سكريبت كامل حصري بقلم مريم الجنيدى
سكريبت كامل حصري بقلم مريم الجنيدى
_ ما تقول لمراتك تنزل تشتغل و تساعد في مصاريف البيت، بدل ما هي قاعدة تطلب وخلاص
_ لا يا بابا أكيد مش هقولها حاجة زي دي هو أنا مش راجل
_لي يا خويا مكسوف! أنت مش شايف المصاريف بقت عاملة إزاي!!
_ إن شاء الله ربنا يفرجها علينا يا حاج متشغلش بالك
تدخلات حمايا في حياتنا كانت صعبة أوي، يعني أخد باله من حاجات غريبة، و بيدخل في حاجات أغرب
_ أي يا مريم مش تقولي إنك خارجة
_نعم! ما أنا قايلة لنوح إن خارجة يا عمو
_ أيوا ما تعرفيني أنا كمان مش ساكن معاكوا في العمارة ولا أي؟!
_ ايوا بس أنا متجوزة نوح مش حضرتك، يعني أنا بعرف جوزي مش أبوه!!
_ أنتِ إزاي تردي عليا كدا أنتِ قليلة الأدب، وليا كلام مع جوزك
_ هي مين دي إللي قليلة الأدب أنت راجل كبير مش هرد عليك أنا اللي ليا كلام مع إبنك...
روحت المشوار بتاعي و رجعت لقيت نوح قاعد عن بيت باباه إللي تحت بيتي
_تعالي يا مريم، أنتِ شتمتي بابا؟!
_ أنت كمان بتسألها بدل ما تديها جوزين اقلام على وشها
_ أنا مشتمتش حد، باباك إللي شتمني، أنت أخدها ضربني و بكى و سابقني و اشتكى؟! دا هو بيقولي قليلة الادب و المفروض أقوله قبل ما أنزل! لي كان لي حكم عليا؟
_ شايف بتتكلم إزاي! شايف قلة الأدب؟!
_ بابا لو سمحت استنى، أي إللي حصل يا مريم
_ أنت بتسألها
_ بابا أنا سمعت منك خليني أسمع منها
_ هو باباك لي حكم عليا يا نوح! هو أنا متجوزاك ولا متجوزاه عشان أقوله أنا نازلة ولا طالعة؟!
_ لا يا مريم ملوش حكم عليكي، و متجوزاني أنا ممكن توطي صوتك و تتكلمي بهدوء!
باباه أتدخل تاني بشكل مش مسموح بيه و زعق
_ أنت يلا أي الهدوء دا، دا بدل ما تطردها على بيت أهلها ولا تديها قلامين يظبطوها بتقولها وطي صوتك، رجالة آخر زمن
نوح شاور ليا إن اطلع و رد عليه
_ إللي أنت بتعمله دا يبقل مني قدام مراتي، هي مسؤولة مني أنا، مش من حقك تدخل في إللي هي بتعمله
_ أنت بتزعق لابوك بتعمل راجل عليا!!
_ لا مش بعمل راجل عليك، بس مش عايزك تقل مني و من رجولتي قدام مراتي، دي مش عيشة دي، أنا عارف ممشي بيتي إزاي
نوح طلع و كان متعصب جدًا، مش سهل أن باباه يقل منه و يتعامل بالشكل المهين دا قدامي حتى
_ أنتِ رديتي عليه لي ها هو أنا مش وافق
_ أنت هتطلعني أنا إللي غلطانة دلوقتي!
_اه يا مريم مش لازم تردي عليه، ياستي خدي بعضك و انزلي، أنا مش ناقص مشاكل أنا فيا إللي مكفيني حرام عليكي بقا
_حرام عليا أنا! هو أنا إللي بعمل مشكلة في الراحة و الجاية! أنا إللي بصطاد أي غلط و أعمل عليه حوار، أنا ساكته و مش عايزة أتكلم
_ هتتكلمي تقولي أي!
_ أقول أعمل لنفسك شخصية، أنا متجوزة راجل ولا أي!
