رواية على حافة الثأر الفصل الثلاثون 30بقلم زينب ماجد حصريه
رواية على حافة الثأر الفصل الثلاثون 30بقلم زينب ماجد حصريه
على حافة الثأر
( بقلم زينب ماجد )
الحلقة_30
رميت نفسي بحضنه كأني اطوي صفحة افكاري والمي بحضنته .. وهو ما تردد يلمني بين اديه .. اخذت نفس وكأنما دا اشافي روحي بروحه ..
باوعتله : اني ما اكدر بدونك .. اكول اكدر والحقيقة انهار واتعب كلش من انت نا موجود
- مو وحدج اني مثلج من انت زعلانة لا اندل طريقي ولا عقلي يركز بسالفة يبقى فكري وبالي كله بيج ..
- متأكد من قرارك
- اني كتلج مو غبي ابدلج بوحدة ما اندلتني بس من انترس جيبي ..
- وهي قبلت الطلاق
- شرطت اخذلها بيت هي والجهال حتى لو بالتجاوز .. كلت ابيع سيارتي واخلهم بيت صغير .
- خو بيع البيت اللي بالكوت
- بيتج ذاك
- اي بيعه واشتريلهم بفد مكان زين افضل مما تشتريلهم بالتجاوز صعب يعيشون هناكه .
- دا تفكرين بيهم !؟
- لا بس ضميري يأنبني ما احب اشوف امرأة مكسورة ومذلولة بسبب وضعها .. صح ما اريدها على ذمتك لانو اني ما اقبل اتقاسمك ويا احد بس عوضها بالشي اللي يقنعها ويسد حاجتها .
رجع ظهري للسرير وهو يحضني : مشتاقلج
يهمسها واني اباوع لعيونه .. اخذت نفس لزم حنجي وهو يرفع وجهي غمض وهو يبوسني ..
سمعت صوت امي جوا وهي تصيح : فيااااان ..
نام وسحبني اله واني اسحب الغطا باسني بكصتي .. حجيت : خلي اكوم ابنا جوا
- كبل لا ننزل .. رايد اتفاهم وياج
- على ؟
- على رجعتنا
- تتفاهم ويايا ! على شنو
- اني تنازلت وقررت اطلك غيد حتى نصفى اني وياج بس اني هم عندي شرط
عقدت حاجبي !
وشنو شرطك
ديريد يحجي رجعت امي صاحت كال : روحي روحي مو هسه افضل نكعد ونحجي على هدوء ..
ضليت اباوع عليه: شرطي مراح يتعبج لتخافين
التسمت كرص خدي وباس اصابعه الكرصني بيهم ..
كمت من مكاني بدلت وهو اخذ ملابسه ... طلعت من الغرفة هو نزل ورايا بطرك الشورت مال البيت .. و الفانيلة الداخلية
نزلت وماما صارت كبالي : يلا ابوج اجا وهيانة ابنج بس... شافت عباس ورايا
- هذا شجابه
طلع بابا شاف عباس دينزل عقد حواجبه حجه عباس : هلا بيك عمي
ندستني امي : متحجين شكو !؟
- اتصالحنا
- شنو تصالحتوا صدك تحجين !؟
- ليش بيناتنا طفل واجا تفاهم ويايا وخلص نهينا المشكلة وهو قرر يطلق غيد
بابا تضايق ومشى للاستقبال عباس تجاهله وراح للمطبخ .. واني اخذت ابني من ايد منال وامي تكلي : تعالي هناية يولي شنو تصالحتي شنو تضحكين شنو هنا كدامج قشامر احنا ماما
- قشامر ليش
- ب٤ متواعدين ديجون يطلكون شنو جايبته للبيت
- مجبته هو اجا
- وشلوووون تسمحيلا
- هو دخل ماما وبعدين اذا طلق غيد ما عندي مشكلة وياه خلص
- اي خلص مو على كيفج خلص عباس مخلالج ولا خلا لابوج قيمة ضربج كدام الناس وانت ببساطة سامحتييييي
- وشنو المطلوب اسوي !؟
- شنو المطلووووووب
- ماما اعتذر !
- وتفض باعتذر هذا الانسان ميفيدججججج
صاح بابا : فيااااان
- اروح لبابا
صاح عباس : فيان انطيني ادوووو مشتاقله
باوعتله وهو ياخذ ابني من ايدي
رحت لبابا كال : بنتي شنو متواعدين على طلاقكم شنو نزلتوا متصالحين ! فهمونا
- بابا جنت نايمة واجا باس راسي واعتذر وكال قررت اطلك غيد يعني شنو بعد اطلب اكثر من الاعتذار والطلاق ..
حجت ماما : يعني امنتي واطمنتي عادي استغفلج ٧ اشهر ومرجعها والله يعلم شمسوي ممسوي وضاربج وهاينج وهاين ابوج وابيتج .. وتكولين شنو اكثر انت الكوليلنا شنو اكثر من هيج بعد حتى تتركيييي
حجه بابا : هذا بعد مدام انت مقتنعة رأيج وقناعتح اني ما اكدر اذخل بينكم رغم ما راضي بقرار الرجوع
حجت امي : متدخل شنو ميسويله مكسورة وياها بعد يومين وترجعلك بابا خلصني وبابا ساااااعدني
- شسويلها اذا هي تريده
- واذا هي حمارة متعرف مصلحتهاااااا وين
- بعد كل انسان عقله براسه ويعرف خلاصه دا تأذي نفسها مدا تأذينا
فات عباس كاله : تأذي نفسها بشنو !؟ شنو السويته بيها اني حتى اذيتها سمحت لاحد يتعدى عليها !؟ هان عليه اترك معلكة ١٠ سنوات حتى تمشي بالاريده اني ..
نفر ابويه وهو يكلوله : ميحقلك تحجي هالكلاااااام
- ولا يحقلك تحجي عمي احترامك على عيني وراسي بس مال تطلعني اني الظالمها لااااااا اوكف.. باوعلها وشوف فيان كبل وبعد من جانت عندك وعايشة ع المهدئات والدكاترة النفسيين لو من صارت عندي .. واستقرت وصار عندها عائلة وطفل وارتاحت نفسيتها .. صارت مشاكل وماكو بيت ما يصير بيه مشاكل وتصافينا شنو الرايدينه بعد ؟
تنهد ابويه : شأنكم مالي دخل بقراركم .
حجاها وديطلع
حجه عباس : كبل لتطلع اخذ الوالدة بطريقك
اندار بابا واني كتله : هيج ما اقبل عباس
- ما منتظر منج تقبلين مثل ما انت ما تتحملين تعيشين ويا امي اني هم ما اكدر .
