سكريبت ياسمين كامل وحصري بقلم آيه موسي جميع الفصول كامله
سكريبت ياسمين كامل وحصري بقلم آيه موسي جميع الفصول كامله
كنت بغسل في المواعين الكتيرة الي ملت الحوضين وكمان على الرخامة وانا بدعي على نفسي الموت .... اه ماهو انتم مش عارفين حكايتي انا ياسمين .. البنت الي ابوها اتجوز امها غصب عن اهله ..كل ده علشان اهلها وضعهم المادي مش كويس .. بابا حب ماما جدا ..بس ماتوا الاتنين ..اه ماتوا ..جاهم كورنا وماتوا .. اهل ابويا خدوني مش كحفيدتهم ..كخدامة ..اه خدامة ..انا كنت وقتها عندي 15 سنة ..جدتي عملتني خدامة عندها وعند احفادها الي انا مش منهم طبعا .. بكره الحياة وبكرهم وبكره نفسي ... خلاص انا مش حخليكم تعيطوا .. شفوا نهاية يومي بتكون ازاي
خلصت الحمد الله غسل الاطباق .. وفقرة الدعاء على نفسي ..وكنت حموت جوع .. وخرجت لقيتهم بيشربوا الشاي .. او خلصوا شرب شاي
- تعالي يا بنت دلال خدي كاسات الشاي
- انا اسمي ياسمين ..ومش حشيليهم و حروح انام
- شايف يا محمد بنت اخوك بتعمل ايه
- معلش ياماما .. ياسمين طول النهار شغالة ..مش حتكون حكاية لو تالا شالتهم وغسلتهم
- انت بتقول ايه يا محمد ..تالا مش حتشيل حاجة ..دراعها بتوجعها
كان ده صوت مرات عمي
- شوفوا مين حيشيلهم ويغسلهم .. انا عاوزة انام
لقيت قلم على وشي ..من عمي فادي
- انتي واحدة ما تربيتيش ..ستك تقول ليكي شيلي تشيلي وانتي ساكتة ..مش تردي بلا واه
لقيت نفسي بعيط وبقول
- حشيلهم وحغسلهم ..بس والله انا مش مسامحة ولا واحد فيكم على الي بتعملوه فيا ده ..بكرهكم كلكم
-بنت قليلة رباية
شلتهم وغسلتهم بدموعي وخرجت لقيت عمامي مروحين وجدتي قاعدة لوحدها منورة الابجورة الي جمبها والبيت كلو ضلمة وبتقرا .. استغليت الفرصة وقررت ارعبها شوية
قربت منها وقولت ليها
- تفتكري ابنك حيسامحك على الي بتعمليه فيها
لقيتها تسمرت وبصت ليا بنظرة مليان كره و غل
-تفتكري انا حسامح ابني على انه اتجوز واحدة انا مش عاوزها
- ده ماات ..ماات ..يعني خلاص انتهى الموضوع ..عموما ولو مش عاوزة تسامحيه ..مش مهم ..لانه معملش حاجة غلط ..ولا حرام ..انما انتي بتعملي كل حاجة غلط ..وحراام ..انتي قاعدة بتظلمي انسانة
- خشي نامي علشان بكرة تميم جاي .. يعني بكرة في طبيخ وغسيل وتنظيف ..يلا
قلت وانا ماشية لاوضتي
-يا حظ تميم ..ما شفش وشكم التاني
تميم ده ابن عمي ..ابوه وامه ماتوا برضوا .. بس اهل امه اغنياء جدا ..اكتر من اهل ابويا بكتير .. اخدوه وربوه واهو ماسك شركة من شركتهم ..وانا ماسكة مطبخ ..نمت طبعا بعد ما عيطت على ماما وبابا وقعدت قلبت بالبوم الصور بس المرة دي اول مرة انتبه لولد الي كان واقف جمبي ماسك ايدي .. انا اصلا ولا مرة بصيت لنفسي بالصور ..بقى انا .. ياسمين ..صاحبة العيون الزمردية المخلوطة بلون السما .. ام شعر رصاصي يهبل .. اكون كدا ... وابقى كدا !!!
عيوني وارمة من كتر العياط .. وفي هالات سوداء من قلة االنوم ..ولا شعري .. منكوش
نمت ... واخيرا
فوقت.. وبصيت لتاريخ... بعد اسبوعين حيرجع جدو ..يعني نص العذاب هيهون ..ليه ..علشان جدو بيجي كل 6 اشهر اسبوعين .. بيعمل ابحاث برا وحاجات .. ولما يجي جدو انا بتهنى شوية ..بس هو يطلع من هنا وانا يووه ... انا فاكرة مرة وانا عندي 17 سنة قررت اقول لجدو على الي بيعملوا فيا .. اتخانق مع تيتا خناقة لرب السماء .. تيتا تسكت لا .. هو سافر وهي جات وهي والحيزبونة زينب مسكتني زينب وهي سخنت ظهر معلقة وكويتني بيها في كتفي .. خلاص يا جماعة مش عايزة تقليب مواجع ......
