رواية وتبقي لي الفصل الثانى والثلاثون والثالث والثلاثون بقلم فاطيما
رواية وتبقي لي الفصل الثانى والثلاثون والثالث والثلاثون بقلم فاطيما
وتبقي لي .. ( الحلقة الثانية والثالثة والثلاثون )
وصل عبدالله الفيلا وهو فى منتهى السعاده وعمال يدندن اغنية مغرم لاقى الفيلا كلها هدوء طلع يدخل على اوضته بسرعه بس سمع صوت الموسيقى جاى من اوضة المرسم فقال يعدى على دودى يصلحها علشان كانت زعلانه منه امبارح وماشافهاش بعد الحفله ..
خبط وفتح الباب وقال ..
عبدالله : مساء الجمال على الحلو الزعلان ممكن ادخل
دودى : لا مفيش مساء الخير وزعلانه منك يلا روح
عبدالله دخل وخدها فى حضنه : ايه ده دا الموضوع بجد بقى لا يا روح قلبي وانا مقدرش ازعلك عمرى
دودى : الا انت كنت فين من الضهر
عبدالله : هكون فين يعنى وتعالى هنا انتى بتسالى ليه
دودى : ابدا اصل حسيت انى زودتها معاك روحتلك المجموعه اصالحك لقيتك مشيت
عبدالله : حبيبتى يا دودى انا اصلى روحت مشوار كده
دودى : غريبه دى رنا كمان مكنتش موجوده وغايبه سوكا بتقول مرهقه وانت كنت باليل بحال ودلوقتى بحال على العموم ماشي
عبدالله : انتى عايزه تقولى ايه يا سوسه انتى
دودى : ولا حاجه المهم انك كويس وشكلك لاقيت حد تستريحله وتحكى معاه غيرى عادى يعنى انا مبسوطه قدام انت مبسوط
عبدالله : بقى هو كده طيب
انا كنت جاى احكيلك على ايه اللى مغير مودى بس قدام مش فاضيه تسمعى اروح انا انام بقي تصبحى على خير
دودى جريت وقفت قدامه : بودى والله لو خرجت بزعله بجد انا كنت بهزر معاك
عبدالله : ايوا كده اتعدلى هههههههه
دودى: احكي لى بقي ايه الاخبار علشان انا هتجنن من امبارح
وحكى لها عبدالله كل اللى حصل وفرحت قووى دودى وقالت
دودى : ياااه يا بودى بس تصدق استغربتك دا انا لو حد بيحكى لى انك عملت كده كنت قولت لا يمكن شكلك واقع يا بوب
عبدالله : واقع بس انا سلمت خلاص بجد حاسس انى النهارده واحد تانى بدلتنى من اول ما عرفت انها بتبادلنى نفس المشاعر حاسس انى مش قادر اصبر نفسي انها تفضل بعيده عنى لغاية ما اعرف الكل واطلبها رسمى
دودى : سيدى يا سيدى
عبدالله : ادعيلى بس اقدر اقنع الكل بالموضوع من غير اى مشاكل
دودى : اه ربنا يستر انا مش خايفه من بابا فى الموضوع دا المرعوبه منها ماما بس ربنا معاك انت مقرر تفتح الموضوع امتى
عبدالله : ان شاء الله بعد الافتتاح عالطول مش هقدر اصبر اكتر من كده اما على ردود الفعل لبابا اوماما فانا هحاول لو لقيت معارضه ومشاكل يبقي انا عملت اللى عليه بس انا متفائل خير انى اقدر اقنعهم والموضوع يتم برضاهم
هروح انام بقي لحسن عندى شغل كتيرر بكره هاتى بقي بوسه وحضن علشان اعرف انك صالحتينى
دودى راحت حضنته وباسته وقالتله : بركاتك يا رنوش تصبح على خيرر يا حبيب قلبي ههههههههه
عبدالله : وانتى من اهل الخيرر يا قمر
دخل عبدالله اوضته واول حاجه عملها شغل فيروز عشقه على اغنية انا لحبيبي وحبيبي الى وابتدا يدندن معاها وهو بيغير هدومه ومسك الموبيل وكلمها ...
رنا كانت ماسكه الموبيل وقاعده سرحانه فى اللى حصل بينهم اول ما شافت رقمه رديت عالطول وهى فى منتهى السعاده
رنا : اتأخرت عليه ساعتين 32 دقيقه بالظبط ايه بقى كل ده فى الطريق
عبدالله : يا نهار ابيض ساعتين و32 دقيقه
رنا : شوفت بقى اعمل انا فيك ايه دلوقتى
عبدالله : انا مستعد يا قلبي تعملى فيه اللى انتى عايزاه الا انك تزعلى منى دا انا كنت اموت
رنا : بعد الشر عليك ما تقولش الكلمه دى تانى انا اصلا مقدرش ازعل منك ابدا بس انا قلقت عليك وكنت حابه تتطمنى اول ما توصل حتى لو برساله
عبدالله : عندك حق يا روح قلبي اخر مره تحصل وعد
رنا : طيب قولى بقى ايه اللى اخرك كل ده
عبدالله : انا روحت من بدرى يا قلبي بس دودى السبب هى اللى اخرتنى كنت بصالحها علشان كانت زعلانه منى
رنا : يا نهار ابيض حد يزعل دودى العسل دى
عبدالله : هى كانت زعلانه على زعلك يوم الحفله تعرفى ان اول مره تزعل منى كده
رنا : زعلانه على زعلى هى تعرف اننا
عبدالله : دودى عارفه كل حاجه من بدرى وكانت بتساعدنى علشان اقرب منك اكتر وبتحبك جداا وكانت تقصد لما جت المكتب وعزمة الكل على عيد ميلادها انها تعزمك بنفسها وزعلة لما حست بيكى مشيتى زعلانه ومكنتش بتكلمنى لغاية ما جيت صالحتها وفهمتها انى صالحتك وبحبك ومقدرش استغنى عنك ابداا
رنا : بجد يا حبيبي
عبدالله : ايه انتى قولتى ايه ؟
بركاتك يا دودى
رنا : هههههه هو انت لسه عنك شك انك حبيبي
عبدالله : اكيد لا بس احب اسمعها منك دايما بصوتك ورقتك وحنانك غيرر
رنا : ربنا يخليك ليه وما يحرمنيش منك ابدااا
عبدالله : ولا منك يا روحى انا
رنا : طيب ممكن بقي تقوم تنام حالا بكره يوم طويل شغل ولازم تصحى فايق الصبح
عبدالله : ايه ده ايه ده الكروته دى لا انا لسه ما شبعتش منك وبعدين هو انا اصلا هيجيلى نوم النهارده
رنا : لا انت عايز وجودى فى حياتك يبقي مؤثر سلبى لا يمكن يحصل ابداا مش انت قولت انى كل حاجه فى حياتك
