رواية انتقام بالحب الفصل الثالث والرابع بقلم جيجي حصرية

رواية انتقام بالحب الفصل الثالث والرابع بقلم جيجي حصرية

عز بصلها وقال... احنا مش عايشين في الدنيا لحالنا في حاجات كتيره بنكون عايزين نعملها... بس لانا عايشين مع ناس ما بنعملهاش..

داليا... حاجات زي ايه..

عز.. مش مهم بقى... اهى حاجات وخلاص.. تصبحي على خير...

داليا... وانت من اهله...

عز راح على اوضه اخته وكانت بتعيط وبتبص للدبله بدموع.. قال...

بتنوحي ليه... ها.. ماله فراج مش عاجبك ليه....

سهيله... انت عارف زين مين اللي عاجبني وعارف زين انا رايده مين..

عز... ايوه ايوه بتاع الحشيش..

سهيله.. بيترفض على حجات مخترهاش.. هو مباعش ممنوعات هو طلع لقى جدو اتحبس.. وفتح ورشتو واشتغل فيها تمام.. وجاب اختو تتقدم معاه مالها اختو دى اللى حيلته ما بخلش علينا بحاجه اللي حيلته عمله اخته هي اللي معاه جابها وجيه وقالك اطلب اللى عايزو مش عارفه يعملك ايه تاني عشان يعجبك..

عز.. كفايه عاجبك انتى...

سهيله... ايوه عاجبني..

عز.. وبتقوليها فى وشى كمان.. يا بت انا عايز اجوزك راجل راجل يعتمدوا عليه مش واحد عايز يكبر على قفانا

سهيله.. كده كده هياخد نص فلوسك... يعني كبر يبقى عايز يتجوزني ليه.. هو هيتجوزني عشان هو بيحبني مش عشان عايز فلوسك...

عز.. والله طلعلك لسان وبقيتى تتكلمي وياي..

سهيله.. عمرى ما تكلمت وياك وانت عم تدوس عليا وجاي جامد على فكره عارف ان الدبله اللي فى يدى دي لو كنت لفيت حبل على رقبتي كان اهون منها بس برده مش هقولك لاه.. انت هتفضل اخويا وابوي...

عز... هو انتى كده ما قلتيش لا... يا بنت انا خايف عليكى طلعت بيها من الدنيا...

سهيله.. وهو اللى انا عيزاه من الدنيا.. بتحبنى تعملى اللى عوزاه واللى يزعلنى تخزقلى عينو... انت هتجوزنى مش هتبيعنى...

عز... ايه اللي عاجبك فيه...

سهيله..... نفس اللي عجبك في اخته..

عز.. ايه اللي عاجبني في اختو مين قلك عجبانى..

سهيله.. تصرفاتك قالت... ده انت لو جابولك رجاله البلد كلها قالولك نزل حسام من السقف بعد ما لقيته في اوضتي عمرك ما كنت هتدليه بس لما قالت هى انت ما قدرتش تقولها لاه.. ولما خدت شالك واتحزمت ورقصة بيه.. انت ما شلتش عينك من عليها طول الحفله... على فكره انا اقرب منك ليك واكتر واحده عارفاك... خلي بالك عشان دي بت بياع الحشيش... ومش هتاخدها لو انطبقت السماء على الارض... اخاف عليك تعشق ومتنولش يا ولد ابوى... ما ارضالكش الوجع..

عز.. نامي يا بنت بطلي ملاوعه بلاش كلام فاضي.. البت حلوه رقصت قدامي بس مش اكتر..

سهيله.. والله ونزلتلها اخوها ليه..

عز.. عادي يعني ما حبيتش الناس تيجي تقول رابطه ليه واقول لقيته في اوضتك واعمل دوشه..

سهيله بسخريه .. صدقتك انا كده.. يلا تصبح على خير..

ونامو في صباح يوم جديد كانت داليا واقفه على السطح وبتنشر الهدوم بتاعتها... طلع وراها عز وقال...

بتهببى ايه انتى.. بتنشر غسيلك على الصطح ليه كده

داليا.. عشان ياخد الشمس وينشف هو انتو ما بتنشروش عندكم الغسيل...

عز.. تؤ بطلنا دلوك فى غسلات حديثه بتطلعو ناشف..

داليا.. ما شاء الله تطورت عندكم الدنيا يا ولاد الزوات...

