رواية ابن قلبى ( الجزء الاول)الفصل السادس والثلاثون والسابع والثلاثون والثامن والثلاثون والتاسع والثلاثون والاربعون بقلم علياء
رواية ابن قلبى ( الجزء الاول)الفصل السادس والثلاثون والسابع والثلاثون والثامن والثلاثون والتاسع والثلاثون والاربعون بقلم علياء
الحلقه ال36°37 38 39 40°ابن قلبي°°
"كان مالك وحياء يمزحان سويا،،وقد علت ضحكاتهم"
مالك بضحك:سهل اوي يضحك عليكي يا بنوتي هع
حياء بغيظ:لا عااااا ،،طيب ماليش دعوه ،،انا عاوزه غزل البنات بجد مش هسكت عاااا
مالك بضحك:ههههههههه،،مجنونه والله
"واثنااء حديث مالك لها،،وجدت حياء اشخاصا يقتربون منهما"
حياء بخوف:مالك،،في ناس بتقرب مننا،،انا خايفه اوي
"نظر مالك الي المكان الذي تنظر اليه هي ،،ثم امسك بيديها مطمئنا اياها"
مالك بتركيز في وجوههم:متخافيش انا جنبك
"اقترب الشباب او المستأجرين ناحيه مالك فهتف واحدا منهم قائلا:اهلا يا استاذ مالك
مالك باستغراب:انت تعرفني؟!
اجابه شابا اخر:طبعا دا انت متوصي عليك اوي
مالك باستفهام :من مين!!،،ولكن لم يمهله الشاب وقتا لكي يتحدث اكثر ثم قام بضربه بعصاه يمسكها في يديه ثم تبعه اصدقائه وبدأو يكيلوا له الضربات حتي نزف بشده ثم فقد الوعي
" اخذت حياء تصرخ بشده:عااااااا ،،مالك،،ماااااالك،،ابعدوا عنه حرام عليكوا،،الحقوووني،،هتموتوه بقا ،،واخذت تضرب احدا منه بيدها،،نظر اليها الشاب والشرار يتطاير من عينيها:اخرسي بقا،،ثم قام بصفعها علي وجهه،،ولكنها اخذت تصرخ بشده حتي تجمعت الناس وفي تلك اللحظه هرب المستأجرون
"هرولت حياء اليه ثم قامت باحتضانه وهي تصرخ:مالك الله يخليك متسيبنيش،،قوم
ثم صرخت في وجه الناس،،الموجودين حولها:انتوا بتتفرجوا علي ايه،،اطلبوا الاسعاف
" قام احدهم باستدعاء الاسعاف وما هي الا لحظات حتي اتت"
"دلفت حياء داخل سياره الاسعاف بصحبه مالك،،ثم توجهوا الي المستشفي"
*******
"قام احمد بتوصيل تسنيم الي منزل حياء،،وعندما ترجلت تسنيم خارج السياره"
احمد بابتسامه:ادخلي بقي علي طول وخلي بالك من نفسك
تسنيم بسعاده:حاضر
"انطلق احمد بسيارته،،واثناء سيره،،رن هاتفه
احمد بمتابعه: ايوه،،خلصتوا كل حاجه
المتصل:تمام يا باشا،،زي ما طلبت
احمد بضحكه خبيثه:اشطا عليكوا،،يعني مش هيكون في وجود للزفت دا تاني؟!
المتصل:مستحيل يا باشا احنا خلصنا عليه
احمد متابعا:زي الفل،،عدي عليا بكرا علشان تستلم الفلوس
المتصل:ماشي يا باشا
"اغلق احمد الهاتف وهو يضحك ضحكات متتاليه تنم عما بداخله من شر،،وقرر ان يقوم بالاتصال علي تسنيم بعد فتره لكي يجس النبض منها ويعرف الخبر الذي يتمني سماعه"
"دلفت تسنيم الي المنزل ولكنها لم تجد حياء،،فقررت ان تدلف الي المطبخ لاعداد الطعام استعدادا لوصول والداي حياء،،واثناء وجودها داخل الطبخ رن جرس المنزل"
تسنيم وهي تخرج من المطبخ:اكيد دي حياء،،لحظه جايه
"فتحت حياء باب المنزل لتجد امامها والداي حياء"
تسنيم بفرحه:اونكل عبد السلام،،حمدلله بالسلامه
"ثم قامت باحتضان والده حياء قائله:دودو وحشتيني اوووووي والله
هدي بسعاده:وانتي كمان يا سمسمه
ثم وجهت تسنيم بحديثها الي يوسف:ازيك يسطي،،اديك اتفسحت اهو وروحت العمره مره واحده ،،مش حارمينك من حاجه ،،لما نشوف نتيجتك بقا؟!
يوسف بضحك:ماشي يا اوزعه لازم تفكريني،،عمر متدخلا:طب وانا يا سمسم مفيش ازيك
اقتربت تسنيم منه وقامت باحتضانه:وانت يسطي عم الكل
" ضحك الجميع سويا،،ثم هتفت هدي قائله:امال فين مشمشه يا تسنيم؟!
تسنيم متابعه:انا روحت السوق ورجعت ملقتهاش،،اكيد راحت تجيب حاجه نقصاها،،انتوا ادخلوا غيرو لحد ما اجهز الاكل وتكون هي جت،،دا انا عامله صينيه مكرونه بالباشمل تحففففه
هدي بضحك:ههههههه ،،لما نشوف يا اوزعه
"اتجه والدا حياء واخوتها الي غرفهم لتبديل ملابسهم والاستراحه قليلا"
*********
"داخل المستشفي"
"قام الاطباء ادخال مالك الي غرفه العمليات،،نظرا لما فقده من دماء واضطراب في نبضات القلب،،وكانت حياء تجلس خارج الغرفه علي الارض وتبكي بشده وقد تورمت عينيها من شده البكاء،،لقد ضرب امامها وحالته حرجه للغايه،،هي خائفه من فكره فقده،،واخذ تتنفس بصعوبه وتشعر بالاختناق ،،واثناء بكائها،،رن هاتف مالك الذي تمسكه في يدها،،ثم نظرت الي المتصل لتجده تسنيم"
حياء ببكاء:الحقيني يا تسنيم ،،مالك بيموت مني،،الحقيني الله يخليكي
تسنيم بفزع:حياء اهدي الله يخليكي وفهميني انتي فين؟!
"اخبرتها حياء بعنوان المستشفي،،واثناء حديثها مع تسنيم وقع الهاتف منها وفقدت الوعي"
********
"علي الجانب الاخر في اليكس"
هاله بفرح:يلا يا يا سمين علشان نوصل بدري
ياسمين من داخل الغرفه:حاضر بلبس يحيي اهو
هاله:تعرفي مالك واحشني اوي بجدياسمين بضحك:ربنا يخليهولك،،انا هتصل دلوقتي بعماد جوزي واقوله اني ماشيه
هاله:ماشي
"قامت ياسمين بالاتصال علي زوجها،،ثم استعدت لاغلاق باب المنزل
ولكن اوقفها يحيي قائلا:استني يا ماما،،نسيت البلاي ستاشن اللي حياء بتحبه
ياسمين بضحك:طيب يا مجنون،،ادخل جيبها بسرعه
*********
" في بيت مي"
"دلفت والده مي الي الغرفه ثم اخبرته بموافقه مي علي الخطبه"
الاب:تمام اوي،،هبلغ عبد الفتاح ان شاء الله
والده مي:تمام،، واديهم ميعاد ييجوا يتغدوا معانا،،والشاب يقعد معاها،،يتعرفوا علي بعض
والد مي:حاضر يا ست الكل
والده مي:اه صحيح قوم البس يلا علشان عبد السلام وخدي رجعوا من العمره النهاردا وهناخد مي معانا ونروح نباركلهم
والد مي:ماشي قولي لمي وانا هلبس
********
"في منزل حياء"
"قامت تسنيم بابلاغهم بما حدث لحياء"
عبد السلام:المستشغي!!!،،ليه بنتي جرالها ايه؟!
تسنيم متابعه:حياء كويسه،،بس بس مالك هو اللي اتعرض لحادثه
عبد السلام مستفهما:مالك مين؟!
تسنيم:مالك يا عمي اللي كلم حضرت علشان يخطب حياء
هدي متدخله:الولد الفلسطيني اللي عايش مع هاله،، يانهار ابيض،،استر يارب
عبد السلام باستفهام:طيب وهو ايه جايبه القاهره
تسنيم بتنحنح:جاي يدور علي شغل وساكن في الشقه اللي قصادنا
"واثناء حديثهم رن هاتف هدي،،فاجابت علي الفور:ايوه يا ياسمين
ياسمين بحب:وصلتي ياقلبي
هدي متابعه:اه الحمد لله وصلنا من ساعه كدا
ياسمين:تمام اوي،،احنا في الطريق اهو انا ويحيي وهاله
هدي بفزع:هاله؟!
ياسمين مستفهمه:اه ،،مالك كدا يا هدي
هدي بثبات:لا يا حبيبتي مفيش حاجه،،توصلوا بالسلامه
" اغلقت هدي الهاتف وهي تحمد ربها انها ظلت ثابته امامها،،ثم طلبت من عبد السلام وتسنيم ان يذهبوا الي المستشفي،،ليطمئنوا علي مالك وحياء،،وهي ستجلس في المنزل لاستقبال الضيوف
*******
"اتجه والد حياء وتسنيم الي المستشفي"
"كانت حياء داخل غرفه،،وقامه الممرضه بايفاقتها واعطائها مهدئا"
"وصلت تسنيم الي المستشفي بصحبه والد حياء ثم ،،سألوا عن مكان مالك،،واتجهوا الي غرفه العمليات،،ثم اخبرتهم احدي الممرضات ان الفتاه التي كانت تنتظره فقدت وعيها وتم نقلها لغرفه عاديه لايفاقتها"
"دلفت تسنيم وعبدالسلام داخل الغرفه،،وما ان رأت حياء والدها حتي دهشت"
حياء بذهول:بابا
عبدالسلام:حياء حبيبتي،،فيكي ايه؟!