عبدالله : انتى كل حياتى
رنا : يبقى الحبيبه كده وقتها انتهى الصديقه لازم تتدخل وتقول انك تنام فورا علشان تصحى بكل نشاط انا عرفتك وانت طبيب ممتاز وانجح رجل اعمال ومعايا يهمنى انك تكون على نفس المستوى واكتر كمان انا حبيبى لازم يكون احسن واحد فى الدنيا دى كلها
عبدالله : هو فيه كده
رنا : هههههه كده اللى هو ايه ؟
عبدالله : زيك فى الدنيا دى انا هشكر ربنا واحمد فضله ليل نهار انه هدانى بأجمل هديه فى الدنيا انتى يا رنوشتى
رنا : يا حياتى دا انا اللى لو لفيت الدنيا كلها عمرى ما هلاقى حد زيك انت دعوة امى اللى من القلب ليه
عبدالله : طيب ممكن اطلب منك طلب وهقوم انام عالطول والله
رنا : عيونى ليك
عبدالله : تسلملى عيونك نفسي اصحى على صوتك الصبح
رنا : بس كده دا هيبقي احلى صباح .. قولى انت بتصحى امتى كل يوم
عبدالله : هصحى وقت ما بتصحى وهنام وقت ما بتنامى
رنا : يبقى خلى الموبيل قريب منك واقولك تصبح على خيرر واحلام سعيده يا حياة قلبي انا
عبدالله : وانت من اهل الخيرر يا رنوشتى
رنا : لا اله الا الله
عبدالله : محمدا رسول الله
وقاموا ناموا ابطالنا وهما فى منتهى السعاده وفى صباح اليوم التالى اول ما فتحت عنيها على صوت اذان الفجر قامت اتوضت وصلت شكرت ربنا على وجوده فى حياتها ودعت ان ربنا يخليه ليها ويبارك علاقتهم واستودعته اغلى امنيه من ربها تتمنى انها تتحقق وتسعدها بمشئته ومسكت الموبيل وكلمته اول اتصال كان فى سابع نومه رد من تانى اتصال وصوته كله نوم
عبدالله : رنوشتى
رنا : صباح الخير والهنا على عيون حبيبي انا
عبدالله : لا انا كده فوقت خلاص هو فيه كدا هو دا اجمل صباح فى الدنيا ايوا بقي
رنا : هههههه طيب يلا ورينى النشاط والحيويه اشوفك فى المجموعه خلى بالك على نفسك
عبدالله : حياتى يا رنوشتى حالا دا انتى متعرفيش وحشتينى اد
رنا : وانت كمان يلا اسيبك انا بقي
عبدالله : استنى بس انتى بتيجى لوحدك ولا معاكى سوكينه
رنا : لا مع سوكا
عبدالله : اعملى حسابك دا وضع مؤقت انا يوم ما هاجى اكلم ماما مفيش خروج الا معايا وبس لغاية ما تبقي جنبي وفـ بيتى
رنا : هههههههه ان شاء الله
عبدالله : خلى بالك على نفسك لغاية ما اشوفك
لا اله الا الله
رنا : محمد رسول الله
قفلت وجهزت ونزلت بسرعه وراحت لسوكا ..
رنا : صباح الفل يا سوكتى
سوكا : صباح الحب يا رنوش
قل اعوذ برب الفلق وشك باين عليه الفرحه يا موكوسه كل دا من كلمة بحبك اومال لما يتجوزك يا بوت هتعملى ايه ههههههههه
رنا : انا فعلا فرحانه قوووى يا سوكا طايره من الفرحه
سوكا : لا يا حبيبة قلبي دارى على شمعتك تقيد يا بوت
رنا : لما بكون فرحانه يا سوكتى مش بعرف ادارى المهم قوليلي بقي ايه اللى عندك انا كلى اذان صاغيه يلا واحنا فى طريقنا كده
سوكا : لا اللى عندى عادى جداا مشاعر لسه من طرف واحد لحد انتى تعرفيه
رنا : اوعى يكون اللى فبالى
سوكا : مين اللى فبالك دا
رنا : مسيو زيكو استاذنا المبجلووو ههههههه
سوكا : بتتريقى يا رنا طووويب يا رنا
رنا : يبقي هو والله كنت حاسه بس على فكره انا حاسه برضه باهتمام منه دا بقي بيتعامل معانا غير خالص واخرهم حركة التوصيله يوم الحفله
سوكا : دا بقي بيضحك كمان و....
وحكتلها على اليوم اللى كانت غايبه فيه وكلامه معاها
رنا : دا فيه تطورات كمان خيرر قووى
سوكا : بس مش عارفه يا رنوش حاسه ان فيه حاجه بتقولى انه مش معايا خالص هو فعلا اتغير بس ممكن يكون بحكم قربى منه والشغل يعنى غير كده عمره ما بيحكى اى حاجه شخصيه عنه حاسه ان فى حياته سر كبير
رنا : ممكن يكون طبيعة شخصيته كده كتوم وبعدين هو هيلاقى زيك فين دا لو لف الدنيا مفيش غير سوكا واحده وبس احن سوكا فى الدنيا بصى قدام فيه تطورات يبقي خيرر
سوكا : تصدقينى يا رنا لو قولتلك انى مش بتمنى اكتر من انى اشوفه سعيد ومبسوط وبس حتى لو مع غيرى بس يكفينى احس انه بيضحك من قلبه
رنا : ياعينى على الحب اللى يشوفك بتهزرى وتضحكى طول الوقت ما يشوفش عيونك وملامحك وانتى بتحكى عنه يااه يا سوكا والله زكى دا راجل محظوظ انه يلاقي حد يحبه كده
سوكا : طيب يلا بينا بقي وصلنا هتعدى تجيبى ورد
رنا : طبعا وانتى كمان تعالى معايا
ودخلوا المكتب وحطوا الورد فى مكاتب عبدالله وزكى ودخل عبدالله عليهم وماسك البوكيه بتاعها
عبدالله : صباح الخير يا سوكينه
سوكا بخباثه : صباح الورد يا دكتور
عبدالله : صباح الخير يا رنا
رنا : صباح النور يا دكتور
عبدالله باستهبال وهو بيقرب منها وبيغمز لها : هو البوكيه دا يخصك
رنا وهى مبتسمه خدته بسرعه : اه بتاعى شكرا
واشتغلوا نظرات وسوكا واقفه عماله تبص على اللى بيحصل وقالت فى نفسها لا مابدهاش بقى لازم تدخل وراحت عطست عطسه خلته بعد شويه وقالت : البرد وعمايله بيبهدل الواحد يا دكتور
عبدالله : لا الف سلامه عليكى يا سوكينه
هو زكى وصل ولا لسه
زكى دخل على السؤال ..
