رواية احببت اخت زوجتي الارملة الفصل الأول بقلم الكاتبة صباح عبدالله فتحي
رواية احببت اخت زوجتي الارملة الفصل الأول بقلم الكاتبة صباح عبدالله فتحي
في بيت أهل أمل
قاعده أمل بنت جميله متحجبه مع أمها
امل بصدمة
اللي انتي بتقوليه ده مستحيل يا ماما انتي عارفه اني بحب هشام جوزي الله يرحمه وعاوزني اتجوز جوز اختي اللي لسه مطلقه من شهر
الام بعصبيه
اختك هربت واطلقت بفضيحة وسابت عيالها ياحبت عيني زي اليوتمة وانتي قاعده زي القطر العطلان من يعض موت جوزك وانا مش عايشلكم طول العمر هتتجوزي اسلام وتربي العيال احسن ما يجيب لهم واحد غريبه تبهدلهم
أمل بزهق
يعني هم امهم هربت وماسألتش عنهم عاوزني انا اللي اتجوز ابوهم غصب عني علشان اربيهم
يدخل اسلام شاب وسيم وهو بيقول
اسلام
حضرتك طلتني يا حماتي
الام
ايوه اقعد يا اسلام في موضوع مهم عاوزاك فيه
أمل تبص لأسلام بغضب وتقوم وهي بتقول
أمل
عن اذنكم
الام بغضب
اترزي مكانك لسه ما خلصتش كلامي
اسلام باستغراب
هو في ايه يا جماعه مش فاهم حاجه
أمل بغضب
يا بجحتك يا خي يعني تعمل العمله وتعمل عبيط
اسلام باستغراب
عملت ايه وبتاع اي انا بجد مش فاهم حاجه
يبص لام امل
لو سمحتي يا امي فاهمني في ايه وماله أمل بتتكلم ليه كده؟
الام باصرار
انت عاوزك تتجوز إمل يا اسلام مش علشانك ولا علشانه علشان عيالك
أسلام بصدمة
اي اللي انت بتقوليه ده
امل بغضب
بس انا مش موافقه يا ماما ومستحيل اقبل عن اذنكم
أمل تسبهم وتمشي واسلام يبص لها باستغراب.
ـــــــــــــــــــــــــــــــــــــــــــ
في الشركة.. في مكتب إسلام
إسلام قاعد وكان بيفتكر اللي حصل، والمشهد من ذكرياته. تدخل أمل ماسكة ملف في إيديها وهي بتقول:
أمل:
أستاذ إسلام، الملف ده محتاج توقيعك.
إسلام يفضل ساكت، أمل تبص له باستغراب وتخبط على المكتب.
أمل باستغراب:
أستاذ إسلام، حضرتك سامعني؟
إسلام ينتبه ويرد:
أيوه يا مدام أمل، خير محتاجة حاجة؟
أمل تنفخ بزهق وهي بتقول:
كنت بقول الملف محتاج توقيعك.
إسلام يبص لها ويسكت شوية ثم يقول:
طيب هاتي، واتفضلي اقعدي، انتي مش غريبة.
أمل بغضب:
أظن ما فيش حاجة تربطني بيك غير موظفة ومدير، انت فاهم؟ ومتفكرش إني ممكن أبصلك يوم من الأيام، بسببك أختي هربت، ولحد دلوقتي مش عارفين عنها حاجة.
إسلام يرمي الملف على الأرض ويقوم ويقرب منها وهو بيقول بغضب:
إسلام بغضب:
ياريت تحترمي نفسك وإنتي بتتكلمي معايا، مش علشان ساكتلك وسيبك على راحتك تتكلمي وتعملي اللي على مزاجك!
يمسكها جامد من دراعها وهو بيقول:
ثم أختك هربت بسببي أنا برضو؟ ولا بسبب تربيتها الشمال؟ انتي أكتر واحدة عارفة أنا كنت بحب أختك قد إيه، لو كانت طلبت مني نجوم السما كنت حطّتهم في إيديها.
