رواية ابن قلبى ( الجزء الاول)الفصل الحادي والاربعون والثانى والاربعون والثالث والاربعون والرابع والاربعون بقلم علياء
رواية ابن قلبى ( الجزء الاول)الفصل الحادي والاربعون والثانى والاربعون والثالث والاربعون والرابع والاربعون بقلم علياء
الحلقه ال41°°ا لي الحلقه 44بن قلبي°°
"جلس عبد العزيز في مكتبه يتابع عمله واثناء انهماكه في عمله،،سمع صوت ارتطاما شديدا بالخارج،،وما هي الا لحظات حتي دلفت سكرتيرته"
السكرتيره:الحقني يا عبد العزيز بيه،،في واحد برا بيتخانق مع الامن برا وبيدمر كل ديكورات الشركه
عبدالعزيز باستغراب:واحد مين دا ثم هب من مكانه واقفا متجها خارج مكتبه.....وصل عبد العزيز حيث يقف هذا الرحل ثم نظر له قائلا:ايه دا؟!،، انت مين وايه كل الفوضي اللي عملتها دي
سعد:انا ابن صاحب شركه حمدي الفقي اللي كنت هتم معاك الصفقه
عبد العزيز؛تمام ،،بس الصفقه انا لغيتها
سعد بغضب:تلغيها ازاي انت عارف انك سوءت سمعتنا وقربنا من الافلاس
عبد العزيز:شركتك يا استاذ بتهرب مع البضاعه هيروين،،يعني واخد البضاعه والصفقات سكه تانيه علشان تنقلوا القرف دا ،،ولا لا يمكن اشترك في الجريمه دي
سعد والشرار يتطاير من عينيه:هدفع تمن دخول ابويا السجن غالي يا عبد العزيز
"في تلك اللحظه وصل احمد الي الشركه،،فوجد والده في صراع مع شخص ما ،،فهرول اليه مسرعا"
احمد وهو ينظر لسعد بغضب:انت مين؟!،،ثم وجه حديثه لوالده:مين دا يا بابا؟!
عبد العزيز:صاحب الصفقه اللي كنسلناها
احمد بتفهم:اه ،،ولما احنا لغيناها،،دا بيعمل ايه هنا؟!
سعد والشرر يتطاير من عينيه:هدفعك انت وابوك الثمن غالي اوي
"ثم انطلق مسرعا خارج الشركه"
احمد بنفاذ صبر:مش فاهم الاشكال دي بتيجي منين؟!
عبد العزيز متابعا:سيبك يابني وخلينا نشوف شغلنا
******
"في بيت مالك"
"جلس مالك يشاهد التلفاز بصحبه السيده هاله التي هتفت قائله: مالك يا حبيبي انت فاضلك اسبوعين علي الامتحانات مش هنرجع اليكس ،،كفايه اجازات لحد كدا بقا؟!
مالك بتفهم:كلام صحيح يا لولو بس انا مش هسافر من هنا غير ودبلتي بتنور ايد حياء
هاله بسعاده:ياريت يا مالك نفسي افرح بيكوا اوي
مالك بحب:من عيوني يا لولتي
*******
"عقب خروج مالك من المستشفي ،،عادت تسنيم الي بيتها واصبح كل شيء علي طبيعته وعادت ياسمين الي اليكس تاركه يحيي مع خالته في القاهره لرفضه الذهاب معها ،،ولكن هاله رفضت الذهاب بدون مالك"
******
"في بيت تسنيم"
تسنيم وهي تحدث والدتها:فاضل علي الامتحان اسبوعين يا تري يا ماما هلحق ااذاكر
فاطمه:ومتلحقيش ليه،،انت بس لو سيبتي الهندي والكرتون هتلحقي باذن الله يا اوزعه
ثم صرخت بها :يلا يا زفته علي المذاكره
تسنيم بضحك:ماشي ماشي ،،شوفي مين اللي هيخرجلك من الاوضه،،وع فكره انا مش اوزعه من فراغ،ثم اغلقت باب الغرفه علي الفور
********
"في غرفه حياء"
"كانت تجلس حياء تستذكر دروسها،،لنظرا لضيق الوقت واقتراب الامتحانات،،ثم قاطع تركيزها صوت رنين الهاتف"
حياء وهي تجيب:ايوه يا مالك
مالك بحب:يالهوتي علي مالك اللي طالعه منك دي
حياء بضحك:بطل رخامه عاوز ايه بذاكر
مالك بحزن مصطنع:كدا من ساعه ما خفيت واهتمامك بيا يقل كدا،،انا زعلان
حياء بضحك:بكاش،،امال مين امبارح اللي عملك الاكل مع طنط هاله
مالك بحب:انتي يا مزتي
حياء بغيظ:والله رخم،،ثم تابعت قائله:مالك انت فاضلك اسبوعين علي الامتحانات مش هترجع اليكس
مالك بابتسامه خبيثه:لا هرجع بس في حاجه في دماغي ولازم انفذها
حياء باستفهام :ايه هي؟!
مالك بضحك:عاوز اجيب لبس من هنا اصله شيك اوي
حياء بغيظ:انت رخم علي فكره
مالك بحب:وانا بحبك علي فكره ويلا كملي مذاكرتك ولما تخلصي رني عليا
حياء :حاضر
********
"في مكتب احمد،،جلس احمد يتابع عمله وصوره تسنيم لم تفارق خياله،،لكنه يعلم ان موعد امتحاناتها اقترب ولا يود ان يزعجها،،لذلك قرر فقط ان يرسل لها رساله،،وقبل ان يفعل ما نوي عليه رن هاتف برقم غريب فقام بالرد"
احمد:الو
ليلي:احمد ازيك وحشتني اوي
احمد باستفهام:مين؟!
ليلي متابعه: كدا يا بيبي تنساني بالسرعه دي،،علي العموم انا ليلي
احمد مكملا:اه ليلي،،اهلا،،في حاجه؟!
ليلي بغيظ:طيب بتكلمني كدا ليه؟!،،انت نسيت كل اللي عملته علشانك
احمد بنفاذ صبر:بت انتي بصي بقا رقمك دا لو لقيته عندي تاني هيكون ليلتك سودا مش ناقص ارف
ليلي متابعه:ليه كدا بس دا انا بحبك
احمد بضحك:اسمها دا انا بحب الفلوس بتاعتك!!!،،ثم اكمل قائلا:ولعلمك بقا انا بحب واحده ومش بس بحبها وبعشقها،،عرفت الحب علي ايديها وغيرتني وعملت مني انسان جديد،،فاوعي عقلك يخيلك اني هبصلك انتي سبق وقولتلك انتي ارخص من انك تشيلي اسم راجل فقير اصلا مش واحد معاه فلوس كمان،،ومتتصليش تاني،،ثم اغلق الهاتف في وجهها
"ظلت ليلي تستشيط غضبا منه ومما قاله،،احقا هو احب !!،،وكيف لاخري ان تاخذه منها،،ظلت كثيرا في تفكيرها الشيطاني الي ان اهتدت الي فكره خطرت في اذهانها"
********
"في داخل مكتب عبد العزيز فهمي،،رن هاتف الشركه فقام بالرد علي سكرتيرته"
عبد العزيز:ايون يا انسه رحمه في ايه؟!
رحمه متابعه:حضرتك في مكالمه لسكرتيره من شركتنا في فرع اليكس اسمها ليلي وطالبه تتكلم مع حضرتك
عبد العزيز بتفهم:ليلي حاسس اني سمعت الاسم دا قبل كدا بس تمام حوليلي المكالمه
"قامت السكرتيره بفعل ما طلبه منها"
عبد العزيز متابعا:الو السلام عليكم
ليلي:وعليكم السلام يا فندم،،انا اسفه لو ازعجت حضرتك،،بس دا موضوع مهم جدا
عبد العزيز:اتفضلي
ليلي:حضرتك والدتي مصابه بالسرطان وهي حاليا هيتم احتجازها في مستشفي بالقاهره وانا مقدرش اسيبها،،فكنت بطلب من حضرتك لو توافق علي نقلي في فرع القاهره؟!
عبد العزيز بتفهم وقد بدا عليه الاشفاق لانه يضعف كثيرا امام الحالات الانسانيه:تمام اوي،،طيب هي ولدتك هتحتجز امتي؟!
ليلي متابعه:بكرا
عبد العزيز:تمام جدا،،بكرا تجيبيلي كل الورق الخاص بيكي وانا همضيه وان شاء الله يتم نقلك في نفس اليوم
ليلي ببسمه انتصار:شكرا اوي يا فندم ،،تعبتك معايا
عبد العزيز متابعا:ولا يهمك يا بنتي والف سلامه علي والدتك
*********
"كانت تسنيم تجلس في غرفتها وتذاكر محاضراتها حتي اعلن هاتفها عن قدوم رساله،،فقامت بفتحها،،لتجدها من احمد ومحتواها كالاتي....يمكن دي اول مره اقولك فيها اني بحبك،،بس اه انا بحبك اوي يا تسنيم وهفضل طول عمري مديونلك انك غيرتيلي حياتي،،انت سعادتي بجد،،وانا نفسي اقدملك جزء من كل الحب اللي اخدته منك،،تتجوزيني؟!،،مستني ردك.......