حياء ببكاء:انا كويسه يا بابا،،بس مالك في خطر
الاب:ايه اللي حصله؟!،، وانتي شوفتيه ازاي
حياء بحزن وحرج:انا كنت معاه يابابا،،بشتري حاجات
الاب:اه ماشي يا حياء حسابنا بعدين ،،وايه بالظبط اللي حصل؟!
حياء ببكاء:طلع عليه بلطجيه وضربوه،،لحد ما نزف
تسنيم متدخله:ربنا يستر وان شاء الله هيكون كويس
الاب:انا هقوم اصلي العصر في اي مسجد قريب من هنا وادعيله
حياء وتسنيم:اتفضل
حياء وهي تنظر لتسنيم:بابا لسه ميعرفش اللي بينا،،واكيد هيزعل
تسنيم:لا يا حياء باباكي بيثق فيكي جدا جدا،،وعارف انك مش هتتعدي حدودك،،وبعدين مالك مش بس بيحبك دا بيخاف عليكي من اي كلمه تضايقك،،وعمل علشانك كل حاجه علشان يحميكي،،معتقدش ان بعد معرفه باباكي لكل دا،،هيرفضوا او يزعل،،باباكي بيحبك وعاوزك مبسوطه وانتي مش هتخبي عنه اي حاجه،،ودا الاهم،،والله يا بنتي كبير الفخايده دا عسل خالص😛
حياء وهي تبتسم ابتسامه باهته:خايفه عليه يا تسنيم،،هو مفيش اخبار عنه من الدكتور
تسنيم:لا لسه في اوضه العمليات
حياء ببكاء:يارب احميه ومتحرمنيش منه
"قامت تسنيم باحتضانها،،حتي تهدأ،،ثم انتهي والدها من الصلاه وعاد اليهم مره اخري
******
" في منزل حياء وصلت السيده هاله بصحبه ياسمين الي بيت هدي،،قامت ياسمين بطرق الباب"
هدي وهي تتجه ناحيه الباب:ايوه جايه
قامت هدي بفتح الباب لتجد اختها قد وصلت لتوها"
هدي بابتسامه ثم قامت باحتضان اختها:ياسمين حبيبتي وحشتيني
ياسمين بسعاده:وانتي وحشتيني اكتر يا دودو،،مبروك العمره
هدي:الله يبارك فيكي
ثم تابعت هدي ترحيبها بهاله قائله:هاله حبيبتي والله ليكي وحشه اديلي اكتر من سنه مشوفتكيش
هاله بابتسامه:وانتي اكتر والله يا هدي
هدي بترحاب:طيب يلا ادخلوا
يحيي مقاطعا:خالتو،،انا مخاصمك ومش هقولك انك وحشتيني
هدي متابعه:ليه بس يا قلبي؟!
يحيي:علشان ماخدتينيش معاكي في الطياره
هدي بابتسامه وهي تقبله:اوعدك المره الجايه هاخدك
ثم اكمل يحيي متابعا:امال فين مشمشه علشان نلعب؟!
هدي بتوتر: راحت مشوار وجايه علي طول
ياسمين بابتسامه:امال فين حياء صحيح
هدي بحيره:اص ص صل ،،مالك عمل حادثه
هاله بهلع:ايه؟!
*********
"داخل المستشفي"
"كانت حياء تجلس بصحبه تسنيم ووالدها،،تتضرع الي الله ان يحميه لها،،وان لا يصيبه مكروه"
تسنيم قائله:اهدي يا حياء مفيش حاجه باذن الله
حياء وهي تنظر لوالدها:بابا ،،دعيتله بالله عليك؟!
عبد السلام:دعيتله يا بنتي،،ربنا يحميه
ويقومه بالسلامه
"واثناء حديثهما سويا،،سمعوا ضجه شديده خارج الغرفه،،فخرجوا جميعا جراء سماع هذا الصوت"
"وعند خروجهم من الغرفه وجدوا احدي الممرضات تخرج من غرفه العمليات وهي تصرخ في هلع مناديه الطبيب
الممرضه:يا دكتور،،يا دكتور الحقني،،في مصيبه حصلت...
يتبعالحلقه ال37°°ابن قلبي°°
"واثناء جلوس حياء بصحبه والدها وتسنيم داخل الغرفه،،سمعو صوت امرأه تصرخ فخرجوا علي اثر الصوت،،ليجدوا ممرضه تخرج من غرفه العمليات وهي تنادي علي الطبيب"
الممرضه:دكتور،،يا دكتور الحقني،،مصيبه
هرول الطبيب اليها،،ثم هتف مستفهما:في ايه
الممرضه:المريض اللي جوا نبضاات قلبه وقفت خالص
"وما أن سمعت حياء هذا حتي فقدت الوعي"
تسنيم وهي تلتقطها قبل ان تسقط:حياااااء
هرول عبد السلام ناحيتها ثم قام بمساعده تسنيم بحملها ووضعها علي السرير مره اخري"
تسنيم وهي تبكي بشده:استر يارب،،حياء هتضيع مننا لو جراله حاجه
عبد السلام بحزن:حياء حبت بجد؟!،،دي عمرها ما اعترفت بالحب
تسنيم ببكاء مرير:اللي عمله علشانها يخليها تعشقه يا عمي،،مالك احن حد عليها،،يارب نجيه
عبد السلام بزعل،،رغم انه اراد ان يعرف ماذا فعل من اجل ابنته وما الذي حدث لها في غيابهم،،لكنه اثر الصمت بسبب الوضع الحالي،،ثم هتف قائلا:يارب
"في غرفه العمليات"
اخذ الطبيب يضغط علي صدر مالك في محاوله لاستعاده نمط نبضات قلبه مره اخري بمساعده الممرضات"
الطبيب بانفعال:زودي ذبذبات الجهاز شويه،،بيروح مننا
الممرضه بهلع:حاضر يا دكتور
"اخذت الممرضه تضغط علي صدره في محاوله لاعادته الي الحياه مره اخري،،ولكنه لم يستجب"
الممرضه بيأس'مش بيستجيب يا دكتور خالص
"في تلك اللحظه استعادت حياء وعيها مره اخره ،،ثم اخذت تصرخ بهلع،،مالك يا مالك"
تسنيم وهي تبكي:اهدي بالله عليكي
ولكن حياء لم تستجب لها،،ثم هرولت مسرعه ناحيه غرفته العمليات،،ثم احدثت ضجه فخرجت الممرضه من الغرف قائله لها:اهدي لو سمحتي ،،احنا حاولنا معاه بكل الطرق بس هو مش بيستجيب
حياء بغضب:اخرسي بقا ،،انتي كذابه،،ثم ازاحتها حياء بكل قوتها ودلفت الي داخل غرفه العمليات
الممرضه :يا انسه استني مينفعش كدا
حياء وهي تهرول اتجاهه:مالك ،،قوم بالله عليك،،انت وعدتني مش هتسيبني،،متخلفش الوعد دا،،انا حبيبتك وبقيت بسمع كلامك،،انا محتاجاك يا مالك متروحش مني
"ثم اخذت تضغط علي صدره بكل ما اوتيت من قوه،،حاول الطبيب ابعادها قائلا:ارضي بقضاء ربنا
حياء بصريخ:انت تسكت خالص،،ان دكتور مبتفهمش،،وعندكوا ارواح الناس رخيصه،،اتعب شويه في مهنتك حرام عليكوا هو مماتش انتوا اللي عاوزين تموتوه،،ثم اخذت حياء تضغط مرارا وتكرارا وهي تبكي وتشهق بشده
" وفجأه وجدت جهاز القلب يظهر علي شاشته تتابع نمط القلب مره اخري،،حياء وهي تنظر الي الجهاز هاتفه:النبض رجع يا دكتور اهو والله
نظر الطبيب الي الشاشه وقد دهشه من رؤيه النبض مره اخري،،ثم هتف قائلا:رجع الحمدلله،،ثم نظر لها بتعاطف قائلا:يوضع سره في اضعف خلقه
"وفي هذه اللحظه عندما اطمأنت حياء ان مالك قد عاد اليها مره اخري،،خارت قواها فسقطت في زاويه من غرفه العمليات وهي تبكي بمراره
*********
" في بيت حياء"
"اسرعت هاله ناحيه باب المنزل وتبعتها هدي وياسمين،،ثم اسرعوا الي المستشفي،،تاركين يحيي جالسا بالمنزل"
"وعقب خروجهم من المنزل رن جرس الباب،،فجري يحيي ناحيه باب المنزل وفتحه"
والده مي:السلام عليكم،،امال فين طنط هدي؟!
يحيي:طنط هدي خرجت مع ماما يجيبوا حياء
مي متابعه:يجيبوا حياء منين؟!،،يعني مفيش حد جوا خالص
يحيي:انا بس قاعد بلعب بلاي ستاشن
مي وهي تنظر لوالديها:هيكونوا راحوا فين بس دا لسه راجعين من سفر
"ثم قامت مي بالاتصال علي حياء ولكنها وجدت هاتفها مغلقا،،ثم قررت الاتصال علي تسنيم،،وما ان رأت تسنيم رقم مي حتي اجابت علي الفور"
تسنيم بارهاق:ايوه يا مي
مي باستفهام:انتي فين يا تسنيم وفون حياء مقفول ليه؟!
