سكريبت _لي مامتك تيجي تقعد معانا! أنت بتهزر صح؟! كامل بقلم مريم الجنيدى
سكريبت _لي مامتك تيجي تقعد معانا! أنت بتهزر صح؟! كامل بقلم مريم الجنيدى
_لي مامتك تيجي تقعد معانا! أنت بتهزر صح؟!
_لاةمش بهزر والدتي تعبانة و محتاجة رعاية، ارميها في الشارع ولا أي يعني؟!
_ أيوا بس هتقعد معانا ازاي!
_زي الناس يا مريم أي المشكلة هي قاعدة فوق دماغك! دا بيت أبنها يعني تيجي وقت ما تحب، وهي تعبانة و محتاجة رعاية، هتروح فين! ما اختي مسافرة في أي!
_ أيوا ماشي و مين هيراعيها!
_ أنا يا مريم إللي هراعيها، مطلبتش منك حاجة، بس ياريت يكون أسلوبك أحسن من كدا لأن دي أمي
_ أنا مش قصدي حاجة يا نوح بس مش متعودة حد يجي يقعد معانا
_ مريم الأكيد إن لو مامتك كانت تعبانة لقدر الله كنت هقولك هاتيها تقعد معانا، أو اقعدي معاها راعيها، مش هتصرف بالحدة دي
_ أنا مش بتصرف بحدة يا نوح، و طنط أكيد مرحب بيها، مش قصدي إللي فهمته
كنت خايفة لأن مامته صعبة، و بتعلق على كل حاجة، و كل حاجة مش عاجبها، أنا مش واحشة بس أنا مش برتاح ليها، بس اضطربت أسكت، و استحمل، عشان مبقاش أنا الوحشة في الآخر
_اهلًا وسهلًا يا طنط نورتي البيت
_ طبعًا نورت بيت ابني
نوح قالي عشان يلطف الجو
_عاملة أكل أي يا مريومة
_مريومة! مدلعها أنت يا نوح أوي
_ اكيد يا ماما مدلعها أومال هدلع مين!
أبتسمت و بصيت ليه بحب لأنه مسابش فرصة مامته تعكنن عليا من أولها
_طبخت الأكل إللي طنط بتحبه كله، إحنا لينا بركة إلا هي!
_تسلم إيدك يا مريومة، أكل مريم بقا يا ماما تحفة هتحبيه أوي
_ لا أنا مليش نفس أكل، أنا داخلة أنام
عدى كام يوم، كنت في ضغط رهيب من كمية التعليقات بتاعت مامته، دي مستحيل تكون تعبانة، دي جاية عشان تتعبني أنا، كل حاجة انتقاد زي
_الاكل مالح _ البيت مترب، نضفي كويس مش بعرف أقعد في التراب_ الحمام عايز يتصبن، لا اعمليه تاني، الأكل دلع محطتيش ملح! هدومي محتاجة تتغسل، لا مش بغسل في الغسالة اغسليهم على إيدك عشان ميبظوش، أي دا مش بتمسحي البيت كل يوم لي!
بتفطري بيضتين لي كتير، كفاية واحدة، نوح مش بيحب الأكل كدا، نوح بيحب الصدر، نوح بيحب المحمر في الفرن مش في الزيت
_ نوح بصراحة أنا تبعت، اعمل المواعين مش قادرة
_ أي عايزة ابني يعمل المواعين أنتِ اتجننتي!؟
بصيت لنوح وهو أتدخل بهدوء
_ اي المشكلة يا ماما، ما أنا كنت بساعدك في البيت
_ايوا لكن أنت متجوزها لي! ما تعملهم هي، هي صغيرة؟!
_متشغليش بالك يا ست الكل استريحي و سيبي شغل البيت بيني و بين مريم
_ أنت قصدك متدخلش في حياتكوا!
_مش القصد يا أمي بس..
_بس أي بقا ما مراتك أصلًا مش نضيفة، و مش بتعمل حاجة طول اليوم، و أنت لما ترجع من شغلك تعبان عايزاك تعمل المواعين! أي دلع البنات الماسخ دا؟!
