مجمع الروايات الكامله والحصريه فقط اضغط على اسم الروايه موجوده كامله في موسوعة القصص والروايات جميع الفصول مع البرنس محمد السبكي قصص وروايات كامله يسعدني تواجدكم معنا في المدونه

 

رواية غرام الأسياد (بائعة المناديل) الفصل الأول 1بقلم اسماء العذب حصريه في مدونة موسوعة القصص والروايات 

رواية غرام الأسياد (بائعة المناديل) الفصل الأول 1بقلم اسماء العذب حصريه في مدونة موسوعة القصص والروايات 

#غرام_الأسياد_بائعة_المناديل 

‏" إن الشَّدائِد لتهُون

‏بكثرةِ الصَّلاةِ على النَّبيِّ ﷺ "

:عاااااش يا وحش ..عاااش بجد 

كلمات قالها مدرب الجيم للي قدامه وهم موجودين في جيم كبير للرجال 

:يلا عشرين ضغط كمان ونبقي خلصنا تمرين النهارده 

:مش كفاية كده يا كابتن ..أنا فصلت 

عيونهم اتحركت لشاب تاني بيعمل نفس التدريب 

المدرب هز رأسه بتشجيع ةضرب بأيديه 

:يلا يا رجاله هانت ..هم عشرين ضغط وخلاص تمرين النهارده يخلص

 

الكل اتنهد بتعب وكملوا التدريبات 

..

علي الناحيه التانيه في إشارة مرور 

:مناديل يابيه 

قالها طفل عنده حوالي ست سنين لواحد راكب عربيه وباين عليه الغني الفاحش 

الراجل بصله بلا مبالاه وهز رأسه بمعني لأ 

:والنبي يابيه تشتري مني ..دي مش غاليه بعشره جنيه بس 

:هو انا مش قولتلك تقعد ومتعملش حاجه ..قومت ليه من مكانك

 

كان صوت بنت جاي من ورا 

عيون الاتنين اتحركت ناحيه الصوت 

البنت قربت منه واتكلمت بأمر 

:روح انت مكانك واستني هناك وانا هخلص الشغل ونروح ناكل في اي حته 

الولد بضجر 

:بس انا زهقت من القعده لوحدي مبعملش حاجه وانتي اللي تشتغلي وتتعبي ..انتي حتي مأكلتيش حاجه من الصبح 

:يا حبيبي مش وقته ..امشي يلا روح مكانك الإشارة هتفتح ولازم أكمل الشغل وانت تعبان ومش هينفع تشتغل ..أول ما تخف ابقي اشتغل براحتك 

الولد بصلها بحزن واتكلم .

:بس انا علي طول تعبان ..من أول ما اتولدت ..حتي لعب زي العيال مش بعرف وبتعب 

سابها ومشي بعد كلامه بينما هي اتنهدت بزعل علي حالته والتفتت للراجل اللي كان متابع الحوار من أوله وسألت 

:مناديل يابيه ؟! 

الراجل عنيه لمعت عليها وهز رأسه بمعني ايوه والبنت ادته باكو المنادل وهو خرج ٢٠٠ جنيه من محفظته واداها ليها 

:معييش فكه ..ممكن حضرتك تستني شويه هروح افك وارجعلك 

مسك طرف بلوزتها  قبل ما تمشي واتكلم ببسمه مريبه 

:لا دي علشانك 

البنت وبطبيعه شغلها كا بياعه مناديل في إشارة مرور فهمت أنه بيلمح لنيه سودا

ملامحها اتحولت للضيق واتكلمت 

:لا شكرا مش عاوزه ..انا هاخد حق المناديل بس ..والباقي هرجعه لحضرتك 

الراجل بصلها وهز رأسه من غير معني وسأل 

:بتدوري علي شغل 

بصتله واتكلمت بعدم فهم 

:نعم 

:مش عاوزه تشتغلي شغلانه تانيه غير دي ..شغل بجد يجيب فلوس وفلوسه حلوه كمان ..

