رواية دموع قمر الفصل السابع 7 بقلم محمد منصور حصريه في مدونة موسوعة القصص والروايات
رواية دموع قمر الفصل السابع 7 بقلم محمد منصور حصريه في مدونة موسوعة القصص والروايات
ح(7)
دموع قمر
من تاليفي، ،
محمد منصور. ** منص **
وقبل ما نبدأ الحلقة نوحد الله ونصلي علي خير خلق الله سيدنا محمد. وعلي بركة الله نبدأ
بسم الله توكلت علي الله. وهو رب العرش العظيم
★وتاني يوم الصبح صحيت علي موبيلها بيرن ردت وسمعت عمار بيقول
البسي حالا واخرجي انا مستنيكي عند اول الشارع هاخرجك خروجه عنب. مع اصحابي وقرايبي اللي عايزين يتعرفو عليكي.
قمر
خروجه
عمار
ايوا يالا بسرعه. البسي الطقم اللي انا جيبتهولك. عايزا تبقي قمر يا قمر
وينهي المكالمة فتقول قمر لنفسها
وبعدين بقي هاعمل ايه انا دلوقتي
وتقف وهي حيرانة وبتفكر وتقول لنفسها
أتصل بي اقول له ولا اقوله انا تعبانه ومش هاقدر اخرج بس ازاي ااقول كده وهو واقف بره هايزعل جدا وبعدين
هو لو ماعرفش دلوقتي ان الفستان اتباع هايعرف بعد كده ولو عرف اني بعيت هديته هايزعل اوي اعمل ايه بس ياربي ما فيش غير اني اقول الحقيقه ورزقي علي الله.
ولبست فستانها الاسود وخرجت من الشقه وراحت ل عمار
بص لها عمار وقال باستغراب
ايه ده مالبستيش الفستان التاني ليه
قمر وهي محرجه
اصل أصل،،،،،
وتسكت قمر فيقول عمار
في أيه يا قمر قولي
حكيت له قمر اللي حصل ليلة امباراح فاتعصب عمار وقال
وفين المحل ده
فتاخده قمر وتروح بي المحل ويلاقو مقفول فيبص لها عمار بزهق ويقول
يعني ينفع كده اصحابي وقرايبي عاملين لي خروجه بمناسبه خطوبتي وعايزين يتعرفوا عليكي ومستنينا اقول لهم ايه دلوقتي مش جاي علشان خطيبتي ماعندهاش حاجه عدله تلبسها
قطعت الجملة قلب قمر لاول مره يحسسها عمار انها فقيره فقالت بكسرة نفس
انا اسفه
وفي نفس الوقت يرن موبيل عمار وكان حسان بيتصل فيبص عمار. للموبيل ويبص ل قمر وهو مخنوق ويقول بعصبيه شديده
عجبك كده اهو حسان صاحبي بيتصل ارد بس اقول ايه
ويفتح عمار الخط ويقول
الو
حسان
ايه يا عم انت فين الناس كلها مستنياك عايزين نبدا اليوم بدري بدري. الملاهي ما بتستناش
عمار
اسبق انت يا حسان وخد الناس معاك وانا جاي وراك
وينهي عمار المكالمة ويبص ل قمر وهو في شده الغضب ويقول
اعمل ايه انا دلوقتي اخدك ازاي بالفستان المعفن ده الناس اول مره يشوفوكي يشوفوكي كده
قمر عماله تبص له وهي مصدومة وهو بيكمل وبيقول
ما هو لا شكل ولا منظر. اللي انتي في دة.
تبص له قمر اوي وهو مكمل وبيقول
وياريت عندك غيرة كنت روحتي غيرتي. ولبستي
عمار ل قمر
انتي ساكتة لية
قمر
اول مرة اشوفك كدة. اول مرة اشوفك مستعر مني
ونزلت دموع قمر وهي بتقول
علي فكره انت اول مره شوفتني كنت كده لما انت مش عجبك المنظر ده خطبتني ليه
عمار بعصبية
بس بقي علشان انا مش طايق نفسي ومش وقته الكلام ده خلينا نشوف حل الناس مستناينا
قمر
انا ماليش دعوي بحد انا مش رايحه في حته عايز تروح روح انت. ولو مش عجبك المنظر دة بلاش تغصب عينيك علي انها تشوفو.
