قصه خدعه الحب حكايه نهي
قصه خدعه الحب حكايه نهي
أنا آسف يا نهى بس أمي اختارت لي العروسة خلاص.. بنت ناس ومتربية مش زي علاقتنا اللي كانت في الضلمة. أنا راجل شرقي ومقدرش آمن لواحدة خبت على أهلها وكلمتني سنتين حتى لو كنت أنا اللي طلبت منها كدة!
الجملة نزلت على نهى زي جردل مية متلج في عز الشتاء. كانت قاعدة قدامه في الكافية اللي شهدت على كل وعوده الكدابة دموعها نزلت بصمت حارق وبصوت مبحوح قالتله
يعني أنا دلوقتي بقيت مش متربية يا مراد عشان حبيتك ووثقت فيك ده أنا حافظت عليك في غيابك أكتر ما حافظت على نفسي!
مراد شرب أخر بق في قهوته ببرود مستفز وقام وقف وهو بيعدل الجاكت بتاعه
الحب حاجة والجواز حاجة
تانية يا نهى. أنا عايز واحدة لما أدخل بيتي أكون متأكد إن مفيش راجل غيري شاف ضفرها. اعتبري اللي بينا كان تجربة وعدت وفرصة سعيدة.
سابها ومشي.. سابها لمحرات الڼار اللي بتاكل في قلبها. نهى روحت البيت وهي حاسة إنها مېتة إكلينيكيا. دخلت عليها أمها وهي شايلة صينية العشا
مالك يا نهى وشك أصفر كدة ليه كلي يا حبيبتي إنتي لازم تتغذي عشان تبقي عروسة زي القمر لما يجيلك ابن الحلال اللي يستاهلك.
نهى بصت لأمها وحست بخنجر الذنب بيمزقها. لو أمها عرفت إن ابن الحلال اللي بتدعيلها بيه هو نفسه اللي دبحها ورمى قلبها للكلاب هتعمل إيه
مر شهر والچرح لسه مفتوح لحد ما جت
الضړبة القاضية. رسالة على الواتساب من رقم غريب فيها صورة دعوة فرح. دعوة زفاف الأستاذ مراد الأستاذة ريهام. وتحتها رسالة من مراد نفسه
عشان تتأكدي إن ذوقي عالي وتعرفي الفرق بينك وبين اللي تستاهل تشيل اسمي. مستنيكي ده لو عندك شجاعة.
نهى قرفت من بجاحته لكن العند ركب دماغها. قررت تروح مش عشان تبارك لكن عشان تكسر عينه بجمالها وتثبتله إنها ولا اتهزت.
يوم الفرح نهى لبست فستان سواريه نبيتي غامق كان مخلي بشرتها تنور وفردت شعرها بطريقة خلتها أجمل واحدة في القاعة. دخلت القاعة وكأنها ملكة عيون الكل عليها.
أول ما مراد شافها ارتبك. مكنش متخيل إنها هتيجي بالقوة
والجمال ده. كان فاكرها هتيجي مکسورة.
نهى قربت من الكوشة بابتسامة هادية وعينها جت على العروسة ريهام. العروسة كانت قاعدة مكسوفة ومدارية وشها في الطرحة بتمثل دور البريئة ببراعة.
بس أول ما ريهام رفعت وشها عشان تتصور ونهى قربت تبارك.. حصلت المفاجأة!
نهى وقفت مكانها متسمرة وعينيها وسعت من الصدمة.. دي مش ريهام!
الملامح دي محفورة في ذاكرة نهى كويس أوي. دي سوسن! البنت اللي كانت جارتهم زمان في المنطقة الشعبية قبل ما نهى وأهلها يعزلوا. سوسن اللي المنطقة كلها كانت بتحكي عن مشاكلها وعن السبب اللي خلاها تهرب من بيت أهلها لمدة أسبوع وترجع تدعي البراءة! دي
البنت اللي مراد
كان بيعاير نهى بيها زمان ويقولها إياكي تكوني زي البنت اللي سمعتها سابقة خيالها دي!