وطبعا جاتني توصية مشددة من تيتا ... اني ما اطلعش
دخلت ست لبنى لاوضة ودي بنت عمي التانية .. بنت جيهان .. حربوقة بس هبلة ..عقربة بس غبية .. ازاي مش عارفة .. بتكرهني وتيجي تفضفض معايا ..حد شاف كدا
- اه اه اه لو شفتي يا ياسمين تميم ..قمر
- بجد
- اه والله عينيه العسلية تهبللل ..احلى من عنيكي ..وشعره كدا بني فاتح ونازل على جبينه شوية ..وناعم اووي .. وعنده عضلات .. ياااه
- اجيب ليكي علبة الاكسجين
- ايه
-ولاحاجة .. كملي
- بس انا متدايقة
قلتها بقلة صبر وبترقب
- ليه يا حبيبتي
- اصل تالا من اول القعدة وهي بتحاول تلفت انتباه تميم ..تضحك بصوت عالي ..تقوم .. تنادي .. أي حاجة .. وتفضل متانحة فيه
- اه زيك كدا
- بالزبط
لقيتها قفلت بوقها بايدها .. ضحكت عليها ..هبلة
لقينا مين فات علينا زي الاعصار ومتعصب ... طبعا تالا
- تميم عايز يشوفك يا ياسمين
- انا
- هو في كام زفتة اسمها ياسمين بالبيت
- طب اخرجي برا يلا
رحت على دولابي وفتحته وطبعا في لبس لبنى وتالا القديم .. جدو بيجيب ليا لبس ..بس كانوا تالا ولبنى يقسموه على بعض .. لبست ..واخدت شاور ونشفت شعري ..خليت زيد يجيب ليا السيشوار وطلعت قمر
- ايه الجمال ده ياعم ..اومال الشاويش عطية الي في البيت ليه ما بيلبسش كدا
- اسكت ده انا مبهورة بنفسي يا زيد .. عمرك شفتيني كدا من يوم ماماتت ماما وبابا
- لا .. بس مش لبنى وتالا حيعملوا زي خوات سندريلا ويمزعوا لبسك وشعرك
- بس يشوفوني حيعملوا كدا .. يلا عاوزة اخرج
خرجت وكل العيون اتصدرت نحيتي ولقيت تميم الي بقالي 5 سنين مش شايفه ..ابتسم ليا ..سلمت عليه وقعدت
- عاملة ايه يا ياسمين
بصيت ليهم وكانت عيونهم كلها تهديد بس ابتسمت باستفزاز ليهم
- كويسة
- قومي يا ياسمين شوفي الغداء
- حاضر ..عن اذنك
قمت .. للمطبخ
عند الجدة
مها ( عمة ياسمين ) : هو انتي يما خايفة من تميم ؟؟
الجدة : انااا !!!.. لا طبعا
بخبث
- اومال ليه خايفة تميم يعرف بالي بتعملوه بياسمين
- انا مش خايفة .. بعدين هو مين علشان اخاف منو
- طب ليه بتعاملي ياسمين كويس .. اوعي تفكري تقعدها معنا على السفرة
- لا طبعا ..هي امها كانت خدامة .. وهي خدامة
- الله يرحمك يا مراد يا اخويا ..كنت معلييها علينا كلنا .. يجي يشوف بنته ازاي
- خلاص اسكتي
نرجع لياسمين
خلصت الغداء وحطيته على السفرة ونديتهم وانا طبعا في المطبخ زي الخدمين .. عملت الانهاردة بطاطس باللحمة ..بحبها اووي ..وطبعا ليا نص صحن بياكله اصغر عيل فيهم
لقيت فجاء زيد دخل ومعاه طبق فيه الاكل
- جاي تاكل معايا ؟؟
- لا ده ليكي
- قولتلك الف مرة طبقك ليك .. انا بشبع من ده
- اه بالامارة ...وزنك 40كليو في سن العشرين
- اقفل على الموضوع
- علشان اقفل خدي كلي ده
- وانتَ؟؟
- اكلت ..ده قلت لماما تحط ليا على اساس اني مشبعتش وكدا وقلتلهم حاكلوا بالجنينة
- ليه بتساعدني ؟؟
- علشان انا مش موافق على الي بيحصل .. ومش حكون شريك فيه .. ابويا ظلمك كتير يا ياسمين وبيظلم وانا مش قادر اوقف .. فمش حساعد
ضحكت عليه مش عرفة ليه ..زيد الطفل الي كنت انا بذاكر ليه ..دلوقتي بقا يقول حساعد ومش حساعد ..كبر فجاء بدون ما الواحد يحس
- عارف يا زيد ..مع انك اصغر واحد في البيت ده ... بس اكتر واحد بيفهم .. وعنده انسانية
- يعني حتاكلي ؟؟
-حاكل حاضر ..بس سيبني اكمل كلام
- لا انتي كلي وانا حتكلم .. انتي لما جيتي هنا كنت انا عمري 10 سنين ببص ازاي بيعملوكي و يضربوكي ويشتموا بامك وانتي بس تعيطي ..كنت بحزن عليكي بشكل .... فاكرة لما كنت اسيبك تنامي بدل ما تذاكري ليا علشان تيتا كانت تنايمك متاخر وتفوقي من صباحية ربنا ... وكنت اقول لماما انا مفهمتش ولا كلمة من ياسمين
- اه وكنت تجيب ليا الشتيمة والبهدلة .. خلاص اسكت الله يبارك لك بلاش تقليب مواجع
سكت زيد وكلت ياسمين وهما مش عارفين ان في حد سمعهم لما دخل يغسل ايده ....
