اسكريبت كامل بقلم سولييه نصار
سكريبت بقلم سولييه نصار
مبروك يا سالي
انتي ايه اللي جابك هنا يا دنيا !
لقيتها زعقت فيا وبعدين كملت
انتي اكيد جاية تحسديني اني اتجوزت وانتي لسه بايرة ...
حسيت كأن حد كل ماية ساقعة عليا ...بصيت لسالي
والدموع اتجمعت في عينيا فقالت امي
جرا ايه يا سالي بنت عمك جاية تباركلك
وانا معزمتهاش ولا عزمتك ...عشان بنتك عينيها وحشة وهتحسدني عشان أنا اصغر منها واتجوزت وهي لسه عانس
حطيت عيني في الأرض وحسيت الناس كلها بتبصلي ...دموعي نزلت لما سمعت امي بتقول
انتي متربتيش ...عيب لما تتكلمي عليها كده
والله العيب عليكم أن معزمتوكمش ورغم كده جيتوا .. يالا اتفضلوا امشوا من هنا من غير مطرود ...
مسكت ايد امي وقولت
يالا يا امي لو سمحتي ...ابوس ايديكي يالا
سحبتني امي ومشينا ...كنت طول الطريق ببكي ...وقلبي واجعني ...ذنبي ايه أن تميت نص التلاتين ولسة متجوزتش ...ليه يعايروني بحاجة أنا مليش دعوة بيها ...
دخلنا البيت ولقيت امي بتمسكني من أيدي وبتزعق
دي المرة الألف اللي يعايروني بيكي يا دنيا ....أنا بقيت اتكسف امشي معاكي ...بقيت اتكسف اقول انك بنتي ....كل اخواتك اتجوزوا الا انت !!!...مفيش حد فكر يتجوزك لانك فاشلة ...داخلة علي الأربعين ولسه من غير جواز ...وبسمع كلام زي الزفت بسببك
يا ماما طب اعمل ايه
وانا ايش عرفني اعملي زي البنات يا اختي ...بنت عمك اصغر منك بعشر سنين واتجوزت واحد زي القمر وانتي قاعدة زي البومة في وشي ...
وبعدين زقتني ودخلت اوضتها ...وانا قعدت ابكي ...وانا بفتكر علي المعايرة اللي بشوفها من اهلي واصحابي ...دخلت اوضتي وفضلت اكتب في مذكراتي كل اللي بفكر فيه ونمت مكاني ...
صحيت الصبح لبست وروحت الشغل ...لقيت الناس بتبارك
لصاحبتي سها ...
فيه ايه يا سها
قربت منها وانا بسألها ...
بصتلي بتوتر وقالت
ها ...لا مفيش يا دنيا ...ده بس بابا رايح الحج
بصتلها بإستغراب فواحدة من زمايلنا ضحكت. قالت
حج ايه يا سوسو بس ...اصل عقبال عندك يا حبيبتي سها هتتجوز تلاقيها خاېفة لتقول عشان الحسد وكده ...
بصيت لسها بحزن فكملت هي
اهي سها اصغر منك يا دنيا وهتتجوز ...ده اللي قدك اتجوز وعنده عيال ...أنا بقا عشان قلبي ابيض ليا عندك عريس لقطة ...واحد عنده ستين سنة يعيني عياله سابوه وفضي عليه البيت ...
اټصدمت وانا ببصلها ..فضحكت وقالت
بس ايه يا دنيا راجل غني ومتريش هو ده المناسب ليكي ...اصل اعذريني مفيش راجل عازب هيوافق عليكي...
دموعي نزلت قدامهم ...فزعقت فيها سها وقالت
رضوي عيب كده ...يالا اتفضلي علي المكتب بتاعك وسيبينا
فكري في اللي قولته
وبعدين مشيت رضوي ...قربت مني سها. قالت
والله أنا مش قصدي اجرحك يا دنيا ...مرضتش اقولك عشان متتضايقيش...سيبك من كلام البنت المچنونة دي ...انتي اكيد عارف اني مش كده ...
