رواية سر تحت الجلباب الفصل السابع 7 بقلم سلوي عوض حصريه في مدونة موسوعة القصص والروايات
رواية سر تحت الجلباب الفصل السابع 7 بقلم سلوي عوض حصريه في مدونة موسوعة القصص والروايات
#سلوي_عوض
#سر_تحت_الجلباب
بارت 7
العم نجيب: عاوز اجولك علي حكمه اتعلمتها ف عمري الطويل واعملي بيها عشان ترتاحي.
ونيسه: حكمه ايه؟
نجيب: اوعي تسلمي جلبك لمخلوج مهما كان مين، خليكي يا بتي ماسكه لجام جلبك ومتخليهوش يحركك، كده هترتاحي.
ونيسه: كلامك صح، انا خلاص هخلع جلبي بيدي وهتعامل بعجلي.
نجيب: الست يا بتي عنديها مكر ودهاء وخبث، اتعاملي بيهم وانتي صغيره وحلوه، والف مين يتمني فاتنه الغجر اللي بياجيها الناس من كل مكان عشان يسمعو صوتها ويتفرجو علي رجصها.
ونيسه: ربنا يخليك ليا يا حكيم نجيب.
نجيب: وهنبدء من ليله الفرح، انتي هتروحي وهترجصي ف فرح بت العمده وتبدعي كمان، وانا هعرفلك نظمي هيتجوز مين، واطمني انا معاكي وف ضهرك.
ونيسه: حاضر انا هرجص ف فرح بت العمده وهبدع كمان، بس امانه عليك تعرفلي المحروج ديتي هيتجندل مع مين.
نجيب: اصبري ولما اعرف هجولك.
نجيب: هروح انا وانتي ريحي شويه.
ونيسه: من النهارده مافيش راحه غير لما انتجم.
نقاوه: كتي بتحكي ف ايه مع الحكيم؟
ونيسه: بعدين بعدين.
نقاوه: طاب عاوزه مني حاجه؟
ونيسه: اه جهزيلي احسن توب عندي عشان هرجص بيه وخلي الفرجه تجهز عشان هغني كمان.
نقاوه: بفرحه بجد؟
ونيسه: اه بجد.
نقاوه: ربنا يهديك حالك.
زاهر: فهمت هتعمل ايه؟
عرفه: فهمت طبعا.
زاهر: اعمل زي ما جولتلك بالظبط.
عرفه: من عيوني أوامرك علي رجبتي.
زاهر: انا همشي دلوك بس بعد متخلص ابجا اتصل بيا عرفني.
زاهر: ياله بينا يا عريس.
نظمي: اهو انته اللي عريس.
جليله: اسمعي اما اجولك أمور السهتنه والسهوكه ديه مش هتاكل معايا سامعه ولا له؟
شاديه: ليه يا خيتي بتجوللي كده، انا كلمتك طيب.
جليله: بت انتي اتعدلي ف كلامك، الدور ده كله بتاعي يعني انا اللي اءمر وانهي فيه، وناعسه هتخدمي انا وعريسي وانتي ابجي اخدمي حالك.
شاديه: ما انتي عارفه اني بحب اعمل كل حاجتي بنفسي.
جليله: اتحرجي! اه ونسيت اجولك.
شاديه: خير؟
جليله: بكره هنندلو نشترو فساتين الفرح، حسك عينك تشتري فستان شبه فستاني، جسما بالله اجطعهولك ف الفرح.
شاديه: حاضر مش هجيب شبه فستانك.
جليله: وكمان فستانك يكون ارخص من فستاني.
شاديه: حاضر، ممكن تهمليني اروح ارتاح ضهري وجعني من السفر.
جليله: غوري ف ستين حرديفه.
شاديه: كتر خيرك يا خيتي.
جليله: ناعسه انتي يا ناعسه غورتي فين؟
ناعسه: أمر حضرتك.
جليله: اجوليلي بصراحه، شاديه اجمل ولا انا اللي اجمل؟
ناعسه: انتو التنين حلوين.