................................
على العشاء
تالا :ده انا جعمل بيتزا ... ولا في الخيال
ياسمين بسخرية : انا شامة ريحة حريقة
جريت تالا على الفرن وفتحته وشهقت وهي بتطلع البيتزا المحروقة
لبنى : دي ولا في الخيال فعلا
ضحكت بصوت عالي علشان بس اغيظ تالا لكن هي الي فرستني
تالا : يلا نصيبك يا ياسمين .. بيتزا محروقة
سكت .. حرد اقول ايه ..ما انا عارفة انها نصيبي كدا كدا
قعدت اكل البيتزا المحروقة وانا بعيط .. كرامتي المتمرمطة هنا وهناك مش هاينة عليا
- ياسمين انتي بتعيطي !!
رفعت راسي بسرعة لقيته تميم مسحت دموعي بسرعة
- لا انا بس عيني بتحرقني
- طب ليه ما بتاكليش معنا
- معلش مفيش وسع بالتربيزة
- ازاي ده قاعد معنا عيال صغيرة
- انا بنت البطة السوداء ارتحت
لقيته قعد على كرسي قدامي وانتبه لبيتزا
- ايه ده !!!
- بيتزا مخصوصة ليا
- ازاي ..دي محروقة
- ما انا عارفة ... تاكل ؟؟
- لا شكرا
- براحتك
سكت شوية وقالي
- ياسمين هو انتي مرتاحة هنا
سكتت ومعرفتش ارد ايه
دخلت تالا وكانت كيوت اووي
- ايه ده تميم انت هنا ..تعال اقعد معنا برا ... ياسمين
واشارت ليا بعينها علشان يعني افهم اني اقوم الم الاطباق واغسلها
- عن اذنك
قمت وانا مش عاوزة فضايح اكتر من كدا
في اليوم التاني تميم طلع من الصبح وطبعا دي اشاراة لتيتا انها تعمل فيا العجب
لقيت باليل زيد جاي على المطبخ وانا بغسل الاطباق
- هاتي عنك
- ملوش لازمة صدقيني
- طب هاتي بس واطلعي على السطوح
- ليه
- حاجة كدا .. اطلعي بس وبطلي غلاسة
- ماشي .. امسك
فعلا طلعت وكانت الدنيا منورة واول ما حطيت رجلي على السطوح لقيت تميم واقف وفي ايده كيكة وشمع
- كل سنة وانتي طيبة
عيطت .. عيطت من المفاجاء .. بقالي 5 سنين ما احتفلتش بيه .. ومش عياط العادي .. لا عياط جامد وهو واقف مستغرب
- اهدي في ايه
- انا بقالي 6 سنين ما احتفلتش بعيد ميلادي .. وافتكرت اخر مرة اخر مرة اتعملي عيد ميلاد .. لما بابا وماما كان عايش
- الله يرحمهم .. مش حابة تدوقي الكيكة
- طبعا حابة ادوقها
اكلت منها وكانت لذيذة جدا
- ياسمين ..ده ليكي
- ايه ده ؟؟
- افتحيه وحتشوفي
فتحت العلبة بإيدين بتترعش
لقيت ورقة صفراء قديمة مطوية بعناية،
خط بابا المائل اللي حافظاه من كراسات المدرسة.
بدأت اقرأ بصوت مبحوح:
"ياسمين… لو وصلتِ لعمر الواحد والعشرين، اعرفي إنك قوية، وإنك بنتي اللي عمري ما شفتها ضعيفة.
خليكي فاكرة إنك مش أقل من أي حد، وإنك تستاهلي حياة مليانة حب وكرامة.
أنا وماما دايمًا معاكي، حتى لو مش موجودين.
دموعها نزلت بغزارة، وتميم مد إيده يمسحها
- انت جبتها منين
- قبل ما عمي يموت .. رحت ازوره بالمستشفى واعطاني كوم ورق ..وقالي ابدا اديكي اياهم من وانتي عمرك 21 ..واهو .. اول رسالة
ضحكت ... انا كل سنة حلاقي رسالة من بابا
- ياسمين انا لمرة التانية حسالك ..هل انتي مرتاحة في حياتك ؟؟.. صدقيني انا حقدر اساعدك .. انا حساافر بعد شهر .. استقر في فرنسا .. يعني مش راجع تاني
سكتت .. كلامه كان واضح اوي .. انه دي المرة الاخيرة ..يا اكون صادقة .. يا اكدب وافضل مكاني.. اصل ايه حيضمن ان تميم يساعدني وده مسافر بعد شهر .. يعني حيعملوا فيا الي هما عاوزينه
"1"
يتبع
- ياسمين انا لمرة التانية حسالك ..هل انتي مرتاحة في حياتك ؟؟.. صدقيني انا حقدر اساعدك .. انا حساافر بعد شهر .. استقر في فرنسا .. يعني مش راجع تاني
سكتت .. كلامه كان واضح اوي .. انه دي المرة الاخيرة ..يا اكون صادقة .. يا اكدب وافضل مكاني.. اصل ايه حيضمن ان تميم يساعدني وده مسافر بعد شهر .. يعني حيعملوا فيا الي هما عاوزينه.... بس اتكلمت اتكلمت على كل حاجة .. ظلم تيتا .. وضرب عمي فادي .. والظلم الي هما معيشيني فيه .. كان هو ساكت .. بيبص ليا بس .. كنت مفكرة انه بيحاول يصدقني .. بس هو شاف كل حاجة بعينه .. كنت بعيط .. زي العادة
خلصت وبصيت ليه
- انا مصدقك ..وحساعدك
كلمتين الي قالهم ريحوني .. بس في توتر .. هل حيقدرلهم ..ولا حيزيد العذاب عليا بعد ما يسمعوا الي حصل
- عن اذنك ..حنزل انا
- اتفضلي
نزلت ولقيت زيد مخلص غسيل الاطباق ومحدش حاسس اصلا بغيابي
روحت انام ..تعبانة والي عاوز حاجة يعملها لوحده
صحيت تاني يوم لقيت تالا في وشي
- قومي يا زفته .. في فطار مش حيتحضر لوحده
قمت وانا ببصلها بكره .. نفسي امسكها واقطعها
رحت جهزت الفطار وانا برص الاطباق ... لقينا تميم صحي
- صباح الخير
- صباح النور يا حبيب تيتا ... تعال اقعد
خلصت رص وقعدوا ياكلوا
- تعالي يا ياسمين اقعدي
- لا ياسمين ... بتحب تاكل لوحدها .. روحي يا ياسمين كلي
رحت .. هو ده الي عاوز يساعدني .. يقعدني على السفرة معاهم !!!