" اندهشت تسنيم من اعترافه المفاجيء لها ،،كاد قلبها ان يطير من الفرحه،،واخيرا ما عشق قلبها ،،سيصبح ملكها.... ولكن ماذا تفعل فهي تعتقد انها اذا اجابت علي رسالته ،،سوف يظن انها تريد هذا وبشده،،لذلك يجب ان تفكر اولا فيما سيحدث"
"ثم قررت فورا الاتصال علي حياء واخبارها"
حياء وهي تجيب:ايوه يا سمسمتي
تسنيم بسعاده:حياء احمد قالي انه بيحبني يا حياء،،اخيرا اعتررف،،انا اسعد واحده في الدنيا
حياء بابتسامه حب:ربنا يسعدك دايما يا قلبي،،بس انتي متأكده انه بيحبك؟!
تسنيم بحب:انا متأكده من دا وكل تصرفاته بتاكد دا،،وتعرفي كمان طلبني للجواز
حياء بدهشه يمازجها فرحه:واووو بجد الله ،،دا احلي خبر سمعته بجد،،يبقي انتي ومي ورا بعض
تسنيم بسعاده :مبسوطه اوي بس انا لسه مردتش عليه
حياء باستفهام :ليه؟!
تسنيم:يعني بتقل حبه،،بس قوليلي هتلبسي ايه في خطوبه مي بعد بكرا؟!
حياء بحيره:اممم هننزل نشتري فساتين ان شاء الله
تسنيم بسعاده:اووووك
******
"كان احمد جالسا في مكتبه ينتظر رد تسنيم عليه ولكنها لم تجبه،،فخاب امله وقرر الذهاب"
"وصل احمد الي منزله ويبدو علي ملامحه الحزن كثيرا،،واثناء دلوفه الي غرفه الصالون وجد والدته تشاهد التلفاز
احمد وهو يجلس:السلام عليكم
نيفين باستغراب:وعليكم السلام،،مالك يا احمد
احمد بحزن:تعبان اوي يا ماما
نيفين بخضه:مالك بس يابني؟!
احمد بحزن:عارفه يا امي لما تعشقي شخص وتتغيري كليا علشانه،،بس خايفه تخسريه في يوم من الايام؟!،،وجع مش كدا؟!
نيفين متابعه:ايه كم الالغاز دي ؟!،، احكيلي ومتخبيش
احمد بزعل:انا حبيت يا امي،،حبيتها بجد،،وعاوزها ليا ،،بس تفتكري لما تعرف اللي عملته فيها وسببتهولها هتسامحني؟!
نيفين بمتابعه:ليه هو انت كنت تعرفها قبل كدا واذيتها!!!،،اوعي تكون البنت اللي ضايقتها في اليكس
احمد بحزن:صاحبتها
نيفين:جيت توقعها هي في حبك،،وقعت انت في حب صاحبتها هههههه
احمد وهو ينظر لها بجانب عينيها:بتضحكي عليا يا ماما ،،ماشي
نيفين بضحك:مبسوطه فيك الصراحه،،الحب باين في عينيك،،بس هي لو بتحبك صدقني هتسامحك وانت لازم تعترفلها بكل حاجه
احمد وهو يفكر:قريب اوي هقولها
"مر اليوم بسلام وفي صباح اليوم التالي"
استيقظت حياء علي صوت رنين هاتفها،،قامت حياء بالرد علي مي"
حياء بنعاس:مبترنيش غير وانا نايمه؟!
مي بضحك:مغيش نوم قومي علشان نشوف الفساتين يا غاليه
حياء بغيظ: انا خلفتك ونسيتك
مي بضحك:معلش يا حبي قومي وانا وتسنيم هنستناكي عندي ،،متتأخريش
حياء بتفهم :حاضر
"اغلقت حياء الهاتف معها وقررت الاتصال علي مالك لتخبره بامر خروجها"
مالك وهو يجيب:الو
حياء باستغراب من نبره صوته:مالك في ايه؟!
مالك متابعا:مفيش حاجه دماغي مصدعه اوي
حياء بزعل:طيب خد برشام وهتكون كويس،،انا اتصلت علشان اقولك اني هخرج مع تسنيم ومي نجيب فساتين الخطوبه
مالك:طيب
"اغلقت حياء الهاتف معه وكانت تشعر بالحزن الشديد من طريقته المتغيره معها"
"في بيت مالك"
هاله وهي تنظر له:انت كلمتها كدا ليه يا مالك؟!
مالك بخبث:علشان خطتي اللي بعملها تتم صح
هاله بضحك:مجنون والله
*****
"اتجهت الفتيات الي المول لشراء ما يريدونه واثناء سيرهم رن هاتف تسنيم"
تسنيم بسعاده:ايوه يا احمد
احمد بغيظ:ممكن اعرف مردتيتيش امبارح علي رسالتي ليه؟!
تسنيم باحراج:سوري بس نسيت خالص
احمد متابعا:طيب انتي فين عاوز اشوفك
تسنيم متابعه:انا في مول (.....)
احمد بضحك:حلو اوي انتي قريبه من الشركه انا هجيلك استنيني برا المول
تسنيم بموافقه:حاضر
"وما هي الا لحظات حتي قدم احمد لها"
احمد بحب:وحشتيني
تسنيم بكسوف:شكرا
احمد بحب:طيب مردتيش علي طلبي
تسنيم باحراج:بص يا احمد ،،انا هقول لبابا الاول واشوف رده ايه
احمد :ماشي ،،بس انا عاوز اعرف ردك انتي
تسنيم بابتسامه:موافقه
"في تلك اللحظه كانت ليلي تمر بجانب المول في اتجاهها للشركه،،ولكنها رأته يقف مع فتاه وقد ظهر علي ملامحه الحب،،فاخذت تدقق في وجهها ،،وهي تتوعد لهم "
******
"في بيت حياء"
"كان والديها يجلسان امام التلفاز،،وما هي الا لحظات حتي سمعوا طرقات الباب،،فقامت هدي بفتحه لتجد امامها مالك"
مالك بمرح:حبيبتي يا ست الكل ،،ازيك عامله ايه؟!
هدي بضحك:كويسين يا بني وانت صحتك عامله ايه؟!
مالك بحب:زي الفل يا ست الكل،،امال فين عمي
هدي متابعه:جوا يا حبيبي
"دلف مالك الي غرفه الصالون ليجد عبد السلام"
مالك وهو يصيح به:عمي حبيبي واقسم بالله
عبد السلام بضحك:هههههه تعالي يا استاذ مالك دايما بتخضني كدا
مالك وهو يجلس:بصي بقا يا عمي يا اغلي عم اه والله
عبد السلام بضحك:ادخل في الموضوع علي طول هههههه
مالك:عمي انا طالب ايد بنتك،،وعارف انك موافق،،والف مبروك وانا من رايي نكتب الكتاب علي طول،،موافق صح الف مبروك ،،ثم اخذ بيده ليصافحه
عبد السلام وهو يضحك علي طريقته:مبروك علي ايه ياهبل،،وكتب كتاب مره واحده،،لا دا انت حالتك صعبه خالص
مالك بحب:بنتك جننتني يا عمي،،هتجوزهالي ولا ارتكب جريمه
عبد السلام:نعم ياخويا
مالك وهو يتراجع:بهزر معاك يا عبس
عبد السلام وقد تجهم وجهه:بص يا مالك للاسف مينفعش....الحلقه ال42°°ابن قلبي°°
عبد السلام وقد تجهم وجهه: بص يا مالك مينفعش تاخد حياء بنتي وانت لسه مبتشتغلش ومتقدرش تفتح بيت فلازم تشتغل عشان تكون اد المسئوليه اللي هتشيلها
مالك بثقه : انا متفهم كلامك دا يا عمي وباذن الله هنزل ادور علي شغل عشان اقدر اثبتلك اني استحق حياء واني هقدر اخليها مبسووطه في حياتها
عبد السلام بتفهم : وانا واثق انك اد كلمتك وشايف حب بنتي في عنيك وانا معنديش مانع اني اديك جوهرتي الغاليه حياء
مالك :طب نحدد ميعاد الخطوبه بقا
عبد السلام بضحك: طيب مش لما تلاقي شغل الاول؟!
مالك مكملا:احنا نحدد ميعاد الخطوبه ونعمل حاجه علي الضيق كدا والبسها دبلتي بعد كام يوم ،،علشان عندي امتحانات وعاوز ارجع اليكس،،وعلشان اكون مرتاح ان دبلتي في ايديها
عبد السلام متابعا:مفيش مشاكل،،بس بعد امتحاناتك ياريت تشوف موضوع الشغل
مالك بفرح:حبيب قلبي يا عبس والله نقرأ الفاتحه بقا!!!
عبد السلام بسعاده:نقرأ
"بدأو جميعا غي قراءه الفاتحه وكان الجميع في قمه سعادتهم ولكن النصيب الاكبر من السعاده كان من حظ حياء التي وصلت اثناء حديث مالك مع والدها وكانت تشعر بالسعاده تغمرها وتنتظر يوم خطبتها علي ابن قلبها علي احر من الجمر
" ثم اتجهت حياء سريعا الي غرفتها لتخبر صديقاتها بما حدث"
حياء بسعاده:ايوه يا سمسمه،،روحتي يا قلبي؟!