تسنيم بحزن:مالك عمل حادثه يا مي وحياء هتموت مننا
مي بخضه:ايه؟!،، استر يارب،،طيب انا جايه حالا،،انتوا في انهي مستشغي؟!
"اخبرتها تسنيم العنوان ثم طلبت مي من والديها العوده الي المنزل وهي ستذهب الي المستشفي"
"وصلت هاله الي المستشفي،،ثم هرولت ناحيه غرفه العمليات لتجد حياء تخرج منها وينتظر خارج الغرفه تسنيم ووالد حياء"
هاله ببكاء:مالك فين يا حيااء،،ابني حصلوا ايه؟!
حياء بدموع:مالك بخير يا ماما هاله،،الحمد لله،،هو قوي وهيقوم بالسلامه
هاله ببكاء:انتي بتكذبي عليا،علشان تسكتيني
"قامت حياء باحتضانها لكي تقويها علي مقاومه تلك الصدمه رغم انها بحاجه الي من ياخذ بيدها لتحتمل كل ما يجري"
هدي:حياء يا حبيبتي انتي ماكلتيش اي حاجه،،وباين عليكي الارهاق،،هجيبلك اكل وعصير
حياء بتعب:مش عاوزه اي حاجه يا ماما انا بخير،،نظرت ياسمين الي حياء قائله:حياء يا حبيبتي متكابريش علشان صحتك وتقدري تقفي علي رجلك،،ثم همست في اذنها،،وحيات مالك عندك
حياء بدموع:اول ما يصحي ويكلمني هاكل علي طول
ياسمين بحزن:هيفوق يا قلبي وهتكلميه من تاني
"كانت تسنيم تشعر بالحزن والارهاق الشديدين،،فوجدت هاتفها يرن،،ثم نظرت الي الشاشه لتجده هو"
تسنيم بارهاق:ايوه يا احمد
احمد يمثل الخوف عليها :تسنيم مالك فيكي ايه؟!
تسنيم بحزن:مالك يا احمد،،اللي حكيتلك عنه،،اللي حياء بتحبه وكانوا هيتخطبوا قريب
احمد بخبث وهو ينتظر كلمه تشتاق اذنه لسماعها:ماله؟!
تسنيم ببكاء:نبضات قلبه وقفت خالص،،بس الحمدلله حياء قدرت بمساعده الدكتور ان النبض يرجع تاني
احمد بغيظ:اه يعني هو لسه عايش؟!
تسنيم بحزن:اه الحمدلله،،حياء لو حصلوا حاجه كانت لقدر الله تموت فيها
احمد:اه ان شاء الله يكون كويس وانتي متزعليش،،يلا عاوزه حاجه
تسنيم :لا شكرا بجد يا احمد انك بتسمعني،،مع السلامه
"اغلقت تسنيم الهاتف مع احمد وما هي الا لحظات حتي وجدت الطبيب بصحبه الممرضات يقومون بنقل مالك الي غرفه الطواريء،،فاسرعت ناحيتهم،،كم فعل جميعهم"
حياء للطبيب:واخدينه فين يا دكتور
الطبيب متابعا:نبضات قلبه رجعت لطبيعتها،،الحمد لله،،لكنه اخد ضربه قويه في مكان حساس بالمخ،،دا غير الدم اللي فقده،،وهو حاليا في غيبوبه،،وهنعمله تحاليل ،،علشان نحدد فصيله دمه وبناء علي التحديد دا،،هنشوف حد نفس فصيله الدم يتبرعله
حياء بحزن:والغيبوبه دي هتطول؟!
الطبيب بأسف:للاسف في الحالات اللي زي دي مقدرش اقرر ،،وقت محدد للغيبوبه،،انتوا بس ادعوله
"ثم انطلق الطبيب مسرعا الي غرفه الطواريء"
"في تلك اللحظه قدمت مي اليهم،،ثم هرولت ناحيه حياء وقامت باحتضانها قائله:حياء ،،حبيبتي انتي كويسه؟!
حياء ببكاء:مش كويسه خالص يا مي
مي وهي تهدأها:تفائلي بالخير،،وخلي عندك امل في ربنا
حياء :ونعم بالله
********
" في بيت مي"
"وصل والداه مي الي المنزل،،مما ادهش منه"
منه بتساؤل:ماما انتوا مروحتوش ولا ايه!!!
الام:روحنا يا بنتي بس الظاهر في مشكله حصلت مع حياء،،ومي راحتلها المستشفي
منه بفزع:مالها حياء يانهاري
"ثم هرولت منه نحو هاتفها وقامت بمحادثه مي،،وعلمت منها بما حدث لمالك واخذت منها عنوان المستشفي،،ثم قررت الاتصال علي مصطفي لتخبره بما حدث حتي يكونوا بجانب حياء وللاطمئنان علي مالك
منه بضيق:ايوه يا مصطفي،،الحقني؟!
مصطغي بخضه:مالك يا منه ،،فيكي ايه؟!
منه بحزن: مش انا ،،دا مالك يا مصطفي اتعرض لحادثه ودخل في غيبوبه ،،احنا لازم نروحلهم حالا
مصطفي بفزع:يالله،،استر يارب،،طيب البسي وانا جيلك مسافه السكه
******
" في بيت عبد العزيزفهمي"
"كان احمد يجلس في غرفته،،يحادث شخصا من الذين قاموا بضرب مالك"
احمد بضيق:ايوه يا زفت،،الواد مماتش،
المتصل:ازاي؟!... دا كان قاطع نفس خالص
احمد متابعا:ما علينا هو اصلا دخل في غيبوبه،،ومش راجع منها تاني،،غير علي القبر
المتصل:ولو رجع احنا ورانا غيره
احمد بغيظ:بس اهم حاجه ميلاقوش حد فصيله دمه علشان ...محدش ينقذه ونخلص منه
المتصل:دماغك دي الماظات يا باشا
احمد بثقه:طبعا يا بني محدش يتجرأ يدخل في معركه مع احمد عبد العزيز،،واللي يفكر لازم يخسرها
*******
"داخل المستشفي"
"قام الطبيب بعمل التحاليل اللازمه لمالك،،ثم طلب من الممرضات ان يقوموا بمسح الدماء من علي جسده ووضعه تحت الرعايه المشدده،،ثم خرج الي حيث تجلس حياء ومن معها"
الطبيب وهو يتجه اليهم:انا عملت التحاليل للمرض وعرفنا فصيله دمه
حياء بسرعه:ايه نوع الفصيله يا دكتور؟!
الطبيب:-O
حياء بحزن :مش نفس فصيله دمي
تسنيم :للاسف ولا انا
الطبيب:يعني مفيش حد نفس الفصيله خالص؟!
حياء ببكاء:طيب حضرتك ممكن انا اتصرف واشوف اي حد في ظرف ساعه
...ولكن فجأه هتف شخصا ما قائلا:انا فصيله دمي-O
نظر الجميع الي مصدر الصوت وفجأه...
يتبعالحلقه ال38°°ابن قلبي°°
"كانت حياء تتحدث مع الطبيب ،،لكي يجدوا حلا لانقاذ مالك،،وبينما هم يتحدثون،،قاطعهم صوتا قائلا:انا فصيله دمي-O
" نظروا جميعا الي مصدر الصوت،،فاصابه الصدمه بعضهم والاستفهام البعض الاخر"
عبد العزيز:انا نفس فصيله الدم يا دكتور ومستعد للتبرع
حياء بذهول:حضرتك؟!
عبد العزيز بابتسامه:اه انا اللي عاوز اتبرعله،،وانقذه
حياء باستفهام:بس حضرتك عرفت منين بالحادثه،،وايه يخلي حضرتك تعمل كدا
عبد العزيز بتفهم:الانسانيه مش محتاجه تفكير،،انا هدخل دلوقتي مع الدكتور وهفهمك بعدين يا بنتي
"اتجه عبد العزيز الي داخل الغرفه بصحبه الطبيب،،تاركا حياء في دهشتها،،وتساؤلاتها التي كادت ان توقف عقلها،،واثناء تفكيرها فيما يجري قاطعتها والدتها:حياء،،مين دا يا بنتي؟!
حياء وهي تنظر ناحيه الباب الذي دلف داخله عزيز قائله:دا رئيسي في الشغل يا ماما
الام بدهشه:رئيسك؟!،، وهو ايه عرفوا بمالك!!!
حياء وقد لمعت عينيها:مش عارفه،،بس حاسه..
الام بحيره:مش عارفه بس حاسه ازاي يا بنتي،،مالك بس فهميني؟!
