رواية أمل مابين الحياة والموت الفصل الخامس عشر 15بقلم منال كربم حصريه
رواية أمل مابين الحياة والموت الفصل الخامس عشر 15بقلم منال كربم حصريه
:تحب تمو،ت.
=لا معلش معنديش وقت دلوقتي عدي عليا وقت ثاني.
رد على سؤالها الغبي بسخريه
قالت بعصبية :أنت بتستظرف يا ابني ما تتكلم كويس.
=أنتِ مجنونة، أنتِ مش طبيعيه ايه يا بنتي في ايه، مو،ت ايه اللي عايزاني ام،وته.
تغيرت نبرتها للحزن وقالت:
الموت علينا حق صح.
استغرب حالتها اللي اتغيرت في ثانيه بقى متاكد أن في حاجه والحاجه دي لها علاقه بالبحر
قال بهدوء: الموت علينا حق و الحياة حلوة و لازم نسعي فيها، أنتِ مالك؟ ايه مشكلتك ممكن اساعدك.
ابتسمت بحزن وقالت :
محدش يقدر يساعدني غير ربنا المهم أنا كنت جايه عشان أعتذر لك عن اخر مره وكمان أشكرك أنك انقذت حياتي.
=لا شكر على واجب بس أنت ماشية ورايا لحد هنا ،كنتي خليها بالليل على البحر، علشان يبقي شاهد علينا.
رجعت للعصبيه تاني وقالت: أحترم نفسك، ايه خليها بليل دي،و البحر شاهد علينا ازاي، و بعدين همشي وراك ليه اصلا أنت مين؟ أنا شغاله هنا وأنا معديه بالصدفة شفتك، فقلت أدخل أشكرك و أكسب فيك صواب، بس صدق أنا غلطانه،اللي زيك خساره فيه الكلام.
وقامت من مكانها وخرجت من المكتب وهو من كثر ما هو دايما مذهول من تصرفت البنت دي مصدوم فيها قال:
ايه البنت المجنونه دي،ليه تسالني تحب تموت.
حط ايد على قلبه و قال بنبرة كوميدية :
عيني عليا و على شبابي ممكن تقتل،ني أكيد سؤالها معناه كده.
كانت تبص عليه من وراء الزجاج من غير ما يشوفها، ابتسمت من طريقه كلامه.
قربت منها وقالت :يا سلسبيل من وقت طويل و الضحكة مخاصما وشك.
تنهدت بحزن ثم قالت: هو بمزاجي يا مها.
رتبت على كتفها وقالت: لازم تنسي وتتخطي الماضي
ردت بحزن : حتى أنتِ شايفه أنه ماضي، هو حاضر و مستقبل ،ليه كلكم حكمتوا عليه بالمو،ت؟
ومشيت سلسبيل على مكتبها وراها مها،اللي حزينه على صاحبه عمرها.
في بيت صباح
خرجت سماح من الحمام،بتحاول تكون طبيعيه
سالت صباح: ايه يا سماح كل ده في الحمام؟
مسحت وشها بتوتر وقالت: معلش يا ماما تعبانة شويه ادخل ارتاح.
: الف سلامه عليك يا قلب ماما.
قالت نوار بحماس: يا بنتي خليكي معانا الراجل بتاعنا في طريقه علشان يخلص من أمل،تعالي ابسطي عينك معانا.
قالت سماح بتعب :معلش مش قادره.
و جريت على اوضتها و لم تلاحظ صباح ان بنتها متغيره، كل تركيزها في الشر أنها تخلص من امل.
قالت بغل و حقد : نفسي يا بت يا نورا أشوفها وهي بتتالم.
ردت التانية بغل:
هنشوف يا خالتي.
عند طارق
خد بسمة بسرعه وجري بيها على المستشفى وهي فاقده الوعي بين ايديه ومرعوب أنه يخسرها،زي ما خسر مراته وابنه، و طلب الدكتورة النفسية تجي المستشفى علشان وقت ما تفوق تكون موجودة.
