رواية ذكرياتنا في رمضان الفصل السابع 7بقلم سلسبيل احمد حصريه
رواية ذكرياتنا في رمضان الفصل السابع 7بقلم سلسبيل احمد حصريه
- ندى..
= أ.. ايه فيه حاجه؟
- مفيش.. انا بس كنت عاوز اديكي ده..
" طلع من جيبه فانوس صغير.. ندى بصتله بأبتسامه"
احمد بصلها: انا جبته ومكنتش عارف هديهولك ازاي..
ندي بصتله وهي بتحاول متضحكش: زي اول مره ادتني فيها فانوس.. قولت لي اوعي تعرفي مراد..
احمد اتنهد: هو الفانوس الى جبتهولك زمان لسه معاكي ؟
هزت راسها بهدوء: ايوه.. انا.. شيلاه من وقتها..
احمد: بس انا فيه حاجه قولتها ليكي بعدها.. انتي مش فكراها
ندى وشها احمر: ءء.. لاء حاجة ايه.؟
فلاش باك #
" قبل 12 سنه "
- ندى.. حد سألك عن الفانوس؟
= لا.. انا شلته في اوضتي ومحدش شافه
- بعد كده متعيطيش ولما اي حاجه تضيع منك قوليلي وهجبلك غيرها
ابتسمت: طيب.. انا مش ضايع مني شوكولاتة بس عاوزة واحده لأن ماما مش راضية علشان بتقولي هتوقع سنانك..
ضحك: يبقي بلاش منها..
- هو انت هتعمل زي ماما يا احمد
= ايوه.. هي بتحبك وخايفه عليكي.. وانا كمان بحبك ياندى.. وبخاف عليكي.
باك #
احمد بصلها: يعني انتي مش فاكره انـ..
ندي قاطعته بتوتر: انا هطلع علشان مينفعش نقف كده بعد اذنك
" طلعت وسابتني فا اتنهدت بزهق.. مش عارف احدد انا عايز ايه.. بس الى اعرفه اني كنت عايز اتكلم معاها.. وده صعب جدا.. "
>>>>>>>>>>>>>>>>>>>>>>>>>>>>>>>>>>>
' اللهم صلِ وسلم وبارك على سيدنا محمد '
|| في مكان بره المنطقه | الساعه 11 بليل ||
" مراد وصل هو و ياسين و لقوا مينا واقف "
مينا: انا مرضتش اعمل لحد ما تيجي
مراد: هو فين
مينا: جوه مع العيال
ياسين حاول يمسك مراد لما لاقاه بدء يتحول: مراد اهدي خلينا نـ
"مراد زق ايده واتحرك على جوه"
" دخل وشاف كريم كان واقف معاهم وحواليه حاجات.. والمنظر كله مش لطيف.. و اتفاجئ انه كان بيشرب معاهم مش مجرد سجاير وخلاص! دي كلها حاجات صدمته.. "
" مينا وقتها هو وياسين كانوا حاسين ان مراد هيرتكب جنـ ـاية فا كانوا واقفين جمبه علطول"
" لكن هو بالفعل اتحول وراح ناحية كريم
الى اتكهـ ـرب اول لما شاف مراد وخاف "
" مراد شده من هدومه بقمة العـ ـنف لدرجه كان كريم هيقع "
- ايه ده ؟؟؟؟ ها ؟؟ رد ايه ده ؟؟
مش لاقي كلام صح؟؟
" للأسف فقد اعصابة عليه وصْربة وقتها مينا وياسين مسكوه بسرعه وهو مكنش راضي يسيب كريم من ايده و صْـ ـربة بالقلم جامد "
مراد اتكلم بزعيق وغضب: انا غلطان اني كنت مصدق عيل **** زيك !!!!! بس والله يا كريم لاوريك على الـ***** الى بتعمله ده
مينا فضل يزعق: اهدى بقا كفاية هو اصلا مش واعي!!!!! اهدى !!
مراد: سبني يا مينا !!!!!
" ياسين كان ماسك كريم وبيحاول يبعده عن مراد "
"كريم كان عمال يعيط بدون وعي وبيتحرك بخوف"
ياسين: بس اهدي !!! بس !!
" طلعوا بره و ياسين ركبه العربية ومراد كان واقف بعيد مع مينا "
- انت عايز تمو ت الواد في ايدك !!!