زكى : انا جيت اهو يا بوص صباح الخيرر
عبدالله : صباح النور يا ابو الزيك
زكى : صباح الخير يا سوكينه
سوكا : صباح النور يا مستر
زكى : صباح الخير يا رنا والف سلامه عليكى عامله ايه النهارده
رنا : لا الحمد لله كويسه جداا شكرا على سؤالك يا مستر زكى سوكينه بلغتنى
زكى : دا الواجب دا انتى ما تتصوريش المكتب كان نقصه حاجه بغيابك عنه
رنا : ربنا يخليك كلك زوق يا مستر
عبدالله اللى معجبوش الكلام ورفع حاجب وقال : ايه يا زكى مش نخلص السلامات بقي عايزك ضرورى اتفضل معايا
زكى : اه طبعا اتفضل يا بوص
ودخلوا المكتب وسوكا راحت لرنا ..
سوكا : ممكن افهم بقي ايه النظرات الشاروخنيه دى يا ست كاجول ما تتلمى يا بوت شويه وتبطلى خفه
رنا : ايه بس يا سوكا دا كان بيدينى البوكيه بس
سوكا : بيديكى البوكيه برضو يا بت دا انا حسيت فجأه انها جنينة الاسماك وبقيت واقفه زى الجرسونات شويه وهجبلوكم شجره واتنين لمون
رنا : هههههههههه
سوكا : بتضحكى يا رنا طوووويب يا رنا
وخلص زكى مع عبدالله وخرج من المكتب لاقاهم واقفين مع بعض ..
زكى مبتسم : ربنا يديم بينكم الصداقه والاخوة يا انسات ودايما المكتب منور بيكوا
رنا : اللهم امين يا مستر ربنا يخليك
سوكا : اللهم امين والله انت اللى منور
راحت رنا خبطتها راحت قالت : منوارنا يعنى
زكى : ممكن اطلب طلب منكم وياريت ما تكسفونيش
سوكا : يا سلام انت تأمر
زكى : انا كنت عايز اعزمكم على حفله صغيرة عملها اختى الوحيده فى كافيه (...) بمناسبة عيد ميلادى واتمنى تشاركونى اليوم وانا لو بعزمكم دا علشان انتوا عارفين قد ايه بحترمكم واتمنى تعتبرونى صديق وتلبوا دعوتى اكيد اليوم بيكم هيبقي غير
سوكا : كل سنه وانت بالف خيرر يا مستر اكيد يسعدنى لو رنا وافقت
زكى : وانتى بالف خير يا سوكا تسلمى
رنا : كل سنه وانت طيب يا مستر دا شرف لينا ان شاء الله نيجى
زكى : وانتى طيبه وبخير يا رنا متشكر قووى لو تحبوا استناكوا فى مكان واوديكم
سوكا : لا انا عارفه المكان متقلقش
زكى : خلاص اوكى انا فى انتظاركم
وخرج زكى ورنا بتقول لسوكا : ايه ده انا مش مصدقه دا اتغير قووى دا مستر زكى
سوكا : عيد ميلاده النهارده بالله عليكى لازم نروح يا رنا
رنا : ان شاء الله نبقي بعد الشغل نجيب هديه ونروح
التليفون رن ردت رنا ...
عبدالله : على فكره انا زعلان منك قاعده ومش معبرانى خالص
رنا : انا جايه حالا يا دكتور
وقفلت وطلعت السندوتشات وجريت على طول على المكتب
اول ما دخلت لاقته باصص فى الورق وما بصلهاش خالص
رنا : احم احم نحن هنا
عبدالله باصلها ورجع بص فى الورق
رنا : ايه ده حبيب قلبي زعلان بجد ولا ايه
عبدالله : اه بقي زعلان
رنا : يا نهار ابيض وانا مقدرش على زعلك ابداا طيب انا عملت ايه بس
عبدالله : شايفه زكى خرج من بدرى ولا عبرتينى كنت فاكر انك هتدخلى بسرعه يعنى بفتكر واحشتك زى ما واحشتينى
رنا قربت منه : والله وحشتنى جداا بس مستر زكى كان بيعزمنا على عيد ميلاده فهسيبه بيكلمنى وامشي
عبدالله قام من المكتب وقال : نعم .. ودا امتى وفين ان شاء الله
رنا : النهارده فى كوفى ( .. )
عبدالله : وهو زكى من امتى بيعمل عيد ميلاد
رنا : هو بيقول هو واخته على الضيق يعنى وبما اننا زمله فعزمنا انا وسوكا
عبدالله وبان عليه العصبيه والغيظ : وانت ايه رايك ؟
رنا : اكيد كنت داخله اخد رايك
عبدالله : بجد يا رنا
رنا : طبعا بجد هو مش اى حاجه تخصنى تخصك انت كمان
عبدالله : رنا انا بحبك قووى بحبك وبغير عليكى من اى حد انا عارف زكى شخص محترم جداا وانا بعزه جدا بس عمره ما كان اجتماعى كده من ساعة ما جه الشركه هنا وما عجبنيش كلامه معاكى الصبح فيه حنيه زايده كنت نفسي اجيبه من قفاه وبعدين يعزمك على عيد ميلاده
وبعدين سكت شويه وحس انه زودها قرب منها ومسك ايديها ...
عبدالله : رنا انا اسف زودتها انا بثق فيكى وعمرى ما هتحكم فيكى انتى حره لو عايزه تروحى روحى وخلى بالك من نفسك
رنا وهى مبتسمه : وانا عارفه انك بتثق فيه وعمرك ما تقصد تتحكم فيه وهعتذر ومش هروح عارف ليه ؟
علشان اى حاجه عايزه قلبي عملها وانا راضيه جداا المهم قلبي يبقي مبسوط
عبدالله ابتسم قووى ورفع ايديها اللى كان ماسكها وباسها من كف ايديها رنا سحبت ايديها بسرعه و اتوترت جداا ووشها جاب ميت لون وهو ضحك وعلشان يعدى الموقف ..