يزق أمل جامد، توقع على الأرض، أمل تتوجع.
يديها ظهره وهو بيقول بغضب:
إسلام:
بس ما تقلقيش يا مدام أمل، أنا اللي مستحيل أعيد الغلط مرتين. اتفضلي اطلعي برّه، وياريت ما تخلينيش أشوف وشّك طول ما إحنا في الشغل مع بعض.
أمل تقوم بدموع وتاخد الملف من على الأرض وتجري على برّه.إسلام يقعد على الكرسي ويحط إيديه على راسه.
إسلام بزعل:
أنا كان ذنبي إيه؟ ذنبي إني حبيتها من كل قلبي؟
ـــــــــــــــــــــــ
برّه المكتب
أمل طالعة وهي بتعيط، تلاقي بنت وولد صغيرين بيجروا عليها.
الأطفال:
خالتي أمل!
أمل تمسح دموعها بسرعة وتبص لهم باستغراب.
أمل بابتسامة:
وتين وكريم! حبايب خالتو، بتعملوا إيه هنا؟
الدادة بتاعت الأطفال:
والله يا أستاذة أمل، مش عارفة أقولك إيه، الاتنين فضلوا يعيطوا وما سكتوش غير لما جبتهم وجيت على هنا.
أمل بقلق:
ليه كده؟ حصل لهم حاجة؟
تبص للأطفال بخوف وهي بتقول:
حبايب خالتو، بتعيطوا ليه؟ حد زعلكم ولا عملكم حاجة؟
وتين بعيّاط:
أنا عاوزة ماما، هي هتيجي إمتى من السفر يا خالتو؟
كريم يعيّط:
وأنا كمان عاوز ماما.
أمل تبص لهم بزعل وتحضنهم، في نفس الوقت إسلام يطلع من مكتبه، الأطفال يجروا عليه. إسلام يشيلهم وهو بيقول:
إسلام باستغراب:
حبايب بابي بيعملوا إيه هنا؟
الأطفال بعيّاط:
إحنا عاوزين نروح لماما يا بابي.
أمل وإسلام يبصوا لبعض بحزن.
إسلام ياخدهم ويدخل المكتب وهو بيقول:
إسلام:
إيه رأيكم نروح الملاهي ونأكل آيس كريم بالشوكولاتة مع بعض؟
أمل تفضل واقفة تبص لهم بزعل وهي بتعيط.
ـــــــــــــــــــــــــــــــــــ
في أوضة النوم
قاعدة سارة أخت أمل على السرير بتعيط، لابسة روب. يدخل حازم جوزها التاني.
حازم باستغراب:
إيه يا روحي، مالك؟ حصل إيه؟ مين زعلك؟
سارة بدموع:
عيالي وحشوني أوي يا حازم، نفسي أشوفهم، بقا ليا تلات شهور دلوقتي ما شوفتهم.
حازم ينفخ بزهق:
الله بقى يا سوسو، مش كل يوم نفس الاسطوانة!
يحط إيديه على بطنها ويكمل بفرحة:
وبعدين يا حبيبتي، انتي كمان كام شهر وهتكوني ماما، ابني وابنك ثمرة حبنا، هتنور حياتنا وهتنسّي كل حاجة.
سارة:
بس دول عيالي برضو يا حازم، هانساهم إزاي؟ دول مهما كان حتة مني.
حازم بغضب:
يوووه بقى، ما انتي بتحبيهم اوى كده بتسيبيهم وتهربي معايا ليه؟
سارة بدموع:
علشان بحبك، أنا عاوزاك انت بس، برضو عاوزة عيالي في حضني.
حازم يحضنها وهو بيقول:
خلاص ياروحي لازم تفهمي أن ما فيش حد بياخد كل حاجة يا حبيبتي، وانتي خلاص ضحّيتي بيهم علشان نفضل مع بعض، وأهو هو إحنا مع بعض، عيشي وانسي بقى.