تسنيم:اه انا في البيت اهو،،اوعي تقوليلي الفستان طلع كبير عليكي
حياء بسعاده اكبر:لا لا مش دا الموضوع
تسنيم متابعه:امال ايه؟!
حياء بفرح:مالك وبابا قرأوا الفاتحه وهيحددوا ميعاد الخطوبه بعد كام يوم
تسنيم بذهول:احلفي؟؛... بتهزري صح!!
حياء :والله مش بهزر انا فرحاااااانه اووووي
تسنيم بسعاده:الف مبروك يا قلبي ربنا يتمملك علي خير ويسعدك
حياء بحب:يارب وعقبالك يا قلبي
تسنيم :ان شاء الله
ثم تابعت حياء قائله: هروح اعرف ماما اني جيت علشان،،انا دخلت هلي الاوضه من غير ما يحسوا
تسنيم بضحك:طيل يا مجنونه وبلغيني لما يأكدوا ع ميعاد الخطوبه
حياء:حاضر
"اغلقت حياء معها الهاتف ثم نادت علي والدتها،،وما ان سمعتها والدتها حتي جاءت اليها مسرعه وهي تحتضنها"
هدي:مبررروك يا مشمشتي
حياء وهي تدعي عدم الفهم:مبروك علي ايه يا ماما!!!
هدي بفرح:بابا قرأ فتحتك علي مالك
حياء بسعاده:واخيييييرا بقا هيييييح
هدي بضحك:مجنونه والله،،يلا ادخلي سلمي عليهم
حياء بكسوف :اوك
"ثم دلفت حياء بصحبه والدتها الي حجره الصالون،،وقام والدها باحتضانها قائلا:مبروك يا مشمشتي،،كبرتي وبقيتي عروسه
حياء بكسوف:الله يبارك فيك يا قلبي
ثم قامت السيده هاله باحتضانها،،وهي في قمه سعادتها،،ثم همست في اذنها:كنت عارفه ان مالك راجل ومش هيسيبك غير وانتي بتاعته ودلوقتي اقدر اقولك مبروك عليكي ابني اللي مخلفتهوش،،انتي في ايد امينه
حياء وهي تبتسم لها:الله يبارك فيكي يالولو
مالك مقاطعا بهزار:طيب وانا مفيش مبروك عليا انت ولا اي حاجه ولا حتي حضن تصبيره
عبد السلام وقد جحظت عيناه:نعم يا خويا!!!...يلا يازفت من هنا معندناش بنات للجواز
مالك بضحك وهو يقبل رأسه:لا وعلي ايه انا هسكت خالص اهو ،،متزعلش نفسك انت يا عبس
" ثم دلفت هدي وهي تحمل لهم ،،اكواب من العصير"
*********
"داخل شركه عبد العزيز فهمي"
دلفت ليلي داخل الشركه ثم وصلت الي مكتب السكرتاريه،،ثم طلبت من السكرتيره الدخول
"داخل شركه عبد العزيز فهمي"
دلفت ليلي داخل الشركه ثم وصلت الي مكتب السكرتاريه،،ثم طلبت من السكرتيره الدخول للسيد عبد العزيز"
السكرتيره بمتابعه:عندك ميعاد سابق؟!
ليلي:ايوه انا السكرتيره الخاص بالشركه في فرع اليكس
رحمه بتفهم:تمام جدا لحظه ابلغه
"قامت السكرتيره بمحادثه عبد العزيز وسمح لها بالدلوف،،ثم دلفت ليلي الي مكتبه"
ليلي:السلام عليكم
عبد العزيز بابتسامه:وعليكم السلام يا بنتي اتفضلي
ليلي وهي تجلس:انا ليلي السكرتيره بفرع اسكندريه
عبد العزيز متفهما:تمام يا بنتي،،معاكي كل اوراقك علشان امضيلك عليها
ليلي مكمله:ايوه ،،اتفضل حضرتك،،دي كل الاوراق الخاصه بطلب النقل
عبد العزيز متابعا:طيب انتي هتقعدي هنا لفتره اد ايه علشان اسجل دا في الورق
ليلي بتنحنح: علي حسب مده استشفاء والدتي
عبد العزيز متفهما:يعني اكتبها فتره غير محدده
ليلي بابتسامه تمام يا فندم
"قام عبد العزيز بإتمام كافه الاجراءات الخاصه بالنقل"
ثم تابع قائلا:تمام كدا يا بنتي،،تقدري تبدأي شغلك من بكرا،،سكرتاريه للشؤون الماليه
ليلي بتفهم:تمام يا فندم،،ثم شكرته ورحلت
*******
"علي الجانب الاخر كانت تسنيم تتحدث في الهاتف مع مي لتخبرها بما جد في حياه حياء"
مي بزعل:والله ،،ومتصلتش عليا تفرحني خالص
تسنيم متابعه:يابنتي والله الكلام دا حصل من ساعه بس تلاقيها حاليا مش فاضيه واول ما كل حاجه تخلص هتتصل بيكي
مي :وربنا لانفوخها
تسنيم بضحك:ههههههه مجنونه،،المهم عامله ايه مع حسام
مي بحب:كويسين وبحبه اوي يا سمسمه،،ثم تحولت مره اخري قائله:بس الزفت مكلمنيش طول اليوم النهاردا هو يعني علشان ظابط وحليوه حبتين هيطلع عيني
تسنيم بضحك:مجنونه والله ،،تلاقيه عنده شغل اعذريه بقا
مي :اما نشوف اخرتها ايه مع المز دا
"ضحكت تسنيم بشده علي طريقتها واثناء حديثهم رن هاتف تسنيم،،ثم اغلقت الهاتف مع مي،،واجابت"
تسنيم بابتسامه:ايوه يا احمد
احمد متابعا بهزار:ايوه يا احمد،،هو انا بتصل ع واحد صاحبي
تسنيم بغيظ:اه اذا كان عاجب معاليك
احمد بغيظ:عاجبني،،المهم بقا انا عاوزك في موضوع خطيررره اوي،،مسأله حياه او موت يا سمسم
تسنيم بخضه:ايه حصلك حاجه؟!
احمد بخبث:احبك وانتي خايفه عليا
تسنيم بعيظ:بطل رخامه بقا
احمد بجديه:طيب بجد بقا عاوز اقابلك في كافيه(......)،،بعد نص ساعه
تسنيم بغيظ:اوك هقول لماما لما نشوف اخرتها
"ثم اغلقت معه الهاتف واتجهت الي والدتها"
تسنيم بتنحنح:ماما،،ممكن اقولك علي حاجه؟!
فاطمه:طبعا يا قلبي
تسنيم:طبعا انا كلمتك من فتره علي احمد
فاطمه متابعه:اه كملي
تسنيم:احمد عرض عليا الجواز
فاطمه بفرح:بجد يا سمسم
تسنيم متابعه:ايوه يا امي،،بس انا بردو معرفهوش اوي وكمان حياء قرأوا فتحتها النهاردا وهيعملوا خطوبه بعد كام يوم علشان مالك يسافر علشان امتحاناته،،ف انا عاوزه أاجل الموضوع لبعد خطوبه حياء
الام بتفهم:اللي تشوفيه يا بنتي
ثم اكملت متابعه:طيب بعد اذنك يعني يا ماما هو طلب انه يقابلني وقالي موضوع خطيره بس والله يا ماما معرفش عاوز ايه
الام بضحك:من اولها،،بس ماشي يا تسنيم ثقتي فيكي مبتتهزش ،،بس متأخريش عن ساعه
تسنيم بفرح:حاضر يا مامتي
*********
"في بيت مي "
قامت مي باخبار والدتها بشأن خطبه حياء،،ويعدوا كثيرا بهذا "
والده مي:يعني الخطوبه بعد خطوبه علي طول يا مي
مي بفرح:ايوه يا مامتي،،بس هتكون عائليه في البيت
منه مقاطعه بفرح:بجد فرحانه اوي كدا مش فاضل غير سمسمه
مي :هههههههه ،،صدقيني هما كام يوم وهتلاقيها طلعالنا بعريس
منه بضحك:ان شاء الله
"وفي تلك اللحظه رن هاتف مي"
مي بفرح:حسام بيرن انا داخله الاوضه
منه بضحك:البت دي اتهطلت خالص
الام بضحك:حب سنين يابت
منه متابعه بخبث:وانتي ايه عرفك يا ماما؟!!
الام بضحكه:ايه دا هو انتي متعرفيش انها بنتي!!!،، والام بتعرف بنتها من لمعه عينيها
منه وهي تقبل رأسها:ربنا يخليكي لينا يا ست الكل
********
"وفي مكان اخر في احد الكافيهات حيث يجلس احمد منتظرا تسنيم "
احمد وقد رأها قادمه ...
