رواية ابن قلبى ( الجزء الاول)الفصل الخامس والاربعون والسادس والاربعون والسابع والاربعون بقلم علياء
رواية ابن قلبى ( الجزء الاول)الفصل الخامس والاربعون والسادس والاربعون والسابع والاربعون بقلم علياء
الحلقه ال45°°ابن قلبي°°46 47
"" اثناء حديث مالك واحمد علي الهاتف،،هتف مالك قائلا:انا عندي فكره
احمد مسرعا:ايه هي!!!
مالك متابعا بخبث:بص ياسيدي انت.........
*********
"في بيت تسنيم"
حياء وهي تنهض عن السرير وتجذب تسنيم من يدها:يلا قومي بقا ،،دودو زمانها مستنيانا
تسنيم بخمول:ياربي عليكي يا حياء،،لسه الخطوبه بعد بكرا ،،يعني قدامنا بكرا كله فاضي
حياء بغيظ:هو في حد بيأجر الفستان قبل الخطوبه بيوم
تسنيم بغيظ:طيب يا زفته بس ابوس علي ايدك يا شيخه ،،لتختاري فستان علي طول متتعبيناش معاكي
حياء بضحك:حاضر من عيوني ،،يلا بينا بقا
"اتجهت الفتيات خارج الغرفه،،فاستأذنت تسنيم والدتها بالمغادره"
فاطمه متابعه:يا بنات استنوا انا قربت اخلص المحشي اهو
حياء بضحك:يا بطه حرام عليكي،،انا عروسه مش عاوزه يظهرلي كرش في الفستان،،بس انتي اللي يقعد معاكي لازم يقلبظ
فاطمه بضحك:هههههههه ماشي يا حياء
**********
"في بيت حياء،،كانت هدي تجلس في انتظار ابنتها وتسنيم،،واثناء جلوسها رن هاتفها،،فاجابت علي الفور"
هدي:ايوه يا ياسمين،،مجيتيش انتي وعماد ليه!!
ياسمين متابعه:انا ركبت اهو بس عماد عنده شغل وهييجي يوم الخطوبه
هدي متفهمه:ماشي يا حبيبتي توصلي بالسلامه
"اغلقت هدي الهاتف مع اختها وبعد مرور ما يقرب من الربع ساعه وجدت هاتفها يرن مره اخري"
هدي وهي تجيب:ايوه يا مشمشه انتي فين!!
حياء متابعه:انا وتسنيم مستنيينك تحت العماره،،يلا انزلي بسرعه بقا يا ماما
هدي:حاضر جايه اهو
"وقبل خروجها من المنزل هتفت مناديه علي ابنيها"
هدي:يوسف،،يا عمر
يوسف وهو يخرج من غرفته :نعم يا ماما
هدي:حبيبي خلي بالك من عمر ويحيي
يوسف متابعا:طيب متأخروش،،علشان انا رايح اظبط البدله بتاعتي
هدي متابعه:حاضر،،وقبل مغادرتها اوقفها يحيي هاتفا:خالتو ،،رايحه فين
هدي متابعه:رايحه مع حياء مشوار يا قلبي وهنيجي علي طول
يحيي:مليش دعوه هاجي معاكوا
هدي هاتفه:ياربي منك،،قدامي طيب يا زفت
"وبالفعل اتجهت الفتيات بصحبه هدي ويحيي لانتقاء ما يليق بشخصيه حياء"
******
"في فيلا عبد العزيز فهمي"
"وصل احمد الي الفيلا،،ليجد والدته تستعد للذهاب"
احمد مستفهما:علي فين كدا يا نوفي
نيفين:رايحه النادي وهقعد شويه مع صحابي من زمان متقابلناش
احمد متابعا:طيب يا ست الكل بس متتاخريش
نيفين مكمله:احمد مفيش جديد حصل
احمد بحزن وهو يكمل سيره علي الدرج:مفيش يا امي،،ثم اكمل سيره الي غرفته
********
"كانت ليلي تجلس داخل منزلها وهي تفكر في كيغيه الوصول كافه الشيكات والصفقات التي ستساعدها في تدمير احمد ووالده
ليلي لنفسها: طيب انا اتصرف ازاي مع السكرتيره دي،،دا انا كنت خلاص قريبه من الهدف اوي،،وكل حاجه باظت واخد كلام من الحيوان سعد دا،،ما انا لازم الاقي حل في اقرب وقت
" وما هي الا لحظات حتي قطع شرودها هذا رنين الهاتف"
ليلي ببرود:افندم
سعد مكملا:انتي نايمه علي نفسك ومتعرفيش المصيبه اللي حصلت
ليلي بفزع:ايه اللي حصل!!!!
سعد:كل الورق والشيكات اللي كان في الخزانه العامه للشركه،،تم نقله في الفيلا الخاصه بعبد العزيز فهمي
ليلي بصدمه:نعم!!!!
سعد بغضب:ايوه يا هانم،،شوفي بقا ايه اللي انتي هببتيه،،خلاهم يعملوا كدا
ليلي بصريخ:انا معملتش حاجه والموضوع ملهوش علاقه بيا اصلا.... اكيد في سر ورا القرار دا وهعرفه اكيد
سعد مكملا:طيب دلوقتي خطتنا لازم تتغير خالص،،ومينفعش علي الفون،،هستناكي في مطعم (.......)،، متأخريش
******
"في شركه عبد العزيز فهمي"
"كان يجلس شارد الذهن ،،يفكر فيما يحدث داخل الشركه،،هو لا يريد ان يلفت انتباه احدا لم يحدث حتي لا يثير ضجه داخل الشركه،،وفجأه قرر استدعاء سيكرتيرته"
رحمه وهي تدلف داخل المكتب:حضرتك كنت عاوزني يا فندم
عبد العزيز مؤكدا:تعالي يا انسه رحمه،،انا عاوزك تخلي بالك من الشركه اوي وبالاخص قسم الصفقات والشؤون الماليه
رحمه متابعه:تحت أمرك يافندم،،ثم اكملت مستفهمه:هو في حاجه حضرتك شاكك فيها يافندم؟!!!!
عبد العزيز متابعا:اه في حاجه مش طبيعيه بتحصل في الشركه،،انا عاوزك تاخدي بالك من السكرتيره الجديده دي اوي،،لحد ما اشوف اخرتها
رحمه متابعه:حضرتك وصلك نفس قلقي ناحيتها،،علي العموم يافندم متقلقش،،ان شاء الله اقوم بدوري علي اكمل وجه
عبد العزيز بابتسامه:وانا واثق فيكي اوي،،بتفكريني ببنت عزيزه عليا اوي
رحمه بابتسامه:تسلم يافندم،،بعد اذن حضرتك
*********
"في بيت حياء،،دلف عبد السلام الي المنزل عقب عودته من العمل ولكنه لم يجد احدا بالمنزل،فهتف قائلا:هم راحوا فين،،يا هدي!!!... حياء!
خرج عمر علي صوت والده قائلا:بابا..جبتلي شيكولاته معاك!!!
عبد السلام بضحك:طيب قول حمدلله علي سلامتك يا بابا،،وشيل مني الشنط،،اعمل اي منظر،،هو انا مش مخلف راجل ولا ايه!!
