رواية دموع قمر الفصل الخامس 5 بقلم محمد منصور حصريه في مدونة موسوعة القصص والروايات
رواية دموع قمر الفصل الخامس 5 بقلم محمد منصور حصريه في مدونة موسوعة القصص والروايات
ح(5)
دموع قمر
من تاليفي، ،
محمد منصور. ** منص **
وقبل ما نبدأ الحلقة نوحد الله ونصلي علي خير خلق الله سيدنا محمد. وعلي بركة الله نبدأ
بسم الله توكلت علي الله. وهو رب العرش العظيم
وبعدها بيومين ومن جوة كوافير سهير هانم تسمع سهير صوت خناقة كببرة بين عبير ورشا فتخرج علي الصوت علشان تسمع رشا بتقول
لا. يا بت دة انا واخدة بالي منك اوي. ولا انتي فكراني قمر هتعرفي تطيريني من الكوافير
عبير بعصبية
رشا انتي نسيتي نفسك ولا اية
هنا تقف سهير قدام منهم وتبص للاثنين وتقول
واية كمان فرجوني. ولا اقول لكم اضربو بعض بالجذم
عبير ل سهير
يا سهير ها،،،،،،،،
سهير بعصبية مقاطعه لها
انتي تخرسي خالص. شغل النسوان الشلق دة ما يتعملش في المحل بتاعي.
عبير
ما هي رشا اللي بدات لما قالت اني باخد منها الزبائين بتاعتها
رشا
ودة ما بيحصلش. يا رمة
عبير ل سهير
سامعه بتقول اية
سهير ل رشا
طيب احترمي اني انا واقفة وسطيكم ولا انا ماليش لزمة
رشا
سهير هانم البت دي من الاخر بقي شمال وبتاخد مني الزبائين وبتسرق من ايراد الكوافير وفوق دة كله بقي هي اللي وقعت بينك وبين قمر علشان يخلي لها الجو في الكوافير. واللي بيحصل فيا دة ذنب قمر الله يمسيها بالخير
عبير بارتباك
دي كدابة وانا ماليش دعوي بحوار قمر دة
سهير ل رشا
عايزاكي تحكي لي كل اللي حصل في حوار قمر وعببر عملت معها اية،،،،،،،،،،
وبعدها بشوية ومن جوة الكوافير اللي شغاله في قمر تقف قمر وهي بتصبغ شعر زبونة وتدخل للكوافير سهير هانم وترحب بيها صاحبة الكوافير لانهم طلعوا معرفة قديمة وقامت الزبونة اللي كانت قدام قمر. وقعدت مكانها سهير هانم بصت لها قمر باستغراب فقالت سهير
ما حدش بيعرف يظبط شعري غيرك. انتي تربيتي يا بت وانا اللي عملتك الصنعه دي
فتعيط قمر وتقول
علشان كدة تطرديني من قبل حتة ما تسمعيني هقول اية
وخدت بعضيها قمر ومشيت قامت وراها سهير ووقفت قدامها وقمر مفحومة من العياط صعبان عليها نفسها وسهير بتقول لها
ساعة شيطان يا قمر عرفوا يوقعوا بيني وبينك. لكن ربنا جاب لك حقك منهم ووقعوا في بعض وكل واحدة فضحت التانية والاثنين مشتهم من الكوافير وجاي ارجعك تاني للكوافير عندي وهعملك يومية ضعف اللي بتاخدبها هنا
فتبص لها قمر وتقول في سرها
الدنيا بتصلحني بيكي وبي.