ابتسمت ليه وانا مبهوتة ومسحت دموعي وروحت اشتغل
رجعت من الشغل لقيت امي في وشي فقالت
بنت عمك التانية اللي عندها عشرين سنة جالها عريس. ..وانتي لسه قاعدة محلك سرك ...يا خيبة املي فيكي
مشيت فقعدت اعيط مكاني ...مكنتش مستحملة اي كلمة عشان كده اتصلت برضوي وقولت
انا موافقة علي العريس اللي عنده ستين سنة!!
يتبع
الجزء التاني بقلم سولييه نصار
يا لهووي واحد عنده ستين سنة ليه يا دنيا ترمي نفسك الرمية السودا دي
قالتها اختي الصغيرة المتجوزة واللي هي الوحيدة اللي بتقف جمبي بصيتلها وانا الدموع في عيني وقولت پقهر
لاني تعبت ...تعبت يا الاء تعبت من كلام كل اللي حواليا ...تعبت
وانا بسمع كلامهم اللي زي السم ...تعبت من لقب عانس ...اني اتجوز واحد عنده ستين سنة احسن ما
ابقي كده واسمع كلام زي السم ...
بكت الاء وقالت
انتي كده بټدفني نفسك بالحيا ...
صدقيني ده احسن يا الاء ...انتي مبتسمعيش الكلام اللي أنا بسمعه بسببهم ...انا بمۏت كل يوم ...
بكيت الاء وهي پتبكي كمان ...هي الوحيدة اللي حاسة بيا ...وانا عارفة أن كلامها صح وانا غلط ...بس انا تعبت ...تعبت منهم ومن كلامهم اللي زي الزفت
رجعت البيت بتعب فقال ابويا من غير رضا
استاذ علاء هيجي يوم الخميس يتقدم ...هنفذ اللي في دماغك يا دنيا وهدمري حياتك
ماهر لو سمحت احنا ما صدقنا أن جالها نصيبها متقفش في وشها ...عاجبك قعدتها كده !
بكيت وانا بقول
خلاص يا ماما أنا وافقت بالله عليكي كفاية يا شيخة يارب اموت عشان ارتاح واريحك ...
وبعدين جريت علي اوضتي وقفلتها وانا ببكي بحزن ...قلبي كان بيتقطع علي نفسي وحالي ...
نومت مكاني وانا بفكر في المستقبل ...
تاني يوم كان إجازة من الشغل ...جات مرات عمي لما عرفت أن فيه عريس متقدملي ..طبعا جات عشان تشمت ...
جدعة يا بت يا دنيا ...وقعتي علي واحد متريش ...ومش مهم السن ...انتي كده كده مكانش حد هيبصلك اصلا ....بس حظك ضړب المرة دي في العالي ...لازم تعرفي أنه واخدك متعة وكده فحاولي تستفيدي منه علي قد ما تقدري ...
جه ابويا وزعق في مرات عمي
ايه اللي انتي بتقوليه ده يا ام سالي ...اتفضلي اطلعي برة ...جاية بيتي وتهيني في بنتي
انا بس ...
قولت اطلعي برة
مشيت مرات عمي وهي زعلانة. ...قرب ابويا مني وقال
ما بلاش يا بنتي أنا عارف اني كنت اب سلبي معاكي ومدافعتش عنك ...بس انتي كده بترمي نفسك للڼار ...أنا خاېف عليكي ...
وانا بقول
متقلقش عليا يا بابا
هكون كويسة ...
يوم الخميس
جه العريس عشان يتقدم ...واتفقنا علي كل حاجة أصر هو يشيل كل حاجة ...كنت حاسة كاني بضاعة بتتباع بسبب نظراته ليا ...
طبعا أنا مش هعمل فرح ...راجل في سني عيب يعمل فرح عشان كده هنعمل كتب كتاب بس تمام
ده مناسب طبعا يا استاذ علاء
لا أستاذ ايه يا ام دنيا احنا هنبقي اهل خلاص ...دنيا هتيجي تعيش معايا في فيلتي وكل طلباتها مجابة
ابتسمت امي بسعادة وحطيت وشي علي الارض ...كنت مخڼوقة ...كان نفسي اقوم واصړخ واقول مش موافقة بس كنت أضعف من كده انا بتباع لواحد اكبر من ابويا وانا موافقة علي كده .....