احمد بضحك:مخلف راجل طبعا،،تحب تلاعبني ريست واثبتلك
عبد السلام مكملا:ههههههه هو الريست هو اللي بيثبت الراجل يا اهبل،،ثم اكمل متابعا:امال امك واختك فين
عمر متابعا:راحوا يجيبوا الفستان
عبد السلام:تصدق صحيح ،،انا نسيت خالص،،المهم فين يحيي علشان جبتلكوا الشيكولاته
عمر:راح معاهم يابابا
عبد السلام:طيب لما ييجي بقا،،وتعالي بقا يا سيدي الاعبك ريست ووريني شطارتك
" وبالفعل بدا عبد السلام وابنه يلعبان الريست سويا،،حتي قطع لعبهما رنين جرس المنزل"
عبد السلام بضحك:هههههه وكدا كسبتك للمره الخامسه يا عموري،،افتح الباب بقا
عمر بحزن:علشان انت كبير بتكسبني،،ثم اتجه ناحيه الباب وفتحه ليجده مالك"
مالك بمرح:عموري حبيبي،،امال فين بابا؟!
عبد السلام وهو يهتف قائلا:تعالي يا مالك
دلف مالك داخل المنزل،،ثم صافحه قائلا:حبيبي يا عبس،،انت لسه جاي من الشغل!!!
عبد السلام:اه وكنت بلاعب عمر ريست
مالك بمرح:اوعي تقولي عمر كسبك!!!
عمر بحزن:لا مش عارف
مالك بضحك وهو يقبله:معلش ،،بابا كبير وعنده عضلات وانت لسه صغير فطبيعي يكسبك
عبد السلام مكملا في خبث:تلاعبني يا مالك!!!
مالك بثقه:طبعا
"بدأ مالك باللعب معه ولكنه لم يستطع الانتصار عليه،،ما اثار ضحك عمر قائلا:ههههههه محدش هيعرف يكسبه ابدا
مالك بتنحنح:احم ،،انا من رأيي يا عمر نهرب
عبد السلام بضحك:هههههههه،،المهم يا عم مالك كنت عاوز ايه
" ولكن قبل ان يكمل مالك قطع حديثه دخول يوسف الي المنزل"
يوسف بهزار:انا من رأيي يا مالك اخطف حياء واخلص بدل ما انت بتيجي كل شويه عندنا علشان تنول نظره
مالك وهو يجز ع سنانه:اصبر عليا هنفخك
"ضحك يوسف بشده ثم جلس جانبه،،فتابع مالك قائلا:الصراحه يعني يا عمي،،انا مش هكتفي بالخطوبه بس
عبد السلام مستفهما:يعني ايه
مالك بتنحنح:احم يعني انا كنت عاوز اكتب الكتاب مع الخطوبه
عبد السلام وقد جحظت عيناه:نعم ياخويا!!!!... دا جواز مش لعبه
مالك مسرعا:هو حد قال غير كدا بس يا عبس،،بالله عليك يا شيخ ما تكسفنيي،هحطهالك في عنيا صدقني
عبد السلام مكملا:بس يا بني انت لسه ملاقيتش شغل!!
مالك مكملا:انا هفهمك،،احنا هنقول انها خطوبه من غير ما حياء تعرف اي حاجه،،ويوم الخطوبه نفاجأها بحضور المأذون وبعدها بتاني يوم انا هسافر علشان الامتحانات وبمجرد ما امتحاناتي تخلص هكون لقيت شغل وابدأ فيه،،وبعون الله اول ما اجهز كل حاجه نعمل الفرح علي طول
عبد السلام متابعا:بس ......
مالك مقاطعا:ابوس علي ايدك يا شيخ
عبد السلام بخبث:معنديش مانع بس بشرط
مالك مسرعا:ايه!!!
عبد السلام:تلاعبني دور
ريست ولو كسبت ،،يبقي انا موافق
مالك بحزن:عااااااا،، مش هعرف اكسبك
عبد السلام :يبقي خلا.....
"ولكن في تلك اللحظه قاطعه هجوم ولديه بصحبه مالك،،واخذوا يقبلونه من جبينه ويده ووجنتيه قائلين:وافق بقا يا بابا
يوسف متابعا:حرام عليك الواد يا عبس انا لو منه اطفش
عمر بحزن:وافق بقا يابابا عاوز البس بدله عريس
عبد السلام هاتفا:خلاااااص الله يخرب بيوتكوا فطستوني،،موافق خلاص
مالك بسعاده:ربنا يخليك يا حمايا يا حبيبي،،واوعدك اول ما اتجوز بنتك،،مش داخلينلك البيت هنا تاني ع كل المرمطه دي
عبد السلام بضحك:طيب يلا ياض من هنا بقا
مالك مكملا:بس الله يخليكوا محدش يتكلم قدام حياء خليها مفاجأه
هتف الجميع في نفس واحد:تمام
**********
" علي الجانب الاخر،،كانت حياء تقيس الفستان الذي اختارته،،واثناء دلوفها الي بروفه الملابس وقف يحيي عند باب البروفه قائلا:يلا يا مشمشه قيسي الفستان وانا هقف حارس هنا واللي هيدخل هضربه بالمسدس
هدي وهي تضحك:هههههههههه ،،بس يا زفت عدي طنط علشان تظبطلها الفستان
يحيي هاتفا:عيب ،،ولو اتكلمتي تاني يا خالتو هطخك
البائعه:طيب ممكن ياحبيبي اظبطلها الفستان علشان هي محتاجاني
يحيي متابعا:طيب استني اسألها،،احسن تكوني بتضحكي عليا،،ثم قام بفتح الباب ،،وهتف محدثا حياء قائلا:مشمشه ادخل طنط اللي برا دي
حياء وهي تقترب منه ثم قبلت وجنتيه بحب:قلبي بقا،،يخليك ليا ياراجلي انت،،يلا بقا دخلها علشان تظبطلي الفستان
يحيي هاتفا:ماشي،،ثم توجه اليها قائلا:ادخلي يا طنط
*******
"في احد الكافيهات كان يجلس سعد في انتظار ليلي،،وما هي الحظات حتي قدمت"
سعد ببرود:اهلا بالبرنسيس،،ما لسه بدري
ليلي وهي تجلس ببرود قائله:انا من رأيي،،انك لو استمريت في اسلوبك دا معايا،،مفيش حاجه هتكمل للاخر
سعد بغيظ:يعني انتي عاجبك اللي حصل دا
ليلي هاتفه:انا مليش ذنب في اي حاجه،،اكيد في سر دفعهم انهم ينقلوا ورق الصغقات والشيكات بالطريقه دي
سعد مكملا:ودلوقتي مش قدامنا غير خيارين
ليلي وهي تعقد حاجبيها:ايه هما!!!!
سعد مكملا:يا نأجر ناس موثوق فيها،،يدخلوا فيلا عبد العزيز،،ويجيبولنا الخزنه الخاصه كلها باللي فيها
ليلي متابعه:والتاني؟!!
سعد:التاني بقا:يا نستني الصفقه الكبيره اوي اللي هتتم بعد 9 شهور
ليلي بذهول:ايه!!!..9 شهور
سعد متابعه:اه الفتره دي تستاهل اننا نستناها،،لان الفلوس اللي هتخرج من الصفقه دي بالمليارات،،ساعتها بقا لو خطتنا نجحت ،،عبد العزيز هيفلس دا غير الممنوعات اللي هيتمسك بيها،،والبضاعه منتهيت الصلاحيه اللي هنستبدلها
ليلي :يخربيت دماغك،،دا انت شيطان
سعد بضحك:امال انتي فاكره ايه،،ولسه اللي جاي،،وعقبال بقا ميعاد الصفقه ما يقرب،،نكون احنا بنلعب مع عبد العزيز وابنه لعب خفيف،،يعني ندمر من وراهم ،،ضربات خفيفه
ليلي بضحك عاليه:دا انت جن،،تمام اوووي دا
********
"في غرفه احمد "
"حاول احمد الاتصال علي تسنيم مرارا،،ولكن هاتفها مازال مغلقا،،وهذا جعله يستشيط غضبا منها"
احمد بغيظ:ماشي يا تسنيم
"وفي تلك اللحظه قرر الاتصال بوالده،،ليطلب منه شيئا"
عبد العزيز وهو يجيب:ايوه يا احمد
احمد بهدوء:ازيك يا بابا
عبد العزيز:مخنوق شويه يابني
احمد متابعا:من ايه؟!