عند أمل كانت نازله من عمارة الدكتورة،كان موجود رجلين واحد ماسك الموبايل بيصور كل حاجه عشان نورا وصباح يشوفوا كل حاجة لايف.
و كان قاعد على المتوسكيل و مجهز نفسه علشان أول ما يخلص الشخص التاني المهمة يهربوا فوراً...
اللي هينفذ كان هو على الطريق الثاني خرج الزجاجه من جيبه ومسكه في ايده و أتحرك في اتجاه أمل.
الطريق كان هادي ، مش مليان عربيات لان العياده في مكان هادي ،هو يعدي الطريق ومش مركز غير على أمل ،ويفكر يعمل ايه بالفلوس الحرام اللي يأخذها لما يقضي على حياة واحدة ملهاش ذنب، و يحر،قها بسبب قلوب لناس مشوهه من جوه ومن بره و طمع ناس من نوعيه الراجل ده
كل حاجه مدروسه،تنفيذ الخطه سهل جدا، كان مقرر يخلص في ثواني.
لكن للقدر كلمة أخري
يشاء القدر وهو يعدي الطريق تيجي عربيه سريعه خبطت الراجل اللي رايح يقتلها ، و الزجاجة اللي فيها مياة نار،وقعت على وشه هو زي ما كان رايح يحرقها اتحرق هو
كل ده متصور صوت وصوره لصباح ونورا اللي الحقد و الغل زد أكتر في قلبهم ، أنهم مش عارفين ينتصروا على أمل.
طب ينتصروا ازاي و دي معها ربنا لانها مش تأذي حد و عايشه في حالها.
بسم الله الرحمن الرحيم
قال الله تعالى في الآية الكريمة
"وَمَنْ يَتَّقِ اللَّهَ يَجْعَلْ لَهُ مَخْرَجًا * وَيَرْزُقْهُ مِنْ حَيْثُ لَا يَحْتَسِبُ وَمَنْ يَتَوَكَّلْ عَلَى اللَّهِ فَهُوَ حَسْبُهُ إِنَّ اللَّهَ بَالِغُ أَمْرِهِ قَدْ جَعَلَ اللَّهُ لِكُلِّ شَيْءٍ قَدْرًا".
صدق الله العظيم
( سورة الطلاق، الآيتان 2 و 3)
هذه الآية تنهي الجدال ، الحل تقوى القلوب.
اتجمع الناس، حتي هي وقفت و كانت تقرب تشوفه لكن جاه حازم و قال: أمل تعالي هنا.
اتحركت ناحيته و قالت بحزن: يارب استر.
: يارب اركبي.
= مش هتروح تشوف الموضوع.
: في ناس كتير .
اتحرك حازم من المكان كان خائف عليها تتعب خصوصا أن قلبها طيب و تزعل على اي حد.
رمت نوار التلفيون بعصبيه وقالت:
وبعدين يعني لا سحر نافع ولا أعمال نافعه ،ولا حتى ق،تل نافع أعمل فيها ايه اقت،لها بايدي عشان ارتاح.
قالت جملتها الاخيره وهي تكسر الترابيزه.
: اهدي يا نورا مش كده أنا كمان زيك متضايقه بس هنعمل ايه.
شدت شعرها بجنون و صرخت: أهدي ازاي انا قربت اتجنن إبنك بيعمل فيا كده ليه،هي أحسن مني في حاجه، ليه حبها ومحبنيش طول عمري قدامه بحبه، ليه يعمل فيا كده.
خافت منها صباح حسيت انها مش طبيعيه.
أما سماح سامعه كل حاجه بس خلاص دلوقتي مش بتفكر في حاجه غير في نفسها، مشكلتها اللي مش عارفه تحلها ازاي،هي مش فارق معها أنه حرام،و أن ده طفل غير شرعي،كل اللي فارق معاها أن شهاب هيسيبها ويمكن زي نورا بتحبه بجنون وعشان كده أول ما طلب منها تجربه المساكنه اقتنعت بكلامه ،ولو طلب أكتر ممكن تتنازل و توفق..