عبدالله : هاا هتفطرينى ايه بقي انا ميت من الجوع سندوتشات كفته
رنا : لا النهارده اليوم مخصوص عملتلك بيتزا من صتع ايديا وحياة عنيا ههههه
عبدالله : تسلم ايديكى وعنيكى
رنا : اتفضل وقولى ايه رايك
عبدالله : لا انت هتقعدى تاكلى معايا
رنا : لا مش هينفع مدام هاله طالبه منى شغل ولازم اخلصه النهارده وانت لازم تاكل بسرعه علشان فى اجتماع بعد ساعه مع شركة الحفلات
عبدالله : اه دا انا نسيتهم خالص
رنا : انا بره لو عايز حاجه كلمنى
عبدالله : تسلم ايدك يا روح قلبي اكيد عايزك دايما جنبي
رنا ضحكت وخرجت لاقت سوكا وقفه سرحانه ..
رنا : احنا هنبتدى سرحان من دلوقتى ولا ايه
سوكا : اصلى بفكر اجيب له ايه هديه
رنا : طيب يلا نشوف شغلنا وبعد الشغل نروح نتفرج ونشوف
وعدى اليوم وجه ميعاد الانصراف ..
وراحوا رنا وسوكا واشتروا هدية عيد ميلاد زكى واتحججت رنا انها حاسه بتعب وصداع ومش هتقدر تروح معاها بس هتبعت معاها احمد اللى طلبت منه يروح وهو وافق وراحوا عيد الميلاد
زكى اول ما شافهم راح سلم عليهم واضايق ان رنا ماجتش بس لما عرف انها تعبانه عذرها وكمل الحفله وعرف اخته زينب عليهم اللى حبت سوكا جداا وفضلت تتكلم معاها كتير وفى وسط الحفله والكل مبسوط وفرحان وقدمولوا الهدايا واصروا يفتحها فتح كل الهدايا وجه عند هدية سوكا واول ما فتحها شكله اتغير 180 درجه حست سوكا ان زكى فيه حاجه مضيقاه لانه سابهم وراح بعيد شويه راحت له
سوكا : ايه يا مستر زكى فى حاجه ؟
زكى ضحك : لا ابدا يا سوكينه
سوكا : اومال سيبتنا ومشيت ليه
زكى : يعنى كنت بفكر شويه
سوكا : تضايق لو سألتك ايه اللى غير ملامح وشك فجأه وخلاك اضيقت وقومت
زكى : حكايه قديمه بس ملازمانى انا كنت بحب بنت جداا حب افلاطونى كنا مع بعض من اول سنه فى الجامعه طول فترة الجامعه عاملين نخطط ونبنى لحياتنا سوا كل حاجه يا سوكينه اختارنا حتى اسماء اولادنا كنت بقوم الصبح على صوتها وانام على صوتها وفجأه راحت منى فى ثانية راجت قدام عنيه
سوكا وهى متأثره جداا : ماتت
زكى : خبطتها عربيه كانت فرحانه اننا لقينا اخيرا شقه مناسبه وكنا رايح افرجها عليها ولسه نازلين وبتعدى الشارع حصل اللى حصل الدنيا كلها اسودت فى وشي حسيت انى انتهيت حسيت انى ميت فعلا دخلت فى مود صعب جداا مخرجنيش منه الا توسل اختى زينب انها محتجانى وتفكيرى انى لو مت هسيبها لمين هى ملهاش حد فى الدنيا غيرى وقررت اهرب من كل حاجه بالشغل حطيت كل همى فى الشغل وبس هربت من الحزن اللى محوطنى بأنى اشتغل اشتغل
سوكا : وايه حصل فكرك بالحكايه
زكى : هديتك يا سوكينه دا كان البرفيوم المفضل بالنسبه لى بس غيرته زى ما غيرت حاجات كتيررر علشان انسي
سوكا : اخص عليه يعنى انا السبب فى حزنك دا يوم عيد ميلادك
زكى : متقوليش كده يا سوكينه انتى ما تعرفيش انا بقيت بعزك اد ايه انتى ورنا كنت نفسي هى كمان تيجى واعرفها على زينب
سوكا : بس انت برضو ادينى البرفيوم واغيره باى نوع تانى
زكى : بالعكس ليه دا انا حبيت اللفته دى منك ويمكن جه الوقت اللى اتعامل فيه عادى واحب كل حاجه كنت بحبها وما اهربش من حاجه
سوكا : يعنى افهم من كده انك هتستخدمه
زكى : اكيد دا انا بحبه قووى
سوكا : اذا كان كده ماشي
زكى : سوكينه انتى جدعه قووى والله حاسس انى اعرفك من زمان فتحتلك قلبي بسرعه معرفش ازاى
سوكا : ربنا يخليكى بس القلوب الطيبه عند بعضها وانا كمان مش مستغربه نفسي وانا بسمعلك لانى حاسه كأنى كنت متعوده اسمعلك
زكى : تصدقى انا كنت محتاج حد يسمعلى ومبسوط انى اتكلمت معاكى
سوكا : وانا مبسوطه انك اديتنى الشرف دا ووثقت فيه وحكتلى من قلبك
زكى : احنا بقينا اصدقاء خلاص مش كده
سوكا : اكيد
وخلصت الحفله واصر زكى يروح سوكا وبعدين احمد وطلب من احمد يسلم على رنا وروح مع اخته زينب البيت
زينب : بجد سوكا دى زى العسل بنت لذيذه جداا وجميله الصراحه عجبتنى قووى
زكى : فعلا .. كنت نفسي رنا تيجى وتتعرفى عليها كنت برضو هتحبيها وكنت عايز اعرف رايك فيها
زينب : اه قولى بقي علشان كده كنت مهتم بحضورهم
زكى : بنت جميله جداا وهاديه ورقيقه هو احنا مش بينا كلام كتيرر بس حسيت انها حركة قلبي
زينب : سيدى يا سيدى لا دا انا لازم اتعرف عليها وفورا دا انا ما صدقت
زكى : ان شاء الله قريب انا مستنى نخلص من افتتاح المشروع الجديد وهتكلم معاها فى الموضوع بس الصراحه ارتحت قوى لسوكينه واكلمنا كتير النهارده كمان وبفكر يعنى قدام شويه احكيلها تمهدلى الموضوع مع رنا بدل ما اخش عالطول كده