وتسيبة قمر وتمشي فيجري وراها عمار ويمسكها من ايدها وهي تبعدها عنه بمنتهي الحرقة وهو بيقول
قمر. انتي بتقولي ايه
قمر
اللي انت سمعته. هدبتك هرجعها ليك واقولها لك تاني بلاش تغصب عينك علي المنظر دة.
عمار وهو لسة بيمشي ورها
منظر اية
فتقف قمر وتشاور علي نفسها وتقول
المنظر دة. الفستان المقطع والجذمة. بنت البنوت اللي سنها 20. لكن الهم خلاها 50. تحب تسمع اية تاني. حرام عليكم بقي انتو عايزين مني اية. يارب اموت وارتاح يارب
وتجري دموع قمر علي خدها زي النهر الهايج فيخرج عمار منديل ويمسح لها دموعها وهو بثقول بشغف
حقك عليه انا بس كان نفسي اعرفك علي اصحابي وقاريبي وتكوني احلي واحدة في الموجدين. واخرجك خروجه تعوضك عن الحزن اللي في حياتك
قمر
وهو انا مش عايزا افرح. بس كنت اعمل اية اسيب اختي الصغيرة تموت. ولا امشي اشحت حق العلاج من اللي يسوي واللي ما يسواش. واقول لك انا واللي زيي الفرحة متحرمة عليهم. اقول لك اعتبرني خرجت
وتفلت أيدها من أيده عمار. وتمشي قمر لكن عمار يقف قدام منها بالظبط ويبص في عيونها ويقول
قمر ا انا بحبك ومش عايز حد يشوف حبيبتي اقل منه
فتبص له قمر وما تردش فيكمل قائلا
كل واحد في الخروجة دي جاي ومعه خطيبته وفي اللي جاي ومعه مراته وانا عايزك تبقي احلي واحده فيهم كلهم
طالما محتاجة فلوس كنتي انصلتي بيا اجي لك
قمر
انصل بيك علي اية ولا اية. هو موقف وبيخلص ولا تحب كل يوم اتصل اقول. اخواتي عايزين هدوم اخواتي عايزين يتعشوا اخواتي في البرد بيتغطو ببعض علشان مافيش غطاء كفاية. اللي انا في من سواد و هم عامل زي الرمال المتحركة كل ما حاول اخرج منها انزل لتحت. لغاية ما الهم والحزن هيبلعني واموت من كتر المر.
وتعيط بحرقة وتقول
انت عارف ان ابويا ما كنش موافق علي خطبوتي منك علشان بعد الجواز هيتحرم من فلوسي. حلفت له اني هفضل ادي له فلوس واني متفقة معاك علي كدة. لولا اني كذبت عليه ما كنش وافق. علي خطوبتنا.
وتتنهد بحرقة وتكمل
وانت جاي تكمل عليه دة انت الحاجة الوحيدة اللي حسيت ان الدنيا بتصالحني بيها
عمار بحنية وحب
طيب خلاص. وخلينا نفكر نخرج ازاي من المطب دة.
ويسكت للحظات ويقول. ضاحكا
مافيش حاجه عند رمضان تيجي مقاسك. كان في بنطلون بيجامة ساعه ما كنت عندكم لابسه هو. وكان واقع علية حلبة تقريبا
فتضحك قمر. وتقول
بس دي مش حلبة. دة رمضان نام في يوم علي السرير بعد ما اختي الصغيرة شخت عليه
فيضحك عمار ويقول
وهو عارف اية اللي في البنطلون دة.
قمر
ما هو عارف انها حلبة
ويضحك عمار وتضحك قمر ويقول عمار
ايوا كده اضحكي انا كده عرفت ايه اللي بيضحك رمضان عارفه اني حبيته مع انه مجنون وهاحبه اكتر لو بطل يندهلي ويقول حمار
فتضحك قمر وعلي خدها دموعها فيقول عمار
الله اكبر قمر وانتي قمر ماتيجي نروح نريح شويه في اوضه رمضان
قمر
لم نفسك
عمار
هو انا اللي قولت ماهو قال ان الاوضه هاتخش النار
فتضحك قمر بصوت عالي فيقول عمار
ايوا بقي الضحكه اللي بتلم الناس عليه.