" مراد كان واقف.. حاسس بالعجز لما اتفاجئ بمنظره والحالة الى هو فيها.. و ده شيء صدمه لأنه عمره ما تخيل كريم يتشد للسكه دي ! "
مينا مسكه: مراد اهدى وبصلي ! اسمع
احنا لحقنا قبل ما يحصل حاجه.. فاهم؟ هيبقي كويس وهنربيه.. بس لما يفوق الأول!! اهدي وبلاش تهـ ـور
" مراد كانت عينه عليه وهو فالعربية وصعبان عليه حالتة.. وبيلوم نفسه عشان مشدش عليه من البداية وخلاه يبعد عن العيال دي "
بص لمينا وعيونه مدمعه: انا الى غلطان
" مرت دقيقة صمت بينهم ومينا حضنه وطبطب عليه.. اي حد يعرف مراد.. كان يعرف هو قد ايه بيحب كريم.. وعلشان كده حاسين بيه.. بقلمي سلسبيل احمد وعارفين قد ايه زعلان على كريم.. "
" ياسين قفل العربية وراح لهم "
- هنعمل ايه مش فايق خالص.. حد يشتري له قهوه وحاجات.. علشان نفوقه لو روح البيت كده امه هيجرا لها حاجه..!
" مراد بص عليه وسكت.. "
>>>>>>>>>>>>>>>>>>>>>>>>>>>>>>>>>>>
' سبحان الله وبحمده سبحان الله العظيم '
|| في بيت ليان ||
" كانت قاعده هي و ندى "
- وبعدين بس كده؟
= ايوه يا ليان بس كده
- بس جدعه انك قولتي مش فاكره.. وانتى اصلا كل ساعتين تصدعيني بالحكاية دي وانه قالك بحبك
= ماشي.. بس برضو احنا كنا صغيرين.. يمكن بيسألني عادي..
- طب انتي عارفه لو مراد عرف..
= هو راح فين اصلا؟
- تقريبا كدا والله اعلم راح لكريم..
شكله هبب مصيبه..
= وانا برضو اعتبر دي مصيبه..
- أكيد.. ومفروض احمد يبقي يلم نفسه وميتكلمش معاكي اصلا..
= طب اعمل ايه
- متدهوش فرصة يتكلم معاكي تاني.. والله بقا عايز حاجه يدخل البيت من بابه احنا بنتنا مش اي حد
ندي ضحكت: طبعا امال ايه..
>>>>>>>>>>>>>>>>>>>>>>>>>>>>>>>>>>>
' لا إله إلا انت سبحانك اني كنت من الظالمين '
|| في بيت فريده واحمد ||
" كانوا قاعدين بيتسحروا و الكل ساكت لحد ما ايمان اتكلمت "
- بقالك كتير غايب عن البيت يا ابراهيم
= بحاول ارتب لنا شغل هنا ولا هنفضل قاعدين كده في البيت
احمد: طب وصلت لحاجه..
= اه قدمت في كذا مستشفى خاصة بالمناسبة فيه شقة شوفتها كويسة.. هتفق على الإيجار بتاعها وننقل
فريده بصتله بصدمه: برضو يا بابا هنمشي؟؟
ليه كده انا مش عاوزة امشي
ابراهيم: وانا من امتى بقيت امشي على مزاجكم؟؟
" ايمان بصتلها بمعني تهدي وفريده بصت لاحمد عشان يتكلم لكنه سكت "
اتكلمت بنفاذ صبر: انا مش همشي من هنا !! والله لو هقعد لوحدي لاخر العمر مش همشي بيدج الفيس بوك بتاعتي Slsbell Ahmed ولا حتي هسيب مصر مهما حصل انا مبقتش صغيره وهدور على شغل انا كمان
ابراهيم بصلها بتعجب و عصبيه: والله عال اوي !!!! يا هانم يا متربية !!! اانتي لو تربية شوارع مش هتتكلمي كده !!
ايمان: خشي جوه يا فريده!! دخلها يا احمد
" احمد قبل ما يقرب منها سابتهم ودخلت "
ابراهيم: قلة ادب وسفالة صحيح !!!
>>>>>>>>>>>>>>>>>>>>>>>>>>>>>>>>>>
' الله اكبر الحمدلله استغفر الله لا إله إلا الله '
- الو يا ماما..
= انت فين ياحبيبي ؟ احنا خلاص هنتسحر
- اتسحروا من غيري انا في مشوار
= طيب يا مراد.. خلي بالك من نفسك
" قفل معاها وقعد وكان شايف مينا و ياسين مع كريم مازلوا بيحاولوا يفوقوه.. وهو واقف بعيد مش قادر يشوفه كده.. ولا عارف يتحكم في اعصابة.. "
" مينا راح عنده "
- هفضل انا معاه و روح انت وياسين اتسحروا الفجر هيأذن علينا..