مراد اللي واقف فخور ب اختياره النضيف ميعرفش إنه لابس خازوق العمر.
نهى بصت لمراد وبعدين بصت ل ريهامسوسن. العروسة أول ما شافت نهى وشها جاب مية لون والړعب بان في عينيها لدرجة إن إيدها ارتعشت والكل لاحظ. هي عرفت نهى كويس وعرفت إن سترها وتاريخها كله واقف دلوقتي قدامها بفستان نبيتي.
نهى ضحكت. ضحكة رنانة عالية خلت مراد يقلق ويهمس لها پغضب
إيه قلة الذوق دي بتضحكي على إيه
نهى قربت منه وهمست في ودنه بكلمات زي السم
أبدا يا عريس.. بضحك على النضافة. ألف مبروك عليك ريهام بس ابقى
اسألها عن أسبوع اسكندرية بتاع زمان.. وعن اسم سوسن اللي كان مكتوب على الحيطان.
قالت جملتها وغمزت للعروسة اللي دموعها كانت هتنزل من الړعب ولفت نهى وخرجت من القاعة وهي حاسة إن حقها رجعلها تالت ومتلت من غير ما ترفع صباع.
بعد الفرح بأسبوع..
مراد كان ھيموت من الشك. كلام نهى ونظرات مراته المړعوپة خلوه عايش في چحيم. حاول يوصل لنهى بكل الطرق لحد ما عرف يقابلها وهي خارجة من الشغل.
وقف بعربيته وسد عليها الطريق نزل وعيونه بتطق شرار بس صوته كان مكسور
نهى.. استني. أنا لازم أفهم إنتي كان قصدك إيه يوم الفرح ومين سوسن دي
نهى بصتله ببرود مش دي النضيفة اللي اختارتها
اشرب بقى.
مراد قرب منها ومسك إيدها بالعافية
اسمعيني.. أنا حياتي چحيم بسبب الكلمتين دول. أنا اكتشفت إني اتسرعت وإنك إنتي اللي كنتي نظيفة بجد.. أنا مستعد أصلح غلطتي.
نهى سحبت إيدها بقوة تصلح إيه تطلقها
مراد وطي صوته وبص حواليه وقال بجحاحة
لا.. أطلقها إيه الفرح لسه معمول والناس هتاكل وشي. بس أنا عايزك إنتي. نتجوز عرفي.. أو حتى شرعي بس في السر لفترة لحد ما ألاقي حجة أخلص بيها منها. أنا شاريكم يا نهى وهعوضك عن كل دمعة.. ها قلتي إيه
نهى بصتله بقرف كانت ناوية تصرخ في وشه وتلم عليه الناس بس فجأة جت في بالها فكرة شيطانية. فكرة مش بس هتجيب حقها دي هتخليه يلف
حوالين نفسه طول عمره.
ابتسمت نهى ابتسامة خبيثة وقالتله
موافق يا مراد.. بس بشرط واحد.
مراد عينه لمعت من الفرحة أي شرط.. اطلبي عينيا.
نهى قربت منه وقالت بصوت واطي جدا
شرطي هو إنك........
الكاتبه_نور_محمد
نهى قربت منه وقالت بصوت واطي جدا فحيح زي الأفعى
شرطي هو إنك تجيب لي تليفون الهانم مراتك لمدة ساعة واحدة بس.. عايزة أتأكد إنها نضيفة زي ما بتقول ولو طلعت فعلا مظلومة أنا موافقة أتجوزك عرفي الليلة.
مراد استغرب الطلب بس غروره وتأكده من اختياره خلاه يوافق فورا. هو كان واثق إن ريهام أو سوسن مفيش في تاريخها غير الكتب والمذاكرة.
