اسبوعين ابوها عزمنا على العشا
ولما روحنا العيله كلها كانت متجمعه بس كان فيه شخص اول مره اشوفه ولما سألت نيره قالت دا جوز اختى
قلتلها اختك مين ؟ انتى ملكيش اخوات
وزعلت انى سألتها لانى قلبت عليها المواجع
كان اسمه عمر ودا جوز اختها الميته إلى اسمها سحر إلى توفت من سبعة شهور ،ودى بنتها الصغيره إلى ماتت وسابتها وراها وشاورت على بنت صغيره بتلعب مع الأطفال
هند دلوقتى عايشه عندنا وامى هى إلى بتاخد بالها منها
واحنا بنتعشى عمر دا مرفعش عينه عنى والصراحه انا كمان مسترحيتلهوش حسيته انسان مريب كده وكتوم ،خلصنا العشا واستأذنا مشينا وصلنا شقتنا ودخلت اخد دش
وانا باخد دش سمعت نيره بتتكلم فى التليفون ودا امر عادى
لكن إلى مش عادى صوتها كان واطى جدا ذى الهمس
ولما خلصت دش وخرجت نيره كانت جوه اوضة النوم والباب مقفول بتتكلم فى التليفون ولما حست بخروجى انهت المكالمه وخرجت ،ومخدتش فى بالى ،كنت تعبان جدا وعايز انام ،سبت نيره بتتفرج على التليفون ودخلت انام ،واستغرقت فى النوم لاكتر من ساعتين ولما صحيت صدفه ملقتش نيره نايمه جنبى ،ببص على الساعه لقيتها
اتنين الفجر
لو ااقصه وصلتك تفاعل واعمل مشاركه للقصه من فضلك
#زوجتنى_اختها
٣
فردت ذراعى ولم يرتطم بنيره ،ثم سمعت همسها قادم من الصاله، اشعلت سيجاره دون أن اشعل النور
مكالمات الساعه الثانيه صباحآ لا تشعرنى بارتياح.
خلاص يا بنتى انا هتصرف، انتى ليه متسرعه كده ؟
قولتلك سيبيلى الموضوع ده
ثرثرة النساء المعتاده
بتعملى ايه يا نيره ؟
بكلم صحبتى يا عونى دقايق واكون عندك
أطلقت دفعه من الدخان، انا مش مستعجل على حضورك يا نيره ،انا رافض الفكره مش اكتر
فكرة ايه يا عونى بقا؟
الاتصالات فى وقت متأخر مزعجه، مش بحبها ولا أرحب بها على الأطلاق.
ثم صمت مستغرق فى افكارى ،يعنى محليش حل المشاكل غير الساعه اتنين الصبح ؟
عيزنى اتخلى عن صاحبتى يا عونى ؟ فجأه ظهر الفدائى الراقد داخل احشاء زوجتى نيره
اكره صداع الحريم، وأدركت انها ستكون ليله طويله اطبقت فمى أنهيت سيجارتى وغططت فى النوم.
لما فتحت عنيه نيره كانت نايمه، هممت بايقاظها ثم نحيت الفكره جانبآ
إذآ تحدثت حتى الفجر فى مشاكل فارغه عليها ان توقظ نفسها بنفسها، هذه اللعينه الفاقده للوعى مثل خروف اضحيه لا تعرف أن لديها زوج يحتاج إفطار وقبلة صباح وفنجان قهوه
صنعت القهوه وشعرت أننى احتاج سيجاره دخلت الغرفه سحبت سيجاره وصادفنى هاتف نيره اخدته فى طريقى
بالعادة اتصفح الاخبار التى تسد النفس وانا اشرب قهوتى
لكن فضولى دفعنى إلى مكالمات الهاتف
أكثر من أربعين مكالمه لرقم واحد ؟
لكن الأكثر فضول ان الرقم غير مسجل بأسم
كيف تكون صديقه مقربه ولم تكلف نيره نفسها عناء تسجيلها على الهاتف باسم ؟
سجلت الرقم عندي وتصفحت الاخبار ثم اعدته لمكانه
استيقظت نيره وذهبت إلى العمل فى عجاله وتركتني انتظر الأطفال المشاغببن لابداء اول حصه
لكن الأطفال تأخرو، من هاتفى طلبت الرقم ،مجرد رنه عابره
فى هذة الحالات اعرف جيدا ان هناك اتصال سيصل إلى
بنسبة 65٪
لكن الاتصال لم يصل، طلبت الرقم مره اخرى
وولم يصلنى شيء ،اذا كنت شخص عاقل، فورا سأفكر انه امر غير مهم، هناك بشر كتير لا يبالون بالأرقام اللعينه المجهوله
لكن عقلى الجامح لم يتوقف عن التفكير
ربما هذا الشخص يعرف رقمى ولأننى مغرم بالقصص البوليسيه حاك عقلى أكثر من سيناريو
وانا فى هذه الحاله الفوضاويه ظهر امامى الواتس
كان رقم المرأه التى كانت تراسلني لازال موجود
مررت بعينى على رسائلها ولم آدرى الا ورساله لم اقرأها من قبل
... تزوجها
مجرد كلمه لعبت بعقلي، ايه الجنان ده واتجوز مين ؟
انا اصلا ازاى لسه محتفظ بالرسايل لحد دلوقتى ؟
بتردد أجريت اتصال بالرقم ،فى الرنه قبل الأخيره جأنى رد
مين معايا؟
قلت انا
قالت ايوه انت مين؟
قلت حضرتك كنتى بتراسلينى انا اول مره اتصل بك
أطلقت سبه لعينه ،انا عمرى ما كلمتك ولا بعتلك ،ايه تلقيح ااجتت ده ؟
بعدها صمت، اه استنى انت اخر مره وصلتك رساله من الرقم دا امتا؟
قلت من سبعة او ثمانيه شهور
همست اه، يبقى قصدك على الشخص إلى كان مالك الرقم قبلى
لأن فعلا اتصلات كتير كانت بتوصلنى بتسأل عن وأحده اسمها رولا
شكرتها وقفلت السكه
بت ااكل_ب ،غيرت الخط من غير ما تبعت حتى رساله ؟
ولأن العيال ما وصلوش الشرطى داخل عقلى قعد يلعب معايا
اتصلت بصديق اطلب منه المساعده، طلبت منه اسم صاحب الرقم قبل ما يتباع لغيره
وبعد نص ساعه صديقى كلمنى وقال رولا عبد العال احمد
دا الاسم المسجل من البطاقه
فتحت بقى
رولا عبد العال احمد ؟
دى مراتى اسمها نيره عبد العال احمد
#زوجتنى_اختها
4
تشابة الأسماء يحدث فى الأفلام والمسلسلات وعلى أرض الواقع عندما يكون حظك نحس، احاول ان اخرج نفسى من كل ورطه بسيجاره حتى اهلكت رئتى.
ولماذا اشغل نفسى ؟ غرقت فى الدروس، جاوب يا ابنى، ذكرى شويه يا مريم، فين الملخص يا مدحت ؟ برافو يا علياء، أشعر أن رأسى كرأس ثور
ماما بتسلم عليك، بابا هيدفعلك الشهر، الحج فتحى قالى اقلك متنساش الطلب ،كل هذا داخل رأسى
عندما انتهى من الدروس أشعر كأن روحى عادت لى
اشعل سيجاره واشغل الموسيقا واتمدد على الأريكه كجثه هامده.
فتحت نيره باب الشقه لا أعرف كم الساعه، اخذت حمام وبدلت ملابسها.
نيره لحظه من فضلك؟
خير يا عونى؟ انا جايه تعبانه ومش هقدر اطبخ وفر وصفاتك لنفسك انا مش الشيف نجلاء
اختك الله يرحمها كان اسمها ايه؟
جلست نيره على الأريكه ليه يا عونى؟
ليه ايه لا مؤاحذه ؟
بتسأل ليه يعنى ؟
مش بحب اللف والدوران، ولا المجادلة فى امر تافه
قلت عادى اصلى افتكرت جوز اختك اسامه وتفاجأت انى معرفش اسم اختك
اسمها رولا يا عونى فيه حاجه تانى؟
أغمضت عيونى السوداء ،لا مفيش شكرا، لكن جوايا كنت حاسس بماس كهربائى وصدمه ودهشه
اخت مراتى كانت بتراسلنى قبل موتها ليه ؟
واسامه جوزها إلى كانت بتدعى انه بيخونها وبتخطط لقتله هو وعشيقته، أطلقت سبه لعينه
هى الصدفه ممكن توصل لكده ؟ اتجوز اخت وأحده كانت بتراسلنى من غير ما اعرف هويتها ؟
كنت محتاج اشم هوا وامشى مع نفسى احاول ان أجد حل للاحجيه داخل دماغى
_انا نازل القهوه يا نيره
لم تعترض نيره كعادتها ،لم تقل خليك اقعد معايا او ما تتأخرش ، أعرف أن حضورى طاغى ولا غنى عن وجودى وان محاولة التخلص منى بتلك الطريقه المريبه امر مثير للشك.