_ ماما لو سمحتي بلاش الأسلوب دا، مريم ست بيت شاطرة جدًا ماشاء الله و إحنا متجوزين بقالنا سنتين عمرها ما قصرت في حاجة، وطبيعي بساعدها في البيت في شوية حاجات عادي
_عادي! ..
المرة دي مقدرتش أسكت و اتدخلت
_طنط حضرتك بتكرهيني لي! أنا ماعملتش حاجة تضايقك أو قصرت في حاجة طلبتيها مني، مع إنك طول اليوم بتعدلي عليا و على بيتي
_بيتك! دا بيت ابني
_ و بيتي بيت نوح و بيتي، أنا مش خدامة جاية هنا فترة و ماشية دا بيتي، و حضرتك ضيفة هنا ..
_ أنا ضيفة! بتقولي ضيفة يا نوح، اسمع يا أنا يا البنت دي، إزاي تسمح لها تقول عليا ضيفة!!
_با أمي اسمعيني
_مش هسمع يا أنا هي في البيت دا....
_مش هسمع يا أنا يا هي في البيت دا...
_ أي إللي حضرتك بتقوليه دا، أنتِ كدا بتقلي من وجودي في بيتي يا ماما
_ بقل منك! أنا إللي بقل منك! ولا الهانم إللي مشغلاك عندها؟!
_ يا ماما أهدي، محدش شغال عند حد، إحنا بنكمل بعض في حياتنا، دا مش عيب ولا حرام
_ بقولك أي أنا قولت إللي عندي يا أنا يا هي
كنت خايفة من إللي هيقوله، و من الموقف إللي محطوط فيه، بس واثقة أنه م هيجي على حد فينا
_مع احترامي لحضرتك يا ماما، بس دا بيت مريم
_ بيت مريم! ينهارك مش معدي، أنت بتطردني من بيتك عشانها!! هي سحرتلك!! أنت مستحيل تكون أبني
_ لي بتقولي كدا، يا ماما لي يزعلك إن إبنك بيعامل مراته كويس! دي حاجة تفرحي بيها إن بتقي الله في بنات الناس، و إنك مربياني كويس
_مهي التربية الكويسة واضحة اهي بتطرد امك من البيت و بتفضل مراتك عليها
_ لا يا ماما حضرتك فوق دماغي، بس البيت دا هنا دا بيت مريم، يعني مستحيل تخرج منه، لو حضرتك مش عايزة تقعدي هنا و عايزة ترجعي بيتك، أنا تحت أمرك و هقسم وقتي و هقعد معاكي عشان اخلي بالي منك
_ماكنتش متصوره إنك تعمل فيا كدا يا نوح إنك تتخلى عن أمك عشان خاطر دي!! سحرتلك أنا ابني مسحور له
مقدرتش أسكت أكتر من كدا على الظلم إللي بتظلمه ليا و لنوح، إللي واقف مش عارف يرضيها إزاي، وهي بتستغل حبه ليها و بتزيد من عذاب ضميره بدون داعي فقولت ليها
_ حضرتك يا طنط بتعملي كدا لي!، أنا كنت شيلاكي من على الأرض شيل، و كل طلباتك مجابة، مع إن مش من واجبي إن اخدمك أصلًا، بس أنا عملت كدا عشان خاطر نوح، و عشان حضرتك والدته، و عشان هو ميتعبش أصلًا، لكن حضرتك مصره تبوظي حياتنا بدون داعي، و بتأنبي فيه بدون داعي برضو، وهو مش عارف يرضيكي إزاي!! لي كدا لي عايزة تبوظي حياتنا
_ آه هستنى أي يعني غير التبجيح فيا، ما إبني نصفك عليا، أنا ماشية و مش عايزة أشوف وشك تاني، قال عايزة ابوظ حياتكوا، هي فين الحياة دي
_ لا يا طنط أنا مش ببجح، أنا بتكلم بكل هدوء و إحترام، بس حضرتك بجد بتستغلي حب نوح ليكي عشان تضغطي عليه، لي أصلًا تحطيه في الموقف دا، أي وصلنا لكدا، أنا معملتش حاجة تضايقك، وهو محتار يعمل أي عشانك
_ ما دا المفروض يا حبيتي أنتِ مش بتتفضلي عليا
_ لا دا مش المفروض، الأولى بالرعاية بيكِ هو نوح، بس أنا بعمل كدا بطيب خاطر عشانه، و عشان احافظ على البيت دا و مزعلوش لكن حضرتك مصره تزعليه و تطلعيه غلطان كل دا لي يعني! عشان أي!