وكانت تقصد عمار. يا تري مكتوب لي افرح للاخر ولا المستخبي هيبقي مرار
سهير قطعت سكوت قمر وقالت
قمر انا جيت لغاية عندك بعد ما دورت عليكي ومش هخرج من هنا من غيرك
قمر
طيب و،،،،،
فتقف صاحبة الكوافير اللي شغاله في قمر وتقول
والله يعز عليه فراقك انتي بنت حلال وما شوفتش منك الا كل خير بس سهير دي عشرة عمر ومن الاول انتي كنتي شغاله معها فهي اولي بيكي
فبصت قمر ل سهير برضاء ودة كان معني ان قمر راجعه تاني تشتغل مع سهير، ،،،،،،،،
ومن احدي الشوارع اللي جنب كلية تجارة تمشي قمر مع عمار وهي بتقول له
ماتعرفش بقي انا فرحانه قد اية. اصل سهير هانم دي ما تروحش لحد ابدأ. تخيل بقي جت لي انا
عمار
وهو انتي اي حد.
وهنا تقف قمر غصب عنها قدام محل شاورما سوري وتبص لسيخ الشاورمة فيبص لها عمار ويقول
وقفتي لية.
قمر
لا. مافيش تقريبا في زلطة دخلت في الجذمة.
وقلعت جذمتها قال يعني بتنفضها لكن عمار قالها
انتي شكلك جعانه
قمر
انا لا.
عمار
قمر احنا من الصبح في الكلية ومفطرناش حتي. تعالي تعالي
وبدأ يسحبها تدخل المحل وهي بتقول باحراج
انا واكلة وشعبانه
عمار وهو بيسحبها
اخلصي شكلنا وحش قدام المحل يلا خشي
ودخلو المحل وكان في طفل مع امه وابوة واول ما شاف وش عمار خاف ولف وشة الناحية التانية لكن عمار ابتسم وبص ل قمر وقال
تحبي الشاورمة فراخ ولا لحمة
اتصدمت قمر من السؤال لانها ما تعرفش طعم دي او طعم دي فقالت
زي ما انت هتاكل هات لي
عمار
انتي مكسوفة لية. ما تقولي انتي بتحبي اني اكتر
فتسكت قمر فيقول عمار
اوعي تكوني ما كالتيش الشاورمة خالص تبقي بتهرجي
قمر
لا. ازاي دة انا كل فترة كدة بابا بياخدنا وياكلنا برة. ولو ماكنش بابا يعملها اخويا الكبير رمضان اصلهم ما يحبوش يحرموني من اي حاجة. مدلعة بقي
لكن الكذب كان باين اوي علي قمر ونزلت دموعها غصب عنها فطلع عمار منديل من جيبة ومسح لها دموعها وقال
تعيطي وانا عايش. دة حتي يبقي وحشة في حقي
قمر وهي بتمسح دموعها
معلش والله. حقك عليه.
عمار
طيب خلاص انا هاطلب لك فتة شاورمة لحمة وسندوتش شاورمة فراخ.
قمر
مش مهم هاكل اية. المهم اني معاك.
ودابت قمر في عيون عمار وعمار بيبص لها وبيضحك، ،،،،،
ومن جوة شقة عم زلطة يقعد رمضان مع عم زلطة قدام شاشة مكسورة نصين ومطفئية ورمضان كان بيقول
اية رايك في صورتها. حكاية صح
عم زلطة
صورة اية. دي مش شغاله خالص
رمضان
شوفت بقي انا ما بحبش اجيب اي حاجة اتحاد اوربي علشان اللي بتقولو دة
عم زلطة
وهو انا قولت اية غلط. الشاشة مطفئية
رمضان
ما انا قولت لك دي شاشة فور كيا سامسونج العربي. فورد مرسيدس يعني ما بتشتغلش ولا تشوف الصورة اللي بتعرضها الا بالنظارة النظر بتاعتها
عم زلطة
وهي فين النظارة دي.
فيخرج رمضان من جيبة كاميرا بلاستيك كل ما دوس عليها تعرض صور لرسوم ملونة. مرة حيونات مرة مباني اثرية. وهكذا كاميرا بلاستيك من اللي بتطلع في اكياس الكراتية. وحط عم زلطة الكاميرا علي عينة ومسك رمضان صباع عم زلطة وخلي يدوس علي الزرار اللي في الكاميرا وهو بيقول
هه صدقت بقي ان الشاشة شغاله.