- امي دا تساعدني ... بعدتني امي وهي تقاطعني
- شو شو بالله منو هذا اليطردني منوووو ءءءءءءه هم العكروك صار اله ضروك ... رايد تطردني من بيت بنتي
حجه بابا : سعاد من الافضل تتركيهم .. امشي اوصلج
- لا يا عييييني مو اني الطلعني من البيت حتى يصفاله الجو ويلعب على كيفه .
- عباس هالموضوع مرفوض
- هذا شرطي اللي كتلج عليه فوك اني امج ما اريدها
حجت امي : ليش تخليني احجي مفشك واطلع المضموم بكلبي بس اعرف ليش لان اني كشفت التليفون واني الخليتها تروح لبيتك وتكشفك واذا بقيت اني احتمال اكشف كذبة طلاقك من غيد وتخرب عليك الوضعييييية مو
- ماما ارجوج روحي بغرفتج واني اتفاهم وياه
- هالموضوع ما بيه تفاهم .. واني منتظر اتطلع المضموم خاطر اني هم اطلع المضموووووم .
- انت اتطلع المضموووووم شو شو شو بالله طلع اني دا اسمع
بابا وكف يباوع بتمعن لوجوهم ..
وهو يكللها : يجي وكت الحجي ونحجي كلشي
- معناها احجي اني ليش يجي وكته .. تدري هالغشيمة بسالفة نور اللي جبتها للبيت وهي مموجودة !؟ تدري التليفون اخذته منها هو حتى تخابر نور مو غيد ..
باوعت لعباس .. حجه عباس : يا نور
- تنكرررررر
- والعباس ما عندي شي ويا نور لج هاي شيطان كاعد ترتكب عليييييه
- معناها تكدر تخابرلنا ابو الشقة البالكرادة وتكللنا ليش اجرتها من عنده
فيان : اي شقة !؟
- لج انت غشيييييمة متعرفييييين بسوالفه
غبية مفتحتي التليفون وشفتي شكو ماكو بيييييه
- والعباس ما بيه شي ..
- معناها جييييييبه خل نشوووووف
- بالسيارة
حجاها وطلع بهمة للسيارة
بابا يباوعلي واني احترك كلبي من الكلام .. واني اكولها : ليش دا تلمزين متكوليلي شمسوووووي ليش تضمييين
- وشيفيييد لو حجيت يفيد وياج ليش يريد يطلعني حتى يخلاله الجووووو.. وشوفي كدام عينج راح يجي ويكول التليفون مفرمت واكو واحد مفرمته حتى يطلعني جذابه ويبقى ياكل براسج
لج شايفج راس عالي يحصل من وراح ملاااااااييين من صدكج تريدي يعوفج لو مصدكة ميت عليج لو على ابنج اثنين ولد شمرهم عد خوالهم لا سأل عنهم ولا هتم لغير روحه .. لج شسويلج بعد وتصدكييين هذا راييييد يستغلج
بابا كاللها : عوفي الكلام هذا واحجي شنو الضامه عباس
- واني شعرفني اكيد جذبة من جذباته رب الجذب كل هالجذب وسبع اشهر منومج على اذنج هسه متريدي يجذب عليج
هي تحجي اني بقى بالي يم التليفون تركت ماما وامي وطلعت وراه سيارته برا .. فتحت الباب لازم التليفون وعاقد حاجبه ومبين عليه علامات الانزعاج
اشرتله انتبهلي اجا : التليفون مفرمت
- فرمته !
- والعباس ما مفرمته اني
- من زمان اكولك اليحلف هواية ما اصدكه
- ما مفرمته اني والله .
- لتخبلني
- شوفي ما عندي شي غير الحلفان ادافع بيه عن نفسي كبالج واكلج ما مسوي شي عاد تصدكيني ما تصدكيني هاي بقت يمج بس اني ما فرمته
- بس اخذته مني بدون متخليني افتح الرمز نوووور شعندك وياها عباااااس
- ما عندي وياها شي
- ما فرمته ما عندي وياها شي الشقة الذكرتها ماما شنوووو حتخبل
- طبي جوا لتصيحين برا
- هسه هو هذا الهامك
- امشي بدلي خلي نطلع ونتفاهم مدام امج بالبيت ما راح نتفاهم بشي
- مراح اطلع لمكان وتدخل هسه كبال امي تكولي الشقة شنو
- الشقة امج طلبت مني اجرها
- وامي ليش دا تطلب منك تأجرلها شقة ما عدها بيت مثلا !؟
- هذا اللي صار روحي اسأليها الها
- ليش ما اسألك الك .. العقد باسم منو مال الايجار ووين اجرت الشقة
- اجرتها لامج هي اللي طلبتها مني
- وماما شتسويييييي بالشقة
- شمعرفني امج شعدها ما عدها روحي اسألها
- انت دا تحاول تشمرها براس امي شوكت مأجرها وليش مكالتلي اذا لامي ليش محجيتلي من وقتها ..
-كتلج لتصيحين منا نااااس
عافني ومشى .. تبعته صعد فوك
لزمت الدرج : عباس لتتهرب انزل نحجييييي
- اصعدي ونحجي
طلعت ماما : انت غبية بعد كل هذا وتريدي يحجي شبيج بنتي يريدج اتصعدين للغرفة حتى بلكي بشبكة وكم حضنة يخليييييج تنسييين
طلع بابا كال : فيان كومي بابا امشي ويايا
باوعتله : امشي وين قبل لا اعرف كلشي
- اني اعرفلج كلشي
اندارتله ماما : شتعرفلها انت اكثر من الكتلك ياه
- اعرف الحقيقة اللي مدنعرفها واللي دا تشمرون روس اقلام على روسنا انت تهددين وهو ينكر وكل واحد بيكم وراه امر مخفي
فيان :- مراح اطلع منا اذا ما راح اعرف شديصير من ورايا .