وتستمر ضحكات قمر حتي تتحول دموع الحزن الي دموع الفرح فيفتكر عمار انه في الشارع فيقول لقمر
بس كفايه ضحك الناس بتبص علينا
ويحط ايده علي بوقها ويقول
يلا تعالي معايا هاجيب لك طقمين جداد بس هتقلعي الخمار وهتلبسي تحجيبة لف كدة هتبقي قمر
قمر
تحجيبة لف زي اللي بشوفها علي البنات
عمار
اة. ومالك مستغربة كدة. مش انتي بنت برضو، ،،،،،،،
ومن جوة احدي محلات الملابس تقف قمر قدام مرايا البروفة بعد ما اختارت طقم جديد بالوان مبهجة وتحجيبة لف خليتها قمر عيطت من الفرحة مش مصدقة ان الهدوم دي بتاعتها وخرجت ل عمار اللي كان مستنيها برة وفرح اول ما شافها وقال
ايوة بقي هي المزة منين
قمر وهي بتلف حوالين نفسها وبتقول
من الحتة اللي منها المز
عمار
بلديات يعني
قمر
وحبايب
ويستعدوا للخروج من المحل فتاخد شنطة الفستان القديم فيقولها عمار
دة هيترمي
قمر
طيب هروح الكلية باية
عمار
باللي انتي لابسة دة
قمر
دة هخلي للخروج معاك. علشان ابقي قمر كدة
ياخد منها عمار الشنطة ويرميها في الزبالة ويقول
انا هجيب لك طقم تاني بس لما نخلص الخروجة
ويديها 500 ج. ويقول
وتروحي النهاردة ترجعي الفستان اللي بعتي وتدي للراجل فلوسة
فترفض قمر انها تاخد الفلوس وهي بتقول
مش كفاية الهدوم اللي انت جيبتها
لكن عمار يديها الفلوس بالعافية ويقول
من النهارده اي حاجه تحتاجيها تقول لي عليها والفستان يرجع النهارده. والفلوس اللي تاخديها مني تخبيها من ايد ابوكي. وتجيبي فاكهة وعشاء حلو لاخواتك
قمر باحراج شديد
يا عمار
عمار
انتي تسمعي الكلام فاهمه ولا لا. وبعدين اليومين دول دلع كدة علشان لسة قابض جمعية. بعد كدة هتشوفي البخيل وانا
فتضحك قمر وتمسك ايد عمار بمنتهي القوة وتقول
انت الوحيد اللي هتعرف تطلعني من الهم. اوعي تسيب ايدي ابدأ
عمار
عمري ما هاسيبك يا قمر، ،،،،،،،،،
ومن جوة دريم بارك تبدأ الخروجة وتتعرف قمر علي اصحاب وقاريب عمار ويبص حسان ل عمار ويقول في ودانه
ولا. مين دي
فيضحك عمار ويقول
قمر
حسان وهو بيبص ل قمر اللي كانت ماشية مع البنات اللي في الخروجة
دي اتحولت. وبقيت قمر فعلا
عمار
هي طول عمرها قمر بس انت اللي اعمي
ويبص عمار ل قمر وقمر تبص له وهي مبسوطة وركبت كل الالعاب اللي في دريم وسرخت مع اللي بيسرخوا وانبسطت اوي اوي وعاشت احلي يوم في حياتها، ،،.،،،،
ومن قدام شقه عم زلطه يقف رمضان ومعه كلبه بلدي رابطها من رقبتها بحبل غسيل دايب ويخبط علي الباب بمنتهي قله الذوق فيفتح له عم زلطه الباب فيقول
انت تاني
رمضان
عمي وعم الناس كلها جايب لك النهارده كلبه بوليسي من المانيا. بلاك جيمي اند وايت هيمي
فيبص عم زلطه للكلبه البلدي فيقول له
دي كلبه بوليسي
رمضان
أيوا دي بتهوهو كمان وتمسك اي حرامي والميزه اللي فيها
ويشيل رمضان الكلبه ويقول له
الكلبه دي لسه والده يعني لو حبيت تحلبها في اي وقت هاتنزل لبن ومش عايز ااقول لك علي لبن الكلاب وحلاوته
عم زلطه
انت مجنون انا هاشرب لبن كلاب
رمضان