عم زلطة بانبهار شديد
صدق وربنا انت معلم. دي فعلا شغاله. بس هو مافيش غير الكام قناة دول بس
رمضان
لسة الطبق عايز يتظبط
ويشيل عم زلطة عينية من علي الكاميرا ويبص للشاشة فيصرخ في رمضان ويقول
اية اللي انت بتعمله دة. انت عايز تتشل
عم زلطة خائفا
لية بس.
رمضان
الاشعة تحت الحمراء فوق المشمشي لو اتعرضت لها مرة واحدة كدة ممكن تضرب مراكز الاحساس في السمانه الشمالية. ومن بعدها ما تقدرش تمشي علي رجلك. عايز تشيل النظارة تطفي الشاشة الاول
عم زلطة
يعني هفضل باصص في الكاميرا الصغيرة دي دول ما الشاشة شغاله
رمضان
هي الشاشة دي كدة تصنيعها كدة مش عايزها قولي خدها وامشي انما تفكر تبص عليها وتستني انها تشتغل وربنا ازعل منك
عم زلطة
لا عايزها. دة انا من زمان وانا نفسي يبقي عندي شاشة كبيرة زي دي
رمضان
طيب تحب بقي اعلقها فوق السيفون ولا تحت القاعدة
عم زلطة
لا علقها في الصالة هنا تبقي قدام مني
رمضان
اكبر غلط. ودة بيقع في كل المصريين اعلق الشاشة في الصاله. لازم الشاشة تكون في مكان وصل له مية علشان لما تسخن تبردها
عم زلطة
ما عندي مروحة سقف
رمضان
ولو حتي عندك مروحة ارض. ماينفعش. لازم الشاشة ديما وبالذات النوع دة. تحط لة مكعبات تلج علشان ما يسخنش
ودلوقتي بقي ايدك علي 200 ج. حق الشاشة.
عم زلطة وهو بيدي الفلوس ل رمضان وبيقول
طيب والنظارة دي
ويبص للكاميرا البلاستيك فيقول عم زلطة
لا. دي نازلة عرض من الشاشة هدية مني ليك
عم زلطة
طالما بقي هدية. انا هحلي لك بوقك
رمضان
هتعملها ازاي دي
عم زلطة
خش المطبخ هتلاقي حلة رز بلبن. اغرف لك معلقة
رمضان
اغرف معلقة. دة انا هخش وهسيب لك انت معلقة
ودخل رمضان المطبخ وساب عم زلطة حاطط الكاميرا علي عينه ولقي حلة الرز بلبن وكانت الحلة شكلها وحش اوي لكن شكل الحلة ما يفرقش مع رمضان اللي شال الغطاء ومسك كبشة كبيرة وبدأ ياكل في الرز بلبن اللي كان طعمه حلو اوي ووصل لاخر الحلة وهنا ظهر بوكسر صغير لونة ابيض قلبت بطن رمضان وقال وهو بيبص للبوكسر
دة هو. ودة يتحط في الرز بلبن لية. بدل المكسرات مثلا
وخد الحلة وخرج بيها لعم زلطة وقال
اية القرف دة. ازاي تحط البوكسر في حلة رز بلبن
عم زلطة
اية دة. دة انا باين عليه نسيت وعملت الرز بلبن في الحلة اللي بغلي فيها البوكسرات البيضاء. علشان ازهرها
صرخ رمضان ومسك بطنة ووقع من طوله، ،،،،،،،،،
ومن جوة شقة صبحي تقف ام عبير قدام صبحي وهي بتقول له
طلقتني يا واطي
صبحي
اة طلقتك. وبالتلاتة كمان. واوعي اشوف خلقتك تاني في اي مكان انا اكون في
ام عبير
كل دة علشان نعمه مراتك التانية عرفت انك متجوزني. سخنتك عليه يا دلدول
فيضربها صبحي بالقلم ويقول
انا دلدول. يا بنت الكلب.
