رحت فرح جوزي
رحت فرح جوزي
دخلت القاعة وأنا رافعة رأسي ومبتسمة وأنا شايفة جوزي قاعد علي الكوشة جمب مراته الجديدة وحماتي البومة جمبهم بتزغرط ... أول ما شافني اټصدم ووشه اصفر هو وحماتي ... وقف وهو بيقول بتوتر
ناتير ايه اللي جابك هنا
ضحكت وبقول
كده يا راجل متعزمنيش علي فرحك ولا تقولي... لا ملكش حق يا أبو ياسين
ناتير أنا..
متقولش حاجة يا عريس ده أنا فرحتلك والله فرحتلك وجاية أرقص في فرحك أنت والسنيورة كمان.
انتي عرفتي إني هتجوز من مين ... أمي قالتلك
بصيت لحماتي اللي لونها مخطۏف وقلت
لا الحق لله أمك الله يجحمها عرفت تمسك لسانها المرادي...
بصيت للعروسة وأنا بقول بتريقة
عروستك الله يكرمها هي اللي بلغتني إني جوزي هيتجوز من ورايا..
بصلها عادل بعصبية وحسيت أنها اتوترت فرحت مسكت ايده وقولت
مش زعلانة يا دولة والله بس كنت تقولي احضر فستان اشيك من كده عشان اشرفك قدام أهل مراتك.
ر.. ربنا يخليكي يا حبيبتي
قالها بتوتر فابتسمت وأنا بقول
يالا يا دولة بقا عشان ترقص معايا.
.بصيت لمراته وقلت
عن إذنك يا فيران يا حبيبتي هرقص مع جوزي
فيران مين انتي بتقولي ايه.
مش
انتي اسمك فيران
ردت بتكبر
لا طبعا أسمي روفان
ضحكت وانا بستفزها وبقول
ايه يختي الأسماء الخرعة دي ما
تسموا أسماء عدلة ... ماله اسم سعدية حلو وبسمسم كمان.
عن إذنك يا برفان هرقص مع جوزي شوية.
سحبت عادل في نص القاعة وغمزت لبتاع الدي جي يشغل الأغنية اللي قولتله عليها بتاعة سميرة سعيد محصلش حاجة... وبدأت أرقص وانا بكرر الأغنية وهو متوتر بس رقص معايا
مش ماسكة صورته وبتقهر زي العبيطة
و لا ماشية و بخبط دماغي في كل حيطة
مبردش عاللي يقولي كلمة جت بسيطة
بعدك مش متصنف مصېبة
بالعكس حتى أنا حاسة مرتاحة وسعيدة
مطلعش إنها حاجة وحشة أعيش وحيدة
هبدأ حياتي بصفحة فاضية ولسه بيضا
و بشنطة شخصيات جديدة
أنا عارفة إنه زمانه ماشي يقول عليا
أنا واحدة شريرة وقوية ومفترية
شايفين يا ناس الست دي عملت إيه فيا
كدبك سامعاه من وأنا بعيدة
اتوتر عادل أكتر ابتسمت بخبث وأنا ببص لروفان
وحسيت أنها ھتموت مننا هي وأمه والمعازيم بيبصلونا فيه شوية منهم بيتريقوا وشوية شفقانين عليا... بس ما اهتمتش وكملت رقص معاه... أمه اتغاظت ومسكت ايد روفان وجرتها عشان ترقص معانا... ابتسمت وأنا بمسك ايديها وبرقص معاها وفجأها قعدت ألف جامد
وأنا ماسكة ايدها وهي تصرخ ورحت سيبتها فوقعت علي تربيزة اللي عليها التورتة واغمي عليها..
يقطعني شكلي كده بوظت الفرح!
يتبع
الفصل الثاني
فرحي باظ... فرحي باظ وكله بسبب مراتك المچنونة يا عادل
بصلها عادل وهو متضايق وقال
ما كله بسببك يا هانم قلتلك
متقوليلهاش بس كيد الحريم داء فيكم.... المهم هنبات في المستشفي
النهاردة وبكرة هعوضك بشهر عسل خيال بعيد عن ناتير ومشاكلها
تاني يوم.
كان عادل وروفان في العربية ورايحين شرم
عشان يقضوا شهر العسل في الشالية بتاع عادل....
........
وصلوا للشالية أبتسم عادل
وقال
ومن دلوقتي هنقضي أنا وانتي أجمل شهر عسل وهعوضك عن الفرح...
فتح الباب واتجمد لما شاف خديجة وياسين جايين عليه.
بابا.. بابا وحشتنا.
