رواية جنه في قاع الجحيم الفصل الثاني 2 بقلم جيجي حصريه في مدونة موسوعة القصص والروايات
رواية جنه في قاع الجحيم الفصل الثاني 2 بقلم جيجي حصريه في مدونة موسوعة القصص والروايات
٢....طلعت من عنده وهى بتقول... لأ ونام يلا
فى يوم جديد... جنه كانت قاعده بتاكل اولادها.. وبتقول..
يلا هم يا جمل.. شاطر يا حسن.. يلا دورك يا حسين..
حسين.. لا ما عوزش اكل احنا بنعمل ايه هنه يلا نروح البيت
جنه.. هنروح بس بعدين عشان ما بقاش عندنا بيت هشتغل هنه واجيب فلوس واروح اجبلكم بيت حلو ونقعد فيه احنا الاربعه سوا سوا يلا بقى كل...
طه صفر بوقاحه وقال... انتى المقصوده..
جنه... انت مين
طه... ولد مديحه
جنه بحزن... ايه انت... يا حول الله
طه... ايه صعبت عليكى
جنه.... قوى... بس يلا ما حدش عارف ايه ربنا شايلو... ربنا يسكنك دار خيرا من دارك... واهل خيرا من اهلك... ويبدل سيئاتك حسنات... ويجعل قبرك روضه من رياض الجنه امين يا رب العالمين
طه... ايه الفقر ده انتى بتترحمى عليا وانا عايش
جنه... ما انت طالت ولا قصرت رايح
طه.. ماشى عشان الجميل.. نعدى التقيل
حسين.. مين ده..
طه.. انا عمو اسمى طه
حسن.. اهلا انا حسن وده اخويا حسين وده حسان اخونا احنا تؤم
طه.. ماشاء الله ٣ مره واحده لا اصتاطدت امى والله
بس انتى قموره ما يبانش عليكى ام يعنى انا اديكى ٢٥ مش اكتر من كده
جنه.. انا ٢٣ مش اكتر تمام اتجوزت على ١٨ وحملت على طول ودول عندهم ٤ سنين
طه.. حملتى على طول... ممتاذ يلا كملو فطاركم همشى انا اشوفك باليل...
ومشى باليل كانو كتبو الكتاب.. ولسه هيطلعو على اوضتهم.. طه قال...
اهلا بيكى فى عيلتى مبروك عليكى انا
جنه.. الله يبارك فيك...
لسه هيطلعو فوق.. بس دخلت بنت فى العشرين بلبس عصرى ولهجه مصريه وقالت بزعيق..
انت بتتجوز غيرى يا خاين يا غدار... على الاساس بتحبنى يا واطى يا حيوان بتتجوز...
طه.. استهدى بالله يا سو اتجوز ايه بس انتى حبيبتى
سو...يعنى ايه يعنى دى مش مراتك
طه.. لا طبعا
جنه بغضب... هو ايه اللى لا..
طه.. اه افتكرت هى فعلا مرتى..
سو.. كده خد دبلتك ولو شوفت وشكل تانى هسفلتك... سمعت
طه.. سو استنى يا سو.. اوه.. مشت
جنه... مشت عليك بطنك يا بعيد... هو ايه اللى مش مرتك انت هتستهبل... بعدين اما انت خاطب كنت بتتجوزنى ليه فى ايه.. فى حاجه غلط فى الموضوع... انت ما تجوزتش خطيبتك ليه ها..
طه.. انا هقولك..
وبص للناحيه التانيه ومسح على عيونو وقال
.. البنت دى حبيبتى من وقت ما كنا عيال بحبها وبتحبنى.. ما تعرفش اى حاجه عن مرضى ما قولتلهاش لانها مش هتسيبنى.... انا من وقت ما حبيتها عمرى ما زعلتها بجبلها كل اللى تعوزو من قبل ما تعوزو هتتجوزنى مش هتسيبنى حتى لو انا طلبت..... ولما اموت منها هتنهار ومش هتعرف تكمل مع غيرى.. انا اتقصدت اخليها تيجى دلوك خليت واحده صحبتها بعتلها عشان تشوفنى بتجوز غيرها وتكرهنى وتكمل بعدى عادى.... وما تزعلش عليا انا بتقطع لما بفكر انها هتعيش مع غيرى.... بس انا عاوزها دايما مبسوطه حتى لو مع غيرى.
جنه بحزن... هو فى كده بجد.
طه.. اه لما نحب بجد
جنه... انا مش عارفه اقولك ايه والله.
طه... ما تقوليش حاجه اطلعى فوق لانى ما بحبش حد يشوفنى وانا ببكى.. انا دقيقتين وهحصلك..
جنه.. ربنا يديك على كد نيتك
طه بضيق.. ليه الدعوه دى
جنه.. بدعيلك
طه.. مش بتدعى عليا يعنى.. اخ كلام يصحى الضمير.. يلا روحى روحى
جنه طلعت فوق.. طه بص لامو وقال...
