قبل فرحي بشهر كنت بعمل الكشف الصحي ما قبل الزواج انا وخطيبي وحب عمري
قبل فرحي بشهر
قبل فرحي بشهر كنت بعمل الكشف الصحي ما قبل الزواج انا وخطيبي وحب عمري
كنت فاكره الكشف هيبقى شيىء روتيني وكدا
ولكن بالصدفه اكتشفنا ان فيه دكتورة واخده التكليف جديد وماشيه كل حاجه بالخطوات والقانون وبتراعي ربنا ف شغلها
برغم استعجالنا إلا إننا استسلامنا للأمر الواقع وروحنا كشفنا
جه دوري فالكشف
لقيت الدكتورة قاعده تبص لجهاز السونار بطريقه غريبة
ممكن تعملي التحاليل دي وتجيلي تاني
تمام ماشي هوا فيه حاجه يعني ولا ايه
لا متقلقيش مفيش حاجه ث
دي اجراءات تبع الورق بس
طلعت من اوضة الكشف وروحت انا وخطيبي ونعمل التحاليل سحبت العينة وبعدها ب ربع ساعه النتيجة طلعت
رديت بضحك وهزار على طريقه ماشي هات التحليل
لقيت خطيبي اتكلم بأنفعال
انت بتتكلم بجد اكيد التحاليل اتبدلت او حصل حاجه تاني
يافندم انا متأكد 100٪ انها تحاليلها
لقيت قلم
نزل على وشي بقوة شديدة مش عارفه ليه وازاي
ومحستش بحاجه غير صوت زعيق من خطيبي
وسابني ومشي
وكل دا انا مذهوله من الموقف وشكل الناس حواليا وهي بتبصلي من تحت لتحت وكلامهم والهمس والنظرات كلها كانت بتاكل ف بيا
اتكسر بخاطري من اقرب حد ليا
ملقتش حد حتى حاول يقومني من مكاني
قومت من مكاني ومشيت لحد البيت وكأني مغيبه وصلت البيت بأعجوبة
نمت يوم كامل وكنت بتمنى اني اصحى من الکابوس دا
او لو كان حقيقه اموت مش عايزه اعيش تاني خلاص
صحيت على صوت زعيق فالبيت
خطيبي كان بيزعق ل بابا وعايز ياخد الدهب
انا اتكلمت بحاول افهم فيه ايه!
ما بلاش اقول فيه ايه ولا الحج عارف!
عارف ايه انت ليه كلامك مش مفهموم ايه اللي حصل ما انتو بتتخانقوا ليل ونهار ايه اللي حصل جديد بلاش لعب العيال دا دا انتو فرحكم كمان شهر
لا ماهو مبقاش فيها فرح خلاص
اخرص انت اټجننت افتكر انك
كنت ھتموت بس عشان تخطبها
اسمع يا واد انت انت تاخد دهبك وحاجتك على الجزمه مش عشان انت عندك حق بس ما يشرفناش انك تطول تبقى جوزها
وقبل ما تتبلى او تجيب سيرتنا بالۏحش زي ما عملت
وخليت الناس فالبلد ماشيه تتلفت عليا وتتكلم عليا ف ضهري ومكنتش عارف السبب
اعمل حساب العشره والعيش والملح
اعمل
حساب
الاصول
عايز حاجتي
فعلا اخد حاجته ومشي لقيت ابويا بصلي وقالي هوا
ايه اللي
حصل
حكيتله اللي حصل
في تاني يوم اتحركت مع بابا عند الدكتوره ووريناها التحاليل
ملامح الدكتوره اتغيرت للحزن ووجهت الكلام ل بابا ممكن يا استاذ ايمن اتكلم مع حضرتك كلمتين برا
اكيد اتفضلي
مر حوالي خمس دقايق وكانوا اصعب دقايق عدو عليا ف حياتي كلها
لقيت بابا دخل واخدني ف حضنه بدون كلام وبيعيط
مالك يا بابا ايه اللي حصل!!
