رواية سر تحت الجلباب الفصل الثاني عشر 12بقلم سلوي عوض حصريه في مدونة موسوعة القصص والروايات
رواية سر تحت الجلباب الفصل الثاني عشر 12بقلم سلوي عوض حصريه في مدونة موسوعة القصص والروايات
#سلوي_عوض
#سر_تحت_الجلباب
بارت 12
تمارا: وياتري الخطوبه ديه صالونات ولا عن حب؟
نورا: عاوزه الصراحه؟
تمارا: طبعا.
نورا: عن حب.
تمارا: واتعرفتو علي بعض ازاي وفين؟
نورا: ايه كل ديه سؤلات!
تمارا: قولّي بقا.
نورا: شوفي يا ستي كريم يبجا صاحب الواد تيم اخوي، ويوم وفاه والدته تيم راح وعمل الواجب، وكريم مكانش ليه حد ف الدنيا غير والدته، جام تعب جوي، جام تيم جابه الشجه عندينا وانا كت واخده باللي منيه يعني وكله وعلاجه، ولما شد حيله وروح بيته، تاني يوم جابلته ف الجامعه كان بيدينا محاضره وانا استغربت جوي عشان مكتش اعرف انه معيد ف الجامعه، وبعد المحاضره خرج ولجيته واجف برا مستني، ولما خرجت جام منادم عليا وجاللي تعالي عاوز اتحددت معاكي ف المكتب، ودخلنا المكتب واتكلمنا واعترفلي بحبه، فانا جولتله ده بس احساس بالشكر منك ليا عشان كت واخده باللي معاك وانته عيان، جاللي له انا بحبك من بدري من اول مره شوفتك فيها لما جابلتك انتي وتيم ف المطعم بتاعكم، وبعد كده اتخطبنا واتشاركنا ف المطعم، بس خلاص.
تمارا: اه يعني حب ف المطعم؟
نورا: جوليلي بجا انتي مرتبطه؟
تمارا: لاء ولا مرتبطه ولا مخطوبه.
نورا: طيب كده حلو جوي.
تمارا: بصي هو الصراحه انا معجبه بواحد كده بس هو شكله مش حاسس بيا.
نورا: ده مين الحمار ده؟
تمارا: طاب اقولك وتخليها ف سرك.
نورا: اكيد يا بتي امال ايه.
تمارا: اللي انا معجبه بيه يبقا تيم اخوكي.
نورا: 😂 (تضحك ضحكه عاليه)
تمارا: بتضحكي علي ايه؟ هو انا قولت نكته؟
نورا: اصل هو كمان معجب بيكي وغرجان لشوشته.
تمارا: احلفي!
نورا: والله.
تمارا: طاب ليه محاولش يكلمني؟
نورا: اصل احنا كنا شايفينك بتاجي الجامعه بعربيه احدث موديل وشكلك بت ناس هاي هاي، مكناش نعرف أن احنا جرايب… شوفي النصيب.
تمارا: طاب وهو يعني هيعرف منين اني ببادله نفس الشعور؟
نورا: خليها عليا انا.
تمارا: اوعي تقوليله اني معجبه بيه عشان كرامتي.
نورا: بجولك سيبيها عليا ومتجلجيش.
لنترك القاهره ونذهب الي الصعيد حيث كانت ونيسه تجلس مع الحكيم نجيب.
ونيسه: مش هتكملي الحكايه؟
نجيب: والله يا بتي كل ما افتكر جلبي يوجعني… المهم اتجوزت وهيبه وكان اسمها لواحظ، وعشان هيا رجاصه مافيش منها سموها لواحظ زمبلك، وابتدت تشتهر، وف يوم جاه راجل كده فخم وعليه الجيمه عاوز الفرجه كلها عشان عنديه حفله كبيره، وروحنا الحفله، وبعد الحفله لجيت لواحظ حالها متشجلب وجالبه وشها عليا، حاولت كتير معاها لغيت مرجعت زي الاول، ومرت سنه والتانيه وهيا كل شويه بحال، لغيت ما فيوم تعبت جوي جولت اوديها للحكيمه، وبعد ما الحكيمه كشفت عليها جالتلي مبروك المدام حامل، الفرحه وجتها مكانتش سايعاني، لكن لواحظ كانت زعلانه جوي، طبيت خاطرها ورجعنا علي الشادر والغجر كلهم احتفلوا بيها، وف يوم جالتلي انا رايحه للحكيمه، جولتها اصبري اروح معاكي، جالتلي له عاوزه اروح وحدي عشان في حاجات اتكسف اجولها جدامك، وراحت للحكيمه لكن مرجعتش تاني.