احمد : اتفضلي يا سمسمه
تسنيم : ها يا احمد ايه الموضوع الخطير اووي اللي عايزني فيه ومنزلني بسرعه عشانه
احمد بابتسامه : دا موضوع خطير اووي اوي الصراحه ومش مستاهل التأجيل
تسنيم باستغراب : للدرجاي
احمد وهو يخرج شيئا من جيبه : اتفضلي يا اوزعتي
تسنيم وهي تضحك : شيكولاته بقا هي دي الموضوع الخطير
احمد بضحك : تستاهل صح ... بس مش دا الموضوع انا كنت عايز اعرف قولتي لباباكي ولا لا عشان اقدر اجي اتقدملك
تسنيم : لا لسه مقلتش حاجه لبابا،،بس كلمت مامتي وفهمتها علي كل حاجه
احمد باستفهام:وانتي ايه اللي مانعك انك تقولي لوالدك
تسنيم مكمله:مفيش حاجه منعاني ،،بس بقول خليها احسن بعد خطوبه حياء واكون خلصت الامتحانات
احمد متابعه :ايه دا بجد،،حياء ومالك هيتخطبوا
تسنيم بفرح:اه الحمدلله،،اخيرا هيكونوا لبعض،،بجد انا مبسوطه من كتر عشقهم لبعض وحاسه انها خطوبتي انا
احمد وهو يجز ع اسنانه:تقصدي خطوبتك انتي معايا
تسنيم وهي تضحك:ان شاء الله بس متزعلش بقا
احمد بحب:ماشي يا اوزعتي،،وربنا يتمملهم ع خير
تسنيم: مش هتبطل تقولي يا اوزعتي بقا
احمد : لا يا اوزعتي
تسنيم بضحك : ههههه بردوا
واثناء حديث احمد وتسنيم وقف امامهم شخص
ليلي بغيظ: بقا هي دي بقا الهانم اللي فضلتها عليا
احمد : انتي ايه اللي جابك هنا مش قولتلك مش عايز اشوف وشك تاني
ليلي : جايه اشوف مين حبيبه القلب،،اللي عرفت توقعك بس تصدق زوقك بيئه خالص
"كل هذا وسط ذهول تسنيم التي لا تعرف من هذه الفتاه التي تتحدث عنها هكذا والاهم من هذا ما علاقتها بأحمد كل هذا دار في ذهنها "
ثم قطعت ليلي شرودها موجهه حديثها لها وبنبره سخريه : وانتي ياحلوه مش هتقوليلي قدرتي توقعيه في حبك ازاي يمكن اتعلم منك
تسنيم وقد اشتعلت غضبا : انتي ايه اللي بتقوليه دا انتي واحده مش محترمه اصلا ازاي تكلميني كدا
ثم كادت ليلي ان تصفعها علي وجهها لولا يد احمد التي منعتها
احمد : اخرسي بقا ثم قام احمد بصفعها قائلا لها : دي احسن منك يا زباله ولو فكرتي تقربيلها ،،هيكون اخر يوم في عمرك،،غوووووري
.. غادرت ليلي وهي تبكي مما فعله بها وهي تتوعد بالانتقام من الاثنين وهي تقول لنفسها : والله لادفعك تمن القلم دا غالي اوووي
"تسنيم ببكاء مين دي يا احمد عاوزه افهم وازاي بتكلمني كدا؟!
احمد مهدئا اياها:اهدي يا تسنيم ،،دي واحده كنت اعرفها زمان قبل ما اتعرف عليكي والله
تسنيم متابعه:وازاي تتجرأ وتكلمني كدا
احمد بعصبيه:صوت ميعلاش يا تسنيم وبعدين حقك واخدتهولك ممكن بقا نقفل علي السيره دي
تسنيم متابعه:ماشي،،ممكن بقا تروحني
احمد متابعا:حاصر يلا بينا
*******
" في بيت حياء ،،كامت تقف مع والدتها في المطبخ عقب مغادره مالك للمنزل"
حياء بسعاده وهي تحتضن والدتها من الخلف:مامتي حبيبتي،،انا مبسوطه اوي
هدي متابعه:ربنا يديم سعادتك يا مجنونه
حياء متابعه:تصدقي با مامتي نسيت اكلم مي ،،دي زمانها هتولع مني
هدي متابعه:مينفعش لازم تقفي جنب صاحبتك،،وفي تلك اللحظه دلف يحيي داخل المطبخ هاتفا:يا طنطي هدي مالك قالي ناديلي المزه بتاعتي في البلكونه
هدي وهي تضحك:هههههههههه داهيه انت
حياء متابعه:مالك في البلكونه؟!
يحيي وهو يهز راسه قائلا :اه ومعاه شيكولاته كتير ومش عاوز يديني منهم
حياء بضحك:من عيوووني انا هجيبلك منه
"اتجهت حياء الي الشرفه لتجد مالك في انتظارها"
وما ان رأها مالك حتي هتف قائلا:ايه النور اللي هجم فجأه دا
حياء بضحك:رخم والله خضيتني وبعدين ،،يحيي عاوز الشيكولاته ،،اتقي شره ليسيحلك جوا
"واثناء حديثهم دلف يحيي قائلا:علي فكره يا مشمشه هو مش جوزيكي علشان تتكلمي معاه،،هو انا مش راجل قاعد ف البيت
مالك وهو يضحك:معرفش جايب لسان واحد عنده 40 سنه منين
"ثم قامت حياء برفع يحيي علي السور الخاص بالبلكونه وامسكته جيدا "
مالك وهو ينظر له:اتفضل شيكولاتايه واخرس بقا
يحيي بغيظ:واحده بس ،،طيب نزليني يا مشمشه وهروح اقول لعمو عبس
حياء وهي تضحك:هههههههه،،فظيع
مالك وهو يجز ع سنانه:طيب خد اتنين اهو
يحيي وهو يلتقطهم منه:هات واحده تاني علشان اخليها تقف معاك
مالك بغيظ:اه يا تيت امسك ويلا امشي من هنا احسن اشعلقك
"حياء وهي تنزله قائله:يلا روح اتفرج علي سبونج بوب
يحيي وهو يجري:لا هقول لعمو ،،ثم هتف بصوت عالي وهو يدلف للداخل:يا عموووو عبس يا عمووووو
مالك وقد جحظت عيناه:يابن اللعيبه،،دا صايع قديم بقا
حياء وهي تضحك:هههههههه ملهوش حل
مالك متابعا:حياء،،ممكن اسالك سؤال؟!
حياء:اسأل
مالك:انا ليه حاسس انك مخبيه عني حاجه،،وايه يخلي مديرك في المستشفي يتبرعلي بالدم!!!،،كان نفسي اسألك السؤال دا بس سيبته لوقته
حياء بتوتر:مش عارفه يا مالك
مالك بثبات:قولي الحقيقه يا حياء،،اتفقنا متخبيش عني حاجه
حياء بتوتر اكبر:ماما بتنادي عليا هشوفها ونتكلم في الموضوع دا بعدين،،ثم اكملت قائله:وهات بقا التشوكليت بتاعتي
******
" علي الجانب الاخر كانت ليلي تسير في الشوارع لا تعلم الي اين تذهب وكان الشرار يتطاير من عينيها،،واثناء سيرها،،وجدت سياره تقترب منها،،ثم قام بعض الرجال باخدها داخل تلك السياره
فاخذت تصرخ بشده انتوا مين؟!....
يتبعالحلقه ال43°°ابن قلبي°°
"كانت ليلي تسير في الطريق والغضب والانتقام يسيطران عليها بشكل كبير،،واثناء سيرها وجدت سياره سوداء تقترب تجاهها ثم ترجل منها رجلين يرتديان بذله سوداء ثم جذبوها داخل السياره"
ليلي بصريخ:انتوا ميييين؟! وعاوزين مني ايه!!!
احد الرجلين:اخرسي بقا،،وما هي الا لحظات حتي قام الرجل بتكميمها بماده منومه
******
"في بيت عبد العزيز فهمي"
"وصل احمد الي الفيلا ويبدو عليه الحزن مما فعلته ليلي،،واستئنف سيره متجها الي الدرج،،ولكن اوقفته نيفين متابعه:احمد مالك يابني سرحان كدا ليه؟!
احمد:مفيش يا امي تعبان بس شويه
نيفين متابعه::طيب مش هتاكل
احمد:لا يا امي،،ثم تابع سيره
"لم تطمئن لنبره صوته الحزينه،،فقلقت عليه وقررت الصعود ورائه"
"دلف احمد داخل الغرفه وتبعته والدته،،ثم القي بجسده علي السرير"
نيفين بتساؤل:احمد مالك،،وحياتي عندك متخبيش عليا حاجه
احمد بحزن:تعرفي يا يا امي يوم ما فكرت احب واتغير،،علشان اللي بحبها،،لقيت الماضي القذر بتاعي بردو بيلاحقني،،حتي وانا نيتي نضيفه،،في حاجه جوايا بردو ناقصه ،،تعرفي يا امي انا حبيتها اوي،،لا مش حبيتها انا عشقتها بجد،،مش شايف نفسي غير معاها ولا حتي عاوز غيرها،،وطول الوقت بكون مبسوط بمجرد ما بسمع صوتها لو دقيقه،،انا بجد عاوزها يا امي،،عاوز اكمل حياتي معاها،،بس مش عارف افرح كل ما افتكر انها لما تعرف ،،اني اذيتها واني نفس الشخص اللي اذي صاحبه عمرها ومالك ،،ازاي هتسامحني لما تعرف اني اكتر شخص ليه ايد في كل دمعه نزلت منها؟!...ازاي هتسامحني يا امي؟!
