رواية خطيئة خيال الفصل التاسع عشر19 بقلم هايدى الصعيدى حصريه في مدونة موسوعة القصص والروايات
رواية خطيئة خيال الفصل التاسع عشر19 بقلم هايدى الصعيدى حصريه في مدونة موسوعة القصص والروايات
التاسع عشر خطيئه خيال بقلمي: هايدي الصعيدي
---------------------------------------
اياد بحده : "مفيش ليكم بناااات عندي للجواز و الكلام ده ليك ولأبنك واللي هشوووفه مقرب جمب خيال واحده منهم هقتله ودي اخر حااااجه عندي بعد اللي شوفته امبارح"
هارون فضل باصص له ببرود : "عادي"
اياد بص له برفعة حاجب و ابتسم بسخرية :" بس حلو الميك اب الجديد يا دادي، اقسم بالله انا لحد دلوقتي
محترم الشعرايتين البيض و صلة القرابه غير كده
انا كنت ندمتك علي اللحظة اللي قررت فيها
تستغل ضعف اختي الصغيره و احتياجها ليك بس سهله، من النهاردة لا من امبارح هتشوفوا تصرف تاني خالص "
هارون خبط المكتب بحده : " انت يااض فوق و فكر في كلامك قبل ما تنطقه أنا مستغلتهاش انا هربت منها و من نفسي الف مره، بس انت مش هتفهمني انا في جوايا
نار ، دي المفروض هتبقا خطيبة ابني لقيت العلاقه دي برضو مش بتبعدها عني مش شايفه الياس اصلا،
قولت يمكن تحط اختها بين عينيها و تبعد لقيتني
أنا اللي مش قادر انت مفكرها سهله اني احب واحده
بعد سنين عمري دي كلها و تكون قد بنتي أنا خنت
نفسي و وقاري و مبدأي و ابني لما ضعفت
اختك هي اللي هزت كياني و دمرت الشعرايتين البيض علي
كلامك لما ضعفت ليها "
اياد ابتسم ببرود : "عااادي"
هارون عض شِفته بقهر و عرف انه بيردها ليه : "انت عايز ايه"!!
اياد طلع من المكتب : " هتشوف دلوقتي "
خرج اياد بغضب و بقا يدور علي خيال و حنين زي المجانين و بيزعق بصوت عالي :" خياااال حنييين "
و يفتح في الأبواب و يقفلها و هو بينادي عليهم قام علي صوته كل اللي في البيت و هارون مكانه متحركش
خيال مسكت إيد حنين برعب : "هو عايز ايه انا خاايفه منه"؟!
حنين ضغطت علي إيدها :" بس يا ماما متخافيش اياد ميقدرش يأذينا ده بيحبك اوي "
خيال بلعت ريقها بصعوبه، و افتكرت الموقف اللي اتحطت فيه امبارح و شكلها قدامه و اتمنت تتبخر و تختفي من وسطهم.
و دخل عليهم الاوضة : " يلا لمي شنطكم انتي و هيا ماشين من هنا "
حنين بتساؤل :' خير في ايه يا اياد مالك من امبارح! انت لازم تعرف اللي انت عملته مع هارون ده مينفعش بعيد عن انه اكبر منك هارون ابن عم بابا و ليه الفضل علينا
احتوانا في بيته و قت مكنش لينا حد يسأل فينا يا اياد "
اياد بص لخيال و ابتسم بسخريه :" لا هو من ناحية احتواكم فهو عملها بضميرررر صح يا خوخه بابا
هارون احتواكي صح "؟
خيال دموعها اتجمعت في عينيها و هارون طلع بغضب :" انت ياض يا *** اخلص و لم الحبتين بتوعك دول "
لوسيندا شهقت بصدمه أول مره تسمع هارون بيغلط قدامها
: "انا هبقا *** فعلا لو قعدت باخواتي هنا، و زي ما قولتلك يا رايق ملكش عندي بنات للجواز و لا انت
ولا ابنك"
حنين رفعت حاجبها بإستغراب :" و ده ليه يعني "؟
إياد بصلها بضحكه :" إيه عايزه تتجوزي هارون "
حنين اتوترت : "لا .. قصدي اه يعني هو في ايه"
اياد بص لإلياس اللي هادي و ساكت هدوء غريب :" و انت رأيك إيه يا ليو عايز بابا يتجوز حنون "
و ميل دماغه برفعة حاجب و ابتسم ابتسامه ترعب، اياد بلع ريقه و عرف ان ابن ال**** عرف اللي بينه و بين حنين :" اححم دي دي حاجه ترجع لكم يعني لحنين يعني و بابا "
حنين بصت له برفعة حاجب الي هو بمعني " ونبي يا روح امك
" اياد ابتسم ابتسامه سريعه سيطر عليها بصعوبه و هو بيفكر " يالهوي دي هتفشخني "
و عقد حواجبه بحده
اياد ابتسم بسخريه :" حلو اوي ده"
و بحده : " يلااااا منك ليها انتوا لسه واقفييين هاتوا شنطكم "
خيال اتنفضت بفزع، و جريت و حنين وراها اللي بصت لألياس ببرود و هي بتفكر ايه اللي حصل وصل اياد
لكده ...