عبد العزيز لما ارجع البيت هفهمك
احمد متابعا:ماشي يابابا،،انا كنت عاوز منك طلب
عزيز متابعا:قول يابني
احمد:انت عارف طبعا يا بابا،،ان علاقتي بمالك بقت كويسه وهو سامحني علي كل حاجه سببتهالوا،،وانا مش عارف اعوضه عن كل اللي سببتهوله ولا اوفيه حقه
عزيز مكملا:ايوه يابني ويعدين
احمد مكملا:علشان كدا انا عاوزوا يشتغل معانا في الشركه
عزيز متفهما:بس انا مش محتاجين سكرتاريا وانت عارف ان الشركه كامله العدد
احمد متابعا:لا يابابا سكرتاريه ايه،،مالك في كليه حقوق،،يعني محامي تحت التدريب،،هيتدرب علي ايد الاستاذ نصار محامي الشركه وبكدا يبقي عندنا 2 واصدقاء للعيله
عزيز بتفكير:تصدق اول مره تقول كلام مقنع وابن ناس
احمد بضحك:علشان تعرف ان ابنك ييجي منه
عزيز مكملا:تمام كلمه وخليه يجيلي بكرا
احمد:بسعاده تمام اوي
عزيز مكملا:طيب انا جاي في الطريق علشان عاوزك في موضوع خطير،،وياريت متخرجش
احمد متفهما:خاضر يا بابا مستنيك
******
"في بيت حياء،،وصلت الفتيات الي المنزل"
تسنيم بارهاق:انا اصلا عارفه ان بنتك هتجيبلي تكسح يا دودو
هدي بضحك:هههههههه معلش عروسه ولازم نستحملها
حياء بمرح:ايه رايكوا ،،البس علي الحجاب تاج ولا طوق ورد
تسنيم مكمله:مممم،، لا خليها تاج اشيك
هدي:هتلفي طرحه ازاي!!!
حياء متابعه:هلفها بالطريقه العاديه،،البسيطه خالص
هدي بفرح:ربنا يسعدك يا قلبي
*******
"علي الجانب الاخر في فيلا عبد العزيز فهمي وصل عبد العزيز داخل فيلاته،،ثم قام باستدعاء ابنه،،وما هي الا لحظات حتي قدم احمد داخل المكتب"
عزيز متابعا:تعالي يا احمد
احمد متابعا:ايه بقا الموضوع الخطير دا بقا يا زيزو
عبد العزيز بغضب وهو ينظر الي اللاب الموضوع امامه قائلا:تعالي بص كدا علي الفيديو دا
احمد وهو يقترب منه بمرح:وريني يا عم زيزو لما نشوف اخرتها مع.......
ولم يكمل جملته حتي الجمته الصدمه عن الكلام وجحظت عيناهالحلقه ال46°°ابن قلبي°°
"اتجه احمد ناحيه والده بمرح،،حتي يري ذلك الفيديو"
احمد بمرح:ها يا زيزو فين الفيديو دا
"نظر احمد اللي الفيديو وقد جحظت عيناه،،اهي حقا ام ماذا!!!... وما الذي اتي بها الي هنا!!...اخذ يدقق النظر في ملامحها،،وبالفعل تأكد انها هي"
عزيز مقاطعا شروده:تعرفها يا احمد؟!
احمد وهو ينظر له :اه اعرفها وكويس اوي،،بس ايه اللي جابها هنا دي؟!
عزيز بضيق:قولي تعرف ايه عنها!!!
احمد متابعا:دي ليلي ،،سكرتيره شركتنا بفرع اليكس،،وهي اللي كانت وسيط بيني وبين حياء،،وبتنقلي كل الورق اللي بتاخده منها
عبد العزيز بضيق اكبر:يعني انا اضحك عليا!!
احمد بغضب عارم:اتضحك عليك ازاي يا بابا فهمني؟!
"قام عبد العزيز باخباره ابنه بكل ما حدث،،وكيف وصلت الي الشركه"
احمد متابعا في ذهول:يا بنت اللذين،،بس يا بابا اصلا والدتها متوفيه من سنه
عبد العزيز بتهكم:ما دا اللي عرفته مؤخرا وخلاني الجأ لكاميرات المراقبه زي ما انت شايف
احمد متابعا:طيب وايه اللي بيخليها عاوزه تدخل مكتب الشؤون الاداريه والماليه في وقت متأخر كدا
عبد العزيز مكملا:لا والكبيره بقا ان في جواسيس في شركتنا هنا،،بينقلوا الاخبار كلها لشخص ،،بس اللي مش عارفه هو مين الشخص دا،،بس اللي متأكد منه ان البنت دي وراها سر كبير اوي وهي اللي هتقدر توصلنا للشخص دا
احمد والشرار يتطاير من عينيه:اه يا زباله،،بتلعبي معايا
عبد العزيز مهدئا إياه:بلاش تهور واسمعني كويس،،وركز في اللي هقوله،،انا دلوقتي عملت نفسي بنقل الخزنه بتاعه الشركه هنا في الفيلا ودا كله تم قدام الموظفين ،،علشان اتباع البنت دي يوصلوا الي حصل للشخص دا،،لكن في الحقيقه،،الخزانه زي ما هي محركتهاش من الشركه،،فانا عاوزك تجيبلي حراسه مشدده علي باب الفيلا
احمد هاتفا:بس دا خطر علي امي،،لو احنا مش في البيت،،هي هتكون في حمايه مين،،انا كدا بدأت اقلق
عبد العزيز متفهما:متخافش انا حطيت كاميرات مراقبه هنا كمان والحراسه المشدده علي الفيلا،،ومتقلقش،،ربنا يستر يابني
احمد متابعا:يارب
عبد العزيز مكملا:امال فين نيفين
احمد:قالتلي رايحه النادي ومش هتتأخر
"واثناء حديثهما دلفت نيفين الي داخل غرفه المكتب"
نيفين بمرح:انا جيييت،،متجمعين في الخير ان شاء الله
احمد بضحك وهو يحاول ان يغير الموضوع حتي لا يقلق والدته:علي فكره يا بابا الهانم مراتك كانت مظبطه نفسها علي الاخر خالص ،،شوف بقا كانت رايحه تقابل مين
نيفين بهزر:اخرس يا قليل الادب ،،ويلا بقا هوينا عاوزه اقعد مع جوزكي شويه
احمد بضحك:هههههههه طالع من غير ما تزوقي يا نوفي ،،اوعدنا يارب
نيفين بضحك:مجنون ههههههههه
************
"في بيت حياء"
تسنيم وهي تستعد للمغادره:مشمشتي انا ماشيه عاوزه مني حاجه
حياء بحب:عوزاكي بتضحكي،،وجنبي
تسنيم وهي تحتضنها:ربنا يخليكي ليا،،انتي صعب تتكرري في الزمن دا
هدي بضحك:اجيب اتنين ليمون
يحيي متدخلا وهو يخرج من غرفه حياء:مشمشه انتي بتمشي ازاي في الكعب الكبير دا
"نظرت حياء الي يحيي لتجده مرتديا الشوز الخاص بالخطوبه ولا يستطيع المشي به"
حياء بصدمه:عاااااااا،، هتكسرهولي يا بلوه انت
هدي وتسنيم:هههههههههههه
حياء مكمله:ماما ،،هي خالتو هتيجي امتي،،علشان تاخد كائن اللماضه دا معاها
هدي:زمانه علي وصول
يحيي بزعل:انا مش بحبيكي يا مشمشه ،،وهلم هدومي وامشي
حياء وهي تجري اتجاهه:لا بقا دا انت عاوز تضرب،،ثم شرعت اللعب معه وقد تعالت ضحكاته
تسنيم بضحك:يلا بقا يا قلبي انا ماشيه
حياء بحب :ماشي خلي بالك من نفسك
تسنيم بتفهم:حاضر
**********
"في فيلا عبد العزيز فهمي"
اكمل عبد العزيز متابعا:يااااه ،،كل دا حصل من ورايا
نيفين :ما انت عارف اد ايه ابنك كتوم،،ولو مكنش حصل معاه،،كل دا مكنش قالي حاجه،،بس تعرف يا عزيز احمد حبها اوي واتغير بسببها
عزيز متابعا:باين اوي في عينيه،،وكمان انا بدأت احس ان دا ابني اللي فعلا اتمنيته
نيفين بسعاده:ربنا يخليكوا ليا
عبد العزيز:ويخليكي لينا يا نوفي،،الا بصحيح بعد ما اخدتي العنوان من مصطفي هتروحلها امتي؟!
