مجمع الروايات الكامله والحصريه فقط اضغط على اسم الروايه موجوده كامله في موسوعة القصص والروايات جميع الفصول مع البرنس محمد السبكي قصص وروايات كامله يسعدني تواجدكم معنا في المدونه

رواية شظايا الروح( الجزء الثاني ماساة حورية2 ) الفصل الأول 1بقلم فريدة احمد حصريه في مدونة موسوعة القصص والروايات 

رواية شظايا الروح( الجزء الثاني ماساة حورية2 ) الفصل الأول 1بقلم فريدة احمد حصريه في مدونة موسوعة القصص والروايات 

ياموسي بيه. في بنت بره شكلها مش من البلد، بتقول انها.. انها بنتك ياموسي بيه

موسي ساب الاكل وبص لـ حورية بارتباك وبصله .. بتقول ايه يا بجم انت 

: مش انا اللي بقول.. هي يابيه وكمان معاها واحدة ست و

في اللحظة دي دخلت بنت في العشرينات جميلة ولكن شكلها يبان عليه الجراءة. قالت  ...انا يا بابا. 

وقربت ليه واترمت في حضنه 

حورية اتجمدت والصدمة عمت الكل. كانو العيلة كلهم متجمعين غير صحاب موسي وزوجاتهم اللي كانو موجودين، الكل بقو في حالة زهول 

اما موسي فبعدها عنه بسرعة ومسكها من دراعها وقال بغضب.. انتي مين يابت .. جبتي الكلام ده منين

بس اللي رد هنا مكانتش البنت 

صوت جي من علي باب الفيلا...للاسف بوسي تبقي بنتك ياموسي 

بص  لمصدر الصوت واحدة ست في الاربيعينات قربت بخطوات واثقة، وقفت قدامه وقالت ... صافي.اكيد فاكرني. 

.. 

: كنتي فين يابت 

بصتله بغضب لكن ردت ببرود… وانت مالك 

قال بهدوء مصطنع… طيب انا مش عاوز اتغابي عليكي..

وبنبرة مميته… راجعة نص الليل في وقت زي ده. منيين؟ 

خافت ف،بلعت ريقها وقالت… راجعة من السنتر. ووبعدين نص الليل ايه احنا الساعة 11

قال.. وهو في دروس دلوقتي ياروح امك 

لسانه سليط دايما معاها ف اتعصبت وقالت… طيب مبدئيا كده. انت ملكش حكم عليا. راجعة بدري راجعة متأخر. راجعه من درس، راجعه من كبارية.. ميخصكش. 

مسك دراعها وبشر.. اتعدلي ياروح امك بدل ما اعدلك انا بطريقتي وهتزعلي

سحبت دراعها منه بعنف وزقته بغضب وقالت بقوة.. لا بقولك ايه اتعدل انت معايا وفوق لنفسك وقبل ما تفكر تتعامل معايا بطريقتك الهمجية دي افتكر انا مين. انا تمارا بنت موسي الصواف مش انا اللي تتعامل معايا بالطريقة دي،يعني تحترم نفسك معايا،فاهم.. وديني ياجواد لو ما احترمت نفسك معايا لـ اكون قايلة لـ بابا يشوف شغله معاك 

فضل يسمعها وبعدين قال ببرود… طب وانتي بتقولي لـ ابوكي ابقي سلميلي عليه 

بصتله للحظات وهي شايفاه متهزش  ، برغم انها مدللة ابوها الا إنها عارفة ان جواد بردو له مكانه كبيرة عند موسي 

فبصتله بضيق ودخلت وهو دخل هو كمان وراها

دخلو الاتنين ليتفاجؤ بالمشهد قدامهم 

بصت تمارا للست والبنت باستغراب وقربت من حورية وقالت.. مين دول يامامي 

بس حورية مكانتش مركزة، فقط كانت بتبص لـ موسي بترجي ينفي اللي اتقال، فقالت بنبرة مرتعشة 

: انتطق ياموسي. البنت دي تبقي بنتك 

كان موسي صامت مش قادر ينطق

وصافي قالت… معذور ماهو انت كنت فاكر ان الحكاية بتنتهي بمجرد ما بتقطع ورقة الطلاق في كل مرة اتجوزت فيها. بس يشاء القدر اني احمل واخلف،  واظن انت كنت عارف اني حامل لاني جيتلك وعرفتك وقتها ولا نسيت 

هنا حورية كانت هتقع لولا زهرة مسكتها، بصتله بترجي يكدب الست دي فقالت… رد ياموسي.. الكلام اللي بتقوله الست دي حقيقي 

بعدها صرخت فيه وقالت… ردد عليااااا. انت عندك بنت ومخبي علياا 

زين قرب منها وقال اهدي يا ماما 

وبص ل ابوه وقال… الكلام ده حقيقي يا بابا 

وكلهم بيبصوله ينفي الكلام اللي بيتقال

ولكن قبل ما موسي يرد 

دخلت الشغالة من بره وهي بتقول بلهفة..الحق ياحمزة بيه.الحقي يازهرة هانم..زهرة هانم الصغيرة واقعة علي الارض في اوضتها مغمي عليها ومش بتفوق ابدا

كلهم اتخضو وجريو يشوفو زهرة في فيلا حمزة واللي بتكون في نفس المكان جمب فيلا موسي وحورية 

دخلو الاوضة كانت بنت في العشرينات واقعة علي الارض فاقدة الوعي 

زهرة مالت عليها بدموع وهي بتقول.. زهرة فوقي ياحبيبتي. ايه اللي حصلك 

وبقو يفوقو فيها بس للاسف مكانتش بتفوق

زين ابن موسي علطول مال شالها ونزل وكلهم نزلو وراه 

وطلعو بيها علي المستشفي كلهم بما فيهم صافي وبنتها

 

وهناك بعد ماكشف عليها الدكتور بمجرد ما خرج.. سالوه بلهفة.. مالها يا دكتور

ليرد الدكتور ويقول… اطمنو هي كويسة واللي حصل ده طبيعي. معروف في اول الحمل بيحصل دوخة وإغماء

صدمة.صدمة لجمتهم كلهم  ، حمزة بص للدكتور وقال… حامل ازاي يادكتور.. انت متاكد انها حامل 

رد الدكتور بتأكيد وقال… طبعا ده وضح قدامي في الكشف 

وقدملهم الروشته اللي كانت في ايده وهو بيقول .. دي ادوية فيتامينات لازم تاخدها عشانها وعشان الجنين 

بس كلهم كانت الصدمة لسه ملجماهم، هنا اللي كانت فاقت من صدمتها ليلي عمتها اللي اخدت منه الروشته والدكتور مشي

….

: حامل من مين 

قالها ابوها بهدوء خطر وهي قاعدة  في سرير المستشفي بعد ما دخلولها كلهم 

لترد بهدوء وتقول… من زين 

كلهم اتصدمو وبصو ل زين اللي اتجمد والغضب في عنيه 

.....

يتبع…. 

تكملة الرواية من هناااااااا 

لمتابعة باقى الرواية زورو قناتنا علي التليجرام من هناااااااااا

بدل ماتدور وتبحث علي الروايات عمل 

متابعه لصفحتنا على فيس بوك هنااااااااااا

الرواية كاملةمن هناااااااااا

مجمع الروايات الكامله 1اضغط هناااااااا

 مجمع الروايات الكاملة 2 اضغط هناااااا