رواية المشاغبه والظابط الفصل الرابع 4 بقلم سلوي عوض حصريه فى مدونة موسوعة القصص والروايات
رواية المشاغبه والظابط الفصل الرابع 4 بقلم سلوي عوض حصريه فى مدونة موسوعة القصص والروايات
#سلوي_عوض
#المشاغبه_والظابط
بارت 4
عزيزه: خدي ياحبيبتي
سنيه: عجبال ماربنا يعد لهالك يا بت اختي انتي واخوكي
عزيزه: امين يارب
سنيه: هننزلو احنا نخلصو اللي ورانا تكوني عدلتي بت خالتك
ياسمين: ده هخليها اجمل عروسه ف الدنيا
وبعد أن نزلت سنيه ومعها عزيزه تفتح ياسمين شنطه والدتها لتخرج تليفون والدتها ثم تتصل علي حباش
حباش: اهلا يا ام ياسين جهزتي المبلغ والطلبات عشان افك العمل اللي معمول لعيالك وتفرحي بيهم
ياسمين: حلو جوي كده اسمع بجا يا حباش انته انا سجلتلك كل اللي جولته وحتت محضر صغير اتهمك فيه بالنصب وتجضيلك كام سنه ف السجن
حباش: انتي مين
لتضحك ياسمين
ياسمين: انا ياسمين بت عزيزه
حباش: خلاص ف عرضك توبت الي الله
ياسمين: مستعده معملش فيك بلاغ وكمان هتاخد فلوس بس ليا شروط
حباش: خدامك
ياسمين: تعجبني جوللي بجا منين عرفت أسامينا واجنعت امي بيك
حباش: بس ديه اسرار شغلي
ياسمين: خلاص براحتك شكلك هيبجا حلو جوي ف البدله الزرجا ده غير أهل البلد اللي انته ناصب عليهم كلهم شوف بجا هيعملو فيك ايه
حباش: له خلاص هجولك اصل الست حميده مرت خالك جاتني هيا وبتها رجاء وجابولي حاجات من جطركم انتي واخوكي وبت خالتك وادوني فلوس كتيره وجالولي اعملكم عمل بوجف الحال وانا خدت منهم الحاجه واديتهم حاجات وجولتلهم دول احجبه هيوجفو حالكم
ياسمين: تمام كمل
حباش: ولما عشيه كانت حنه بت خالتك جات حميده اتعركت معاي وجالتلي العمل بتاعك منفعش وورده هتتجوز بكره ولازم أعملها عمل بالجنان
ياسمين: ومجالوش ليه بيعملولنا اعمال
حباش: جالو عشان انتي طالعه فيها ومتعلمه واخوكي رفض يتجوز رجاء بت حميده وان ورده شكلها جميل جوي وكمان رجاء بتكرهها عشان خدت شهاده الحجوج
ياسمين: طاب اسمع بجا الخطه اللي هجولك عليها ونفذها
حباش: تحت امرك بس امانه عليكي اوعي تاءذيني انا لا شيخ ولا نيله انا بس بجلب عيشي من المغفلين
ياسمين: متخافش بس تعمل كل اللي هجولك عليه
حباش: حاضر
ياسمين: امي هتتصل عليك وتجولك العروسه بت اختها بتصرخ وبتجطع ف شعرها وهدومها وشكلها مضروبه علجه كبيره انته هتاجي وهتجول معايزش حد ف الأوضه غير العروسه وامها وخالتها
حباش: تمام
ياسمين: بعد كده هتجولهم أنها معمول لها عمل عشان متتجوزش وفي جن عاشجها ولو الجوازه ديه تمت الجن هيموتها هيا وعريسها وانك مش هتعرف تفك العمل عشان مرمي ف جزيره بعيده جوي اه انته معاك جطر ورده
حباش: اه معايا طرحه بتاعتها جابتهالي مرت خالك
ياسمين: حلو طيب لو ساءلوك مين اللي عمل العمل هتحلفهم علي المصحف وبعدين تطلع الطرحه وتجولهم علي حميده ورجاء فهمت اوعاك تغلط انا بجا هستخبي ف البلاكونه وهساعدك واعمل انا صوت الجن