قامت نيفين باحتضانها متابعه:ربنا بيسامح يا احمد،،هي مش هتسامحك؟!،،،عاوز نصيحتي يا ابني قلها،،علشان تريح قلبك وضميرك،،وصدقني لو بتحبك هتشوف الصدق في عينك وهتنسي اي حاجه وحشه منك
احمد بحزن: تفتكري يا امي
نيفين بحزن علي حاله ابنها،،التائه بين كرهه لماضيه وعشقه للحاضر قائله:ان شاء الله يابني
احمد متابعا:انا قررت ان شاء الله هقولها النهاردا لما اشوفها وهي ان شاء الله هتسامحني
"ثم قام احمد بالاتصال عليها،،لتجب تسنيم:اييوه يا احمد
احمد بابتسامه:وحشتيني
تسنيم متابعه:شكرا
احمد بغيظ:شكرا،،ماشي يا اوزعه ،،الصبر عليا،،المهم بقولك ايه يا سمسمتي
تسنيم مكمله:نعم!!!
احمد:انا عاوزك في موضوع مهم جدا
تسنيم بضحك:موضوع خطير اوووي بردو وفي الاخر يكون شيكولاته
احمد بابتسامه:لا موضوع مهم بجد بس خليه بالليل في الخطوبه لما اشوفك
تسنيم بتفهم:تمام
احمد متابعا:اه ونسيت اقولك كمان،،ياريت الفستان اللي هتلبسيه يكون واسع بعد اذنك،،علشان اليوم يعدي علي خير
تسنيم بضحك:ههههههه حاضر
********
"اغلق احمد الهاتف معها وهو يشعر بالسعاده لمجرد سماع صوت ضحكتها وعقب انتهائه،،نظرت له والدته قائله:البنت حولتك لبني ادم تاني،،ابتسامته جميله حقيقي،،ربنا يديم الابتسامه عليك ويجعلها من نصيبك
" قام احمد بتقبيل يده والدته وهو يؤمن:اللهم امين
********
"في بيت حياء،،كانت لا تزال نائمه رغم المكالمات الكثيره التي جائتها من قبل ومي وتسنيم ومالك،،ولكنها لم تجب علي اي مكالمه منهم،،لدخولها في ثبات عميق،،وفي تلك اللحظه دلف يحيي داخل الغرفه،،ثم قام بوضع فأر لعبه اسفل قدميها ووضع بجانب وسادتها صورصار من البلاستيك،،ثم وقف بعيد بعض الشيء وهتف بها قائلا:مشمشه الحقي فار علي رجلك
وفي تلك اللحظه استيقظت حياء علي صوته،،ثم نظرت بجانبه واسفل قدميها وبعدها بدأت في الصريخ كالمجنونه وهي تنادي علي والدتها"
حياء بصريخ:عاااااااااا،،يالهووووتي فاااااار يا ماما يلهوووووي،،موته يا يحيي موته
"الام وهي تدخل الي الغرفه لتجد حياء تقف في زاويه من الغرفه وتصرخ في فزع"
هدي:حياء مالك يا بنتي
حياء:فار يا ماما وصرصورات علي السرير
يحيي وهو يضحك:ههههههههه،، دول بلاستيك يا عبيطه ،،بصي ثم قام بامساكهم بيده
حياء وهي تنظر له في غيظ:انت اللي حطتهم يا زفت عبوشكلك ،،والله لاوريك يا يحيي،،ثم قامت بالاقتراب ناحيته،،حتي قام هو برمي الفأر مره اخري عليها وهو يضحك
"فظلت حياء تصرخ في رعب واسرعت خارج الغرفه"
هدي وتكاد تنفجر من الضحك:حرام عليك يا يحيي،،قطعت خلف البت ههههههه
يحيي:ولو ماخدتنيش النهاردا تفسحني هجيبلها تعبان كبير
هدي بضحك:طيب يلا يا مفعوص قدامي
**********
"علي الجانب الاخر،،وصلت السياره السوداء الي فيلا مهجوره في مكان نائي بعض الشيء"
احد الرجال وهو يوقظها:اصحي ،،انزلي يلا قدامي
ليلي بصريخ:انتوا مين وعاوزين مني ايه حرام عليكو
رجل اخر:جيبينك نفسحك هنا،،متتحركي ياختي
"وبالفعل دلفت ليلي الي داخل البيت المهجور بصحبه الرجال،،ثم ادخلوها داخل غرفه بها مكتب ويجلس عليه رجل"
رئيس العصابه:اخرجوا انتوا
"خرج الرجال من الغرفه ثم تابع الشخص قائلا:طبعا انتي بتسألي دلوقتي احنا مين وايه اللي جايبك هنا وطبعا علشان اوفر عليكي كل دا انا هقدملك نفسي،،ثم تابع قائلا:
انا سعد الفقي،،ابن اكبر صاحب شركه للتجاره والمقاولات
ليلي وهي تهتف بغضب:طيب وانا مالي بكل دا ،،عاوزه افهم!!!
سعد متابعا:اصبري ،،لسه مخلصتش كلامي،،المهم ... داخل شركه عبد العزيز فهمي في جواسيس انا باعتهم ينقلولي كل جديد بيحصل في الشركه،،واخر معلومات وصلتلي انك سكرتيره الشؤؤن الماليه في فرع اليكس،،وحاليا هتكوني هنا بفرع القاهره،،وطبعا مفيش حاجه هتدمر عبد العزيز وشركته غيرك،،لان سكرتيره الشؤون الماليه...هي مكمن اسرار الخزنه والصفقات اللي بتتم واسعارها،،وانا بقا عاوز انتقم لوالدي منه ومن ابنه واخليه يفلس وادخله السجن،،خلاصه الكلام ف انتي بقا يا حلوه هتساعديني في المهمه دي،،واكيد ليكي مقابل متقلقيش،،وعلي فكره انا مش جايبك هنا علشان اخيرك او اخد رأيك لا دا انتي هتنفذي اللي قولتلك عليه كله ولو فكرتي تلعبي بديلك ،،عارفه هعمل فيكي ايه؟!
ليلي بتهكم:ايه!!
سعد:هقطعك حتت وبعدين هولع فيكي
ليلي بنفس التهكم:وايه الفرق ما انا هكون ميته،،علي العموم انا سمعتك ودلوقتي دورك بقا انك تسمعني
سعد متابعا:ها قولي
ليلي بخبث:احب اعرفك بقا اني اكتر واحده عاوزه انتقم من احمد عبد العزيز،،انا جايه هنا مخصوص علشان انتقم،،وظهورك سهل عليا كتير اووووي
سعد مكملا:كلامك دا بجد ولا علشان تخرجي من هنا؟!
ليلي بضحكه عاليه:هههههههههه يبقي انت لسه معرفتنيش،،بس اتفقنا،،ثم قامت بمد يدها لتصافحه،،فقام بمصافحتها قائلا:وكدا بقا تبتدي خطتنا
*******
"في بيت مالك قام بالاتصال علي حياء،،ولكن وجد هاتفها مغلقا"
هاله وهي تنظر له:مالك يابني؟!
مالك بنفاذ صبر:قايلها مليون مره متقفليش فونك،،ومبتسمعش الكلام ابدا
هاله :معلش يابني ممكن تكون نايمه
مالك بغضب:لا مش نايمه هي قالتلي انها هتروح لمي بدري علشان رايحين البيوتي سنتر
هاله متابعه:طيب اهدي وانا هسال هدي
ولكن مالك لم يمهلها فرصه للمتابعه قائلا:لا انا هشوفها وغادر من امامها
"في تلك اللحظه كانت حياء تنادي علي والدتها"
حياء بهتاف:مااااماااا،، انا ماشيه
هدي من داخل المطبخ:ماشي يا حبيبتي خلي بالك من نفسك وانا وباباكي هنوصل علي بعد المغرب
حيتء بمتابعه:تمام يا ماما
"ثم قامت بفتح الباب وعقب فتحه وجدت مالك يقف امامها"
حياء بفزع:يا مامي،،مالك واقف كدا ليه خضيتني
مالك بنغاذ صبر:مستني معاليكي ،،علشان ارن علي الفون والاقيه مفتوح
حياء وهي تضرب بيدها علي رأسها:اوووه والله نسيت اشحنه اسفه ،،اكيد فصل
مالك متابعا:ناسيه الفون ولا نسياني انا يا هانم
حياء بزعل:والله نسيت يا مالك ،،اسفه خلاص
مالك بغضب:مليون مره اقولك متخلقش اللي يخليكي تقولي اسفه
حياء بسعاده:طيب هتيجي تاخدني من البيوتي سنتر انا وتسنيم
مالك بهزار:هو انا خلفت تسنيم ونسيتها ولا ايه
حياء بضحك:هههههههههه ،،اسكت دي خلاص علي وشك الارتباط
مالك متابعا:الاوزعه هتتخطب؟!