_ مريم احترمي نفسك أنا راجل غصب عنك
_ والله دا إللي بحاول أقوله، إن متجوزة راجل، و مفيش حد يدخل في حياتي غيره، ياريت تعرف باباك كدا
فاجأة سمعنا صوت عالي على السلم، خرجنا نجري لقينا باباه واقف على السلم و قاعد يشتم فينا!؟
_ والله ما هو قاعد فيها، هيخرج من بيتي حالًا، قليل الادب بتاع مراته والله ليخرج من البيت لهو.لع فيه لو مخرجش ملوش شقق هنا... يلم هدومه و يمشي في داهية .....
تفتكروا رد نوح هيكون أي!
و تفتكروا نوح كان المفروض يتصرف إزاي!
انتظروا الجزء التاني، و قولوا رأيكوا في الأحداث 🤎
#مريم_الجنيدي 🦋
_ والله ما هو قاعد فيها، هيخرج من بيتي حالًا، قليل الادب بتاع مراته والله ليخرج من البيت لهو.لع فيه لو مخرجش ملوش شقق هنا... يلم هدومه و يمشي في داهية
_ دي شقتي عايز تخرجني من شقتي اتقي الله يا بابا
_ مش هتقعد فيها، لا أنت ولا هي
_ مش من حقك تطردني، مش من حقك تطلعي من بيتي، أنت بتعمل معايا كدا لي! أي أب بيكبر إبنه و أنت مصر تصغرني؟!
_ أنت إللي صغرت نفسك من يوم ما سمعتش كلامي، دا أنت معملتش قيمة لأبوك قدام مراتك، و تقولها أبويا ملوش حكم عليكي!
_ أيوا عشان أنت فعلًا ملكش حكم على مراتي، هو أنت مش شايفني راجل! بتاع أي تقولها انزلي ولا اطلعي هي متجوزة رجل كنبة!
_شوفوا بيعلي صوته على أبوه إزاي يا ناس، شوفوا قلة الأدب، و بعدين الأصول بتقول تستأذن مني طلاما أنت مش موجود
_ لا أنا موجود مموتش وهي معرفاني، لي تعمل مشاكل بالشكل دا و تفضحني، أنا متقي الله فيك عشان أنت أبويا، لكن دي شقتي إللي جهزتها بتعبي أنت حتى مساعدتنيش، و مش من حقك تخرجني منها
_ و هو أنا المفروض أساعدك ولا هي! هي إللي المفروض تشتغل و تساعد
_ دي حاجة تخصنا إحنا! أنا مطلبتش منك تساعدني متدخلش في حياتي، حرام عليك اتقي الله
أخيرًا الناس عرفت تفرق الخناقة وهو طلع، كان شكله مخنوق جدًا لدرجة الدموع باينه في عينه، هو مش مخنوق بس هو مقهور!
و حقه مين يستحمل إن باباه يعمل فيه كدا مش قدام مراته و بس قدام العالم كلها و الجيران!
_لمي هدومك يا مريم
_اي لي!
_ هنروح نقعد في أي مكان يومين كدا
_ طب لي يا نوح كدا هنزنق نفسنا في المصاريف، أهدى بس والله هتتحل أهدى
_ مش مصدق أنه بيعمل معايا كدا، دا بيعاملني كأني عدوه! لي طيب لي! لي يصغرني و يقل مني بالشكل دا
_ راجل كبير يا نوح بقا خلاص أهدى متزعلش
_ انتِ إللي بتهديني بعد إللي عمله!
_ يعني هقولك أي يعني قوم اضر.به! مهما عمل دا أبوك برضو وراجل كبير ربنا يهديه، أهدى ممكن! كل حاجة هتتحل
_ طب خلينا نروح أي مكان يومين لحد ما الدنيا تهدى مش عايز مشاكل و فضا.يح اكتر من كدا
_ كدا هتعمل مشاكل أكتر و هيفكر سايب الشقة!! خلينا بس شوية و بعدين نبقى نروح في الحته إللي أنت عايزها
_مش طايق والله يا مريم معلش، خلينا حتى ننزل دلوقتي أنا مخنوق أوي
_ والله عارفة بس هيقول...
_ يقول إللي يقوله يا مريم هو أي لسه متقالش! أب واقف وسط الناس يقول على ابنه مش راجل هسستنى يقول أي تاني! يلا يا مريم يلا...