وانا نازل السلم سألت نفسى هو ايه إلى بيحصل بالضبط ؟
ولقيت عمى فتحى قاعد فى الدكان، عينيه الضيقه تتابع الفتيات عابرات الطريق أشكال وألوان
انت يا راجل انت مش هتتهد شويه ؟ قلتلك هقول لمراتك
اقعد يا عونى يا ابنى وكفايك هرتله
الواحد قاعد جوه الدكان اربعه وعشرين ساعه عايزنى اعمل ايه يعنى؟
اعد النجوم مثلا ؟
عد الستات يا عم فتحى وسجلهم عندك فى الدفتر ذى ما بتعمل دايما
رفع الحج فتحى عينين مرتابتين ،انت تعرف بأمر الدفتر ؟
أطلقت ضحكه ،أعرف حجات كتيره يا حج فتحى
منذ أعوام عمد الحج فتحى على تسجيل اسماء بعض السيدات المترددين على السوبر ماركت مع وضع ملاحظه امام كل اسم، ملتزمه، خبيثه ،هاديه ،يجى منها ،ابعد عنها
عثرت على دفتره صدفه قبل الزواج عندما كنت أقف مكانه لساعتين يريح فيهم طوله ،الدفتر كان داخل صندوق مقفل
بس انا فتحته.
قولى يا عم فتحى ؟
أمر يا عونى بيه
الله يكرمك يا حج عونى، انت متذكر شوفت مراتى اول مره امتا؟
متذكر طبعا ثم بحرج اخرج الدفتر المؤرخ بتورايخ الايام
فتاه كانت تقف على ناصية الشارع اكتر من مره قرأت التاريخ
كان قديم جدا قبل تعرفى على نيره فى المشفى
قلتله انت متأكد؟
متأكد جدا يا عونى
أخرجت هاتفى طالعت الرسايل إلى كانت بتوصلنى من رولا قبل وفاتها
بداء تردد نيره على الشارع بعد وصول اول رساله لى بخمسة عشر يوم
شكرا يا حج فتحى، اسيبك انا بقا
مش هتقول لمراتى حاجه ؟
قلتله وانا مالى اصلا ما تعمل إلى تعمله، كل امرأه تستحق الخيانه مره واحده خلال الزواج على الاقل.
شعرت بقلق حقيقى ،الأمر تعدى كونه صدفه ،ربما انا ابالغ فى شكوكى وربما لا
على القهوه وسط الدخان وصرخات لأعبى الضمنه ،اعدت قراءة الرسائل بتركيز
شاكه فى جوزى
مش قادره أوصل لدليل
انا وصلت للدليل وهقتله واقتلها إلى كنت بحبها اكتر من نفسى
اتجوزها __ اخر رساله وصلتنى
وفكرت لو كان فيه خيانه اكيد نيره عندها علم بيها
رولا اختها الوحيده واكيد كانت بتحكيلها عن أسرارها
كلمت نيره وكانت انتظار حتى بعد دقايق مفكرتش تتصل او ترد عليه.
خدت بعضى ورجعت الشقه ،كنت بحاول افكر ازاى اسألها عن حاجه ذى كده من غير ما أثير شكوكها واحترت افتح معاها كلام ازاى.
واول ما رجلى دبت فى الشقه ولقيت نيره قاعده فى الصاله
وقبل ما اسألها مش بترد على اتصالى ليه
قعدت على الكرسى وبصيت عليهآ وسألتها
هو اسامه كان بيخون اختك ؟
#زوجتنى_اختها
٥
هو انت تعرف اختى من فين اصلا؟
وايه العلاقه إلى ربطتك بيها تخليك تعتقد كده ؟
انا لا اعرف اختك ولا عمرى شفتها ولا قابلتها يا نيره
ليه بتسأل وايه إلى خلاك تقول كده؟
انتى عارفه عقلى السيكوباتى إلى دايما بيطلع الراجل خاين يا عزيزتى متشغليش بالك.
أصلها غريبه يا عونى، تيجى كده من الطاق للراس تسألني عن اسم اختى وقبل ما النهار ما يخلص تطلع باختراع جديد ان جوزها كان بيخونها.
أطلقت دفعه من الدخان الأزرق اخر نفس فى لفافة التبغ
وتنهدت.
هو لو كان اسامه بيخون المرحوم اختك رولا مش يهمك انك تعرفى ؟
تردت نيره ،بدا واضح انها تفكر بعمق
طيب ايه إلى خلاك تقول كده؟، المعلومات الدوافع يعنى؟
مجرد خيال مريض يا نيرو ،لكن تصورى لو كان صح، ميهمكيش تعرفى ؟
وقرأت ملامح وجه نيره ،الموضوع كله على بعضه غريب يا عونى
مجرد التفكير فيه مزعج ،كونك انت إلى لا قابلت اختى ولا عمرك شفتها بتسأل عن حاجه ذى كده دا امر أقرب إلى الدتستوبيا
ثم اذا كان دا حقيقى ولو انى مش عارفه الظنون دى وصلتك إزاى الا اذا كنت ولى او قاريء للماورئيات اذاى يا سيدى هتقدر تثبت ده ؟
اتكأت على الأريكه ،أحب اعرف اولا اذا كانت الفكره نفسها نخششت جوه دماغ يا عزيزتى ؟
واذا كان جوابك نعم، متقلقيش انا اقدر اجبر نملة فارس انها تعترف بأثامها وتقف آمام القاضى مقره بالذنب
ابتسمت نيره بحزن ،هو امر مريع، بس اذا كانت اختى الله يرحمها عانت قبل موتها من خيانات جوزها فدا ما يمنعش انه كان سبب فى موتها كمد وغيظ
يعنى آبدآ تحرياتى ؟
ابداء يا عونى بشرط واحد
شرط إيه يا نيرو ؟
انك تطلعنى على تطورات تحقيقك اول بأول ومتخبيش عنى اى حاجه..
موافق، روحى اعملى كوباية شاى من فضلك لأن دماغى هتنفجر
حاضر يا عونى المتحول.
ان ادراك الدفوع التى تقود إلى معرفة الحقيقه غير مهمه
ما يعنى نيره اذا كنت اعرف اختها من عدمه؟
للموتى حقوق وديون فى اعناقنا على قدر التضحيات التى بذلوها من أجلنا قبل رحيلهم.
احضرت نيره الشاى ثم خاطبتنى بنبره مائعه ،مش هتقولى الشك ده وصلك إزاى ؟
عقلك نفسه ليه فكر فى كده ؟
احب ان أحتفظ ببعض الأمور لنفسى، ولدى أكثر من سيناريو للفكره الواحده
هقلك بس متضحكيش عليه ؟
قول يا سيدى.. همست نيره وقد جلست وتربعت ووضعت يديها بين ساقيها.
من اول ما شفت اسامه وانا مش مرتحله، نظراته المريبه عيونه التى لا تسبت على حال وبعض كلماته التى تشبه لغة المرحاض جعلتنى اعتقد انه شخص غير سوى.
بس كده؟ وأطلقت نيره ضحكه ضخمه ،تصدق انك سيكوباتى فعلا ؟
خلى الأمر سر بينا ،ملوش لازمه الاسره تعرف حاجه
ولا حتى اسامه، مش عايزه شوشره ودوشة على حاجه ممكن تكون مجرد شك
متخفيش عونى يعرف شغله جيدا
صمتت نيره ،عونى، إلى يسمعك وانت بتقول كده، يقول انها مش اول مره تعمل كده
هو انت محقق فعلا ؟
محقق ايه بس انا قولتلك الحقيقه كلها، ولو مش موافقه هطلع الفكره من دماغى
ركنت نيره للصمت ثم همست لا، كمل، خلينا نشوف خيالك هيوصلنا لفين!
انها لا تعرف أن خيالى لا حد لها ولا توجد بقعه لا يمكنه ان يصلها، مثل رقم الهاتف الغير مسجل فى دفتر العنواين الخاص بهاتفها.
أنا هدخل انام يا عونى اصلى تعبانه اوى، اليوم كان طويل فى الشغل جدا محتاجه اريح دماغى.
قعدت فى الشرفه ادخن سيجاره وارمق الشارع الحقير وعينى مصوبه على دكان الحج فتحى وابتساماته المزيفه التى يمنحها للنساء ثم دخوله وتسجيله الأسماء فى الدفتر
منور يا عونى بك!
صرخ الحج فتحى عندما لمحنى فى الشرفه وهو يضع أصبعه على فمه
قلتله متخفش فاكر ،اعمل حسابى فى ربع جبنة رومى معاك يا راجل يا سكره
ان اصل الحكايه بداء من عنده ولا شك انه ينتهى بعيد عنه
هكذا هى قصص الحياه تقودنا لطرق بعيده لم نتوقع يوم ان نطرقها.
مضى أكثر من ساعه واحتجت حافظة نقودى من غرفة النوم
فتحت باب الغرفه بهدوء وقبل دخولى شعرت بحركة نيره على السرير
ولما دلفت وجدتها نائمه ،قلت يمكن كانت بتتقلب على السرير
بس لقيت تليفونها مركون على الكوميدينو على الطرق على وشك انه يقع
مسكت التليفون وكنت هسيبه، لكن حسيت بسخونته
وأدركت بحسى البوليسي ان هذا الهاتف أغلق للتو
فتحت الهاتف وانا واقف جنبها وروحت على الواتس
الرقم الغير مسجل كان هناك الكثير من الرسائل التى تم محوها للتو قبل دقيقه يمكن
رسائل وصلت وتم الرد عليها خلال تلك الساعه التى ادعت نيره نومها
تركت الهاتف مكانه وخرجت من الغرفه وانا اهمس طيب كنتى مسحتى المحادثه كلها افضل
#زوجتنى_اختها
٦
مش بعرف انام لما يكون شاغلنى موضوع، بفضل اضغط واضغط على نفوخى من غير فايده، مضى وقت طويل قبل أن أنجح فى النوم.