حياء مكمله :ايوه ياسيدي وهتعرفنا عليه النهاردا كمان
مالك بحزم:بنوتي وريني كدا الفستان اللي هتلبسيه علشان يوم خطوبه منه والفستان اللي كنتي لبساه وانا عديت الموضوع بمزاجي
حياء بزعل:بالله عليك انا عملاه مفاجأه،،بليز بقا يا مالك عديني
مالك:انا هسيبك بمزاج بس يوم الخميس الجاي باذن الله دبلتي هتكون في ايدك وساعتها بقا هتاخدي بالدزم
حياء وهي تعقد حاجبيها:وعلي ايه بقا شوف مين اللي هتتجوزك
مالك وهو يقترب منها بغيظ ويمثل انه سيضربها:قلتي ايه،،اصلي مسمعتش؟!
"وفي تلك اللحظه وجد احدا يقوم بالقاء الماء عليه،،فنظر الي مصدر الماء ليجد"
يحيي وهو يوجه مسدس الماء ناحيه مالك:ابعد عنها يا وحش سوف اقتلك،،بيو بيو
مالك وهو يقترب منه:بيو بيو!!!،،طب تعلالي بقا ثم قام مالك باخد المسدس منه وقام بالقاء الماء عليه،،وهنا هتفت حياء قائله:الحقي يا مامتي مالك ويحيي غرقوا الشقه،،وما ان سمعوا صوت قدومها حتي جري مالك ناحيه شقته ودلف يحيي الي غرفه حياء
"حياء وهي تضحك بشده علي طريقتهم:مجانين الحق انا اروح للبنات
********
" داخل البيوتي سنتر ،،دلفت حياء لتجد تسنيم بصحبه مي ومنه"
مي بغيظ:ما لسه بدري ياختي
حياء برخامه:بت متلويش بوزك لاسيبك واروح ها
مي بغيظ:ماشي يا غرابه،،ها قوليلي التاج دا احلي ولا دا
حياء بتفكيرر:اممممم دا
مي بضحك:تصدقي كان عاجبني بردو
"انقضي اليوم سريعا وحل المساء وهو يحمل الكثير من الاحداث الجديده وبدايه النهايه لابطالنا"
******
"في بيت عبد العزيز فهمي،،استعد احمد للذهاب الي الخطبه وقد تألق في حلته التي زادته وسامه وفي نيته اخبار معشوقته بكل الحقيقه وان يفتح معها صفحه جديده،،وفي تلك اللحظه دلفت نيفين وما ان رأته حتي هتفت قائله:بسم الله ماشاء الله،،زي القمر يابني ،،عقبال فرحك انت وسمسم،،تصدق نفسي اشوفها اوي
احمد بحب:اوعدك هخليكي تشوفيها وقريب اوي
نيفين :ماشي يا قلبي
" وكادت انت تخرج حتي اوقفها هو قائلا:نوفي ،،ايه رايك تيجي معايا؟!
نيفين متابعه:دا بجد
احمد بحب:اه علشان اعرفك عليها
نيفين بسعاده:تمام ،،هلبس حالا
********
"في شركه عبد العزيز فهمي،،انتهي من عمله ثم قرر العوده للمنزل،،واثناء استعداده للذهاب رن هاتفه فاجب:ايوه يا نوفي
نيفين:ايوه يا عزيز،،بقولك هو ممكن اروح مع احمد خطوبه صاحبه
عبد العزيز بضحك:قال وانا اللي كنت راجع بدري علشان اخدك ونخرج نتغدي برا
نيفين متابعه:امممم ،،لا عاوزه اروح مع احمد
عبد العزيز بخبث:امممم دا الموضوع في ان بقا
نيفين بضحك:هحميلك بعدين ثم اغلقت الهاتف معه،،وقرر هو العوده الي المنزل
" في تلك اللحظه كانت ليلي تجلس في مكتبها وما ان علمت بمغادرته حتي انتظرت الي موعد مغادره مدير الشؤون الماليه ،،وبعد ما يقرب من الربع ساعه لم يتبق احدا في الشركه سوا هي وقليل من الموظفين،،فقررت الدلوف داخل مكتب الشؤون الماليه،،ولكن اثناء سيرها وجدت يدا توقفها :رايحه فين......
*******
"وصل حسام البيوتي سنتر،،وما ان رأي مي بالخمار حتي سحر بجمالها،،ثم هتف قائلا لها بضحك:جميله يا ذات العيون الجرجيريه
مي بغيظ:عاااااا،، هو مفيش حاجه في الدنيا لونها اخضر غير الجرجير
حسام متابعا:في،، الخيار والخس و ....
مي مقاطعه بغيظ:جرجير جرجير ،،ما علينا
" ضحك حسام بشده علي رد فعلها ثم اخدها متجها الي القاعه،،،وعقب ذهابه قدم مالك"
مالك :ايوه بقا كدا يا بنوتي،،حلو الفستان دا وواسع
حياء بفرح:بجد والنبي ياكابتن
مالك بغيظ:كابتن!!!... طيب قدامي بقا جتك داهيه في حلاوتك
تسنيم بضحك:نسيتوني يا اندال
"ضحكوا جميعا ثم اتجهوا الي القاعه،،وما هي الا ربع ساعه حتي وصلوا داخل القاعه"
"جلست حسام ومي والتف حولهم الاصدقاء،،ثم بدأت مي تقدم صديقاتها له"
مي بسعاده:اقدملك بقا،،دي حياء غنيه عن التعريف طبعا
حسام بضحك:انتي هتقوليلي،،انتي تقريبا بتتكلمي عنها اكتر ما بتتكلمي عن نفسك
مي بضحك:طبعا دي قلبي،،ودا بقا مالك خطيبها،،قام حسام بمصافحه مالك هاتفا:اتشرفت بيك جدا
مالك بابتسامه:وانا اتشرفت اكتر
ثم تابعت مي قائله:ودي بقا تسنيم التالته بتاعتنا
"وفي تلك اللحظه قدم يحيي ومد يده لحسام قائلا:وانا يحيي وعاوز ابقي ظابط زيك،،وعندي مسدس اهو ،،ثم اخرج مسدسه وبدأ ينشر عليهم الماء من داخل المسدس،،ثم اخذوا جميعا يتضاحكون
" وجلس كل شخص في مكانه"
مالك موجها حديثه لحياء،،بقولك ايه انا حران اوي تعالي نجيب اي حاجه تتشرب
حياء مكمله:فعلا النهاردا الجو فظيع،،ثم استأذنت من والدتها وخرجت معه
"واثناء خروجهما من القاعه،،وجدوا احمد مقابلا لهم"
حياء وقد جحظت عينيها:ها
مالك وهو ينظر حيث تنظر حياء،،وما ان رأه حتي هرول تجاهه قائلا:انت بتعمل ايه هنا؟!
احمد بابتسامه:ازيك يا مالك،،انا معزوم علي الفرح دا
حياء وهي تقترب من مالك:اهدي يا مالك بيقولك معزوم يعني ملهوش دعوه بينا
مالك مكملا:انتي نسيتي كان عاوز يعمل فيكي ايه؟؛... ولا نسيتي انه قالي انك هتكوني بتاعته وهددني انه هيقتلني،،دا حقيره والاشكال اللي زي دي مفهومه اوي
نيفين متدخله:لو سمحت متتكلمش عنه كدا،،ابني مش زي ما انت بتقول وهو جاي علشان يصلح كل اللي عمله
حياء متدخله ببكاء:جاي يصلح اللي عمله!!!... يعني لو كنت خسرت خطيبي،،كان اسفه دا هيرجعهولي!!!
مالك وهو ينظر لها بدهشه:قصدك ايه!!!
حياء ببكاء:هو اللي اجر الناس اللي ضربوك
"وما ان سمع مالك هذا حتي انقض عليه ليضربه،،ولكن نيفين وقفت امام ابنها قائله:اسمعني يا ابني الاول،،هو جاي يصلح العلاقات بينكم وانت بخير الحمدلله ،،ليه بس نتمني الشر يا بنتي
حياء وهي تجذب مالك من يديه:خلاص يا مالك بالله عليك خلينا نبعد عنه
مالك بصريخ:المره اللي فاتت لما خلي سيكرتيرته تاخدك لحد الشاليه علشان ،،يستقوي علي بنت ويكسرها،،ومحاولاته القذره كلها اللي فشلت واخر محاوله ليه كان هيموتني،،وتقوليلي سيبه!!!
"واثناء حديثهم،،رأي احمد امامه.....
يتبعالحلقه ال44°°ابن قلبي°°
"بدأ الشد والجذب بين احمد ومالك،،وافرغ مالك ما بداخله من كره تجاه هذا الشخص،،وفي تلك اللحظه رأي احمد تسنيم تقف علي بعد ليس بكبير وتستمع الي كل ما يدور بينهم،،لم تكن تسنيم في حاله تحسد عليها،،فقد الجمتها الصدمه ولم تستطع الحراك وما ان رأها احمد،،حتي صدم لسماعها ماضيه الغير مطمئن لاي شخص والذي يجعلها تفقد ثقتها كامله به"
احمد وهو يهرول ناحيتها:تسنيم،،اقسم بالله كنت جاي اعترفلك بكل حاجه،،انا فعلا عملت كل حاجه حرام ممكن تتوقعيها،،بس والله اتغيرت،،صدقيني،،انا بحبك بجد ومش عاوز من الدنيا دي غيرك وانك تسامحيني،،تسنيم ردي عليا
نيفين مقاطعه اياه:ايتني يابني،،انا هكلمها،،ثم اتجهت اليها نيفين قائله:صدقيني يابنتي احمد بيحبك واتغير علشانك ،،انا امه وعارفه شخصيتها،،انا عمري ما كنت اتخيل ان ابني يرجع بني ادم سوي وبيعرف يحب بس صدقيني انتي غيرتيه!!!