حباش: هتعرفي
ياسمين: تتحدث معه بصوته
حباش: ايه ده صوتي انا ازاي كده
ياسمين: اصل انا بجلد الاصوات المهم تعمل زي مجولتلك اه صح نسيت عايزاك كمان تجول خلي العريس موجود معانا ف الاوضه
حباش: وانا مين هيحاسبني علي كل ده
ياسمين: هديك اللي عايزه عشان لسه ليك دور تاني معايا المهم خليك جار المحمول اول ما امي ترن عليك
حباش: حاضر
ياسمين: بس عايزاك تخليهم مرعوبين وتفهم العريس البغل أنه لو اتجوزها الجن هيموته هو وأمه فهمت
حباش: بس تسيبني استرزج من العريس براحتي
ياسمين: له ده حلال فيه اي حاجه إنشاءالله تجطع من جنته
ياسمين: ياله اتجلب
ثم تغلق الهاتف لتجد ورده تنظر إليها باستغراب
ياسمين: مالك يابت فاتحه حنكك كده ليه هتخش فيه ناموسه
ورده: انتي شيطانه يابت
ياسمين: والله لو ما احترمتي نفسك اسيبك تتجوزي سيد جشطه اللي تحت ده
ورده: له خلاص بس انا خايفه خطتك تفشل
ياسمين: تفشل يافاشله تعالي
ورده: ايه
ياسمين: هضربك علجه محترمه بس اوعاكي تعملي صوت وابهدلك وشك بالمكياج
ورده: بس اضربيني براحه
ياسمين: بت انتي متفجعيش مرارتي والله انزل واسيبك
ورده: خلاص خلاص
لتنهال عليها ياسمين بالضرب ثم تضع علي وجهها مكياج وكاءن أحد صفعها علي وجهها صفعات متتاليه
ياسمين: ناجص بس شعرك
ورده: حن عليكي شعري
ياسمين: له يابت متخافيش هنعكشه بس وبعد كده هنزل عشان خلاص المغرب يدن وبعد العشا هيطلع ابوي ياخد موافجتك وبعد ميشوفك كده هطلع انا تاني واستخبي وأنفذ الخطه عايزاكي تجعدي ف اخر السرير وتمثلي انك تايهه وخايفه من حاجه
اما ف المطبخ فكانت سنيه تعد الشربات
عزيزه: ربنا يتمم بخير ولو اني جلبي مجبوض
سنيه: ليه بس سلامه جلبك
عزيزه: الصراحه يا اختي انا روحت للشيخ حباش اشوف ريحه عيالي لايكون حد عاملهم حاجه
سنيه: اه وجالك ايه
عزيزه: ماهو ده اللي مخلي جلبي مجبوض اصل الشيخ جاللي أن عيالنا معمول لهم عمل بوجف الحال
سنيه: جولتي عيالنا ازاي طيب وبتي دخلتها النهارده والدنيا زي الفل اهي
عزيزه: والله يا اختي هو جاللي كده وكمان جاللي أن اللي عامله العمل حميده مرت اخوكي هيا وبتها رجاء
سنيه: ياشيخه كدب المنجمون
عزيزه: يعني فكرك الشيخ كداب
سنيه: متمشيش ورا الكلام ده بيخرب البيوت العمرانه
عزيزه: نفسي افرح بالعيال
سنيه: طاب جوليلي هو عرف ازاي أن حميده اللي عامله العمل لو كان كلامه صح
عزيزه: ده جاللي علي اسم عيالي من ميعرفني وكمان جاللي علي ورده بتك
سنيه: يابت ابوي ده بيضحك عليكي
عزيزه: ربنا يسترها
---
سنيه: تعالي بجا نطلعو للمعازيم عشان الرجاله راحو يصلو المغرب
(المشهد عند حميده ورجاء)
حميده: شايفه عاملين ايه ده كأنه ولا فرح بت بشوات
رجاء: اه يا اما دول دابحين عجلين ولا الحلويات وجايبين اربع طباخين ده فرحها فشر فرح بت النايب بتاع المجلس
حميده: امال ما اهي بت فراديه وكمان حلوه ومتعمله ده ابوكي بيجول أن عمتك سنيه محلياها بنص كيلو دهب
