رواية ابن قلبى ( الجزء الاول)الفصل الحادي والثلاثون والثانى والثلاثون والثالث والثلاثون والرابع والثلاثون والخامس والثلاثون بقلم علياء
رواية ابن قلبى ( الجزء الاول)الفصل الحادي والثلاثون والثانى والثلاثون والثالث والثلاثون والرابع والثلاثون والخامس والثلاثون بقلم علياء
الحلقه ال31°°32 33 34 35ابن قلبي°°
"اتجهت تسنيم خارج القاعه،،للبحث عن تاكسي حتي تأتي حياء،،واثناء وقوفها،،ظهر امامها شابا يظهر عليه الثمل الي درجه كبيره،،مما ارعبها،،ظل الشاب يقترب منها وهي تبتعد ثم قام باخذ حقيبه يدها،،ظلت تسنيم تصرخ بشده،،ثم وجدت احمد امامها،،لحق احمد الشاب وامسكه،،ثم بدأ يكيل له الضربات،،والشاب يرد له تلك الضربات"
تسنيم ببكاء وهي تصرخ في الشاب:ابعد عنه يا حيوان انت
ثم اتجهت بحديثها لاحمد:سيبه خلاص يا استاذ ،،الله يخليك كفايه
"قام احمد باخذ الحقيبه من الشاب وما هي الي لحظات حتي هرول الشاب بعيدا عنهم"
احمد وهو يلتقط انفاسه:انت بتعملي ايه هنا لوحدك!!
تسنيم :كنت بوقف تاكسي علشان نرجع البيت انا وصاحبتي
احمد وقد فهم انها تقصد حياء:طيب مفيش راجل جاي معاكوا ولا ايه،اخوكي او ابوكي!!!
تسنيم بامتنان:لا وبجد شكرا اوي لحضرتك
احمد بابتسامه:انا عملت اللي المفروض كان يتعمل،،ثم هتف قائلا:انا نسيت اعرفك بنفسي!!
تسنيم وهي تبتسم:اه فعلا
احمد بمرح:انا ياستي اسمي احمد،،وصاحب مصطفي الانتيم،،بس تعرفي الحسنه الوحيده اللي عملها درش في حياته انه خلاني اتعرف عليكي
تسنيم باحراج:اه ميرسي
احمد متابعا:طبعا انا معايا رقمك ولو مفيش مشكله يعني تسمحيلي ،،ابقي اطمن عليكي
"وبينما هو يتحدث رن هاتف تسنيم"
تسنيم وهي ترد:ايوه يا حياء
حياء بحزن:انتي فين يا بنتي،،انا واقفه برا القاعه ومش لاقياكي
تسنيم بتفهم:معلش يا حياء انا بعدت شويه بس لحظه وهتلاقيني قدامك"
"اغلقت تسنيم الهاتف مع حياء،،ثم شكرته مره اخري"
احمد متابعا:اكيد هنتقابل تاني؟!
تسنيم:قول يارب،،ثم اتجهت بعيدا عنه،،ثم هتف هو قائلا:استني تليفوني بقا،،نظرت له تسنيم وهي تبتسم ثم تابعت السير"
"اتجهت تسنيم نحو باب القاعه مره اخري لتجد حياء في انتظارها"
حياء بزعل:كنتي فين يا تسنيم
تسنيم بمرح:كنت واقفه مستنيه تاكسي،،جه حرامي اخد الشنطه وجري،،بس في شاب جري وراه واخدها منه،،،تعرفي مين الشاب دا؟!
حياء بمتابعه:امممممم،،مين؟!
تسنيم بسعاده:احمد،،اللي كان هيخبطني بالعربيه من كام يوم واخد رقم فوني
حياء باندهاش:ياااادي الصدف ،،امممم،، وانتي بقا سيباني ملقحه هنا علشان الاستاذ احمد دا
تسنيم :والله انتي ما طبيعيه النهاردا ،،مالك يا حياء،،ايه اللي حصل بينكم"
حياء وهي تحتجز دمعتها:مفيش
تسنيم متابعه:بطلي مكابره وعند و...
"ثم قاطعهم فجأه قدوم سياره ما ووقفت امامهم"
مالك بدون اي تعبيرات علي وجهه:اركبوا
"نظرت حياء لمالك باندهاش كبير،،فقد ظنت انه سوف يبتعد عنها للابد،،ولكنه مازال يحميها رغم ما فعلته به من كلام جارح اصاب منتصف صدره"
تسنيم وهي تنظر لمالك بدهشه:ايه دا انت كنت فين كدا!!!
مالك متابعا:عادي ،،روحت اجيب العربيه من الجراج لحد ما تخلصوا
"ركبت الفتيات السياره،،في المقعد الخلفي ثم انطلق مالك عائدا بهم الي المنزل"
"كانوا الثلاثه يجلسون في صمت تام،،حتي بدأت تسنيم تضفي نوعا من المرح لكي تقتل هذا الجوء الكئيب"
تسنيم بمرح:مالك هو مينفعش نقف علي النيل شويه،،الصراحه بقا انا نفسي في حمص ،،وانتوا معيشيني في جو كئيب
مالك وهو يبتسم لها:انتي فاكره نفسك في اسكندريه
تسنيم برخامه:اه النيل هنا تحفه بس انت جرب بس،،وودينا ناكل حمص
"كانت حياء تستمع لحديثهم دون ان تتفوه بكلمه واحده"
تسنيم موجهه كلامها لحياء:ها يا مشمشتي نروح ناكل حمص؟!
حياء:لا انا تعبانه ومحتاجه انام
تسنيم بحزن:اممممم طيب خلاص نروح
"كان مالك ينظر لها من مرأه السياره،،ثم اكمل طريقه للبيت دون ان يتفوه بكلمه"
"واثناء سيرهم في الطريق كانت حياء تحدث نفسها قائله:دا مش عاوز يبصلي ولا يكلمني،،
للدرجادي مش طايقني،،عاااااااا،،بس انا ازاي اقوله كدا،،مالك مش كدا وبيحبني بجد،،بس اكيد الكلام وجعه،،انا خايفه اوي من تغيره دا
********
"امام القاعه"
كان احمد يقف مع ذاك الشاب الذي حاول ان يخطف حقيبه تسنيم،،ولكنه ليس بحرامي ولكنه مستأجر من قبل احمد ليقوم بتلك المهمه"
احمد وهو يصافح يده:اشطا عليك ،،تصدق تستاهل الفلوس
الشاب:تسلم يا كبير،،بس ايدك مش كانت تقيله حبتين؟!
احمد وهو يضحك:معلش بقا يسطي،،كنت عاوز الخطه تمشي مظبوط
الشاب وهو ياخد منه المال:ماشي،اي خدمات تاني
احمد :لا روح انت
احمد وهو يحدث نفسه:كدا بقا الخطه ابتدت تمشي زي ما انا عاوز،،ووريني بقا يا مالك هتنقذها ازاي من ايدي المره دي
******
"داخل القاعه"
منه وهي توجه حديثها لمي:امال البنات فين
مي:حياء تعبت اوي واضطروا يمشوا
منه بفزع:جرالها ايه؟!!
مي متابعه:اهدي يا بنتي مفيش حاجه دول شويه صداع
منه متفهمه:ماشي تمام بس ابقي رني عليهم واطمني علي حياء
مي:حاضر
"واثناء حديثهم دخل احمد القاعه واقترب من صديقه،،ثم قام بمصافحته واحتضانه "
مصطفي بلوم:كل دا تأخير يا احمد
احمد وهو يتحجج:وانا جي العربيه،،عملتها معايا ووديتها للميكانيكي
مصطفي بتفهم:ماشي يا ميدو
"ثم التفت احمد بحديثه الي منه قائلا:مبروك يا انسه منه،،وعاوزك تطلعيلي عينه
ابتسمت له منه قائله:اكيييييد
********
" في بيت عبد العزيز فهمي"
عزيز:الباشا اتأخر ليه!!!
نيفين:ماتسيبوا براحته يا عزيز هو صغير!!!
عزيز:ايون هو مهما كبر هيفضل بالنسبالي صغير
نيفين متابعه:اكيد يا حبيبي،،طيب انا هكلمه اهو واشوفه هييجي امتي
"اجرت نيفين اتصالا علي ابنها،،ولكنه لم يجب علي اتصالها"
عزيز بتهكم:مردش صح!!
نيفين بتنحنح:معلش اكيد مش سامع الفون من الدوشه
عزيز متابعا:لما نشوف اخرتها معاه
*****
"بعد مرور ما يقرب من الساعتين ،،قرر احمد الاتجاه الي بيته،،بعدما رأي الاتصالات المتكرره من والدته،،ثم تم انهاء الفرح وانطلقت عائله مي الي منزلهم بصحبه مصطفي"
*******
"وصل مالك بصحبه الفتيات الي المنزل"
مالك:وصلنا اتفضلوا
"خرجت الفتيات من السياره ثم اكمل مالك قائلا:اطلعوا انتوا يلا،،وانا هركن العربيه،،تصبحوا علي خير
" كانت حياء تنظر له بحزن فهو لم يعيرها اي انتباه،،لقد تمادت فيما فعلته ولابد ان تتحمل النتيجه منه"
"دلفت الفتيات الي المنزل،،وقام مالك بركن سيارته ،،ثم انطلق الي داخل العماره،،واثناء دخوله لمنزله،،اوقفه صوتها"
حياء بحزن:مالك
"التفت لها مالك دون ان يتفوه بكلمه واحده لها،،ثم تابعت هي قائله:انا اسفه بجد،،مكنتش اقصد
مالك متابعا:وانا اسف بجد اني ضايقتك بوجودي في حياتك،،ثم تابع قائلا:تصبحي علي خير
حياء وهي تنظر له وقد لمعت عينيها:يعني ايه الكلام دا!!!!