اياد عمل مكالمة تليفون علي ما خرج بيهم كانت العربيه واقفه مستنياهم، السواق نزل بسرعه فتح الباب : " اتفضل يا ريس "
اياد فتح الباب اللي ورا ركبت حنين و خيال و هو قاعد من قدام : " اطلع علي شقتي "
: " انهي واحده يا باشا "
:" اي واحده في القاهرة اخلص "
السواق طلع بسرعه و اياد بيهز رجليه بعصبيه و هو بيبص لخيال من المرآيا اللي كل ما ترفع عينها تشوفه
باصص لها تتهرب بعيونها بخوف
هز دماغه بوعيد : " انا هربيكم من اول وجديد و هندمك يا هارون انت والعيل الجلياط بتاعك، أما انت يا جواد
فا حسابك معايا تقل اوي "
طبعا هناك كلهم ساكتين و محدش قادر يعترض ولا ألياس و لا هارون و لا حتي لوسيندا بسبب ان كل
واحد عمل حاجه و اياد عرفها.
و صلوا الشقة و اياد رمي المفاتيح علي الترابيزة وقف قدامهم و هما قاعدين علي كنبة واحده : "اللي هشوفها واقفه مع الياس او هارون حسابها معايا و..
حنين قطعته :" هو في ايه يا اياد حصل يعني لده كله "
اياد غمز لها ببرود :" مش عاجبني همم يا حنون "
حنين بلعت ريقها ... هو ممكن يكون شافني مع الياس : " احم اكيد في سبب برضو "
اياد بص لخيال اللي بصه في الارض :" من بكرا هتنزلي الجامعه و عاااايز غلطه واحده يا خيالي و دينيييي
هنسي انك اختي و هوريكي وشي التاني "
: "و انتي يا حنين مفيش نزول الشركة بتاعتهم تاني"
حنين بقوة : "مينفعش دي زي ما شركتهم شركة بابا الله يرحمه، اللي انا وهو تعبنا فيها سنين طويل مش بعد ده كله اسيبها
ببساطه"
اياد ببرود :" هخلصلك اوراق فصل الشركة و هفتح لك واحده منفصله بطقم كامل و مدير اعمال متشغليش
بالك انا مش هضيع تعبكم "
حنين بتصميم : " برضو لازم انزل و اتابع سير العمل و الصفقات لحد ما يتم الفصل "
اياد بص لها بتحذير : " و لو شوفتك بتتعاملي مع الياس او هارون "
حنين هزة دماغها :" ايوة ايه يعني "؟!
اياد ابتسم لها :" هقتلهممم "
خيال شقهت بخوف و حنين قامت وقفت :" لا ده كده كتيرررر اوي انت بتهددني يا اياد "
اياد بغضب : " اقعدي ... انا مبهددش انا بنفذ علي طول اللي هشوفها واقفه و لا بتتكلم مع الياس و هارون يبقا هي اللي اختارت الاذي ليهم خلصل الكلام نازل اجيب لكم غدا ..."
و نزل و رزع الباب وراه حنين بصت لخيال :" انتي عارفه انا مش مصدومه من تغير اياد المفاجئ قد ما مصدومه من سكوتك و عدم اعتراضك ده "
خيال بصت لها بتوتر :" هو هو اخونا الكبير و اكيد يعرف اكتر مننا "
حنين بسخريه :" نعم مين بتتكلم "!!!
خيال بنرفزه :" هو في ايه يا حنين "
: "في ان انتي عمرك ما سمعتي كلامي بسهوله و لازم تعترضي و تعملي عكس المطلوب منك و لو وافقتيى
بيبقا بعد محاولات كتير، ممكن اعرف بقا عملتي ايه
خلاه قلب علينا كلنا بالشكل ده و مخليكي مش علي
بعضك
خيال قامت و سابتها :" انا محتاجه اخد شاور بعد اذنك "
و دخلت جوه بسرعه و هي بتجر شنطتها وراها ...