نيفين بتفكير:مممم،، ممكن بكرا او بعده بإذن الله
عبد العزيز متفهما:واخيرا بقا،،احمد هيتجوز وهيكون عندي حفيد
نيفين بضحك:مش لما البنت توافق،،دي مش طايقه ابنك،،ربنا يهديهم لبعض
"مر اليوم بسلام وفي صباح اليوم التالي"
"استيقظ مالك علي صوت رنين هاتفه،،التقط الهاتف ونظر الي المتصل ليجده احمد"
مالك بنعاس:ايوه يا احمد
احمد بمرح:انت لسه نايم يا عريس،،قوم يلا خلينا نروح نشتري البدله
مالك بضحك:اشطا ،،هقوم اصلي وانت كمان صلي وهجهز وارن عليك
احمد:تمام وانا هكلم مصطفي واول ما اوصل تحت العماره تنزل علي طول،،علشان عندي ليك خبر حلو
مالك :ماشي يسطا علي طول اهو
***********
"علي الجانب الاخر كانت ليلي تستعد للذهاب الي الشركه،،ولكنها قبل ان تذهب قامت بالاتصال الي شخص ما"
ليلي:ايوه يا زفت انت وصلت الشركه
المتصل:ايوه يا هانم
ليلي متابعه:عبد العزيز بيه وصل مكتبه
المتصل: ايوه من ساعه تقريبا
ليلي :طيب تمام ،،سلام انت
*********
"في بيت تسنيم"
كانت تجلس مع والدتها يرتبون المنزل لاستقبال الضيوف غدا"
ياسمين بمتابعه:حياء انا خلصتلك الاوضه بتاعتك ،،سيبي انتي شغل البيت وادخلي تممي علي كل حاجتك،،والماسكات وكل حاجه جوا
حياء بضحك:كويس انك جيتي يا خالتو،،ابنك جنني،،انتي عارفه لو مكنتيش موجوده،،كان دخل الاوضه ودلق الماسكات كلها علي وشه دا مجنون هههههههه
ياسمين بضحك:كدا يا مشمشتي دا يحيي دا الحته الشمال
حياء بحب: بس بجد ماشاء الله عليه يا خالتو ،،راجل بجد من صغره،،والعرق الشرقي عنده عالي اوي،،احسنتي تربيته بجد
ياسمين وهي تقبلها :حبيبه قلب خالتك انتي،،ربنا يحفظك ويسعدك
حياء بمرح وهي تسرع ناحيه غرفتها:اما الحق اخبي الماسكات منه
"دلفت حياء الي غرفتها وما هي الا لحظات حتي رن هاتفها"
حياء بحب:ايوه يا مالك
مالك :قلب مالك وعيون مالك و...
حياء بغيظ:زفت انت هتقول شعر،،عاوز ايه؟!
مالك بغيظ:في واحده تعمل في خطيبها كدا!!
حياء بتنحنح:احم سوري،،ثم تحولت نبره صوتها قائلا:ما انت لسه هتقول شعر وانا مشغوله يوه
مالك وهو يتوعد:صبرك عليا انتي بس
حياء بغيظ:مبخافش،،عاوز ايه بقا
مالك مكملا:بصي يا حياتي،،انا واحمد رايحين نشتري البدله،،واحمد حالته تصعب ع الكافر ،،اه والله،،ف انا عاوزك بقا،،تقولي اي كلام لتسنيم وتخليها تخرج معاكي علشان احمد مش عارف يتكلم معاها،،لان فونها مغلق
حياء بتفهم:امممم تصدق صح
مالك بثقه:عارف،،المهم مفيش اي تصبيره
حياء بغضب:تصبيره علي ايه،،هو انا بعمل محشي وهطلعلك صوباعين
مالك :اعوذ بالله،، انا بفكر اعيد نظر في الجوازه دي
حياء بغيظ:قصدك ايه يعني؟!،،ها ها!!
مالك :مش قصدي حاجه يا اخر صبري ،،اهو ابتلاء من ربنا بيختبر صبري
حياء بزعل مصطنع:مخصماك يا مالك
مالك بضحك:حياء ....مش وقته دلع خالص ،،انا ممكن الغي الميعاد وافضل قاعدلك ع الفون
حياء بضحك:ههههههههه لا خلاص خلاص،،انا هروح اكلم تسنيم ونستناك في المكان اللي قلت عليه
مالك مكملا:تمام يا قلبي،،يلا سلام
"اغلقت حياء الهاتف معه،،ثم قامت بالاتصال علي هاتف والده تسنيم،،فاجابتها "
حياء بزعل مصطنع:تسنيم الحقيني
تسنيم بخضه:مالك يا حياء
حياء:مش انا نسيت الكوليه اللي هلبسه علي الفستان وناقصني حاجات كتير اوي
تسنيم متفهمه:خلاص يا قلبي ننزل نجيبهم ناو
حياء بمرح:ماشي يا حبي هلبس واستناكي تحت العماره
تسنيم :اوك وانت نازله اهو
**********
"داخل شركه عبد العزيز فهمي"
"وصلت ليلي الي الشركه،،ثم دلفت الي مكتبها علي الفور،،وما هي الا لحظات حتي قام عبد العزيز باستدعائها،،فاتجهت هي الي مكتبه وهي تقدم رجل وتأخر الاخري،،ثم قامت بطرق الباب،،فسمح لها بالدخول"
ليلي بمتابعه:حضرتك طلبتني يافندم!!!
عبد العزيز وهو يبتسم:اه يا بنتي،،معلش كنت عاوزه تسلميلي الورق في البوسطه،،هتلاقي البوسطه علي مسافه قريبه من الشركه،،بس مفيش حد اقدر اثق فيه واسلمه الورق دا غيرك،،لانك موظفه قديمه للشركه
ليلي بابتسامه انتصار:اكيد يافندم انا تحت امرك
احمد متابعا:تسلمي يا بنتي،،وتقدري انتي تروحي تسلميهم دلوقتي
"خرجت ليلي من مكتبه وهي تشعر بالانتصار والراحه في نفس الوقت،،ثم قررت الاتصال بسعد لتخبره بما جد"
********
"تجمع الشباب اسفل العماره ثم انطلقوا متجهين الي احد المولات،،واثناء سيرهم ،،تابع احمد قائلا:ها يا مالك ،،كلمت حياء علشان الموضوع
مالك متابعا بضحك:دا انت هتموت خالص يابني
احمد مسرعه:وحشتني اوووي
مالك :متقلقش قلت لحياء وهخليك تشوفها النهاردا
احمد بضحك:تسلملي يا مالك وعلشان المجدعه دي معايا،،عندي ليك خبر حلو
مالك مكملا:اشجيني
مصطفي مقاطعا:انجزوا يا جدعان هتاكلوني الاول ولا الف وارجع تاني
احمد مكملا:هناكلك يا زفت،،ثم اكمل موجها حديثه لمالك:انا جبتلك شغل
مالك وهو يضيق عينيه:شغل فين دا؟!