مالك متابعا:يعني خلاص اعتبريني شخصيه خياليه في حلم من احلامك،،والشخصيه دي اختفت بمجرد ما صحيتي من النوم،،بعد أذنك بقا انا مرهق اوي
" دلف مالك الي منزله دون ان ينتظر ردها،،ثم دلفت هي الاخري الي منزلها"
تسنيم وهي تنظر لها بشك:حياء مالك؟!،،ايه اللي حصل؟!
"لم تجب حياء علي سؤالها ثم دلفت الي غرفتها دون ان تتفوه بكلمه،،دلفت تسنيم وراءها الي الغرفه"
تسنيم وهي تدخل الغرفه قائله:انتي يا بنتي انا مش بكلمك مبت.....
"ثم اوقفها رؤيه حياء وهي تشرع في قص شعرها،،هرولت تسنيم اليها ثم اخذت منها المقص قائله:ايه اللي بتعمليه دا انتي اتجننتي!!!!!
حياء وقد اجهشت في البكاء،،ثم ارتمت في احضان تسنيم قائله:عاوز يسيبني،،قالي انه خرجني من حياته،،انا مش هقدر يا تسنيم،،انا عوزاه
تسنيم وهي تربت علي شعرها:اهدي طيب يا حبيبتي اهدي،،مالك مستحيل يعمل كدا فيكي،،هو اكيد كان في حاجه مزعلاه ف اتعصب عليكي
حياء ببراءه متابعه:انا
تسنيم باستفهام:انتي ايه!!!!!!
حياء بهستيريه بكاء:انا اللي زعلته وقولتله ،،اخرج من حياتي وبلاش تمارس قوتك عليا وتستغل الفرص علشان تقرب مني
تسنيم وقد جحظت عينيها:نعم!!!!... يا وقعه منيله،،هو انا ياربي اصلح من هنا وانتي تبوظي من هنا،،ليه بس كدا ياحياء!!!،،انتي عارفه انه مش كدا
حياء ببكاء:عارفه بس كنت مضايقه منه اوي،،انا مش عوزاه يبعد عني يا تسنيم
تسنيم مهدئه اياها:طيب اهدي بس وانا هتصرف
*********
"داخل بيت مالك"
"قرر مالك الاتصال بالسيده هاله"
مالك وهو يتحدث معها:لولو ،،حبيبتي وحشتيني
السيده هاله:وانت كمان وحشتني يا مالك
مالك بحزن:انا مخنوق اوي يا ماما
هاله بخضه:مالك بس في ايه؟!!!،،انت اتخانقت مع حياء
مالك بحزن:الموضوت اكبر من الخناق بكتير
هاله باستفهام:ازاي؟!!
مالك :بكرا هفهمك كل حاجه،،المهم انا هنام دلوقتي وحبيت اتطمن عليكي
هاله:انا بخير يابني،،ربنا يريح قلبك بس متاخدش قرارات غير لما تفكر فيها مليون مره
مالك :الله المستعان
"اغلق مالك الهاتف مع السيده هاله وقرر ان يدخل الي غرفته ليستعد للسفر غدا،،واثناء دلوفه الي غرفته رن هاتفه"
"خرجت تسنيم من الغرفه بعد تاكدها من ان حياء غرقت في نومها"
تسنيم:الو يا مالك
مالك بخوف:حياء فيها حاجه؟!!!
تسنيم متابعه:لا حياء كويسه،،بس كنت عاوزه اتكلم معاك شويه
مالك بتفهم:اتفضلي،،بس قبل اي حاجه،،انا خلاص خرجت من حياتها ومسافر بكرا اليكس
تسنيم بصدمه:نعم،،تسافر فين يامالك طب وحياء!!!!
"واثناء حديثها مع مالك علي الهاتف وجدت ما كانت لا تتوقعه....
يتبعالحلقه ال32°°ابن قلبي°°
"كانت تسنيم تتحدث علي الهاتف مع مالك الذي اخبرها بخبر سفره،،فدهشت تسنيم من قراره هذا"
تسنيم بدهشه:هتسافر ازاي يا مالك،،طب وحياء!!
"واثناء حديثها معه وجدت حياء امامها وقد سمعت ما قالته تسنيم،،مما اصابها بالهلع"
حياء وقد لمعت عينيها:مالك هيسافر فين يا تسنيم!!!،،طيب هيسيبني خلاص
"ثم تركت تسنيم تقف ومازالت مذهوله،،ثم اتجهت ناحيه الباب ثم فتحته وذهبت الي منزل مالك،،اخذت حياء تطرق الباب عده مرات،،حتي قام مالك بفتحه بعد دقائق قليله،،وما ان فتح مالك الباب ورأته حياء امامها ،،حتي ارتمت بين ذراعيه وهي تجهش بالبكاء ،،مما ادهش مالك"
حياء ببكاء:متسيبنيش وتسافر يا مالك،،انا عوزاك جنبي وهسمع كلامك ومش هزعلك تاني اوعدك
مالك ومازال في صدمته:احم ،،حياء احنا مينفعش نكون مع بعض،،انتي عنيده وانامكابر ومبحبش العند،،وبعدين مش دا اللي انتي عوزاه!!!
حياء وهي تتشبث في ملابسه اكثر:لا انا عوزاك انت،،واسفه والله
"كانت تسنيم تقف امامهم وتتابع ما يحدث،،ثم غمز لها مالك بعينيه،،اي انه سيظل يمثل انه لا يريدها لفتره لكي تظل متشبثه به،،وقد فهمت تسنيم ما يرمي له،،فابتسمت علي فعلته"
مالك مكملا: انا قوتك،،فوقت ما تكوني اضعف حد في الدنيا
وانا الضعف لو فكرت امارس قوتي عليكي
انا المتيم بيكي،،بس لو جت ع الكرامه،،انا منسحب
حياء ببكاء:بس انا مقصدش اجي علي كرامتك،،متصدقش كلامي عنك انا بكذب
مالك بخبث:لالالالا ،،انسي انا قررت يا بنت الناس،،وممكن بقا تسيبيني علشان انتي مقيداني كدا،،ثم قام بتقليدها،،عندما اخبرته بذلك داخل القاعه
حياء وهي تنظر له بغيظ:انت بتهزر،،سايبني بموت من العياط وبتهزر،،ثم حررت يدها عن ملابسه
مالك بحزن مصطنع:ما كنا كويسين ،،ليه كدا بس،،لازم تنكدي علينا يعني علشان اعيش اللحظات الرومانسيه دي ،،بدال ما انا حاسس اني بحب اشرف كخه صاحبي
حياء وهي تضع يدها علي خصرها:نعم ياخويا اشرف كخه مين دا،،وبعدين لو مش عاجبك ..
مالك مقاطعه:ها لو مش عاجبني ايه بقا!!!،،اسافر
حياء وهي تقترب منه:انت بتتلكك صح ، ثم قامت بعضه في يده،،مما جعل تسنيم تضحك بشده علي طريقتهم"
تسنيم بضحك:ارحمي الواد انتي مبتتفهميش ،،بتعضي علي طول
حياء وهي تنظر لها:بس لاعضك انتي كمان
"اتجهت تسنيم ناحيتها ثم جذبتها من يديها:طب مش يلا بقا علشان نتخمد انا مرهقه طول اليوم،،ثم اخذتها تسنيم ودلفوا الي المنزل"
*********
"في صباح اليوم التالي"
"استيقظت تسنيم علي صوت رنين هاتفها"
تسنيم وهي تنظرللرقم،،ولكنه غير مدون باسم علي هاتفها،،فقررت الا تجيب،،ولكن اخد الهاتف يرن رنات متواليه،،مما ازعجها،،فقررت الرد"
تسنيم بنفاذ صبر:الو
احمد:يما،،ليه العصبيه دي بس ،،شكلي صحيتك من النوم
تسنيم وهي تعتدل في جلستها:ها مين؟!
احمد بضحك:انا احمد معقول معرفتنيش؟!
تسنيم وقد تذكرته:اه اه افتكرتك
احمد بخبث :طيب كويس والله الجميل عامل ايه بقا
تسنيم بغضب:ايه الجميل دي،،وبعدين انا شكرتك يا استاذ،،ف مفيش داعي تكلمني علي الفون،،كدا ميصحش
"ثم قامت باغلاق الهاتف في وجهه"
احمد وهو ينظر لشاشه الهاتف:بقا كدا،،ماشي يا تسنيم
"كانت تسنيم مازالت غير مستوعبه لما يحدث،،ولكنها كانت في قمه سعادتها لاهتمامه بها،،نعم هي ربما تكون معجبه بشخصيته،،وانه المنقذ بالنسبه لها،،لكنها لا تعلم انه يتخذها وسيله للحصول علي صديقتها"😐
*******
" في بيت السيده هاله"
"كانت تجلس بصحبه ياسمين وابنها يحيي"
ياسمين :يعني هو مقالكيش ايه اللي مزعله
هاله متابعه:للاسف مقالش،،بس وعدني بكرا هيقولي،،انا خايفه ليكون زعلان مع حياء وهي ضايقته اوي
ياسمين:تفتكري؟!،،طيب حتي لو ضايقته،،تتوقعي انه يسيبها ويرجع بالسهوله دي
هاله:لا ،،بس هو زعلان اوي وقالي الموضوع اكبر من كدا وانا في الحاجات دي،،متوقعش ابدا رد فعل مالك
ياسمين:ربنا يصلح الاحوال بينهم
يحيي مقاطعا:ماما احنا هنروح امتي عند مشمشه!!