- اني دا احجيلج كلشي شنو الضميته عليج بعد حتى تلوميني ما ردت اذيج اكثر اعرفج تتأذين كتلج بس بسالفة زواجه حتى متبقين غشيمة واني الدليتج على تليفونه حتى تعرفين مل سوالفه شسويتي اخذ منج التليفون بدون متفتحي .. ورجعج بدون متحاسبي على استغفالج
وهسه دا اكولج عنده شي ويا نور وجان ياجر شقة واجت لهنا شحتسويييين راح تصيحين شوية وتبجين شويتين ويلعب بعقلج وترجعين تتصافين وياه
نزل وهو يكللها : مو شغلج اذا اتصافى وياها لو لا مرتي اني وياها انت ما تدخليييين بيناتنا .. ما اريدج ابيتي كوا كل هذا سويتي بس حتى ما احطج ابيتي لزكة انت بويييييه ما نريدج
حجيت : مو انت اللي تقرر تريدها او لا قبل لتجاوبني على كل الاسئلة اللي انطرحت هنا نور شعدها اجتي لهنا .. وليش تليفونك تفرمت
- تكدرين تخابرينها لنور وتتأكدين
- اكولك احجيلي ليش اجرت شقة تكولي سألي امج اكولك ليش اجت نور تكوليها سألها اني دا اسألك الك ليش مدا تجاوووووبني ليش تتهررررب
- اني ما تهربت كتلج الكلام العندي وما جاي تصدكين شسويلج !؟
- وشنو هو الكلام الصدك انت من زمان جنت تتراسل ويا نور وتخابرها وتكولي ما عندي شي وياها
- المرة تخابرني تسولف شني اكلها مرتي ما ترررررررضى
- يعني محاسبلي احساااااااب ومستهين بيااااااا
- شوفي اذا ناويه تصيحين وتخبصين روحج كدام اهلج مو اتصايح وياج وعلي راسج اكسرة رايدة نكعد نتفاهم بغرفتنا تريدين ما تريدين يضربج وجع
حجاها ورجع صعد
وماما وبابا بالاستقبال يتحاجون لزمت راسي كام يوجعني مدا اعرف شافكر .. وشسوي دينكر كلشي وماما دا تثبت عليه كلشي
مشيت للاستقبال .. بابا ديحجي وياها بصيغة تهديد طلع من شافني ومشى وماما وكفت محترك كلبها ما جاوبت بأي شي
-خلي ادو يمج اني رايدة اطلع اتفاهم وياه
- ما الج طلعة ويا اسمعي مني
- اريد افتهم
- مراح تاخذين منه لا حق ولا باطل
- ونبقى هيج
- لتصيرين غبيييية دا اكولج لتخلي يستدرجج
- ماما اذا بقيت هيج راح اكوت من حركة كلبي اني مرايحة اصدكة اني رايحة اريح بالي رايدة افتهم
- محيفهمج
- ماما الله يخليج كافي .. اتركينييييي
- هسه اني اللي اتركج !؟ اني اللي اريد مصلحتج ورايدة الزين الج طلعت مو زين واريد اخرب بيتج !؟
- اني مدا اقصد هيج
- لا هيج ونص اني دا احذرج وانت متتحذ يني اني تعبت منج اني مدا اكدر افيدج الضاهر انت صدكتي ومدا تصدكيني
- اني مصدكتج الج بس رايدة اسمع
- اسمعي لشو اسمعييي عساج سمعتي طول عمرج اني شكو .. صوج خايفة علييييج
كامت تمشي وتريد تلم بهدومها ..
واني احاول اهديها ومتقبل وهي تكولي : ابقي ابقي بس اطليعن باب بيتج يجيب وحدة وراح ويعيش اهلج براسج وحتى الكالج اطلكها ميطلكها ويبقيج غشيمة يشتغل ويستفاد براسج وانت ابقييييييييي .. ابقي
اخذت جنطتها ودا تريد تطلع : ماما الله يخليج لتعوفيني
- ابتعدي فيان كلش اذيتني مدا اكدر اتحمل كلامج الي ابدا
- مدا الومج الج اني دا الومه اله والله ماما اللهي خليج بس اتركيني احاسبه اني
- اي حاسبي اني شكو ..
- لتعوفيني وحدي ما اكدر احتاجج
- ابقي فيان ابقي اني ما اكدر ابقى ببيت بيه عباس ابقي
عافتني وطلعت نزلوا دموعي ..
صعدت لكيت عباس مطفي ومتمدد وديريد ينام .. شغلت الضوا : دا تتهرب للنوم يعني اكعد .
- شرايدة فيان
- هسه تكعد تحجيلي كلشي
- حجيت كلشي عندي
- لا ما حجيت شوكت جايبها لنور هنا
- هي اجت اني ما جايبها .
- شوكت
- قبل خمسة اشهر
- شعدها ..
- ما اتذكر اجت سلمت امج جانت هنا .. وجنت طالع كالت وصلني
- ووصلتها
- البنية جانت تحوم تريد مني فرصة بس اني ما عندي وياها شي .. وهالشي كلته الها وابتعدت منها وهي هم ابتعدت وافتهمت وصار كومة لا واصلتني ولا جايتني
- عباس طلعت اني غبية وما ادري عن كلشي
- مو هيج والله يا حبيبي هالامور لو احجيلجياه ادري راح تتعبج وتكومين تدورين بتفاصيلها وتفكرين وتزيدين بخيالج وتتأذين واين ما عندي شي وياها
- لو ما عندك شي جان كلت بس انت كذاب .. وبكلشي دا تكذب ولاكون صريحة وياك اني مدا اصدكك ابدا .. واذا جان عندي سبب واحد للطلاق صارت اسباب
- قبل لا تدخل امج مجان اي سبب وكلشي منحل .. امج بيناتنا خراب
- امي مدا تخرب شي امي بس دا تخليني على بينة من خيانتك واستغفالك وسفالتج
- رجعتي تتجاوزين
- عباس الحل شنو
- الحل تصدكيني وحدي .. كافي اهلج سنين محد منهم بحالج من اتزوجتي صاروا كلهم رايدين مصلحتج .. كافي مدخلتهم بنصنا كاااافي خلينا نعيش ما ردتي اهلي كتلج امرررررج طيعيني
- مشكلتنا موووووو اهلي لتكلب المووووووضوع وتسوفه اني مو غبييييييه كدامك كااااافي تستغفلني
اندكت الباب وصوت ادو يبجي .. فتحت الباب بقوة ومنال تكولي : ست مدا يسكت
اخذته منها وهي تنطيني الممية
كمت احاول انومه ميقبل .. حطيته على جتفي وهو يلوب يبجي كامله عباس واخذه من ايدي كام يبوس بيه ويلاعبه واني لازمة الممية واباوعله كارهته من كل كلبي احسه شايفني فد انسان غشيم ومستغل حبي اله ويتجاهل كلشي بقباحة وكأنما ممسوي شي
كعدت على حافة الجرباية واني ادنك من التعب وهو يلاعبه ويضحك وياه ويكولي : انطيني
حجاها واخذ الممية من ايدي باوعتلهم ديرضعه ويهز بيه .