احمد متابعا:عندنا في الشركه
مالك باستغراب:الشركه بتاعتكوا،،بس دي شركه تجاره ومقاولات،،انا اشتغل ايه هناك!!!!
احمد مكملا:سؤال ذكي ايها الفلسطيني
مصطفي مقاطعا:ايه دا!!!... انت فلسطيني يسطي!!
مالك بضحك:اه فلسطيني،،مش باين عليا
مصطفي بضحك:وانا اقول الحلاوه دي ،،مش بتجيبها مصر
احمد بضحك:قصدك ايه يا زفت،،اني وحش!!!
مصطفي متابعا:يعني هو انا اللي من بوركينا فاسو انت التاني
"ضحك الثلاثه سويا ثم اكمل احمد حديثه مع مالك قائلا:المهم يسطي انت هتبقي محامي الشركه
مالك :ها،،،محامي الشركه مره واحده
احمد :ايه ياض!!!... انت مستصغر نفسك للشغل!!!
مالك مكملا:لا يابني مش دا قصدي،،بس انا طالب لسه ومعتقدش ان والدك هيوافق اني اتحمل مسؤليه الشركه وانا لسه متخرجتش
احمد متابعا:فهمتك،،بس انت هتكون محامي تحت التدريب،،مع استاذ نصار دا محامي الشركه من زمان،،لحد ما تتخرج وتثبت نفسك في الشركه،،ها قولت ايه؟!
مالك بتردد:مش عارف
مصطفي مقاطعا:مش عارف ايه دي احلي فرصه وهتبقي معانا،،وفلوس زيزو بقا مقولكش زي الرز
احمد متابعا:الله اكبر في عين اهلك
مالك بضحك:هههههههههه مجانين والله،،موافق يا عم واهو مجال شغلي وهبقي مرتاح فيه
احمد بسعاده:علي بركه الله
" في تلك اللحظه وصلت حياء بصحبه تسنيم الي المكان الذي اخبرها عنه مالك"
تسنيم مستفهمه:احنا هنا بنعمل ايه!!!!
حياء بضحكه خبيثه:هتعرفي ناو
"وما هي الا لحظات حتي قدم مالك واصدقائه،،وما ان رأت تسنيم احمد حتي هتفت في وجه حياء والغضب يعتريها"
تسنيم بغضب:ايه اللي انا شيفاه دا؟!... وايه اللي جابه هنا!!!
حياء مسرعه:تسنيم،، احمد عاوز يتكلم معاكي شويه ،،بليز اسمعيه
تسنيم بغضب عارف:انتي كنتي عارفه انه جاي صح!!!
حياء متابعه:افهميني بس يا تس....
تسنيم مقاطعه:افهم ايه!!! ..... لو كنتي انتي نسيتي اللي عمله فيكي،،فانا مش ناسيه ،،انا بكرهوا،،ثم اسرعت ناحيته في غضب عارف،،وهتفت في وجهه قائلا:اسمعك تاني،،انا بكرهك ...بكرهك
"وفي تلك اللحظه قام احمد بحملها بين ذراعيه قائلا:وانا بقا بحبك يا ام العيال،،وبصراحه بقا انتي مش هتيجي بالذوق خالص
" ثم اخذها وشرع في السير
وهنا هتفت حياء قائله:احمد واخدها ورايح فين
احمد مكملا وهو يغمز لها:هرميها في النيل وارمي نفسي ،،علشان متبقاش لحد غيري ولا انا لحد غيرها
حياء بزعل مصطنع:لا بليز يا احمد هي خلاص هتسمع الكلام،،وهتوافق تتجوزك
تسنيم وهي تضرب وتصرخ في وجهه:نزلننننننني،،هصوت والم عليك الناس،،وانتي يا حياء مش عاوزه اعرفك تاني،،انتي مبسوطه انك هتخلصي مني حتي لو الشخص دا مش كويس
حياء وقد احزنتها الجمله:دا انا؟!... الكلام دا بجد!!!
"وفي تلك اللحظه قام احمد بانزالها قائلا:انا كدا عملت كل اللي عليا،،وحبيتك يا بنت الناس بجد،،واشتريتك لاخر لحظه وفي الاخر طلعت مش كويس،،سلام
مالك وهو يمسكه من ذراعيه:استني رايح فين،،هي اه عنيده بس انت متستسلمش يا صاحبي
" وفي تلك اللحظه انطلقت تسنيم الي منزلها،،ولم تنظر ورائها ،،بعدما اساءت لصديقتها"
حياء وقد لمعت عينيها:مالك انا راجعه البيت
احمد:متزعليش يا حياء منها
حياء مكمله:انا مش زعلانه صاحبتي وانا عرفاها ولازم استحملها
مالك :طيب تعالي اوصلك وارجع تاني
مصطفي متابعا:لا عندي فكره احلي،،انا هوصل انسه حياء للبيت،،يكون انتوا نقيتوا البدله وارجعلكوا ع طول
مالك باعتراض:لا معلش انا هوديها
مصطفي وهو يضيق عينيها:عيب عليك يا مالك!
مالك بتنحنح:اسف يا كبير ،،بس
مصطفي:ولا بس ولا حاجه،،احنا عاوزين بس ننجز في الوقت،،وصدقني هوصلهالك لحد باب العماره
مالك بتفهم:ماشي،،ثم وجه حديثه لحياء:ابقي رني عليا لما توصلي
حياء متابعه:حاضر
"انطلق مصطفي بصحبه حياء الي منزلها،،وصعد مالك واحمد الي المول لشراء البذله،،غي تلك اللحظه كانت ليلي تتابع بعينيها كل ما يحدث،،فقد رأتهم صدفه،،ثم قررت ارسال رساله الي احمد
" دلف احمد بصحبه مالك الي المول ،،واثناء تسوقهما،،اعلن هاتف احمد عن وصول رساله،،فقام احمد بفتحها ليجدها مش شخص مجهوله ومضمونها**اوعدك هضرك في اقرب حد ليك،،هدمرك بيها**
وما ان قرأ احمد الرساله حتي جحظت عينيه فلاحظ مالك تعبيرات وجهه ،،فاخد منه الرساله ثم قرأها،،ولم تختلف ملامحه كثيرا عن احمد"
مالك بصدمه:يعني ايه الكلام دا؟!... انت تعرف الرقم دا
احمد بصدمه:بيها؟!!!.... ياتري المقصود امي ولا تسنيم؟!
مالك مهدئا اياه:اهدي بس ويلا نركب العربيه،،وكلم والدتك
*******
"وصلت تسنيم الي منزلها،،وهي في حاله لا يرثي لها،،كيف لها ان تتهم صديقتها وتجرح مشاعرها هكذا،،ولماذا ترفض الصفح عن اكثر انسان عشقتها،،واثناء فتحها لباب المنزل وجدت امامها مفاجأه....
يتبعالحلقه ال47°°ابن قلبي°°
"دلفت تسنيم الي بيتها وهي في قمه غضبها منه،،وشعورها بالندم تجاه صديقتها،،واثناء دخولها المنزل،،رأت اخر شخصا يمكن ان تتوقع وجوده"
تسنيم وهي تنظر لها في صدمه:حضرتك!!!