بعتت رساله لواحده صاحبتها عارفه موضوعها مع شهاب،وحكت لها الوضع،و قالت لها صاحبتها متخافش وأن في حل وأن هي عارفه مكان يعمل العمليات دي، و في كتير من صاحبهم جربوا.
اتفقوا يتقابلوا الساعه 12:00 بالليل.
اما امل راحت مع حازم على بيت سمر عشان يتغدوا هناك كانت القعده جميله و هادية،ناس بسيطه عايشين في حالهم مش عايزين حاجه من الدنيا غير السعاده والهدوء،مش يبصوا على حاجات ، راضيين بقسمة ربنا ليهم بس الناس مش بتسيب حد في حاله والحاجات البسيطه يبقوا طمعانين فيها.
كانت أمل مع سمر في المطبخ سالت سمر: عامله ايه يا أمل
سمر مش مستنيه اجابه الاجابه واضحه على وش أمل من وقت ما دخلت البيت واضح السعاده والحب ردت بابتسامه:
الحمد لله بخير.
: عملت ايه عند الدكتوره.
=ما فيش اتكلمت معايا شويه وطلبت مني احضر جلسات اللي هي جلسات جماعيه بس انا رفضت لاني مش هعرف اتكلم قدام حد.
: حتى لو مش هتتكلمي روحي واسمعي الحاجات دي مفيده المثل بيقولك اللي يشوف بلاوي الناس تهون عليه بلوته.
=هي قالت كده لو مش هتكلم اسمع ان شاء الله اشوف كده الجلسة التانية بعد أسبوع.
: أنتِ كويسه مش محتاجه دكتور نفسي بس اعملي كده طالما عايزة.
=بصي يا سمر خليني صريحه معاكي، أنا عارفه أني كويسة الحمد لله ،ومتقبله الموضوع ومعنديش مشكله نفسية، بس عايزه حد يسمعني،اتكلم معاه بحريتي بخاف أتكلم معاكي أنتِ وحازم ،عشان عارفه هتزعلوا عليا علشان كده بكتم جوايا بس دي فايدة الدكتوره وأن شاء الله خير أنا كويسه ما تخافيش عليا.
صبت الشاي وبعدين بصيت لها وضميتها لحضنها وقالت بابتسامه :مش خايفه عليكب يا أمل و لا عمري خفت عليكي، عارفة أنك قويه وجامده وراضيه بقضاء الله، لو حد تاني في ظروفك دي صدقيني كان تعب اوي.
=الحمد لله
جاه صوت محمد من برة و هو يقول: الاختين هناء وشيرين لسه الكلام ما خلص هنشرب الشاي النهارده ولا السنه الجايه.
رد حازم بمزح: ياعم شاي ايه هو ده شاي ، كانهم بيعملوا لحمه جملي،بقالهم ثلاث ساعات في المطبخ على كوبايتين شاي أنا بقول نشربهم على القهوه أحسن.
وبس حازم على أحمد الصغير اللي على رجله و قال: ولا ايه رايك في الكلام ده يا حماده.
ضحك الطفل الرضيع اللي مش عارف حاجه، قال محمد:
يا سبحان الله يا حازم، الود كانه عارفك وبيحبك قوي سواء أنت وأمل ،مش بس هو حتى أمل و فاطمه بيحبكم قوي.
أبتسم حازم وقال: الحمد لله هتصدقني يا محمد لو قلتلك أني مش حاسس بنقص لاني بعتبر العيال عيالي، أنا اسف ليك طبعا.
قال بعصبيه: بطل هبل أنت اخويا وأمل اختي واولادنا هم واولادكم.
خرجت أمل من المطبخ وشايله صينيه شاي ،وسمر وراها شايله صينيه فيها كيك
و سألت سمر بصوت: خير أن شاء الله سمعه كده حد بيقول نازل القهوه.