هوا فيه ايه طيب
مفيش حاجه ياعيون بابا
طب
طمنوني
انتي بترضي بقضاء ربنا صح
اكيد طبعا
منا عارفه يا بابا انه عمره ما هيكون حمل هوا ايه بقا اللي خلاه يظهر ان فيه حمل
الدكتوره اتكلمت بصي فيه حالتين بيظهر فيهم الحمل
لو فعلا الست
حامل
او هرمون ال HCG اللي هوا هرمون الحمل اتفرز بكميه كبيره فالجسم
طيب وفيها ايه عادي
احمم ماهو الهرمون دا مش طبيعي انه يتفرز بالكميات دي غير لو حصل Uterine cancer
ايه سړطان
بابا رجع اخدني ف حضنه وانا كنت عاجزه عن الكلام والتعبير
ولا ازعل اني داخله حرب عارفه ان اخرتها مۏت
رغم استسلامي لقضاء الله لكن عيني ما بطلتش بكى وحزن
الوقت كان بيجري بسرعه عدى اسابيع كان مليان بترتيبات الورق والعلاج عشان متعشمين اني ممكن ارجع سليمه تاني
اتحددتلي اول جلسة كيماوي فاليوم اللي المفروض كان هيبقى فرحي
اليوم اللي كنت المفروض هلبس فيه الفستان الابيض وافرح
بقيت لابسه لبس المستشفى
وپتألم
لحظات صعبه صعبه جدا
لدرجة ان صعب الكلام
يوصفها
ۏجع قلبي على اللي جرالي كان كوم
وۏجع جسمي من الكيماوي كان كوم تاني
الحمدلله على نعم ربنا والحمد لله على الابتلاء
بابا رفض انه يعرف حد اني مريضة کانسر عشان عارف اني بكرهه نظرة الاستعطاف او الشفقه من حد
واصبح محدش عارف عن مرضي غير امي وابويا واخواتي و الدكتوره وبس
ف يوم نازله اشتري حاجه من السوبر ماركت ولقيت اللي كان خطيبي هيثم جاي ناحيتي
اهلا اهلا بالعروسه
انا ممثلتش ولا زيفت وانا مش حامل
هنكدب دا انتي الكدب بيجري ف دمك
انا لما شوفتك جيت بس اعرفك اني خطبت وهتجوز واحده محترمه
ربنا يتمملك بخير
سيبته ومشيت ومش متخيله ليه الناس
مازالت شيفاني وحشه ليه محدش افترضلي
الخير ليه ما حدش جه حاول يعرف
الحقيقه ليه بقا من السهل اننا ننهش فالاعراض واحنا قاعدين على المصطبه!
روحت ف غيبوبه لمدة تلات شهور
مكنتش
حاسه بيهم ومش فكراهم بس هما قالوا اني بقالي تلات شهور محجوزه فالعنايه المركزه
يمكن دي كانت
تجربه بسيطه ليا للمۏت
انا ارتحت فالتلات شهور دول اكتر ما انا مرتاحه وانا عايشه
دعيت من كل قلبي ان ربنا يكتبلي الوفاه لو خير ليا لاني تعبت
وجايه النهارده بعد اربع سنين علاج ومحاربه اقولكم اني انا انتصرت على السړطان
رحله طويله ربنا يعين كل اللي بيعيشها
ومش هنسى حد ظلمني وافترى عليا ف يوم
وعند الله تجتمع الخصوم
اتعود ما تحكمش على القصه من الظواهر
وانا في المستشفى قابلت اكتر حد حبني ووقف جنبي
حسن ..من طقم التمريض
كان دائما مهتم بيا
وبحالتي
وكنت بشوف في عيونه نظرات حب مش شفقة
عكس باقي الناس حواليا
كان في مره من المرات وانا باخد جلسه
صارحني أنه معجب بيا وعاوز يتقدملي
ساعتها بصيت له بصدمه وقولته
اللي هو ازاي ..انا بموت حضرتك
بعد الشر متقوليش كدا
لا دي الحقيقة
بس انا شايف أن حالتك بتتحسن كل الاشعه والتحاليل بتأكد دا ..
صدقيني انا مش شايف غيرك
انت ازاي كدا
ازاي ايه
عاوز تربط نفسك بوحده محكوم عليها بالموت
عشان ..
عشان ايه
عشان حبيتك
يومها رجعت البيت ولأول مرة من زمان ماما تشوفني
سعيده ومبسوطة
خير يارب دايما سعيده كدا
اصل النهارده حصل معايا حاجة غريبة في المستشفى
احكيلي
قولتلها فرحتلي
ايه
اللي بتقوليه دا بس يا ماما
يا بنتي دا شكله بيحبك فعلا وشاريكي
بس انا مش بفكر في الجواز اصلا
ليه أن شاء الله وهما اللي بيتجوزوا احسن منك ف ايه
انا مريضة كانسر ولا نسيتي يا ماما
هتخفي باذن الله
وهتتجوزي وهشيل عيالك كمان ..خلي املك في ربنا كبير
ونعم بالله
وفعلا مرت الايام والشهور ..وعلاقتي بحسن بقت افضل
لكن رفضت أنه يتقدم لي الا لما اخف خالص
والحمدلله ربنا كريم
هزمت السرطان اللعين
واتخطبت لاحسن راجل في الدنيا
اللي ملا عيني وقلبي وكان ليا طوق نجاه
وقف جنبي في محنتي وكان أكبر سند وداعم ليا
واللي لولاه مكنتش عارفه ازاي كنت ممكن اتخطى مرضي وحزني ..بعد فضل ربنا عليا
الحمدلله دائما وابدا
..وافتكروا دائما أن بعد العسر يسر
وان بعد الحزن فرح
تعليقات
إرسال تعليق