عز.. انتى اللي لساكى قاعده على العصر الحجري..

داليا.. بقولك ايه ناولنى السطل اللي هناك ده اللي فيه الهدوم ده...

وشاورتلو على جردل فيه هدوم.. عز قربهولها.. وقعد على الطرف وبقى يبصلها باعجاب واضح.. كانت بتنشر الهدوم على الحبل وكانت بتبعد شعرها من عليها.. وقالت...

هو القمر ما اتجوزش لغايه دلوقتي ليه..

عز بستغراب.. ايه قلتى ايه..

داليا... قلت القمر متجوزش لغايه دلوقت ليه..

عز.. انتى بتعاكسي يا بت.

داليا... اه حلال ليكو وحرام على الناس..

عز.. واحنا ميتى عاكسناكى لا سمح الله.. ما تهربش من السؤال مش عايز تجاوب عادى..

عز.. انا مش عارف اجاوب الصراحه.. ما جاش فى راسى اصلا.. اتشغلت في دنيتي من حاجه لحاجه اختى وجدى دوامه والله..

داليا.. طب وهي الدنيا ايه غير واحده حلوه تشاركك بلاويها..

عز... معاكى حق والله بس انا ابويا وامي لما ماتوا كنت صغير اتشبكت في الشغل كانت اختي ابتدت تكبر كانت محتاجه كل دقيقه من وقتى... من المدرسه للجامعه كان كل همي تخلص مدرستها بعد كده بقى تخلص جامعتها وجدى بينسى شويه ويفتكرنا شويه.. ونسيت نفسي خالص....

داليا.. طب هتفوق لنفسك ميته اهى اختك اتخطبت..

عز... وانتى ايه عايد عليكى من جوازى..

داليا.. يعني لو قريب ولا حاجه نستنوك..

عز.. تستنيني في ايه انتم رايحين مكان..

داليا.. مصاريني بتوجعني من الغباء يا رب..

عز.. اه تستنيني يعنى تتجوزينى... ومين قالك ان انا حتى لو جيت اتجوز اصلا هفكر فيكى انتى..

داليا... ليه بس ما طلعنا في الهوا سوا وطلع جدك زى جدى.. واحط حشيشى على حشيشو.. ويلا بينا نعيشو

عز.. ههه لا ما عوزش..

داليا... بقول ايه كانوا بيقولوا عندك بيت في المزرعه ما تاجى تفرجيني عليه...

عز.. حتى ده كمان عرفتوه ماشى... بس ده هيطلع من نصيبي انا... بصراحه كده ليه ذكريات عندي وغالي عليا شويه..

داليا.. مش هختارو ماشى

عز.. روحي البس وتعالي...

نزلت لبست وراحت على اوضت عز وكان لبس ونازل قالت..

رايح فين من غيرى..

عز.. هقول لجدى يخلي باله على البت لحد اما ارجع.. مش ههملها مع اخوكى لحاله..

داليا.. ما تقلقش احنا ناس نعرف الاصول...

عز بسخريه.. قوي بامارة الاوضه..

وراحو على اوضة جدو وفتح الباب وقال...

جدي عايزك تنزل تقعد مع سهيله لحد اما ارجع...

بس حامد بقى يغطى السرير وقال... انت كيف تدخل كده من غير ما تخبط..

عز.. ايه اخبط ليه..

حامد.. انا قاعد مع فتحيه كام مره منبه عليك قبل ما تدخل تخبط..

عز... اه فتحيه معلش نسيت انا الموضوع ده.. بس قاعد معها كيف حضرتك يعني معلش..

حامد طلعو وقال...

فتحيه يا حبيبتي البسي براحتك انتى...

وقفل الباب وقال... مش في حريم معايا في الاوضه كده هتاخد تلت ايام تبكي بسببك..

عز... هو انت كنت بتعمل ايه جوه..

حامد.. احنا قاعدين هتبكي عشان انت شفتنا.. عيب كده ابقى خبط...

عز...طب انا ماشى وكنت عايزك تروح تقعد مع اختي بس لحد اما ارجع..

حامد.. لا اختك دى غبيه هخلي فتحيه تروحلها..

عز.. فتحيه مين انت روحلها..

حامد... ماشي هسكت فتحيه واروح لها..

ودخل وقفل الباب... وعز وداليا ركبو العربيه...