ـــــــــــــــــــــــــــــــــــ
بالليل في أوضة أمل
أمل قاعدة على السرير سرحانة.. فجأة التليفون يرن. أمل ترد من غير ما تشوف الرقم.
صوت سارة في التليفون
بالله عليكِ اوعي تقفلي التليفون يا أمل ورحمة بابا تساعدني، نفسي أشوف عيالي وحشوني أوي ومافيش غيرك يقدر يساعدني.
أمل تقوم وهي بتقول بغضب
يا بجحتِك يا أختي لسه فاكرهم بعد تلات شهور وبعدين جالك عين تتصلي بيا بعد اللي عملتي.
صوت سارة بعياط
أنا مش بكلمك علشان ندمانة ولا علشان هرجع، كل اللي أنا عاوزه أشوف عيالي وحشوني أوي، نفسي أخدهم في حضني علشان خاطري، ساعدني.
أمل بغضب
وأنا أساعدك إزاي؟ روحي اطلبي من أبوها، العيال معاه مش معايا.
صوت سارة
أنتي عارفة إن إسلام لو شافني ممكن يقتلني بعد اللي حصل.
أمل
والله يكون من حقه، مراته المحترمة سابتهوا وهربت مع صاحبه. عاوزه يعمل اي ياخدك بالحضن يعني ده ولو قتلكم يكون أقل واجب منه والله.
صوت سارة
بقي كده الله يسامحك، بس أنا ما غلطتش، كل اللي عملته إني اخترت الإنسان اللي بحبه.
أمل بغضب
وأنتِ جوزك قصر معاكي في إيه علشان تحبي وتبصي لغيره؟ ولا الأستاذ اللي معاكي اللي لعب بعقلك وخرب بيتك.
صوت سارة بعياط
أنا ما اتصلتش بيكي علشان الموضوع ده يا أمل، كل اللي أنا طالباه منك تساعديني أشوف عيالي مرة واحدة، علشان خاطري بالله عليكِ يا أمل.
أمل تسكت شوية وتفكر، عياط وكلام الأطفال في الشركة يصعبوا عليها.
أمل بقلق
طيب خلاص اهدي، عاوزة نتقابل فين؟
صوت سارة بفرحة
هقولك بس اوعي إسلام يعرف حاجة علشان خاطري.
ــــــــــــــــــــــــــ
في شقة سارة
سارة تقفل التليفون وهي بتقول بفرحة
سارة
أخير عيالي هيرجعوا لحضني يا حازم.
تبص لحازم اللي قاعد جنبها.
حازم
كله علشان خاطر عيونك يا قلبي، بس أهم حاجة ما تخليش حد يشك في حاجة. وإختك ما تجبش سيرة لأسلام
سارة بخبث
ما تخافش مش هتقول له حاجه وانا مستحيل أسمح لحد يشك في حاجة أو يحرمني من عيالي، أنا هاخدهم ونسافر لمكان بعيد عن هنا ونعيش أنا وانت وهم بعيد عن كل حاجة.
حازم بشر
بأذن الله ياحبيبتي هعملك كل اللي انتي عاوزه وانا اتفقت مع الراجل وهيعملوا كل اللي اتفقنا عليه، بس أختك تجبهم وتيجي على المكان اللي قلتلك عليه.
سارة
متأكدة إنها هتيجي أمل مهما كانت، هي غبية أوي ومشاعرة اللي بتتحكم فيها، ومتاكدة الدمعتين دول أثروا فيها وهتجبهم وتيجي، أنا متأكدة
تكملة الرواية من هناااااااا
لمتابعة باقى الرواية زورو قناتنا علي التليجرام من هناااااااااا
بدل ماتدور وتبحث علي الروايات عمل
متابعه لصفحتنا على فيس بوك هنااااااااااا
الرواية كاملة من هناااااااااا
مجمع الروايات الكامله 1اضغط هناااااااا
مجمع الروايات الكاملة 2 اضغط هناااااا
تعليقات
إرسال تعليق