- عباس اتركنا الله يخليك تعبنا منك
- تعبتي من امج وفتنتها وشيطنتها بيناتنا لو ما امج جان هسه احنا متصالحين وما بيناتنا اي شي
- قصدك غشيمة وما ادري عن اي شي .
- اني ما مستغفلج واذا شي اضمه عنج حتى ما اضايقج لو اقهرج مو كلشي لازم تعرفين بيه اني ادري انت انسانة حساسة وهالامور تأذيج ليش اذيج بيها واني والله ما عندي اغلى منج ومن ابني ولج والحسين وروح وابويه اغلى منج ومن ادو ماكو ما عندي غيركم ليش ما جاي تصدكيني شنو مصلحتي وياج والله ما رايد شغل عمي خل ناخذ جوالاتنا وارجع اشتغل عمالة راضي .. اني وايد اعييييييش وياج وراضي باللي ترضيييين بيه شنو الاسوي بعد ويرضيج
مو هي هاي بغداد الزعلتي ٣ ايام حتى نجي نعيش بيها اني وكتها رايد نور عندي شي ويا نور لو رايد بس نستقر اني وياااااج والله ما عندي شي بيش احلف بعد وشحجي حتى تصدكيييين .
-اخاف اصدكك واكون غبية .
تقرب مني وفتحلي ايده وخلاها ورا ضهري : غبية ليش هو اكو مرة هنتي عليه لو اختاريت غيرج حتى تشوفين نفسج هيج مو جايج ومطلك ام جهالي بس حتى ترضين شنو التريدينه مني بعد واسوي تليفوني بيدج عمي خلي بيدج تريدين تحطين احد يراقبني حطي سوي كلشي يريحج اني اليهمني نعيش مرتاحين كافي مشاكل مو والله تعبنا حتى ابنا تمرض من ورانا .
مد يريد يبوس راسي وخرت من عنده وكعت الممة من حلك ادو كمت شلتها ورحت للحمام غسلتها ورجعت .. وهو يمدده بصفه وياشرلي انطي الممة
انطيته وعفتهم بالغرفة ونزلت ..
كعدت بالمطبخ دخلت منال : تأمريني بشي ست
باوعتلها : اكعدي
- صار
كابلتني كلت الها : انت حيصيرلج سنة عدنا واكيد كلشي دا تشوفي كدامج .. شتشوفين !؟
- والله ست اني مشايفة شي
- اتفهم وضعج وانت متحاولين تفتنين على احد وهذا حقج بس اني محتاجة نصيحتج محتاجة احد عايش ويانا يوجهني بدون احقاد ومهاترات ..
- اني منو حتى انصحج ست انت ام العقل الحبير وانت التحلين المشاكل .
- منال بلا هالكلام وساعديني
- ست اني صارلي سنة هنا ما شفت شي على الاستاذ عباس
- مسمعتي مرة يخابر من وراية لو يحجي
صفنت وكالت : لا ما سمعت شي
- زين اني مستعدة انطيج فوك راتبج ضعفين بس اريدج تراقبين البيت بغيابي واي شي يصير تكوليلي
- ما اكدر ست اعذريني هالموضوع راح يسويلي مشاكل اني مو بكدها
- منو يسويلج مشاكل اني. اضمنلج محد يأذيج
- ما اكدر اني اكضي شغلي وبس ما اكدر اودي حجي واحيب حجي
- مطالبة تودين حجي اني طالبة بس تراقبيلي البيت واي شي يصير بغيابي ولو صغير تكوليلي
- تأمريني امر
حجتها بشكل مجاملة عرفت متريد تساعد بشي تخاف على رزقها .. هزيت راسي وكلتلها : تمام تكدرين تكومين تشوفين شغلج .
- تحبين اسويلج شي
- فنجان كهوة سادة .
- صار
دنكت واني افرك براسي .. حايرة شنو اسوي .. وشلون اتصرف .. حطتلي فنجان القهوة .. كلت الها : جيبيلي تليفوني بلا زحمة
- صار
اخذت فنجان الكهوة شربت وراسي صار يأذيني كلش .. انطتني التليفون طلعت رقم ام غيث اتصلت : الو
- يمه هلا هذا منو الطاكرني ومخابرني كل الهلا بصوتج داده
- اهلا ام غيث
- هلا بيج احبيبة اكو شي كولي
- رايدتج انت ونور عندي
- خير
- رايدتكم وبس
- ها .. اي صار هسه اكعدها لنور ونجيج ادللي احبيبة
- انتظركم .
قفلت الخط وكمت صعدت للغرفة شفت عباس وادو نايمين وغاطين بنومهم .. عجيب شكد بلا احساس هو الانسان بنص هالمشاكل شلون يكدر ينام !؟
ميفكر ، ميأنبه ضميره، ميحسب .. بسرعة حط راسه ونام !
اخذت ملابس رحت للحمام سبحت ونزلت لغرفة امي ضربت شعري شسوار حتى ينشف .. اندكت الباب طلعت منال دخلتهم جوا واجتني : ست هم بالصالة
- تمام
مشيت للصالة سلمت على ام غيث
حجيت : نور انطيني تليفونج
- ليش
- افتحيلي تليفونج وطلعيلي رقم عباس بجهازج
- ما عندي
- معناها انطيني اتأكد
ام غيث: صاير شي حبيبتي
- اللي صاير بنتج دا تحاول ويا زوجي وتراسله وتجي للبيت واحتمال حتى طالعة شقة وياه وهذا طبعا كله يندرج تحت ما يسمى بالمجازة .. اني قصرت وياكم بشي حتى بنتج دا تحاول تاذيني بعائلتي ؟
نور : والله ما عندي شي والقران ما مخابرته والله
-مصدكتح ولهالسبب اني حابة اشوف رقمه من تليفونه لان هو ديكذبج ويتهمج
-ست والله .... قاطعتها
-تليفوووووونج نور
كامت امها وكالتلها : طلعي تليفونج
وكفت على جنب .. هي وامها كاموا يتحاجون سحبت التليفون وبقت تدمغها حتى تفتح الجهاز كوا فتحته .. وسحبته وكامت تدافع ويا امها وتكللها : ما من حقكم تفتحون تليفوني اني ما عندي شي ويا زوجها .
وامها تتعارك وياها .. سحبت تليفونها ودا تحاولت تطلع وهي تكلب بالتليفون ودنكة وامها تجر بملابسها من ورا ..
