سكريبت فى القلب فيروزه الفصل الرابع 4 بقلم جيجي حصريه
سكريبت فى القلب فيروزه الفصل الرابع 4 بقلم جيجي حصريه
٤... بس قطعت كلامها لما ضربها قلم جامد.... بصيتله بصدمه وهو قال...
ما عنديش صبر... ما عنديش خلق.. ما عنديش مراره ادلع ودادي... شلتها من زمان.... استغفر الله العظيم... يلا قومي البسيلك حاجه عدله علشان اهلك دلوك ياجو ما يصحش ابوكى يلاقيكى بالمنظر ده...
فيروزه بغضب... ما لكش دعوه انا عايزهم يلاقوني بفستاني انا حره....
بس قطعت الكلام لما شافت فستانها مرمي في الارض رجعت بصه لفراج.. وهو رفع عينيه لفوق.. بصت لنفسها.. وشدت المفرش عليها وقالت بغضب...
مين اللي غيرلى هدومى مين !!
فراج.. اهدي ما تخافيش. ده انا.. انا ما دخلتش حد الاوضه والله العظيم... حتى انا لما نزلت الشارع كنت مغطيكى بعبايتي... ما تقلقيش... انا اللي غيرتلك هدومك بيدي.. ما جبتش حد غريب على مرتي ما تقلقيش خالص.. طالما انتى معايا انتى في امان..
فيروزه بغضب... انت صدقت انك جوزي ولا ايه.. كنت نادى حد يغيرلى.. ولا سيبنى كيف ما انا..
فراج بخبث.. لا اسيبك زي ما انتى كيف بالفستان طب الفستان اتملى دم.. وبعدين هم فكروني وديتك المستشفى عشان انا كنت جامد عليكى.. وانتى فرفرتى مني يقولوا ايه عليا لما اناديهم يلبسوكى... فاكرينك جامد وما قضيها.. طلعت يا خايب ما لكش فيها..
فيروزه بغيظ.. امشى من هنا يا فراج...
فراج بضحك.. ماشى بس اوعي ارجع الاقيك قاطعه شريانك تاني المره دي...
وطلع بره الاوضه وهو بيضحك... وفيروز حطت ايديها على دماغها وقالت.....
يا رب لو ده ذنب توب عليا منه...
فراج نزل.. وامه كانت قاعده بتقرا فى المصحف..
فراج... انا كل ما انزل الاقيكى بتقرى في المصحف...
حفيظه... ما هو انت ولا اخوك الواطي عديم النخوه لو بتمسكو المصحف مره واحده في اليوم وتقروا ايه واحده تعرفوا ربنا وتخافوه... وتبطلوا اذيه في خلق الله... مالها مراتك.. سنيا شافتك طلعت بيها باليل وهى غمرانه... بقت زينه....
فراج... دى ما ستحملتش ياما البصه فى عينى تسحر طبت ساكته من جمالى.... انتى مخلفه راجل كيف البدر في السما.. يشوفوا العليل يطيب وكانه لقى الدوا...
مجاهد كان نازل.. بس شاف فراج قاعد مع امه... فتح باب اوضت فيروزه ودخل.. وكانت لابسه عبايه بيتي وبتسرح شعرها اول ما شافت مجاهد حطت الطرحه على دماغها وجريت عليه.. وقالت...
مجاهد كيفك انت زين... خوفت عليك قوي... انت كويس..
مجاهد.... كويس ... فراج عملك حاجه... انتى زينه...
فيروزه... هو ما عمليش حاجه... بس انا مش زينه واصل وانت مش معايا يا مجاهد.. ليه سبتنى وما جيتش الفرح !!
مجاهد... ما اقدرش دلوك اقولك حاجه.. فراج لو شافك جاري هيقتلنى انا وانتى... انا مش خايف على روحي انا خايف عليكى.. ده مجنون ويعملها.. هو السبب خطفنى وهددنى ما فيش وقت احكيلك... بس انا هخلصك منه احنا... احنا هنرتاح منه قريب... بس قوليلي بامانه لمسك يا فيروزه......