"كل هذا يحدث وسط ذهول حياء التي كانت الصدمه قاسيه عليها جدا،،اهذا هو احمد ما عشقته صديقه طفولتها،،ايجوز لها ان تفرح لعشف صديقتها له ام تحزن لعلمها انه نفس الشخص الذي اوشك علي تدمير حياتها،،ولكنها اخيرا تحدثت:انت كنت عاوز توقع اختي زي ما عملت معايا صح؟!
احمد بغضب:اسكتوا بقا ...انا عاوز اتكلم معاها لوحدنا،،ثم قام بجذبها من يدها
" ولكن في تلك اللحظه اوقفه مالك وهو يبعد يده عنها:ابعد ايدك دي هي مش جايه معاك
احمد بنفاذ صبر:لو سمحت عاوز اتكلم معاها شويه،،صدقوني انا اتغيرت،،ولو اسفي هيرجعها ليا،،ف انا اسف يا مالك علي اي اذي سببتهولك انت وحياء،،بس ربنا بيسامح انتوا مش هتسامحوني
"في تلك اللحظه هتفت تسنيم اخيرا بهدوء قاتل قائله:بكرهك
" ثم تركتهم واخذت تهرول بعيدا عن القاعه"
حياء ببكاء:الحقها يا مالك الله يخليك،،ممكن تعمل في نفسها حاجه
"اسرع مالك ورائها ،،في محاوله منه لانقاذها مما سوف ينتج عن صمتها هذا انه هدوء ما قبل العاصفه"
حياء ببكاء:استريحت كدا ،،هو دا اللي كنت عاوزه،،ثم اكملت بتهكم:الحمدلله ان دا اللي كنت عاوزه مش حاجه تاني
احمد وهو يقف امامها:انا اسف يا حياء بس اسمعيني بعد اذنك ،،حتي لو لمره واحده
حياء ببكاء:اسمع ايه بس !!!
احمد:والله العظيم بحبها،،واتغيرت علشانها،،وكنت ناوي اعترفلها بكل حاجه النهاردا،،وانا جاي وعارف انك موجوده وكنت عاوز المواجهه دي علشان اصلح اي حاجه كسرت؟ا ونبدأ من جديد،،وتسنيم تكون ليا،،حياء لو سمحتي ممكن طلب
حياء ولاول مره تشعر بنبره صدق في كلامه وضعف يضفي علي جميع خلجات وجهه:هديك فرصه تصلح اللي كسرته وقبل اي حاجه قلب صاحبتي،،سمعاك اتفضل
احمد ببسمه امل:قربيني منها،،فهميها اني بحبها ،،ساعديني لو سمحتي
حياء بتفهم:هساعدك
نيفين متدخله:ربنا يسعدك يا بنتي وكان نفسي المقابله بيننا تكون في ظروف احسن من كدا
حياء بابتسامه:ان شاء الله الجاي يكون خير
احمد متابعا:طيب اروح وراها انا علشان مالك معاها
حياء بغيظ:انت غيران عليها من مالك!!!!
احمد بتنحنح:احم يعني
حياء بضحك:لا اطمن من الناحيه دي ،،خطيبي عينه مليانه بوجودي،،وتسنيم بمثابه اخته،،وبعدين حلو اوي دا شوف مين هيساعدك
احمد مسرعا:لاااا،، والنبي ما تزعلي ،،خلاص ياستي ،،اتصلي بيه وخليه يجيبها وييجي
حياء بابتسامه:تمام
*********
"داخل شركه عبد العزيز فهمي"
"كانت ليلي تسير اتجاه مكتب الشؤون الماليه والاداريه،،بعدما تأكدت من انتهاء الدوام وعدم وجود موظفين،،واثناء سيرها،،اوقفتها يدا ،،فنظرت ليلي خلفها لتجدها رحمه"
رحمه مستفهمه:رايحه فين كدا يا انسه ليلي؟!
ليلي بتوتر:داخله لاستاذ محمد،،علشان اسلم الورق اللي خلصته
رحمه متابعه:بس دا مشي من ربع ساعه وانا اخر واحده بمشي علشان اقفل كل المكاتب واتمم علي الاداره الخاصه بالصيانه
ليلي بخيبه امل:اه ربنا يعينك
رحمه:ياااارب،،يلا بقا اتفضلي انتي خليني اتمم كل حاجه علشان امشي
"وبالفعل اتجهت ليلي عائده الي مكتبها ثم قامت بجمع اشيائها الخاصه وغادرت المكتب مقرره انها ستتم مهمتها في وقت لاحق"
**********
"كانت تسنيم تسير في الشوارع بخطوات سريعه جدا،،ولكن مالك استطاع الوصول اليها،،ثم قام بايقافها"
احمد وهو يلتقط انفاسه:يا تسنيم اقفي بقا ،،قطعتيلي نفسي
تسنيم:........
مالك بحزن:يابنتي اتكلمي قولي اي حاجه،،اصرخي حتي متسكتيش كدا
تسنيم:............
مالك متابعا:طيب خرجي كل اللي في قلبك،،احكيلي هو انا مش اخوكي،،وصدقيني هكون كاتم اسرارك وصاحبك ووقت الجد هتلاقيني جنبك
"واخيرا هتفت تسنيم وهي تبكي بهستيريه قائله:انا حبيته اوي يا مالك،،وفي الاخر يطلع الشخص اللي كان عاوز يدمر اختي وعاوز يموتك،،واكيد كان بيستخدمني وسيله علشان يوصل لحياء بعد خططه كلها ما فشلت
مالك بحزن لحاله:ممكن يكون كلامك صح،،وانه انسان حقير،،او يمكن كان كدا،،بس انا شوفت الصدق في عينيه،،رغم انه اذاني كتير بس انا مبكرههوش،،دا كفايا انه اخد مني بونيات،دا انا حطمت الرقم القياسي في وشه
تسنيم وهي تبتسم ابتسامه هادئه:يستاهل
مالك متابعا:ايوه انا اللي يقرب جنب مزتي اكله بايدي وسناني
تسنيم:ههههههههههه
مالك وهو يهتف:واخيرا ضحكتي،،يا شيخه قطعتي نفسي،،وهدومي اتمرمطت،،ارجع للمزه كدا ازاي!!!
تسنيم بحزن :اسفه
مالك:بطلي يا هبل مفيش بين الاخوات اسف،،بس صدقيني ،،انا شوفت حبه ليكي مش بس في عينيه ،،لا ونبره صوته كمان،،نصيحه من اخوكي فكري تاني في الموضوع قبل ما تبعدي،،واي قرار هتاخديه صدقيني انا هساندك فيه،،ويلا بقا نرجع علشان خاطر مي وفرحتها متكونش ناقصه وعلشان حياء مش مبطله عياط
تسنيم وهي تهز رأسها بالايجاب:ماشي
*********
"داخل القاعه"
"كان مصطفي يجلس بصحبه منه يتحدثان وما هي الا لحظات حتي قدم احمد،،فقام مصطفي وسلم علي نيفين قائلا:والله القاعه نورت يا ست الكل
نيفين بسعاده:منوره باهلها
ثم قامت منه بمصافحه نيفين قائلا:نورتيني يا طنط
نيفين :بنورك يا حبيبتي وعقبال الفرح
منه :يارب
ثم قام مصطفي باحتضان احمد قائلا:الكبير،،وحشتني عارف لو مكنتش جيت
احمد بخبث:كنت هتعمل ايه ياض!!!
مصطفي بهزار:ولا حاجه ،،منه بس كانت هتزعل
احمد وهو يضحك:ههههههههههه،،عارف بتفكرني بايه
مصطفي مكملا:ايه ياعمونا!!!!
احمد بضحك:بتفكرني بواحد فرفور اتضرب من راجل،،فالشاب الفرفور راح لامم كل صحابه وراحوا للراجل دا،،ف الفرفور بيقول للراجل شايف دول،،الراجل بيقوله اه شايفهم،،فراح الفرفور قاله،،دول مخاصمينك
" ضحكوا جميعا بشده علي طريقه احمد،،ثم تابع مصطفي قائلا:مين دا يسطي اللي فرفور
احمد بضحك:اكيد مش انت يا كبير
"في تلك اللحظه كانت حياء تقف بجانب مي،،التي تابعت قائله:امال فين تسنيم يا حياء
حياء بتوتر تحاول اخفائه:بتعمل فون برا
مي :ماشي
" واثناء حديثهم دلف مالك وتسنيم داخل القاعه،،فاتجهت تسنيم وجلست بجانب والدتها دون ان تتحدث،،وما ان رأها احمد حتي بدأ الحزن يسيطر علي ملامحه،،ثم اقترب منه مصطفي وهتف في اذنه قائلا:الضحكه مكانتش لايقه عليك خالص،،كانت ضحكه كدابه،،مليانه وجع،،مش كدا ولا ايه؟!