حياء بابتسامه انكسار:مفيش يا ماما ،،حاسه بصداع مش اكتر
الام:طيب يا بنتي هروح اجيبلك برشام
" واثناء رحيل والدتها قدمت اليها تسنيم ومي"
تسنيم باشفاق:بالله عليكي يا حياء كلي اي حاجه علشان تقدري تستمري
حياء وقد انجرفت دموعها:مش عاوزه اكل ومش عاوزه اكلم حد انا عاوزه مالك يفتح عينه وبس،،ابعدوا عني بقااا
قامت تسنيم باحتضانها وهي تهدأ من روعها:بس خلاص الله يخليكي،،اهدي
مصطفي وهو يقترب من مي:مي يلا علشان الوقت اتأخر وبكرا نيجي تاني بعد ما ارجع من الشغل
مي وهي متفهمه:ماشي ،
"ثم قامت مي باحتضان حياء ورحلت بصحبه منه وخطيبها "
*******
"في بيت حياء"
"كان يحيي يجلس بصحبه اخوه حياء،،يلعبون سويا البلايستاشن"
هع كسبتك للمره التالته يا عم يحيي،،وكنت عاوز تلعب مع حياء،،دا انا مبكسبهاش،،هههههههه
يحيي بغيظ:انت بتكسب بالحظ وبتوقع اللعيبه مش لاعب معاك تاني
يوسف بضحك:ماشي يا صغنن،،ويلا بقا برا علشان هذاكر قبل ماما ما تيجي
"خرج يحيي الي الصالون وجلس يشاهد الكرتون،،ولكنه وجد هاتف والدته،،فقرر ان يذهب ليبحث عنها،،معتقدا انه سوف يجدها بسهوله"
يحيي بمرح:هاخد فون ماما واروح ادور عليها واديهولها
"خرج يحيي من المنزل دون ان يشعر به احدا"
********
"في منزل احمد"
"كانت تبحث نيفين عن زوجها ولكنها لم تجده في الفيلا،،فقامت بالاتصال علي هاتفه،،ولكن وجدته خارج التغطيه،،فقلقت عليه،،ثم قررت التوجه الي غرفه ابنها لتساله عن والده
" اتجهت نيفين الي غرفه احمد ولكن قبل ان تطرق الباب لفت انتباهها ساعه اليد الخاصه بزوجها ملقاه امام غرفه احمد،،انحنت اليها ثم قامت بالتقاطها،،وهي تتسأل:ساعه عزيز!!!..ايه اللي جابها هنا دي
"ولكنه لم تفكر كثيرا في هذا الامر فلربما وقعت منه اثناء سيره من امام غرفه والده،،ثم قامت بطرق الباب"
احمد وهو يهتف:ادخل
نيفين متابعه:هتنام بدري يعني
احمد بابتسامه:امممم عادي بس حاسس بارهاق
نيفين:طيب مش هتتعشي؟!
احمد:لا يا ماما
نيفين متسأله:طيب متعرفش باباك راح فين؟!،،،ثم اكملت متابعه:اصلي لقيت الساعه بتاعته قدام باب اوضتك
احمد وهو يعتدل من نومته:قدام اوضتي انا
نيفين باستغراب:ايوه ،،مالك عملت كدا ليه؟!
احمد بقلق:لا لا عادي
********
"في بيت مي"
"وصلت الفتيات بصحبه مصطفي الي المنزل"
والده مي:خير يا بنات حياء كويسه،،وايه اللي حصل معاها؟!
مي وهي تجلس:مغيش يا ماما دا قريبها عمل حادثه
الاب متابعا:طيب وهو عامل ايه دلوقت؟!
مي متابعه:بخير ،،ربنا ينجيه
"مصطفي وهو ينهض من مكانه:طيب يا ماما استأذن انا بقا"
والده مي:ليه يا مصطفي،،استني هتتعشي معانا
مصطغي متابعا:مش هينفع يا ست الكل علشان محتاج انام
والده مي:ماشي يا حبيبي اللي يريحك
"اتجه مصطفي ناحيه الباب وتبعته منه"
مصطفي بحب:هتوحشيني علي فكره
منه بزعل: وانت كمان
مصطغي :طيب وزعلانه ليه؟!
منه بضيق:علشان انت هتسافر
مصطفي بابتسامه:هما كام يوم يا هبله تبع الشغل وهتلاقيني علي اخر الاسبوع ناططلك،،بس انتي خدي بالك من نفسك وكلي متنسيش نفسك ،،والاهم بقا...متخرجيش في اي مكان غير لما ترني عليا وتعرفيني
منه بابتسامه:حاضر
**********
"داخل المستشفي"
"خرج عبد العزيز من داخل الغرفه،،ثم اتجه الي حياء،،وسط نظرات اهلها"
عبد العزيز بابتسامه:ان شاء الله هيكون بخير وسامحيني
حياء وعينيها تلمع وقد فهمت ما يرمي له ولكن؟ا ارادت ان تتأكد:اسامحك علي ايه يا فندم؟!
عبد العزيز بحزن:مش مهم علي ايه،،بس ارجوكي تسامحيني،،وتكملي معايا في الشغل مش علشان مصلحتي ،،لا علشان محدش ينتصر عليكي،،والاهم انك ماخدتيش حقك من الشركه،،ماخدتيش راتبك ولا مكافأه السفر
حياء باستفهام وضيق:اشتغل تاني في الشركه،،بعد اللي عمله ابن حضرتك؟!
احمد بحزن:اه علشان تثبتيله انك اقوي من تفاهاته وانا هساندك ضد ابني،،لانه عاق بيا،،ودلوقتي اقدر استأذن وعملت اللي عليا كدا
"شرع عبد العزيز في المغادره ولكن اوقفه صوت حياء باكيه وهي تهتف:احمد هو اللي كان هيموت مالك؟!،،مش كدا!!! مش هو دا اللي كنت عاوزني اسامحك عليه
وقف عبد العزيز في مكانه والتفت اليها قائلا:سامحيني علشان معرفتش اربي راجل
" ثم غادر عبد العزيز المستشفي عائدا الي المنزل وهو يغلي من داخله جراء ما فعله ابنه،،فهو شخصيا لم يرتكب جريمه في حق احد،،ويحب الخير للغير،،فلماذا ابنه فلذه كبده عكس صفاته تلك؟!!!!
*******
"كان يحيي يسير في الشارع لا يعرف اين يذهب،،واخذ يبكي بشده،،وهو ينادي علي والدته"
******
"في بيت عبد العزيز فهمي"
وصل عبد العزيز الي المنزل،،ثم اتجه الي غرفه ابنه وهو يستشيط غضبا"
نيفين وهي تنظر له:عزيز كنت فين وفونك مقغول ليه؟!
عبد العزيز متجها الي غرفته دون ان ينظر لها:احمد احمددددد
"سمع احمد صوت والده فدب في اوصاله الرعب،،ثم دلف الي الغرفه دون ان يستمع لصوت زوجته"
عبد العزيز بغضب عارم:انت يا كلب ،،هتشتغل بلطجي ومجرم علي الناس،،ذنبه ايه اللي كنت هتموته دا ،،عمل فيك ايه ،،ثم قام بجذبه من ياقه قميصه وصفعه علي وجهه قائلا:من امتي بنتستغل نفوذنا والغني اللي احنا فيه دا ونفتري علي خلق الله،،ولا علشان اتولدت في الترف دا بتعتبر الطبقات التانيه مهمشه،،دول انضف منك يا زباله،،انت شيطان كدا ازاي؟!
احمد بتوتر:انا معملتش حاجه في حد
عزيز بغضب:انت كذاب انا سمعت كل حاجه وانت بتتكلم في الفون مع الحيوانات اللي مأجرهم وقلتله كل حاجه وسمعت كمان ان صاحبك خطيبته ممرضه في المستشفي اللي موجود فيها الشاب اللي ضربته وبتنقله الاخبار علشان يبلغك بيها،،ها صح كلامي ولا لسه عاوز تكذب تاني
ثم تابع بنفاذ صبر ابعد عن حياء ،،سمعتني،،ثم قام بجذبه من ملابسه قائلا:برا الفيلا دي مشوفش وشك وشك تاني،،ومفاتيح العربيه انا اخدتها والفيزا كارد ،،ووريني بقا هتعيش ازاي،،ثم طرده خارج الفيلا واغلق الابواب
نيفين وهي تبكي:بالله عليك يا عزيز ،،بلاش كدا،،عاقبه باي حاجه بس متطردهوش برا الفيلا،،مليش دعوه عاوزه ابني
عزيز محذرا:لو الباب دا اتفتح هتخرجي معاه وملكيش راجعه هنا،،ثم اتجه الي مكتبه دون ان ينتظر ردا منها
*******
"في بيت مي"
قام والدها بالاتصال علي صديقه ليخبره بقراره بشأن الخطبه"
والد مي (جمال):انا خلاص اخدت موافقه مي والحاجه،،وتقدروا تيجوا في اي وقت
عبد الفتاح:والله متعرفش انا مبسوط ازاي بالخبر دا،،واخيرا هنبقي نسايب
جمال بضحك:واخيرا ،،انا اسعد والله مش هلاقي زي حضره الظابط
عبد الفتاح:ربنا يخليك يا صاحب عمري،،استأذنك انا بقا افتح الباب شكله رجع
جمال:تمام يا غالي،،سلام
********
"كان يحيي يسير في الشارع وقد ارهقه السير والبكاء فجلس علي احد الارصفه وهو يبكي بشده،،وينادي علي امه،،واثناء جلوسه اقترب احدا ما وجلس بجانبه"
الشخص:بتعيط ليه؟!
"يحيي وهو ينظر له......
#يتبعالحلقه ال39°°ابن قلبي°°
"كان يحيي يجلس علي احد الارصفه يبكي وقد بدا عليه الارهاق كثيرا،،وما هي الا لحظات حتي وجد شخصا ما يجلس بجانبه"
احمد:بتعيط ليه؟!
يحيي وهو يشهق:عاوز ماما
احمد متابعا:انت توهت منها؟!
يحيي ببكاء:لا هي راحت مشوار وانا خرجت الشارع ادور عليها علشان نسيت تليفونها
احمد وهو يبتسم له:يعني انت هتنام في الشارع زيي؟!