طبعا مخها راح لحته تانيه وهي اكيد فهمت انه قصده علي اي شغلانة في الشمال 

هزت راسها واتكلمت بحسم

:انا مبسوطه في شغلي ومش بفكر اسيبه 

هز راسه ببرود واتكلم وهو بيخرج حاجه من جيب بدلته 

:علي العموم لو احتجتي شغل عدل او غيرتي رأيك ..ده الكارت بتاعي ..لو غيرتي رأيك كلميني 

ساعتها الإشارة فتحت وسواق العربية اتحرك واختفي من قدامها فجأة زي ما ظهر 

بصت للكارت اللي في أيدها وبصت مره تانيه للفلوس اللي اخدتها وفي الاخر حطتهم في شنطتها مع بعض واتكلمت بهمس

:محدش بقي فاهم حد الأيام دي ..مع انه يبان راجل محترم وكُباره لكن حركاته مش شبهه ..ولا يمكن انا اللي فهمته غلط 

اتنهدت بتعب وردت علي نفسها 

:فهمته غلط ولا صح مش مهم ..أنا خليني هنا في الإشارة..اهو علي الأقل شغلانة مضمونه ومش مشبوهة وعايشين اليوم بيومه بس باللي يرضي ربنا والحكومة وولا جايين علي حد ولا حد جاي علينا 

بصت لاخوها اللي كان مراقب ده كله وشاورت ليه علامه أنه جه وقت الراحه 

جري عليها بسرعه ببسمة واتكلم بلهفة 

:أخيرا خلصنا وهقعد معاكي ..انتي من أول الصبح بعيده عني ومش عارف اقولك علي حاجه ولا تحكي ليا حكاية ولا تردي عليا

حطت ايدها علي كتفه واتكلمت بحنان 

:معلش ..ادينا فضينا دلوقتي ونقدر نقعد وناكل ونرتاح شويه لحد ما نرجع نكمل وساعتها نروح البيت ..تعال بقي نشوف حته ضل نقعد فيها بدل الشمس اللي كلت دماغي دي 

..... 

:والله جاي في الطريق انا يادوب خلصت الجيم وراجع علي طول ..

سكت وسمع الرد من الناحية التانيه ورد

:اه يا قلبي هنتغدي مع بعض ..انا عارف إني مقصر الفتره دي بس بجد الشغل واخد كل وقتي ..لا  ..لا معايا الرجاله ..طب تمام يا حبيبتي مسافه السكه سلام يا قلبي

:ياااه عالحب يا جدعان ...يابني اصحي انت بتكلم الست الوالدة مش حبيبتك 

:ما انت عارف يابني انها ملهاش غيري ...وعارف أن حالتها الصحيه كل يوم في النازل من كتر زعلها علي اللي فات ..عشان كده بحاول اعوضها 

:سيبك منه ده اصلا بارد ... اعمل كل اللي تشوفه صح عشان ترضي مامتك 

اتنهد وبص قدامه بشرود واتكلم 

:بحاول أعمل كل اللي يتعمل عشلن انسيها اللي حصل ..وهي عامله نفسها نسيت ومش بتبين زعلها عشان متزعلنيش ..لكن انا عارف انها زعلانه وموجوعة ومقهوره ..بس انا برضوا مش هسكت وهفضل أحاول لحد ما اتأكد انها مفيش عليها خطر 

:ربنا يجازي اللي كانوا السبب

عنيه اتحولت ونظره كلها قسوه بانت فيها وهو بيأمن علي دعا صاحبه لحد ما وصل العربيه بتاعته ولسه هيروح لمكان السواق عشان يركب 