شاور حازم على محمد، ومحمد على حازم وهم يقولوا في نفس الوقت: هو ده
ابتسمت أمل وقالت :
يا سلام على الرجاله أهم حاجه الثبات على الموقف.
: طبعا
قالوها الاتنين مع بعض.
أمل: يلا يا بنات تعالوا علشان الكيكه جت.
خد حازم حته وقال:
تسلم ايديك يا سمر مش عارفه تعلمي أمل تعملها ازاي.
بصيت له غضب وقالت:
ماشي يا أستاذ حازم ماشي شكرا قوي.
قالت سمر بابتسامه :
الصراحه يا أمل هو عنده حق من قبل الجواز وأنتِ تبوظيها عمرك ما عرفتي تعمليها رغم أن أنا وماما الله يرحمها حاولنا معاكي كتير.
بصت لها و قالت بعصبية: حتى أنت ِ
قال محمد : كل اعوانك خانوك يا ريتشر.
وجاءت البنات و سهروا سهرة سعيده مع بعض.
الساعه 12:00 بالليل خرجت سماح من البيت بحذر كانت صباح نايمه ونورا تقعد طول اليوم تحت وبالليل تطلع شقتها اللي هي اعتبرتها شقتها.
كانت ماسكه صورته وتبص له بحب وتفتكر الذكرى الوحيده اللي بينهم اللي هو وقتها كان شايفها امل مش نورا.
رن التليفون كانت أمها نفخت بضيق و قررت متردش عليها.
لانها عارفة هتقول ايه،زي كل مره تسيب حازم و ترجع البيت، رغم أن صابرين مش عارفة حاجه عن الطلاق وان حازم قاطع علاقته بيهم كلهم،هي بتنصح بنتها لانها شايفه انها ظلمت أمل، و أن الظلم ظلمات و لكل ظالم نهاية ، خايفة عليها من حساب ربنا، أنها اتجوزت واحد متجوز ومراته مريضه، ده كل اللي صابرين تعرفه عن بنتها،مش عارفه أنها تخطط تقتل وتحرق وتروح لدجالين هي واختها وسماح.
بصت نورا جنبها على الكومود ، رجعت بصت التلفيون و تقول: ليه التأخير ده.
وصلت سماح مع صاحبتها في مكان مشبوه يتم فيه عمليات الاجهاض للبنات اللي زي سماح فقدت شرفها و دينها بحجه الحب و التحضر.
كانت ماسكه في أيد صاحبتها و ترتعش من الخوف،كانت عياده قذره اقل ما يقال عنها سله زباله طبيعي يكون المكان كده ما كل مكان على حسب اشكال الناس اللي بيجيبوا.
قاعد على على ترابيزه صغيره راجل ضخم بص لهم و سأل:
في حجز.
رد صاحبه سماح بخوف : ايوه حضرتك في باسم سماح.
بص في الورقه اللي معاه وقال : ايوه يلا خشي الاوضه دي،الدكتور مستني.
شاور على الاوضه اللي هيدخلوا فيها، ضغطت على ايد صاحبتها اكتر ونزلت دموع وقالت انا خايفه.
وكانها قالت نكته ضحك الراجل بصوت عالي : لا بجد خايفه يا بت، اقولك جمله اتقالت في كل الافلام و المسلسلات من قديم الأزل ،خايفه دلوقتي مكنتش خايفه وقتها صح، تعملوا الغلط وانتوا مبسوطين، و وقت الردم على الغلط تبقوا خايفين، خشي يا حلوة ، أنتِ البنات اللي زيك يستاهلوا الحر،ق.
قالت صاحبتها:
يلا يا سماح مفيش حل تاني.
اتحركت معها بصعوبة، بتقدم رجل و تاخر رجل حاسه أنها مشيها برجليها لحد الموت ، دي اخر لحظه في حياتها،ندمت ايوه دلوقتي ندمت و افتكرت لما بحثت في الموضوع ده أول ما شهاب طلب منها ،ولقيت انه حرام شرعاً والقانون مش معترف بيه يعني لو قررت تحافظ على الطفل شهاب مش ملزم باي حاجه ولا في معها إثبات أن بينهم علاقة.