يحيي وقد بدأ يستجب لحديثه:انت مش عندك بيت
احمد بابتسامه علي برائته:لا بس الحج طردني وشكلي هبات في الشارع
يحيي ببراءه:اكيد مش بتسمع كلامه!!!
احمد بضحك:لا مش بسمع كلامه،،بس تعرف ي...،،ثم تابع ضاحكا:صحيح انت اسمك ايه؟!
يحيي متابعا:انا يحيي،،وانت؟!
احمد بابتسامه:وانا احمد،،ينفع نكون صحاب،،ثم قام بمد يده اليه
يحيي وقد بدأت ضحكته تعود الي وجهه:ينفع،، ثم قام بمصافحته
احمد متابعا:المهم بقا يا صاحبي احنا لازم نلاقي مكان نبات فيه،،ثم امسك هاتفه وقام بالاتصال علي احدا ما.....
***********
"داخل المستشفي"
"قررت ياسمين الذهاب الي البيت بصحبه اختها،،بعد ان رفضت هاله وحياء الذهاب معهم"
هدي:يعني مش هتروحي بردو يا حياء
حياء بحزن:لا يا ماما مش هتحرك من هنا غير ومالك معايا
هدي:ماشي يا حياء،،ثم وجهت حديثها لهاله:وانتي يا هاله مش هتسمعي كلامي وتيجي ترتاحي شويه
هاله بحزن وارهاق:لا هفضل جنب ابني
تسنيم مقاطع:سيبيهم علي راحتهم يا طنط متقلقيش انا معاهم يلا روحوا انتوا البيت
هدي بتفهم:ماشي
**********
"قام احمد بالاتصال علي صديقه مصطفي"
مصطفي بنعاس:الو يا احمد
احمد:ايوه يا درش،،صحيتك من النوم
مصطفي:اه اصلي عندي سفر زي ما انت عارف
احمد متابعا:طيب انا جايلك ناو
مصطفي باستغراب:تنور يابني،،بس مالك كدا مش عوايدك
احمد:لما اجي هفهمك
"ثم اغلق الهاتف مع مصطفي"
احمد بمرح موجها حديثه ليحيي :يلا بينا يا صاحبي لقينا مكان نبات فيه لحد بكرا
يحيي بحزن:ومش هنروح عند ماما
احمد بابتسامه:وعد هتوديني عند ماما؟!
احمد وهو يمسك بيده:وعد يا صاحبي
"ثم اخذه وانطلقا متجهين الي بيت مصطفي"
**********
"وصلت السيده هدي الي المنزل بصحبه ياسمين،،ثم دلفا الي داخله بنسختها الخاصه"
هدي مناديه علي ابنائها:يوسف ...عمر؟!
يوسف وهو يخرج من غرفته علي اثر الصوت:نعم ياماما،،واخيرا جيتي انا جعان اوي
هدي :معلش يا حبيبي هعملكوا اكل بسرعه اهو،،امال فين اخوك ويحيي؟!
يوسف متابعع:تلاقيهم بيلعبوا بلايستاشن في اوضه حياء
هدي :ماشي يا حبيبي،،كمل مذاكرتك انت
"توجهت ياسمين الي غرفه حياء،،لكي تطمئن علي الاولاد،،ولكنها وجدت عمر فقط وهو في ثبات عميق"
ياسمين بخضه:امال فين يحيي؟!
ثم نادت علي اخته قائله:الحقيني يا هدي،،يحيي مش في الاوضه
هدي وهي تتجه ناحيتها:مش في الاوشه ازاي متهزريش؟!
ياسمين ببكاء:والله العظيم مش موجود في البيت خالص
هدي بزعيق مناديه علي ابنها:يوسف،،انت يا زفت
خرج يوسف من غرفته:ايوه يا ماما
هدي بعصبيه:فين ابن خالتك مش موجود في البيت؟!!!
يوسف متابعا:والله لسه سايبه من ساعتين كان قاعد قدام ال tv.
ياسمين ببكاء:امال هيكون راح فين بس؟!،،ثم اتجهت الي الباب وفتحته قائله:انا هخرج اشوفه في الشارع
يوسف متابعا:استني جاي معاكي يا خالتو
هدي بحزن:ياربي المصايب كلها ورا بعض،،الحمدلله علي كل حال
"بحثت ياسمين عن ابنها كثيرا ولم تجده،،وظلت تبكي وتتضرع الي الله ان يحميه لها"
******
"مر هذا اليوم عصيب جدا علي ابطال روايتي جميعا،،فكلا منهم يشغل باله شىء وتجتاحهم مشاعر مختلفه،،فمنهم من يبكي ومنهم النادم ومنهم من سيطر الحزن عليه كليا،،ولكن هذه هي طبيعه الحياه علي ايه حال"
"في صباح اليوم التالي"
"داخل المستشفي"
"كانت حياء جالسه بجانب مالك في غرفته وبصحبتها السيده هاله وتسنيم"
حياء وهي تجلس جانبه:تسنيم في مناديل مبلله جنبك هاتيها
تسنيم وهي تعطيها المناديل:اتفضلي
"قامت حياء بمسح وجه مالك بتلك المناديل ،،وعقب انتهائها طلبت من الممرضه ان تأتي لتطمئن علي نبضات قلبه"
"في هذه اللحظه رن هاتف تسنيم،،نظرت تسنيم للمتصل لتجده والده حياء،،ففهمت ان هناك شىء ما يحدث لا تريد اخباره لحياء نظرا لحالتها،،فقررت تسنيم المضي خارج الغرفه"
تسنيم وهي تجيب:ايوه يا طنط هدي
هدي بتعب:ايوه يا تسنيم،،في مشكله حصلت معانا في البيت
تسنيم بخضه:مشكله ايه تاني؟!
هدي:يحيي ابن ياسمين مش لاقيينه
تسنيم بفزع:يا نهار ابيض،،طيب راح فين؟!
هدي:والله ما انا عارفه،،دي منامتش من امبارح ،،وهتموت نفسها من العياط،،بس اوعي تقولي لحياء يا بنتي ،،ولو سالتك ليه مجيناش النهاردا،،قوليلها اننا روحنا مشوار
تسنيم متفهمه:حاضر يا طنط متقلقيش
"ثم اغلقت الهاتف معها واتجهت الي الغرفه مره اخري"
***********
"في بيت عبد العزيز فهمي"
"كان يجلس في غرفه مكتبه ،،لان اليوم اجازته،،حتي دلفت اليه نيفين"
نيفين:عزيز،،ممكن اتكلم معاك شويه؟!
عزيز وهو ينظر في الاوراق امامه:تعالي يا نيفين
نيفين بتعجب:نيفين؟!!!،،للدرجادي زعلان مني
عزيز بنفاذ صبري:عاوزه ايه يا نيغين
نيفين:عوزاك تهدي،،وتتكلم معايا من غير زعل،،انا والله حاسه بيك ويمكن نفسي يتغير اكتر منك،،بس صدقني طرده من البيت مش هو الحل
عزيز بزعيق:دا كان هيموت الشاب بدون ذنب
نيفين وهي تهدأ من روعه:يا عزيز انا عوزاك تعاقبه وتفهمه غلطه بس بالاسلوب مش بالتهور
عزيز وهو يهدأ:طيب قوليلي يا نيفين اعمل ايه معاه،،انا عارف احمد هو من جوا انضف من تصرفاته،،المشكله اني عارف الحنيه اللي جواه بس مش عارف هو ليه اتحول كدا،، مبقيتش عارفوا،،واحتارت معاه؟!
نيفين بحزن:طيب اهدي ياحبيبي وباذن الله انا هكلمه بس سامحوا والنبي
عزيز:انا مسامحه والله بس سيبيه كام يوم كدا يمكن يرجع لعقله
نيفين بحزن:حاضر ،،اللي تشوفه
*******
"في بيت مصطفي"
"استيقظ مصطفي ثم استعد لسفره وقبل ذهابه ايقظ احمد"
مصطفي متابعا:احمد،،بقولك انا ماشي
احمد بنعاس:ماشي يا احمد ،،هترجع امتي؟!