ونيسه: مرجعتش ازاي؟
نجيب: جعدنا ندورو عليها وملجينهاش، كنا وجتها ناصبين الشادر ف المنيا، وفيوم كانت الساعه واحده بعد نص الليل جات عربيه محمله رجاله عاملين زي الاسود وخدوني معاهم بالغصب وكتفوني ورموني تحت رجلين راجل عفي، جام جاللي اسمع يا نجيب انته هتنفذ اللي هطلبه منك من غير نفس، انا جولتله تحت امرك بس خليهم يفكوني، جام جاللي ارمي اليمين علي مرتك، انا جاتني حاله ذهول، جام رفصني برجله وجاللي ارمي اليمين، جولتله هيا مرتي فين؟ انا بدور عليها مش لاجيها، جاللي مرتك عندي، جولتله طاب حتي اسمع صوتها، جامت جالتلي طلجني، جولتلها طاب ايه اللي صدر مني أو عملت ايه يزعلك؟ جاللي بجولك طلجها، ولما مرضيتش ربطوني ف النخله تلت ايام من غير وكل ولا شرب وكانو بيعذبوني، وبعد مخلاص لما بجيت مش جادر جولتلهم خلاص انا هطلجها بس حرام عليكم عشطان، جالولي هنشربك بس بعد ما تطلج، وفكوني وطلجتها، جام الراجل جاللي لمو عزالكم من هنا واياكم تخطو البلد هنا برجلكم تاني، لمينا عزالنا ومشينا وبجينا سواحين من بلد لبلد، ومرت السنين ٢٧ سنه واحنا من بلد لبلد، كت مجضي حياتي كلها وانا بجرا ف كل حاجه لغيت ما سموني الحكيم، ولما جينا البلد هنا محدش كان يعرفني بس ساءلت واتجصيت لغيت ما عرفت أن لواحظ بجا اسمها وهيبه وخلفت للعمده بتين وواد، بس ساءلت نفسي يا تري العيل اللي كانت حبلي فيه راح فين.
ونيسه: طاب مش يمكن عرفه هو ولدك؟
نجيب: له مش ولدي عشان البنات اكبر منيه، لكن لما شوفت شاديه البت الكبيره…
ونيسه: شوفتها فين؟
نجيب: ما انا كت براجب الفيلا، اول ما شوفتها لجيتها شبه المرحومه امي ف شبابها صوره منها.
ونيسه: جصدك يعني أن شاديه ممكن تكون بتك؟
نجيب: انا متوكد من كده، البت واخده شكل امي واخلاجها كمان، والبلد كلها بتحلف بجمالها واخلاجها، حاولت كتير اجرب منيها لكن جلبي مطاوعنيش وخوفت.
ونيسه: تعرف ان شاديه هيا اللي هتجوز نظمي؟
نجيب: انا مافيش ف يدي حاجه اعملها ليها غير اني اصبر، والصبر مفتاح الفرج.
لنتركهم ونذهب الي منزل العمده حيث كانت ناعسه تشعر بالتعب.
ناعسه: انا خلصت يا عروستنا والصراحه يعني تعبت شويه.
جليله: ايه يا وليه عجزتي؟
ناعسه: هناخد زمانا وزمن غيرنا.
جليله: طاب روحي نامي انتي وارتاحي وابجي تعالي بكره علي العصر كده.