رجاء: وايه يعني بس بردك اتجوزت كبيره ولا العانس التانيه اللي عامله نفسها بت بارم ديله
حميده: ما اهي ديه كمان دكتوره بهايم
رجاء: مش عارفه متكبرين علي ايه
حميده: طاب اسكتي عماتك العجارب جايين
رجاء: اه مش لو كت انا اتجوزت ياسين كان زماني مرت المحامي والخير اللي عندهم ده كله بجا بتاعي
حميده: ما علي يدك يا بتي ده كان ناجص احب علي رجله عشان يرضي يتجوزك بس ياله كله من ابوكي شرابه الخرج ده شوره اخواته
---
عزيزه: لتقترب منهم منورين عجبال متفرحي بشوجي ولدك يا حميده
حميده: شوجي ولدي هيتجوز بت خاله وجريب جوي هنعزموكي
عزيزه: ده انا اجيه علي عيني امال ايه مش واد اخوي - ياله الرجاله جم من صلاه المغرب هيصو وزغرتو شغلي الصب يا سنيه
سنيه: من عيني
(المنزل مزدحم بالسيدات)
لتنزل عليهم ياسمين
حميده: بصوت عالي عجبالك يا ياسمين لما ربنا يفك عجدتك
رجاء: اه وتلجي حد يرضي بيكي
ياسمين: الله يخليكي يا مرت خالي
لتقترب ياسمين من والدتها
ياسمين: شايفه مرت اخوكي وبتها اطلعلك روحهم انا يعني
عزيزه: سيبك منهم
رجاء: ايه يا ياسمين مال شكلك معجز كده ليه فكرك يعني الاحمر والأخضر هيداري العجز اللي بجيتي فيه
ياسمين: طلبتيها ونولتيها
رجاء: شوفي انا بجا اتجوزت وخلفت الواد والبت وانا اصغر منك بكتير
لتضحك ياسمين: اه اتجوزتي محسب الاعور اللي انا رفضته مليون مره أصله جاهل زيك له وشوفي بتك الكرته ولا ولدك طالع أعور زي أبوه يع ايه الجرف ده امسحي مناخيره
وايه بتك ديه بتكرشي ف راسك ليه يا حميده ياصغيره انتي مجمله يالهوي الحجو يا جماعه البت الصغيره مجمله بعدو عنها لتعديكم
ابجي نضفي عيالك يارجاء ده حتي مافيش اكتر من المايه والصابون اه وابجي حطي لبتك جاز
وانتي يا مرت خالي لابسه طرحه حمرا مش شايفه نفسك كبيره علي الاحمر ولا انتي متصابيه ولا ايه حكايتك
وهنا يدخل عليهم شوقي
شوقي: ايه الحلاوه ديه يابت عمتي جمر يا ناس متوافجي وتعالي اتجوزك والمك واسترك بدل ما انتي جاعده والجطر فاتك
ياسمين: جطر مين اللي فاتني يا اهبل انته ياجاهل يا بتاع النواصي يا مجمل يا عره شباب البلد والله عال مناجصش غير شوجي اللي مبيعرفش يكتب اسمه
حميده: متلمي روحك يا بت انتي بت جليله ربايه صح ملجياش حد يعبرك ويتجوزك
ياسمين: انا مش هرد عليكي
لتتركها وتذهب الي حيث يجلس الرجال
ياسمين: محسب يا محسب تعالي عايزاك
محسب: بفرحه عايزاني انا
ياسمين: اه تعالي معايا
---
محسب: خير
ياسمين: لسه عايز تتجوزني
محسب: ده امل حياتي
ياسمين: بس انا ليا شرط
محسب: مليون شرط بس توافجي
ياسمين: هتخش معايا عند الحريم وتجول جدام مرتك وامها وأخوها انك عايز تتجوزني ومستعد تطلج رجاء عشاني
محسب: طاب وعيالي
ياسمين: له انا مش هخليك تطلجها انا هتجوزك علي ضره بس عايزه اعرف غلاوتي عندك
محسب: بس كده حاضر
لتدخل ياسمين ومعها محسب
ياسمين: ثواني