مصطفي متابعا:كمان يومين ان شاء الله وكل حاجه هتلاقيها في الشقه
احمد:ماشي تيجي بالسلامه
"غادر مصطفي،،واستيقظ احمد من نومه ثم جلس امام التلفاز،،وما هي الا لحظات حتي استيقظ يحيي"
يحيي وهو يقترب منه:صباح الخير
احمد بابتسامه:صباح النور يسطي
يحيي متابعا:انا جعان اوي
احمد وهو يقربه منه ثم يرفعه بين ذراعيه قائلا:انا من رأيي نروح نستكشف الثلاجه
يحيي بضحك:اشطا يسطي
"اتجه احمد بصحبه يحيي ناحيه الثلاجه ،،ثم قاموا بفتحها،،وبعد ذلك هتف احمد قائلا:ادي با سيدي التلاجه فيها اشطا وعسل ومربي وتونه وجبنه ،،يلا كل بقا
يحيي باستفهام:اكل هنا مش هناخدها علي الترابيزه زي ماما ما بتعمل
احمد متابعا:يسطي ترابيزه ايه انزل بس من علي دراعي ويلا بينا ناكل
يحيي بضحك:ماشي يسطي
" قام احمد بانزاله وبدأو تناول الطعام من داخل الثلاجه وهي مفتوحه وهما يقفان امامها،،وعقب انتهائهما،،هتف يحيي قائلا:عاوز اعمل بيبي
احمد بغيظ:ياختاي،،هو انا كاره الجواز من شويه،،ثم جثي علي ركبتيه ليكون في مستواه قائلا:يسطي انت لحقت تهضم،،وبعدين انا بقرف ياعم
يحيي بزعل:لا مليش دعوه عاوز اعمل بيبي،،وديني يلا
احمد بنفاذ صبر:عاااااا،،تصدق انا غلطان اني اكلتك ورايا يا غراب
"ادخله احمد الي التواليت،،وانتظره غي الخارج وعقب انتهائه نادي علي احمد قائلا:احمد ،،انا خلصت
احمد من الخارج:ماتخلص وانا مالي اهلي
يحيي بزعيق:تعالي نزلني من علي التواليت
احمد بغيظ:يابن اللذين يا اوزعه انت
"اجاب احمد لكلامه ودلف الي داخل الحمام،،ليجد يحيي ماسكا بخرطوم الماء ووجه الي احمد،،وقام باغراقه بالماء"
احمد بغيظ:يابن التيت ،،عااااااا وربنا لانفخك،،تعالي ياض
يحيي وهو يضحك:نيهاهاي لا،،ثم جري خارجا تاركا احمد ،،احمد وهو يحدث نفسه:كل دا علشان ابويا مش راضي عني،،فيطلعلي عيل اد الفسفوسه يطلع عيني عااااااا
*********
"قررت تسنيم ان تقوم بمحادثه احمد "
"احمد بعد ان ابدل ملابسه ،،وجلس يلعب البلايستاشن مع يحيي،،قاطعه رن الهاتف"
احمد وهو ينظر للهاتف ثم يجيب سريعا:الو يا سمسمتي
تسنيم باستغراب:سمسمتك؟!
احمد بحب صادق:اه فيها حاجه
تسنيم باحراج:لا مفيش
احمد متابعا:تسنيم هو انا ممكن اشوفك بعد ساعه كدا،،عاوز اقولك علي موضوع مهم
تسنيم باستفهام:موضوع ايه؟!
احمد بحب:لما اشوفك هتعرفي
تسنيم متابعه:حاضر انت عارف الظروف اللي انا فيها بس هحاول اشوفك
احمد مكملا:لا ان شاء الله هتعرفي
"اغلق احمد الهاتف مع تسنيم وهو يشعر بسعاده لم يعهدها من قبل،،وظل يحدث نفسه،،هل بالفعل عشقها؟!
احمد قائلا لنفسه:انا ازاي كنت مغيب كدا،،ايه يا بابا مضربتنيش القلم دا من زمان وفوقتني عن المصايب اللي بعملها،،انا نفسي اتغير بس مش عارف،،انا ندمان علي كل لحظه اذيت فيها حد،،
" بدأ احمد استعداده لمقابله تسنيم،،واثناء رحيله، طلب من يحيي ان يجلس في المنزل "
احمد محدثا يحيي:انا خارج ناو اقابل المزه بتاعتي،،واقولها اني بحبها اووووي واني نويت اتغير،،بس اكيد مش هقولها اني السبب في كل الظروف اللي هي فيها
يحيي مناقشا اياه كالشخص الكبير:ليه انت عملت ايه؟!
احمد بضحكه بسيطه:كنت مغيب ،،وبعدين يامقروض انت بتجادلني زي الكبار كدا ليه ،،اوزعه انت
يحيي بزعل:انا مش اوزعه وعلشان خاطري خدني معاك واوعدك مش هقعد مع مزتك هقعد بعيد والله
احمد في ذهول:انت ازاي لمض كدا؟!
يحيي بحزن اكبر:خدني معاك يا احمد
احمد وهو يطبع قبله علي جبينه:ماشي يسطي بس اوعي تغلبني معاك
يحيي وهو يهز رأسه:حاضر يا صديقي
"اتجه احمد بصحبه يحيي لمقابله تسنيم،،وقبل مجيئها هتف يحيي قائلا:احمد انا عاوز تشوكليت
احمد وهو يبتسم له:من عينيا،،ثم اعطي له نقودا قائلا:شاف السوبر ماركت اللي هناك دا
يحيي متابعا:اه
احمد:جيب منه وتعالي بسرعه،،اوعي تروح في اي مكان يا يحيي،،هزعل منك
يحيي مكملا:هرجع علي طول والله
" ذهب يحيي لشراء الشيكولاته،،وما ان ذهب حتي جاءت تسنيم "
تسنيم بابتسامه:ازيك يا احمد
احمد:وحشتيني
تسنيم بكسوف:شكرا ،،ايه الموضوع المهم بقا خضيتني
احمد متابعا:تسنيم بابا طردني من البيت،،علشان انا خونت ثقته فيا،،وزعلته كتير اوي
تسنيم:ياربي،،اكيد زعلته جدا،،لدرجه انه يطردك
احمد متابعا:تستيم انا عاوز اتغير بجد
تسنيم بابتسامه عذبه،،جذبت انتباهه بشده،،فهو لاول مره يري جمال ضحكتها وبرائتها:انا ممكن اساعدك
احمد بحب:بجد ي....
"ثم قطع حديثه مجىء يحيي قائلا:احمد جيبت شيكولاته كتير
التفتت تسنيم الي مصدر الصوت ثم هتفت في ذهول:يحيي
احمد بتعجب:انتي تعرفيه؟!
تسنيم متابعه:دا احمد ابن خالت حياء صاحبتي،،انت لقيته فين!!!
احمد متابعا:لقيته ماشي في الشارع امبارح بالليل
ثم قاطع يحيي حديثهم قائلا:سمسمه انت تعرفي صاحبي احمد
تسنيم وهي تحتضنه:كدا يا يحيي تقلقنا عليك
ثم نظرت لاحمد بامتنان:بجد شكرا ليك،،حليتلنا مشاكل كتير كانت هتحصل
" وعلي الفور قامت تسنيم باخبار والدته انها وجدت يحيي وشوف تأتي به اليها،،ثم طلبت من احمد الذهاب علي وعد مقابلته في وقت لاحق"
احمد لنفسه عقب ذهابها:كان نفسي اعترفلها بقا وارتاح
*********
"وبعد مرور ثلاث ايام ولم يحدث اي جديد في حيات ابطالنا"
"كانت حياء تجلس بجانب مالك وهي علي حالتها وقد اصابها الوهن كثيرا كالورده الذابله،،لغياب من يرويها حبا"
تسنيم وهي تدلف داخل الغرفه:حياء النهاردا مقابله مي وحسام وهي طلبت مني انزل معاها تجيل لبس،،مش هتأخر عليكي يا قلبي
حياء بضعف:ماشي
"خرجت تسنيم من الغرفه وما هي الا لحظات حتي دلف الطبيب داخل الغرفه،،ثم بدأ الكشف علي مالك الذي كان في ملكوتا اخر ،،لا يشعر بما حوله وكأنه رافض العوده مره اخري،
الطبيب وهو يفحصه:النبض تمام الحمدلله
حياء بدموع تنساب علي وجنتيها:دكتور هو هيفضل كدا كتير انا عاوزه اسمع صوته ،،صوته وحشني اوي
الطبيب:هو قوي وان شاء الله هيفوق قريب
" ثم اتجه الطبيب خارج الغرفه وتبعته حياء خارجا،،ولكن قبل خروجها،،سمعت صوتا تعطش القلب والاذن لسماعه
سمعته يقول: "ح حياء"
#يتبعالحلقه ال40°°ابن قلبي°°
"كانت حياء تتحدث الي الطبيب عن حاله مالك،،وكان الحزن واليأس قد خيم علي جميع ملامحها،،واثناء حديثها مع الطبيب،،سمعت صوته ينادي اسمها"
....ح حياء....
"نظرت حياء خلفها في ذهول لتجد مالك،،قد افاق من غيبوبته،،ويهتف باسها في ضعف،،في تلك اللحظه لم تقوي حياء علي التقدم ناحيته،،فقدت الجمتها الفرحه الممزوجه بالدهشه،،اهو حقا عاد اليها،،ويهتف باسمها؟!
" وما ان سمعه الطبيب حتي هرول اتجاهه مناديا علي جميع الممرضات"
الطبيب محدثا مالك:مالك انت سامعني؟!
مالك بضعف:اه ... فين حياء؟!،،عاوزها
وما ان سمعته حياء ينادي عليها مره اخري،،حتي اسرعت ناحيته،،وقامت بامساك يديه قائله:انا اهو يا مالك،،جنبك
مالك بابتسامه خفيفه:انتي كويسه في حد ضايقك؟!!
حياء بحزن:انا كويسه ،،حرام عليك يا مالك ،،سايبني كل الفتره دي؟!
مالك باستغراب:مده ايه؟!
حياء بحزن:انت كنت في غيبوبه اكتر من 3 ايام
مالك :ياااه كتير اوي،،انا كل دا سايبك لوحدك،،دا انتي وحشاني اوي
"وفي تلك اللحظه دلفت تسنيم الي الغرفه مقاطعه اياه :حمدلله علي سلامتك يسطي،،وبعدين لسه فايق من غيبوبتك ونازل حب فيها،،مبتضيعش وقت
مالك وهو يضحك بصعوبه:وحشتني بجد يا تسنيم
تسنيم بابتسامه:بجد كلنا فرحانين انك بخير ،،الحمدلله انك كويس
مالك:تسلمي
" وفي تلك اللحظه انتهي الطبيب من فحص مالك ومعاينه الضغط لديه ونمط القلب،،واطمئن علي سلامته الكامله،،ثم طلب من الممرضات نقله في غرفه عاديه،،حتي يشفي نهائيا"
"وبعد خروج الطبيب من الغرفه قامت حياء بالاتصال علي والديها لاخبارهم ما حدث"
حياء بسعاده:ماما حبيبتي وحشتيني
الام باستغراب:ايه يا بنتي،،انتي اتجننتي ولا ايه؟!