زينب : وماله خيرر سوكا دى بنت حلال وشكلها بتعزك فعلا وانت بتحكيلى عن علاقتها برنا يعنى هتساعدك قووى كمان على بركة الله
زكى : يا مسهل
اما فى جنينة فيلا الزايد فكانت بيتى هانم قاعده مع مصعب وبيدور بينهم الحوار التالى
بيتى : ها يا مصعب جبتلى معلومات عن البنت دى
مصعب : طبعا يا طنط من عائلة متوسطه ماديا باباها كان محاسب فى شركة الغزل والنسيج فى اسكندريه وتوفى من 3 سنين وعندها اخ واحد بيدرس موسيقى وبيغنى لو تفتكرى اللى غنى فى حفلة العيد ميلاد مامتهم ست كبيره ربة منزل لسه منقولين من اسكندريه من شهرين بس المفاجأه بقي لقيتها فى سكنهم
بيتى : ليه ساكنين فين
مصعب : شقتهم قصاد شقة داداه سعاد
بيتى : ايه سعاد
مصعب : ايوا بس معرفش هى ليها يد فى شغلها بالمجموعه ولا لا لما بصيت فى السي فى مفيهوش اى توصيه فممكن تكون البنت بترسم وتخطط مع نفسها هى اصلا مش سهله خالص
بيتى : طيب وعلاقتها هى وعبدالله فى المجموعه وبس ولا برا كمان
مصعب : جواه اكيد بحكم شغلهم مع بعض وقاعدهم اغلبية الوقت سوا بره دى محتاجه نراقبها ولا ايه رايك
بيتى : طبعا بص يا مصعب انا عايزه حد زى ضلها يعرف بتروح فين وتيجى منين سلوكها ايه والمهم بيقابلها ولا لا كل حاجه يا مصعب
مصعب : عيونى
بيتى : عبدالله عنيد انا ولو بيفكر فيها فعلا وطلعت اكتر من مجرد سكرتيره وكاتمه اسرار يبقى علشان نقدر نفركش الموضوع دا لازم يتصدم فيها صدمه كبيره ويصدقها عبدالله زكى جداا وانا مش عايزاه يحس بحاجه الا فى الوقت المناسب فاهم يا مصعب
مصعب : فاهم جداا وجارى التنفيذ
اما فى بيت الحاجه هدى قاعده هى ورنا واحمد على السفره بيتعشوا واحمد بيحكى عن حفلة عيد ميلاد زكى وبيضحكوا وفجأه موبيله بيرن من رقم غريب وبيرد .....
احمد : الووو
عبدالله : ازيك يا ابوحميد
احمد : مين معايا دكتور عبدالله صح
هو قال الاسم ورنا شرقت وهى بتاكل وبقت قاعده مش على بعضها
عبدالله : الله ينور عليك يا ابوحميد ازيك وازاى الوالده ان شاء الله تكونوا بخير
احمد : الحمد لله بخير ربنا يكرمك
عبدالله :بص يا ابو حميد بكره وراك حاجه بعد الضهر
احمد : لا فاضى
عبدالله : تمام قوى محتاجك فى موضوع مهم جداا ممكن تعدى عليه فى المجموعه نقعد ونتكلم براحتنا
احمد : خلاص اوكى بكرا بس الساعه كام بالظبط
عبدالله : يناسبك 4 بعد الضهر
احمد : تمام ان شاء الله اكون عندك فى الميعاد
عبدالله : ماشي يا ابو حميد اسف اذا كنت ازعجتك انا عارف الوقت متأخر
احمد : ما تقولش كده يا دكتور انت تتصل فى اى وقت
عبدالله : تسلم يا ابو حميد مع الف سلامه
احمد : مع السلامه يا دكتور
هدى : ايه يا احمد خيرر
احمد : مش عارف والله يا ماما بس دكتور عبدالله عايزنى ضرورى بكره علشان يتكلم معايا متعرفيش يا رنا حاجه
رنا .. رنا
رنا : ايواا يا
ومسكت الموبيل واتصلت بيه كنسل وبعت لها رساله (( روح قلبي اسف انا فى عشاء عمل اول ما هخلص هكلمك عالطول ))
وتبقي لي .. ( الحلقة الثالثة والثلاثون )
وقامت رنا دخلت الاوضه ومسكت الموبيل واتصلت بيه كنسل وبعت لها رساله (( روح قلبي اسف انا فى عشاء عمل اول ما هخلص هكلمك عالطول )) ..
حطيت الموبيل من ايديها وبالها مشغول ..
يا ترى عبدالله عايز احمد فى ايه؟
وعشاء عمل ايه ده اللى مقليش عليه والساعه بقت 12 ولسه ما خلص ؟؟وابتدت دماغها تروح لبعيد والغيره تاكل قلبها لما جالها هاجس انه ممكن يكون سهران مع حد هو مش عايزها تعرفه ممكن يكون الحد دا وحده وفوقت نفسها وهى بتحاول تطرد الافكار دى من دماغها وتقول بصوت مسموع :
لالا اي يا رنا الهبل اللى انتى فيه ده عبدالله مش كده خالص مفيش نص ساعه بالظبط وهى لسه قاعده نفس قاعدتها وسرحانه وباصه على الموبيل مستنياه يكلمها رن الموبيل ردت عليه من اول رنه ما كانش لحق عبدالله يسمع رن اتصاله
رنا بصوت قلقان جداا : الووو يا عبدالله
عبدالله : عيون عبدالله اسف جداا يا روح قلبي لسه مخلص حالا دلوقتى وفى الطريق اهو مروح
رنا : ولا يهمك يا حبيبي طيب اقفل انت على طريق وغلط تتكلم فى الموبيل روح انت بالسلامه واول ما توصل وتغير هدومك كلمنى انا هستناك
عبدالله : بس انا كده سهرتك قووى
رنا : انا اصلا كده كده مش هيجلى نوم الا لما اطمن عليك واعرف انك هتنام كمان يلا يا حبيبي اقفل وركز فى الطريق وخلى بالك على نفسك
عبدالله : حاضر يا حبيبتى سلام مؤقت
كمل عبدالله طريقه واول ما وصل الفيلا دخل بسرعه وطلع يجرى على اوضته دخل خد دش سريع ودخل على سريره وكلمها عالطول ..