ام عبير
عامل راجل عليه. دة انت يا رمة عايش علي فلوس بنتك
صبحي وهو بيمسكها من شعرها
وانت مال امك. انتي خلاص مابقتيش علي ذمتي ومالكيش لزمة عندي.
ويزقها ناحية باب الشقة وهو بيقول
ويلا بقي غوري من هنا
فتتخبط ام عبير في باب الشقة فتبص ل صبحي وتقول
انا هغور بس وربي وما اعبد لبيتك النهاردة في التخشيبة علشان اعرفك ازاي تمد ايدك عليه
وتمشي ام عبير من قدام صبحي وصبحي يقعد علي الكنبة ويتصل بنعمه مراته ويقول
عملت لك اللي انتي عايزا. ولا تزعلي نفسك يا عسل.
صوت نعمه
عارف لو كررتها تاني. هكون جايبة سكينة وذبحاك
صبحي بسهوكة
واهون عليكي
نعمه
اة يا حبيبي تهون. مش احسن ما تكون لغيري
صبحي
طيب اية بقي اجي لك النهاردة
نعمه
لا. النهاردة لا. انا لسة زعلانه منك. الا بقي لو جبت لي وانت جاي هدية حلوة كدة
فيبص صبحي في جيبة ومايقليش ولا جنية فيقول
لازم يعني حوار الهدية دة
نعمه
الله مش زعلانه منك ولازم تراضيني.
صبحي
يا نعمه واحشتيني
نعمه
ما تشوفش وحش. عاوزني تبقي تدخل عليه شايل ومحمل اللي يليق بنعمه يا قلب نعمه
وتقفل نعمه الخط. فيقوم صبحي ويلبس هدومة ويخرج يروح لقمر الكوافير واول ما تشوفو قمر داخل عليها تسيب الزبونة اللي في ايديها وتقول
خير يا بابا. حد من اخواتي حصل له حاجة
صبحي
شوفي معاكي 100 ج.
قمر
منين بس. دة انا لسة راجعة الشغل امبارح
صبحي
اتصرفي زي ما كنتي بتتصرفي
قمر
طيب روح دلوقتي ولما اجي بالليل نبقي نتكلم.
صبحي
انا مش هستني لي باليل. اتصرفي دلوقتي
فتبص قمر حوالين منها علي الزبائين اللي ملحظين اللي بيحصل فتقول قمر
طيب كفاية فضايح وامشي دلوقتي
صبحي
مش همشي الا بالفلوس. انا تعبان ومحتاج اروح للدكتور
وراح صبحي ناحية شنطة قمر اللي كانت متعلقة جنب هدومها في اخر الكوافير ومسك الشنطة وفتحها بالعافية وطلع 50 ج. كانت لسة واخدها من زبونة بقشيش فقالت قمر بنرفزة
اللي بتعمله دة ما ينفعش راعي شكلي قدام الناس
صبحي بعصبية
اية يا بت هتعلميني الادب ولا اية. شوفي 50 تاني. خليني امشي من هنا
هنا خرجت سهير هانم وبصت ل قمر وقالت
اية اللي بيحصل هنا
وبصت ل صبحي وقالت
مين دة يا قمر
قمر وهي بتعيط.
دة المفروض انه ابويا. لكنة غاوي يعرني
ومسكت قمر بطنها وتفت دم تاني ووقعت من طولها مغمي عليها، ،،،،،،،،
ولغاية هنا. خلصت حلقتنا اللي يارب تكون عحبتكم ولو في العمر بقية هاكمل لكم الحكاية دية. سلام
تكملة الرواية من هناااااااا
لمتابعة باقي الروايه زورو قناتنا علي التليجرام من هناااااااااا
بدل ماتدور وتبحث علي الروايات عمل
متابعه لصفحتنا على فيس بوك هنااااااااااا
الرواية كامله من هناااااااااا
مجمع الروايات الكامله 1اضغط هناااااااا
مجمع الروايات الكاملة 2 اضغط هنااااااا
تعليقات
إرسال تعليق