فى منتصف النهار نزلت من الشقه، كنت لقيت نيره كاتبالى عنوان شقة اسامه قبل ما تمشى
خدت اتوبيس إلى أقرب نقطه من العماره إلى ساكن فيها اسامه، بعدها مشيت لحد ما وصلت، وقفت فى مكان يسمحلى اراقب العماره وانا بدخن سيجاره ،قد تمتد المراقبه لاسابيع قبل أن اصل لشيء..
بنايه قديمه من اربعة طوابق ليس لها حارس، اخترت مقهى يطل على العماره وجلست احتسى الشاى ،كما اتصور موعد عودة اسامه من الشغل لن يتأخر
وصل اسامه الشقه بسيارة أجره ،كان بمفرده كما توقعت
صعد شقته وحتى قبل رحيلى الساعه التاسعه لم ينزل من شقته، أعرف ذلك، لم اندهش.
إذآ كان شيء سوف يحدث لن تكون هذه البنايه مكانه
كان على ان أجد حليف فى هذة المنطقه ،يسهل على أمر المراقبه، كنت اعرف انه امر صعب لكن الحياه علمتنى الا ايأس
وانا ماشى على الرصيف فى شرود، هات سيجاره يا بيه
بصيت على الصوت وخلاف تخيلى لم أجد متشرد كسيح يفترش الرصيف ،بل كانت امرأه بملابس قديمه ،ربما كان عمرها فى منتصف العشرينات، مرتديه جلباب اسود وأمامها شكاره دقيق بها بعض المحتويات..
عايزه سيجاره ؟
ايوه يا بيه
أخرجت لفافة تبغ وجلست على الرصيف جنبها، مش معايا غير سجاير كليوباترا
كليوباترا كليوباترا وهو انا هتأمر ؟
منحتها سيجاره واشعلتها لها وولعت لنفسى سيجاره
قالت.. باين عليك مش من أهل المنطقه
قلتلها فعلا انا مش من هنا
همست عارفه، اصل مفيش حد من المنطقه المعفنه دى بيرضى يديني سجاير ،تقولش خايفين على صحتى ؟
انتى من هنا؟
مش من هنا يا بيه، لكن المكان المعفن ده هو الوحيد إلى عين البوليس وأولاد الشوراع فيه قليله
يابيه اوعى تفكر انى وأحده شمال، هى بس الظروف مش اكتر !!
نفخت دخان سيجارتى ،كانت مره واحده
رمقتنى الفتاه من فوق لتحت، ايه هو الى مره واحده ؟
قلت بلامبلاه كنتى شمال مره واحده
صرخت تصدق انك راجل ناقص وقليل أدب، هو انا عشان خدت منك سيجاره يحقلك تتهمنى فى شرفى ؟
لم أرد، لم أجد فى نفسى رغبه فى الرد، ولم اتحرك من مكانى اكتفيت بالصمت ومراقبة الشارع ،كنت اعرف انها ستعود
__بعد شويه هو انت يابيه مصرختش فيه ليه كده ولا قمت ضربتنى ؟
اصرخ ليه واضربك ليه ؟
اصل كل الرجاله الشمال بيعملو كده ،يلمحو ولما اصدهم يصرخو ،يشتمو ويضربونى قبل ما يمشو
_لكن انا مش شمال، ومش بكون شمال غير مع واحده تستحق
غلطه واحده عمرها ما تبين حقيقة البنى ادم، كلنا بنغلط
كنت بحبه والله، وابن الكلب حلفلى انه بيحبنى قبل ما يعمل عملته ويخلع
همست __كلهم بيقولو كده، حتى الذين يدعون الشرف منهم
هو انت من عالم تانى يابيه ولا ايه ؟
ليه بتقولى كده؟
اصلك بتتكلم بطريقه غريبه اوى، مش بشوفها غير فى افلام ابيض واسود
جعانه؟
هموت من الجوع والله يا بيه
تعرفى مطعم قريب جدا ؟
أعرف يا بيه، فيه مطعم هنا هموت وادخله
__دلينا عليه انا كمان جعان
سمحت لها ان تختار الطعام الذى تحبه ،الكفته والكبده والمخ
واكلت معها
عارف يا بيه ؟
قلت عارف ايه ؟
الاكل دا نعمه كبيره ،الواحد لما يكون محروم من حاجه بيحس بطعمها..
هو انت بتعمل ايه هنا يا بيه؟
قلت __براقب واحد
بصقت اللقمه من فمها، هو انت بوليس ؟
__لا مش بوليس
امال ايه ؟
فيه واحد بيخون مراته وانا عايز اكتشف الحقيقه
واحد من هنا؟
قلت ايوه واحد من هنا اسمه اسامه
لو شاورتلى عليه ممكن اعرفه اصل انا هنا من زمان
وكأن الحظ ابتسم لى ،مر اسامه من أمام المطعم
قلت هو ده
بصت عليه بتركيز ،انا بشوفه بيعدى من هنا كتير
تعرفى انه ساكن هناك فى العماره دى
قالت لا معرفش، لكن عرفت
تحبنى اراقبه ليك ؟
همست يا ريت هتوفرى على وقت طويل جدا
انتى من دلوقتى شغاله معايا وانا هديكى مرتب يا
انتى اسمك ايه ؟
أسمى تسنيم يا بيه
خدى يا تسنيم دى متين جنيه واحنا مع بعضينا متقلقيش
وضعت الورقه النقديه فى جيبها ،مش قلقانه، إلى ذى هيقلق ليه __
طيب انا مضر امشى يا تسنيم، هدفع تمن الاكل وهنبقا نتقابل
مره تانيه فى نفس المكان
قبل ما اطلع من المطعم تسنيم نادت عليه، انا عايزه اقلك حاجه يا بيه يمكن تكون مهمه
قلتله مش وقته دلوقتى لما نتقابل مره تانيه وسبت المطعم ومشيت.
وانا فى طريقى للبيت كنت بفكر، ايه الشيء المهم إلى تسنيم تذكرته ؟
كلمت نيره اشوفها عايزه حاجه وانا راجع ولقيت رقمها انتظار
أمر غير مريح بالمره
كل ما اكلم نيره فى الفتره الأخيره الاقيها انتظار
لما وصلت الشقه تعمدت ما اسألش نيره كانت مشغوله مع مين، المفروض تقول من نفسها لكن نيره مقلتش
ولا يمكننى ان اترك شيء مثل هذا يمر هكذا، اتعشينا وسألت نيرة ،هى مشكلة صحبتك فى الشغل اتحلت ؟
قالت اه اتحلت الحمد لله
اها امال كنتى مشغوله نص ساعه مع مين؟
#زوجتنى_اختها
٧
جرى ايه يا عونى بيه؟ كنت بكلم أهلى فيها مشكله دى؟
مش بحب اى انسان يستفزنى، لأنى لما بستفز بدخل بتقلى ولا عزاء للمصالحات.
مفيهاش مشكله طبعا يا نيره هانم، واتعدلت فى قعدتى ونفخت دخان السيجاره ،لكن لما جوزك يرن عليكى او يكلمك
فى وقت الأصول بتقول إيه ؟
صمتت نيره وتنهدت بعصبيه ،بتقول إيه يا عونى؟
بتقول انك تردى عليه أو على الأقل بعد ما تخلصى مكالمتك المهمه تفتكرى ان جوزك رن عليكى وتكلفى نفسك وتتصلى عليه.
مخدتش بالى همست نيره بأستخفاف
اها، طيب اسمعى يا بت
صرخت نيره ،متقلوليش بت لو سمحت
طيب اسمعى يا زفته ،فى وقت، ليل او نهار اتصلت عليكى تقطعى المكالمه التى معاكى وتردى عليه
وإلا هتعمل ايه يا عونى؟ ااستمرت نيره فى عنادها
وإلا مش هيحصلك طيب يا نيره __
انت بتهددنى يا عونى ؟
انا مش بهددك يا نيره ،انا بقلك هيحصل ايه وكنت اعرف انه جدال من المعتاد الذى قد يحدث فى اى منزل وانتوى ان اهداء
انا مش عجبنى الكلام ده يا عونى، انا مش واحده جيبها من الشارع انا لى بيت ووالدى يعرف يجبلى حقى
عايزه تروحى بيت ابوكى يا نيره ؟
ايوه يا عونى ودلوقتى حالآ ،وعندما تحتدم الأمور عليك أن تكون حازم ولا تترك شيء فى نفسك لا تفعله حتى لا يقارعك اللوم نهضت من مكانى وبعزمى كله صفعت نيره على وجهها
لما تتكلمى معايا تتأدبى وصفعتها مره اخرى وهى فى حاله من الذهول، انا جوزك، فاهمه يعنى ايه جوزك ؟
وقبل ما تصرخ لا مش فاهمه القلم التالت كان نازل على وشها
وصرخت صمت مش عايز اسمع نفسك، عايزه تروحى بيت ابوكى يلا غورى وهوصلك بنفسى
انت بتضربنى يا عونى هى وصلت لكده ؟
وصلت لأكتر من كده لو رجلك طلعت بره الشقه مش هتدخلها تانى ودفعتها نحو غرفتها وهى تدارى وجهها منى.
دفعت نيره ملابسها داخل حقيبتها بسرعه وجرتها على الباب
استنى هوصلك ؟
كتر خيرك انا هطلب أوبر ثم صفعت الباب فى وجهى بعنف اللعينه.