ده مفيد ومضر يعني انت مش محتاجه في اي حاجه وتبقي معفن لو شربت منه ده غير ان اللبن بتاعها بيطلع منه زبده وقشطه بس انت اشتري فله
عم زلطه
مين فله دي
رمضان
فله الكلبه
في الوقت دة تقف وراء عم زلطه فتاه في العشرينات من عمرها فائقه الجمال وكانت هذه الفتاه هي حفيدة عم زلطه وتدعي لميس فيبص لها رمضان باعجاب شديد وتقول لميس لجدها عم زلطه
في ايه يا جدي واقف بتتكلم مع مين
رمضان
جدك انت اتجوزت ياعم زلطه ولا أيه
عم زلطه باستغراب
اتجوزت ايه
رمضان
ماهي بتقول لك يا جدي تبقي مراتك صح
عم زلطه
يا ابني انت عايز تجنني انا جدها يبقي ابو مامتها
رمضان وهو متنح لي لميس
يعني دي بنت بنتك. دة عسل اوي كدة
فتبص له لميس وتضحك وتقول
مين ده يا جدي
رمضان
انا رمضان صاحب جدك الروح بالروح كنا مع بعض في الجيش حرب جومانجي
فتضحك لميس فيمسك رمضان عم زلطه من أيده ويزقة بعيد عن الباب يخرجة برة الشقة ويدخل هو ويقول له
ما تحلب الكلبه دي عقبال ما شوف حاجه جوه
ويقفل رمضان الباب في وش عم زلطة ويبص لي لميس اللي مستغربة ويقول لها
انت اسمك ايه
تبص لميس للباب ولجدها اللي بيخبط وتقول
أسمي لميس
رمضان
لميس انتي مرات عمرو اديب ولا تشابة لميسات
فتضحك لميس وتقول
لا تشابة لميسات
صوت عم زلطة من برة
افتح الباب يا رمضان
فيبص رمضان للباب ويقول
بس خبط بقي وبعدين خليك حلو ما انت معاك كلبه بره وانا معايا قطه جوه
فتضحك لميس ويقول رمضان وهو بيبص في عيونها
انتوا الشيطان عندكم هنا في اني اوضه
لميس
شيطان ايه بس بعد الشر.
ويفتح عم زلطة الباب ويقول
عمال اخبط والمفتاح في جيبي. اما انا مغفل صحيح
ويبص عم زلطة ل رمضان
أنت قليل الادب
رمضان وهو متنح للميس
ليه بس يا عم زلطه
فيبص عم زلطه ل لميس ويقول لها بعصبيه شديده
امشي خشي جوه
فتروح لميس لاحدي الاوض وهي بتبص ل رمضان ورمضان يبص لها ويرجع يبص ل عم زلطة
أنت ليه كده. ليه دخلتها جوه وفضلت انت بره
عم زلطه
بقول لك ابعد عن لميس انت فاهم ولا. لا. وخد الكلبه بتاعتك يالا وامشي من هنا
ويزقة عم زلطة برة الشقة ويقفل الباب، ،،،،،،،،
ومن علي احدي القهواي يقعد جابر مع رمضان اللي كانت علي حرجة الكلبة فلة وهو بيشرب كوبية شاي وبيحلب الكلبة عايزها تنزل لبن علي الشاي وبيقول
حلوة اوي يلا. حاجة كدة عاملة زي المهلبية بالطعمية
جابر
اية القرف دة. واية الحلو في المهلبية بالطعمية.
رمضان
مش عارف بس انا عايز اوصفهالك يمكن تفهمني. بجد لميس وهي لميس
جابر
خميس. انت كل دة بتتكلم عن راجل هو انت شوفتها في عمارة يعقوبيان
رمضان بعصبية
يا حمار. اسمها لميس. لميس
جابر وهو بيشرب سيجارة
مالكش حق يا صاحبي تحب واحدة متجوزة. عمرو اديب
رمضان
لا. ياة. ما انا سالتها طلع تشابة لميسات
جابر
طيب انت ناوي علي اية بقي
رمضان
هبطل السجاير واكون انسان جديد
جابر
ومن اول يناير تروح تشيل حديد
رمضان
اية يا متخلف انت. هو انا بغني. دة بجد اللي ناوي اعمله
جابر وهو بيدي له السيجارة اللي لفها
ناوي علي اية بقي
رمضان وهو بياخد نفس من السيجارة.