جليله: بعصبيه، جرا ايه يا وليه! انتي بجولك مين احلي تجوللي انتو التنين حلوين، متتكلمي عدل!
ناعسه: طاب هجولك، انتي وشك مدور وشعرك الله اكبر طويل وضحكتك بتجنن، ولا عيونك الله اكبر، ولونك لا هو ابيض فاجع يطمم النفس ولا هو اسود غطيس، وعارفه يا ست جليله انا بسمع الناس ف النجع بيجولو عليكي ماشاءالله جمالك زي جمال الاميرات بتوع الحواديت. طاب انتي عارفه هما مسمينك ايه؟
جليله: بفرحه، ايه؟
ناعسه: ست الحسن والجمال.
جليله: بس امي وابويا بيجولو أن شاديه احلي مني.
ناعسه: مين اللي احلي منك ديتي! لمؤاخذه يعني متزعليش مني، ديه بياضها فاجع وكالح، ولولا الاحمر والأخضر كان شكلها يخوف اعوذ بالله، انما انتي حلاوه وطعامه وخفه مافيش بعد كده.
جليله: لكن صح اهل البلد بيجولو عليا ست الحسن والجمال؟
ناعسه: طاب اصبري هتسمعي بنفسك.
ناعسه: ازيك يا ام جرجس اخبارك ايه وجوزك عامل ايه؟
ام جرجس: نشكر ربنا، لكن جوليلي ناعسه.
ناعسه: ست الحسن والجمال هتتجوز ميته زي ما سمعنا ف الجامع بعد بكره.
ام جرجس: ده احنا سمعنا ف الجامع بيجولو أن اختها البت المكلحه ديه اللي ضبها كبير هتتجوز معاها ف نفس اليوم، مش عارفه ازاي البطن اللي تجيب ست الحسن والجمال تجيب اللي اسميها شاديه ديه، صحيح يا ولاد البطن جلابه.
جليله: ازيك يا ام جرجس.
ام جرجس: انا مش مصدجه حالي بجا ست الحسن والجمال بتكلمني بنفسها، معجوله ديه!
جليله: له معجوله، المهم ابجي تعالي الفرح انا بعزمك بنفسي اهو.
ام جرجس: ده انا اجي واخدم علي الناس كلها.
جليله: تسلمي، اسمعي انا هشيعلك مع ناعسه شويت وكل وحاجات حلوه كتير.
ام جرجس: حبيبتي وحبيبه الكل يا ست الحسن والجمال.
جليله: انزلي يا ناعسه اعمليلي فنجان جهوه وطلعيهوللي، وروحي انتي بس جبل متروحي خدي من التلاجه كام كيلو لحم علي كام طيره، اجولك خدي من كل حاجه، وابجي تعالي بكره ف الفجر.
ناعسه: حاضر ربنا يسعدك ويفرحك ويكتبلك الخير.
عبدالغني: انا الفرحه النهارده مسيعانيش، بناتي التنين هيتجوزو ف ليله واحده ومن مين!
وهيبه: من اهم معلمين ف السوج.
عبدالغني: وهيبه ونظمي كمان معاه ملايين زي مصطفى.
وهيبه: بتجوللي ايه انتي، طبعا ملايينه كتيره جوي جوي.
عبدالغني: ولسه الخير جاي كتير جوي.
وهيبه: ناجص بس نلجي عروسه لعرفه ولدي.
عبدالغني: بعد الفرح هكلم مصطفي يجيبلنا عروسه بت حسب ونسب.
زاهر: ايه جولك ف العروسه اللي نجيتهالك؟
نظمي: انا مش مصدج عيوني أن في واحده بالجمال والاءدب ده كله.
زاهر: اهو بجا ساعات بلاص المش بينضع عسل اي خدمه، عشان تعرف بس غلاوتك عندي مش الغازيه اللي كل يوم من راجل لراجل.
نظمي: احب علي يدك، جفل علي السيره ديه خلاص، هيا كلمتني وانا نهيت معاها كل حاجه.
زاهر: ايوه كده عافيه عليك، كده انته اخويا وحبيبي.