ياسمين:خالتو راجعه بعد بكرا يا قلبي ،،وهنروحلهم وناخد طنط هاله معانا تشوف مالك
هاله بفرح:اه والله احسن دا واحشني
يحيي بمرح:ماشي ابقي فكريني اخد البلاي ستاشن بتاعي ،،علشان نلعب انا وهي سوا
ياسمين بضحك:حاضر يا حبي
********
"كان والدا حياء يجلسان"
عبدالسلام:جهزتي كل حاجه علشان هنتحرك بكرا الفجر
هدي:ايون يا حج كل حاجه جاهزه
عبد السلام :تمام رني بقا علي حياء بلغيها اننا هنرجع بعد بكرا
هدي بتفهم ماشي:بس اكيد ياسمين بلغتها
عبد السلام:لا رني بردو اكديلها واتطمني عليها
هدي:حاضر ياحج
"قامت هدي بالاتصال علي ابنتها،،التي اجابت وينتاب نبرتها النعاس"
حياء بفرح:ايوه يا مامتي،،وحشتيني
هدي:وانتي كمان يا قلبي،،بقولك احنا راجعين بعد بكرا باذن الله
حياء بفرح:بجد
هدي مستفهمه:اه والله ، هي خالتك مقالتلكيش ولا ايه!!!
حياء متابعه:لا،،تلاقيها نسيت،،بس دا احلي خبر سمعته
"اغلقت حياء الهاتف مع والدتها،،واستعدت لتحضير الافطار وبينما هي تتحرك من سريرها،،وجدت هاتفها يعلن عن رساله،،ثم قامت حياء لتلتقط الهاتف وتنظر الي محتوي الرساله،،لتجدها من مالك،،ومضمونها هو" صباح الخير يا بنوتي،،وحشتيني"
ابتسمت حياء بشده علي معرفته لمواعيد استيقاظها،،ثم وضعت الهاتف جانبا وخرجت من الغرفه"
*******
"في بيت مي"
"قام مصطفي بالاتصال علي منه"
مصطفي بحب:بقولك ايه يا صاحبتي
منه بغيظ:صاحبتك يا مصطفي،،عااااااا،،متكلمنيش تاني
مصطفي وهو يضحك:بهزر معاكي يا وليه
منه وقد جحظت عينيها:وليه!!!!..عاااااا،،بص متقوليش القاب ادخل في الموضوع علي طول
مصطفي وهو يضحك:هههههههههه،،اشطا،،بقولك بقا
منه بنفاذ صبر:ها
مصطفي متابعا:الصراحه بقا انتي وحشتيني وانا اتصلت علي ابوكي الحج،،وقولتله اننا هنخرج
منه بفرح:بجد
مصطفي بحزن:اه بجد
منه متابعه:طب ومالك زعلان ليه؟!
مصطفي بضيق:قالي خد مي معاكوا يا كدا يا مفيش خروج
"ظلت منه تضحك عليه بشده ثم تابعت قائله:وفيها ايه يا صاصا،،خليها تيجي معانا
مصطفي:يالهوي هو انا مستحمل واحده لما استحمل اتنين،،مرارتي هتدمر كدا،،وبعدين مي مجنونه وممكن ارميهالك من العربيه
منه بضحك:بطل رخامه خليها تيجي معانا وخلاص
مصطفي:اووووك ،،عرفي اختك بقا وبعدين البسي وانا ساعه بالكتير وهكون عندك
منه:ماشي مستنياك
" اغلقت منه الهاتف معه،،ثم نادت علي اختها"
منه بهتاف:ميييي،،يا مي
مي وهي تدخل الغرفه:بتزعقي ليه يا دموسه
منه بضحك:انا الكبيره يا دزمه اتلمي،،وبعدين ايه اللي انتي منيلاه ع وشك دا
مي بثقه:ايه دا زبادي وخيار،،اصلي حاسه ان بشرتي مرهقه
منه بضحك:ههههههههههه،،طيب ياختي ،،البسي يلا ،،علشان مصطفي هيخرجنا
مي بفرح :اشطا،،بس انتوا هتقعدوا سوا انا بقا هتنيل اروح فين ،،هقعد زي الكلب الاعور الحزين،،لا مش لاعبه
منه وهي تقترب منها متوسله:شالله يخليكي،،دا انا ماصدقت ابوكي وافق،،حرام عليكوا عاوزه اقعد مع خطيبي شويه
مي وهي تنظر لها بخبث:صوعبتي عليا ايتها الفتاه،،موافقه بس ع شرط هروح انا وسمسمه وحياء
منه وقد صدمت:يالهوز دا مصطفي مش طايقك وعاوز يرميكي من برا العربيه،،هياخد معاه 3غيري
مي بفكاهه:ياختي الشرع حلل اربعه،،ونكون قريبين منك،،احسن ما يجيبلك ضرارير متعرفيهمش
منه بضحك:هههههههههههه مسخره،،خلاص اوك قوليلهم
مي:تمام يا مزه
"ثم قامت مي بالاتصال علي تسنيم لاخبارها بامر الخروج"
حياء وهي تجيب علي الهاتف:ايون يا ميوي،،شلونك؟!
مي وهي تنظر للرقم:يوه دا رقم تسنيم
حياء وهي تضحك:ايووون،،بس سمسمه بتاخد شاور،،انا مش عجباكي ولا ايه؟!
مي بمزاح:مبقيتيش عجباني خالص يا حياء هانم،،شلونك ايه،،لحق خلط عليكي امال بعد الجواز،،هنجيب مترجمين علشان نفهم معاليكي
"ظلت حياء تضحك علي اسلوبها الفكاهي قائله:انجزي يا زفته عاوزه ايه؟!،،وملكيش دعوه بجلبي
مي :بحقد عليكي،،فلسطيني طب مفيش واحد ليا
حياء بضحك:لا زمانه وهو بيشرب المايه وقفت في زوره منك يا ساتر،،انجزي ابت وارغي
مي متابعه:بتصل بيكوا علشان مصطفي هيخرج مع منه وبابا رافض غير لو روحت معاهم،،وانا مش هخرج علشان اقعد لوحدي،،فقررت اننا نروح كلنا
حياء بضحك:ههههههههه،،حرام عليكي،،هتخنقيهم وكمان احنا معاكي
مي:انا مالي ياختي بابا اللي عاوز كدا
" وفي تلك اللحظه،،خرجت تسنيم علي اثر ضحكات حياء"
تسنيم مستفهمه:بتكلمي مين يا مشمشتي!!!
حياء:بكلم مي،،خديها عوزاكي
"امسك تسنيم الهاتف لتجب علي مي،،ثم اخبرتها مي بكل شيء"
تسنيم بمرح:اشطا انا راشقه ف اي حاجه،،ربنا يخليك للشعب يا مصطفي واخيرا هنخرج
"ضحكت الفتيات الثلاثه،،وحددوا الميعاد"
******
"في بيت مصطفي"
كان يجلس وهو غاضب من منه،،لانها اخبرته ان مي سوف تصطحب صديقاتها
مصطفي لنفسه:يعني يارب انا عارف اتجوز واحده علشان اخرج مع اربعه،،وبينما هو شارد في التفكير
"وجد هاتفه يرن"
مصطفي بترحيب:اهلا وسهلا يا درش ،،لا في حاجه غريبه بتحصل،،بتتصل لوحدك كدا؟!
احمد بضحك:ما انا طول عمري بتصل ياض،،ولا علشان بقيت عريس هتصدعني
مصطفي مكملا:لا يسطي انا اقدر بردو،انت اصلا هعيط والله وانا قاعد
احمد بضحك:ليه ياض؟!
مصطفي مكملا:اصلي كلمت ابو منه وطلبت منه اننا نخرج النهاردا فقالي مفيش خروج غير باختها التانيه،،واختها عاوزه تجيب صحابها،،وانا مش عارف اقعد مع الوليه شويه
احمد بضحك:وليه ههههههههههه ،،تصدق حلال فيك اللي بيحصلك
،،بقولك ايه صحيح ايه رايك....
يتبعالحلقه ال33°°ابن قلبي°°
"كان احمد يتحدث في الهاتف مع صديقه مصطفي،،وعندما علم بقدوم صديقتها ،،نبتت في عقله فكره"
احمد بخبث:طب بقولك ايه يسطي انا كمان عاوز اخرج معاكوا
مصطفي ببلاهه:ياحلاوه ،،انت كمان ،،يلا هي جت عليك،،طلاق المزه هيكون علي ايديكوا
"ظل احمد يضحك علي طريقته،،ثم علم منه موعد الخروج من البيت لكي ينتظره،،ثم اغلق احمد الهاتف"
احمد لنفسه:تمام اوي،،اكيد تسنيم هتيجي وهعرف اقرب منها بطريقتي،،وبمجرد ما اكسب ثقتها كل حاجه هتبقي سهله بالنسبالي بعد كدا
********
"في بيت حياء"
"بدأت الفتيات استعدادهم للخروج،،ولكن حياء تذكرت انها لم تخبر مالك بشأن تلك الخروجه"
حياء وهي تضرب بيدها علي راسها:يالهوز ،،نسيت اقول لمالك،،دا هيموتني،، انا هتصل بيه وهقوله الاول
"قامت حياء بالاتصال علي مالك،،ولكنها وجدت هاتفه مشغولا،،فغضبت كثيرا منه،،وقررت الذهاب اليه"
"اتجهت حياء الي منزل مالك وقامت بطرقه بعنف،،مما ازعج مالك بشده"
مالك بنفاذ صبر:طيب جاي،ثم اغلق الهاتف مع صديقه
"فتح مالك باب منزله،،ليجد امامه حياء،،ولكنها كانت علي هيئه افزعت مالك بشده"
مالك وهو ينظر لها: اعوذ بالله من الشيطان الرجيم،،ايه اللي انتي مهبباه دا
حياء بغرور:دا ماسك ،،ومش دا موضوعنا،،ثم اظهرت له اظافرها وهي تقترب منه
حياء بغضب:كنت بتكلم مين يا كابتن!!!!