بعد دقائق من جلوسى سمعت رنة هاتف ولما بحثت كان هاتف نيره ساقط تحت الكنبه
فتحت التليفون ايوه مين؟
مفيش رد
مين معايا؟
برضه مفيش رد
قفلت المكالمه ولما بصيت على الرقم لقيته نفس الرقم المعتاد
رميت التليفون على الكنبه ومفيش لحظات ونيره رجعت
فين تليفونى ؟
مرمى قدامك اهو
اخدت تليفونها ومشيت ولم الحظ دمعه وأحده فى عيونها
ان الحقائق اللعينه تدحرج نفسها نحوى ،مع السلامه
كنت اعرف انها لن تعود واذا عادت لن يكون لها مكان فى حياتى.
كل محاولاتى للهدوء بائت بالفشل ،ما استغرقت أعوام لاصلاحه أفسدتة امرأه فى دقيقه
ما كان ينبغى عليها ان تعارضنى بهذا الشكل الفج، كان يكفيني ان تقول اسفه ،او أخطأت، او سأحرص فى القادم ان ارد عليك، لكنها بكل وقاحه قالت لا، شعور بالمهانه لازمنى بقية الليل وطيلة النهار التالى ،حتى اننى نسيت تسنيم
كان على ان أصلح مزاجيتى قبل أن اخوض فى الحياه مره اخرى.
اتصال الملاومه الذى انتظرته لم يأتى توقعت ان يهاتفنى والد نيره معاتبآ
حسنآ انه لم يفعل ،منذ اللحظه سأعيش حياتى اعزب مثلما حسنى ديستوفيسكى فى كتابه.
مضى اسبوع كامل ،كنت استعدت طبيعتى ،وبدت العلاقه بينى وبين نيره انتهت للأبد
لست الشخص الذى يلوى ذراعه وفى العناد انا عميق حد ان اجرح نفسى.
ان الرسائل التى وصلتنى من لارا لم تكن هباء ،أشعر أن زوجها خائن، أشعر أن هناك أسرار كثيره تخفيه لى تلك القصه
نزلت من المنزل قاصدآ تسنيم، أبتعت لها علبة سجائر كليوبترا
ووجدتها نائمه على الرصيف
فيه حد ينام فى الحر ده ؟ لكزت تسنيم بقدمى ،نهضت مفزوعه.
افتكرتك مش هتظهر تانى يا بيه، همست وهى تفرك عينيها
ولعلى سيجاره!!
خدى علبة سجاير كامله اهو
ابتسمت تسنيم بأستياء، ليه كده يا بيه؟
قلت خير ،المفاجأه مش عجباكى ؟
ادارت وجهها بعيد عنى ،مش كده، بس خايفه اتعود، اصل التعود ده وحش جدا يا بيه، طالما انت بعيد مفيش مشكله
لكن لما تتعود على حد بيمشى على طول ،تقولش كان مستنى تتعود على وجوده ؟
ايه الموضوع المهم إلى كنتى عايزانى فيه يا تسنيم؟
اشعلت تسنيم سيجاره ،اسامه إلى بدور عليه
ماله قلت؟
دايما بيمشى فى حاله ومعاه بنته، مشوفتوش ماشى مع أى حد غير بنته، باين انه انسان شريف
الأن أيقنت صدق شكوكى ،ان الاناس الذين يبدون شرفاء هم بالتحديد الأكثر خيانه
لكن !!
لكن ايه يا تسنيم؟
شفته بيتردد على البيت إلى هناك كتير
بصيت على البيت وعرفته، كان بيت حمايا، طبيعى انه يروح بيت والد زوجته لان بنته عايشه هناك
طبعا انتى جعانه ؟
ومين سمعك، على لحم بطنى من اكتر من يومين ،الناس بقت صعبه جدا ومش بيرمو حاجه فى الزباله.
طيب خدى فلوس روحى كلى وانا هخلع
ايه هتمشى ؟ مش هتاكل معايا ؟
لا مليش نفس يا تسنيم
كنت فاكرك هتاكل معايا حتى بتدى اللقمه طعم
أطلقت ابتسامه فجه ،هتحبينى ولا ايه ؟
احبك ؟ يقطع الحب من جذوره وهو فيه حاجه وديتنى فى داهيه غير الحب، انا بس من زمان اووى ما اكلتش مع حد
ممكن حتى تقعد وانا باكل ومتكلش ؟
حاضر يا تسنيم، جلست اراقب تسنيم وهى تبتلع الطعام بمتعه ،هذه الحياه غريبه، ما يسعد الأخرين قد لا يسعدنا
ما يراه الأخرين سعاده قد نراه شيء هين بسيط
الحمد لله انا اكلت
تمام، اسيبك انا بقا عشان ورايا مشاغل كتير ،وانا خارج من المطعم اتخيلت انى شفت اسامه واقف بعيد وقبل ما اتحقق
اختفى وسط الزحمه، قلت يمكن تخيل.
#زوجتنى_اختها
٨
بعد اسبوعين من المراقبه ملاحظتش حاجه على اسامه او اى دليل يدلنى على خيانته ،شخض تافه عادى بيروح الشغل ويرجع على شقته ينام او يعمل اى حاجه بعدها بيروح يشوف بنته عند حماه.
ودا ادانى انطباع وانا قاعد على القهوه بدخن اخر سيجاره
لأما الراجل ده شريف لأن كل الطرق بتقول انه لو كان خاين كان زمانه هيبقى على حل شعره بعد ما مراته ما ماتت ومفيش حاجه هتمنعه لأما انا اخترت طريق غلط ومش هيوصلنى لحاجه ،اسبوعين ونيره عند والدها، انا محاولتش اتصل بيهم وهما كمان متصلوش بيا لكن نيره مطلبتش الطلاق ،ووالدها إلى مفروض يغضب ويثور لانى ضربت بنته لا حس ولا خبر.
وهنا ظهر قدامى احتمالين أسوء من بعض ،لأما انا شخص غير مهم إلى حد ترفعهم عن معاتبتى ،لأما نيره مقلتش انها ماشيه من شقتها زعلانه وان فيه خناقه حصلت بينها وبينى
ورغم عدم أهمية الموضوع بالنسبه لى بس انا مش بحب اسيب حاجه معلقه ،مش هسيب وأحده بعيد عن شقتها وعلى زمتى تعمل إلى هى عايزاه وتحسست مزاجيتى وجدتها رائقه ،أخرجت هاتفى واتصلت بوالد نيره وبعد السلام والتحيات، قولتله هى بنتك مش ناوى ترجع بيتها!؟
لو مش ناويه هطلقها وكل واحد يروح لحاله
الراجل انصدم، هو انت ونيره متخانقين ؟
قلتله اسأل بنتك، انا هديكم مهله يومين بعدها هطلقها
أصبر يا عونى يا ابنى انا معرفش انك انت ونيره متخانقين
طيب يا عم خلف اديك عرفت اتصرف من فضلك سلام.
حسيت ان حمل انزاح من فوق كتفى، انا مش عايزها لكن تلعب بيا امر مش مقبول، مش عونى إلى يكون كده
رجعت الشقه على ميعاد النوم، واول ما اتمددت على السرير
تليفونى رن، بصيت على الرقم لقيتها حماتى مش من عوايدها تتصل بيا ،حماتى ست هاديه ومسالمه وغلبانه جدا
اهلا يا حماتى
اهلا يا عونى عامل ايه؟
بخير يا حماتى الحمد لله
بص انا بكلمك من ورا حماك خلف ومش عايزه حد يعرف انى كلمتك
توقعتها هتعاتبنى عشان بنتها نيره ومكنتش فى مود يسمح بالمجادله والتبرير. ،إلى حصل حصل ولو حصل مره تانيه برضه كنت ضربها واكسر عضمها
لكن حماتى قالت، عونى تعالي خد مراتك، خدها بأى طريقه
تضربها تصالحها المهم تاخدها من هنا
قلتلها بنتك زعلانه يا حماتى هى محكتلكيش حصل ايه ؟
صمتت حماتى لا محكتش ومش مهم تحكى، تعالى خد مراتك شقتك وتعامل معاها بالطريقه إلى تناسبك
يعنى انتى مش زعلانه انى ضربتها ؟ ضغطت على حماتى اكتر
لا مش زعلانه وذى ما قلتلك انا واثقه انك راجل والمكالمة دى كأنها محصلتش من أساسه
قلت حاضر يا حماتى احنا متكلمناش خالص بس فيه حاجه
ممكن اعرف ليه عايزانى اخد نيره ؟ ليه انتى مش زعلانه؟؟ ؟
همست حماتى عونى ارجوك انا بعتبرك ذى ابنى وذى ما قلت اعتبر المكالمه دى محصلتش
مرضتش اتكلم معاها اكتر وقفلت السكه.
حاولت انام مفيش نوم، كلام حماتى معقرب اوى مع وضع فى الاعتبار ان مفيش ام تقبل على بنتها كده شيء حيرني جدا.
وقبل اليوم التانى ميخلص حمايا كلمنى وطلب منى اعدى اخد نيره
قلتله خليها تيجى لوحدها هى عارفه الشقه
حمايا خلف قال عونى ارجوك متخليش الأمور تسوء اكتر
احترم شيبتى يا اخى متقضيش على شوية الكرامه إلى فاضلين معايا
انا والله ما كنت اعرف انكم متخانقين والبنت اللئيمه دى مقلتش حاجه وطول الليل بتتكلم فى التليفون انا افتكرتها بتتكلم معاك ولما اخضعتها للتحقيق ضغطت عليها قالت إنها كانت بتكلم صحبتها فى الشغل عشان معاها مشكله كبيره
نفس الاسطوانه الفارغه إلى سمعتها قبل كده
بس انا يا عمى كنت مقرر ان كل حاجه انتهت !!