حياء بزعل مصطنع:ليه بس يا مامتي كل دا علشان بقولك وحشتيني
هدي:لا يا بنتي بس دي مش حالتك حاليا
حياء بفرح:ماما،،مالك فاق وكلمني وبقي كويس،،انا مبسووووطه اوي بجد
هدي بسعاده:بجد يا بنتي؟!،،والله احلي خبر سمعته ،،الحمدلله يارب،،طيب انا هبلغ هاله وخالتك ونيجي حالا مع والدك
حياء بابتسامه عريضه:ماشي يا نواره البيت
"وعقب انتهائها من المكالمه دلفت مره اخري الي الغرفه،،فوجدت الممرضات ينقلن مالك الي غرفه عاديه،،فقامت حياء بجمع اشيائه الخاصه وتابعت الممرضات داخل الغرفه الجديده،،قامت الممرضات بوضع مالك علي سريره،،ثم انصرفن"
تسنيم وهي توجه حديثها لحياء:مشمشتي،،انا جعانه،،اجيبلك اكل معايا
حياء بابتسامه:اه ياريت انا فعلا جعانه اووووي
تسنيم بضحك:واخيرا رجعتي حياء صاحبتي،،حالا هجيبلك الاكل
********
"في بيت حياء"
"استعدت السيدات للذهاب الي المستشفي بعد علمهم ان مالك قد افاق من غيبوبته،،وكانت السيده هاله في قمه سعادتها،،فرغم انها لم تنجبه لكنه بالنسبه لها الابن والصديق ،،فهي حقا تحبه،،ولا ترغب برؤيه مكروه يصيبه"
هاله بفرح:استنوا هعمله اكله علشان اكيد تعب من المحاليل
هدي بضحك:طيب،،بس متأخريش
"دلفت هاله الي بيت مالك،،فهي تقيم به منذ تعرضه للحادث،،ثم قامت باعداد الطعام له،،وانطلقوا سويا الي المستشفي"
*******
"في بيت عبد العزيز فهمي "
كان عبد العزيز بصحبه زوجته يتناولون الطعام حتي تابعت نيفين قائله:عزيز ،،مش كفايه بقا عقاب لاحمد وتخليه يرجع البيت،،هيفضل كدا كتير في بيت مصطفي صاحبه..
عبد العزيز بهدوء:ماشي يا نيفين ،،اتصلي بيه وخليه يرجع ،،يمكن يكون فكر في كلامي كويس!!
نيفين بسعاده:ربنا يخليك ليا يا عزيز
عزيز بابتسامه حب:ويخليكي ليا يا نوفي
"ثم نهضت مسرعه وهي تتجه الي غرفتها،،ثم اوقفها عزيز قائلا:رايحه فين ،،مش هتاكلي؟!
نيفين وهي تنظر له:هتصل باحمد علشان ييجي وناكل سوا،،زمانه بياكل اكل الشوارع المقرف دا،،ثم انصرفت الي غرفتها
عزيز متابعا بضحك:مجنونه والله،،بس بجد وقفت جنبي كتير،،ونعم الزوجه،،كفايه انها حب عمري،،بس شكل حد مكنش راضي علي الجواز،،والنتيجه اننا خلفنا احمد دا بلوي وعقاب من ربنا،،بس منكرش انه حنين مهما حاول يداري دا
*******
"في بيت مي ،،قامت بالاتصال علي تسنيم،،لتعرف اين هي وما سبب تاخيرها!!
" احضرت تسنيم الطعام واثناء سيرها،،عائده الي المنزل،،رن هاتفها فوجدتها مي،،قامت بوضع يدها علي جبينها في دهشه:يالهوز،،نسيت ميعادي مع مي خالص،،ثم قررت الرد
تسنيم :ايوه يا مي
مي بغضب:ايه يا زفته،،انتي نسيتيني؟!
تسنيم متابعه:اسفه يامي،،اصل مالك فاق الحمدلله،،ومصدقت حياء بقت مبسوطه وطلبت اكل،،علشان هي بقيت ضعيفه خالص
مي بسعاده:بجد مالك فاق،،الحمدلله
تسنيم متابعه:معلش يا قلبي ،،هاكل حياء وهجيلك ع طول هي ساعه بس
مي بتفهم:ماشي يا قلبي ،،مستنياكي
"اتجهت تسنيم عائده الي المستشفي،،واثناء سيرها رن هاتفها مره اخري،،ثم قامت بالرد"
احمد:سمسمتي ،،فونك كان مقفول ليه؟!
تسنيم بسعاده داخليه:احم،،اصل الشبكه في المستشفي في الدمار خالص
احمد وهو يضحك:ماشي يا اوزعه،،كنت عاوز اسالك ع حاجه كدا!!!
تسنيم مرحبه:اتفضل
احمد مكملا:هو اللسان عصفور بتعمل ازاي؟!
تسنيم وهي تضحك:هههههههههه يا عيني علي الحلو لما تبهدله الايام😛
احمد بغيظ:فرحانه فيا يا شبر ونص انتي،،ماااااشي
تسنيم :امممم قولي بقا يا احمد عملت اللي اتفقنا عليه؟!
احمد باحراج:احم سوري نسيت اصلي العصر
تسنيم بزعل:كدا يا احمد هو دا اللي عاوز تتغير
احمد متابعا:والله اسف،،هصلي حالا اهو،،بس قوليلي،،بس قوليلي يا تسنيم هو مالك لسه في غيبوبه؟!
تسنيم متابعه:اه صح نسيت اقولك،،الحمد لله فاق النهاردا وحياء طايره من الفرح
احمد بارتياح:الحمد لله وربنا يسعدهم،،انا هروح اصلي اهو،،بس عرفيني اعمله ازاي علشان جعان
"قامت تسنيم باخباره طريقه عمله ثم اغلق معها الهاتف،،وقبل ان يترك الهاتف من يديه،،قامت والدته بالاتصال عليه؟!
احمد بحب:نوفي حبيبتي وحشتيني
نيفين:وانت كمان يا قلبي وحشتني اوووي الكام يوم دول وكأنهم سنه
احمد بضحك:يا شيخه!!!،،دا انتوا حتي خلصتوا من قرفي
نيفين بحزن:متقولش كدا يا زفت،،وعندي ليك خبر يجنن
احمد متابعا:ايه؟!
نيفين بسعاده:باباك طلب مني اتصل بيك ،،علشان ترجع البيت
احمد بسعاده:احلفي كدا،، وحيات عيالك يا شيخه؟!
نيفين بضحك:ههههههههههه،، خليتهم عيالي هو انا عندي غيرك يا اهبل
احمد بضحك:عديها بقا يا صديقتي،،بقولك ايه انا هلبس وجاي فوريره ،،بس اجي الاقي اكل،،يخربيت التشرد وسنينه
نيغين بضحك:مستنياك يا مجنون
*********
" وصلت السيده هاله بصحبه هدي وياسمين ويحيي،،الي المستشفي،،ثم اتجهوا الي غرفه مالك الجديده"
هاله وهي تحتضن مالك:وحشتني اوي يا مالك،،ثم شرعت في البكاء
مالك وهي يربط علي كتفها:وانتي وحشتيني يالولتي اوي،،مفيش داعي للعياط انا كويس قدامك اهو
ثم اقتربت هدي منه قائله:حمدلله علي سلامتك يابني،،وربنا يتمم شفاك علي خير
مالك بابتسامه عذبه:الله يسلمك يا ست الكل
ياسمين متابعه:خضيتنا عليك يا زفت وبتضحك،،خلاص شوف مين بقا اللي هياكلك شوربه الخضار اللي بتحبها
مالك وهو يضحك:مش ههون عليكي
"ضحكوا جميعا وعادت الابتسامه مره اخري الي وجوههم،،ووسط ضحكاتهم تلك،،دلف يحيي الي الغرفه وهو يتجه مسرعا ناحيه مالك"
يحيي بهتاف:مااااااالك
مالك بتوجع:اه اه يا بن اللذين،،دا انا هنفخك اصبر لما اكون كويس
يحيي بضحك وبراءه:انت ليه بتنام كتير كدا،،النوم بيوجع البطن وبيعمل صداع
مالك ضاحكا:اه والله عندم حق يا صاحبي
يحيي متابعا:وخليت مشمشه تعيط كمان
مالك بابتسامه:مش بايدي والله يا صاحبي
يحيي وهو يهمس في اذنه:تعرف انا بقا عندي صديق حديد اسمه احمد
مالك وهو يتحدث بنفس نبرته:اممم وعرفته ازاي دا
يحيي بمرح:لما توهت هو جابلي حاجات حلوه وقالي هنبقي صحاب
مالك باستغراب:توهت،،شكلي نمت كتير اوي ،،هههههههههه
يحيي مكملا:اه وتسنيم هي اللي جابتني البيت تاني،،اصل هي واحمد بيحبوا سوا
"في تلك اللحظه دلفت تسنيم الي الغرفه،،ثم هرولت تجاه يحيي وقامت بكتم فمه قائله:اخرس يا زفت
مالك بضحكه:ههههههههه،،بيحبوا سوا؟!،،لا دا انا نمت كتير فعلا
يحيي وهو يحرك يدها من علي فمه قائلا:اسف يا تسنيم،،مش هقول لمالك حاجه تاني خلاص
تسنيم بضحك:م انت قلت اهو يا زفت،،بنحب سوا
" في تلك اللحظه دلفت حياء الي داخل الغرفه بعد عودتها من المسجد القريب من المستشفي،،ثم جلست بجانب مالك واخذت تتأمل ملامحه التي تعشقها"
*********
"في بيت عبد العزيز فهمي،،دلف احمد داخل الفيلا،،فوجد والده جالسا بغرفه الصالون بصحبه والدته"
احمد وهو يلقي السلام:السلام عليكم
نيفين وعزيز:وعليكم السلام ورحمه الله وبركاته
احمد وهو يجلس بالقرب من والده:ازيك يا بابا وحشتني
عزيز وهو ينظر له بلا مبالاه:شكرا
نيفين وهي تحاول ان تضفي مرحا:هو وحشك وانا لا!!!