خلت وشمرت التليفون وكسرته امها تخبلت
عباس نزل على صوت الصياح والعرك .. حجه : شديصير
- كسرت التليفون حتى ما اشوف شكو بيه وانت فرمتت الجهاز حتى ما اشوف شكو بيه .. فشنو هو اللي ضامي حتى اني ما اشوفه
-انت مخبلة طالبة البنية للبيت حتى تفتشين جهازها يمكن عدها علاقة بغيري يمكن عدها اسرارها تفضحينها حتى انت ترتاحييييين شنو هالأنانييييية
-انت دا اتدافعلهاااااا
-منو انطاج الحق تجيبين البنية لهنااااااا وتذليهااااا
تكبرج وغرورج هذا كااااااافي منه عيييييييييب
-دا تصيح عليه كدامهم
-واكسر راااااااسج جيتهم لهنا اهانة اني معناها اني جذاب وممصدكتنييييي
-لان انت من صدك كذاااااااااب
ضربني راشدي بكل قوته !!
رنة الراشدي صفرت بأذني كآنما انزرفت طبلة اذني من قوته : انت تضربني على مودها وكدامهم !!!!
-اضربج لانج مو محترررررمة وطااااايحة حظ وما تصيرلج كل جاااااارة
حجاها وعافني اني بقيت فاتحة حلكي ولازمة وجهي وام غيث تتعذر مني كلتلها : طلعوا برااااااا
-والله داده ما ادريدبيها لو ادري اكص راسها والله
عفتها تحجي ودخلت جوا
احتركت نار طردت الكل من كدامي وصعدت لكيته سابح ومبدل يريد يطلع :تضربني وتهيني عباس كدامهم !
- تسأليني اليييييي متسأليييين نفسج تكليل جذاب وتهيني كداااااام النسوووووان شوكت تحترمين شوكت تبطلين غرورج هذااااا
فز ادو اني ركضتله وهو مستمر يصيح : اني ما اشتغل عندج اني رجلج وغصبا ما على راسج تحترمييييين واذا ما تحترميييين مو بس اكتلج والعباس راسج اكسره .
- اذا كملت اطلع برا
ضرب تليفونه ع الجرباية وصاح : خرب انه اذا صدك لح بابا انت رايدتني اذيج
- ما اريد اشووووووفك كدااااامي اطلع
- مو على كيييييييفج ما عاجبج انت التطلعيننن
لزمني واني شايلة ادو دفعني لبعيد ردت اوكع لزمت بالحايط .. كتله : تدفعني والطفل بيييييدي الله ياخذك ان شاءالله يا حيوان
فز من مكانه واجا لزمني من شعري حيل : ولج منووووو الحيووووان
وشالني وهو يجر بشعري كمت اصيح وابجي والطفل تخبل كام يصيح ويبجي بقوة ..
اخذ الطفل من ايدي وهو يكلي : اتجاوزي بعد وشوفي شسوي بيج والقران دفرة اكطع نفسج وانعل والد والديج
حجاها وطلع بأدو
كعدت بالكاع ابجي بضعف وحركة
كل ما اكول الحمدلله صفت انخبطت حياتي وعادت هوسة
مدا اعرف شنو الحل .. الحل بطلاقي منه لو شسوي
كلش تعبت من حياتي ..
لميت نفسي وكعدت وضايعة بروحي ..
ساعة ويمكن اكثر كاعدة بغرفتي
صعدتلي منال جايبتلي الطفل : هو وينه
- طلع كال صعدي الطفل لامه
اخذت ابني ونزلت .. هو ينغوص مدا يسكت ولا يبجي بجية كاملة حطيت راسي على ظهره يتنفس بصعوبة واكو خرخشة .. افتريت بيه منا منا مديسكت
حجيت : هو طبيعي هيج تنفسه ؟
منال : لا والله ست مو طبيعي مختنك خطية
-جيبيلي التليفون
صعدت جابتلي ونزلت خابرت بابا يدزلي سايق وكلت الها : بدلي دا تروحين ويايا
-صار
وصعدت بدلتله ولبست واخذت جنطة اله وطلعت اني ومنال للدكتور .. نزل الحارس سجلي وبقيت كاعدة بالسيارة لحد ما اجا دوري .. دخلت ع الدكتور
باوعله كالي : ابنج ؟
- بلي
وحجتله حالته واحتمال عنده متلازمة داون
كال : جيد من شنو يشكي الان ؟
- من يبجي يفحط بسرعة حتى من يرضع لو يلعب .. واكو عنده خرخشة بصدره وتنفسه احس بيه مشكلة
حط سماعة القلب على صدره
قاس وزنه كال : الطفل عنده زيادة وزن عنده التهاب بصدره بس دكات كلبه مو صحيحة
- شلون يعني مو صحيحة ؟
- سويلي ايكو وارجعيلي حتى نعرف قلبه الحلو شنو بيه
ابتسم الي وهو يلاعب ادو
حجيت : دكتور الله يخليك بيه شي
- احجيلج واخوفج واني ممتأكد كولي يا الله ليش مفاولته غير نفحصه حتى نعالجه سويلي هذا الفحص وتعالي
- شكرا الك دكتور
شلته صار يبجي طلعت اخذته منال مني رحت لفحص القلب نزعوه ملابسه كام يبجي احاول الزمه تأذيت كلش كمت ابجي وياه الحارس ومنال لزموه عني كمت الزم بگلبي : دخيلك ياربي لا تأذيني بيه لا تأذيني بأبني دخيلك
كملوله الفحص ومنال لبسته والحارس يكول : سهلة ست ما بيه شي الطفل زين بس صلي ع النبي.
رجعنا بيه للدكتور .. كال : عنده انسداد بالصمام وهالشي ديسببله صعوبة بالتنفس ومثل متكولين يفحط ..
- انسداد شلون دكتور يعني ابني مو بخير
- حاليا هو بخير بس راح ننطي ادوية اذا ما نفعت الادوية نضطر نسويلة عملية قسطرة
- عملية !
هو صغير مينحمل العملية دكتور الله يخليك ابني
حجيتها وبجيت
- لتبجين بابا اخذي هذا الدوا والتزمي بيه اسبوع وارجعيلي اذا ما اتحسن عليه عود نسويله بس التزمي بعلاجه .
طلعت من الدكتور ..