صمت حمايا لحظه، معقول يا عونى تهد جوازكم عشان خناقه صغيره ؟
يا اخى احترم انى لا عاتبتك ولا جبتلك سيره عن إلى حصل لانى بحترمك وبحترم عقليتك وواثق انك مش ممكن تظلمها
يلا خليك جدع ومنزعلش عمك وخد مراتك خلينى اعرف ارتاح فى بيتى يا اخى.
كل حاجه بدت قدامى غير واضحه توقعاتى لأول مره تطلع اوت
فين الخناقات ،فين الزعل ؟ هى نيره مش بنتهم ولا ايه ؟
بعد مكالمة حمايا قررت انى مكسرش بخاطره
وعديت عليهم اجيب نيره ،لقيت اسامه قاعد هناك بيلاعب بنته ولأول مره نتكلم مع بعض
ممكن اتكلم معاك يا استاذ عونى؟
قلتله اتفضل...
نيره كانت قاعده على الكنبه بعيد عنا شنطتها جنبها بتحاول تبان متماكسه
اعتبرنى ذى اخوك يا استاذ عونى ،متزعلش من نيره ومتزعلهاش دى اخت الغاليه ومش هتلاقى احسن منها
قلتله الغاليه إلى انت كنت بتخونها ؟
ودانه جابت الوان ووشه صفر الدم انسحب من عروقه
قلتله بهزر يا اخى بهزر كمل
بلع اسامه ريقه ،خليت ريقى نشف يا اخى انا كنت هفقد الوعى
قلت اسف مكنش قصدى ها؟
نيره طيبه وبنت حلال، مش بقول كده لأنها اخت مراتى
لكن لأنها انسانه كويسه فعلا والى حصل دا من تحت النفس
وانا غلطتها انا وحمايا ،قلتله تمام يا استاذ اسامه نصيحتك مقبوله
يلا بينا يا نيره، ركبنا تاكسى ورجعنا على الشقه لا هى نطقت ولا أن نطقت وحسيت بحاجه كده ،ان نيره متوعدالى
إلى هو كده شخص بيقلك حاضر ونعم لكن جواه عايز يولع فيك أو أن رجوعها على غير إرادتها
قلتلها لكن اسامه جوز اختك طلع راجل محترم جدا
مش هو ده إلى كان بيخون مراته من اسبوعين يا استاذ عونى ؟
قلتلها ان بعض الظن إثم، الراجل طلع شريف جدا وعمره ما عمل حاجه غلط ،كفايه انه بيعتنى ببنته
__يعنى تحقيقك خلص يا وكيل النيابه ؟
مرضتش ارد على استفزازها باستفزاز قلت اه خلص
انا نازل القهوه اجيبلك عشا معايا ؟
مشتكره مش عازوه
تمام ،سبتها ومشيت ،ان بعض الشكوك لا تدرك الا مع حريه تامه ،الشخص الذى يقع تحت المراقبه حريص وقليل أخطاء
فى الشارع منحتها مزد كول وكما توقعت كانت انتظار
اتصلت بيا نيره بعدها بلحظات كأنها تعلمت الدرس قلتلها متأكده انك مش عايزه حاجه من بره؟
قالت لا
وبعد خمس دقائق اتصلت بها مره تانيه وكانت انتظار
احب ان اعكنن على البعض ونيره وأحده منهم
ولما كلمتنى قلتلها اتصلت بالغلط وكنت متأكد انى لو اتصلت مره تانيه مش هتاقيها انتظار حتى لو فضلت ساعات برة
ومتصلتش..
حاولت اعرف صاحب الرقم المسجل عندى إلى نيره بتكلمه
وبعد مناهدات مع صاحبى الرقم طلع بأسم بنت ،سجلت اسم البنت عندى وكلمت واحد تانى اديته اسم البنت وطلبت منه يشوفها شغاله فى شركة الاتصالات ولا لا
#زوجتنى_اختها
٩
لم يمضى وقت طويل ،فقط عدة ساعات وهاتفنى صديقى
ابسط يا عم عونى إسم البنت دا مش مجرد فى شركة الاتصالات إلى قلت عليها..
ومالك فرحان كده ليه يا على ؟
انا بقدملك خدمة جليلة يا عونى ،بساعدك تخون مراتك ازاى مش عايزنى افرح ،يا اخى من ربع قرن وانا نفسى اشوفك واقع فى واحده اخيرآ حتى لو مكنتش مراتك..
لا يعرف اللعين ان مزاجية عونى لا تملائها امرأه واحده فكما هناك الجمال ،هناك الاناقه، والمعرفه والعطر والروح والفكاهه وتفاصيل صغيره مكرمشه جدا.
يمكن شغاله فى شركة اتصالات تانيه يا على فين المشكله؟
المشكله يا اخ عونى انك قلت انها زميلة مراتك
وزجتك المغفلة تعمل فى شركه وأحده معينه وليس أكثر من شركه فى وقت واحد إلا لو كانت نجيب سيرس واحنا منعرفش
وللحظه بدا لى الأمر معقد أكثر من الأزم، عندما اخضع شيء
إى شيء لمخيلتى اصوغ عشرات التفاصيل والقصص
وجهت الشكر لصديقى على وعاهدت نفسى الا اطلب منه خدمه مره اخرى لأنه شخص غبى.
وايقنت ان المواجهه لن تحل الأمر ،اذا كان هناك خلل فالمبررات موجوده وبكثره ،حيث لا يوجد مانع ان تكون لزوجتى صديقه تعمل فى شركه أخرى واذا اعترضت كيف تحل مشكلة صديقتها وهى لا تعمل فى نفس الشركه
يمكنها ان تدعى ان لديها معارف فى الشركه الأخرى
وبين هذا وذاك هلما جره وابتعد عن هدفى الرئيسى
ثم جلست فى المقهى اعصر ذهنى وهمست لا بأس من طرق بعض الخيارات الحمقاء التى رميتها وراء ظهرى
أخرجت هاتفى وطلبت رقم اسجله بأسم إسراء وبعد صمت طويل وأكثر من رنه
جأنى الرد
اهلا عونى ،اخيرآ افتكرتنى
وانا اقدر انساكى يا شوشو، انها فقط الحياه اللعينه
ايه إلى فكرك بيا بعد الزمن دا كله؟
أعرف شوشو جيدا واعرف كيف اقنعها، قلت والله يا شوشو دايما فى بالى ولما أقع فى ورطه مبيجيش فى بالى غيرك
ضحكت شوشو ،عونى فى ورطه ؟ يا راجل قول حاجه غير كده !!
اسمعى يا شوشو هبعتلك رقم عايزك تجيبلى قرارة وتعرفيلى حكاية البنت دى ايه، ووراه هبعتلك رصيد بمتين جنيه !
همست شوشو __عونى انت عارف انى مش بشتغل بالطريقه دى
وبعد ما تجيبيلى قراره هرزعك بخمسيه فودافون كاش
صمتت شوشو، لا ينازع شوشو انسان فى حبها للمال
طيب خلى الخمسيه فودافون كاش الأول
ولما اخلص تبعت ذيهم ؟؟ شتمت شوشو فى سرى وقلت تمام اتفقنا.
مر يوم ولم تتصل شوشو ،وانا من جهتى لما اهاتفها
شوشو تحب أن تأخذ وقتها وانا احترم ذلك فيها
ومر يوم آخر وأخر حتى ظننت ان شوشو باعتنى رغم تأثيرى الضخم عليها.
اخيرآ بعد أن كدت افقد الامل كلمتنى شوشو
ها سبع ولا ضبع ؟
همست شوشو بضحكه عيب عليك يا راجل دا انا شوشو يا عونى
طيب قولى..
لا يا عونى الموضوع محتاج قعده وعشا وش فى وش
اهو جات فرصه اشوفك على الاقل
قلت حددى المكان والوقت
كنت متحمس لدرجه بعيده لفك شفرات تزعجنى ،عندما وصلت المكان كانت شوشو على سنجة عشره
غطت وجهها بالفوندشن حتى كدت الا اعرفها ،ازيك يا عونى !!؟
الحمد لله يا شوشو، شربتى حاجه ولا نطلب؟
متصربع على ايه يا عونى؟
اصبر ناكل الأول، طاوعتها حتى أنهينا طعامنا ثم لم اطيق صبرا
انطقى يا شوشو اخلصى، قوليلى البنت دى قصتها ايه ؟
صوبت شوشو عنيها على وجهى ،بت مين يا عونى؟
والله وجه الزمن إلى عونى يطلع فيه حمار !