نيفين وهي تقترب منها:ازيك يا تسنيم
"نظرت تسنيم الي والدتها تستفسر منها عما يحدث"
والده تسنيم:اقعدي يا بنتي واسمع طنط نيفين،،عاوزه تتكلم معاكي شويه
"انصاعت تسنيم الي حديث والدتها،،ثم جلست علي الاريكه المجاوره لها وكأنها تلقي عليها كافه همومها"
نيفين متابعه:اسمعيني يا بنتي كويس،،احمد مش بس بيحبك،،دا بيعشقك،،احمد اول مره يحب في حياته،،وكان من المستحيل يحب،،هو اه عمل حاجات كتير غلط،،بس هو من جوا نضيف،،وقرر يتغير علشان يستحق حبك
تسنيم بحزن:بس هو مجاش قالي الحقيقه من اول يوم قالي فيه بحبك ليه؟!
نيفين مكمله:لو كنتي مكان ترضي،،ان اللي بتحبيه يحاسبك علي ماضيكي؟!،،هو كان صادق في مشاعره معاكي من اليوم اللي قالك فيه انه بيحبك،،بس كان متردد وخايف يخسرك،،يا تسنيم بلاش تخسريه ابني ينطبق عليه مقوله"صعب يعشق ولو عشق صعب يخون".... سمعاني يا بنتي ودي اخر حاجه كنت حابه اقولهالك
"وفي تلك اللحظه غادرت نيفين المنزل،،وعقب خروجها انهارت تسنيم علي الارض وظلت تبكي بهستيريه،،حتي قامت والدتها باخذها بين احضانها هاتفه:اهدي يا بنتي علشان خاطري
تسنيم ببكاء:خسرته يا امي،،وخسرت اختي كمان،،ومبقاش ليا حد،،واهانته كتير وهو حاول يسعدني طول الوقت
فاطمه متابعه:صدقيني هيسامحك يابنتي
تسنيم:مش هيسامحني يا امي هو قالي انه هيبعد
فاطمه وهي تشدها من ذراعها:قومي اغسلي وشك وصدقيني مش هيبعد ويسيبك،،وروحي رني عليه،،خلينا نفرح بيكوا
" اتجهت تسنيم مسرعه الي غرفتها،،ثم امسكت الهاتف في تردد،،وبعد وقت من التفكير ليس بقليل،،قررت الاتصال عليه،، ولكنها وجدت هاتفه مغلقا"
تسنيم وهي تبكي:قفلت الفون ليه،،افتحه بقا
***"****
"علي الجانب الاخر وصل مصطفي الي اسفل العماره التي تقطن بها حياء،،ثم ترجلت هي خارج السياره شاكره اياه"
حياء بابتسامه:شكرا يا مصطفي علي تعبك
مصطفي:ولا يهمك ،،انا تحت امرك في اي وقت
"دلفت حياء داخل منزلها لتجد والدها يصلي،،فانتظرته حتي انتهي من صلاته،،ثم قامت باحتضانه هاتفه:وحشتني اوي يا عبس
عبد السلام بضحك:يا بكاشه وحشتك الكام ساعه دول!!!
حياء بحزن:وبتوحشني كل دقيقه،،ربنا يخليك لينا
عبد السلام متابعا:حياء انتي فيكي حاجه؟!.... مالك زعلك؟!....قوليلي علشان لو عملك حاجه اقرصلك ودنه وننهي الموضوع دا!!!
حياء مسرعه:لا لا لا يا بابا معمليش حاجه والله
عبد السلاك بضحك:هههههههههه حتي انتي كمان واقعه زيه
حياء بكسوف:ههههههههههه،، حبيبي يابابتي،،امال فين دودو؟!
عبد السلام مكملا:في الشقه عند مالك قاعده مع الست هاله
حياء بتفهم:طيب يا بابتي،،انا داخل ارتاح شويه
" دلفت حياء الي غرفتها،،واطفأت انوار الغرفه ثم تذكرت ما قالته لها صديقتها وشرعت في البكاء مره اخري،،حتي نامت"
*******
"اسرع احمد بصحبه مالك خارج المول ،،ثم ركبا سويا السياره وانطلقا الي بيت احمد "
مالك متابعا:رن عليها احسن ما نروح البيت وهي تكون بخير ان شاء الله وتقلق
احمد مكملا:ماشي
"قام احمد بالاتصال علي والدته،،التي ما ان رأت اتصاله حتي قلقت خوفا من انه قد عرف بامر مجيئها الي بيت تسنيم،،ولكنها حسمت امرها وقررت ان تجيب علي اتصالاته"
نيفين بثبات:ايوه يا احمد
احمد مسرعا:ماما انتي كويسه؟!
نيفين باستفهام:اه كويسه،،في ايه يا احمد؟!
احمد متابعا وهو يلتقط انفاسه:مفيش يا امي بس قلقت عليكي شويه،،طيب انتي فين كدا!!
نيفين:انا كنت في مشوار،،وخمس دقايق واوصل البيت
احمد : تمام يا امي اول ما توصلي البيت معلش رني عليا اكديلي انك وصلتي
نيفين باستغراب:حاضر يا حبيبي
"اغلق احمد الهاتف معها،،ثم هتف موجها حديثه لمالك:مالك احنا لازم نروح الشركه عند بابا
مالك مستفهما:احنا مش اطمنا علي والدتك،،ايه اللي هيودينا شركه باباك
احمد متابعا:انا عرفت مين اللي بعت الرساله وقصدوا ايه بالكلام دا
مالك وهو ينظر له بتركيز:مين!!!!!
احمد بتهكم:ليلي
مالك:انا حاسس اني سمعت الاسم دا قبل كدا
احمد بنفس التهكم:ليلي،،اللي ودت حياء الشاليه،،افتكرتها!!!
مالك متابعا:افتكرتها يا باشا،،مجايبك يعني،،شيل بقا،،شوف هي عاوزه تآذي مين،،وتقصد ايه باقرب حد ليك!!!!
احمد بضيق:لو مسكتها هقتلها
" وبالفعل اتجه احمد بصحبه مالك الي الشركه،،ودلفوا الي داخلها مسرعين،،ثم اتجوا الي مكتب والده مسرعين"
احمد وهو يفتح باب المكتب قائلا:السلام عليكم يابابا
عبد العزيز وهو يرفع عينيه عن الاوراق امامه:احمد!!!... مالك يابني!!
"ثم نظر عبد العزيز الي مالك قائلا:انت مالك صح!!!
مالك وهو يصافحه:صح
عبد العزيز متابعا:نورت الشركه يابني،،انا مبسوط اوي انك هتشتغل محامي للشركه بتاعتنا
مالك بابتسامه:انا اللي ليا الشرف اني اتواجد معاكم
احمد مقاطعا:ابقوا اتعازموا ع بعض بعدين،،مش وقتكوا،،وخلونا في المصيبه اللي احنا فيها
عبد العزيز مستفهما:مصيبه!!!
احمد وهو يناوله هاتفه قائلا:اتفضل اقرأ اللي في الرساله
" امسك عبد العزيز بالهاتف ثم نظر في مضمون الرساله وقد اعلت الدهشه وجهه"
عبد العزيز بذهول:نيفين
احمد متابعا:لا امي كويس،،وبعدين انت خايف علي مزتك،،طب ومزتي انا
عبد العزيز مكملا:دي امك ياهبل
احمد مكملا بهزار:وتسنيم مراتي ياعم
عبد العزيز مكملا:اتنيل هي طايقه تبص ف وشك،،ابقي قابلني
مالك واوشك علي الانفجار مش شده الضحك متابعا: هتتخانقوا،،المهم دلوقتي،،لازم نتصرف ويكون في حمايه مشدده علي الاتنين
عبد العزيز وهو يلتقط الهاتف:عندك حق انا هكلم الرجاله الخاصه بحراسه الشركه ،،وانقل جزء منهم للفيلا
"وبالفعل قام عبد العزيز باجراء المكالمه واتم كل شيء كما اراد"
احمد وهو يهتف في زعل:يالهوي ،،ملحقتش افرع بالمزه بتاعتي
مالك بضحك:تصدق انك اهبل،، رن عليها علشان تطمن عليك
احمد وقد تذكر امرا ما:يالهوي الشريحه اللي بكلمها منها كسرتها
مالك وهو يجز ع اسنانه:ناصح
عبد العزيز مكملا:ان شاء الله خير ،،المهم يا مالك تحب تبدأ الشغل من امتي!!!