مر اليوم بدون أي تفاصيل تذكر
مر يوم .. يومين .. تلاتة ..مفيش حاجة !!
اليوم الرابع كنت بكنس الصالة ولسا مفيش حد صاحي ... لقيت تميم خارج ومعاه شنطة
- ياسمين
- نعم ... ايه ده !!.. حتمشي
- اه لاسف .. طلعلي شغل مهم ..جهزي شنطتك
- ليه
- حتيجي معايا
- ايه ! لا طبعا مش رايحة على حتة ..حفضل هنا
- ليه ؟؟
- في مفاجاء مخبيلهم ايها .. اعملها بعدين افكر
- طب استني ..خدي دول
- مش عاوزة فلوس .. اصلاا ماعيش موبيل .. ولا بنزل الشارع ..خليهم معك
وقف تميم حيران ..مش عارف يعمل ايه
- انا بجد عاوز اساعدك ... بس مش عارف ازاي
- مش محتاجة مساعدة .. هو انت ممكن تيجي يوم ما يجي جدو
- ليه
- علشان المفاجاء
- حتقوليلوا ؟؟
- قلت قبل كدا .. قلت وحصل بيا الي محصلش بحد .. حعمل حاجة محدش يتوقعها ...ممكن تيجي
- حاضر.. سلام يا ياسمين
مشى وانا قعدت انظف .. زي كل يوم
بعد اسبوع جه جدو
قعدنا وطبعا كنت على السفرة و كاني الحفيدة المدللة
تميمجه واول ما شافني اعطاني كيس وقالي ادخل قبل ما حد يشوفوا
دخلت و لقيته شيبس وشوكلاتات وعصاير ومعهم رسالة
"دي مش هدية ... دي خطة انقاذ سريعة ضد النكد .. ما تخلي حد يشوفهم "
ضحكت على رسالته وخبيتهم وطلعت
كنا بناكل فواكه وقررت اقطع صفو لحظتهم
- جدو
- ايوه يا حبيبة جدو
- انا بقيت عمري 21 سنة .. يعني بالقنون انا بقدر اخد ورثي .. وشرعاً انا ليا نص الورث ..وانت النص التاني ..وانا عاوزة اخده .. علشان حسافر معك .. بعد اسبوعين
بصيت على وشوشهم كلهم ..تميم كان مبسوط انه حقدر اخد حقي .. جدو مبسوط اني حكون معاه ..واالباقي بيبص بصدمة او كره ..غيظ حجات كتير
- تمام .. بكرا حننزل نخلص كل الاجراءت ونعمل باسبور علشان تسافري نعايا
- لا يا ياسمين .. انا مقدرش على فراقك يا حبيبة تيتا
- معلش يا تيتا .. لازم ياسمين تشوف الحياة .. وانا حسافر على فرنسا
- بجد مبروك
قالتها تالا
- مش ناوي تتجوز يا تميم يا حبيبي .. نفسي افرح فيك يا حبيبي
فهمت اللعبة دلوقتي .. بتلمح تيتا على تالا
- بس القي الي بحبها .. وقتها حتجوز
- ولقيتها ؟؟
- يمكن
جواب تمبم كان واضح .. قال بس يلاقي الي بيحبها علشان تيتا ما تتقترحش عليه بنات ..وقال يمكن علشان ما تقولوش الحب خرافة واخطب بنت عمك احسن
نزلنا تاني يوم .. عملنا كل حاجة وكان معنا تميم .. وعملت حساب بنك .. واشتريت موبيل ..كنت مبسوطة فيه جاامد
بعد خمس ايام
كنت قاعدة على السرير بقلب بالموبيل لقيت لبنى داخلة عليا زي الاعصار وهي بتعيط ..قمت مفزوعة وانا ببصلها
- في ايه .. مالك يا لبنى
- جدو .. جدو وقع واغمى عليه ومش عارفين ماله
- طب اتصلتوا على الاسعاف ؟؟
- اه.. اه
- طب اهدي .. انشاء الله خير
رحت اشوفه .. فايق بس تعبان ..جه الاسعاف واخدوه
**
كنت واقفة بالمستشفى وبلف حوالين نفسي وانا خايفة عليه .. والكل بيلومني بكل بجاحة ..طب انا عملت ايه .. لقيت تميم جاي .. رحت اجري عليه وانا بعيط
- ياسمين .. فين جدو
- جدو ..جوا ...تعبان اووي .. انا خايفة عليه
- اهدي انشاء الله خير
- الكل بيلومني .. كاني انا السبب
- ما تهتميش ..كلها كم يوم وتسافري وترتاحي ..اهدي بس يا حبيبتي
طلع الدكتور وانا اول واحدة اجري عليه
- خير يا دكتور
- الحج محتاج رعاية صحية شوية ...واضح انه بيتعب وده غلط .. لذلك حيقعد معنا شوية
- كله من واكي يا بوز الاخص