ابجي واني شايلته اخذت التليفون
خابرت على عباس رد : الووو
- ها فيان
- انت وين
- يم امي بالمستشفى كولي
- ادو طلع عنده انسداد بالصمام ويكول احتمال نسويله عملية
فز : شنو شوكت هاي عفته الطفل يلعب ما بيه شي وين انت هسه
- يم الدكتور بالحارثية
- ابقي مكانج هسه اني جايج
- لا تجي خليك يم امك انت اصلا ميهمك غيرهم اني والني اخر شي تفكر بيه .
- هسه التمضر* هذا وكتتتتتتتتتته
قفله بوجهي اخذت ابني ومشيت للصيدلية انطاني كل العلاج وكتبلي طريقة العلاج ..
دنريد نصعد بالسيارة .. خابر عباس .. انطيته لمنال كاللها : انتم وين بالحارثية ؟
دلته كلتلها : كوليله حنرجع للبيت
طلعنا للبيت هستوني دخلت هو صف سيارته واجا وراي : وينج شبيه الجاهل
اخذه واني افرك بوجهي واكعد ع التخم
احاجيججججججج جاوبي شبيه الطفل
- شيهمك البيه والما بيه افضل تلتهي بسوالفك الوصلتنا لهنا .
باوع لمنال : شصار بس احجيلي
- مصار شي من طلعت وعفته كام يبجي وراك ميقبل يسكت صعدته للست تسكت بيه وميقبل يسكت فحست بيه فحطان وميكدر يتنفس بسهولة عاد مشينا للدكتور طلع عنده انسداد بالصمام .
- وشنو الحل
- انطاه علاج لازم نلتزم بيه بس احتمال يحتاج عملية اذا ما فاده العلاج .
- تمام اخذي راحتج ابويه روحي هناك .
يحجي وهو يبوس بادو .. اجا كعد يمي اخذ راسي باسه : اني اسف يابه والله ما بقصدي اذيج بس انت تأذيني بسوالفج
- وخر مني
- على راحتج بس لا تزعلين
كام يلاعبه ادو يسكت بمناغاة ابوه ويفرح ويكوم يضحك .. اندارلي : وين العلاج
- لازم اوكله مماكل شي
- دكومي جيبليه الاكل
جابتلي منال الاكل كمت اوكل بيه وهو بحضن عباس وهو يحجي : امي كلش مو زينة و تعبانة حيل .. والبيت هناك مي ما عدهم والماطور ما يسحب .. رايد اجيبها لهنا باجر بس مشاكلنا ما جاي تخلص وهي مو حمل مشاكل
-دا تحملني ذنب مشاكلك وكأني اني اللي مسوية المشاكل
-ما كتلج مشاكلج شبيج تهامشين ذبان وجهج جاي احاجيج بهدوء
- زين .. شنو المطلوب
-اجيبها هنا ويكون البيت هدوء .
بقيت اباوع عليه بدون كلام حجه : تباوعين عليه
تنهدت : والله ما ادري
- علياء راح تجي وياها
- واطفال علياء والمنا ومنا واترسلي البيت بلا زحمة لويش اتقبلهم !؟
- يعني ما تقبلينها بالبيت
- ممجبورة بيها كافي عليه متحملتك وزايد مني تدري .. حجيتها ودا اريد اكوم
حجه : اصلا الموضوع كلاوات واني ردت اختبرج لو ردت افرض امي عليج ترضين الحمدلله عرفت الجواب
-شتقصد
-امج مالها فوتة لهالبيت .
- اكولك انت مستوعب الوضع اللي احنا بيه حتى جاي دا تملي عليه اختبارااااات واوااااامر
- لان اني مليييييت طلعت روحييييييي
امي مريضة ابني مريض انت زعلانة وتهوسين وتنكين اختي جهالها غيد جهالي شغلي اخوي عشيرة راااااااح اطك خليني عاد ارجع للبيت ارتاااااح يا بشررررررر واحد يرتاح ببيته اجي الكى امجججججججج
كااااااااااافي حسيييي على دممممج طكييييت
حاضنة ابني وهو يصيح وحاطة ايدي على اذنه
كمت من مكاني وصعدت فوك .. تمددت واني اطبطبله دينام
دخل عباس يبدل .. واجا تمدد ورايا
اني كمت من مكاني سحبت فراش وخليته جوا حجه : ليش
سحبت الطفل وكعدت ع الفراش : ليش عزلتي مني
-تعبانة ما بيه حيل مشاكل الله يخليك عوفني بحالي .
تنهد ما حجه كام طفى الضوا واجا تمدد على بطنة ع السرير ونزل ايده وهو يلزم ايد ادو .. بقى ادو يحوص ويلزم بيده يريد يمه
رفعه وخلا على ايده .. وناموا
سحبت داريان من ايده لان اخاف يتحرك ويوكع وهو ع الحافة ونومتة بالكاع يمي وبقيت اتكلب اريد انام ما اكدر .
كعد نص الليل كام للحمام اني مجايني النوم رجع تمدد مد ايده تذكر اني جوا .. دنك شال ادو حطاه بنص الحرباية ونام بمكانه يمي بالكاع وشبگني
وخرت ايده .. وصعدت يم ابني نمت ع الجرباية
من بعد ساعة تقريبا غفيت .. كعدت الصبح لكيته شابكني من ظهري ونايم والمنبه مالته ديدوك ..
طفاه .. وبقى حاضني جنت نعسانة كلش واتعاز اسوي اي حركة فتركته على وضعه ما بيه حيل اكوم ..
ساعة وكعد ادو ..
كوة شلعت نفسي وكمت .. هو كعد من شافني كاعدة ..
اخذت ابني وهو كام للحمام نزلت .. لاكتني منال : حامسة طماطة ومقبقتها كلت بس تكعدون اطك بيض واسوي الريوك .. اسوي
- سوي
كامت تسوي وهي تكولي : ست محتاجة اجازة اروح لامي
- ذاك اليوم اني منطيتج ٣ ايام
- الله يخليج والله اختي مريضة ولازم اروح اتسوك الهم واجيب علاج
- اريد اوكل ادو وارجع انام راسي كلش مأذيني
- ست ما اتأخر الله عليج
نزل عباس وكف كاللها : مو مشكلة يابه روحي وتعالي ع السريع اني راح ابقى هنا .
باوعتله : انت مو تريد تطلع لشغلك اساسا متأخر
- ميضر لو تأخرت ساعة .
حطت الريوك وبقت تتشكر منه ولزمت الباب وطارت .. كعدت اكل واوكل ابني بس كلش نعسانة
حجة : اذا تعبانة روحي نامي اني اخذه بالحجلة بالحديقة اخلي يلعب
هزيت راسي واني اكمل اوكله حجيت : امك صدك مريضة
باوعلي : اي
-والمي
-يجيهم بس بالليل بالنهار ينكطع جبتلهم ماطور جديد وما فاد
- اذا تريد جيبها هي وعلياء لهنا مو مشكلة ..