مرت الايام والفرح كان فاضله يومين ...
كنت داخلة مكتبي لما لقيت واحد قاعد مستنيني ...اول ما دخلت بصلي بعينيه بحدة ولسه هتكلم
انتي بقا اللي لفيتي علي ابويا وهتتجوزيه عشان ثروته ..
بصيتله پصدمة فكمل
انا جاي بأمرك انك تبعدي عن ابويا والا هدمر عيلتك كلها !!
يتبع
الجزء التالت بقلم سولييه نصار
انت
لسه هستفسر ...وقف وبص لعينيا ...عينيه الرمادي كانت بتبصلي ببرود وقال
انا ابقي عصام ...ابن الراجل اللي لفيتي عليه عشان تتجوزيه
افندم لفيت علي مين ..
قولت بحدة
قرب وهو بيتكلم پغضب
متعليش صوتك عليا ...وهتفسخي خطوبتك من ابويا ...والا اقسم بالله هوريكي اللي عمرك ما شوفتيه ...
هزيت راسي بتوتر وقولت
انا ملفيتش عليه ...أنا هتجوزه ...وهو اللي طلبني علي سنة الله ورسوله ...
ضحك ببرود وقال
عايزة تفهميني أن واحدة حلوة وصغيرة زيك هتروح تتجوز واحد قد جدها ليه ...بتحبه مثلا ...اكيد عشان فلوسه
وليه متقولش عايزة ابدا حياتي مع زوج يراعاني ...هو اللي بيتجوز بيتجوز بس عشان الفلوس ...هو ده تفكيرك
كلامك غير منطقي ...هي الشباب خلصت يعني عشان تتجوزي ابويا !!!قصره افسخي الخطوبة دي لأن مستحيل اخليكي تتجوزيه ...أنا في أيدي
اعمل كتير. . أولها اني صديق مقرب لمدير الشركة اللي ممكن بكلمة مني يطردك ...فكري في كلامي كويس ...ابعدي عن ابويا وانا هراضيكي بقرشين ...وقبل ما ارد عليه مشي وسابني ...وشي احمر من الڠضب ...هو فاكر نفسه مين بالضبط ...ياربي هو أنا ناقصة ...اعمل ايه اكتر من كده انا تعبت والله ...
قعدت علي المكتب بتاعي بتعب وانا بفتكر كلامه المهين ...نظراته الباردة ملاحقاني ومخلياني اتوتر عشان كده من سكات ...قررت أنفذ اللي قاله ...مش هتجوز أبوه مش ناقصة عدوات تاني
يعني ايه يا دنيا انتي بتهزري صح ! هي لعبة !!
يا ماما أنا
اخرسي ...صدق ما لقيت حد يتجوزك وهيحققلك اللي انتي عايزاه بترفضيه انتي مچنونة ...
ابنه جه وهددني
ابنه ميقدرش يعمل حاجة
بس من غير بس انتي هتتجوزي علاء أنا مش ناقصة هم يا دنيا اعقلي كده ايه عايزة تقعدي جمبي لحد ما تكملي الخمسين مثلا ...
وبعدين سابتني امي ومشيت ...قعدت علي السرير ودموعي علي خدي
يا ربي اعمل ايه دلوقتي !!!
مر اليومين وجه كتب الكتاب واللي كنت بجد متوترة بسببه ...كل لما افتكر كلام عصام وتهديداته جسمي بيترعش ...هو اكيد مش هيسيبني في حالي ...يارب ساعدني مليش غيرك انت
لبست فستان بسيط وجه المأذون ..فاضل بس العريس ...اتاخر
علاء لنص ساعة لدرجة اني اتوترت اووي ...معقول يكون غير رأيه ...دي هتبقي ڤضيحة تانية ...يارب ساعدني ...أنا مش حمل فضايح تانية ...قلبي كان بيدق پخوف من اللي جه في بالي ...بصيت لماما كانت متضايقة ومتوترة وبتبصلي بغيظ فخۏفت ..فجأة الباب خبط ..راح ابويا وفتح الباب بسرعة ولقينا علاء ...اتنفست براحة الحمدلله مش هيحصل فضايح ....بس لسه هاخد نفسي لقيت
عصام معاه وهو بيبصلي ببرود ...اتوترت اووي ومسكت ايد اختي ...اكيد مش هيعدي كتب الكتاب علي خير. ....وقف علاء وهو بيقول بتوتر
اسف انا مش هتجوز ...أنا بعتذر اني حطيتكم في موقف زي ده
انت بتخرف تقول ايه يا راجل انت
قالها ابويا پغضب فتدخل عصام وقال
متقلقش يا حاج ابويا مش هيتجوز بنتك لأن أنا اللي هتجوزها!!!