مالك وهو ثابت في مكانه:مش هقولك
حياء بزعل:انت مش خايف مني وانا بقربلك بضوافري
مالك بضحك:هع لا يا قطه مش خايف وانجري اغسلي وشك دا علشان خضيتيني
حياء وهي تتصنع البكاء:مش هغسله غير لما تقولي كنت بتكلم مين
مالك بضحك:كنت بكلم امجد صاحبي ياعيوني،،ثم اكمل قائلا:بقولك ايه روحي اغسلي وشك دا علشان شكلك يسد النفس وانا عاوز المزه بتاعتي،،مش ام اربعه واربعين
حياء وهي تنظر له بجانب عينيها:ماشي يا مالك،،بس خلي بالك لو اتصلت عليك ولقيتك مشغول تاني هقتلك فاهم
مالك وهو يقترب منها:طب يلا يا بت انتي من هنا لاعورك
"جرت حياء من امامه وهي تضحك بشده وقبل ان تخرج من باب المنزل،،وقفت مره اخري قائله:يوه نسيت اقولك،،انا خارجه مع البنات ومصطفي خطيب منه
مالك وقد اشار لها ان تتقدم امامه:تعاليلي هنا بس،،تخرجي مع مصطفي ،،بتاع ايه؟!
حياء ببلاهه:هو انا اللي هخرج معاه انا بس هكون محرم
مالك متابعا:محرم،، دا انتو هتكونه زي الهم ع القلب وبعدين انتوا كدا 3 محارم ارحموا الراجل،،علي العموم يا قلبي
حياء بفرح :ايه موافق
مالك بجديه:لا ،،مفيش خروج ويلا اغسلي وشك دا
حياء بزعل:ليه كدا يا مالك علشان خاطري انا زهقانه،،بلييييز
مالك بزعيق:لا يلااااا علي البيت
" حزنت حياء من ردت فعله وضربه بقدمها الارض كالاطفال قائله:مش عاوزه اروح في حته هدخل اقعد جوا زي المطلقين اهو ارتاح بقا
ثم قامت باغلاق باب منزله بشده وهو يضحك علي طفولتها
*********
"في بيت عبد العزيز فهمي"
عزيز:رايح علي فين كدا يا باشا
احمظ بنفاذ صبر:خارج مع مصطفي صاحبي،،وبعدين ليه كل الاسئله دي مش فاهمه!!!!
عزيز:علشان الباشا مش عاوز يتعدل،،فلازم نعامله زي الاطفال ونراقب تحركاته
احمد وهو في قمه غضبه:بابا انا مش عيل صغير علشان تراقب تحركاتي
عزيز بزعيق:بس انا شايف تصرفاتك لسه طايشه،،فطبيعي لازم اراقبك،،انا عاوزك تتغير بقا
نيفين متدخله:خلاص يا عزيز سيبه يخرج ،،ولما يرجع تتكلموا
عزيز متابعا:يروح مكان ما هو عاوز ،،انا تعبت من الكلام معاه
"انطلق احمد خارج المنزل،،بينما قرر عبد العزيز ان يحادث حياء ليعرف منها كل شيء"
★★★
"دلفت حياء الي المنزل وهي في قمه غضبها منه،،فهو يتحكم بها كثيرا كلما احس بشده حبها له"
حياء وهي تصفع الباب بقوه:ربنا ياخدني ،،عااااااااا،، ماشي يا مالك ماشي
تسنيم وهي تخرج من الغرفه:مالك يا حياء،،انت كنتي عند مالك بالمنظر دا؟!!!
حياء بعند:ايون وفيها ايه لازم يشوفني بكل حالاتي وبحب اكون علي طبيعتي،،وبعدين دا ماسك بس هو قالب ع اسود حبتين
تسنيم بضحك:طيب ايه اللي مزعلك
حياء بغضب:قالي متخرجيش وانا هطق من الملل،،عاااااااا،،اهيء اهيء
تسنيم بضحك:طيب اهدي انا هحاول اقنعه
"وبينما هما يتحدثان رن هاتف حياء،،فصدمت عندما رأت المتصل،،ولكنها قررت الرد"
حياء:السلام عليكم
عبد العزيز:وعليكم السلام يا بنتي،،ازيك؟!
حياء:انا بخير يافندم شكرا لسؤالك
عزيز متابعا:طبعا انتي عارفه انا بتصل بيكي ليه
حياء بتفهم:ايوه يا فندم عارفه
عزيز:تمام يا بنتي،،انا محتاج اتكلم معاكي بس مش علي التليفون،،انا لازم اشوفك
حياء بتردد:اه اه ماشي يا فندم،،مفيش مشاكل
عزيز متابعا:تحبي اشوفك امتي!!،،بكرا يناسبك!!
حياء:اه تمام بكرا
"اغلقت حياء الهاتف معه وهي في قمه استغرابها من محادثته لها،،وظلت تتسأل هل عندما يسألها بما فعله ابنه تخبره ام تآثر الصمت"
"اثناء انشغال حياء بالهاتف،،دلفت تسنيم الي غرفتها ثم قامت بالاتصال علي مالك"
تسنيم بزعل:ايوه يا مالك،،ليه مش عاوزها تخرج وانت عارف انها زهقانه
مالك بتفهم:عارف والله كل دا بس انا مش عاوزها تخرج علش....
تسنيم مقاطعه:علشان بتغير عليها،،عارفه بس احنا البنات هنكون مع بعض،،ومصطفي وخطيبته لوحدهم
مالك مكملا:اسمعيني للاخر مش دا السبب
تسنيم:امال؟!
مالك:انا هخرج حياء النهاردا وكنت عاوز اعملهالها مفاجأه علشان كدا قلتلها متخرجيش
تسنيم بتفهم:اه تمام،،متقلقش مش هقولها
"انهت تسنيم الاتصال معه ثم خرجت الي حيث تجلس حياء"
تسنيم:حياء،،بت،،حيااااااء؟!
حياء وقد انتبهت لها:ها؟!،،ايوه يا تسنيم
تسنيم :ايوه يا تسنيم؟!،،اديلي نص ساعه بنادي عليكي ،،كنتي بتفكري في ايه؟!
"قصت لها حياء ما حدث من دقائق قليله"
حياء متابعه:تفتكري اقوله؟!
تسنيم مؤكده:ايون لازم تقوليله علي كل بلاوي ابنه،،مش ناقصين يكرر دامع بنات الناس
حياء بتفكير:سيبيها لوقتها وربنا يسهل
ثم اكملت تسنيم بخبث:انا قايمه البس بقا يا روحي
حياء بحزن:ماشي يا بختك،،انا حاسه انه لما يتجوزني هيحطني جوا قوقعه ويحبسني فيها،،يخربيت دي غيره
تسنيم بخبث:بقولك ايه طب ما تلبسي وتيجي معانا وسيبك منه
حياء بتفكير:لا دا ممكن يموتني فيها
تسنيم بخبث:حياء اللي بتقول كدا من امتي وانتي بتخافي من حد بس!!!!
حياء:انا مبخافش منه،،بس بحب احترمي غيابه قبل وجوده
تسنيم:ياستي دي خروجه جمدي قلبك وقوم البسي واحنا هنتسحب من العماره من غير ما يحس
حياء بخوف:طيب انا عرفاكي هتوديني في داهيه
تسنيم بضحك:ههههههههههه متخافيش ،،بس البسي الفستان الوردي،،تحفه فيكي
حياء مستفهمه:فستان؟!... اشمعنا،،ما هو جلباب وخلاص
تسنيم:لا يا زفته يلا بقا علشان منتأخرش
"وبالفعل استعدت الفتيات للانطلاق عقب اتصال مي بهم ،،واخبارهم انها في انتظارهم اسفل العماره"
"خرجت الفتيات من باب المنزل ،،وهما يخطوان خطوات هادئه،،وبينما هما يسرعان الخطي،،اذ فجأه يسمعون صوته
مالك:رايحه فينك يا زفته انتي
حياء وكادت ان تبكي:والله هي اللي جرجرتني للرذيله
تسنيم متابعه بضحك:وهي الصراحه بتحبها
حياء متابعه:وبعدين انا زهقانه حرام عليك،،اشمعنا انت لابس بدله ومتشيك وانا اللي هترزع ف البيت
مالك بخبث:تسنيم اتكلي انتي علي الله،،والهانم دي حسابها تقل اوي معايا
حياء وهي تتشبث في يد تسنيم:متسيبينيش معاه دا مفتري،،ربنا ع الظالم
" ضحكت تسنيم بشده لطريقتها ثم انطلقت ذاهبه الي مي التي كانت في انتظارها بصحبه اختها وخطيبها"
"مالك وهو ينظر لها:تعالي هنا
" اقتربت حياء منه قليلا،،ثم قام بشدها اليه،،وطبع قبله علي جبينها قائلا:هو انا اقدر اخرج من غيرك يا هبله
حياء وهي تضحك ببراءه :بجد🙈
مالك بضحك:بجد يا بنوتي ويلا بقا لارجع في كلامي
"انطلق مالك وحياء الي سياره مالك،،وعندما دلفت حياء داخل السياره وجدت بوكيه الورد والصندوق الصغير الذي كان يحتوي علي الدبله سابقا،،ففرحت بشده،،مالك وقد دلف هو الاخر داخل السياره"
ثم تابع بحب:ها ايه رايك،،تتجوزيني؟!
حياء وهي تهز راسها بحب:موافقه
"فرح مالك لما قالته ثم اعطاها باقه الورد وطلب منها ان تحتفظ بالصندوق حتي يأتي الي والدها عند وصوله،،ثم انطلق بها الي مطعم علي النيل ليتناولوا وجبه العشاء سويا"
********
علي الجانب الاخر في سياره مصطفي"
مصطفي: تحبوا تروحوا فين بقا؟!
منه:الملاهي
مصطفي مكملا:يعني مستحملك انتي واختك وصاحبتك علشان اتجوز في الاخر طفله
منه بغضب:هو كدا اذا كان عاجبك،،يلا بينا علي الملاهي
"وبالفعل انطلق بهم الي مدينه الملاهي،،وما هي الا اقل من ساعه حتي **وصل مصطفي والفتيات الي مدينه الملاهي**
مصطفي : استنوا يا بنات هنا هعمل مكالمه وجاي
منه : طيب بسرعه
....ثم ذهب مصطفي لكي يتصل علي صديقه ليعرف اين هو الان ...