لاقي اتنين قاعدين وراها لما ركز اكتر لاقاها بنت وعيل 

صغير شكلهم شحاتين او حراميه 

البنت كانت ماسكه اكل وبتديه للولد عشان ياكل 

:خد انت كُل كويس عشان انت عيان ولازم تاكل عشان تخف 

الولد بصلها وهو عنده حوالي ست سنين واتكلم ببراءه 

:بس انتي ما اكلتيش حاجه خالص من الصبح 

البنت بكدب:

انا اكلت بس انت مشوفتنيش لأنك كنت بتلعب ..خد يلا كُل 

الولد لسه هيمد ايده عشان ياخد منها الاكل 

لكن الاتنين اتفزعوا  لما لاقو واحد شحط ماسك البنت من هدومها من ورا زي الحراميه وبيتكلم بزعيق

:انتو بتعملوا ايه هنا يا حراميه فاكرين الحركات دي هتخيل عليا ..يا شويه بهايم ...

الولد بقي يعيط لما شاف الراجل الحلوف ده (علي حسب نظرته ليه) ماسك اخته كده 

حتي البنت كمان بقت تعيط وهي بتترجي فيه

:والله يا بيه ما كنا بنسرق ..كنا بس قاعدين في الضل عشان الشمس في كل حته ...والله يا بيه احنا ما حراميه 

:سيبهم يا بني دول شكلهم غلابه 

:بس انت ..انت ما تعرفش الأشكال دي ...انا اتعاملت معاها كتير اوي اوي ..وكل يوم بشوف النوع ده ..دول اكيد حراميه ..انت مش شايف شكلهم ازاي ..

الولد اتكلم بعياط 

:والله يابيه احنا مش حراميه ..احنا كنا قاعدين في الضل بناكل ومش عاوزين نسرق ولا حاجه ..اختي عمرها ما سرقت حاجه دي طيبه خالص 

بصلهم هم الاتنين وبقي يهز البنت من هدومها وزعق في الولد الصغير 

:وأنا بقي صدقت النمره دي ..ده انتو يومكم مش معدي النهارده..ده انا هطلع عليكم البلا الأزرق يا حراميه يا نصابين يا شويه جرابيع 

عياط الاتنين زاد وهم بيترجوا فيه والولد قرب منه 

ومسك طرف بنطلونه واتكلم ببكا 

:عشان خاطري يا بيه سيب أختي وخلينا نمشي احنا مش حراميه وكنا قاعدين في الضل بس مكناش بنسرق 

والله العظيم ..أختي مش حراميه وانا كمان مش حرامي احنا الاتنين مش بنسرق خالص خالص عشان السرقة حرام 

زقه بعيد واتكلم بغضب وقرف

:ابعد يالا هتوسخ البنطلون ..ولا عاوز تلطش المحفظة اللي فيه 

الولد وقع في الارض من الزقه وأيده اتعورت في حجر 

البنت صرخت وحاولت تبعد عن اللي ماسكها وتروح لاخوها بس مسك فيها اكتر وهو مش راضي يسبها لحد ما بصت لعيونه  واتكلمت بشهقات 

:حرام عليك ده مريض قلب وانت وقعته في الأرض وبتتهمنا بالسرقة ..هو احنا لو حراميه كان ده بقي حالنا..حرام عليك يا بيه سيبنا نروح لحال سبيلنا 

واحد صاحبه قرب منه واتكلم بهمس البنت سمعته 

:سيبهم يابني حرام عليك بتقولك الولد مريض قلب وهم باين عليهم مش حراميه بجد وباين عليهم أغلب من الغلب 

بصلهم بغضب واتنهد وسابها 

البنت جريت علي اخوها وحضنته وهي بتتطمن عليه بقلق وخوف

:انت كويس ..انت كويس يا حبيبي ..وريني كده 

بصت لدراعه لاقته مخدوش حاجه بسيطه ..لكنه واجعه وبيعيط 

حضنته وباست رأسه واتكلمت بحنان

:خلاص ..خلاص متعيطش ..انا معايا خمسه جنيه هجبلك حاجه حلوه بس متعيطش 

الولد حاول يكتم صوت عياطه لحد ما شهقاته خفت واخته ساعدته يقف وشدته بسرعه عشلن يبعدوا عن المكان ويتحاشوا أذي الناس دول 

