العلامه اللي على ضهر البنت اليتيمه
العلامه اللي على ضهر البنت اليتيمه
عدى أسبوعين كأنهم شهرين.
ندى كانت بتحاول تقرب من ملك واحدة واحدة من غير ضغط من غير أسئلة كتير.
بتصحيها للمدرسة تسرح لها شعرها تحضر الفطار وتسيبها تاكل على مزاجها.
بس في حاجة كانت مقلقاها
ملك پتخاف من الميه.
مش خوف دلع لا.
كل ما ندى تفتح الحنفية ملك تتشد جسمها يقسى وعينيها تزوغ.
مش لازم نستحمى دلوقتي ممكن بكرة.
لا يا حبيبتي لازم بس هبقى جنبك ما تخافيش.
ندى
ملت البانيو ميه دافية حطت شوية فوم وجابت لعبتين بلاستيك.
ملك كانت واقفة ساكتة باصة للأرض.
خدي وقتك أنا هنا.
لما ندى بدأت تفك زرار البيجاما ملك شدت إيديها فجأة.
نفسها تقيل
وعيونها مليانة ړعب.
محدش يلمسني وأنا عريانة
قالتها بصوت واطي مكسور.
ندى اتجمدت.
ابتسمت بالعافية وقالت حاضر أنا بس هقف بعيد وإنت اللي تعملي كل حاجة.
ملك دخلت البانيو قعدت متكورة.
ندى بصت
بعيد احتراما لحد ما لاحظت حاجة خلت قلبها يقف.
على ضهر ملك
علامة غريبة.
مش خربوش
مش وحمة عادية.
كانت دايرة صغيرة حوالينها آثار چرح قديم كأن حد كان شال حاجة من تحت الجلد.
ندى قربت خطوة قلبها بيدق في ودنها. ملك العلامة دي ۏجعتك قبل كده
ملك سكتت.
وبعدين قالت جملة خلت ندى تقعد على الأرض من الصدمة
دي مكان الجهاز.
جهاز إيه
ملك رفعت عينيها
أول مرة تبص لندى في عنيها
بوضوح.
كانوا يقولولي ده عشان يلاقوني لو ضعت بس أنا عمري ما كنت بضيع.
ندى حست ساقيها بتترعش. مين كانوا
ملك حضنت نفسها أكتر. الناس اللي قبل الدار.
بابا وماما
هزت راسها بالنفي. مش بابا وماما كانوا بيبدلوا.
ندى فهمت
والفهم كان تقيل زي حجر على صدرها.
كانوا بيودوك فين
ملك همست أماكن كتير بيوت كبيرة ناس تبص علي وتتكلم علي كأني لعبة.
ندى دموعها نزلت من غير ما تحس.
قربت غطت ملك بالفوطة وحضنتها بقوة.
انتهى خلاص انتهى. محدش هيقربلك تاني أبدا.
ملك لأول مرة سابت نفسها ټعيط.
عيطت بصوت عالي مكبوت كأنها كانت مستنية اللحظة دي بقالها عمر.
تاني يوم ندى ما استنتش.
قدمت بلاغ.
فتحت ملف.
سألت دار الرعاية.
الحقيقة كانت أبشع من اللي تخيلته.
ملك كانت جزء من شبكة اتجار غير شرعية
اتقفلت من سنين.
الأطفال اللي اتنقذوا اتوزعوا على دور
رعاية
بس ملك كانت ساكتة.
عمرها ما حكت.
الجهاز
كان شريحة تتبع
اتشالت بعملية بدائية.
القضية اتفتحت من جديد.
عدى شهر.
وبعدين شهرين.
ملك بقت تضحك.
بتجري في الشقة.
پتخاف أقل وبتحضن أكتر.
وفي يوم ندى رجعت من الشغل لقت
رسمة على التلاجة.
ست وبنت ماسكين إيد بعض
وفراشات موف حوالينهم.
وتحتها مكتوب بخط متكسر
دي ماما ندى
مش بتسيبني لوحدي.
ندى قعدت على الأرض وعيطت
بس المرة دي من الفرح.
يوم التبني النهائي القاضي سأل ملك موافقة تبقي بنت مدام ندى
ملك ما ترددتش.
جريت حضنت ندى وقالت بصوت عالي
دي ماما.
القاضي ابتسم إذن مبروك.
بعدها بسنة
ندى كانت بتستحمى وسمعت صوت ضحك من البلكونة.
ملك واقفة بتسقي زرع صغير
وفراشة موف واقفة على إيدها.
ندى ابتسمت وقالت فاكرة لما قولتي بتحبي الفراشات
ملك بصت لها وقالت بثقة عشان هي بتطلع من شرنقة وتطير.
ندى قربت وحضنتها وإنت طرتي
يا ملك
ملك همست عشان لقيت بيت.
النهاية
تعليقات
إرسال تعليق