يتبع
الجزء الرابع بقلم سولييه نصار
ايه هي بنتي لعبة بينكم مش عايز انت تتجوزها فهيتجوزها ابنك ...
بص علاء لابنه بتوتر بس عصام بص لابوه ببرود وهو بيتولي الكلام وقال
مش لعبة ولا حاجة يا عمي ...بالعكس هي اللي كسبانة بدل ما تتجوز واحد قد جدها هتتجوز واحد مناسب ليها ...وانا اهو لا متجوز ولا مرتبط وبنتك هتكون سعيدة معايا ...فكر فيها ...بابا صرف نظر عنها ولو مش هتقبل اني اتجوزها هي اللي هتضر وتتفضح
دموعي نزلت وانا بشوفهم بيشتروا ويبيعوا فيا ...كان نفسي اصړخ فيهم ...بس صوتي مطلعش ...امي مسكت ابويا وشاورتله تتكلم معاه بعيد ...ابتسمت بإنكسار وانا عارفة اني أمي اخدت قرارها خلاص ...
بعد نص ساعة كان بابا قاعد جنب المأذون بيكتبوا كتابي .....دموعي كانت بتنزل وانا بشوف نفسي مجرد لعبة بيخلصوا منها ....
مسكت اختي أيدي وكانت عينيها مدمعة وهمست
ربنا هيعوضك
الحمدلله علي كل حال ده قدري ...
خلص كتب الكتاب وبدأت حفلة بسيطة كان فيها قرايبنا واصحابنا ...كنت سامعة مرات عمي بتقول پحقد
والله يا جماعة البخت للوحشين صحيح بقا البايرة دي تتجوز القمر ده ...خسارة فيها ده كتر عليها الراجل الكبير ...اكيد عملتله عمل ..اللي بيحصل معاها مش طبيعي ...حطيت ايدي علي بوقي وجريت علي الحمام ابكي ...خلصت وغسلت
وشي وطلعت لقيت عصام في وشي ...قالي بوش جامد
ربع ساعة وهنمشي علي بيتنا ماشي
هزيت راسي بطاعة فابتسم
لاول مرة ليا ...
بعد ساعة وصلنا الفيلا ...دخلني عصام ودخل ورايا
..كانت فيلا صغيرة بس لطيفة ...
اللي هناك دي هتكون اوضتك وانا اوضتي في وشك علطول ...الفيلا صغيرة مفيهاش الا خالتي صفية اللي هي بتدير البيت...هي حاليا في إجازة ...لو عوزتي اي حاجة اطلبيها مني ...
حاضر ...
وقف وهو بيبصلي بأسف وقال
انا مكنتش عايز اعمل كده بس كان لازم احمي ابويا ...
متفهماك
جوازنا هيكون ..
صوري ومؤقت عارفة
قاطعته وانا صوتي مخڼوق فقال
لما اطلقك كل حقوقك هتاخديها...وهطلقك بعد ست شهور عشان محدش يتكلم عليكي
ابتسمت بسخرية وقولت
اتعودت عادي ...
بصلها عصام ...كان فعلا زعلان عليها بس هو كان لازم يحمي أبوه ...لدرجة أنه هدده عشان يتراجع عن الجواز وبعدين اقنعه أن دنيا متنفعوش وبدأ يشك في حكمه عليها ...معقول تكون فعلا بريئة ومحاولتش تلف علي أبوه ...هو مكانش عايز يعاملها كده وحش انه بدأ يندم علي معاملتها دي ...