-كتلها وما رضت تجي لهنا ..
مد ايده لزم ايدي : يسلملي گلبج الطيب
-لان مريضة مو لان امك
-اااااه جان انطيتي لمنال بما انو اختها مريضة ..
-وشدخل منال بموضوعك
-امشي لج كلاوچية .. كومي حبيبي كومي بابا عيونج حمر نامي واني ادير بالي ع الطفل .
-حنام ع القنفة
-خاف ما ترتاحين
-ما بيه اصعد فوك
- على راحتج
نمت ع القنفة بالصالة .. شوية نمت عباس جاب الحجلة وهو شايل ادو .. حطاه وهو يشغله طيور الجنة .. افتح عيني كوة وارجع انام
حسيته اجا يم راسي شال راسي حطلي مخدة وجرجف غطاني وباسني بخدي .. وكعد يم راسي
لساعتين رغم الهوسة مال تليفون عباس وتلفزيون ادو وقال جحا في ذات نهار .. وصياح ادو .. بس حسيت بشعور كلش مريح من الاستقرار وهم حواليا .
لحد ما اجتي منال ..
هو وصاها عليه وعلى ادو ودنك باسني فتحت عيني كال : محتاجة شي حبيبي كبل لا اروح
- لا
- ديري بالج على نفسج واصعدي بغرفتج ارتاحي بيها
- تمام
رجع باسني بخدي وبراسي وكالي : امي وابويه انت .. يلا بيباي
وطلع ..
بعدها كعدت لادو بدلتله وكعدت راح النوم من عيني رغم بعدني دايخة .. واني دا انومه .. دخلت ماما
- هلو ماما
- هلا حبيبتي هم زين رجعتي ادو كلش محتاجلج دزيتلح رسالة الدكتور شكالي
- واني رجعت على موده مو علمود غير شي بس ما امن اتركه باديكم .
اخذته وهي تبوس بيه وتحضنه كمت اباوعلها : تصالحتي انت وعباس
- مو كلش
- مو كلش ! يعني بيها امل تتصالحون وترجع المي لمجاريها
- ما ادري عقلي ممصدكه بس كلبي ديحاول يغشم نفسه ويصم اذني وعيني و عقلي عن كلشي ورايد يصدك .. والحقيقة ممصدكته بس رايدة اشتري راحة بالي يمكن غلط ويمكن لا بس هو موجود ووجوده يمنا مهم اني وابني رايدي ومحتاجين وجوده يمنا .
- اي هيج كولي رايدة تصدكين وتعيشين دور الغشيمة بكيفج ماما على كولة ابوج كل انسان عقله براسه ويعرف خلاصه بس من تلكي ممطلك مرته وبعد يومين تسمعين حامل منه لتحجين ابقي غشمي نفسج
ومن يمشي وياجر شقق وينام ويا الف وحدة غيرج
ابقي غشمي نفسج بنهاية اليوم يجيج انت وابنج ويحضنكم ويبوسكم وصاير مدير ومال واحوال بكم بوسة براسج وراس ابنج ليش متصيرين غشيمة ابقي
- ماما الحل شنو
- حرام مالي علاقة بيج اني النبهتج على تليفونه واني الكتلج تبعي لاهله وخليتج تعرفين شمسوي من وراج ومستغفلج واني النبهتج على كل خياساته تالي طلعني اني المو زينة واني الرايدك خراب بيتج وهو الزين وانتم بدوني متصافين .. بالعافية عليكم ماما مالي اي دخل بيكم .
بقيت اباوع عليها .. وهي تنوم ادو ..
كمت من يمها واني افكر .. كالي طلكت منو كال طلك وشيثبتلي هو طلك وشيثبتلي هو مجانت عنده علاقة بنور ومأجر شقة وماخذ راحته ..
اني من صدك قررت اغشم روحي واعيش غشيمة !
بقت الافكار تدور براسي واجيبها منا وارد منا حقدت عليه كومة ..
لان كل كلامه حاليا هو مجرد كلام خالي من اي دليل
يريدني خل يثبتلي صدقه .. غير كلام ما عندي .
رجع العصر ..
سمع امي دا تحجي ويا المساعدة
كال : امج رجعت
- اني محتاجتها
- يعني تكسرين كلمتي
- وشمنتظر مني اطرد امي !؟ ابني مريض واني ما اكدرله وحدي انت ابو الحق وكاعد تتزعل ! عجييييب
- تمام .. هاهييييه براحتج .
عاف وصعد للغرفة
اني كعدت يمي امي بالغرفة كالت : تعارك وياج لانو اني هنا مو
- مو بكيفه اني اريدج يمي
- هو ميريدني اوعيج هو يريدج مغمضة لهذا حاسب كل المشاكل سببها اني يحسبني اني دليتح ع التليفون ميحاسب نفسه شيسوي باليفون سري
يحاسبني لان فضحت سالفة غيد بس ميحاسب نفسه ٧ اشهر عايفج غشيمة هذا ميريد احد يكشف كذبه كدامج .. هذا يريد يجذب وانت تصدكي .
كعدت اسمعلها لحد ما دخت بزماني ..
بالليل دز عليه للغرفة مصعدت .. طلع يم جماعته رجع ب١١ اني يم ماما .. صاحلي مجاوبته
نزل : مو اصيحلج ليش مدا تجاوبين !؟
- عوفني عباس
- حجت براسج ورجعتي تصيحين عوفني عباس
فزت ماما وهي تكوله : - عيب تكول حجت براسج استحي على نفسك
دخل للغرفة : عيب مو .. كومي اطلعي من البيت يلا
فزيت اني : دا تطرد اني بنص الليل وخر
دفعني وهو يلزم امي من راسها ويسحل بيها من الغرفة وهي تصرخ ..
كمت اضرب بيه وادفع لحد ما بعدته منها كتله : اشتكي عليك هسه والله واخابر الشرطة اخليهم يشيلووووووك
- يشيلوني مووووو
لزمني من راسي وسحبني كمت اتدافع وياه وامي تحاول تجرني منه .. اخذني للغرفة وهو يكلي على كيفج اني ولج تشتكييين علييييييه
- وخر منييييين
رجع جرني من شعري سحبني وكعدني ع السرير
هنا مكانج من تتحركين اكص راسج افتهمتييييي
اراضيج الصبح وترضين ارجع بالليل مطنكرة عليه وما تجين
اصيحج تتجاهليييييين
جاهل اني وما ترديييييين
سحب الحبل مال البردة : والله والعباس اذا طلعتي نص مترة خارج هالغرفة لا العب بحالج لعبببببب
حجاها وطلع وسد الباب وراه
نزل كام يتصايح ويا امي طرد امي بنص الليل
نزلت وراه اتخبلت كتله مدام طردت ماما بهالليل وهنتني ما ابقالك والله ..