داليا.. فتحيه مين..

عز.. مرته...

داليا.. فينها دي والنبي ما شفت حد..

عز... ما فيش حد جوه غيرو.. محدش بيشوفها غيره

داليا.. كيف يعني عفريته..

عز.. لا عفريته ايه انتى بني ادمه عادى.. مرته الله يرحمها توفت مع ابويا وامي في الحادثه بس هو مش راضي يتقبل الموضوع هو قاعد بيشوفها لغايه دلوقتي اصل بعيد عنك كان بيحبها قوي...

داليا.. بعيد عني ليه.. ده انى هموت على واحد يحبنى كيف جدك ده..

عز.. وحشه قوى.. وجع ربنا ما يدوقهولك ما فيش اصعب من انك تحبي حد وما تقدريش تكوني وياه...

داليا.. تعرفه جربته فين بقى..

عز.. ما هو جدي قدامي 24 ساعه عارفه من كام يوم صحاني الساعه 2:00 في الليل عشان انزل اجيبلها دوا من الصيدليه عشان حرارتها طلعت... اه والله وحط الترمو متر على المخده ويقولي وصلت 39 لا ومصمم اني اروح اجيب دكتور الساعه 2:00 في الليل... تخيلي انتى بقى اروح لدكتور الساعه 2:00 بالليل اقوله معلش تعالى معايا جدتي حرارتها طالعه.. وياجى يلاقينى مغطين الهوا.. كانو ياخذوني بالجزم والله...

داليا... وانت ما حبيتش حد..

عز.. لا لا لا انا واخد حصانه الحمد لله... اني ما احبش واصل طول عمري...

داليا.. عمر ما قلبك دق..

تفاعل للتكمله والا والله ابكى فتحيه 😂

٤...

داليا.. بعيد عني ليه.. ده انى هموت على واحد يحبنى كيف جدك ده..

عز.. وحشه قوى.. وجع ربنا ما يدوقهولك ما فيش اصعب من انك تحبي حد وما تقدريش تكوني وياه...

داليا.. تعرفه جربته فين بقى..

داليا... وانت ما حبيتش حد..

عز.. لا لا لا انا واخد حصانه الحمد لله... اني ما احبش واصل طول عمري...

داليا.. عمر ما قلبك دق..

عز بصلها شويه ورتبك وقال... وصلنا ده البيت بتاع المزرعه...

داليا.. اه تمام ونزلو...

عز.. شوفي يا ستي هنا الخيل بتاعنا... وهناك فى الركن كده عشه فيها شويه بط وفى غية حمام.. وعشة فراخ..

داليا.. حلوين قوى قوى.. بقول ايه انا عايزه اركب حصان تعرف تركبني على الحصان....

عز.. بس كده ده انا واخد بطولات في الفروسيه..

داليا... طب ما تدينى جوله..

عز.. ماشى... وطلع على الحصان وشالها وركبها عليه وركب وراها بصلها شويه وهي بصتله وتقابلت عيونهم سوا.. ومشيو شويه

داليا... يلا نزلني...

عز.... نزل وشالها ونزلها من على الحصان... وداليا بقت تتمشى معاه فى المكان... شافت وسط الاغنام خروف صغير لونه ابيض جريت شالتو وقالت...

الله حلوه قوي..

عز... ليه ما بتربوش الحجات دى عندكم..

داليا.... لا مش بنربيها اصل احنا ساكنين في حاره واخويا ميكانيكى وكده فما فيش عندنا بهايم..

عز.. طب ثواني بس عشان هرد على التلفون بس..

وبعد شويه بس شافها جايه جرى عليه وبتقول بصراخ..

الحقوني يا خلق..

عز.. ايه ده شبه اللى بيجرو ورا عربيات الرش.. اه لا مش عليك هكلمك بعدين..

بس شاف الكلب بتاعهم بيجري وراها جري مسكها من وسطها وخباها وراه.. والكلب اول ما شافو وقف شويه ورجع.. وداليا كانت ماسكه في هدومو بخوف وقالت عضني عضني...

عز بضحك على شكلها.. عضك ايه بس ما عضكش ولا حاجه انتى ايه وداكى عندو...

داليا.. ما عارفاش انا كنت بتفرج لقيتو هجم عليا.. واول ما شافك انت خاف ورجع.. بس كان رافع صوتو عليا..