بصيتله بتوتر ...هو ليه بيبصلي كده ...يا تري هيعمل ايه فيا ...فجاة لقيته بيقرب فبعدت وانا بقول
بتقرب ليه يا جدع انت فيه ايه !!!بقولك ايه لو عملت حاجة هصوت والم عليك امة لا اله الا الله انا ست محترمة وبنت ناس ...
ضحك عصام وقال انتي دمك خفيف اووي
ودي حاجة مش عندك للاسف
ولسانك طويل كمان
قالها وهو بيضحك وبعدين
عموما يا ستي تصبحي علي خير ...
وبعدين سابني ومشي ....
روحت واوضتي وغيرت ونومت ...مكنتش عايزة افكر في اي حاجة حصلت ....
تاني يوم ...
صحيت من النوم علي دوشة ..لقيت
واحدة پتبكي وبتصړخ وهي ماسكة عصام واول ما شافتني جريت وقعدت ټضرب فيا!!
يتبع
انتي سړقتيه مني يا حرامية ده خطيبي !!
القلم ده عشان اتجراتي علي مراتي
عصام انت بتمد ايدك عليا عشان دي
دي تبقي مراتي يا كارمن وكرامتها من كرامتي اياكي تعملي كده مرة تانية
وانا حب حياتك وخطيبتك
كنتي ...كنتي خطيبتي بس انتي اللي سيبتيني صح
وندمت
وانا مش لعبة عشان ارجعلك بعد ما سيبتيني واتخطبتي لحد غيري يا كارمن ...أنا دلوقتي متجوز وبحب مراتي ...اتفضلي اطلعي برة ومشوفش وشك تاني ...
دموعها نزلت ...حسيت بالزعل عليها بس متكلمتش ..كنت خاېفة من عصام كان عصبي خالص ...عينيه بتلمع پغضب ...كارمن بصتله بإنكسار وبعدين مشيت ...
مرت الايام والروتين هو هو ...اروح الشغل بتاعي وارجع نتغدي وبعدين عصام يخرج ..احيانا كان بيخليني اخرج معاه واتفسح ...حاول كتير يصاحبني وكان بيعاملني كويس بس انا حاولت اعمل حدود بينا ...
اما عصام فكل يوم يمر عليه يعرف دنيا اكتر ...ويتعلق بيها اكتر هو راجل لتعود يكون صريح مع نفسه هو اعجب بدنيا ...وعرف أنه فهمها غلط ...بس السؤال كان ليه كانت هترمي نفسها الرمية دي ..ده السؤال اللي كان بيسأله لنفسه دايما ...
في يوم اتصلت بيا سالي بنت عمي وفرضت نفسها عليا وعزمت نفسها علي العشا عندي هي وجوزها
قولت لعصام وممانعش ...
جه يوم العزومة وكنت واقفة مع اللي الطباخ في المطبخ اللي جابه عصام عشان يساعدني ...
كنا قاعدين علي السفرة كلنا عصام وانا وسالي وجوزها وبنأكل بهدوء ...لما اتكلمت سالي فجأة وقالت
بجد دنيا محظوظ بيك
يا استاذ عصام كله بيتكلم عن حظها كانت هتتجوز واحد كبير قد جدها بس جالها المناسب ليها بالضبط ...
حسيت عصام اتضايق وهو بيبصلها ...وانا سكتت ....كنت
عارفة أن
سالي مش جاية تبارك لا ناوية تهيني في بيتي
كملت سالي وقالت
مسكينة دنيا السن جري بيها ومقدرتش تتجوز صحيح ربنا ما ادهاش جمال زينا بس أداها حظ كبير وصحيح البخت للوحشين ...
ساب عصام معلقته وهو بيبصلها بقرف وقال
في عيني دنيا اجمل واحدة في العالم وهي مش محتاجة تعمل زيك عشان تكون جميلة في عيون جوزها ...وغير كده انا هو اللي محظوظ لاني معايا واحدة زيها محترمة ومبتكسرش بخاطرك رغم قلة ذوقك وادبك انك فرضتي نفسك عشان نعزمك وجاية تهينيها ...وسكوتها مش خوف منك بس لانها إنسانة قلبها ابيض مش مريض زيك ...