ناعسه: ربنا يسعدك ويفرح جلبك يا ست العرايس.
جليله: بس رءيك ف شعري بعد ما غسلته من الحنه؟
ناعسه: والله حرير كيف شعر الخيل وله لونه اسود سواد الليل والعيون مكحله واخر جمال.
(لتخرج جليله رزمه ماليه)
جليله: خدي يا ناعسه ابجي هاتيلك توب تحضري بيه الحنه.
ناعسه: كتر خيرك انا عندي.
جليله: له خدي ويالع روحي.
لتذهب ناعسه الي منزلها متعبه ومنهكه.
ناعسه: اه يا ابوي يا امايا هدت حيلي، الله يجطعها هيا وناسها، وانا ايه بس اللي كاريني علي الشجا ده كله.
ناعسه: اجمدي كده، ايه لسه مشوارك طويل ونار الانتجام كاوياكي كوي.
(تغمض عينيها وتتذكر الماضي)
فضل: بتي حبيبتي حفظتي عشان هسمعلك؟
نعمه: اه الحمدلله حفظت وسمعلي، ولو لجيتني حافضه تجيبلي حاجه حلوه.
فضل: انتي عاوزه ايه يا جلب ابوكي؟
نعمه: شوف انته بجا انا استاهل ايه.
فضل: كده كده انا داخل مع جوز خالتك شريك ف شركته بالنص وكاتب نصيبي باسمك ما انا معنديش غيرك.
نعمه: ربنا يخليك ليا يا أبا.
فضل: ويخليكي ليا.
نعمه: هو احنا ليه يا أبا منهملش البلد ديه ونروحو نجعدو ف مصر مع خالتي وجوزها وموسى ولدها؟
فضل: هنا بلدنا وأرضنا وناسنا، وبعدين انتي ناسيه أن المرحومه امك مدفونه هنا وعاوزك يا بتي لما يحين الأجل تدفنيني جارها.
نعمه: بعد الشر عليك يا ابا، ربنا يجعل يومي جبل يومك.
نعمه: بس البلد ديه عفشه، وحضرتك كل متخطب ف الجامع العمده يتعرك معاك.
فضل: عشان بوعي الناس وبعرفهم اللي ليهم واللي عليهم.
نعمه: طاب هو ليه بيتعرك معاك؟
فضل: عشان بيكره الحج.
نعمه: يبجا راجل ضلالي.
فضل: له يا بتي اوعي تغتابي حد كاءنك بتاكلي لحم نتن.
نعمه: يع ايه ده!
فضل: احنا ندعوله بالهدايه هو واللي زيه.
فضل: ياله بجا تعالي عشان هسمعلك سوره ياسين.
نعمه: وانا جاهزه.
لتعود ناعسه من ذاكرتها.
ناعسه: وحشتني جوي يا ابوي، ووحشني اسمي جوي… بس هانت إنشاءالله.
ناعسه: وأرجع اعيش انا وعيالي ف امان الله بعد ما اخلص واخلص الناس من الظلم، ومسيري هلاجي اللي بدور عليه، دلني يارب.
لنترك ناعسه في ماضيها ونذهب الي منزل العمده.
جليله: ايوه هيا العبايه ديه هتبجا زي الكحكه عليا، والله لافرسك يا شاديه، وكمان لازم اكسر شوكتها هيا وعريس الغفله بتاعها.
ونترك جليله ونذهب الي عرفه حيث كان مستلقي علي سريره.
عرفه: اه لو تبجي مرتي وترجدي جاري ف فرشتي واتصبح كل يوم بوشك الجميل…
لمتابعة باقى الرواية زورو قناتنا علي التليجرام من هناااااااااا
بدل ماتدور وتبحث علي الروايات عمل
متابعه لصفحتنا على فيس بوك هنااااااااااا
الرواية كاملةمن هناااااااااا
مجمع الروايات الكامله 1اضغط هناااااااا
مجمع الروايات الكاملة 2 اضغط هناااااا
تعليقات
إرسال تعليق