سكريبت ليله فى قرية الجن كامله بقلم اسماعيل موسي حصريه
سكريبت ليله فى قرية الجن كامله بقلم اسماعيل موسي حصريه
وأنا مروح البيت ، المطره نزلت ، كنت سايق عربيتى وماشي بسرعه بحاول اوصل ، كنت فى طريق مقطوع والمطر شدت اووى، صوت الرعد والبرق يخلوك تحس ان السما هتقع عليك.
فجأه وصاعقه ضربت الطريق قدامى، انا غمضت عنيه للحظه وافتكرت انى انا والعربيه روحنا فى داهيه
حسيت بريح بارده صدمتنى فى وشي، ريح زى التلج فتحت عنيه لقيت نفسي وسط الطريق، قلت الحمد لله
يدوبك ٢٠ كيلو
لقيت راجل عجوز واقف على جنب الشارع والمطره نازله فوقيه مغرقه جسمه ، بعد ما عديته صعب عليه، وقفت ورجعتله، سألته انت رايح فين؟
وليه واقف فى الحته المقطوعه دى؟ ليه محاولتش تشاورلى؟
كنت فتحت باب العربيه والراجل ركب، كان عجوز جدا وبيتكلم بالعافيه
قال، انا عارف ان الحته دى مقطوعه ومليانه عفاريت ومحدش هيقفلى
عشان كده مرضتش اشاورلك
بعد كده بصلى بنظره مريبه مركزه ، انت عارف كام عربيه عدت ومرضتش تقفلى؟
سته، ٦ ، فأنا قلت انت كمان مش هتقف
بسأله انت رايح فين؟
قالى لحد نهاية الطريق ده
بعد شويه لقيت ست واقفه على جنب الطريق لوحديها
وقفت العربيه جنبها وطلبت منها تركب نوصلها فى طريقنا
الست ركبت العربيه وقعدت جنب الراجل ده ومتكلمتش خالص
#اسماعيل_موسي
مفيش دقيقه ولقيت طفل صغير قاعد بيعيط على جنب الطريق
استغربت من الصدفه دى، ركبت الطفل جنبى وعمال اسأله انت ابن مين؟
وازى وصلت هنا؟
وواقف لوحدك فى المكان المقطوع ده؟
بصلى وقال انا ابن الراجل والست إلى كانو راكبين معاك العربيه
إلى كانو؟ ببص لورة ملقتش حد فى العربيه، الكرسى فاضى
وقفت العربيه وانا عمال اتشهد واستذكر، دول راحو فين؟
الولد بص ناحيتى وقال نزلو لما انت وقفت بالعربيه وانا ركبت
مينفعش نركب مع بعض
يعنى الراجل كان والدك والست والدتك؟
قال ايوه
#اسماعيل_موسي
طيب ليه مقلش كده؟
وليه متكلمش مع والديه؟
وايه إلى حصل اصلا
انتو مين؟
قال متسألش، انا هوصلك لأخر الطريق وهسيبك
والدى طلب منى كده عشان أحميك
تحميني من مين يا ابنى
أحميك من دول وشاور على جنب الطريق
ببص على جنب الطريق مشفتش حاجه
جسمى اتلخبط وقعدت ارتجف، كان واضح انهم عفاريت
قالى متخفش انا مش هسيبك وبقه قعد ينقط دم
لحظتها فهمت انه كمان عفريت بس مرضتش افتح بقى، قعدت سايق على طول لحد ما وصلت نهاية الطريق
طلب منى أوقف العربيه، قال هنزل هنا مع السلامه
انا لمحته مشى وبلعت نفسي، واديت العربيه على اقصى سرعه بعد خمس دقايق لاحظت ان الطريق إلى انا ماشي فيه غريب
انا المفروض عديت المنطقه دى ويظهر عمران ومبانى
رغم كده واصلت القياده مفيش دقيقه ولقيت نفسى
فى نفس الطريق وراجل عجوز واقف على جنب الطريق والمطر مغرقه
قلت اعوذ بالله من الشيطان الرجيم انا رجعت لنفس الطريق تانى؟
بصراحه ممسكتش نفسى، سنانى قعدت تخبط فى بعضيها
مرضتش أوقف طبعا، بس العربيه تعطلت فجأه ووقفت
شايف فى المرايه الراجل عمال يقرب منى وانا خايف انزل اشوف العربيه فيها ايه
وخايف انزل أجرى
الراجل وصلنى وخبط على الزجاج عشان افتح
الراجل وصلنى وخبط على الزجاج عشان افتح
بصعوبه بصيت على وشه كان مختلف، كان عجوز لكن مش هوه الراجل الاولانى
قلت انت عفريت؟
قعد يضحك، قالى هما طلعولك؟
اطمنت شويه، وقعدت احكيله على إلى حصل معايا والراجل مبطلش ضحك
هما بيعملو مقالب فى الناس بس مش مؤذين، دا راجل ومراته وطفله عملو حادثه وماتو هنا
المؤذيه بجد، شابه ملعونه بتظهر فى اخر الطريق لو كنت ماشي وطلعتلك إياك توقف
صلحنا العربيه واتحركنا، كنت مبسوط ان الراجل ده معايا لانى كنت مرعوب جدا