:اقفي انتي وهو 

التفتوا مره تانيه بخوف وهو بص للاتنين بأستحقار وقرف وشاور علي الاكل اللي قاعد في كيس قدام باب العربيه واتكلم 

:تعالو خدوا الاكل ده من قدام العربيه..جاتكم القرف وإنتو زباله بتاكل من الزباله 

البنت اتقدمت عليه بخوف وشهقاتها لسه طالعه ودموعها بتنزل منها واخدت الاكل وجريت من قدامه بسرعه بعد ما شدت اخوها وجريوا هم الاثنين بعيد عنه 

أصحابه بصو له بعد ما الاتنين مشيوا وواحد منهم اتكلم بعتاب 

:حرام عليك اللي عملته ده ..دول  شكلهم غلابه خالص 

بصله بسخريه واتكلم

:ايوه يعني اعمل ايه اديهم حسنه ..أنت اصلك شغلك كله من ناس إنترناشيونال مبتشوفش الأشكال دي واللي يقدروا يعملوه ..وبيستغلوا العيال الصغيره عشان يبانوا زي ما انت بتبص ليهم دلوقتي مساكين وغلابه وماشيين جنب الحيط لكن الحقيقية إن هم شويه نَّوَر وما بيصدقوا اي حاجه تقع تحت ايدهم يقومو ناهبينها 

صاحبه بصله واتكلم بيأس 

:والله أنت اللي شغلك في الشرطه لحس دماغك وبقيت مفكر الكل مجرمين وحراميه ..هم لو كانوا كده فعلا كان ده بقي حالهم زي ما البنت قالت ..الناس اللي زي دول بيكونو مساكين اوي اوي ..أغلب من الغلب نفسه ..

:طب يلا ياحنين اتأخرنا وانا جوعت اوي وعاوز اكل

لسه هيركب العربيه لكن لفت نظره حاجه واقعه في الأرض ولما اتضحت الرؤية كويسه ليه ابتسم بسواد وهمس بفحيح

:ده باينه في لعبه بتتحاك في الدرا ..وماله انا من يومي لعيب ..بس لعبه وس دي هتبدأ إمتي 

همس لنفسه بسخرية وهو بيسكت ضميره اللي كان لسه هيديه محاضرة 

:عشان اخد وضع الاستعداد مش اكتر..هو انا يعني غبي هوقف اللعبة قبل ما تبدأ..اومال فين الاكشن 

:يااااابني 

فاق وبص جنبه للاتنين اللي باصين ليه بأستغراب من شروده المفاجىء 

بثلهم بتشتت وهز رأسه من غير معني و ركب العربية والاتنين ركبوا معاه واتحركوا من غير كلام تحت نظرات الاستغراب الشديد من الاتنين 

....

بعد كام يوم

:هااا يا دكتور ..طمني في تحسن 

الدكتور بصلها وهز رأسه بيأس واتكلم 

:للأسف مفيش فايدة ..لازم العملية تتعمل في أسرع وقت 

بصت حواليها بضياع واتكملت بدموع حبيسه 

:بس ..بس 

بلعت ريقها زي ما تكون بتبلع أشواك واتكلمت 

:انا بقالي سنين بجمع في حق العملية ولسه مجمعتش نص المبلغ حتي ..اجيب حقها منين..والمستشفيات الحكومية مش هينفع تعملها ليا عشان ..عشان 