- وين تردين تروحين والله من تعتبين حافة الباب اكسر رجلج وانعل والديج
لميت غراضي وجنطتي ونزلت .. كعد ع التخم وكالي : بنت ابوج اتعدي العتبة وطلعي وشوف شيصيرلج .. سويها وشوفي
عفت الجنط وكلشي ..
ردت اخابر بابا ترددت كعدت جوا كلت يصير الصبح ما راح ابقى .
بقيت بغرفة ماما .. دخل ورا ساعة كال : كومي يمي فوك
- ما اريد
اجا بهمة شال الطفل كرصته وكمت اصك على اسناني : عباس الطفل نايم اتركه بمكاااااانه لا تخلي يفز على صوت صياحنا
- دروحي لججج
دفع ايدي ولزمني من ركبتي .. كام يجرني للغرفة .. نوم الطفل بسريرة : عود انت عبالك تغصبني عليك ترا مدا اطيك ومدا اعول يصير الصبح واهج لبيت بابا بس هلمرة بدوون رجعة
- اي مدام بدون رجعة خلي خلي نتوادع
- وخررر من عندي
-اوخر ليش مرايدتني .. شرايدة تندمتي تريدين ترجعين لشوان لو شنو احجي متريديييين ما اناسبج
ضربته راشدي هو جان منتظر الراشدي حتى يتمادى
كمت احاول اصيح وهو يخلي ايده على حلكي .. دارني للفراش وخلى وجهي ع الفراش ..
كمت اضرب باديه واجر بالفراش بس اريد اوخر اديه
انتبهلي اختنكت .. وخر ايده وهو ينزل راسه عليه : والله احبج والقران ما اكدر بدونج اسف اسف
-وخررر مني ابتعد
-اسف والله اسف
كام يبوس بركبتي بشفايفي اريد اوخره من عندي بس هو كان ماخذه الجو تركته لحد ما هو ابتعد من عندي
كمت من عنده رحت للحمام ..
باوعت لوجهي
دنكت كمت افرك ادية بوجهي بتعب .. ضربت ع البوري فتح .. كمت اغسل واشمر المي .. وثبتت اديه ع المغسلة وشعوري كان سيء وسيء جدا
سمعت ادو كعد ..
فتحت الدوش وسبحت وطلعت لكيته منطي الممه ومرجعه منومه .. كاملي : فيون اسف مجان قصدي أذيج بس والله اني مشتاقلج .
حجاها وهو يتقرب مني
: اتركني
- كافي الله يخليج اتركينا من المشاكل تعبنا خلي نعيش اشتاقيتلج والله
يحجيها وهو يتقرب مني اكثر ويرجعين للحايط : ابتعد عباس
- ما اكدر
كام يبوس بركبتي وهي مبللة وتنقط مي من شعري ..
عباس ابتعد مني
- ما اكدر افهميني والله مشتاقلج ولج شوكت تحسين بيه
- شنو تريد اكثر من السويته
- تبقين يمي
-اني مرايدة وخلي يكون بعلمك
قاطعني وهو يبوسني بشفايفي .. وخرته : كافي
-ما اريد شي بس تعاي يمي .
-ماشي بس وخر
ابتعد بس لزم ايدي حجيت : اريد انشف شعري عوفني
-اني انشفه الج
سحب الخاولي ودارني ويجر القراصة من راسي .. كام ينشفه .. ووكفني كدام المرايا .. حطيت سيروم بايدي واخذت شعري صفح حتى اخلي السيروم بيه
وكف ورايا وانحشر بيه وهو يشبك خصري ويبعد بايده الثانية الشعر من ركبتي ويبوس بيها : كافي
-مشتاقلج والله .
حضني حيل واخذني بأديه ورحنا نمنا بسريرنا ..
كعد الصبح جان مرتاح وفرحان ويضحك ويبوس بيه وبادو
كتله : اني ما اقبل اتصالح وياك وماما انت طاردها بالليل
-اخابرها واصالحها لخاطرج وشتريدين تأمريني امر بعد بس لتزعلين
- نشوف
-اي شوفي ليش ما تشوفييييين
وكام يحسر بنفسه وحضني حيل يكسر باعضامي واني ابعد بيه واوخره جاب الطفل بيناتنا هو يناغيله ويبوس بحلكه
واني حاطة راسي ومتمددة واباوعلهم مبتسمة
كام يبوس بيه وبادو حيل وكام غسل وبدل ونزل نزلنا وياه تريكت اني وابني وهو يسولف ويضحك ويانا ..
هستوه طلع خابرني بابا
رديت : الوووو
-فيان انت وين
-ابيتي ليش
-راح ادزلج السايق حملي كل غراضج واغراض ابنج وتعالوا بسرعة
-شكو
-تعالي وانت تعرفين شكو
-بابا اذا على سالفة ماما البارحة فعباس كال يحل،... قاطعني
-تعااااالي وانت تفهمييييين فياااان
حسيت بابا عصبي ومتوتر يعني اكو شي
بدلت ابني وانطيته لمنال ورحت غسلت وبدلت اجا السايق طلعنا لبيت بابا
وصلت هناك منال ويايا.. بابا جان نار
: شكو
- شوفي بس ؟
فتحلي صورة ماما بملابس نوم بغرفتي وعلى سريري وعباس متمدد يمها ويضحك
- شنو هاي بابا شدا تريد تكول
- اقري
- محادثات بين ماما وعباس فشار وهي تكوله اجر الشقة وعود نتفاهم وادزله سمايل غمزة وهو يضحك ويكلوللها : أجرها ليش ما أجرها ....يتبع
تكملة الرواية من هناااااااا
لمتابعة باقى الرواية زورو قناتنا علي التليجرام من هناااااااااا
بدل ماتدور وتبحث علي الروايات عمل
متابعه لصفحتنا على فيس بوك هنااااااااااا
الرواية كاملة من هناااااااااا
مجمع الروايات الكامله 1اضغط هناااااااا
مجمع الروايات الكاملة 2 اضغط هناااااا
تعليقات
إرسال تعليق