ليه فيه ايه؟
دا راجل يا عونى راجل مش ست وراجل مش تمام كمان
وشعرت بطعنه فى صدرى، ان أكبر مخاوفى التى لم اتوقعها سقطت امامى فجأه ،طوال تلك الأيام وانا اظن نيره تتحدث مع صديقتها
خيانه همس ضميرى المستقيط وكدت اصرخ عونى تعرض لخيانه لولا الشماته
قالت لى شوشو ان الرجل اسمه علاء مطلق وبعد أن التقط الطعم يتصل بها عشرين مره فى الساعه وكل حديثه شمال
قلت هو الشمال جديد عليكى يا شوشو؟
مش جديد، قالت شوشو بس مش بحب ادخل توجهاتى فى الشغل ،الشغل لازم اخلصه صح
شردت لبعيد ،اذا كان رجل فأنا متأكد ان اسمه ليس علاء ولا شريف ولا اى اسم يخترعه
ثم طرأت على فكره فجأيه لأن الأمر بات يخصنى شخصيآ
قلت طاوعيه يا شوشو، طاوعيه لحد ما تجيبى آخره
صمتت شوشو لحظه ،كده الكلام اختلف يا عونى
دا اتفاق جديد وتفاصيل جديده
عايزه كام يا شووشو!؟
عايزه خمس بواكى يا عونى مينقصوش قرش
ولو طلبت عشره او عشرين كنت سأقول حاضر
موافق ،لكن التفاصيل كلها تكون معايا؟
تمام يا عونى تمام، دا ايه هو ده اهو بيرن اهو
اسيبك ارد عليه
#زوجتنى_اختها
١٠
قبل الأخيره
تركت شوشو تستمتع بحركاتها المسرحيه
كانت بعيده عنى رغم ذلك عندما طرأتنى فكره أشرت لها بيدى وفهمتنى ،بعد عشرة دقائق انهت شوشو التمثيليه
قالت شوشو لاهثه ،يخرب بيتك يا عونى انت بتخاطر بافشال كل حاجه!
أطلقت ابتسامه، المهم حصل ولا لا؟
حصل يا اخويا لكن ايه الفايده ؟ ممكن يكون حس بحاجه؟
إلى ذى دا مش بتفرق معاه يا شوشو ،كل إلى محتاجه رقم مش بتاعه وخلاص ،سمعينى طيب!!
يعنى هيعجبك صوته مثلا ؟ انت غريب يا عونى، غريب ومجنون
مع أول كلمه تعرفت عليه، ربما كان احتمال بعيد جدا ،ابعد مما صور لى خيالى القذر ،كى لا أثير شكوك شوشو تركت تسجيل المكالمه لأكثر من دقيقه حتى أشرت بيدى خلاص !
همست شوشو ارتحت ؟ اديك سمعت صوته فيه حاجه تغيرت ؟ تعرفت عليه مثلا؟ متبقاش بارد وغتت يا عونى من فضلك ،انا مش هقدر اتحمل دماغك كل مره
اعتذرت لشوشو بصدق ،وطلبت ان اغادر من أجل مشغولياتى
الحقيقه ماكنت قادر على الجلوس او الوقوف ،كان هناك شيء غريب يسرى داخلى ،خليط بين الخيانه والغدر والوقاحه ،اللؤم وربما أكثر من ذلك النجاسه.
اشعلت سيجاره وانا اتمشى فى شرود ،اختفت الأصوات من حولى فلم اعد اسمع نداء القاعه او بوق سياره أو حتى حديث الطبيعه
كل دا وانا فاكرك بتكلمى واحده ست يا نيره ؟
لم أكن فى حاجه إلى إثبات، عندما تكذب عليك زوجتك فى امر حرج مثل هذا النتيجه المرجوه واحده
يا بت الكل_ب بقا انا عونى اتغفل ؟ لا ومش اى تغفيله
دى تغفيلة معلمين، أغمضت عينى ،كل شيء بدا واضح الان الخيوط ترابطت وانا اغرق
ياه، عندما نفتش عن الحقيقه فتصفعنا وتدمر حياتنا
اليس من الأفضل أن نعيش مغفلين ؟
نيره ؟ نيرة ؟ نيرة ؟ لم أكن اتخيل ذلك ،كنت أتوقع الخيانه اجل
لكن ليس بهذة الطريقه ،ليس من قبل أن ابداء، كنت اتمنى ان امنح فرصه وعندما افشل استحق ما يحل بى
بس شخص اضمر لك الخيانه من قبل أن يلقاك ،حضر إليك بها كيف تجد فى نفسك اى مبرر او رحمه له ؟
شعرت بصداع يشق رأسى وعندما وصلت الشقه كنت مثل الدجاجه المذبوحه التى ترفرف قبل أن تنتهى حياتها
لم اتحدث قصدت غرفتى غير مبالى بنيره وتوسلاتها من أجل العشاء.
أغمضت عينى بعد أن اطفأت النور وتقوقعت داخل محرابى العميق حيث لا يصل نور الشمس ولا القمر ولا يوجد هناك الا شيطان صغير يهمس داخل اذنى..
حدود الساعه العاشره وصلتنى رساله من شوشو
انفذ ؟
كنت اعرف ما تقصد
قلت نفذى لكن مع اتباع الاجرأت المعتاده
كتبت إلى، بس هو شخص مش سهل ممكن يشك او يحس بحاجه ؟
كتبت إليها، حتى ان عرف، ما الذى من الممكن أن يحدث؟
سأكون قريب منك
لكن اتمنى ان يطغى دلالك بما قيمته عشرة الاف جنيه
كتبت شوشو بسرعه، كانو خمسه ؟
كتبت الأمور تغيرت، اريده واقع فى شباكك مثل سمكه لعينه
انهيت المحادثه وانا أشعر بعدم ارتياح، مهما كانت النتيجه فأنها ستجرحنى
من مكانى على السرير اسمع نيره تخوننى
اضحك ،امنحها الحريه، تركت الشقه، نزلت إلى الشارع إلى المقهى إلى مدخنة الشيشه حتى الفجر
مضى أكثر من ثلاثة أيام انتظر شوشو حتى كدت ان اقتلع أظافرى كلها
أخرجت ورقه وقلم وكتبت رسائل لارا كلها منذ اول رساله وحتى اخر رساله ____تزوجها
كما قال ضرغام ابن بدران العراقى لوالده وهو على وشك الموت داخل خيمته بعد أن تعرض للخيانه
ياما نصحتنى وقلتلى حاذر اتريه الحذر لا يمنع المقدور
وكيف لى ان اعرف ؟ ان الحياه تعاقبنى فى كل مره اثق فيها بواحده من النساء.
فى اليوم الرابع، وصلتنى رساله من شوشو اموشن خجل
ستكون الحفله الليله
تنهدت بأرتياح ،ثم بقلق ،ان انتقامى الذى ابحث عنه يحتاج لصبر وبصيره وانا بطبعى متهور قد أفسد كل شيء قبل حدوثه.
#زوجتنى_اختها
١١
الأخيره
رايح فين يا عونى؟
استدرت تجاه نيرة وعلى وجهى ابتسامه، هكون رايح فين يعنى ؟ أكيد القهوه، اجيبلك حاجه معايا ؟
رفعت نيره ايدها وكان الكلام قل بيننا، هو انا بشوفك لما بترجع اصلا ؟ مش ناوى تتغير يا عونى وتقعد معايا شويه ؟
كدت اصرخ فى اللعينه القذره، أخبرها ان لديها من يسليها خلال غيابى
اكيد هتغير ليه لا، عشانك يا نيره انا ممكن اكون اى حاجه
وهمست فى سرى حتى قواد
كان على ان أنهى تلك المحادثه اللعينه ،اخرجت سيجاره واشعلتها ،هرجع بدرى حولى متناميش لغاية ما ارجع.
صفعت الباب وافرغت بعض من غضبى، اعلم ان الامور قد تسوء الليله ،لكن بعض الخطوات لا يمكن التراجع عنها
تحسست مسدسى الذى استعرته من مجرم خارج عن القانون اسمه رفاعى الا انه كان صديقى ومشيت على الرصيف احملق بهاتفى ،تعلقت بأول اتوبيس وجلست فى اخر مقعد
بعد ساعه من التنقل بين سياره وأخرى ترجلت من السياره
حددت مكان العماره وجلست بعيد عنها، لا غايه لى فى المراقبه لكن موقع يسمح لى بالتدخل إذآ احتاجتنى شوشو
وانا جالس فى المقهى عيونى كانت متعلقه بالهاتف
ومضت ساعه ولا شيء حدث لا رساله لا مكالمه لا شيء على الأطلاق سوى ثرثرة الرواد ،ثم مضت ساعه أخرى حينها تسرب القلق إلى
ناديت على النادل ومنحتة حسابه ثم خرجت من المقهى ويدى فى جيب بنطالى تجاه البنايه وقبل ان اصل
خرج اسامه من باب العماره
التصقت بالجدار بسرعه ومنحته ظهرى لكنه سار فى الاتجاه الآخر أوقف سياره أجره واختفى من المكان.
استغرق الأمر وقت طويل مما يعنى ان المهمه تمت على أكمل وجه
او ان شوشو فشلت وفى كلتا الحالتين لا حاجه للصعود إلى الشقه
ثم اهتز هاتفى
انت فين ؟
__تحت العماره
اوعى يكون شافك ؟
متقلقيش عونى مش عبيط
طيب اطلع !!
لا مش طالع
مش طالع ليه؟
لانك مش فى حالتك ولو طلعت هتحصل حجات مش كويسه
_بس انا بحب الحجات إلى مش كويسه يا عونى وحشنى جنانك
مره تانيه اكون مستعد يا شوشو
انت على طول مستعد يا عونى..... ولا شوشو موحشتكش ؟
يا راجل اطلع وخلصنى..