عارفة إن ممكن أكون غريبة و إن المفروض أعمل مشكلة كبيرة و أخد وقفه، بس أنا بالفعل حاولت أعمل كدا، و مفيش فايدة في، فما في اليد حيلة غير إن أهدى نوح، لأن هو الشخص المضرور و المقهور أكتر مني، عشان كدا أنا إللي لازم احتويه و مزودش همه
_حاسس أحسن!
_ بحاول أنسى إللي قاله
_ بإذن الله هتتصالحوا، هو أكيد مش قصده باباك بيحبك، هو بس ممكن يكون متعصب، أنا ممكن مثلا اروح عند أهلي يومين ..
_مش هتروحي في أي مكان، دا بيتك و إحترام وجودك فيه واجب، و احترامي و إحترام إن أنا جوزك و إحترام خصوصية علاقتنا واجب على أي حد
_ أنا عايزة المشاكل تهدى
_ هتهدى هنقعد في الفندق دا يومين و بعدين نبقى نرجع
و بالفعل رجعنا بعد يومين و لقيت والده مستنية و معاه قرايبة و عاملين قاعدة بيشتكي ليهم إبنه القاسي
_ ينفع تسيب ابوك كدا يا نوح و تمشي!
_ كويس إنكوا موجودين يا عمي عشان كله يشهد على اللي حصل و إللي هيحصل ....
كنت قاعدة ساكته و سامعه نوح بيحكي كل حاجة حصلت
_ لا لا ميرضناش إللي حصل دا، إبنك راجل و مسؤول يا حاج، مينفعش إللي حصل دا
_ بص يا عمي أنا مش عايز غير يحترمني و ميتعداش على مراتي و كأني مش موجود أو متجوزة راجل، يحترم خصوصية بيتي و و يحترم مراتي، أنا متقي الله فيه، و مش عايز اقطع لقدر الله، لأن الضغط إللي معيشيني فيه هيخليني اتجنبه، كرامة مراتي من كرامتي، و احترامها من احترامي
_ برضو مراتك!
_ أيوا يا بابا لأن كل المشاكل إللي حصلت دي أنت عاملها عشان مراتي، البنت المحترمة إللي اخدينها من بيت محترم و حضرتك بتقلل منها، و أنا مش متجوزها و أخدها من بيتها عشان أهينها، أهلها وثقوا فيا و عطوهالي عشان اصونها، و احميها و أكرمها، و حضرتك بتعمل عكس دا، و عايزين أنا كمان أعمله!!
_خلاص يابني عهد عليا مش هتدخل في حياتك أنت حر، أنا كنت بنصحك تعمل شخصية
_ أنا عارف أنا بعمل أي كويس، و دي خصوصيات بيتي
_ خلاص أنت حر أعمل إللي عايزه مليش دعوة بيك تاني، إن شاء الله تو.لع في حياتك أنت وهي
يأس من أن يوصل لفكرة معينة، لكن نوح كان بيتقي ربنا و بيعامله بما يرضي الله، و في نفس الوقت حط حدود عشان يحافظ بيها على حياتنا و خصوصينا و يمنع والده يدخل في حياتنا، مع إن عارفة إن اكيد المشاكل مش بتخلص، و هيتدخل تاني لأن دا طبعه
لكن طلاما نوح بيحفظ حقوقي و كرامتي بكل ما يقدر و ياخد واقفه
شايفة إن مينفعش أتدخل أو أقول حاجة، لأنه هو مش ساكت، فمش هزود ضغطة كمان من نحيتي
ساعة تشد و ساعة ترخي... المهم إن ماكونش الشخص إللي يقع عليه الغلط!!
ولا أي!!!
شايفين إللي نوح عمله صح، وهل رد فعل مريم دا كان عادي ولا المفروض تاخد موقف!!
و في النهاية أنا بعض مشكلة حقيقية و ردود الأفعال من وجهة نظري🤎
قول رأيك في الإسكريبت و هل حابين النوع دا ؟!
#مريم_الجنيدي🦋
تعليقات
إرسال تعليق