هبطل السجاير وهكون انسان جديد
ويحاول رمضان ان يحلب الكلبة تاني ويبص ل جابر ويقول
عالم ما بقاش عندها ضمير اشتري الكلبة علي اساس انها بتجيب لبن يطلع لبنها قطع
جابر
انت بتحلب غلط المفروض تحننها الاول
رمضان
ازاي يعني
فيمسك جابر الذيل ويفضل يطلعه وينزله فيبص له رمضان ويقول
اية اللي بتعمله دة يا حمار. هي طرمبة
وقام رمضان وهو شايل الكلبة فقال له جاير
رايح فين بس بالكلبة دي
رمضان
هروح لبتاع الحواوشي اللي علي اول الشارع. اخلي يعملها رغيفين حواوشي اتعشي بيهم
جابر بقرف
يا معفن هتاكل لحم كلاب
رمضان
ما انت كل يوم بتجيب من عنده رغيفين ب 10 ج.
جابر
دة لحم بلدي
رمضان
وانت الصادق. لحم كلاب بلدي، ،،،،،،،،،
ومن علي ناصية الشارع اللي ساكنة في قمر ترجع قمر مع عمار وهي في منتهي السعادة ومعها شنطة الهدوم الجديدة وكمان الطقم اللي باعته وعمار بيقول
انبسطي النهاردة
قمر
انبسط اوي اوي
عمار
هروح واتصل بيكي بقي نجيب في سيرة الناس اللي كانو معانا في الخروج
قمر
بص انا بصراحة حبيت اوي خطيبة بنت عمك عسولة كدة وبنت بلد
عمار
خد بالي ما هي حتة خدت رقمك
قمر
وهتكلمني النهاردة كمان. هي سالتي لو عندي فيس بس انا قولت لها موبيلي يعني ،،،،،،،،
قطعها عمار وقال
سمعتها وهي بتسالك. علشان كدة خد حسان وروحت جيبت لك الموبيل دة
ويمد عمار. ايدة في شنطة الهدوم ويخرج موبيل سامسونج. ويدي ل قمر ويقول
هو مستعمل صحيح بس لسة في الضمان معلش بقي لغاية ما جيب لك واحد جديد. عملت لك عليه فيس ونزلت لك الواتس وانستجرام كمان. ورقمك هتلاقي مستجل اول اسم ورقمي تحت منه. وعملت لك باقة نت ومكالمات
فتبص قمر للموبيل وتبص ل عمار اوي وتقول
انت حطيت الموبيل دة امتي والشنطة طول الوقت معايا
عمار
واحنا راجعين في السكة انتي نيمتي شوية وكانو كفاية اوي اني اخبي فيهم موبيل. وشاحن كمان
قمر. وهي بتبص للموبيل اللي بقي في ايديها
كل دة علشاني انا
عمار
طول ما انا عايش مش هخليكي اقل من حد
وفي عز فرحة قمر تلاقي اختها الصغيرة علاء جاية بتجري ناحيتها وهي خايفة ومرعوبة وبتقول
ابلة قمر الحقي المصيبة اللي حصلت
اتخضت قمر وقالت
في اية يا علاء
اختها قالت
بابا رجع الشقة وهدومة كلها دم وماسك سكينة غرقانه دم و،،،،،،،،،،،،
تكملة الرواية من هناااااااا
لمتابعة باقي الروايه زورو قناتنا علي التليجرام من هناااااااااا
بدل ماتدور وتبحث علي الروايات عمل
متابعه لصفحتنا على فيس بوك هنااااااااااا
الرواية كامله من هناااااااااا
مجمع الروايات الكامله 1اضغط هناااااااا
مجمع الروايات الكاملة 2 اضغط هنااااااا
تعليقات
إرسال تعليق