مالك بحماس:من بعد بكرا ،،لان بكرا خطوبتي وبعد بكرا هسافر اليكس
عبد العزيز متفهما:تمام وانا هكلمهم يجهزولك المكتب اللي هناك،،وبالتوفيق ان شاء الله
مالك بسعاده:تسلم ياعمي،،وهستناك بكرا في الخطوبه
عبد العزيز بسعاده:اكيد طبعا،،انت ابني التاني
**********
"علي الجانب الاخر اتجهت ليلي الي البوسطه وقامت بتسليم الاوراق،،ثم قررت العوده اللي المنزل لتخبر سعد بما حدث معها،،وبالفعل وصلت ليلي الي المنزل،،ثم قامت بالاتصال علي سعد"
سعد ببرود:ايوه
ليلي بسعاده:هقولك علي خبر هيفرحك اوي
سعد وقد اعتدل في جلسته :ايه هو؟!
ليلي متابعه:عبد العزيز مكتشفش اي حاجه من نحيتي،،بل بالعكس علاقتي بيه اتطورت،،ووثق فيا جدا،،وطلب مني انجزله كل الاعمال الورقيه،،انا هدفي دلوقتي اكسب ثقته علي اد ما اقدر،،ودا هيسهل علينا كل حاجه في الصفقه اللي جايه
سعد بخبث:تمام اوي اول مره تجيب خبر يستاهل،،وعلشان كدا انا عازمك بكرا علي الغدا
ليلي بضحكه عاليه:اشطا
**مر اليوم سريعا وجاء يوم الخطوبه****
"رفضت حياء الذهاب الي البيوتي سنتر،،وقررت انها سوف تنجز ما تحتاجه بنفسها"
ياسمين بزعل:ليه بس يا مشمشه،،مش عاوزه تروحي للكوافير
حياء متابعه: علشان انا مش محتاجه مساعده حد واصلا هحط ميك اب خفيف يداري الحزن دا وهلف الحجاب لفه عاديه وهحط التاج،،الموضوع بسيط يعني
ياسمين وهي تنظر لها بشك:حزن!!!..... انتي فيكي حاجه مش طبيعيه
"واثناء حديثهما دلفت مي ومنه الي داخل الغرفه"
مي وهي تحتضن حياء:مبروك يا عروسه،،عقبال الفرح بقا وتجيبيلنا عيال بحفر في خدودهم زيك
حياء وهي ترسم الضحكه بصعوبه:ان شاء الله
منه وهي تقترب منها:مشمشتي،،حد مزعلك يا قلبي!!!
حياء ببكاء:لا مخنوقه شويه
مي وهي تحتضنها:اكيد مالك هو اللي زعلك مفيش غيره
حياء من وسط بكائها:لا مالك معمليش حاجه،،انتوا كلكوا بتيجوا عليه ليه بقا!!!
مي وهي تضحك:ههههههههه اتقمصتي علشانه،،امال مالك طيب؟!
حياء وهي تمسح الدموع باناملها:قلقانه مش اكتر
"وفي تلك اللحظه هتفت مي قائله:امال فين البت تسنيم صحيح
حياء ببكاء اكثر:عاااااااا
مي وهي تضيق عينيها:هو انا ليه كل ما اجيب سيره الاوزعه تسحي
" واثناء حديثهما وجدوا احدا يطرق الغرفه،،فاذنوا له بالدخول"
تسنيم بابتسامه:انا جيييييت
مي ومنه في نفس واحد:نورتي
مي متابعه:كنتي فين كل دا يا دزمه،،مش عارفه اننا لازم نساعدها في الفستان والحجاب
تسنيم بحزن:اسفه
"اقتربت تسنيم من حياء ثم قامت بضمها وهي تهمس في اذنها:اسفه يا قلبي سامحيني
حياء ولم تتفوه بكلمه:........
تسنيم وهي تنظر لها وقد لمعت عينيها:حياء!!
حياء وهي تنظر لها:نعم
تسنيم وهي تنظر لها بحب:بحبك بقا،،دا انا بقول عليكي احن حد عليا،،متحرمنيش من حنيتك دي علشان خاطري،،انا تعبانه لوحدي
" ثم قامت باحتضانها مره اخري وبادلتها حياء الحضن"
مي باستفاهم:مالهم ولاد المجانين دول!!!... بت يا تسنيم حرام عليكي الناس لو شافوا شكلها هيقولوا ايه!!
تسنيم وهي تمسح دموعها:اسفه والله خلاص...يلا بقا يا مشمشتي علشان تلبسي
*********
"في بيت مالك"
"كان يقف امام المرأه وهو يدندن،،ويهندم من ثيابه،،كل الفرح يسيطر عليه بشكل كبير،،فاليوم خطبته علي فرحه عمره كما يظن البعض،،ولكنه في قمه سعادته لان اليوم ليس فقط الخطبه وحسب،،ولكن ستصبح تلك الفرحه من نصيبه هو حتي اخر العمر،،ستصبح زوجتهوسيصبح له الحق فيها امام الجميع
هاله وهي تقترب منه:ماشاء الله عليك يا قلبي،،زيي القمر بجد
مالك بسعاده :تسلميلي يا ست الكل،،ثم تابع قائلا:انا هروح اتصل باهلي علشان ابلغهم بالخبر دا
هاله بسعاده:ماشي يا حبيبي،،ربنا يديم عليك سعادتك ويكمل فرحتك علي خير
********
" في بيت عبد العزيز فهمي،،كان الجميع يستعدان للذهاب لحضور حفل الخطبه"
نيفين متابعه:يعني بردو مش هتقولي يا زيزو ،،ليه كل الحراسه اللي علي الفيلا دي؟!!!
عبد العزيز متابعا:انتي سألتي كام مره يا نوفي وقولتلك دي اجراءات عاديه
نيفين بتفهم:امممم،،طيب خلاص مش هسأل تاني
عبد العزيز متابعا:برافو عليكي ويلا بينا بقا علشان منتأخرش علي الناس
"وبالفعل استعدوا للذهاب ولكن اوقفهم،،وجودك احمد امام التلفاز ولم يرتدي ملابسه بعد"
عبد العزيز متسائلا:ايه دا انت ملبستش ليه؟!!!
احمد ببرود:مش رايح
نيفين :مش رايح !!!... ازاي يعني هو مش صاحبك
احمد بخبث:لا صاحبي واكتر حد حبيته بجد واد راجل كدا
عبد العزيز بغيظ:انت هتقول فيه شعر،،،امال ملبستش ليه،،هتهزر!!!