روح البيت واستغل إن مراته
دخلت تاخد شاور وسحب الموبايل
بقلب مېت. الباسورد كان سهل لأنه تاريخ فرحهم. فتح الواتساب.. مفيش حاجة. فتح الماسنجر.. فاضي.
ضحك بسخرية على شكوك نهى وكان لسه هيقفل الموبايل بس لفت نظره فولدر مخفي باسم غريب في الملفات. فضول الشيطان حركه وفتح الفولدر.
وهنا.. الدنيا لفت بيه.
صور.. فيديوهات.. شات قديم متسجل.. ريهام اللي هي سوسن مكنتش بس بنت شقية في المنطقة زمان دي كانت متجوزة عرفي من واحد مسجل خطړ اسمه سيد كزلك وهربت منه بعد ما سړقت دهبه! الورق اللي في الصور كان محاضر وقضايا قديمة باسمها الحقيقي قبل ما تغيره وتزور شهاداتها عشان تبدأ حياة جديدة بوش الضحېة البريئة.
مراد حس إن
دموعه بتنزل من القهر مش من الحزن. هو داس على نهى البنت الجدعة اللي صانته عشان يجري ورا وهم النضافة والمظاهر وفي الآخر لبس سوسن!
في اللحظة دي خرجت ريهام من الحمام ووشها مخطۏف لما شافت الموبايل في إيده.
مراد مرفعش عينه فيها بس رمى الموبايل في وشها وصړخ صړخة هزت عمارة مصر الجديدة كلها
إنتي مين! إنتي إيه! أنا بعت الغالي عشان أشتري الرخيص!
المشهد الأخير.. والدرس القاسې
بعد شهرين..
نهى كانت خارجة من شغلها لابسة طقم شيك ووشها منور ماشية بخطوات ثابتة لواحد زميلها في الشغل كان متقدم لها ومستني ردها شاب محترم عارف قيمتها بجد.
فجأة وقف قدامها شبح إنسان.
مراد.. دقنه طويلة وهدومه مبهدلة وعينه مکسورة.
نهى.. أنا طلقتها. فضحتها ورميتها في الشارع. أنا رجعتلك.. أنا عرفت قيمتك يا أصيلة. سامحيني ونبدأ من جديد والله لاعوضك.
نهى وقفت وبصت له بشفقة ممزوجة بانتصار وقالت بصوت عالي سمع كل اللي في الشارع
أنت مابعتش الرخيص يا مراد.. أنت اللي رخيص عشان كدة ملقيتش غير اللي شبهك. أنا لما طلبت منك تليفونها مكنتش عايزة أتجوزك أنا كنت عايزاك تشوف حقيقتك في مرايتها.
خدت نفس عميق وكملت جملتها اللي كانت درس لكل راجل بيفكر زيه
اللي يسيب القلب اللي صانه عشان غلاف مزيف يستاهل يكتشف إن الغلاف ده تحته ژبالة. أنا خلاص
ربنا عوضني باللي يعرف يعني إيه بنت أصول أما أنت.. ف كما تدين تدان ودلوقتي.. امش من قدامي عشان مبهدلش برستيج خطيبي.
سابته نهى واقف في نص الشارع الناس بتبص عليه بشفقة وهو بيجر خيبته وندمه اللي مش هيفارقوه طول عمره.
العبرة من القصة
النظافة مش بالمظاهر النضافة الحقيقية هي نضافة القلب والسريرة مش اللي ملمستش تليفون ولا اللي قاعدة في البيت.
الجزاء من جنس العمل اللي يكسر قلب حد حبه بصدق ربنا بيبتلا بلي يكسر ضهره ويخدعه.
الثقة في العوض ربنا دايما شايل للمظلوم الأحسن بس الصبر والثبات هو الاختبار.
وخلصت الحكاية.. بس حكايات الدنيا لسه مخلصتش مع تحياتي
تمت
تعليقات
إرسال تعليق