شوشو ؟ عملتى ايه ؟
هو دا كل إلى شاغلك يا عونى ؟ مش بتخاف على شوشو ولا تراعى مشاعرها ؟
انتى هتقلبيها دراما يا سافله ؟
ضحكت شوشو ،كان السكر يلعب بعقلها ،ما انت حلو اهو اومال مالك ؟
اخلصى يا شوشو وحياة امك، عملتى ايه ؟
كله تمام بس انا زعلانه منك، يرضيك شوشو تنام كده
تنهدت بارتياح ،طيب ابعتى!
بشويش يا عونى الأمور متتخدش كده ،انا تعبت كتير وتألمت فى الموضوع ده
اها، عايزه كام يا شوشو؟
طول عمرك فاهمنى يا عونى وبتقدر مجهوداتى
عشرينيه يا عونى!!
همست يا بت الكل_ب
ماشى يا شوشو ماشى خلصينى، الفلوس معايا انا تحت العماره
انت عايزنى انزل كده يا عونى؟ مينفعش
شوشو هقابلك على السلم انجزى رجاء!
منحت شوشو المبلغ ونقلت الفيديو بعد أن أقسمت لشوشو
ان لا استخدمه بشكل تجارى ولا ازج بأسمها فى القيل والقال
__جرى إيه يا شين هو احنا لسه بنتعرف جديد ؟
يابت دا احنا لفينا شارع الهرم وجامعه الدول حانه ،حانه على رجلينا ،انا حاسس ان لياقتك تعبت ومبقتش ذى زمان ؟
روح يا عونى، امشى خلاص، اختفيلك سنتين تلاته وبعد كده ابقا أظهر عايز خدمه جديده !!
ودعتنى شوشو بامتعاض ولم اعرف كيف اواسيها لكنى شعرت بالألم.
وصلت الشقه نص الليل، نيره كانت صاحيه وكان واضح انها زعلانه، ومخنوقه
قعدت فى الصاله جنبها، مال مزاجك متعكنن كده ليه ؟
بصتلى نيره ،ما هو لازم يتعكنن طالما حضرتك كل يوم ترجع من بره نص الليل...
اكره الخيانه، لكن اكره أكثر منها ان يعاتبنى الخائن ،أشعر بصخره فوق صدرى ولا يمكننى ان امسك لسانى
ما أنتى بتتسلى كل ليله مع صحبتك ؟ إيه إلى جد جديد يعنى؟
كل ليله بتكلميها لحد الصبح، مش بتبطلو رغى !!
نظرت إلى نيره تتحقق ان كنت جاد ام مازح ،قابلها وجه ثابت محترق القسمات مثل فطيره..
وهى صاحبتى هتغنينى عنك يعنى يا عونى ؟
قلت بلامبلاه، ايوه بتغنيكى وطالما بتتواصلى معاها بتكون حالتك النفسيه حلوه ،الظاهر انك بتحبيها اوى
هو انتى تعرفيها من زمان؟
طالعتنى نيره بعيون ذاهله ،اه دى صاحبة عمرى
_يا شيخه؟
عونى انت بتتكلم كده ليه؟
__اسمها ايه صاحبتك ؟
هو تحقيق يا عونى!؟
مش تحقيق بس من حقى اعرف اسم صاحبتك الانتيم!
اسمها ،هند ارتحت ؟ تحب اكلمهالك دلوقتى ؟
نفخت دخان سيجارتى وهمست ،ياريت على الاقل نتعرف
صرخت نيره لا دا انت هربت منك خالص عايز تكلم صاحبتى ليه وعشان ايه ؟
بصيت فى عينين نيره بتركيز ،مش يمكن متكونش صاحبتك ؟
ليه ميكونش راجل وانتى بتخومينى لانى مغفل ؟
انت اتجننت خالص يا عونى لكن اقسم بالله المره دى اذا مشيت مش هرجع تانى
انتى متعصبه ليه يا نيره؟
كلمى صاحبتك ،اقتلى الشك وانا هعتذرلك
شكك فيا مش مقبول يا عونى وانا مش مضطره اثبتلك اى حاجه ،انا زهقت خلاص، زهقت، زهقت
بعدت عن نيرة ودخلت الحمام لكن ودنى معاها، دخلت غرفتها ورزعت الباب،بخفه خرجت من الحمام ومشيت على أطراف صوابعى مثل هره شهوانيه
انت فين ؟
مش بترد على مكالماتى ليه بقالك ساعتين؟
وإرتأيت انه الوقت المناسب لتفجير قنبله ،ارسلت لنيره لقطه من مقطع الفيديو من رقم مجهول
وسمعتها بتقول استنى كده فيه حاجه وصلتنى، دا انت. انت يا اسامه
حينها طرقت الباب بعنف واجبرتها ان تنهى الأتصال ،وظلت اخرج وادخل وامارس برودى ولم اسمح لها ان تنفرد بنفسها
او تتصل مره تانيه.
وانا جالس فى الصاله كنت أراها تغلى تفور مثل قدر
أصابعها ترتعش وكلما دخلت الغرفه تبعتها
وعندما ذهبت إلى النوم كنت فى ظهرها، لم اسمح لها بالفكاك منى، إردتها ان تعيش بعض الذى عشته فى الأيام الماضيه
ولأن الغد كان الجمعه فلا عمل ولا زيارات، استيقظت نيره الصبح بدرى محاوله فاشله ان تسبقنى لكنى كنت جالس فى الشرفه ادخن سيجاره واشرب القهوه ولمحتها تلف وتدور داخل الشقه مقل جرذ مجارى
الساعه العاشره فرغ صبرها ،عونى انا عندى مشوار نسيت اقلك عليه ولازم اروحه
مشوار ايه يا نيره؟
عيد ميلاد صاحبتى يا عونى
قلت عيد ميلاد الصبح؟
لا هو كان مبارح بس انا نسيت يا عونى
طيب هروح معاكى ،تروح معايا، من امتا ؟ ثم ترددت نيره وكتمت احتجاجها
خلاص مش مهم، هى اصلا مش صاحبتى اوى
وصلتنى الرساله الأولى من نيره وهى تتحدث معى
انت مين؟ وايه القرف ده وعايز ايه؟
هاتفى الصامت منذ ايام لم يحدث ضجه
كتبت _مش نفسك تشوفى بقيت الفيديو ؟
انت مين اخلص؟
ردى ؟؟
ابتعدت نيره نحو المطبخ.... وتبعت فيديو ليا انا ليه؟
انا مالى ؟
__مش دا حبيبك ؟
توقفت نيره عن الكتابه ودخلت الحمام
انت مين يا أبن الجزم_ة وعايز ايه ؟ انا اقدر ابعتلك إلى يموتك!!
ذى ما قتلتى اختك يا سافله ؟
يا ابن الوس_خه
رغم اننا فى محادثه افتراضيه الا أننى شعرت بالإهانة والغيظ
طيب ابعتلك فيديو انتى وحبيبك فى اوضة النوم ؟
ولا ابعته لجوزك يا خاينه
اسمعى يابت اقسم بربى لسانك القذر لو شتم تانى لافضحك على كل المواقع
فتحت نيره حنفية المياه كى لا تثير شكوكى وبدا انها تفكر
___انت مش معاك حاجه كله كلام
كتبت ابعت لجوزك ونشوف معايا ولا لا؟
انت عايز ايه؟ انهارت نيره اخيرآ حتى لو لم امتلك شيء مجرد لعبى على وتر الشك اربكها
عايز فلوس؟
انا مش بتاع فلوس يا بت
عايز ايه
عايزك انتى ؟
يا قذر بتقول إيه ؟
سامحينى يا ست الشريفه مكنش قصدى
اسمعى يا مره انتى كده كده بتخونى جوزك
مش هتفرق مع اسامه او مع أى حد تانى
انت بجد انسان ثم تمالكت نيره نفسها وتوقفت عن الكتابه
وسمعتها تتحدث فى الهاتف بهمس خافت...
كنت اعرف انها لن تكتب كلمه أخرى على الأقل الان ولم أكن مهتم، الان ستحدث المناورة الكبرى
اسامه سيحاول ان يقنع نيره ان مقطع الفيديو القصير جدا الذى لا يظهر سوى وجهه مع امرأه شبه عار_ية
مقطع مزيف سيأمرها ان لا تكتب اى شيء إلى الرقم المبتذ الا بعلمه سيقول لها ان كل كلمه تعد دليل خيانه رغم أنها وقعت فى الأصل ،سيأمرها ان تحذف المحادثه عند كلا الطرفين رغم انى أحتفظت بلقط شاشه مصوره
ثم من جهته خوفآ من ان ارسل إلى نيره المقطع كامل سيحاول ان يتدارك الأمر بالبحث عن شوشو وعنى فى كل مكان
لكن شوشو اختفت ولن تظهر الان آبدآ وانا أغلق الرقم بأستمرار حينها سيحدث ما أريده انا تماما سيلجاء إلى نيره ويطالبها ان تطاوعنى حتى يتمكن من الوصول إلى وانا من جهتى سأقع فى الفخ بكل غباء.
لم افتح رقمى الا بعد يومين كنت اتابع فيهم نيره وحسرتها، وجهها الأصفر واضطرابها كنت أشاهد كل ذلك بأستمتاع
كنت فى الشارع لما وصلتنى اول رساله
رسالة تحفيزيه انت مش معاك حاجه وانا هتصل بالشرطه
_أطلقت نخره عميقه ،وماله اتصلى يا حلوة وخلى الشرطه تفتش فى الماضى.