_ عشان دا ابني أنا و أنتِ اخدتيه، و بقى بيسمع كلامك، مش شايفة بيختارك إزاي!
_ لا مخترنيش نوح بيقول إن دا بيتي، و قالك لو مضايقة من هنا هو هيخدمك و يراعيكي في بيتك، لي بقا تطلعيه غلطان و تقولي يا أنا يا هي، لي تحطيه في الإختيار دا!!
بس مع ذلك إللي حضرتك عايزاه لو مش عايزة تقعدي هنا دا يرجع ليكي، و كنتي منورانا و مرحب بيكي في بيتنا في أي وقت
بصيت لنوح بقلة حيلة وهو كان حزين، بس أنا كنت عارفة إن الوضع هيوصل لهنا، لأن الناس الكبار صعب تغير تفكيرهم بسهولة، وطلاما شايفين فكرة معينة مستحيل يشوفوا غيرها، المهم إن عملت إللي عليا لآخر دقيقة و استحملت عشانه
استقبلته وهو راجع بعد ما وصل مامته بيتها و هي أصلًا كانت رافضة يوصلها و بتقول مش عايزة تشوفه تاني غير لما يفك السحر إللي أنا عملته ليه!!!
_مريم حقيقي مش عارف أقولك أي...
_ مش محتاج تقول حاجة، أنا كنت عارفة من الأول إن دا هيحصل، بس متكلمتش و استحملت، حصل خير
_ أنا عارف إنك تعبتي مع ماما، بس كنت بحاول أوفق بينكوا و أحجم المشاعر
_بص يا نوح أنا عارفة إن دي والدتك و من حقها البر و الإحسان، أنت معملتش حاجة غلط، و على فكرة رد فعل الهادي و التقبل دا مش من فراغ، دا انعكاس لرد فعلك ليا و انصافك ليا و إنك ماجتش عليا قدام مامتك، أنا احترمتها عشان أنت احترمتني في الأول
_ أنا كنت عايز حياة مستقرة و مش عايز مشاكل
_مفيش أي مشاكل الحمدلله، يومين و أنت و مامتك هتتصالحوا لأنها هي كمان بتحبك أوي، بس بتستغل الحب دا بشكل غلط، و أنا عارفة إنك مش هتقصر في حقي ولا حقها و هتوفق بين وجودك هنا و معاها، متحملش نفسك فوق طاقتها
_ أنا آسف لو ضايقتك في حاجة أو حملتك فوق طاقتك، دا بيتك و أنا مبسوط فيه و بحياتنا، و عارف إنك بتعملي كل إللي عليكي حقك عليا
_ مش مضايقة خالص والله، كفاية إنك متفهم حاجة زي كدا، قولتلك أنا ردودي انعكاس ليك، مش معقول هتكون بتحترمني و أنا هقلل منك أو من وجودك، أنا استحملت عشان أنت محترم وجودي و معلي منه
_ ربنا يخليكي ليا يا مريم مش عارف كان ممكن يحصل أي لو ماكنتيش بالعقل دا، ربنا يحنن قلب ماما علينا و يهدي سرنا و يجعل حياتنا مستقرة دائما
ردود أفعال إللي قدامك معتمدة عليك، في ناس كتير يتواجه مشاكل مع حماتها بنفس الشكل و بشكل أسوأ، و اعتماد احجام المشاكل دي بتبقى من الراجل و حكمته في فصل الأمور و اعطاء الحق لصاحبه و عدم إتيان حق حد على حد، أو التقصير في حق الزوجة على حساب الأم أو العكس، عشان كدا الحكمة في الأمور دي قادرة تجعل نا.ر حياتك لبردًا و سلام
_ #مريم_الجنيدي 🦋
قولولي حابين نوع الاسكريبتات دي نعمل زيها، و رأيكم في الاسكريبت دا!! 🤎
تعليقات
إرسال تعليق