-عمتو هو ياسمين ايه دخلهاا بتعب جدو
- ماهي الي خلته تخرج .. علشان يعملها الزفت الميراث
- يا سلام قبل خمس ايام خرجت ..دلوقتي اافتكر يتعب
سكتت عمتي وقعدت بس ادعي لجدو
بعد 3 ايام جاني اسوء خبر بحياتي ..موت جدو
"2"
يتبع
بعد 3 ايام جاني اسوء خبر بحياتي ..موت جدو
الخبر نزل عليا زي الصاعقة
بقيت بلا سند
ولا ظهر
دلوقتي تيتا حتعمل العجب فيا هي واعمامي
انا انتهيت
فكرتوا اني عيطت وكدا ..لا
انا كنت ساكتة ..مكنتش معاهم .. كانت الناس بتعزي وتسلم عليا وانا ولا هنا ..كنت بفكر بحالي ..كنت بصدمة موته لجدو ..اكتر حد حبيته بعد بابا وماما
تميم ما سابنيش ... كان طول الوقت جمبي .. يتكلم معايا وانا مش مركزة معاه...كان يقعدني جمبه على السفرة ويحطلي الاكل .. بس ما كنتش اكل ..مكنتش اتكلم .. كنت جسد بلا روح
بعد 3 ايام من العزاء لقيت تالا ماسكة ايدي .. بصيت ليها
- تعالي معايا .. بقالك فترة ما اكالتيش ..عملت بامية علشانك
مشيت معااها من دون ما اتكلم
- على فين يا تالا
- حاخدك ياسمين على البيت ..عملت بامية وعاوزة تاكل منها ..بقالها فترة ما بتاكلش
قالتها بتوتر
- ياسمين مش خارجة من هنا غير رجلي على رجلها ..ده لو معندكيش مانع
- طبعا ما عنديش مانع .. بس البيت عندنا مليانة ستات .. فمينفعش تيجي
- خلاص هاتي الاكل وتعالي هنا
- تميم مفيش بشقة غيرك وغير ياسمين .. الجيران حتكلموا
رفعلها حاجبه
- ماشي .. بس نص ساعة وتيجي ..مفهوم
- مفهوم
اخدتني ونزلت جري على السلم .. وصلنا بيتهم الي ما كنش بعيد عن بيت جدو ..دخلت لقيت العائلة كلها موجودة .. اعمامي وعمتي وجدتي ..ومافيش حد غريب الا ابن اخت طنط زينب ..مرات عمي .. والماذون .. ما كنتش فاهمة حاجة ..لقيت تالا قعدتني على كرسي قريب من الماذون ..كان عمو جمبهوعلى الجهة التانية ابن اختها .. الصايع الضايع .. سمعته وحشة اووي
لقيت الماذون بدا يعمل اجراءت بس اول ما قراء اسمي قام
- العقد ده باطل
- ليه يا شيخنا
- ياسمين متجوزة يا فادي
- متجوزة !!!!!... ومين متجوزة
- ثواني
كنت مركزة معاهم .. بدات افهم .. عاوزين يجوزوني لحيوان ده .. بس ثواني هو انا اتجوزت امتى ؟!
وريهم الشيخ صورة ..خلت عمي فادي يسحب منه الموبيل ويجي ناحيتي ..مسك شعري وصرخ في وشي وهو بيورني الصورة
- اه يا *** متجوزة باالسر
بصيت لصورة .. كانت قسيمة عليها صورتي انا ....وتميم
عيطت واتكلمت
- والله العظيم مش عارفة
كانت ايده على شعري بتزيد وكاانه عاوز يشيله من جذوره وكنت عاوزة بس يسيبه بعده الشيخ عني وانابعيط وكل بيشتم وبيغلط فيا ..كان زيد جمبي بيبص وهو مش عارف يعمل ايه
الشيخ روح وعمي مسكني من شعري من جديد وجرني على الغرفة
- حتفضلي هنا لحد ما الحيوان يطلقك
ورماني بقوة
كنت بعيط ..من عذاب لعذاب ..هو انا مش حرتاح يا ربي
كنت ببص على الشارع ولفيت وشي على شباك غرفة زيد .. لقيته واقف عليه وبيبصلي وانا فرحت ..ممكن حد يساعدني
قمت وقلبت الاوضة على قلم و وراقة ..ولقيت
كتبته
" اتصل بتميم .. ينقذني "
مسكت الورقة ووقفت على الشباك ..شافها زيد ودخل جوا
كنت مترددة ..هل زيد ممكن يسااعدني زي دايما .. ولا يخاف ويبعد وخلاص يسيبني لمصيري
كنت بمشي بالغرفة يمين وشمال وانا بعقلي الف مصيبة ومصيبة
سمعت صوت زعيق ..صوت عمي فادي ..جدتي ..وتميم
بدات ادق على الباب بقوة علشان يعرف اني هنا وعمي اصلا ما كنش قافل الباب !!