صمت من الجهه الأخرى، انت عايز ايه يا اخى؟
__مش بكرر طلباتى آنتى عارفه انا عايز ايه
طيب هى مره واحده وبعدها تمسح كل حاجه
لا هتيدنى التليفون امسحها بنفسى وتكبت إقرار وتمضى شيك.
ذى ما قلت انا عايزك انتى وبعدها همسح كل حاجه
ثم أظهرت ترددها وبعد ضغطى كتبت اسم المكان
الذى كان بعيد، متطرف، منزوى ووافقت على طلباتها
وحددنا الموعد ثم اخذت لقطة شاشه لكل المحادثه قبل أن تحذفها نيره.
كنت اعرف ان لدى عمل كثير، لكن قدرتى على الإقناع لا تضاهى ،بالنسبه لشخص يظن نفسه أذكى منك ،افضل منك، يستصغرك، استخدام غروره ضده امر شيق
أنهيت كل شيء، لم اترك اى تفصيله للصدفه.
فى اليوم التالى استأذنتى نيره الذهاب إلى عائلتها، طبعآ وافقت وقلت لها وهى واقفه امام المرآه انتى ذى القمر
ثم ربت على كتفها وقبلتها على خدها ،لم تخلف نيره توقعاتى واختارت الفستان الذى حددته ان كان هناك شيء مميز فى
فأنا أفهم فى أمور النساء أكثر من نفسى.
عندما وصلت نيره الشارع واستقلت التاكسى ارسلت إلى رساله
انت فين؟
وانا كنت خلفها فى الطريق، كتبت انا رايح على العنوان ياريت ميكونش هناك غفير ؟
مفيش غفير ،الشقه مفتوحه..
ابتسمت وكتبت، يا واد يا لاعيب هو دا الشغل
_كتبت اتلم متبقاش قليل ادب
هخليكى تمسحى الفيديوهات كلها بنفسك رغم انى كنت بحب اتفرج عليها..
لابد أن نيره كتمت غيظها ،فقد كانت تعرف استحالة ان يتم تصويرها مع اسامه لكن لا مجال للشك الان
_لارا اختك كانت حلوه خساره فى الموت
انت تعرف لارا؟
بعت اموشن ضاحك، اكيد امال عرفت انك بتخونيها مع جوزها ازاى ؟
__انت مين، قريبنا ؟ من شارعنا ؟
بعد شويه هتعرفى
_انا مقتلتش لارا متحورش
كنت حريص ان اصل الشقه قبل نيره ، لقد خططت لهذه اللحظه منذ ايام
وصعدت درج السلم القديم ذو الضوء الخافت والجدران المشققه ،كل شيء حولى كان يصرخ عد ،ارجع، انه طريق بلا عوده وكيف أعود وقد استأمنتنى ميته على روحها ؟
مررت بشقه تحت الإنشاء فارغه، افضل مكان للموت دون ترك اى دليل ثم وصلت الشقه التى ربما القى فيها حتفى
كانت أيضآ تحت الإنشاء اللهم من سرير ومقعد ومصباح فى منتصف الصاله،هناك ما يشبه مطبخ او حمام عليه ستاره قديمه من قماش
جلست على المقعد وناديت نيره ؟ نيره ؟
لم اتلقى رد كنت اعرف ان نيره لازالت فى الخارج لكن رغبت ان القى التحيه
اشعلت سيجاره وعينى على الباب المفتوح
سمعت خطوات نيره تصعد الدرج بعدى بدقيقتين تقريبا وقت مثالى قصير لا يسمح بتغير الخطط
وقفت نيره على باب الشقه مدهوشه عونى ؟
ايوه عونى يا نيره ___
وهى تحدثني كانت تمسك هاتفها وتقراء الرساله التى وصلتها متأخره من اسامه للتو حيث لو وقت للتراجع
صكت نيره باب الشقه وعلى وجهها ابتسامه ساخره
إذاى مفكرتش انك انت ؟
قلت عادى بتحصل، دايما الحقيقه بتكون تحت رجلينا لكننا بنبص لبعيد
دخلت نيره الشقه ولم يبدى عليها إى خوف ،كان لازم اتوقع
من غيرك ممكن يعرف؟
جلست نيره وهمست لكن كويس انك هنا وفرت على تعب كتير
ليه عملتى كده يا نيره؟
__تقصد ليه اتجوزتك ؟ وأخذت نيره راحتها
جوازك فى البدايه كان غلطه، كنا لازم نتأكد انك واصل لحد فين، بتعرف قد ايه، الرسايل إلى وصلتك من لارا كان فيها معلومات قد ايه؟
رغم اننا قرأنا الرسائل لكن مكنش ممكن نسيب حاجه للحظ ،فكرنا ان ممكن تكون وصلتك رسايل اكتر ودا محصلش لكن كان خلاص الجواز حصل ،وللأسف دى كانت أكبر غلطه لأن بعد جوازك منى انت بدأت تشتغل واحنا ملاحظناش ،توقعت انك توقفت فعلا عن البحث ورانا
لكن الانسان لم بيكون عايز يموت بيكمل فى طريق الغباء للنهايه
كأنهم يسوقون إلى الموت وهم ينظرون
استحقرت اللعينه لأنها تستشهد بآيات القرأن على جريمتها القذره
بس انا عندى سؤال محيرنى يا نيره ؟
اتفضل قول، المسرح ملك يا عونى بيه
اختك وصلت ليا ازاى؟ ليه بعتتلى رسايل وهى لا تعرفنى ولا انا اعرفها ولا عمرى شفتها؟
ضحكت نيره بسخريه سحبت سيجاره واشعلتها وحطت رجل على رجل
يقطع الفيس وسنينة يا عونى الميديا بوظت الدنيا
اختى كانت بتقراء قصصك ومغرمه بالمحقق إلى جواك
فاكر قصة نيره القضيه إلى انت كتبتها؟
اختى كانت بتعشقها وانا كنت عارفه كانت بتقولى عليك أنك كاتب قصص ممتاز ولما بدأت تشك فينا مكنش فيه قدامها غير بطلها الهمام ،مكنتش تعرف انك هتموت زيها
__وانتى بقا إلى هتقتلنينى يا نيره؟ همست باستخاف
...... لا انا الى هقتلك يا حيلتها وقبل ان انتبه رغم معرفتى المسبقه اندفع اسامه من خلف الستاره وضربنى على رأسى
لابد أننى فقدت الوعى ،عندما فتحت عينى كنت مقيد بالمقعد ،رأسى تنز دم ونيره جالسه فوق ساق أسامه فى حضنه تحملق بى
فتحت عيونى بألم ، ليه يا عونى؟
ليه اخترت انك تموت ؟
بصيت على اسامه وابتسمت ،مش انا الى هموت يا اسامه
انت فى المكان إلى انا عايزه تحديدا
لازم تتحاسب على جرائمك القذره ،خيانتك وقتلك نفس بريئه من أجل شهواتك الشيطانيه انت والحقيرة دى
بصقت على اسامه ونيره ولابد أننى اغضبته نهض الوغد واوسعنى ضربا ،قطع وجهى بالصفعات
انا مش فى مكان يسمحلك بتوجيه الاتهامات يا كلب!؟
مصيرك ذى مصير لارا ولا حد هيعرفلك طريق جره
متقلقش هدفنك جنبها ،خليها تستمتع بقصصك فى قبرها
مش يمكن تحبو بعض وراح يضحك بجنون
قتلت مراتك عشان شهواتك المحرمه انت انسان شيطانى قذر..
وفر نصايحك يا عونى ،هما بيقولو ايه لما يشنقو حد ؟
بص اسامه على نيره قالت بضحك عندك امنيات أخرى ؟
اه عندى..
خير يا عونى يا حبيبى قول... همست نيره بوقاحه
مش عارف هيشنوقكم مع بعض ولا كل واحد لوحده؟
فتح اسامه فمه اللعين ليتكلم صوب المسدس على رأسى
الليله دى مراتك هتقضيها فى حضنى يا عونى وانت تحت الأرض
ارتطم باب الشقه بقوه وانفتح وظهرت منه تسنيم تحمل مسدس وبلا كلام أطلقت الرصاص بطريقه هيستريه تهشم المصباح ،صرخت نيره وسقطت انا على الأرض وتهشم المقعد وحلت قيودى
اطلق اسامه الرصاص هو الآخر بلا هدف وسمعت صرخه
ظننتها تسنيم لكن عندما زحفت تجاه الباب وجدت تسنيم ملتصقه بالجدار بجسد يرتعش
كل واحد فى مكانه ،الشرطه
كنت اعرف ان حسام الليثى يكرهنى منذ أن كنا فى الجامعه معآ وقبل ان يتحول إلى كلية الشرطه، وكنت اتوقع تأخره
لذا اتخذت خطبه بديله وحسنا فعلت
توزعت عناصر الشرطه داخل الشقه ،اسامه يحضتن نيره الغارقه فى دمها ،قلت لحسام ضابط الشرطه اطلب الإسعاف من فضلك ؟
قال حسام بيه، وعلى ايه الإسعاف ؟ ما كده كده كل حاجه متسجله ومصيرهم حبل المشنقه
قلت برجاء، مش عايزها تموت غير لما تعانى ذى اختها وتعيش الموت ميت مره قبل ما يتحكم عليها
وذهبت مع نيره إلى المشفى بنفسى واطمأنيت انها ستنجو
بعدها صرفنى حسام الليثى من القضيه كما اتفقنا
سينفذ ما اطلبه منه وسيكون الإنجاز وحل القضيه من نصيبه وحده
انتهت
تعليقات
إرسال تعليق