رنا : حمد لله على سلامتك
عبدالله : الله يسلمك ليه انا
يا سلام لو ادخل مره الفيلا واشوفك قدامى واقفه مستنيانى بطلتك اللى بتسحر قلبي وصوتك اللى بيقتلنى دا وتقوليلى نفس حمد لله على سلامتك دى يااه دا يبقي احلى يوم فى الدنيا
رنا بدلع وهى مكسوفه : عبدالله
عبدالله : عيون عبدالله
رنا بدلع : كنت فين كل ده وسيبنى لوحدي
عبدالله : كنت فى الشغل
رنا سمعت رده فضلت تضحك وهو ضحك على ضحكها
عبدالله : تسلملى الضحكه الحلوه
رنا وهى لسه بضحك : لو سمحت ما تضحكنيش ويلا قولى بجد عشاء ايه ده ومع مين اللى لنص الليل ده اعترف بسرعه بدل ما اجى اخنقك
عبدالله : اووبا ايه ده انتى فهمتى ايه والله برىء يا بيه دا عشا عمل رجالى بحت .. ظلمتينى يا رنوشتى
رنا : اصل انت كلمت احمد وانا جيت اكلمك بعت رساله وقولتلى مش فاضى فانا بقى غصب عنى كنت هموت واعرف انت ليه ما ردتش ترد عليه
عبدالله : علشان يا قلبي كنت بكمل الديل والديل دا كان يخص احمد ودا سبب اتصالى ليه وانا معاهم وفيه مفاجاه مش هتعرفيها الا بكره لما هو اللى يطلع يقولك عليها
رنا : كده يا عبودى هتسبنى لبكره عماله افكر وعندى فضول
عبدالله : اومال هتبقي مفاجأه ازاى لما اقولك
رنا : طيب خلاص امرى لله هستنى لبكره يلا بقي اسيبك تنام الساعه بقت 2 وتلاقيك جاى مرهق وعايز تنام
عبدالله : بسرعه كده خليكى معايا شويه
رنا : انا موجوده معاك وجنبك دايما يا روح قلبي بس علشان خاطرى تنام علشان تقوم واخد كفايتك من النوم والراحه
عبدالله : حاضر يا رنوشتى تصبحى على كل حاجه جميله فى الدنيا دى
رنا : يبقى اكيد صباحى هيبتدى بيك علشان انت كل حاجه جميله فى الدنيا بالنسبه لى
عبدالله : حياتى انتى
رنا : لا اله الا الله
عبدالله : محمد رسول الله
وفى صباح اليوم التالى صحيت رنا وكلمته علشان تصحيه ولبست ونزلت قابلت سوكا اللى حكتلها على كل كلام زكى فى حفلة عيد ميلاده واد ايه هى تعلقت بيه اكتر لما عرفت السبب ورا انه كان بيتصرف بانطوائيه مع الجميع وحبت فيه اخلاصه لحبيبته حتى بعد موتها وانها مبسوطه انه طلب منها تكون جنبه حتى لو بصفتها صديقه زى ما طلب دا هيخليها مبسوطه وسعيده ورنا كمان حكتلها على المكالمه اللى كانت بين عبدالله واحمد وكلام عبدالله انها مفاجأه وقد ايه عندها فضول انها تعرفها ووصلوا المجموعه وعدى اليوم طبيعى جدااا لغاية ما وصل احمد المجموعه علشان يقابل عبدالله
دخلته رنا وفضلت قاعده بره هتموت وتعرف ايه هى المفاجأه وايه علاقتها باحمد اخوها وسوكا عماله تقولها : ما تصبرى يابت انتى شويه ايه الفضول ده يا خبر بفلوس بعد شويه هيكون ببلاش
اما داخل مكتب عبدالله كان الحوار اللى دار بين عبدالله واحمد كالاتى:
عبدالله : بص بقى يا ابوحميد انا عندى ليك ديل عايزك تسمعه وتقولى ايه رايك علشان لو موافق نبتدى شغل من بكره
احمد باستغراب : ديل معايا انا
عبدالله : ايوا يا سيدى المجموعه متعاقده مع شركة دعايا واعلان علشان زى ما انت عارف امور الميديا الخاصه بالمشروعات والقرى السياحيه بتاعتنا وكنا محتاجين وجه جديد ينفذ الاعلانات دى وياريت بقى لو كان صوته حلوو هيعمل دعايا تسمع وهيبقى مطرب حفل افتتاح المنتجع الجديد اللى ان شاء الله ناويين نفتتحه الشهر الجاى يوم رأس السنه وانا الصراحه اختارتك انت علشان واثق فى موهبتك جداا وعايزك تثق فيه انى هدعمك جداا ومش هخرجك الا فى افضل صوره ترضيك وعلى فكره الحفل دا هيبقى فيه اعلاميين كتير وهيتذاع على قنوات خاصه وانت وشطارتك بقي هاا قولت ايه
احمد اللى مذهول من كتر المفاجأه : انا مش عارف اقول لحضرتك ايه انت بتقدملى فرصة عمرى اللى استنتها سنين بطريقه مخليانى مش مستوعب حاسس انى بحلم معقول اللى سمعته دا
عبدالله : لا بقولك ايه انا عايزك تصدق بسرعه علشان مفيش وقت الاعلانات جاهزة والاغانى متلحنه ومستنيه المطرب اللى هيحط صوته عليها اما باقى اغانى الحفله انا سيبها لزوقك مع الفرقه الموسيقيه اللى هتكون تحت امرك فى استديو خاص من بكره
احمد : اكيد موافق جدااا وجاهز من النهارده حتى
عبدالله : ايوا كده انا عايز الحماس دا هخلينى نبدأ شغل من بكره ان شاء الله اتفضل دا عنوان الاستديو بكرا الصبح تكون هناك وهتلاقى مستر عمرو المسئول المباشر اللى كل تعاملاتك هتبقى معاه وصدقنى راجل فنان وانا واثق انه هيعجبك شغله وبرضه انا معاك لو فيه اى شىء لازم تتواصل معايا وتكلمنى وانا برضه هتابع معاكوا الشغل
احمد : ان شاء الله بكره الصبح اكون هناك واوعد حضرتك انى هكون قد الثقه والفرصه اللى اديتهانى وان شاء الله اعمل شغل يشرفك ويشرف المجموعه
عبدالله : حبيبي يا ابوحميد انا واثق من ده بس نتكلم فى الماديات بقى علشان نبقي قفلنا الديل دا
احمد : لا ماديات ايه انا مش عايز اى حاجه انا عندى ان صوتى يوصل للناس دا حلم والاحلام مفيهاش ماديات
عبدالله : لا يا ابوحميد الشغل شغل واعمل حسابك بعد كده اى حاجه هتتقدملك هتبقى حقك وحق تعبك انت دلوقتى وجهة المجموعه ثوانى يا ابوحميد
احمد : اتفضل
ورفع التليفون وطلب زكى ..