احمد بابتسامه حزن:مش لسه مكلمك يا نوفي انتي هتصاحبيني
نيفين بغيظ:مااااشي يا زفت شوف مين هيأكلك
احمد بضحك:لا وعلي ايه يا ست الكل ،،دا انتي وحشتيني اوي
ثم توجه بحديثه الي والده هاتفا:بابا،،تسمحلي اقولك حاجه؟!!!
عزيز متابعا:اتفضل
احمد ببساطه:بص يا بابا،،انت عندك حق في كل كلمه قلتها وكل فعل اخدته ضدي،،انا فعلا كنت هتحول لشيطان بس انا مش كدا يا بابا ولحقت نفسي في اخر لحظه،،انا فوقت لنفسي،،والفضل لحضرتك بعد ربنا،،انا اسف يا بابا انا اتغيرت بجد،،سامحني وصدقني هكون زي ما انت بتحلم وسندك،،اوعدك،،ثم قام بتقبيل يديه ورأسه
نظر عزيز الي ابنه في ارتياح شديد قائلا:سامحتك يابني من زمان
ثم قام باحتضانه،،فرحت نيفين بشده لعوده ابنها وتغيره للافضل،،ولكنها تشعر ان هناك شخصا وراءه تغيره هذا،،ثم هتفت قائله:اقوم بقا احضرلك الاكل
********
"في بيت مي"
"وصلت تسنيم الي بيت مي ،،لكي تنتقي معها الملابس التي سترتديها اليوم لمقابله الشخص الذي تعشقه من زمن،،فتسنيم تعلم هذا حيدا،،وعندما علمت برغبته في خطبه مي فرحت لهما كثيرا"
"داخل غرفه مي"
مي بغيظ:ايه يا زفته كل دا تأخير
تسنيم بمرح:معلش بقا يا غاليه ،،ها وريني اللبس اللي منه جابته نختار منه
مي وهي تخرج الملابس من خزانتها:بصي البس دا ولا دا ولا دا، ما انا لازم اكون شيك،،علشان دي اول مقابله بينا وانتي طبعا عارفه ان انا بعشق اللي جابوه ومستنيه اليوم دا من زمان بس هو مكنش بيحس واخيرا حس انا بقا ارفص النعمه لا اكيد ،،ابدا ما يحصل ،،دا هو المراره بتاعتي من جوا
تسنيم بضحك:بس بسسسسي،،،ههههههههه يخربيتك اتجننتي بدري
مي متابعه بسعاده:مبسوطه اوي هتجوز الواد حبيبي ابو دبوره
تسنيم بصحك:عليه العوض ومنه العوض
مي وهي تقفز بحانبه:بقولك ايه يا سمسمه انا خايفه لو شوفته وهو حلو كدا انهار
تسنيم وقد انفجرت ضحك:الله يخربيتك يا شيخه،،انا لو قعدت شويه الناس هتتلم علينا من كتر الضحك،،بقولك ايه يا مي،،اهدي كدا متوديناش في داهيه الله يهديكي🙊
مي بضحك:خلاص خلاص،،ها البس ايه
"اختارت تسنيم لها الملابس وقامت بارتدائها وبعد مرور ما يقرب من النصف ساعه،،جاء عبد الفتاح بصحبه ابنه الي بيت مي"
"رحب والد مي بصديقه وابنه ثم توجه بهم الي غرفه الصالون،،ومن ثم تدلف والده مي الي غرفه ابنتها لتخبرها بان حسام في انتظارها"
مي وهي تنظر لوالدتها:جه ياماما
الام بخبث:اممم اه جه يا مي،،بقا حلو الجواز دلوقتي
مي باحراج:يوه يعني لا كدا عاجب ولا كدا،،اغير هدومي وانكش شعري واقعدلكوا هنا
الام بضحك وخبث:عادي اللي يريحك،،وانا هخرج اقولهم هي مش عاوزه
مي وهي تمسك بيد والدتها:بهزر معاكي يا غاليه،،انا جايه وراكي متقلقيش
"خرجت والده مي من الغرفه،،وعقب خروجها هتفت مي موجهها كلامها لتسنيم قائله:هي الوليه دي بتعمل فيا كدا ليه؟!،، هي مرات ابويا وانا معرفش
تسنيم بضحك:ههههههههه،،انجري يا بت علي برا يلا
" خرجت مي الي الصالون ثم قامت بالقاء التحيه عليهم"
عبد الفتاح بابتسامه:ماشاء الله كبرتي يامي ،،وبقيتي زي القمر ربنا يحميكي
مي بخجل:ميرسي يا اونكل
والد مي متابعا:انا بقول نسيب الولاد يتكلموا شويه ونلعبلنا دور بلايستاشن ونرجع ايام زمان
عبد الفتاح بضحك:ايووون وانا من رأيي كدا بردو
"اتجها خارج الغرفه ثم جلست مي بمسافه بعيده جدا عنه"
حسام بابتسامه:هو انا هعضك يا مي!!!
مي وهي تنظر له بخجل:ليه يعني !!!
حسام بضحك:اصلك قاعده بعيد ييجي ٥متر وصوتك واطي ومش سامعك
مي :لا هو كدا كويس
احمد :تمام ،،اقدملك نفسي بقا،،انا حسام عبد الفتاح عندي29 سنه خريج كليه الشرطه ،،وطبعا انا ظابط وشغلي مش مستقر يعني اغلب الوقت في الشغل
مي بتفهم:اه ماشي
حسام بضحك:وانتي مش هتعرفيني بنفسك
مي:اه انا مي ،،20 سنه كليه تربيه انجلش ،،بس
حسام متابعا:تمام،،عاوز بقا اقولك علي الكبيره
مي مستفهمه:ايه؟!
حسام بحب:اني انا بعشق بنت من 5سنين ودلوقتي بتقدملها
مي بصدمه يمازجها فرحه:بحد والنبي يا كابتن
حسام بضحك:ههههههههه ايون بجد ايه عندك مانع
مي وهي تتماثل للكسوف:اللي بابا يشوفوا
"وبالفعل انقضي اليوم بسلام وتم تحديد موعدا للخطوبه"
*****
"في صباح اليوم التالي"
"داخل المستشغي،،كانت حياء تجلس بجانب مالك،،وتقوم باطعامه،،وعقب انتهائها قامت باعطائه الدواء
مالك وهو ينظر لها بحب:حياء انتي محتاجه تروحي البيت وترتاحي بقا،،انتي مجهده اوي
حياء بغيظ:تسمح تاخد الدوا من سكات يا مالك علشان هخاصمك
مالك بحب:مقابلتش ولا عمري هقابل زيك ابدا،،انتي جايبه كميه الحنيه والحب دا منين،،سيبك من كل دا الاخلاص دا ،،مبقاش موجود اصلا حاليا،،انتي ازاي كدا؟!
حياء بحب:علشان انت كدا ،،ف انا طبيعي هكون زيك،،علشان اللي بيحب حد بياخد من صفاته من غير ما يحس
مالك:حياء انا عاوز اتقدم رسمي اول ما اخرج
حياء بابتسامه:طول ما انت مش بتسمع كلامي ومغلبني ومبتاكلش،،هنطول هنا يا كابتن
مالك بضحك:بحبك بقا
حياء بحنيه:عارف غيابك كسرني اوي،،وحسيت بالضعف لاول مره في حياتي،،انا دلوقت اتأكدت اني بستمد قوتي منك انت،،مش هنسي كلامك لما قولتلي انك قوتي في اضعف اوقاتي،،وفعلا لما قوتي دي غابت عني،،كنت حاسه اني اضعف حد علي الارض،،خليك جنبي علشان ،،طريقي مش هيكمل الا بيك
مالك بحب:قاعد جوا قلبك ومبلط،،في حد بيتخلي عن جزء منه
حياء بسعاده:ربنا يخليك ليا عارفه انا انا قلبك🙈
مالك بضحك:لا يا حياتي ،،انتي مرارتي مش قلبي
حياء وهي تنظر له بجانب عينيها:امممم ،،للاسف مينفعش اعضك لما تخف الصبر عليا
"ومع مرور الايام استطاع مالك ان يستعيد صحته مره اخري وسمح له بالخروج من المستشفي"
******
"في احد الايام،،في شركه عبد العزيز فهمي،،كان يجلس داخل مكتبه،،ويتابع عمله في تركيز شديد،،وما هي الا لحظات حتي سمع صوت ارتطام شديد خارج المكتبه،،ثم دلفت السكرتيره مسرعه اليه"
السكرتيره بصدمه:الحقني يا فندم.....
يتبع
تكملة الرواية من هناااااااا
الفصل السادس والثلاثون والسابع والثلاثون والثامن والثلاثون والتاسع والثلاثون والاربعون بقلم علياء رواية ابن…){kind=link}
تعليقات
إرسال تعليق