وسيبقى هذا الطفل طفل غير شرعي من غير اوراق و مستندات و لو قررت رفع قضيه سنوات طويله في المحكمه و يظل الحكم بعد المداوله الى أجل طويل المدى....
نسيت دينها و اخلاقها ،سماح مش مظلومة ، سماح ظالمة و صباح مش السبب، اللي ربت سماح هي اللي ربت حازم وعماد، سماح حبت الغلط لما بقا يتقال عنه تحضر ،انما البنت اللي تحافظ على نفسها دي رجعية.
أمل و حازم خلصوا السهرة عند محمد و سمر.
و قعدوا على النيل ، و كعادتهم السعادة والحب و التفاهم بينهم.
مع صباح يوم جديد ، و يغير حاجات كتير
تنزل نوار من شقتها بسرعة، و تخبط على الباب، قامت صباح بفزع و جريت تفتح، قالت بخوف: في ايه يا نوار في حاجة حصلت؟
دقت نوار على الباب و هي تقول بغناء : حصل و حصل و حصل.
خبطت كف على كف، و زعقت فيها: انطقي.
حطت أيدها على بطنها و قالت: مبروك عليكي و عليا و على حازم النونو الصغير.
فتحت عينها بصدمة و سألت: بجد و لا خدعة جديدة
دخلت بدلع و هي تمشي ببطئ: الوقفة غلط عليا.
قعدت على الكرسي و قالت: بجد طبعا ، جبت إختبار من الصيدلية ، لقيت إيجابية ،حبيت اتاكد عملت تحليل دم و بعتوا النتيجة على الواتس أنا حامل يا صبوحة.
تجمعت الدموع في عيونها قالت: أخيرا افرح بحفيدي ،مبروك يا نوار، أنا عندي إستعداد اعملك اللي أنتِ عايزاه قصاد الخبر ده.
: حازم.
كان ده طلبها ، جبت التلفيون و رنت عليها، كانت أمل في المطبخ و هو قاعد على السفرة، بص على التلفيون و مش عايز يرد بعد كم مره فتح الخط وقال عصبيه: نعم.
قالت صباح بابتسامه :
مبروك يا حازم مبروك يا حبيبي نورا حامل،هتبقى اب.
رد بذهول: ايه.
قام وقف بصدمة و سأل عدم تصديق: ده بجد أو خطة جديدة.
ردت بنفي: لا يا حبيبي حقيقية.
: يعني نوار حامل بجد.
خرجت أمل من المطبخ على الجملة دي، كررت الجملة في عقلها اكتر من مرة علشان تاكد، همست لنفسها: نوار حامل.
وقع منها مج الشاي ،لف حازم بسرعة و بص لها و قبل ما يتكلم قالت هي. ووووووو
و للحديث بقية
رايكم يا حلوين ♥️ ♥️ ♥️
❤️❤️❤️❤️❤️❤️
سبحان الله وبحمده سبحان الله العظيم
استغفر الله العظيم و اتوب اليه لا اله الا الله وحده لا شريك له له الملك وله الحمد وهو على كل شيء قدير
لا حول ولا قوه الا بالله العلي العظيم
لا اله الا انت سبحانك اني كنت من الظالمين
حسبي الله عليه توكلت وهو رب العرش العظيم
اللهم احفظ مصر وشعبها وارضها من كل سوء
اللهم انصر فلسطين والسودان وكل البلاد العربيه والاسلاميه
♥️♥️♥️♥️♥️
تكملة الرواية من هناااااااا
لمتابعة باقى الرواية زورو قناتنا علي التليجرام من هناااااااااا
بدل ماتدور وتبحث علي الروايات عمل
متابعه لصفحتنا على فيس بوك هنااااااااااا
الرواية كاملةمن هناااااااااا
مجمع الروايات الكامله 1اضغط هناااااااا
مجمع الروايات الكاملة 2 اضغط هناااااا
تعليقات
إرسال تعليق