عز... ده الكلب بتاعنا احنا محرسينو الزريبه.. وهو ما خافش مني هو عارفني عشان انا صاحبه انا كل يوم هنا...

وبصلها كانت ماسكه في الجلابيه بتاعته بخوف وهو ماسكها من وسطها وبيبصلها... فلتت ايديها... وبقت ترتب على كتافه بدلال وقالت..

معلش كرمشتلك جلابيتك.... انا اصلي اتخضيت بس..

عز برتباك من قربها.. ها لا ولا يهمك.. يلا نرجع البيت

داليا.. ايه بالسرعه دى زهقت منى ولا ايه..

عز.. لا العفو بس يعنى كفايه كدا...

داليا.. ماشى يلا مع ان الوقت جرى بسرعه..

عز بتوهان.. قوى..

وركبو العربيه..... في البيت كانت سهيله واقفه في المطبخ بتعمل الاكل وجيه حسام من وراها وحاوط وسطها... بس سهيله خبطتو بالمغرفه على دماغه وقالت...

لم نفسك.. بتهبب ايه يا ابن المحروق انت.. انت ما بتتوبش عارف لو عز شافك هيعمل فيك ايه.. ولا عاوز تحرق قلبي عليك..

حسام.. هو كلامك فى شى من الرومانسيه بس انا مش مش عارف امسكه.. ايه يابت وحشتيني..

سهيله... وانت كمان.. بس عز لو شافك مش هيحلك

حسام.. حاولت ماجيش كتير وامسك نفسى اكتر... واختي قالتلي ما جيش بس بصراحه مش قادر تكون عندي فرصه اشوف العيون الجميله اللي خيلانى دي وما جيش اشوفها..

سهيله.. يا ولا لو قفشك مش هيسيبك ده غشيم..

حسام.. دمى كلو يرخص ويهون.. لجل بس اشوف احلى عيون...

عز وداليا كانو وصلو.. ولقو حامد قاعد فى الصالون...

عز.. انت اللي مقعدك فى الصاله كده..

حامد.. زعلت مع فتحيه بسببك وزعلانه وعايزانا ناخد بيت لوحدنا بتقول ما فيش خصوصيه في البيت..

عز.. اه هى بس تلاقيها مفكراني حماتها وانا داخل ولا حاجه..

حامد... ايه اللي بيضحكك انت داخل زريبه عشان تدخل من غير ما تخبط ولا تكح... زعلت لما قلتلها ما ينفعش اخد بيت تاني..

عز.. زعلت مشيتك من الاوضه.. ماشي حقك عليا انت والست فتحيه.. فين سهيله...

حامد.. فوق مع جوزها..

عز بزعر... جوزها مين... وفوق فين !!

حامد.. في المطبخ..

داليا.. شوفت جات سليمه الحمد لله طلعت في المطبخ ما فيش حاجه تخوفك..

حامد.. جوزها الواد الابيضاني ده وشعره عالي لابس بنطلون وتيشرت..

عز.. هو انت ليه بتقول جوزها يعني مين قلك انو جوزها

حامد.. عادي مش محتاجه ما انا كنت رايح المطبخ اشرب لقيتها واقفه وهو حاضنها كده يعني وبيتوشوشو وبيساعدها في الاكل وكده.. قولت بلاش ابقى رزيل عليهم واقف في النص كيف العزول جيت هنه قلت خليهم سوا.. انا راجل بفهم في الاصول مش زيك تطب على الناس كيف القضا المستعجل...

عز بغضب... اه انا هوريك ازاي تفهم الاصول دلوقتي.. ده انا هنفخو وهنفخها ووو لا انت جدى عيب..

داليا.. طب صلي على النبي..

عز.. عليه الصلاه والسلام.. بس هخرب بيتو برضو.. ما تخافيش هسيبو يقول الشهاده... علشان لما يموت ما يروحش جهنم..

وطلع على فوق بسرعه.. داليا طلعت وراه

تفاعل انجدوه الولا بيروح مننا يا جدعان 😂

انتقام بالحب

تكملة الرواية من هناااااااا

موسوعة القصص والروايات

القائمة الرئيسية

الصفحات

رواية انتقام بالحب الفصل الثالث والرابع بقلم جيجي حصرية

أخر المواضيع من قسم : اسكريبت وقصص قصيره ومثيره

تعليقات

إرسال تعليق