مصطفي: ايوه يا زفت انت فين
احمد: انا وصلت خلاص وشايفك
مصطفي : فين يعني
احمد : وراك اهو
.. ثم وجد مصطفي من يجذبه من قميصه ..
احمد : مالك ياعم مش طايقني كدا ليه
مصطفي بغيظ: ما انت عارف ليه ..اقولك نفسي اخرج انا وخطيبتي براحتنا تقوم جيبالي اختها وصاحبتها لا وكمان حضرتك صممت تيجي معايا
احمد بضحك : اصل كان نفسي اخرج ومصدقت لما انت قولتلي خارج
مصطفي : اها يا اخويا طب يلا عشان البنات مستنين هناك
...وفي الجهه الاخره تقف مي وتسنيم ومنه بانتظار مصطفي ..
تسنيم لنفسها متسأله: مين اللي مع مصطفي دا وعندها تيقنت انه احمد فجحظت عيناها في دهشه ايه اللي جابه هنا دا ولكنها كانت سعيده في داخلها
مي: ودا مين دا اللي جاي مع خطيبك
منه بغيظ : دا صاحبه الانتيم احمد وصمم يجي معانا
مي بضحك : وهي المشرحه ناقصه قتله
.... وعندها قد وصل مصطفي واحمد ...
مصطفي : اعرفكوا دا احمد صاحبي
مي ببرود.: اها اهلا
منه بسعاده : مش يلا بقا انا عايزه العب
مصطفي : طيب يلا تعالي
.....ثم ذهبوا جميعا للعب ...
مي : انا عايزه ادخل بيت الرعب
منه : وانا كمان
تسنيم : لا لا انا مستحيل ادخلوا انتوا وانا هلعب لعبه تاني عقبال ما تخلصوا
مصطفي : طيب يلا
احمد : وانا بردوا مش هدخل هستناكم هنا
....وذهب ثلاثتهم وتركوا احمد وتسنيم ...
احمد : مدخلتيش معاهم ليه
تسنيم : اصل انا خوافه شويتين
...ثم صرخت تسنيم كلاطفال وهي تقول : الله انا عايزه العب اللعبه دي
احمد ويضحك علي طريقتها : بس دي صعبه مش لسه قايله انك بتخافي
تسنيم بصوت طفولي : اها بس هلعبها وذهبت وتركت احمد مندهشاً في مكانه
احمد لنفسه وهو يبتسم علي طريقتها الطفوليه : هي البت دي مجنونه ولا ايه ... ثم نادي عليها : استني طيب جاي معاكي
... ركبت تسنيم اللعبه ولكن فجاه وجدت من جلس بجانبها ...
تسنيم : ايه دا انت مش قولت مش هتلعب
احمد : لا ما انا غيرت رأي وعايز اجرب اللعبه دي وبعدين عايزه الصراحه مش عايزه اسيبك تركبي لوحدك وممكن حد يجي يقعد جنبك يرخم عليكي
ابتسمت تسنيم وشعرت بالخجل ولكنها لم ترد عليه وكانت السعاده تغمرها ويزداد اعجابها بأحمد يوماً بعد يوم فهي تراه دوما بطلها ومنقذها ... عكس ما يخطط هو
....وانطلقت اللعبه بسرعه وكانت تسنيم تصرخ بشده ..
احمد وهو يضحك علي شكلها : خلاص بطلي صويت وداني يا مجنونه
تسنيم : عاااااااااااااااا
...وفجأه ومن غير ان تشعر امسكت بيد احمد وهي تصرخ .. سعد احمد بهذا وكان ايضا يشعر بالفرح داخله
...توقفت اللعبه ونزل تسنيم واحمد ...
احمد: قولتيلي بتخافي اد ايه
تسنيم ببراءه : شويتين صغننه
احمد: شويتين ايه يا شيخه قصدك تلاته عشره دا انتي خرمتيلي وداني
تسنيم : سوري
احمد وهو يبتسم : ولا يهمك
تسنيم بفرح وقد رأت بائع بالونات : انا هروح اشتري بلونه ...ثم تركته وذهبت لبائع البالونات
احمد : استني انتي دايما بتجري كدا ..وذهب ورائها واشتري لها بالونات .
...وفي اثناء ذلك قابلوا مصطفي ومي ومنه ...
مصطفي : يلا عشان نتعشي وبعد كدا نروح
احمد : تمام يلا
مي لتسنيم : ايه يا هبله دا
تسنيم بسعاده : دي بلونات احمد جبهالي
مي : نعم يا اختي مين
تسنيم : وطي صوتك خروبيتك هفهمك بعدين
مي : طيب
.... وذهب ثلاثتهم الي احدي المطاعم لتناول العشاء ....
كان احمد ينظر الي تسنيم بحب .. ولكن فجاه غضب وقام ليذهب
مصطفي: رايح فين
احمد : معلش مضطر امشي عشان بابا
مصطفي : طيب
وكانت تسنيم في خاله استغراب وتسائول : هو ماله دا وايه اللي ضايقه مره واحده كدا
*****
"علي الجانب الاخر انتهي مالك وحياء من تناول الغداء،،ثم قرر مالك اخذها لكي يتمشيا علي النيل ،،واثناء سيرهم"
مالك وهو يقترب منها قليلا،،وفجأه امسك يدها
حياء برخامه:سيب ايدي يا زفت
مالك بحب:ابدا ما هيحصل
"ظلا يتضاحكان سويا"
*******
"كان احمد يسير بمفرده وبداخله مشاعرمتذبذبه هو تائه بعض الشىء،،ويسال نفسه لماذا يتغير كليا عندما يكون معها،،ايمكن ان يكون احبها،،لما رأهوا بها من براءه،،ظل يسال نفسه ولا يعرف اي اجابه عما يحدث له
واثناء سيره وجد
يتبعالحلقه ال34°°ابن قلبي°°
"كانا مالك وحياء يسيران علي شاطىء النيل،،ومالك يمسك بيدها ،،ثم نظر لها قائلا:تفتكري يا بنوتي باباكي هيوافق بيا
حياء بجد:وميوافقش ليه؟!،،بابا عاوز راحتي وسعادتي ،،وكل دا معاك انت،،ايه بقا اللي هيخليه يعترض؟
مالك :مش عارف بس يمكن لاني مغترب ومش بشتغل علشان الدراسه
حياء بحب:بس انت لازم تاخد خطوه الشغل دي علشانك انت مش علشان اي حد تاني،،يعني شغلك في مكتب محاماه تحت التدريب دا في حد ذاته خبره ليك وتطوير لمهنتك فيما بعد
مالك بسعاده:تعرفي اني برتاح اوي لكلامك دا،،انا شايف فيكي الحبيبه والام والاخت والصديقه والاهم من دا كله الزوجه،،ثم قام برفع يدها اليه وطبع قبله عليها متابعا:انا بحبك اوي،،انتي اللي مهونه عليا غربتي بجد،،انتي احن بنوته عشقها قلبي،،واتمناها عقلي،،ورافضه رجولتي تقبل غيرك،،بحبك اوي
حياء وهي تنظر له بحب:ربنا يخليك ليا يامالك،،قلبي عمره ما كان بيكذب،،علشان كدا عمره ما دق غير في وجودك انت ،،انا بعشقك بجد يا احن راجل عليا واول ابن اتولد من رحم قلبي
مالك بدهشه ممزوجه بالسعاده:ايه دا انتي قلتي ايه؟!
حياء بضحكه ابرزت غمازاتها بشده:قولت بعشقك🙈
مالك بسعاده،،ثم وقف في مكانه وهتف بصوت عالي قائلا:بحبببببك
حياء بضحك:مجنون
مالك:مجنون بيكي،،ثم نظر لها قايلا:ايه دا الحقي يا بنوتي في حاجه واقفه علي خدك
حياء بغزع:يا مامي،،ايه ايه؟!
قام مالك:بوضع اصابعه داخل خديها
ثم تتبع بضحك:حفر دي ولا غمازات
حياء بغيظ:تصدق ان انت رخم وخضيتني
مالك بضحك:كان نفسي امسكك من خدودي ،،بس ايه دا كل دي خدود؟!
حياء بثقه:دا عز يابا ايش عرفك انت!!
مالك بضحك:يابا!!،،طب انجري قدامي يا وليه
حياء بزعل مصطنع:بقا القمر دا يتقاله يا وليه!!
مالك بحب:احبك يا واثق من نفسك انت
"واثناء حديثهما وجدت حياء عربه بائع غزل البنات،،اسرعت حياء ناحيته تاركه مالك في دهشته"
حياء بغرح:غزل بنات🙈
مالك بضحك:تعالي هنا يا زفته،،استني هجيبلك،،ثم اخذها مالك واشتري لها غزل البنات،،كانت في قمه سعادتها،،واثناء سيرهما وقف حياء امام مالك بمرح طفولي قائله:مالك ممكن اطلب منك طلب صغنون خالث؟!
مالك بخبث:ايه عاوزه بوسه،،اسف مببوسش بنات😛
حياء بغيظ:بوسه في عينك يا زفت،،لا حاجه مؤدبه
مالك وهي يضحك علي تعبيرات وجهها:امممم ماشي يا قلبي قولي،،لما نشوف اخرتها معاكي
حياء بمرح وهي تشير بيدها في اتجاه شيء ما:بص هناك كدا،،حلوين اوي عاوزه زيهم
مالك وهو ينظر في الاتجاه الذي تشير اليه،،ليجد طفله صغيره تمسك في يدها مجموعه من البالونات ورديه اللون
مالك وهو ينظر لها بس كدا؟!،،من عيوني
"اتجه مالك الي بائع البلالين ثم احضر منه مجموعه كبيره لها وكتب علي واحده منهم" بحبك يا بنوتي"،،فرحت حياء بشده لفعلته تلك،،ثم اخذت بعضا من البلالين واتجه ناحيه احد ما"
مالك باستفهام:رايحه فين؟!