ضامن بنت اخوه هبلة ومش حتفكر تفتحه
فتحته وخرجت برا اول ما شفته جريت عليه .. اتخبيت وراءه وانا ماسكة قميصه
لقيته فلت ايديا من قميصه ومسك ايدي وخرج
ركبت العربية وبدات اعيط
- اهدي يا ياسمين وقولي ايه الي حصل
- دخلت ..لقيت كله متجمع ..ومعاهم ماذون ..وعاوزين يجوزوني لعمار ... ابن اخت زينب.. و فجاء الماذون قال اني متجوزة ..ووراني صورة لقسيمة ليا ....وليك ..بعدها عمو ضربني وحبسني في الاوضة وجيت انت
فلاش باك
دخل تميم على جده وهو مستغرب من اتصاله االغريب وطلبه العاجل له
- خير يا جدو
- تميم .. انا محتاجة خدمة
- انا عنيا ليك
- ياسمين ..ياسمين
- مالها ياسمين يا جدو
- اتجوزها
- ايه !!
قام تميم بصدمة
- صدقني ده الحل علشان ياسمين تخرج من العذاب الي هي فيه .. انا حاسس ايامي قليلة في الدنيا دي ..وبعد موتي محدش حيقدر يحميها غيرك يا تميم .. روح جيب ماذون العيلة وتعال
بصله تميم بصدمة ..بس راح فعلا جاب الشيخ ... لان جده معاه حق .. وفعلا تم كتب كتاب باسمين وتميم
- اتمنى تكون ارتحت دلوقتي يا جدي
- ارتحت جدا ..كان في حجرة كانت خانقاني واتشالت
بعدها سكت شوية واتكلم
- ياسمين بنت طيبة ولطيفة ....اوعك تكسرها او تزعلها في يوم يا تميم ..كفاية الي حصل لها
-عنيا يا جدو... اقول لياسمين ؟؟
- لا .. سيب الموضوع حيجي لوحده
باك
سمعت كلام تميم وانا ببصله بهدوء ... جدو كان حاسس ..كان عارف انه لو سابني عياله مش حيسبوني في حالي ..سالته السؤال الي كنت بفكر فيه من اول ما دخلت بيت عمي
- ليه عاوزين يوجوزني ابن اختها
- علشان الورث
- الورث !!
- ايوه بما انك اخدتي ورثك من ابوكي وهما عاوزين ياخدو منك .. فقالوا نجوزها وناخد ورثها ونرتاح منها
-تميم ممكن نروح
- انتي مفكرة انك ممكن ترجعي لبيت ده تاني ..لا طبعا .. احنا حنروح ناخد اغراضنا ونروح بيت جدي
هزيت راسي وفضلت باصة على الشباك وانا كنت بتمنى لو من الاول جاتني كورنا مع اهلي وارتحت
وصلنا بيتهم ...نزلنا.. كان قصرمش بيت ..وعرفت من تميم انه عايشين فيه كل خلاته وخلانه
دخلت واول واحدة شفتها جدته .. قد تيتا .. بس كان في عينيها حنية غريبة ..وابتسامتها دافية
سلمت عليا وبعدها شفت خالته ليلى وبناتها
وخالته عليا وبناتها
واخرهم خالته فريدة .. الي كانت اصغر من تميم بسنتين
كانت فرفوشة ولطيفة وضحكتها حلوة وتدخل القلب بسرعة
بعد يوم طويل وشاق ومليان باحداث نمت وانا مرتاحة وحاسة بامان بالبيت ده
صحيت من دون صوت زعيق تالا .. من غير صوت عمي فادي
قمت ..صليت وفضلت قاعدة باوضة .. اصلي مش حنزل تحت
لقيت الباب بيخبط فتحت ..كان تميم
- ياسمين .. تنزلي تفطري ؟
- مليش نفس
- بلا مليش بلا ملكيش .. قدامي
المفروض كان اضحك .. بس مقدرتش اضحك .. فعلا مشيت قدامه نزلت لقيتهم كلهم متجمعين .. قعدت جمب تميم وفريدة .. كانت كل شوية الاقي ايد فريدة بتطعمني ..لسا اكلها .. الاقي تميم .. مكانوش سايبني اكل لوحدي !