فيروزه... لا يا مجاهد بس اتجوزنى...
مجاهد... هخلصك.. بس ما تصدقيش اى حاجه يقولها عليا.. انا بحبك وهو اللى بعدنا عشان عينو منك... بس انا لازم امشي دلوك وهشرحلك كل حاجه بعدين..
وطلع بسرعه.. فيروزه نزلت تحت وكان فراج قاعد جنب امه... بيقول...
بس يا ستي ما عملتش حاجه تاني.. انتى عارفه انا عيوني يسطلو ولا قزازه البيره..
فيروزه... السلام عليكم...
فراج همس لحفيظه... ما تقوليلهاش حاجه ياما عشان بتتكسف..
حفيظه.. امم... تعالي يا بتى اقعدي جاري... كيفك عامله ايه دلوك ان شاء الله تكوني ارتحتى عندنا...
فراج بضحك.. اهوهو اخر راحه ياما...
حفيظه... على فكره انا بسالها هي..
فيروزه... هو كده دايما متعود ياخد الحاجه اللي مش ليه..
حفيظه بحرج.. معلش يا بنتي انا والله مش عارفه اقولك ايه على اللي عمله مجاهد امبارح... بس يعلم ربنا انا عماله ارن عليه من امبارح ما رضيش يرد.... ما اعرفش كمان حتى عمل كده ليه.. حقك عليا يا بنتي والله انا الودي ودي...
فراج... اداريه في قلبي وفي النني... في الننى... وان غاب شويه البعد عنه يجنني...
حفيظه.. قوم يا فراج قوم انا هتكلم مع البنت كلمتين حريم قوم...
فراج.. لا انا بحب الحريم.. وكلامها بحب اسمعه هو في احلى من الحريم ولا كلام الحريم...
حفيظه.. حقك عليا انا ما عرفتش اربي..
فيروزه... ضحكه...
فراج... الله الله طب ما فى لولو هنا بيبان فى الضحكه.. انا كنت فاكر سنانك مكسرين...
فيروزه بصتله بغضب تاني...
مجاهد نزل من فوق.... وحفيظه اول ما شفته اتقدمت عليه بغضب وضربته قلم جامد وقالت...
انت ليك عين تاجى هنا تاني يا عايب بعد اللي عملته..
بس فيروزه اتقدمت عليها ووقفت قدامو وقالت..
انتى بتعملي ايه يا خاله.. الله يجازى اللي كان السبب..
فراج كان بيبصلها بغضب شديد وجب دماغه شمال ويمين.. وبصلها بنظرات مش مفهومه وطلع على اوضته..
حفيظه.. انتى قصدك ايه..
فيروزه.. اكيد في حاجه ورا اللي عملو هو ما يعملش كده من نفسه... اكيد في حاجه هي اللي خلتو يعمل كده..
حفيظه.. ما فيش سبب يخليه يطلع خسيس وواطي.. ويسيبك في يوم الفرح بفستانك واقفه وسط الخلق ويخليكي فرجه لليسوا واللي ما يسواش... والناس تقول سابها ليه.. ده لو السكينه على رقبته ما يتنزلش عن مرته انتى عرضه... كده كيف اللي ساب عرضه علشان خايف... انا مخلفتش رجاله خساره... جد خساره...
وسابتهم وراحت على اوضتها..
مجاهد... انا خوفت عليكى على فكره هو خطفنى وقال انوم هيموتك..
فيروزه... طلعت على اوضتها من غير ما ترد... فراج كان قاعد على السرير... وبيودى رقبته يمين وشمال بطريقه مش مفهومه...
تكملة الرواية من هناااااااا
لمتابعة باقى الرواية زورو قناتنا علي التليجرام من هناااااااااا
بدل ماتدور وتبحث علي الروايات عمل
متابعه لصفحتنا على فيس بوك هنااااااااااا
الرواية كاملة من هناااااااااا
مجمع الروايات الكامله 1اضغط هناااااااا
مجمع الروايات الكاملة 2 اضغط هناااااا
تعليقات
إرسال تعليق