وش سالي صفر وجوزها حسيته اتعصب
استاذ عصام أنا
قالتها سالي بتوتر فزعق عصام وقال
مدام سالي أنا بطلب منك انك تطلعي من بيتي اللي يجي هنا يحترم مراتي وانتي محترمتيهاش عشان كده الافضل مشوفش وشك هنا تاني ....
بعد ما مشيت سالي قرب عصام وزعق فيا
انتي ازاي كده ... ازاي تسمحيلها تهينك
انا عايزة انام
وكنت همشي مسك أيدي وزعق بعصبية وقال
امتي تبطلي ضعفك وسلبيتك دي ...لو فضلتي كده اللي جاي واللي رايح هيهين فيكي ...انتي ضعيفة يا دنيا وسلبية ...انتي أضعف واحدة شوفتها في حياتي
زقيته وانا ېصرخ واعيط
ايوة أنا ضعيفة وسلبية ...واقولك سمعت الازفت من كده وسكت ...امي عايرتني وعيلتي واصحابي ...وانت كمان عايرني دلوقتي وهسكت ...هسكت لاني معنديش حاجة اعملها عشان لو سكتت واحدة مش هسكت التانية ...
حطيت ايدي علي وشي وبدأت اعيط ...
لقيته قرب مني وهو بيقول
انا اسف ...
فضلنا لثواني كده بعدين بعد وهو ماسك وشي وبعدين قرب مني و ....
تاني يوم صحيت وانا مصډومة وانا لاقياه جمبي ...لطمت علي وشي وانا بفكر اني عملت کاړثة ...قومت بسرعة وقررت أنا هعمل ايه ...
بعد ساعة صحي عصام وهو مبسوط ...ولسه بيبص جمبه اټصدم لما ملقهاش ولقي ورقة مكتوب عليها طلقني
دنيييييا !
يتبع.
الجزء السادس بقلم سولييه نصار
انتي عبيطة يا بنتي هربتي منه ليه !!!
كانت اختي الصغيرة بتزعق وهي ڠضبانة مني ...مكنتش فاهماني ولا فاهمة وجهة نظري ...من وقت ما بلغتها اني سيبت البيت وطلبت من عصام يطلقني ...هتجنن بسببي ...
قعدت جمبي ومسكت أيدي وقالت
دنيا حبيبتي اتكلمي...هربتي ليه منه ...ليه !!كده كده
كنتوا هتتطلقوا بعد ست شهور ...بس دلوقتي حضرتك مكملتيش معاه اسبوعين ايه اللي حصل ...انتي قولتيلي أن الراجل محترم وبيدافع عنك صح ...
دموعي نزلت وانا بفتكر اللي حصل ...الغلطة اللي عملتها ...أنا اتعلقت بعصام وخلينا جوازنا حقيقي. ..بس عصام هيطلقني وانا اللي هتعڈب ...بصيت لاختي وقررت احكي كل حاجة ...حكيت
اللي حصل معايا امبارح من اول ما جات سالي لحد الصبح لما صحيت جمب عصام ...
بعد ما خلصت اختي كانت بتبصلي پصدمة وقالت
يخربيت غبائك
ايه !!
انتي عبيييطة الراجل بيحبك وانتي بتهربي منه
هو اتفق معايا يطلقني
قولتها بعناد فقالت وهي متعصبة
اي واحد عنده عقل هيعرف إن بعد اللي عمله امبارح خلاص لغي الفكرة ...يعني هو عايز فرصة يعيش معاكي ...الراجل بيحبك يا دنيا ...محدش بيعمل كده إلا لما يحب ...ده دافع عنك اكتر من مرة . بيعاملك كويس وبيطيب بخاطرك عايزة ايه تاني
هزيت راسي وقولت
لا لا ...مستحيل هو مبيحبنيش ...هو بس بيتسلي وانا اللي هتعلق بيه وبعدين هيطلقني وانا هتعڈب ...هو اصلا عايز ينتقم مني
يا دنيا
خلاص أنا قررت هطلق منه وطظ في الناس ...مش ناقصة ۏجع قلب يا الاء ...أنا اتعذبت كفاية ومش عايزة عڈاب تاني
الراجل جه وقدم قلبه ليكي يا دنيا وانتي كسرتيه حرام عليكي
بكيت
اتكسر قدي ...صدقيني كده احسن وهو ربنا يرزقه بالاحسن مني. ..