عبدالله : ابو الزيك هاتلى عقد استاذ احمد الشريف وتعالى من فضلك عندى المكتب
زكى : حالا يا بوص
زكى دخل وسلم على احمد وسلم العقد لعبدالله
عبدالله : اقعد يا ابو الزيك عايزك .. اتفضل يا ابوحميد دى العقود بكل البنود اللى فيها هتاخدها وتقراها كويس وتوقع عليها براحتك
احمد : يعنى يا دكتور كل الثقه اللى شملتنى بيها دى وعايزنى لسه اقعد اقرا اكيد همضى وانا واثق ان كل البنود فى صالحى وخد العقود وقعها
زكى : فعلا يا احمد كله فى صالحك انت ما تتصورش دكتور عبدالله وهو بيعمل الديل كأن انت موجود وكان المصلحه والاولويه ليك علشان يتأكد انك تكون حر لو محتاج تغيير اى شىء شايفه هيبقى افضل ودا اكيد هتلمسه وانت بتشتغل
عبدالله وهو بيستلم منه العقود : الف مبروك يا ابو حميد ان شاء الله نكون وشنا حلو عليك ونشوفك اكبر فنان فى مصر وتتبسط فى الشغل معانا
احمد : الله يبارك فيك يا دكتور ربنا يخليك اكيد هكون سعيد جداا واتمنى اكون قد الثقه واشرف المجموعه بالشغل اللى هقدمه
زكى : الف مبروك يا احمد وبالتوفيق
احمد : ربنا يخليك يا استاذ زكى
استأذن انا بقي ولا في اى حاجه تانى محتاجنى فيها
عبدالله : لا كده كله تمام ودى نسخه من العقد لازم تكون معاك وبالتوفيق ان شاء الله
احمد : ان شاء الله مع السلامه يا دكتور مع السلامه يا استاذ زكى
وخرج من المكتب جريت عليه رنا وسوكا
وقالت رنا : ها يا حماده دكتور عبدالله كان عايزك فى ايه ؟
سوكا : ومستر زكى ايه الورق اللى دخل بيه وايه الورق اللى في ايدك ده ها ؟
احمد : طيب خلونى كده اقعد واجمع علشان اقدر احكي لكم
رنا : اتفضل يا سيدى قول بقي وبطل رخامه
احمد : انتوا بجد متعرفوش دا مستر زكى طلع عارف
سوكا : يعنى عارفين وملهوفين قدامك كده نفهم فيه ايه ما تشوفى اخوكى يا رنا
رنا : احمد قول بقي بطل رخامه
وحكالهم احمد وسط زهول من رنا اللى مكنتش مصدقه اللى بتسمعه وفرحة سوكا اللى قالته : والله يا حماده لو مكناش فى المجموعه لكنت زغرطلك زغاريط بس ملحوقه جايلكم البيت النهارده والزغاريط هتبقى للصبح الف مبروك يا حماده تستاهل والله ربنا يوفقك
احمد : ربنا يخليكى يا احلى سوكا فى الدنيا متتصوروش انا بقيت قاعد مذهول ازاى رنا حلمى اتحقق اخيرا شوفتى والبركه فى دكتور عبدالله
رنا عيونها دمعت وفجأه فتحت فى العياط
سوكا : يالهووى على النكد ليه بس العياط يا بوت
احمد : هى رنا كده يا سوكا دمعتها قريبه انا فاهمها
رنا : مبروك يا حماده الف مبروك يا حبيبي ربنا يوفقك
احمد : حبيبتى يا رونا انا همشي بقى اسيبكم تشتغلوا واجرى افرح ماما واشوفكم بعد الشغل هاتى سوكا معاكى يا رنوش علشان نحتفل كلنا انا عزمكم بره النهارده على العشا
رنا : اكيد لازم نحتفل
سوكا : انا راشقه فى اى حاجه
احمد : يلا سلام
ومشي احمد ورنا لسه قاعدة مذهوله مش مصدقه اللى حصل ..
سوكا : ايواا ياعم علشان خاطر عيون القمر لكن الصراحه مفاجأه فى الجوون الله عليك يا دكتور دايما رأيى فيه انه مسيطر
رنا : انا مش مصدقه يا سوكا كل السعاده اللى انا فيها دى عبدالله دا مش معقول اللى بيعمله فيه مش معقول حياتى اللى بدلها 180 درجة من ساعة دخوله فيها اد ايه بيسعدنى انا مش عارفه اوصفلك انا حاسه بايه سوكا احضنينى قووى
سوكا راحت حضنتها قووى وقالتلها : ربنا يسعدك دايما يا قطتى بس مش عارفه ليه حاسه ان الحضن اللى كله مشاعر دا كان يستاهله حد تانى
رنا خبطتها فى كتفها : لمى نفسك يا زوفته
سوكا : هو اللى يقول الحق فى المكتب دا يتقاله يا زوفته ماشي يا رنا
رنا : يلا روحى شوفى شغلك
سوكا : وانتى كمان هتشوفى شغلك يا رنا ولا مستنيه زكى يخرج يا رنا
رنا : ابو شكلك لا طبعا مش مسنيه حد انا هقعد اشتغل
ورايا شغل كتيرر
زكى خرج من المكتب وراح لرنا ..
زكى : مبروك يا رنا لاحمد وربنا يوفقه ان شاء الله
رنا : الله يبارك فيك يا مستر
وخرج من المكتب وسوكا عماله تبص من تحت لتحت مرقباها وهى هتموت وتدخله بس مش عايزه تبين قدام سوكا وبدور على حجه تدخل بيها وفجاءة
رنا : ايه ده دا ميعاد القهوه بتاعت دكتور عبدالله
سوكا : والله قهوة ايه يا رنا الساعه 4 يا بوت
رنا : هو قالى امبارح ان فيه قهوة الساعه 4
سوكا : يا شيخه طيب اتصلى هاتيها ودخليها قبل ما تفور يا بت
رنا : ماشي يا سوكا يا رخمه
طلبت القهوه وخبطت ودخلت ..