احمد مكملا:والله يا بابا مش هروح ،،انا قلتله اني تعبان
عبد العزيز وهو يتجه خارج المنزل بصحبه زوجته:اللي يريحك
"وعقب خروجهما مباشره قام احمد بالاتصال علي مالك"
احمد :ايوه ياسطي،،تسنيم وصلت
مالك:اه في اوضه حياء
احمد:طيب تمام اوي،،زي ما قلتلك بقا واسف اني مجيتش
مالك متابعا:كأنك موجود يا صاحبي،،المهم كل حاجه تتصلح
احمد بحب:حبيبي والله،،ان شاء الله
******
"في بيت تسنيم"
"بدأ حفل الخطوبه،،وكان الجميع في قمه سعادتهما وبالاخص مالك وحياء،،وما ان رأها مالك حتي هتف في حب:بسم الله ماشاء الله،،برنسس بجد
هدي في سعاده وبدأت في اطلاق الزغاريد
" ثم قام مالك بجذب يديها ثم اجلسها بجانبه"
وما هي الا لحظات حتي جاءت ياسمين وهي تحمل العلبه التي توجد بها الدبل،،ثم قام مالك باخدها وبدأ في الباسها الدبله،،وسط الزعاريد والموسيقي الهادئه
"وفي هذه اللحظه وصل عبد العزيز بصحبه زوجته،،ثم قام عبد السلام بالترحيب به،،وقام مالك بمصافحته،،وعلي صوت الاغاني مره اخري،،وفي تلك اللحظه،،هتف مالك في اذن حياء قائلا:بعشقك،،وعلشان عشقي اللي مش هيكون ليه حدود ليكي،،انا بقا قررت اني مش مسافر من هنا غير وانتي مراتي
حياء وهي تنظر له بعدم استفهام:ازاي يعني؟!!... مفهمتش يا مالك!!!
مالك وهو ينظر لها بحب:دلوقتي تفهمي،،ثم غمز لوالدها،،فقام عبد السلام بادخال المأذون وسط ذهول كل من في الحفل
حياء وقد جحظت عينيها ثم هتفت قائله:مين دا!!!
مالك بضحك:انتي شايفه ايه؟!!
حياء بصدمه:شايفه مأذون
مالك وهو يضحك علي طريقتها:بالظبط كدا،،والمأذون بييجي الافراح ليه؟!
حياء وهي تضع يدها علي فمها:بطل هزار
مالك بحب:انا مش بهزر،،انا جد الجد
" ثم قام مالك بإجلاس الماذون وسط ذهول الجميع بما فيهم والده حياء التي لم تكن تعلم عن الامر شيئا،،ثم هتف عبد السلام قائلا:ابدا يا شيخنا
حياء وهي تنظر لوالدها بصدمه:بابا!!!... انت موافق!!!
عبد السلام وهو يضحك:وموافقش ليه،،هلاقي مين يصونك اد الراجل دا
حياء وهي تبتسم بسعاده:حبيبي يا بابا،،ثم قامت باحتضانه في سعاده
"ثم بدأ المأذون في اتمام مراسم كتب الكتاب،،وما ان انتهي المأذون من قول جملته الشهيره"بارك الله لكما وبارك عليكما وجمع بينكما في خير" ،،حتي تعالت الزغاريد وهنأت تسنيم صديقتها وهي تحتضنها بشده:مبرووووك يا قلبي،،بجد مبسوطه اوي واخيرا بقا بقيتي مدام مالك
حياء في سعاده:مش مصدقه يا تسنيم وكادت ان تبكي
"حتي اقترب منها مالك وقام بتقبيل يديها ثم قام مالك علي غفله منها باحتضانها بشده و دار بها وهو يهتف عاليا،،بحبببببك
" سعد الجميع بتلك اللحظه،،والتي لن تنساها حياء ابدا
"وانتهي اليوم علي خير بين سعادت مالك وحياء والاقارب وحزن تسنيم لعدم مجيء احمد"
"استعد عبدالعزيز للذهاب بصحبه زوجته،،التي ما ان رأت تسنيم حتي اسرعت ناحيتها"
نيفين بحب:ازاي يا حبيبتي
تسنيم بابتسامه:كويسه يا ماما
نيفين بفرح:ماما منك حقيقي جميله،،ياريت تكوني فكرتي،،في اللي قولتهولك واد رقمي عوزاكي تكلميني،،ثم غادرت المنزل بصحبه زوجها"
******
"في صباح اليوم التالي،،استيقظت تسنيم وهي تنظر في الهاتف ولم تجد اي مكالمه او رساله منه،،فكادت ان تبكي،،وقبل ان تتوجه خارح غرفتها،،رن هاتفها،،فهرولت ناحيته بسرعه،،ولكن عندما نظرت لشاشته خاب ظنها فكانت تلك حياء،،فاجابت تسنيم:
تسنيم بمرح تحاول ان تخفي ما تشعربه:العروسه ،،عامله ايه يا قلبي!!!
حياء بزعل:كويسه
تسنيم:ومالك بتقوليها وانتي متضايقه كدا ليه
حياء بحزن:علشان مالك راجع اليكس النهاردا،،هيوحشني اوي
تسنيم بضحك:معلش كلها كام شهر ويخلص الامتحانات ويرجعلك واحنا كمان نكون خلصنا امتحانات
حياء متابعه بنفس الحزن:تسنيم،،احم،،انا عندي ليكي خبر مش حلو خالص
تسنيم بتركيز:خبر مش حلو!!!!... ايه هو!!!
حياء بزعل:احمد سافر روسيا وهيشتغل في فرع الشركه اللي هناك ومش راجع مصر تاني
تسنيم بصدمه:سافر!!!... بتهزري يا حياء... يسافر ازاي طيب وانا!!!... نسيني كدا
حياء متابعه:متنسيش يا تسنيم انك انتي اللي طلبتي منه دا،،وهو علشان بيحبك نفذلك اللي انتي عوزاه
تسنيم بحزن:انا عوزاه هو،،ليه مفهمنيش،،انا بس كنت مصدومه،،بس انا عوزاه،،ثم بدأت تبكي
حياء وهي تهدأ اياها:خلاص يا تسنيم،،اهدي وبطلي عياط وانا جيالك،،علشان صورتلك كل المحاضرات االي هنذاكرها
تسنيم باستسلام:ماشي
"وبالفعل اغلقت الهاتف مع تسنيم وما هي الا لحظات حتي قام مالك بطرق باب المنزل،،ففتحت له حياء"
مالك وهو يبتسم لها:جيت اسلم عليكي قبل ما امشي بقا
حياء بحب:خلي بالك من نفسك وذاكر كويس وياريت الشغل ميعطلكش عن المذاكره
مالك بحب:من عيوني،،وخلي بالك من لولو لحد ما ارجع
حياء ببكاء:حاضر
مالك وهو يقترب منها،،ثم ضمها اليه وهمس في اذنها:بحبك،،وبلاش دموعك دي بقا،،علشان امشي مبسوط
حياء وهي تمسحك دموعها:حاضر
"وبالفعل قام مالك بتقبيل يدها ثم اتجه الي خارج العماره ليعود الي اليكس،،علي امل العوده باحداث جديده"
*****
"في بيت تسنيم اتجهت الي خارج غرفتها،،فوجدت والديها يجلسان ويتحدثان في امرا ما،،ثم هتفت والدتها لها قائله:تسنيم كنت عوزاكي في موضوع
تسنيم متابعه بتركيز:اتفضلي يا ماما
فاطمه:انتي جيلك عريس
تسنيم وهي تقف مره اخري:نعم!!!.... عريس ايه دا يا ماما بس انا مش عاوزه اتجوز خالص وانتي عارفه كدا
والدها:يا بنتي دا راجل عايش برا ومستواه المادي كويس
تسنيم وكادت ان تبكي:لا مش عاوزه اتجوز ،،مش عاوزه
" ثم سمعت صوتا من ورائها يهتف قائلا:ولا انا....
يتبع
تكملة الرواية من هناااااااا
الفصل الخامس والاربعون والسادس والاربعون والسابع والاربعون بقلم علياء رواية ابن قلبى ( الجزء الاول)الفصل الخ…){kind=link}
تعليقات
إرسال تعليق