حضنهم عادل وهو مصډوم وبص لقاني قدامه
ناتير بتعملي ايه في الشالية.
ضحكت وانا برد
كنت عايزة اعملهالك مفاجأة يا قلبي... قلت بما أنك هتصيف مع فيران أجي اصيف معاكم أنا والولاد... ايه رأيك في المفاجأة دي.
بصتلي روفان وفجأة اغمي عليها.
حطيت أيدي علي صدري وقولت
شكلها ماټت يا حبيبي...
آه فيه ايه!
صړخت روفان وأنا بكب عليها كوباية ماية ساقعة
ما تقومي يا عروسة انتي هتفرهدي مني من أولها
ايه بتقولي ايه
ابتسمت بخبث وقولت
هتعملي عبيطة ولا ايه... انتي فاكرة هسكت علي اللي عملتيه فيا انتي والسنيور وديني لازقيكم المر بإيديا.
دخل عادل فجأة فابتسمت وأنا بقول
ما يالا بقا يا عروسة تعالي اقعدي معانا هننزل شوية في البحر.
.مسك عادل أيدي واخدني علي جنب وهو بيقول
مش
ملاحظة أنك زودتيها... اهدي شوية
وأنا عملت ايه يا دولة
أنا عريس مفروض تخلي عندك ډم وتديني شوية خصوصية مع مراتي عايزة اتمم جوازي عليها
وماله يا أخويا بس خلي الخصوصية لبليل مش حبكت دلوقتي...
مسكت ايديه وقلت
يالا يا دولة متنحش عايزين نفسح العيال...
بصيت لروفان وقلت تيجي معانا يا فيران.
مردتش عليا فكملت أنا
شكلك تعبانة هسيبك ترتاحي... يالا يا دولة يالا يا عيال...
ومشيوا
شهر عسلي باظ منك لله يا ناتير يارب تطلعلك سمكة قرش وتأكلك وتريحني منك.
بالليل.
كانت روفان واقفة قدام المرايا لابسة قميص نوم وبترش برفان... لما دخل عادل وبصلها بإعجاب وهو بيقول بصوت واطي
زي القمر يا حبيبتي يالا بسرعة قدرت أخيرا انوم البومة وعيالها
ازاي ده.
حطيتلها منوم في عصير الجوافة.
راحت بسرعة علي السرير ونامت وراح جمبها وهو بيقول
ھتموتي يا سوسو
ولسه هيقرب منها دخلت أنا فجأة مع العيال وأنا ماسكة طبق فشار كبير وقلت
.شوفوا عملتلكم فشار.... يالا نسمح فيلم هيعرضوه دلوقتي عن واحدة قټلت جوزها عشان اتجوز عليها.
كتمت ضحكتي وأنا بشوف وش عادل اصفر وقال بتوتر
انتي منومتيش!!!
أيوة وانام دلوقتي ليه لسه بدري
انتي مشربتيش عصير الجوافة اللي اديتهولك
لا كبيته
ليه كبتيه تابعوا صفحة محمد السبكي للقصص والروايات الحصريه
مكانش ليا نفس اشربه عارف إني مليش تقل علي الجوافة..
هو ايه اللي ملكيش تقل عليها...
ده انتي بتشربيه ببذره...
عملت نفسي متضايقة وقولت
يوووه يا عادل متمسكش علي الواحدة... يالا بقا نسمع الفيلم.
رحت بعدته وقعدت جمب روفان...
خبطت بإيدي علي دراعاتها وقلت
والنبي يا فيران يا أختي غطي دراعاتك دي عيالي بيتكسفوا
شدت روفان الغطا عليها فأبتسمت وقلت
خديجة.. ياسين تعالوا اقعدوا جمبي نسمع الفيلم.
بصيت لعادل وقلت
بالله عليك يا عريس ممكن تشغل التلفزيون...
نفخ في وشي ومشي وهو شايط مني... ابتسمت وأنا ببص لروفان وبقولها
تأكلي فشار
يا عروسة بما أن الليلة باظت .
تاني يوم.
قعد عادل قدامي وقال
بصراحة تامة
انتي عايزة ايه يا ناتير... بوظتي فرحي.. وشهر العسل بتاعي ... عكرتي مزاجي أنا وروفان... عايزة ايه من ده كله
تكتب البيت بإسمي.
نعم يا أختي.
بصتله
ببرود وقولت
كلامي واضح.
قام وهو متعصب
انتي عايزاني احط صباعي تحت ضرسك انتي... عايزة تاخدي الشقة وترميني في الشارع.