نظمي: ربنا يخليك لي يا زاهر ويخليك يا اخوي.
السرد: ونتركهم ونذهب الي خيم الغجر حيث كانت ناعسه تجلس في خيمتها لتدخل عليها نقاوه.
نقاوه: بت يا ناعسه الواد عرفه واد العمده واجف برا وعاوزك.
ونيسه: خليه يخش وروحي انتي اعملي شاي.
نقاوه: طاب فهميني مخك فيه ايه.
ونيسه: روحي بس دلوك وانا هبجا اجولك.
نقاوه: طيب.
السرد: لتخرج نقاوه ويدخل عرفه الخيمه.
ونيسه: واد العمده سي عرفه بنفسه؟
عرفه: اه هو بشحمه ولحمه.
ونيسه: نورت خيم الغجر كلها.
عرفه: باستغراب من ميته بتديني وش ده بجاللي كتير ميت ف العتب وانتي ولا حتي بتعبريني.
ونيسه: اللى ف الجلب كتير بس العين تخاف من الفضيحه.
عرفه: فضيحه ايه ونسبه مجدرش اجول انا مش جد المجام.
عرفه: ده انتي المجام كله وانا بحبك وهموت عليكي وانتي شاغله بالك بنظمي مع انه هيتجوز شاديه خيتي.
السرد: لتحاول ونيسه أن تداري دهشتها.
ونيسه: نظمي مين ده ده مياجيش ترابه ف مركوبك.
عرفه: بجد امال كتي منفضالي ليه؟
ونيسه: ده انا كت بغيظك بيه عشان تغير عليا.
عرفه: بفرحه بجد؟
ونيسه: كل ده ومحاسسش؟
عرفه: يا بركه دعاكي يا اما.
ونيسه: بس اسمع انا مش بتاعت حرام انا ف الحلال اديك عيوني.
عرفه: حلال ازاي يعني؟
ونيسه: تتجوزني.
عرفه: له جواز ايه وبتاع ايه انا هصرف عليكي واخدلك شجه واجيبلك حريم يخدموكي وتبجي بتاعتي وحدي.
ونيسه: له سيبك من شغل الافلام ده واد العمده يعيش مع الغجريه ف الحرام الكلام ديتي بطل من زمان جوي.
عرفه: طاب جواز ازاي محدش من ناسي هيوافج ده مش بعيد ابويا يجتلني فيها.
ونيسه: بتمثيل بعد الشر ده كت اموت روحي وراك يا ضي عيوني.
عرفه: بفرحه ضي عيونك يا روح جلبي.
ونيسه: يسلم جلبك يا غالي.
السرد: لتدخل عليهم نقاوه.
نقاوه: الشاي يا ونيسه واعملي حسابك النمره بتاعتك هيا اللي جايه.
ونيسه: بدلع النهارده هغني وارجص بفرحه عشان حبيبي هيتفرج عليا.
عرفه: وانا جاهز اتفرج علي غزاله الغجر.
السرد: لنتركهم ونذهب الي ناعسه حيث كانت تجلس مع ام جرجس.
ناعسه: عافيه عليكي ف الكلام اللي جولتيه.
ام جرجس: مش انتي اللي وصتيني اجول كده لما تساءليني علي جليله؟
السرد: لتضحك ناعسه.
ناعسه: والهبله صدجت، خدي بجا الحاجه ديه شيعتهالك جليله.
ام جرجس: اللي ياجي منها احسن منها.
ناعسه: بجولك ايه انا عاوزاكي تروحي توكلي جوزك وولدك وبعد مياكلو عاوزاكي تشيعي جرجس ينادملي نعيم عاوزاه ضروري.
ام جرجس: حاضر بس يكون فين دلوك؟
ناعسه: ف بيته بيروحش بيت العمده غير علي يدان الفجر ويمشي مع المغرب.
ام جرجس: طاب عاوزاه ليه؟
ناعسه: بعدين هجولك روحي بجا.
السرد: لتتركها ام جرجس وتذهب الي منزلها.