- براحة عليها يا فريدة انتي وتميم
- معلش يا خالتو ..ياسمين بقالها فترة مابتكلش
- ليه ملهاش ايدين تاكل لوحدها
الي قالت كدا بنت كانت قاعدة قصادي بصيت ليها كانت متنرفزة مش عارفة ليه
- عادي يا تيا .. فريدة وتميم حابين يطعموها ..عندك مانع ؟
- لا يا تيتا
- انا شبعت ..عن اذنكم
قمت وطلعت فوق
قعدت على الشباك.. ببص على الشباك .. جنينتهم حلوة .. مليانه ورود .. كنت بفكر في تيا .. هي ليه كانت متعصبة .. ليه كانت عينها بتقول انها مش طيقاني ..مش مهم ..تولع
صليت وقعدت على الموبايل وفجاء لقيت الباب بيخبط جامد بصيت لساعة .. لقيتها 12.. ايه ده هو الوقت مر بسرعة .. بسرعة جامد
فتحت الباب لقيتها فريدة
- تميم عندك
- لا انا ما شفتوش من الفطار
- اومال فين
- هو في ايه
نزلت تحت لقيت البيت مقلوب .. جدته بتعيط و خالته ليلى بتطبطب عليها ..وتيا ماسكة الموبيل وبتلف حولين نفسها
- في ايه يا تيتا
- تميم ..تميم جاله مكالمة وطلع من وقت الفطار ولدوقتي ما رجعش ..وموبيله مقفول
قعدت وانا بحاول ارن عليه .. اصله راح فين ؟!
لقيت فجاء رسالة جاتلي مكتوب فيها
" حبيب القلب عندنا ... لوعاوزه ما يتشوهش .. ارجعي البيت .. يا بنت دلال "
يتبع
"3"
" حبيب القلب عندنا ... لوعاوزه ما يتشوهش .. ارجعي البيت .. يا بنت دلال "
بصيت لرسالة وارتعبت .. تميم عندهم .. حعمل ايه .. اقولهم ..ولا اروح
لقيت فريدة جاية نحيتي
- ها رد ؟
- فريدة ... انا عاوزة اقولك على حاجة .. لوحدنا
- مالك مرعوبة كدا ليه ... تعالي
طلعنا انا وهي لفوق ووريتها الرسالة وكانت مرعوبة بس مش قدي .. لاني انا عارفة اعمامي
- حنبلغ البوليس
- لا
-ليه!!!
- بصي هما مش حيعترفوا وحيقولوا عادي زيارة عائلية ...وهما اكيد مش حاطينه بالبيت
- ليه بقا
- علشان انا حروح على البيت ووقتها يقدر تميم يخرجني معاه .. فاهمة ؟؟
- لا
- مش لازم تفهمي المهم تعرفي انه مش حيكون بالبيت
- اومال فين
- مش عارفة .. بس انا خايفة
- ما تخافيش احنا كلنا جمبك ومحدش حيقدر ياذيكي .. بصي انا حنام الليلة هنا والصباح رباح
- لو ما لقيناش حل لصبح حروح
- نامي بس وانشاء الله خير
فريدة نامت وانا جمبها .. قلبي مقبوض بشكل فظيع ..طول عمري عارفة ان عليتنا سيئة .. بس مش لدرجادي !!
قعدت افكر في المكان الي حيكون فيه تميم .. اصلهم بخلاء ومش حيتاجروا مكان
قعدت اخمن واحزر في ظل الاملاك الكتيرة بسمفيش حاجة مناسبة
شقة بابا !!... هي شقة بابا
قمت بسرعة ادور واقلب الاوضة .. وفريدة صحيت عليا
- مالك يا ياسمين
- انا عرفت هما مخمبين تميم فين
- بجد فين
- في شقة بابا
- انتي هبلة يا ياسمين .. ارجعي نامي يا حبيبتي
- صدقيني هو ده
- وليه بقا
-هي في الجيزة .. بعيدة .. وبقالنا سنين مش فتحينها او مفكرين فيها .. ده كانوا منعيني من زيارتها !
- بتدوري على ايه طيب
- على المفتاح .. اهوو
طلعت المفتاح بحماس
- بصي بكرا نطلع انا وانتي لوحدنا ونروح هناك
- وفرضنا مش هيا
- اروح ازور بيتنا عادي يعني
- وفرضنا في حراس
- لا ما تقلقيش العمارة مليانة واكيد حيشكوا لو في حراس برا
- طب وجوا ؟؟
- ربنا يستر بقا
- انا خايفة
- انا اكتر .. محتاجين مساعدة
-فارس ابن عليا .. هو صاحب تميم اووي واكيد حيساعدنا
- طب اتصلي بيه
- دلوقتي ؟
- لا بكرا !!
كلمته فريدة وانا بجد متوترة اووي من بكرا
جه تاني يوم لبسنا انا وفريدة
- انا خايفة
- انا اكتر
كنا بنخوف بعض بزيادة
طلعنا تهريب من باب الخدامين وفارس بيستنى وراه بعربيته
ركبنا وكنت بوصف الطريق وانا بجد حموت من الخوف
وصلنا وطلبنا من فارس يستنى تحت ولو بعد نص ساعة ما نزلناش يبلغ البوليس
طلعنا وكنا خايفين وبنمشى شوية شوية
الطابق الرابع .. بيت ماما وبابا
كان في واحد على الباب
- حنمشيه ازاي ده
-سيبيه عليا
مشت فريدة من قدامه ورمت السلام وطلعت طابق وبعدها عملت نفسها وقعت وصرخت صوت .. تقريبا سمع العمارة كلها
طبعا الكل طلع واولهم هو وانا استغليت الفرصة ودخلت جوا
دخلت .. بيتنا مليان غبار بس الاثاث ضايل شيك بصيت لقيت تميم متربط ونايم على الكنبة
- تميم..تميم
- ها ..ياسمين
كنت بفك فيه ومش مهتمة لاي حاجة تانية
- قوم معايا خلينا ننزل بسرعة.. ركز يا تميم
- انتي مين !!!