حياء وهي تستئنف السير:لحظه وراجعه
"اتجهت حياء ناحيه فتاه صغيره،،كانت تجلس علي رصيف الطريق،،ثم اتجهت اليها حياء واعطتها البلالين قائله:اتفضلي يا جميلتي
البنوته:دول ليا انا؟!
حياء بحب:اينعم ،،هو في حد جميل غيرك في المكان
البنت بفرح:شكرا بحبهم اوي
حياء بسعاده:وهم بيحبوكي،،ومش بس البالونات لا دي في كمان تشوكليت
" ثم قامت حياء بفتح حقيبتها واخرجت منها شيكولاته،،ثم اعطتها للفتاه"
هتفت الفتاه قائله:شكرا يا ابله ربنا يخليكي
طبعت حياء قبله علي وجنتي الفتاه قائله:ويخليكي،،ثم اتجهت حياء عائده ناحيه مالك مره اخري
مالك بحب وهو ينظر لها:هتفضلي دايما حنينه علي اي حد يقابلك،،ومبتعرفيش تكمني شر لحد ابدا
حياء بابتسامه:تسلملي يا صغنني انت
"ضحك مالك وحياء كثيرا ثم انطلقا عائدين الي المنزل"
"في تلك اللحظه،،رأي احمد كلا من حياء ومالك،،وهما يمسكان بايدي بعضهما،،ويتضاحكان فاغتاظ بشده،،واكد في قراره نفسه انه لن يستسلم لقلبه وسوف يسعي جاهدا للحصول علي حياء،،مهما كلفه الامر،،هو لا يحبها ولكنه يريدها لرفضها له"
********
"داخل منزل حياء "
"دلفت حياء الي المنزل،،ثم بحثت عن تسنيم ولكنها لم تجدها في المنزل"
حياء لنفسها:ايه دا..معقول تسنيم مرجعتش لحد دلوقتي
"ثم قررت حياء الاتصال عليها"
تسنيم وهي تجيب:ايوه يا مشمشتي
حياء بغضب:كل دا برا يا تسنيم،،انا خرجت انا ومالك ورجعنا وانتي لسه برا؟!،،انتي مش عارفه اني بقلق
تسنيم:بحبك حاضر يا قلبي بالظبط 5دقايق وهكون وصلت
"اغلقت حياء الهاتف مع تسنيم،،ودلفت الي غرفتها لتبدل ملابسها،،وانتظرت وصول تسنيم الي مايقرب من النصف ساعه حتي دق باب المنزل"
حياء وهي تتجه ناحيه الباب:ايوه يا زفته جايه
"فتحت حياء الباب ولكنها لم تجدها تسنيم كما توقعت،،بل كان.."
مالك بمرح:وحشتيني اوووي 😙
حياء بضحك:ههههههههه هو انا مش لسه سيباك من شويه ،،لحقت اوحشك
مالك بضحك:هو في حد بيشبع من القمر،،اه بصحيح ياحبي انا كنت جعان فقولت بقا اعمل اكل،،وعملت شويه ملوخيه انما ايه عسل،،تعالي بقا علشان تاكلي معايا
حياء بضحك:تصدق نفسي فيها
"مالك وهو يجذبها من يديها:يلا بينا
" دلفت حياء مع مالك الي المنزل،،ثم وضعوا الطعام علي المائده،،وشرعوا في تناول الطعام سويا"
حياء وهي تتذوق الطعام:واو تحفه تسلم ايدك،،الحمدلله يارب انك رزقتني بواحد بيعرف يطبخ،،بدال ما كنت اتطلق تاني يوم
مالك بضحك:انا اعملهولك يابنوتي
حياء بحب:ميرسي
مالك بصرامه:هعمله لما تكوني تعبانه بس يا روحي غير كدا هتضربي لو ملقتش اكل
حياء وهي تنظر له بجانب عينيها:ياساتر عليك مش بتسيبني افرح شويه
مالك بضحك:حاضر يا مرارتي،،كلي
"واثناء حديثهم،،وجدوا تسنيم تدخل الي المنزل،،عندما وجدت باب المنزل مفتوح،،ثم هتفت تسنيم:ايه دا بقا شقته مفتوح اكيد حياء عنده ،،استر يارب دي هتموتني!،،ثم هتفت قائله:مالك؟!،،انت فين
مالك وهو ينادي عليها:تعالي يا تسنيم احنا ف الصاله اهو،،دلفت تسنيم الي الصاله لتجدهم يتناولون الطعام
تسنيم بفرح:الله ريحه تحفه،،دي ملوخيه،،جعااااانه
" ثم جلست تسنيم بجانب حياء،،ولكنها قبل ان تبدأ الاكل نظرت لحياء قائله:مشمشتي اسفه والله مصطفي كان قاعد مع منه ومش راضيين يقوموا
حياء بغضب:متكلمنيش،،واتأخري براحتك
تسنيم وهي تمسكها من وجنتيها:خلاس بقا يا قلبي،،بليييز
مالك وهو يحاول ان يضفي نوعا من المرح:يارتني كنت انا يا اخ،،بت يا تسنيم ملكيش دعوه باشيائي
"ضحكوا ثلاثتهم،،وفي نهايه اليوم قررت حياء وتسنيم ان يدلفوا الي المنزل،،واثناء خروجهم،،اوقف مالك حياء قائلا:قبل ما تنامي عاوز اسمع صوتك
حياء بكسوف ماشي
*******
" اتجه احمد الي منزله فوجد والده في انتظاره"
عزبز بغضب:اهلا وسهلا،،ما تبات برا احسن
احمد بنفاذ صبر:بابا بصراحه مليش مزاج اتخانق خالص،،وتعبان ومحتاج انام،،تصبح علي خير
عزيز متابعا:وانت بخير ،،ربنا يهديك يابني
"ثم اتجه عبد العزيز الي غرفته،،وهو يفكر فيما سيتم غدا"
*****
"في بيت سنيم"
والد اسنيم:ايه يا بطه مترني علي البنات كدا،،تطمني عليهم
فاطمه:والله عندك حق فكرتني،،اصلي من ساعه ما حياء تعبت في فرح منه وانا ما اتصلتش تاني
"هاتفت السيده فاطمه ابنتها،،ثم اطمأنت علي سلامه حياء واغلقت معها الهاتف"
*******
"في بيت حياء"
"كانتا حياء وتسنيم يجلسان سويا ،،ظات تسنيم تقص لها ما حدث معها طوال اليوم،،وحياء ايضا اخبرتها بما حدث معها"
تسنيم بسعاده:بس تعرفي كنت مبسوطه اوي في وجوده معرفش ليه،،حاسه اني بيساندني دايما كل مابحتاجه
حياء وهي تنظر لصديقتها بخبث:افهم ايه انا من الكلام دا؟!
تسنيم بحرج:معرفش بقا،،بس بنجذبله اوي،،وحاسه بطمأنينه من ناحيته وهو كمان تصرفاته باينه اوي،،تفتكري احساسي صح؟!
حياء بحب:بصي ياسمسمه،،انا شايفه لمعه عنيكي،،واد ايه انتي مبسوطه،،بس مينفعش نحب حد غير لما نتأكد من مشاعره تجاهنا
تسنيم بتسرع:محبتهوش،،بس حاسه بالامان معاه
حياء بمرح:واسمه ايه تعيس الحظ دا؟!
تسنيم بمرح :احمد
حياء بضحك:ههههههههه،،دا انتي واقعه بقا
"واثناء حديثهما رن هاتف كلا من حياء وتسنيم في نفس الوقت،،فنظرت كلا منهما للاخر،،ثم ضحكتا"
"انطلقت حياء الي شرفه غرفتها لكي تتحدث مع مالك،،وبينما ظلت تسنيم في مكانها،،ثم اجابت علي الهاتف قائله:ايوه،،ازيك؟!
احمد:كويس،،روحتي البيت،،حبيت بس اطمن عليكي؟!
تسنيم بسعاده من داخلها:ايون وصلت،،شكرا لسؤالك
احمد بضحكه:امممم العفو يا اوزعه
تسنيم بغيظ:لا مش اوزعه بقا،،انت اللي طويل اوي،،ثم تعالي هنا وقولي انت ليه فجأه كدا ملامحك اتغيرت ومشيت؟!
احمد بتمويه:لا خالص انا بس نعست مش اكتر
تسنيم بثقه:لا انت في حاجه ضايقتك،،انا حسيت دا في ملامحك!!!
احمد:لا انا كويس
تسنيم:ماشي استأذنك انا بقا،،علشان هنام
" اغلقت تسنيم معه الهاتف،،واخذ احمد يتذكر حديثها له،،وكيف لها ان تشعر بما يحدث داخله،،انها اول شخص يظهر له اهتمامه به،،نعم هو يراها طفله ويري الصدق في عينيها،،ولكنه مع كل مره يعيد تفكيره في الامر يتراجع عن ما يراه من صدقها،،يتراجع وينوي لها ولصديقتها الشر"
"كانت حياء تتحدث في الهاتف مع مالك"
مالك بحب:تعرفي يا بنوتي،،نغسي اخدك ونسافر في مكان نعيش فيه لوحدنا بس ويكون علي البحر
تسنيم بضحك:اه بليز علشان انا عاوزه ابلبط في المايه طول الوقت
مالك بغيظ:تصدقي انك قفلتيني يا شيخه
حياء بضحك:هههههههه معلش يا صغنني
مالك بحب:ايوه بقا ،،انتي عارفه لو مجبتيليش عيال فيهم غمازات هرجعهم تاني
حياء بضحك شديد:هم كيلو طماطم يا زفت هههههه
مالك بضحك:انا حذرتك وقد زعتر من بعتر بس كدا
"ضحكت حياء علي حديثه بشده ،،ثم اغلقت معه الهاتف وقررت ان تخلد للنوم"
******
"في صباح اليوم التالي استيقظت حياء من نومها،،ثم استعدت للذهاب لمقابله السيد عبد العزيز*
حياء مناديه علي تسنيم:سمسمه انا ماشيه ومش هتاخر،،بس بليز ارجع الاقيكي عملالي اكل ابن ناس ،،علشان جعانه
تسنيم بضحك:حاضر يا حبي
" انطلقت حياء الي المطعم المذكور،،وهناك وجدت عبد العزيز في انتظارها"
حياء بابتسامه:ازيك يا فندم؟!