البت دى يا اما هبله.. يا اما حماره
جنه... اش لتسمعك
طه.. عجبك تمثيلى
مديحه... قوى ده ولد بطنى
طه.. دوحه انتى اول ام توز ولدها على الكدب.. ما علينا هى الدعوه اللى دعتها دى انتى متاكده ان نيتنا سليمه عشان لو اتقبلت يعنى
مديحه... لا احنا نيتنا كويسه بنعمل كدا عشان نحافظ على البيت..
طه... طب سو طفشت ايه الحل
مديحه... تطلع عند مرتك وتفرحنى فى اسرع وقت يلا
طه.. يا مسهل...
وطلع على اوضته... تانى يوم الصبح كانت جنه قاعده قدام المرايه بتمشط شعرها وبتقول بدموع..
بقيتى كيف البضاعه فى السوق اللى يدفع يشتريكى بقيتى لحم للبيع يا جنه..
طه.. صباحو نكد ربانى... على عيونو اللى تعبانى
جنه... فى ايه.. خلعتنى يا جدع مش تكح
طه... هو ده طبيعى يعنى تصحو تنكدو على روحكم كده ولا ده مرض ربنا يشفيكم منو... اصل انا ملاحظ انو ملازم الحريم كلهم
جنه بسخريه... اه هو موضه فالحريم ماشين عليه
طه.. كل ده عشان اتجوزتينى افرض اتجوزتينى عشان الفلوس دى مره.. بسرعه كده بقيتى بضاعه وما عرفش ايه..
جنه بحزن... لا جوازتك مش اول بيعه ليا... جوزى الاولانى كان زيك كده خدنى بفلوسو دفع لمرت ابوى وقلتلو حلال عليك.... كان كل ما اضايقو شويه يقولى انتى عارفه انا دافع فيكى كام... الكلمه كانت كفيله تموتنى بس لما عرفت انى حبله اصريت اقوى واكمل عشانهم لانهم الحاجه الوحيده الحلوه فى حياتى.. كان بيشرب وفى ليلة تقل ومات.. وسابنى بالتلاته.. اخواتو اكلو ورثهم... مالهمش غيرى دلوك..
طه بحزن عليها.. مش ندمانه انك خلفتيهم..
جنه... يعنى لما بزعل.. بزعل انهم اتولدو عيالى لانى هبهدلهم معاى يعنى مثلا لو اتولدو زيك او عند حد كويس كان زمانهم مش ناقصهم حاجه...
طه... اللى عندو ام تحارب الدنيا عشانو احسن من اللى عندو فلوس... ما ممكن يكون عندو فلوس زى بس امو ما تكونش فاضيالو وتسيبو للخدامه تعرفى هى ممكن ترضعو صناعى عشان ما عندهاش وقت ترضعو هى
جنه.. دى قصتك وجعتنى عليك
طه... ما تتوجعيش على غالى على العموم انا مش هاجى جارك تانى.. عشان ما تحسيش روحك بضاعه ولا حاجه وعاوزك تسامحينى
جنه بفرحه... مسمحاك.. بس امك
طه بسرعه... لا امى قوليلها ان كل حاجه تمام سمعتى اوعى
جنه.. اه تمام فهمت شكرا بجد..
طه.. العفو يلا انزلى شوفى عيالك
ونزلت وبقت تفطر الاولاد وهو قعد فى البلكونه بخنقه جات مديحه وقالت..
ها سبع ولا ضبع
طه... كلب يا اما كلب بجد
مديحه... ليه كده بس يا ولدى
طه.. يا اما انتى شايفه ان احنا لما نستغفل البنيه ونضحك عليها ربنا هيباركلنا اصلا.. ده ربنا ما يبصلناش اصلا احنا كده هنبقى ظلمه يا اما
مديحه.. ايه الكلام ده يا طه
طه.. بصى يا اما البت اصلا الدنيا جايه عليها وكسراها بلاش ناجو عليها احنا كمان
مديحه.. وهى جات علينا احنا الغلابه ما اهى شايله يا اما.. تشيل دى كمان
طه.. يعنى عوزانى ابقى القشه اللى قسمت ضهر البعير
مديحه.. انت قشه بالنسبه للى هى شايلاه ده كلام فاضى عمر القشه ما تقسم بعير
طه.. مش القشه يا اما اللى كسرتو من كتر اللى حملتو ما قدرتش تشيل تانى... افهمى يا اما انا مش عاوز اعمل كده...
مديحه بغضب... يعنى ايه عايز ترجع دلوقت ماشى لو ما كملتش يبقى لا انت ولا ولدى ولا اعرفك... وانت ختار احنا ولا هى
طه بضيق... انتو يا اما
مديحه... تمام اركنلى قلبك ده على جمب عشان هيجبلك المصايب...
ومشيت
طه.. يا رب اقف معايا..
لمتابعة باقى الرواية زورو قناتنا علي التليجرام من هناااااااااا
بدل ماتدور وتبحث علي الروايات عمل
متابعه لصفحتنا على فيس بوك هنااااااااااا
الرواية كاملةمن هناااااااااا
مجمع الروايات الكامله 1اضغط هناااااااا
مجمع الروايات الكاملة 2 اضغط هناااااا
تعليقات
إرسال تعليق