احمد وهو ما زال ينظر لتسنيم:تعبان اوي يا مصطفي
مصطفي متابعا بحزم:انت هتيجي تبات عندي النهاردا،،احنا لازم نتكلم
احمد باستسلام:ماشي
"علي الجانب الاخر حيث تجلس تسنيم"
والده تسنيم:ايه يا سمسمه مش هتوريني احمد!!
تسنيم والدموع تترقرق في عينيها:مجاش
الام :طيب وزعلانه كدا ليه يا مجنونه ،،تلاقيه عنده شغل
تسنيم بحزن:ممكن!!!!
"مر اليوم صعب علي جميع شخصيات القصه
"وفي صباح اليوم التالي"
"استيقظت حياء من نومها،،وقررت الاتصال بتسنيم،،لتتطمئن عليها ولكن وجدت هاتفها مغلقا،،فقلقت عليها بشده"
حياء محدثه نفسها:الفون مقفول ليه بس!!... مش عوايدك يا تسنيم،،ليه هتقلقيني عليكي،،استر يارب
"واثناء شرود ذهنها ،،قاطعها رن الهاتف،،فاجابت"
حياء بقلق:ايوه يا مالك
مالك متابعا:لقيت نور الاوضه مفتوح عرفت انك صحيتي،،عامله ايه يا قلبي؟!
حياء وقد شرعت في البكاء:مش كويسه خالص يا مالك،،تسنيم قافله فونها وانا خايفه عليها
مالك وهو يطمئنها:متقلقيش عليها،،يمكن قفلت فونها علشان محتاجه تقعد مع نفسها شويه،،صدقيني تسنيم قويه ومبتتكسرش بسهوله
حياء مسرعه:لا انا هروحلها مش هقدر
مالك متفهما:ماشي يا حياء وابقي طمنيني عليكي،،وانا من رأيي ان خطوبتنا هتخرجها من كل دا،،وكمان عاوز اسافر وانا مطمن عليكي،،حياء انا مش عاوز ضحكتك تغيب،،وانتي مينفعش تعيطي قدام صاحبتك،،امال مين اللي هيقويها يا قلبي؟!... فهماني!!!
حياء بتفهم:انت صح،،بجد ربنا يخليك ليا ويديم وجودك في حياتي نعمه
مالك بحب:ويخايكي ليا،،يلا البسي علشان تروحيلها
********
"في بيت مصطفي"
"لم ينم احمد طوال الليل،،ظل يفكر بها وفيما وصلت اليه علاقتهما،،ولم يكف ايضا عن الاتصال بها،،ولكن هاتفها مغلق"
مصطفي وهو يجلس بجانبه قائلا:هتفضل صاحي كدا كتير
احمد بحزن:مش هتحس باللي جوايا،،انا بموت من غيرها وساكت،،قولي يا مصطفي هو انا اذنبت لما حبيتها!!!!
مصطفي متابعا:لا يا احمد الموضوع مش كدا،،هي بس اتصدمت من اللي سمعته دا حقها وبعدين ايه اللي يثبتلها انك اتغيرت بجد!!
احمد هاتفا:اني حبيتها
نصطفي:لا اللي يثبتلها تمسكك بيها حتي لو هي بتظهر انها مش عوزاك،،الافعال بتقوي العلاقات
احمد بتفكير:عندك حق،،انا مش هشيبها لحد غيري،،باذن الله
*********
"في مكان اخر قامت ليلي بالاتصال علي سعد لتخبره بما حدث"
سعد بنفاذ صبر:يعني انتي هتبوظيلي كل حاجه
ليلي بجمود:انت عاوز كل حاجه تحصل من يوم وليلي،،لازم ناخد حذرنا في كل خطوه بنعملها
سعد برخامه:لما نشوف اخرتها يا هانم
******
"داخل بيت حياء"
حياء موجهه حديثها لوالدتها:ماما،،انا رايحه اطمن علي تسنيم علشان تعبانه جدا من امبارح
هدي بتفهم:ماشي يا حبيبتي،،وارجعي بدري علشان مش فاضل غير يومين علي الخطوبه وعاوزين نتفرج علي الفساتين علشان انتي مبيعجبكيش حاجه بسهوله
حياء بضحك:ههههههههه،، حاضر يا نواره البيت ثم طبعت قبله علي جبينها وغادرت
"داخل بيت تسنيم وصلت حياء وقامت بطرق الباب ففتحت لها السيده فاطمه"
حياء وهي تضفي بعض المرح:بطه حبيبتي وحشتيني
فاطمه:يا بكاش ماانتي لسه شيفاني امبارح لحقت اوحشك
حياء بضحك طفولي:خلاص زعلت منك يا بطه وهدخل لسمسم اشتكيها منك
فاطمه بضحك:اه صحيح يا حياء،،تحبي اعملك محشي ايه!!!
حياء متابعه:هو انا لسه هقعد للمحشي،،الحاجه دودو مستنياني علشان نروح نشوف الفساتين وبنتك بتدلع ومش عاوز ترد ع الفون
فاطمه:ادخلي شوفيها اكيد نايمه
"اتجهت حياء الي غرفه تسنيم،،ثم قامت بفتحها،،لتجد تسنيم نائمه علي سريره وهي تضم كلا رجليها الي صدره وتبكي،،وما ان رأتها حياء علي تلك الوضعيه حتي هرولت ناحيتها،،ثم قامت باحتضانها،،وتسنيم تبكي بين احضانها
ثم هتفت حياء قائله:لا يا تسنيم اوعي تضعفي كدا علشان خاطري
تسنيم ببكاء:مش قادره يا حياء،،نفسي مش قادره اخده،،بموت
حياء وهي تضمها اكثر:اسكتي بقا بلييييز،،متضعفنيش معاكي،،ثم تابعت قائله:تسنيم احمد بيحبك
تسنيم وهي تنظر لها:انتي اللي بتقولي كدا!!!... بعد اللي عمله فيكي!!!
حياء وهي تهز رأسها:اه انا،،علشان انا اللي شوفت الصدق وشوفت حبك في عينيه،،تذكرت تسنيم كلام مالك لها،،ثم هتفت قائله:بس انا مش هقدر اصدقه بعد اللي سمعته مش هقدر،،شوفتي كان عاوز يعمل فيكي ايه؟!
حياء متابعه:مينفعش نحكم علش الشخص بالماضي بتاعه،،لو بتحبيه هتبدأ معاه صفحه جديده وتحاسبيه علي غلطات الحاضر،،انسي الماضي بقا يا تسنيم،،اديله فرصه
تسنيم ببكاء:مش هقدر،،بكرهوا ومش هرجعله خلاااص
حياء وهي تحاول تغيير الموضوع خوفا عليها من هذا الانفعال: طيب خلاص خلاص،،ثم اكملت بحزن مصطنع:طيب ومين هيختارلي فستاني ،،وخطوبتي بعد يومين،،ومين هيقف جنبي في فرحي،،يا خساره الصحاب بجد
تسنيم بغيظ:بت انتي هقوم اضربك،،متعيشيش الدور
حياء متابعه تمثيليتها:خلاص يا تسنيم المواقف بتبين الصحاب علي حقيقتهم
تسنيم وهي تمسح وسادتها وتنقض عليها:انت شكلك بقا عاوزه تتضربي وتتعضي والله بتعمليه في الناس انا هطلعه عليكي ووريني بقا هتحضري الخطوبه بكميه العض دي ازاي
حياء بضحك وهي تصرخ:اييييي،،يا بنت العضاضه،،سيبيني
*******
"في بيت مالك كان مالك يجلس يقرأ الاعلانات بحثا عن اعلان عمل،،وما هي الا لحظات حتي رن هاتفه"
مالك وهو يجيب:السلام عليكم
احمد :وعليكم السلام يا مالك،،انا احمد
مالك :اها ازيك يا احمد
احمد:بخير،،بس قبل اي كلام انت مسامحني،،انا بجد اسف وهفضل حاسس بتأنيب ضمير من ناحيتك طول ما انا عايش
مالك متفهما:مسامحك،،بس لو حافظت علي تسنيم
احمد بسعاده:اوعدك بدا،،ووعد الحر دين
مالك :تمام جدا
احمد وهو يحاول يضفي نوعا من المرح:قاعد بتعمل ايه كدا يا صاحبي
مالك بضحك:بدور في الجورنال علي اعلانات شغل ،،احسن الحج عبس ممكن يقتلني،،دا شرط اساس في الخطوبه،،وبعدين انا اصلا هعمل لحياء مفاجأه في الخطوبه هتبهرها
احمد وقد لمعت فكره في ذهنه:امممم ربنا معاك يا صاحبي،،المهم تسنيم مش بترد عليا وفونها مقفول
مالك مكملا:حياء قلقت عليها لنفس السبب وراحت تشوفها
احمد بحزن:اعملها ايه علشان ترجعلي انصحني الله يخليك!!!
مالك بخبث طب انا عندي فكره
احمد مسرعا:ايه هي؟!
مالك:ايه رأيك....
يتبع
تكملة الرواية من هناااااااا
الفصل الحادي والاربعون والثانى والاربعون والثالث والاربعون والرابع والاربعون بقلم علياء رواية ابن قلبى ( ال…){kind=link}
تعليقات
إرسال تعليق