اول ماشافها ابتسم وبص على فنجان القهوه اللى فى ايديها قالها عبدالله : تعالى يا رنوشتى ايه ده قهوه دلوقتى
رنا : اعمل ايه ماهو انت ما كلمتنيش بعد ما مستر زكى خرج وسوكا قاعده مركزه معايا روحت اخترعت اى حاجه علشان ادخل بيها
عبدالله : ههههههههههه
رنا بدلع وهى عامله نفسها زعلانه : انت بتضحك عليه خلاص انا مخمصاك خالص واوعى تكلمنى انت فاهم
عبدالله وهو بيضحك على طفولتها قام راحلها : رنوشتى
وخد من ايديها القهوه وحطها على المكتب
رنا : ممكن تجيب القهوه بتاعتى انا هاخدها واخرج
عبدالله : انتى مش جايبها ليه وبعدين دى جت فى وقتها قووى
رنا : بجد
عبدالله : جد الجد
رنا : عبدالله
عبدالله : عيون عبدالله
رنا : انا بحبك قووى انا لو اديتك عمرى كله قليل عليك نفسي اقدر اسعدك زى ما بتسعدنى انا ...... وسكتت شويه وقالت
انا نفسي اقولك كلام كتيررر بس مهما حاولت اقول مش هيخرج الكلام اللى يوصف اللى جوايا
عبدالله مسك ايديها بكل حنان وقالها : حبيبة قلبي عيونك وصلولى كل اللى عايزه تقوليه وحسيته قبل ما اسمعه منك بس لو السعاده اللى شايفها فى عيونك دى بسبب مفاجأة احمد فدى بعيده عنك خالص ومش علشانك والله علشان احمد فعلا يستاهل اما انتى يا روح قلبي مفاجأتك لسه ما اقدمتهاش مفاجئتك يوم ما اثبتلك حبى و الدنيا كلها تعرف انى مفيش وحده غيرك هتشيل اسمى وتبقي ام ولادى
رنا فى اللحظه دى كان نفسها تترمى فى حضنه وتحسسه اد ايه هى واثقه فيه وبتحبه بس حست من عيونه انه فاهم ومحترم خجلها منه وبعد فترة من النظرات الرومانسيه المعبره وتكفى عن اى كلام يتقال
عبدالله وهو لسه ماسك ايديها قال : تعالى بقى احكيلك سبب اختيارى لاحمد
قعد رنا قدامه وهى متحمسه تعرف
عبدالله : اول يوم اتقابلنا فيه قبل ما اشوفك .... وحكالها ازاى شاف احمد وسمع صوته باغانى فيروز اللى بيعشقها وانه لما سمعه تانى فى الحفله اتحمس جداا انه يديه الفرصه دى ويخلى يوصل صوته وموهبته للناس
رنا : عارف يا عبدالله انت ما تتصورش احمد كان بيحلم بالفرصه دى من زمان من ساعة ما كنا فى اسكندريه وسبب من اسباب نقلنا للقاهره كان ان احمد يلاقى فرصته
عبدالله : سبب من اسباب نقلكم للقاهرة ان القدر يجمعنى بيكى يا اجمل حاجه حصلت فى حياتى كلها
رنا : اهو انت اللى فرحة عمرى كله وهدية ربنا ليه اللى هفضل اشكره عليها طول حياتى
وفى مكان تانى بعيد عن المجموعه بفندق كبير 5 استار من املاك رجل الاعمال المعروف مجدى الكاشف صاحب مجموعة الكاشف العقاريه وهو منافس قووى لمجموعة الزايد وعلاقته بعبد العزيز وابراهيم مقطوعه من زمان بسبب طرقه الغير مشروعه دايما والعيبه فى السوق على عكس عائله الزايد المشهود لها بالنزاهه فى التعاملات والاصاله والسمعه الطيبه مجدى 53 سنه اعزب مالوش فى الدنيا الا اخوه الصغير خالد 30 سنه وهو مدلل جداا من اخوه مجدى معروف بعلاقته النسائيه الكتير واخلاقه السيئه عايش اغلب حياته بره مصر مسافر من بلد لبلد قليل جداا لما بينزل مصر هو بيحب دايما يحس انه طير حر بيعشق جو السفر والمغامرات
نرجع لمجدى الكاشف اللى كان قاعد فى الفندق مع مصعب وافتكروا معايا لما قلنا فى البدايه ان مصعب كان بيشتغل فى شركه منافسه ليهم والشركة دى تبقى شركة مجدى الكاشف وقدر يقنع ابراهيم انه قلبه عليه وبيعتبره زى والده وبيخاف على مصلحة بنت عمته ومصلحة المجموعة ووضحله مخطط الشركه المنافسه اللى كان بيشتغل فيها فى انها تكسب صفقه منهم بالغش والتزوير كشف المؤامره وكسب ثقة ابراهيم اللى بسبب سفره الدائم زود سلطته فى انه يكون المسئول فى غيابه عن ما يخصه بالمجموعه وليه حق التوقيع وقابل دا فى ساعتها رفض من باقى مجلس الادارة واولهم عبدالعزيز بيه بس اصرار ابراهيم على اخلاص مصعب وان ثقته فيه ملهاش حدود خلى عبدالعزيز يرضى باللامر الواقع هو فى الاول والاخر بيتعامل فى حدود مايملكه وليه حرية التصرف ومن ساعتها ومصعب دايما يحاول يبين ولائه للشركه واد ايه هو جدير بثقة ابراهيم علشان يقدر يدخل فى زوارقهم وبالفعل قدر يطفش مدير اعمال عبدالعزيز بيه بعد ما دبرله مكيده واتهمه بالاختلاس وكان عايز يحبسه لولا عبدالعزيز صان العشره واكتفى انه يرفده من الشغل علشان اولاده واصبح مصعب هو البديل ليه يعرف ويفهم كل كبيره وصغيره فى المجموعه لغاية ما كسب ثقة ابراهيم وعبدالعزيز ودا كله بقى تم تنفيذه بناء على خطه بينه وبين مجدى الكاشف اللى ولائه الاول والاخير ليه
مجدى استغل انانية و كره وحقد مصعب لـ ال الزايد وقدر يطمعه ويخليه بينهم علشان يقدر يحقق انتقامه فى انه يقضى عليهم ويضعفهم فى السوق ويبقى هو وشركاته محتكرين السوق من غير اى منافسين مجدى وعد مصعب فى صفقته للخلاص من ال الزايد بالسلطه والنفوذ وان اللى هيقدر يستولى عليه منهم هيبقى من حقه وهو وشطارته
وفى الجلسة دى دار بينهم الحوار الاتى ...
تكملة الرواية من هناااااااا
لمتابعة باقى الرواية زورو قناتنا علي التليجرام من هناااااااااا
بدل ماتدور وتبحث علي الروايات عمل
متابعه لصفحتنا على فيس بوك هنااااااااااا
الرواية كاملة من هناااااااااا
مجمع الروايات الكامله 1اضغط هناااااااا
مجمع الروايات الكاملة 2 اضغط هناااااا
تعليقات
إرسال تعليق