هنا كانت الصعقة لفيت بصيت لقيته الحارس بس لقيت الصوت تاني
-امك يا روح امك
كان فارس الي طلع وخبطه روسية وقعد يضرب فيه جامد وفريدة نزلت من فوق وقاعدة تشجع
- تميم مفيش حد بالبيت
- لا
- طبعا ما كمية الاحبال الي ربطينك فيها مش طبيعية
- يلا يا جماعة ننزل
كنت واقفة ببص لمكان .. بمسك الطاولة مع انها مغبرة بس فيها ذكريات .. هنا اكلنا .. هنا عملنا انا وماما سلايم .. هنا لعبنا انا وبابا شطرنج.. كنت ببص لكل حاجة بالبيت ونفسي ما اطلعش منه .. كنت بدمع ومش حاسة بالحواليا .. انا بجد وحشوني ماما وبابا
- يلا يا ياسمين
- شوية
- ياسمين
- خلوني هنا
لقيت ايد تميم بتسحبني بقوة وانا متبتة .. كنت حاسة بالخطر بس نفسي افضل . قبل ما اطلع لمحت التحفة البلورين ابتاعت ماما ..وجمبها كان ورقة انا فكرها كويس ..كانت اخر ورقة ماما كتبتلي فيها انها بتحبني ..كانت بتسيبهم على الباب علشان اخدها وانا رايحة المدرسة ..سحبتهم وجريت معاهم
نزلنا وركبنا العربية بسرعة واتحركنا
- حاسة بايه
- حاسة اني نفسي اعيط يا تميم .. انا زهقت والله ..تحس ان الهم والحزن ركبني ركبني.. انا وحشوني ماما وبابا جدا ..انا تعبت من الحياة دي
- انا معاكي وحنمر بكل ده ..ولو عاوزة تعيطي عيطي يا ياسمين
- لا .. انا زهقت من كتر ما عيطت .. انا كنت خايفة ااووي .. دي عيلة مش طبيعية خالص
- معلش .. المهم اننا خلاص طلعنا من العمارة واهو احنا كويسين
كان بيطبطب عليا بحنية وانا ماسكة دموعي بالعافية
وصلنا وتميم ما قالش لحد على الي حصل
في الليل لقيت الباب بيدق فتحت ..كان تميم واقف ومعاه كرتين
- مين حيسافر بكرا تركيا
- بتهزر .. بكرا!!
- ايوه بكرا .. انا مش حستنى اكتر من كدا
- تمام ..تميم
- ها
- انت تقدر عادي تطلقني وصدقني انا حعرف احمي نفسي
- اذا انا معرفتش احمي نفسي .. بس يا هبلة ..بس .. يلا جهزي نفسك .. بكرا الساعة 7 باليل موعد الطيارة ..احزري مين حتيجي معانا
- مين ؟؟
- انااااا
لقيت فريدة بتظهر من جمب ..ضحكت بفرحة ولقينا كمان فارس جه
- ايه ناسيين ان انا كمان جاي
- بس انا عندي شرط علشان اسافر
- ايه
- قفل باب شقة بابا وماما يتغير
- تمام
ابتسمت ..واضح اني حبدا حياة جديدة ..مع ناس جديدة
بعد 5 سنين
انا ياسمين .. البنت الي لقت شريك حياتها بالصدفة وحبته وحباها .. هو اه قعدنا فترة على ما حبيته ..بس هو اعترافلي انه حابني من اول ما شافني .. اصل انا اتحب بسرعة يا جدعان .. اتعلمت اللغة ودرست ادارة اعمال وبقيت اشتغل في الشركة مع تميم وفارس ..وجبنا ولد وبنت .. مراد على اسم بابا ... وسارة على اسم مامت تميم .. وفريدة اتجوزت صاحب تميم وعايشة معنا في تركيا .. وفارس اتجوز برضو
الانهاردة كان عيد ميلادي 26 كنت متحمسة خلصت شغل وروحت وطبعا كنت متوقعة ان كل العيلة موجودة وفعلا لقيتهم كلهم قعدنا واكلنا كيكة وسارة وليلى بنت فريدة مالو وشهم كريمة وكنت بجد بضحك ..من كل قلبي
بعد ما روحوا وناموا العيال لقيت تميم جاي ومعاه كرت كل سنة والهدية
فتحت الهدية وكانت عقد الماس جميل اووي
وبعدها فتحت الكرت وكان مكتوب
" كل سنة وانتي طيبة يا حبيبة بابي .. الانهاردة عيد ميلادك ال26 .. اتمنى تكوني لقيتي جوز يحبك ويصونك ..وعيلة حلو شبهك يا ياسو .. كان نفسي اكون انا وماما معاكي .. ادعيلي بالرحمة "
كنت بقول الرسالة زي كل مرة .. بصوت مبحوح وعيون مليانة دموع
لقيته بيمسح دموعي ..وبيطبطب عليا زي دايما
لفيت وشي عليه
- بحبك
- مش قدي
تمت
تعليقات
إرسال تعليق