قبل نهاية الطريق ولقينا البنت دى فى وشنا واقفه فى نص الطريق
ومش ممكن اتفادها
الراجل قال متوقفش
هنخبطها قلت
قال يا عم دى عفريت سوق على طول
غمضت عنيه وضغطت بنزين وسمعت خبطه وجسم طار فى الهوا
وقفت العربيه غصب عنى، البنت كانت مرميه فى نص الطريق وبتصرخ
بقله بصراخ وانا ببص ناحيته ينفع كده؟ دي ماتت
لكن ملقتش حد جنبى، الكرسي كان فاضي
لسانى وقف عن الكلام، قعدت فى العرببه مش قادر انزل ولا اتحرك
من بعيد لمحت ضوء سياره جاى ناحيتى
لما وصلو البنت وقفو العربيه ونزل، كان راجل ومراته، نزلت لما شفتهم نزلو
الست كانت بتحضن فى البنت المصابه وانا عمال اشرحلهم الي حصل وانه كان غصب عنى واحلف بالله كان غصب عنى
الراجل قال لازم ننقلها المقابر وندفنها
بقله يا عم احنا لازم نتصل بالشرطه والاسعاف، البنت لسه حيه؟
قال متخفش أنا عارف بعمل ايه كويس، انت المهم بالنسبه ليك أن محدش يوجه اتهام ليك؟
قلت ايوه، بس لازم ننقذها؟
قال انا عارف شخص كويس بيعالج الناس، لو البنت ما توفتش قبل ما نوصل هخليه يعالجها
انت بتتكلم ازاي؟
كان كلامه غريب وحسيت انه مجنون
قالى احنا هنركب عربيتك عشان نتأكد انك مش هتهرب
كنت عايز اخلص بأى طريقه قلتله ماشى
شلنا البنت حطينها فى الكرسى إلى ورا والراجل ركب جنبها والست ركبت جنبى
طلعت بالعربيه ببص فى المرايه لقيت العربيه التانيه اختفت
ليله سوده؟ دول كمان عفاريت ولا ايه؟
بصيت قدامى وفضلت سايق والمرأه إلى جنبى عماله تبصلى وتضحك
وانا ميت من الرعب، هتشل وجسمى متشنج
عشان متفكريش تهربى مننا تانى؟ اديكى شفتى إلى بيهرب بيحصلو ايه
الراجل كام بيكلم البنت بنبره كلها حزن
بقله انت تعرفها؟
قال دى بنتنا، سابت البيت وهربت واحنا لحقناها لهنا
بنتك؟ رجلى على البنزين بترقص
والست عماله تضحك
فجأه وعنيها تغيرت وملامحها قلبت كيوت خالص
حطت ايدها على كتفى وحسيت تلج مشي فى عضمى
مش قادر اشيل ايدها ولا قادر استحمل، غمضت عنيه، قلت يمكن يختفو!
فتحت تانى لقيتها بتبص ناحيتى وبتضحك
البنت ماتت لازم ندفنها بسرعه، ألست قالت ملحقنهاش المره دى كمان؟
الراجل قال لا
قلبى وقف والعربيه وقفت مكانها مقدرتش اكمل هيغمى عليه
الراجل قالى استحمل قربنا نوصل متقفش هنا فيه عفاريت
قلت فى سرى عفاريت؟ امال انتم ملايكه؟
ضغطت على نفسى وكملت لحد المقابر، الراجل قال شيل معايا هندفنها
شلت معاه البنت لحد ما وصلنا مقبره، قال أحفر هنا هندفنها
حفرت زى ما قال ليه لحد ما القبر ما انفتح
الست إلى بتضحك دخلت جوه المقبره، وراها دخل الراجل وقال يلا ادفعها ناحيتى وأغلق المقبره وامشي من هنا ومتحكيش لحد عن إلى حصل عشان الشرطه وكده
قلت حاضر، حاضر
قفلت المقبره وقعدت اتشهد واقراء قرأن وجسمي كله بيرقص
بتعمل ايه هنا فى نصاص الليالى يا بيه؟
ببص لقيت راجل ماشى ناحيتى من بعيد
بكل قوتى جريت ناحية العربيه والراجل عمال يصرخ ورايا استنى
استنى
وصلت العربيه وزى الطلقه مشيت من المقابر، قلت والله حتى لو شفت ايه مش هوقف غير فى البيت
كنت راجع من نفس الطريق اول ما وصلت الحته إلى كنت فيها
لقيت بنتى مرميه فى نص الطريق
وناس واقفه حواليها
كانت نفس البنت إلى صدمتها ودفنتها فى المقابر، فضلت دايس سرعه
من غير ما ابص لحد ما وصلت العمران لما وصلت اول بيت وقفت
قعدت اتنفس بصعوبه واهدى نفسي شويه
طلعت بنت من البيت كانت شايله كيس زباله، قربت من العربيه
شافتنى، انت عايز حاجه يا عمه؟
قلتلها لا انا هتحرك دلوقتى، مش ده اول العمران والمبانى؟
البنت شكلها اتغير وتحول لنفس البنت إلى صدمتها بالعربيه
فتحه بقها، نقط دم وشفت لسانها الطويل واسنانها، قالت انت خبطتنى بالعربيه ودفنتنى حيه!؟؟
انتهت
تعليقات
إرسال تعليق