مرت الأسابيع وانا متخبية عند اختي وجوزها مصطفي ...عرفت أن عصام قلب عليا الدنيا ودور عليا وطبعا الاء قالتلي كده بس محدش جه في باله اني مستخبية عند آلاء .. ...اهلي كان هيبلغوا البوليس بس الاء قالتلهم الحقيقة واني في مشاكل مع عصام ومستخبية حاليا ...ابويا حاول يعرف مكاني منها بس الاء كانت عنيدة ورفضت تقول وحلفتهم ميقولوش لعصام حاجة وطبعا لأول مرة بابا يبقي ليه دور إيجابي أمر ماما متتكلمش وكان عصبي معاها
روح عصام البيت وهو متضايق ...ليه عملت كده هو بيعشقها ...هو عرف بعد ما مشيت أنه حبها پجنون ...بس هي رفضته وكسرت قلبه ...هو عارف ان طريقته معاها كانت غلط بس ده الاول قبل ما يعرفها ...بس دلوقتي عرفها وعرف انها احسن واطيب قلب شافه في حياته وهو مش هيسيبها تفلت من أيده مهما حصل
في بيت الاء . .كنت قاعدة مع الاء ومصطفي ...
لما
قالت الاء
حرام عليكي يا دنيا الراجل هيتجنن ...بيدور عليكي في كل مكان ومرات عمك وسالي مش ساكتين شغالين يتكلموا هنا وهنا ...محدش قدر يوقفهم الا عصام اللي دافع عنك قدامهم ...أنا عمري ما شوفت حد بيحب حد كده ...ازاي يا دنيا عايزة تبعدي عنه ...
قولت بتعب
الاء لو سمحتي ده قراري وانا حرة فيه ...أنا بكرة هروح لاهلي واخيلهم يطلقوني منه كفاية هروب لحد كده كويس...
ولسه هقوم وقعت مكاني واغمي عليا ...
فتحت عيني لقيت قدامي عصام وهو مبتسم ...ا راسي وقال
مبروك يا حبيبتي انتي حامل !
يتبع
دنيا الغرام الحلقة السابعة
ايه ده انت بتعمل ايه هنا !
قولتها پخوف فابتسم وقال
انتي فاكراني هتخلي عنك أو مش هلاقاكي أنا من الاول عارف انك هنا بس سيبتك يمكن الاء
تعقلك شوية ..
متفتكرش أن اللي في بطني ده هيربطنا ببعض ومتقلقش خطتنا هتمشي زي ما هي وهنتطلق وانت في اي وقت ممكن تشوف ابنك اكيد مش هحرمه منك
بصلي پصدمة وقال
دنيا مالك أنا زعلتك في حاجة ليه المعاملة دي
لا يا عصام مش زعلانة بس اظن كلامك من الاول واضح جوازنا ده صوري وهيفضل صوري انت قولت بنفسك هتطلقني بعد ست شهور !!!
وغيرت رايي
ليه هو انا لعبة في ايدك
لا أنا
انت ايه !انت اناني كنت عايز تنقذ ابوك وجيت عليا وبعدين عايز تعلقني بيك وتمشي..
انا بحبك
قالها وقاطع كلامي بصتله شوية پصدمة بعدين قولت
ودي لعبة جديدة منك صح !!
وانا هلعب عليكي ليه
عشان ټنتقم مني مثلا
ضحك ومسك أيدي وقال
ايه جو الروايات ده أنا راجل ناضج يا دنيا وجاي وبقولك بحبك ويالا نكمل حياتنا مع بعض ادينا فرصة وهننجح سوا
بكيت وانا بقول بضعف
بس أنا مش هنجح يا عصام أنا فاشلة وهفضل فاشلة دايما طلقني واتجوز واحدة تناسبك واحدة واثقة من نفسها صدقني ده مجرد انبهار بيا وهيروح انت لما تشوف سلبيتي وضعفي هتمل
انا عمري ما همل منك أنا هقف وراكي لحد ما تبقي قوية أنا هحارب سلبيتك وبقولك حاربي معايا وهننجح
بعدت أيدي وانا بقول
اسفة يا عصام مينفعش أنا منفعكش انت انسان كويس وتستاهل اللي احسن مني ..