= انا مش عايز اكل..
مينا: انا عارف انك مضايق.. وحاسس بالدْنب بس دي غلطه وعدت مش هنخليه يكررها.. وبعدين هو بيفوق بصعوبة وده دليل على انها اول مره يشرب فا متقلقش احنا لحقناه يا مراد
مراد هز راسه بنفي: ملحقنهوش ابدا.. انا ملحقتوش يا مينا.. انا سيبته وقولت مش هيتجر معاهم.!! والصاحب ساحب !! كان لازم افهم انهم شلة فاسده طبيعي هتأثر عليه !
طبطب على كتفه: متقلقش كله هيبقي كويس
" الصبح طلع عليهم و كريم كان نوعا ما فايق.. وصلوه لحد البيت علشان يرتاح.. و والده ياسين كانت معاهم وطمنت والدتة.. لكن مراد مبصلوش ولا اتكلم معاه اي كلمه.. و رجع البيت.. "
>>>>>>>>>>>>>>>>>>>>>>>>>>>>>>>>>>
|| تاني يوم الصبح | في اوضة ليان ||
" الباب اتفتح بهدوء.. وصوت اقدام عملاقه بتتحرك.. ليان اتقلبت في السرير بقلق.. "
" وشوية ولقت الغطا بيتشد من عليها "
" قامت وهي بتفرك عينها وبصت بصدمه "
- بابا !!!!!! بابا بابا انت جيت !!!
مش مصدقه!!!!! ازاي !!!!
" نطت فى حضنه بسعاده وهو حضنها بأشتياق!! "
نورا بصتلهم وهي بتضحك: اخيرا عرف يفاجئك مره
ليان بزعل: ليه مقولتوش عشان نخده من المطار !!!
حضنته مره تانيه: وحشتني اوي بجد يا بابا !!
" ويعتبر كانت دي من اللطف المفاجأت الى حصلت مؤخرًا!! اليوم ده كان مليان دربكه و زحمه.. تيته عزمت الكل تاني بمناسبة رجوع ابنها طبعا..
و لأن كانت الدنيا زحمه واليوم جه فجاة فا طنط ايمان وفريده و طنط شهرة وهاجر كانوا معانا بيساعدوا في الأكل!..! "
" البيت كان مليان على عينه بالستات وبيا انا والبنات وكله بيعمل مع بعضه.. "
فاطمه بأرتباك: وسعوا من جمب الصواني لحسن حد يتلسع !!!
شهيرة: هاجر امسكي القماشة وطلعيهم برا فضي مكان يلا
نورا: وانتي يا ليان تعالي اقفي على السمبوسه واوعي تحرقيها !!
هاجر غمزت لي وهي بتضحك: قرمشيها
" ضحكت.. انا وهاجر بس الى بنحبها مقرمشه زياده وقريبة من المحروقه.. "
كوثر: ايه رأيك كده في الشوربة
فاطمه: زي العسل انزلي بالملوخية بقا
ايمان: سمعينا صوت الشهقه
ندى: جماعه انا خلصت السلطه مين محتاج مساعده
كنزي بصتلها وهي بتستنجد بيها: اللحقيني انا مش عارفه اتحكم في تقطيع صنيه الجلاش قبل ما ادخله الفرن
فريده بثقة: وسعو يا بنتي انتي وهي انا بتاعت الاشكال المتساوية
هاجر: حصل عامله سمبوسه متساويه الاضلاع.
فاطمه: حد يشوفلي مراد فين
" كانوا كلهم طبعا على السطح والكل رحب بـ رجوع بابا.. و كمان اتفاجئ بوجود عمو ابراهيم.. وبكده يبقي رسميا رجعنا زي ايام زمان.. بيدج الفيس بوك بتاعتي سلسبيل احمد وبقينا كلنا سوا.. معادا عمي عبدالرحمن الله يرحمه.. "
ندى: اطلعي يا ليان ناديه
- هو انتوا عاوزينه ياخد الأكل؟
= أيوه..