عزيز بنفس الابتسامه:انا بخير يا بنتي،،ها يا حياء ممكن تفهميني كل اللي حصل
حياء متابعه بثقه:حضرتك انا اي صفقه بتتم براجع الشيكات وبمضي اني استلمتها وانها صحيحه،،وانا فعلا ماخدتش حاجه،،ازاي هكون ماضيه عليها وهسرقها!!!
عزيز متفهما:انا مش جاييك علشان اقولك انك سرقتيهم،،انا واثق فيكي جدا
حياء متابعه:شكرا لحضرتك علي الثقه دي،،بس ابن حضرتك سببلي مشاكل مش بس في شغلي ،،لا دا كمان في حياتي الخاصه
عزيز باستفهام:ازاي؟!
حياء بكسوف:حضرتك اتفق مع سكرتيرته انها تحطلي مخدر في العصير وتوديني الشاليه بتاعه علي انه بتاعها،،بس الحمد لله خطته فشلت
عزيز وقد جحظت عيناه:ازاي دا؟!،،احمد عمل كدا؟!،،وكان عاوز منك ايه؟!
حياء بضيق ممزوج بالاحراج:احم،،الله اعلم حضرتك تقدر تسأله
عزيز:بحزن انا اسف يا بنتي علي كل اللي حصل،،سامحيني
حياء بابتسامه:لا متقولش كدا حضرتك ملكش اي ذنب
"انهت حياء حديثها مع السيد عبد العزيز،،ثم قررت الذهاب الي المنزل"
"واثناء خروجها من المطعم،،اتجهت حياء الي موقف السيارات لتجد تاكسيا،،وبينما هي تقف وجدت امامها،، "في هذه اللحظه،،رأت مالم تتوقعه،،فقد وجدت احمد امامها وهو ينظر لها والشرار يتطاير من عينيه،،ثم اقترب منها وهو يضغط علي ذراعها قائلا:طبعا حكيتيله كل حاجه
حياء بتوجع:اسيب ايدي انت همجي بجد،،انا مقولتش غير اللي حصل
احمد بغضب:انتي حسابك تقل معايا اوي اوي،،بس متقلقيش قريب اوي هتكوني اسيرتي وهقدر اكسر عينك ساعتها
" واثناء غصب احمد الجامح بها وصريخه في وجهها فچاه وجد احدا ......
يتبعالحلقه ال35°°ابن قلبي°°
واثناء غضب احمد الجامح بها وصريخه في وجهها وجد احدا يمسكه بقوه من ياقه قميصه وعندما التفت وجده مالك
مالك : انت يا حيوان ازاي تمد ايدك عليها .. واخذ يسدد اللكمات الي احمد
احمد ويرد اللكمات لمالك : حياء هتبقي ليا غصب عنك وعنها وقريب اوووي
مالك : دا عشم ابليس
حياء بصريخ : سيبه يا مااالك خلاص وانتبه مالك الي حياء المذعوره وبكائها وترك احمد وهو يتوعد له : يبقي فكر كدا بس تقربلها وشوف هعمل فيك ايه ...وامسك حياء التي كانت تبكي من يديها وسحبها الي سيارته وانطلق بها
احمد لنفسه وهو يمسح فمه من الدماء الموجوده عليها : انا هوريك احمد عبد العزيز يقدر يعمل ايه ثم اخرج هاتفه من جيبه ورن علي احدهم ...
****
....في سياره مالك .....
مالك بغضب : انا مش قولتلك متنزليش من غير ما تقوليلي
حياء وهي تبكي : مالك انا
مالك : انتي مفيش فايده فيكي دايما عنيده في كل حاجه
حياء بخوف: مالك اطلع علي المستشفي عشان الجروح اللي ف وشك دي
مالك : مش مستاهله
حياء : لا يلا اطلع
مالك بغضب : قولتلك خلاص مش مستاهله مبتفهميش
حياء واخذت تبكي من زعيق مالك لها وغضبه عليها
مالك وحاول ان يهدء : خلاص يا حياء بطلي عياط
حياء ومازالت تبكي
مالك: هتفضلي تعيطي كتير كدا خلاص اسف اني اتعصبت عليكي
حياء وقد بدأت تهدء قليلا : طيب
مالك : لسه زعلانه بردوا ... انا عايز اشوف ضحكتك يا ام خدود
حياء ولم تعره اهتماما ونظرت الي الجانب الاخر
مالك : اممم يبقي عايزاني اتهور بقا وانتي عرفاني مجنون و عارفه اني مقدرش ازعلك
حياء وقد اضطربت من كلامه : خلاص مش زعلانه
مالك : لسه زعلانه يبقي عايزاني اتهور ...ثم اوقف السياره وفتح الباب من عند حياء وفي وسط ذهولها حملها واخد يدور بها
حياء وهي تبتسم : بتعمل ايه يا مجنون سيبني الناس هتقول علينا ايه
مالك : مش مهم الناس المهم عندي اشوف ضحكتك الحلوه يا ام خدود ...ثم انزلها وركبا السياره وانطلقا الي البيت
*****
"وفي مكان اخر في بيت مي"
والد مي : الولد كويس وسألت عليه و عيلته ناس محترمين وشكله بيحب البنت
والده مي: طيب ومي هترضي يا حج ..انت عارف انها بترفض اي حد يتقدم
والد مي : لغايه امتي هتفضل ترفض كدا وانا الولد عاجبني وخدي رائيها وفهميها
والده مي : اللي تشوفه ياحج انت عارف اكيد مصلحه البنات وخايف عليهم
ثم دخلت والده مي الغرفه لابنتها ..
مي : اتفضلي يا ماما
الام : كنت عايزاكي في موضوع يا حبيبتي
مي وتنظر لوالدتها من جانب عينيها : اممم قولي يا ماما قولي
الام: بصي يابنتي في عريس متقدملك والولد كويس اوي وعاجب باباكي
مي: بس انتي عارفه يا ماما رائيي في الموضوع دا
الام: نفسي افرح بيكي يا حبيبتي وبعدين قابليه وشوفيه مش يمكن تغيري رائيك
مي بعصبيه : خلاص يا ماما
الام : اللي يريحك يا بنتي خلاص هقول لبابكي يقول لحسام كل شئ قسمه ونصيب
مي وقد اتسعت عيناها في ذهول : حساااام مين
الام : حسام عبد الفتاح شريك باباكي في الشغل
مي باندهاش اكثر : ميييين !!!!!!
الام : ايه يا حبيبتي مسمعتيش ... هروح اقول لباباكي قرارك بقا
مي وتكتم فرحتها : استني يا ماما انا فكرت في كلامك وممكن لما اشوفه اغير رائيي
الام بفرحه : بجد يا حبيبتي هفرح بيكي اخيرا ... هروح ابلغ باباكي برائيك بقا ... ثم تركتها وذهبت
وما ان خرجت الام اخذت مي تقفز علي السرير من شده فرحها بهذا الخبر لانها تعشق حسام منذ زمن ولكن لم تعرف انه كان ايضا يبادلها هذا الشعور واخيرااا تقدم لخطبتها ********
"في بيت حياء "
تسنيم بضحك : شالك في نص الشارع ولف بيكي ... دا انتوا مجانين
حياء وهي تضحك : ههههه وانا بحب جنونه دا
تسنيم : طب انا هنزل اجيب حاجات للغدا احسن لو فضلنا قاعدين كدا مش هناكل
حياء: ماشي يا سمسمتي وانا هدخل انام شويه
ثم تركتها تسنيم وذهبت لكي تحضر المشتريات ..
تسنيم وهي تقفل باب الشقه وجدت مالك امامها
مالك : تسنيم كنت عايزك في موضوع
تسنيم : خير يا مالك
مالك : بصي انا كنت عايز اعوض حياء عن عيد ميلادها اللي بوظتهلها وعايزك تساعديني علشان نعملها مفاجاه
تسنيم بفرح : بجد دا حياء هتغرح اووي ..
مالك : بصي عايزك تحضري كل حاجه لعيد الميلاد وانا هحاول اشغل حياء في الوقت دا
تسنيم : تمام
ثم انطلقت تسنيم لشراء لاوازم الغداء والسعاده تغمرها
وبينما كانت تتجول تسنيم دهشت عندما وجدت احمد امامها :احمد انت ايه اللي جابك هنا
احمد : كنت ماشي وراكي
تسنيم : نعم !!!!!