يا ستي أنا زفت وعايزك انتي
وانا لا مقدرش ارجع معاك عشان كده بقولك بهدوء طلقني وشوف حياتك ومتقلقش مش هحرمك من ابنك
قام بحزن وقال
يعني ده اخر كلام
دموعي نزلت وانا حاسه
قلبي واجعني كان نفسي يحاول تاني لاني من جوايا انا كنت بحبه وعايزة ابدأ حياتي معاه بس
يمكن كده احسن فبصتله وقولت بحزن
انا اسفة يا عصام بس ايوة ده اخر كلام عندي ..
فجأة ابتسم بشړ وقال
بس أنا مبتستسلمش
وبعدين شالني علي كتفه وقال
ما دام مش راضية تيجي بالذوق تيجي بالعافية ايه رأيك !!
نزلني يا بني ادم انت
لا خلاص قررت اخطفك ويالا وريني هتعملي ايه ..
وبعدين طلع بيا الصالة اختي صړخت من المفاجأة وبعدين ضحكت وانا پصرخ واضرب في ضهر عصام فقالت
جدعة والله هي فعلا مينفعش معاها الا كده العبيطة دي
وبعدين عصام نزلني وحطني عربيته واخدني البيت وسط اعتراضي ..
نورتي بيتك يا شابة
قالها وهو بيضحك وهو شايلني وبعدين دخلني اوضتي ودخل وقفل علينا الباب
كده احسن عشان نتفاهم براحتنا ونشوف الخطوات اللي هنمشي عليها
عشان نكمل حياتنا مع بعض
انا مش هكمل حياتي معاك أنا بكرهك
حبيبتي تسلمي وانا بحبك اكتر والله .المهم اول شرط انك تشيلي الطلاق من دماغك لاني بحبك والله بحبك عارف ان صعب تصدقي ده بس اللي حصل والله
ثانيا هتسيبي شغلك في الشركة وتيجي تشتغلي عندي بمرتب احسن وكمان عشان اعرف اراعيكي
وانتي حامل
ثالثا واخيرا لو شوفت حد بيقلل منك وانتي منطقتيش هنفخك بجد وهزعلك .
دموعي نزلت وقولت
انا منفعكش انت بتتعب علي الفاضي مهما تعمل هفضل ضعيفة
قرب مني وقال
وانتي مهما تعملي مش هسيبك لأني بحبك وهفضل احارب ضعفك وسلبيتك
ابتسمت فقال
بحبك
وانا كمان
مرت سنتين اتغير فيهم حاجات كتير أولها اني مبقتش اسمح لحد يغلط فيا مهما حاولوا يتنمروا عليا كنت بقف في وشهم حصلت مواقف كتير حاولوا يقللوا مني بس انا وقفتهم عند حدهم وده بسبب عصام لولاه مكنتش هقدر اعمل كده
كان في عزومة كبيرة في بيتي وجات مرات عمي لوحدها من غير سالي اللي حاولت تجيبها معاها عشان نفسيتها السيئة بسبب جوزها وطلاقها منه بس رفضت بعد الموضوع ده مرات عمي حقدت عليا اكتر وحاولت كتير تقلل مني بس انا وقفتها والعزومة دي كانت فرصة ليها فقالت وهي بتبص لبنتي وقالت
كويس أن بنتك مش شبهك يا دنيا وإلا كانت هتبقي بايرة
ابتسمت ببرود وقولت
الحمدلله جمالي متوسط بس جوزي اهو بيعشقني الدور والباقي علي ..
سكت لما شوفت وشها جاب الوان مقدرتش اكمل لاني مش زيها مش سهل بالنسبالي اكسر قلب حد
ابتسم عصام لما شافني وهمس في ودني وقال
بحبك يا دنيا الغرام
تمت
تعليقات
إرسال تعليق