سكتت لما استوعبت كانت هتقول ايه وهزت رأسها بخضه زي ما تكون الكهربا لمستها 

الدكتور بصلها واتنهد بضيق واتكلم

:انا حاولت انزل المبلغ علي قد ما أقدر وعملت كده فعلا ..بس اكتر من كده مش هينفع ..حاله اخوكي للأسف متأخره ولازمه عمليه في أسرع وقت وإلا الحاله هتتدهور اكتر واكتر ..خصوصا أنه عيل صغير ..انتي بقالك سنين بتأجلي وخلاص معدش ينفع تأجيل تاني 

قلبها وقع بين رجليها مع كلامه اللي زود الطين بله 

بصت حواليها بضياع ومعرفتش ترد تقول ايه 

بينما اخوها بص للزعل اللي هي فيه ورغم اته مفهمش كتير من كلام الدكتور بسبب سنه الصفير لكنه قدر يفهم انه عيان وعلاجه عاوز فلوس كتير واخته مش معاها الفلوس دي 

شد أيدها واتكلم 

:تعالي يا صفية ..انا هاخد الحقنه وهبقي كويس متقلقيش..ومش لازم اخد الدوا اللي قال عليه الدكتور 

:رقمي معاكي وابقي بلغيني قرارك النهائي..عشان لو عرفتي تتصرفي في الفلوس الحق احجز للمريض موعد عملية يكون قريب جدا عشلن الحاله متتدهورش أكتر من كده 

سمعت كلامات الدكتور بذهن مشتت وحرفيا حست انها شايله هم جبال الأرض كلها فوق كتافها وكبرت عمر علي عمرها

وفي اللحظه دي اليأس أتمكن منها وافتكرت العرض اللي أتعرض عليها في الأيام اللي فاتت 

خرجت الكارت من الشنطه البلاستيك اللي معاها وبصت فيه بتردد 

:انا ممكن أجرب الشغل اللي قال عليه ولو طلع كويس اكمل فيه لقيته كله عوق وحاجه في الشمال مش هشتغل فيه 

حسمت أمرها وخرجت بره المكان عشان تعمل المكالمه وأول واحد شافته طلبت منه تليفونه عشان تعملها ومن غير تردد الشاب أداها تليفونه عشان تتكلم 

قبل ما تخلص الرنه الأولي كانت السكه مفتوحه وسمعت صوته الرخيم في التليفون 

:الوووو 

بلعت ريقها واتكلمت بتوتر 

:الو ..حضرتك فاكرني ...انا اللي كلمتني في إشارة المرور بتاعه حلوان وقولت ليا علي شغل 

سكت كام ثانيه خلاها تتوتر أكتر وافتكرت انه نسيها او جاب واحده تانيه للشغل لحد ما سمعته أخيرا بيتكلم 

:اااه افتكرتك قولتي اسمك ايه 

جاوبت بتوتر

:صفية..أسمي صفية يابيه ..

سكتت ثانية واتكملت بأندفاع 

:أنا عاوزه أعرف ايه هو الشغل اللي حضرتك عرضته عليا بالضبط ولو حاجه كويسه وشغلانه ترضي ربنا يبقي انا معاك ..إنما لو عكس كده يبقي معطلكش انا مش بتاعه الكلام ده

:اهدي يابنتي مالك وخداني علي الحامي كده ليه ..تعالي قابليني وانا هشرح ليكي كل حاجه انتي محتاجه تعرفيها 

صفية اتوجست من طلبه واتكلمت بشك وريبه 

:اقابلك فين لا مؤاخذة 

:في مطعم ....... اللي في حلوان انتي اكيد عرفاه 

هزت رأسها بمعني ايوه كع انه ميقدرش يشوفها وكملت

:تمام اجي لحضرتك إمتي 

يادوب اخد التفاصيل وراحت علي المكان بسرعه لأن المعاد طلع بعد حوالي ساعه ونص 

..