لتغلق الصب وتقترب من زوجه خالها وابنتها
ياسمين: ايه يا محسب كت عايز تجول ايه
محسب: بصوت عالي انا عايز اتجوز الدكتوره ياسمين ومستعد اطلج مرتي عشانها
رجاء: اه يا واطي يا جليل الأصل وانتي يا عانس يا خطافه الرجاله
لتضحك ياسمين: رجاله مين ده جوزك ده راجل علي متفرج
لتغني ياسمين: كايده العزال انا من يومي ايوه اه عليكي حلاوه يا ياسمين خلت الناس مجانين وانا من يومي ايوه اه
حميده: ياله بينا يارجاء من هنا بلاش جله ادب
محسب: يعني مش هتتجوزيني
لتضحك ياسمين: لما تكبر شويه اتجوز مين يا أعور انته ماصدجت
لتغادر حميده الفرح ومعها ابنتها
محسب: والله لاعرفك مجامك يا ياسمين كده تضحكي عليا الناس
عزيزه: عاجبك كده يعني لما اخويا يجاطعني افرح بيكي
ياسمين: والله تبجي انتي الكسبانه جال اخوها جال ده اخ الندامه
وهنا يدخل عليهم المعلم شحته
شحته: مالكم حسكم عالي كده ليه
عزيزه: المغدوره بتك اللي مبتريحش ف اي مكان خربت الدنيا وزعلت مرت خالها وبتها وضحكت الناس عليهم خلتهم مشو زعلانين وسابو الفرح
ياسمين: يا أبا كل ميشوفوني يجولولي ياعانس يا اللي محدش معبرك كبرتي وعجزتي
شحته (بغضب): ازاي يجولو لبتك كده وانتي ساكته
عزيزه: وهيا يعني سكتت طاب محدش يجدر عليها
شحته: بتي عايشه ف عزي وف خيري واي حد يضايجها انا اجطع لسانه
عزيزه: يعني اخوي يجاطعني
شحته: ف ستين داهيه اهم حاجه عندي بتي اسمعي يا بتي طول ما انا عايش وفيا نفس مش هسمح لحد يجولك حتي كلمه تزعلك
ياسمين: ربنا يخليك ليا يا أبا
صح الاب ضهر وسند لبته
شحته: وانا معايزش من الدنيا غير سعادتك انتي واخوكي انتو زرعتي وحصاد عمري
عزيزه: ربنا يخليك لينا وتفرح بيهم
ياسمين: خلاص يا أبا انا هفرحكم واي عريس ياجيني يكون مناسب هوافج عليه
عزيزه: صح يا بتي
ياسمين: اه يا اما
لتزغرت عزيزه من الفرحه
اسماعيل: نورتونا ياجماعه وعجبال كل اللي متجوزوش ياله يا ابو ياسين تعالي نطلعو ناخدو موافجت العروسه الجاضي باعت المساعد بتاعه معانا
شحته: تعالي يا سماعين ربنا يجعل ايامنا كلها فرح
وهنا يصعدو الي غرفه ورده ليطرق والدها علي الباب ثم يدخل ليجد ابنها في حاله يرثي لها وتجلس في اخر ركن ف السرير
اسماعيل: ورده مين اللي عمل فيكي كده يابتي
ورده: (لا ترد)
اسماعيل: الحجني يا شحته
شحته: فيه ايه
اسماعيل: تعالي خش شوف بتي جرالها ايه
ليدخل شحته لتنتابه حاله ذهول من هول ما رءي
شحته: ورده يابتي مالك انطجي جوللي فيكي ايه
كل هذا وورده لا ترد
شحته: تعالي ننزلو ونشيعولها امها وخالتها يشوفوها مالها استرها يارب
لمتابعة باقي الروايه زورو قناتنا علي التليجرام من هناااااااااا
بدل ماتدور وتبحث علي الروايات عمل
متابعه لصفحتنا على فيس بوك هنااااااااااا
الرواية كامله من هناااااااااا
مجمع الروايات الكامله 1اضغط هناااااااا
مجمع الروايات الكاملة 2 اضغط هنااااااا
تعليقات
إرسال تعليق