وليه ارميك في الشارع أنت دلوقتي اتجوزت تاني واكيد
هتعيش معاها في الشقة اللي اشتريتها في المهندسين صح
وشه اتقلب
سكت ليه فاكرني مش هعرف.... هو انت فاكر إني كنت نايمة علي وداني ومش عارفة أنك بتخطط تتجوز تاني... لا بجد ضحكتني أنا بحس بيك يا عادل واقدر أقرأ كل أفكارك.... روفان الغبية افتكرت أنها هتقهرني لما تقولي علي فرحكم بس أنا اللي قهرتها... قصره الشقة من حقي أنا وولادي وأنت عيش معاها في الشقة اللي اشتريتها
ولو رفضت!
يبقي استحمل وجودي هنا وهقرفك أنت والسنيورة
ومشيت وسبته.... ولمدة تلات ايام دوقته المرار هو ومراته.... مقدرش يلمسها خالص في وجودي... لحد ما استسلم ووقع علي الأوراق اللي أنا عايزاها... أوراق ملكية البيت.... كده كان
فاضل حاجة بس أعملها ويبقي أخدت حقي من عادل.... سيبت الشاليه ورجعت بيتي.
.بعد أسبوعين وصل عادل ومراته شقتهم ولقوا واحد بيخبط عليهم
افندم حضرتك عايز ايه
بصله الموظف وقال
حضرتك أستاذ عادل شريف
أيوة أنا
ناوله ظرف وقال
ده ليك!
ايه ده. تابعوا صفحة محمد السبكي للقصص والروايات الحصريه
دي دعوة خلع رفعتها
عليه مدام ناتير رشوان!
يتبع..
الفصل الأخير
خلع يا ناتير... عايزة تخلعيني أنا!
كان عادل پيصرخ برة باب البيت وبيخبط جامد...
عادل أمشي وإلا هجبلك البوليس ڤضحتنا وسط الجيران!!
ولسه هكسر الباب عليكي .... أنا تعملي فيا كده وديني يا ناتير لأقتلك .. افتحي الباب بقولك
ابتسمت بخبث وأنا ماسكة السماعة وبكلم الضابط وقولت
شوفت يا باشا جاي لحد بيتي يهددني ... الحقوني ابوس أيديكم أنا خاېفة علي ولادي ونفسي منه!..
قفلت التليفون بعد ما البوليس وعدني أنه جاي...
قربت من الباب وأنا بحاول استفزه واقول
روح لمراتك يا عادل بدل ما ترفع عليك هي مكان قضية خلع وبدل القضية يبقوا اتنين.
ضړب علي الباب جامد وقال
افتحي الزفت ده والا هكسره علي دماغ اللي جابوكي... افتحي يا زفتة..
.مش هفتح واعلي ما خيلك اركبه يا عادل.
طيب أنا هكسر
الباب دلوقتي.
حاول يكسر الباب.... مسكت اولادي ووصيتهم أنهم يدخلوا الأوضة ويقفلوا عليهم من جوا ومهما حصل ميطلعوش...
بعد ما دخلتهم
واطمنت أنهم قفلوا الباب... عادل كسر الباب... مسكني من شعري وهو بيقول
أنا تعملي فيا كده... تبهدليني بالشكل ده ليه... كل ده عشان ايه... أنا مغلطتش خالص ... ده شرع ربنا... حقي اتجوز وانتي تحطي جزمة في بوقك ومتعترضيش.
لا حقي اعترض.. حقي اعرف أن جوزي رايح يتجوز وانا أقرر ساعتها اكمل معاك ولا لا... بس انت كدبت ولفيت من ورايا عارف ليه عشان انت جبان وهتفضل طول عمرك جبان.
وشه
أحمر وخنقني جامد.... حاولت ابعده بس مقدرتش... نفسي قصر وحسيت نفسي ھموت فجأة البوليس وصل وبعدوه عني...
وكل حاجة خططتلها حصلت... خلعت عادل واخدت تعويض كبير عشان اتنازل عن قضية التعدي عليا في بيتي.... حتي مراته التانية طلبت
الطلاق... وهو حاله اتدهور... بعدها حاول كتير يرجعلي... بعتلي قرايبه وقرايبي واتحايل كتير بس أنا رفضت نهائي... اللي ېكذب مرة هيكذب ألف واللي ثقتي مرة عمري ما هثق فيه تاني... أنا حاليا عايشة لولادي وبس..هماأهم حاجة عندي... ومش مهم أي حاجة تاني... بالنسبة للحب فممكن بعدين ألاقي الإنسان اللي يقدرني ولو ملقتهوش مش هزعل لأن الحب مش كل حاجة!
تمت..
تعليقات
إرسال تعليق