اتأملت فخامه المكان والرقي اللي في المنطقه كلها وعرفت انها مش لايقه بأي شكل من الأشكال معاهم 

قربت من المطعم وكانت هتدخل من الباب لكن واحد من الجرسونات منعها واتكلم بغلظه 

:داخلين فين يا حضرات هي تكيه 

بصتله بخوف ولسه هتتكلم جه جرسون تاني وهمس ليه بكام كلمه في ودنه خلاه يهز راسه بمعني تمام ورجع بصلهم تاني واتكلم بجمود 

:اتفضلوا 

الاتنين دخلوا للمطعم اللي كان يخص أصحاب الطبقه الراقيه بس لحد ما عيونهم اتقابلت مع نفس الشخص المطلوب

 

قربوا منه وهو ابتسم لما شافهم واتكلم بهدوء 

:أهلآ..كويس انك جيتي 

بص للولد وشاور لواحد من الجرسونات يجي واتكلم ببسمه لطيفة

 

:حبيبي روح مع عمو و اقعد علي الكرسي اللي هناك ده وهو هيجيب ليك ايسكريم لحد ما اتكلم مع أختك شويه لأننا هنتكلم كلام كبار 

الولد بصلها وهي بدورها بصت للراجل اللي هز رأسه ليها يطمنها وهي بدورها طمنت أخوها اللي راح مع الجرسون

شافت اخوها وهو بيقعد علي كرسي بعيد شويه عنهم والجرسون بيجيب ليه اللي اتطلب منه

رجعت عنيها للراجل اللي قدامها وقعدت قصاده بتوتر 

بصلها بهدوء وسأل 

:تحبي تشربي ايه

 اتكلمت بتوتر ملحوظ واندفاع 

:يابيه الله يخليك انا لا جايه أكل ولا أشرب..انا عاوزه أعرف الشغل اللي انت عرضته عليا ده شغل ايه..واتأكد أنه لو حاجه مش حرام ولا عيب ولا ضد الحكومه فا ببقي انا معاك وهفوت في الصخر عشان الفلوس اللي هتيجي منها هتنقظ حياة اخويا 

بصلها بنظرته الهادية وسأل 

:اخوكي مريض ايه 

بلعت ريقها بزعل واتكلمت بصوت مبحوح 

:مريض قلب ولازمه عملية تتعمل بالشيء الفلاني وانا مش مجمعه حتي نص المبلغ المطلوب .. عشان كده لو شغلانه كويسه انا همسك فيها بأيدي واسناني..لكن لو غير كده يبقي الله الغني

:اخوكي هيتعالج ..ومش هنا ..ده هيتعالج بره في أحسن المستشفيات وكل مصاريف العلاج والسفر متقلقيش منها ..وانتي هيبقي عندك شقة ومبلغ محترم في البنك 

تقدري تعملي منه مشروع كويس يعيشك انتي وهو حياة كريمة بدل مرمطه الإشارات ..وكل ده من غير ما تعملي حاجه حرام ولا عيب ولا ضد الحكومة

سألته بترقب

:وايه المقابل بتاع ده كله

سكت شويه حلوين بعد سؤالها لدرجه انها قلقت من سكوته لحد ما بصلها بتركيز واتكلم بخبث 

:شوفتي فيلم تُمن دسته أشرار 

مفهمتش هو قال ايه لكنها رغم ده هزت رأسها بمعني ايوه 

:حلو أوي..كده اللعبة ابتدت 

...

علي الناحيه التانيه بص في تليفونه واتكلم ببسمة بارده

:كده نبدأ اللعب 

يتبع .....

كده اللعبة ابتدت 

كملة الرواية من هناااااااا 

لمتابعة باقى الرواية زورو قناتنا علي التليجرام من هناااااااااا

بدل ماتدور وتبحث علي الروايات عمل 

متابعه لصفحتنا على فيس بوك هنااااااااااا

الرواية كاملةمن هناااااااااا

مجمع الروايات الكامله 1اضغط هناااااااا

 مجمع الروايات الكاملة 2 اضغط هناااااا