احمد بضحه خبيثه : بهزر انا شوفتك صدفه وقولت اجي اسلم عليكي
تسنيم بفرح : صدفه غريبه الصراحه
احمد : شكلك مبسوووطه اوووي
تسنيم بتلقائيه : اها مبسووطه اصل هعمل عيد ميلاد لصاحبتي وهنزل اشتري كل حاجه علشان نعملها مفاجاه
احمد وهو يفكر : طيب ممكن اجي اشتري معاكي الحاجات دي لو معندكيش مانع
تسنيم وكانت تشعر بالسعاده لطلبه : ممكن
احمد : طب تحبي نمشي دلوقتي
تسنيم : لا لا مش دلوقتي انا هرجع البيت عشان حياء لوحدها وبكرا يبقي ننزل نشتري كل حاجه
احمد : تمام يبقي رني عليا وعرفيني وقت ما تنزلي
ثم غادر احمد وترك تسنيم التي كادت ان تطير من السعاده لوجود احمد معها
تسنيم لنفسها: هو انا ببقي مبسووطه اوي كدا ليه لما بشوفه هو يمكن اكون حبيته !!! ايون حبيته دايما شيفاه بطلي اللي بينقذني من كل مشكله
" وصلت تسنيم الي بيت حياء وهي في قمه سعادتها "
تسنيم : ايه يا مشمشتي انتي منمتيش
حياء: لا معرفتش ..بس خدي هنا يا بت ايه الابتسامه اللي واصله لودانك دي
تسنيم : ها هو باين عليا اووي كدا
حياء : اها يا اوزعه تعالي بقا احكيلي ايه اللي حصل خلاكي كدا
تسنيم وقد حكت لصديقتها عن احمد كل ما حدث بينهم لكن لم تخبرها بموعدها غدا لشراء اشياء العيد ميلاد : وبس دا كل اللي حصل
حياء وهي تنظر لها بجانب عينها : يعني دايما بتكونوا موجودين في نفس المكان صدفه !!! غريبه
تسنيم : غريبه ازاي
حياء : شكل الواد دا بيحبك
تسنيم بفرح : بجد يا مشمشتي
حياء : مالك منشكحه اوووي كدا ليه اوعي تكوني حبتيه
تسنيم : الظاهر كدا اها
حياء بضحك : ايون سمسه وقعت خلاص
تسنيم : بس يا بت ثم انقضت علي حياء
واخذت الفتاتان تلعبان سويا ثم انقضي اليوم سريعا
*******
" في صباح اليوم التالي"
تسنيم : مشمشتي انا نازله اجيب حاجات لماما كانت قيلالي عليها
حياء : بدري كدا
تسنيم : اها وممكن اتاخر متقلقيش
ثم تركتها وذهبت ...
تسنيم وهي ترن علي احمد : صباح النور
احمد : صباح العسل ..اول مره اصحي علي صوت حلو كدا
تسنيم بخجل : شكلك لسه نايم
احمد : لا ثواني واكون عندك بس قوليلي علي مكانك
تسنيم : تمام انا في .............
ووقفت تسنيم في انتظار احمد وبعد فتره قليله وصل احمد وابتسمت عندما رأته متجها نحوها
احمد : اتاخرت عليكي
تسنيم : لا يلا بينا بقا
وانطلق احمد وتسنيم لشراء كل ما تريده
احمد : احكيلي عنك يا تسنيم انا معرفش عنك حاجه غير اسمك
تسنيم : احم احم عندي 20 سنه في تانيه تربيه انجلش بحب بابا وماما جدااا وعندي اختي و صديقه طفولتي حياء وحاليا انا قاعده معاها عندي عشق للاطفال والشيكولاته والبلالين وبس هي دي بقا تسنيم عايز تعرف حاجه تاني
احمد بابتسامه : انا عارف حكايه البلالين دي من ساعه الملاهي كنتي عامله زي الاطفال لما جريتي عليها ...بس تعرفي انك عسل اووووي وانتي بتضحكي
تسنيم وقد احمرت وجنتاها: احم احم ميرسي
تسنيم : وانت بقا احكيلي عنك
احمد : احمد وهو يرفع ياقه قميصه ويبتسم انا شاب وسيم عندى23سنه اتخرجت من كليه تجاره وبشتغل مع بابا في شركته واعزب حياتي كان فاضيه لغايه ما لقيت ملاك صدفه شوفت فيه براءه الاطفال بس الملاك دا اوزعه شويه وبقيت بحس بالسعاده طول ما انا معاااه
تسنيم وقد فهمت انه يقصدها بكلامه ولكنها تصنعت الغباء : وياتري مين دا بقا اللي عمل فيك كدا
احمد وهو ينظر في عينيها بحب : انتي
تسنيم ببلاهه: ها
احمد : زي ما سمعتي انتي الملاك دا وبحس دايما بالفرحه وانا معاكي بنسي نفسي وقلبي هو اللي بيحركني ليكي
تسنيم وقد احمرت وجنتاها وارادت تغيير الموضوع : طب يلا عشان نشتري بقيت الحاجات
احمد : يلا
واثناء ذلك رن هاتف تسنيم : ثواني هرد علي الفون
احمد : وانا هروح اشتري حاجه من هناك عقبال ما تخلصي
تسنيم وهي ترد علي الهاتف : ايوه يا ميويتي
مي: وحشااااني يا زفته كدا متتصليش عليا
تسنيم : اوبا انا نسيت اصل نزلت اشتري حاجات عشان عيد ميلاد حياء
مي: عيد ميلاد ايه هي مش عيد ميلادها عدي بقاله فتره
تسنيم وهي تشرح لها كل ما دار بينها هي ومالك ...
" في مكان اخر في بيت حياء "
حياء: بقا كدا يا تسنيم سيباني لوحدي كل دا
وفي هذه اللحظه رن هاتفها
حياء وهي تنط من الفرحه : دا مالك
حياء: ايوه يا مالك
مالك : ربع ساعه والاقيكي لابسه بسرعه
حياء : ليه !!!!!
مالك : هنخرج انا وانتي
حياء بفرحه : بجد ...
مالك : ايون ويلا البسي بسرعه
وبعد ان اغلق مع حياء اتصل بوالدته هاله : ازيك يالولو وحشاني
هاله: وانت كمان يا حبيبي اخبارك ايه انت وحياء
مالك : بحبها اووووي يا ماما هاله ومستني والدها يرجع بفارغ الصبر عايزها ليا باقرب فرصه
هاله بمكر : انت مش يابني كنت قولت انك نهيت كل حاجه معاها فجاه كدا بقيت تقول بحبها تاني
مالك بضحك: دا كان كلام ساعه غضب بس انا بحبها وعايزها حلالي
هاله : ربنا يسعدكوا يابني
***********
"في احد المولات "
تسنيم لنفسها : راح فين دا قالي هجيب حاجه ولسه مجاش
واذا فجاه يأتي احمد من خلفها فيفزعها فبكت تسنيم
احمد بقلق : ايه دا انتي بتعيطي انا كنت بهزر معاكي بس مكنتش اعرف انك هتتخضي اوي كدا
تسنيم وهي تبكي : خلاص مفيش حاجه يلا بينا
احمد وقد ندم علي فعلته : انا اسف علي اللي عملته .. ثم اخرج من خلف ظهره باقه من الورود الحمراء
تسنيم بدهشه : ايه دا
احمد : دا ورد لاحلي ورده
تسنيم وهي تبتسم : ميرسي
احمد : ايون كدا ضحكتك احلي يا اوزعه
تسنيم : متقوليش يا اوزعه وهات الورد بتاعي بقا
احمد بضحك: دلوقتي بقا بتاعك
ثم انطلقا لشراء بقيت الاشياء ....
********
"في بيت السيده هاله تجلس مع جارتها ياسمين خاله حياء"
ياسمين : يعني هو قالك انه اتصالحوا
هاله : ايون الواد دا بنت اختك جننته
ياسمين وهي تضحك : ربنا يسعدهم ويتمم ليهم علي خير عايزين نفرح بيهم بقا
هاله : يارب
*********
"في بيت عبد العزيز "
عبد العزيز بغضب : شايفه ابنك واخره عمايله
نيفين : عمل ايه
عبد العزيز بعصبيه : ابنك اساء التصرف مع موظفه عندي في الشركه لا ومش اي موظفه اكتر بنت كفؤ عندي ومحترمه لا وبعد كل دا بيتهمها بسرقه الشركه
نيفين : ما يمكن فعلا هي سرقتهم هو هيكدب ليه
عبد العزيز : عشان عاوز يوقعها وبعد ما حققت في موضوع الشيكات عرفت انهم كانوا معاه
نيفين : طيب اهدي ومتعصبش نفسك عشان صحتك ولما يرجع يبقي اتكلم معااه
عبد العزيز : ماشي لما نشوف اخرتها معاه
*************
تسنيم : كدا احنا اشترينا كل حاجه يلا بقا عشان نروح
احمد : طيب نتغدا الاول
تسنيم : امممم اوك يلا
وذهب الاثنين لتناول الغداء وبعدما انتهي الاثنان توجهوا الي السياره للرجوع
احمد: استني هنا يا تسنيم هعمل مكالمه وجاي
تسنيم : طيب
وبينما تنتظر تسنيم احمد بجانب السياره جاء شاب واخذ يضايق تسنيم
الشاب : الجميل واقف لوحده ليه
تسنيم : ملكش دعوه
الشاب : ليه بس يا جميل ثم حاول ان يقترب منها
تسنيم : ابعد عني يا حيوان
احمد وهو يتحدث علي الهاتف مع احد الاشخاص : نفذوا اللي اتفقنا عليه
شخص ما : تمام يا باشا
وعندما انهي احمد المكالمه وجد تسنيم في هذا الموقف وشعر ان الدماء تغلي في عروقه وذهب مسرعا اليها واخذ يكيل الضربات الي ذلك الشاب
تسنيم : خلاص سيبه
احمد : عملك حاجه الزفت دا
تسنيم : ميقدرش يعمل حاجه المهم انت كويس
احمد بابتسامه : اها
ثم ركبا السياره وانطلقا
حيااء: مالك
مالك : ياعيون مالك وقلب مالك وروح مالك ومراره مالك
حياء : بقا انا مرارتك
مالك : يعني انتي سايبه كل دا ومسكتي في المراره .. وبعدين تعالي هنا انتي عسل انهارده كدا ليه
حياء: افهم من دا انك بتثبتني بكلمتين حلوين
مالك وهو يضحك : بالظبط كدا
حياء: طب يلا روحني يا رخم بقا مش عايزه اخرج معاك
مالك : بس يا ماما ... ايه دا في بتاع غزل البنات هناك اهو
حياء وقد التفتت الي مايشير ولكنها لم تجد احداا : فين دا
مالك وبدأ يجري : ضحكت عليكي
حياء: بقا كدا تعالي هنا يارخم واخذت تجري ورائه وبينما هي تجري توقفت واخذت تصرخ بشده ....
يتبع
تكملة الرواية من هناااااااا
الفصل الحادي والثلاثون والثانى والثلاثون والثالث والثلاثون والرابع والثلاثون والخامس والثلاثون بقلم علياء رو…){kind=link}
تعليقات
إرسال تعليق