رجع اياد و حنين بتسرح شعرها بعد الشاور، و خيال قاعده بشرود علي الكنبه و قدامها التلفزيون شغال حط الشنط علي الارض :" يلا قوموا حضروا غدا "
حنين خدت الاكياس :" خليكي انتي يا خيال انا هجهز كده كده انتي مبتعرفيش تعملي اكل "
و دخلت المطبخ اياد بص لخيال برفعة حاجب خلاها قامت بسرعه و جريت وراه حنين : " انا هاجي اساعدك "
اياد سمع ضحكة حنين : " طب و الله عامله مصيبه يا خيال و هيجي يوم و اعرفها بس علي العموم النظام
الجديد حلو استمر يا اياد "
اياد دخل المطبخ خد تفاحه و قطمها :" اختك متربتش يا قلبي الدلع بوظها، و انتي كملتي و بوظتيها اكتر بس انا جيت أصلح و مش ورايا غيركم حتي لو قسورة ليه رأي تاني "
حنين بلعت ريقها و خيال دموعها اتجمعت في عيونها و بحده :" و انا كنت عملت ايه يعني "؟
اياد قرب منها بهجوم و مسك شعرها :" انتي بتعلي صوتك و مش عاجبك انتي عبيطه يا بت و لا بتستهبلي "
و ضربها بأطراف صوابعه علي خدها و كأن اياد مش مطاوع ديث علي انه يعنفها : " فوووقي هاا فوقي و اعرفي انك غلطتي و الا و ربي يا خيال اعرفك غلطتك
بطريقتي "
حنين بخوف :" سيبها طيب عشان خطري لااا متضربهاش انت اتجننت اووعا يا اياد هي عملت ايه يعني "
اياد زق خيال في حضن حنين : " عندك اهي اسأليها و لو قلبها جابها تقولك ابقي تفي علي وشي لو عرفتي تعترضي يلاااا عايز اطفح جوعت "
و طلع و هو بيبرطم :" نشفتوا ريقي يا ولاد الكلب، ايه يا جدعان ده انا عايش في فرنسا و مشفتش كده يا زواني يا ولاد الوسخه "
حنين بصت لخيال بهدوء مريب و كل واحده بقت تحضر في صمت من غير كلام لحد ما خلصوا الغدا
اياد بدأ ياكل و خيال جت ترجع اوضتها : " خدي خدي تعالي اترزعي هنا و اطفحي بالأدب و كفايه دلع عيال
متستصغريش نفسك ياختي خاصتا بعد اللي انا و انتي عارفينه "
خيال قعدت تاكل غصب عنها، وهي بتبلع اللقمة و غصتها بصعوبه و حنين قاعده تحرك الاكل قدمها بشرود ..
: " عندك لبس زي البني ادمين ولا كله محزق و ملزق"
خيال ببرود : "محزق و ملزق ايه هتدخل في دي كمان"
اياد ابتسم بسخريه :" ده دي بكله ، هي اساس البلاوي كلها "
و قام وقف و خد تليفونه و المفاتيح :" نازل اجيب لك لبس سديتوا نفسي الله يجحمكم "
حنين بصت لخيال بحده : " عجباكي معاملة الكلاب دي قوليلي عملتي ايه يمكن اعرف اتكلم معاه "
خيال بغضب :" وهو ماله هو اصلاااا حاشر مناخيره ليه في حياتنا بيقولي متربتش وهو كان فين السنين دي
كلها يعرف عننا ايه ولا احنا نعرف عنه ايه عشان يتعامل معانا بالأسلوب الزباله بتاعه ده"
حنين بسخريه :" دلوقتي وحش و انتي من حضنه لرجله لضهره و متشعلقه في رقبته و حبيبي و قلبي و بوس
و دلع كنتي تعرفيه منين "
خيال بغصه :" معلشي بقا محرومه ... و جريت علي جوه و حنين وراها عايزه تتكلم معاها بس خيال قفلت الباب
عليها و ركبت السماعات و شغلت اغاني بصوت عالي و قعدت علي السرير ابتسمت بشرود حزين و دموعها نزلت وهي بتهمس :" اشتقتلك دادي"
بعد ما اياد خد حنين و خيال
هارون أمرهم يجهزوا نفسهم عشان برضو يرجعوا القاهرة و محدش اعترض
بعد ما اياد ضرب لهم الأجازة ...
فاتت الأيام و خيال نزلت الجامعه بهدوم واسعه من اختيار اياد اللي فعلا موريها ايام سوده.
الياس كان هيتجنن كل يوم يبعت لحنين متردش عليه و حرفيا خايفه تنزل الشركه لانها مهما حبت اياد هي مش ناسيه المشهد اللي شافته ليه و عارفه انه ممكن يقتلهم فعلا
هارون كان هادي هدوء غريب كأنه عارف هي فين مراقبها و يعرف اخبارها مثلااا
لوسي من بعد الموقف اللي اتحطت فيه وهي مش طايقه جواد، و دايما قافله علي نفسها و مش بتديه فرصه حتي يتكلم معاها
البيت عند هارون بارد و كئيب، و البيت عند اياد كله شد و جذب و حزن و عتاب بيموت بالبطئ
خيال كانت قاعده في قاعة المحاضرات بتدون في الدفتر بتاعها معلومات بسرعه عشان متنساش
نور : "يا بنتي مالوش لازمه اللي انتي بتعمليه ده"
خيال ردت عليها و هي بتكتب :" عاده مش هقدر ابطلها "
نور بإعجاب :" يالهوي ايه ده "؟
خيال مركزتش معاها كتير و قلبها اتقبض و دق بعنف جوه ضلوعها لما سمعت صوت رجولي مميز :" احم صباح الخير "
خيال رفعت عيونها بسرعه و شهقت بخفه : ووووو
**********************************
لمتابعة باقى الرواية زورو قناتنا علي التليجرام من هناااااااااا
بدل ماتدور وتبحث علي الروايات عمل
متابعه لصفحتنا على فيس بوك هنااااااااااا
الرواية كاملة من هناااااااااا
مجمع الروايات الكامله 1اضغط هناااااااا
مجمع الروايات الكاملة 2 اضغط هناااااا
تعليقات
إرسال تعليق