ناعسه: لازم اعرف كل حاجه من نعيم عشان احدد خطتي الجايه.
السرد: لتسمع رنين هاتفها.
ناعسه: يا ابوي دي جليله.
ناعسه: نعم يا ست الحسن والجمال.
جليله: بجولك ايه انا مضايجه من البت شاديه جوي وخايفه تطلع ف الفرح اجمل مني.
ناعسه: مين دي لا عاشت ولا كانت انا هتصرف وهضحكلك الدنيا كلها عليها.
جليله: ازاي؟
ناعسه: ده شغلي انا بجا.
جليله: خلاص هعتمد عليكي ياله روحي ومتنسيش تاجي مع الفجر.
ناعسه: عيوني حاضر.
السرد: لتغلق ناعسه الهاتف.
ناعسه: الله يخرب مطنك عاوزه تنكدي علي خيتك ليله دخلتها ما انتو عيله كلكم عجارب ربنا يكفينا شركم بس كده احسن خليهم ياكلو ف بعض وانا الكسبانه ف الآخر.
السرد: ونتركها ونذهب الي القاهره حيث كان تيم يقف في مطعمه.
تيم: بجولك ايه يا راشد؟
راشد: قول.
تيم: هيا الانسه تمارا مجاتش النهارده اشترت السندوتشات؟
راشد: هو انته متعرفش أنها عملت عمليه الزائده؟
تيم: بخضه له معرفش ميته!
راشد: طاب براحه علي نفسك سماح صاحبتها الاكس بتاعتي هيا اللي قالتلي وهتبيت النهارده ف المستشفي وهتطلع بكره.
تيم: طاب انا عاوز ازورها.
راشد: ازاي يعني واهلها كلهم معاها؟ اقولك ممكن تاخد نورا وتروح تزورها علي انك يعني رايح مع اختك عشان متسبهاش لوحدها.
تيم: عافيه عليك.
راشد: ماشي يا صعيدي.
تيم: بعصبيه وماله الصعيدي يا اخوي الصعايده اسياد الناس.
راشد: بهزر معاك ايه مالك في ايه كل ده عشان تمارا؟ عاوز اقولك علي حاجه يا صاحبي وحطها حلقه ف ودنك.
تيم: في ايه؟
راشد: تمارا بنت اغني أغنياء البلد واحنا يعني سامحني مهما كان بنصرف علي نفسنا عشان نتعلم.
تيم: عارف بس اعمل ايه ماليش حكم علي جلبي.
راشد: ربنا يكرمك يا تيم انته تستاهل كل خير.
تيم: تعيش انا هتصل بنورا عشان تروح معاي.
راشد: بس زي فهمتك.
تيم: يساويها ربنا إنشاء الله.
ليتصل تيم علي أخته.
تيم: انتي فين يا نورا عاوزك ف مشوار.
نورا: بكحه شديده انا تعبانه اوي ومش قادره اتحرك من السرير.
تيم: ازاي يا بنتي ما انتي كتي كويسه ف الليل.
نورا: اصل بعد ما انته نمت كان في محاضرة مفهمتهاش والنوم كان كابس عليا فجولت اسبح بدش ساجع عشان اعرف اركز.
تيم: انتي مجنونه يا بنتي دش ساجع ف عز الشتا!
نورا: بكحه شديده مش عارفه بجا.
تيم: طاب اجفلي انا جايلك.
نورا: خليك الخاله هنيه بتعملي حاجه سخنه.
تيم: لا حول ولا قوه الا بالله العلي العظيم يعني امك عايشه والغريبه اللي تخدمك! انا جاي.
لمتابعة باقى الرواية زورو قناتنا علي التليجرام من هناااااااااا
بدل ماتدور وتبحث علي الروايات عمل
متابعه لصفحتنا على فيس بوك هنااااااااااا
الرواية كاملةمن هناااااااااا
مجمع الروايات الكامله 1اضغط هناااااااا
مجمع الروايات الكاملة 2 اضغط هناااااا
تعليقات
إرسال تعليق