" روحت فتحت موبايلي وبعتله رساله ينزل.. و بعدين خرجت الشارع لقيت عم جابر "
- عم جابر.. كل سنة وانت طيب كنت عاوزاك في موضوع
"سكت ومستنيها تكمل"
- طيب بص.. ايه رأيك تاخد
كريم وتطلعوا تفطروا فوق
بصلها واتكلم: الواد كريم ده انا مشوفتش وشه بقالي يومين ولا سأل عليا.. وامبارح لاقيته جاي مدهول وطالع مع ياسين و مينا
" فضلت افكر في الحالة الى مراد لاقاه عليها.. علشان كده ساكت وشكله مضايق.. "
- طيب معلش عيل بقا انت البركه
= انا بفطر مع عمك سليم مش هينفع
- خد عمي سليم معاكم واطلعوا
رد بعصبيه ونفاذ صبر: انا رجلي وجعاني مقدرش اطلع كل ده !!! امشي بقا الله
= وربنا انت قلاب ياعم جابر على فكره..!!
" دخلت البيت ولقيت مراد في وشي "
- فيه ايه؟ ده صوت عم جابر
= اه.. كنت بقوله يطلع معاكم
" سكت وكان هيدخل فا اتكلمت "
- هو انت عملت ايه امبارح؟
= معملتش
" دخل ياخد الأكل في صمت وكانت الشباب بتقابله ع السلم تطلعه.. ومتكلمش..! "
>>>>>>>>>>>>>>>>>>>>>>>>>>>>>>>>>>>
|| على السطح ||
عز: ليك وحشه والله يا ابراهيم كل ده يا راجل سفر
ابراهيم: ما انت كنت مسافر بسبب الشغل برضو وفاهم انه غصب عننا..
- بس بنزل مصر كل فترة اجازه.. انت الواحد بقاله سنين مشافكش انت و الاولاد..
ياسين: قوله يا عم عز قول لحسن عم ابراهيم شكله عاوز يفلسع تاني
عادل: ما تنقي اللفاظك ياولد!
ياسين: احمم مش قصدي يا بابا.. بس احنا عاوزينهم يفضلوا هنا كلهم.. ولا ايه مراد..
مراد: اه أكيد..
عز: اخبار الورشة ايه يا مراد؟
- كله زي الفل يا عمى الحمدلله..
أبراهيم: انت خريج ايه يا مراد
مراد: هندسة
ابراهيم: طب ليه مش بتقدم في شركات؟
مراد: انا حاليا مركز على شغل الورشة والعربيات علشان عندي خطط تانيه يعني.. مش حابب اشتغل في شركة دلوقتي..
أحمد: بعدين الشغل في مصر صعب
عادل: لا خالص.. مصر مليانه خير
ياسين: الأذان اذن.. ناولني يابني التمر ده
" بدأو يفطروا.. وكذلك البنات و الستات في البيت تحت.. و لكن ليان مكانتش مبطله تفكير في مراد.. "
" واخر اليوم بعد لما كله مشي عز نزل وقعد معاهم وطلب يتجمعوا عشان كانوا وحشينوا وكمان علشان يديهم الهدايا "
كنزي: شكرا بجد السماعه دي حلوة دي كنت شايفه صورتها على النت.. وكمان بحب اللون البينك!
عز ابتسم: انا قولت انتي كبرتي على الألعاب..
ندي ضحكت: انا مكبرتش بحب الالعاب..
" طلع باقي الهدايا و وزعها وكان جايب لـ ليان لاب توب طلبته منه.. وجاب موبايل لمراد.. "
فاطمه: تعيش وتجبلهم يا عز
عز: ربنا يخليكي ليا وليهم يا ماما.
" الجو كان لطيف.. و مراد في نص القاعده قام يستأذن علشان الورشة.. "
عز: استني انا كنت عاوز اقولكم على موضوع.
"مراد قعد"
عز: بعد يومين فيه واحد صاحبي نازل مصر ومعاه ابنه.. هما من كلامي عن ليان كتير طلب مني يجوا البيت.. والولاد تتعرف على بعض.. ايه رأيكم؟
" حسيت ان فيه جردل مياه ساقعه ادلق على وشي "
كوثر: يجوا كا زيارة يعني ولا ده كده عريس
متقدم لـ ليان؟
عز: أكيد مش مجرد زياره يعني.. عاوزين الولاد يشوفوا بعض.. ايه رأيك يا ماما.. وانت يا مراد
مراد:....
يتبع
تكملة الرواية من هناااااااا
لمتابعة باقي الروايه زورو قناتنا علي التليجرام من هناااااااااا
بدل ماتدور وتبحث علي الروايات عمل
متابعه لصفحتنا على فيس بوك هنااااااااااا
الرواية كامله من هناااااااااا
مجمع الروايات الكامله 1اضغط هناااااااا
مجمع الروايات الكاملة 2 اضغط هنااااااا
تعليقات
إرسال تعليق