رميت شقا عمري كله تحت رجل بنتها وجوزها
رميت شقا عمري كله تحت رجل بنتها وجوزها
رميت شقا عمري كله تحت رجل بنتها وجوزها عشان يفتحوا مشروع، وفي الآخر بنتي سحلتني من شعري على سلم العمارة قدام الجيران وهي بتصرخ في وشي هما ٣ مليون جنيه يا عجوزة يا كركوبة.. أنتي خلاص ميتة ميتة، سيبيلنا اللي فاضل نعيش بيه!.. مكنتش تعرف إن فضيحة السلم دي هي اللي هتفتح باب السجن عليها وعلى جوزها!
الجزء الأول شقا العمر اللي ضاع
أنا اسمي الحاجة كريمة، عندي ٥٨ سنة. قضيت عمري كله بشتغل ممرضة، أسهر الليالي وأشيل الهم عشان خاطر بنتي الوحيدة هبة. لما كبرت واتجوزت مدحت، وشفتهم متعثرين، قلت يا بت يا كريمة مالك غير بنتك. بعت حتة الأرض اللي ورثتها عن أبويا، وطلعت كل قرش شلته للزمن، واديتهم ٣ مليون جنيه.
خدي يا هبة يا بنتي.. افتحي بيهم معرض الموبيليات اللي بتحلموا بيه، وعيشوا
تابعوا صفحة محمد السبكي للقصص والروايات الحصريه
متهنيين.
مرت الشهور، والمشروع مكنش بيفتح، وكل ما أسألهم يا مدحت يا ابني، الفلوس راحت فين؟، يهربوا من السؤال. هبة بدأت تتغير، ملامحها بقت قاسية، ومدحت بقى بيبص لي باحتقار كأني عبء عليهم، مش صاحبة الفضل.
في يوم تلات رحت لهم الشقة في عمارة في فيصل. كنت عاوزة أفهم الحقيقة. أول ما دخلت، لقيت مدحت قاعد بيشرب سجاير وبيبص لي ببرود مستفز.
قلت له يا مدحت، أنا عاوزة حقي.. أنا ماليش غير القرشين دول عشان أصرف على علاجي.
هبة بنتي، اللي شيلتها في عيني، قامت وقفت وزعقت
يووه بقى يا ماما! أنتي كل ما تيجي تقرفينا بسيرة الفلوس؟ أنتي خلاص كبرتِ، محتاجة فلوس في إيه؟.
مدحت قام وقف وضربني بالقلم على وشي! وقعت على الأرض، ودماغي لفت، وبدأت أصرخ من الوجع والذهول.
بنتي بدل ما تلحقني، مسكتني
و طردتنى بره الشقة. الجيران بدأت تفتح الأبواب وتتفرج.
اطلعي بره! مش عاوزين نشوف وشك هنا تاني! ال ٣ مليون دول حقنا في الميراث وأنتي لسه عايشة!.
رمتني على سلم العمارة، ومدحت زقني برجليه وقعت كذا درجة، وبقيت مرمية على البسطة، هدومي مقطعة وشعري منكوش، والكل بيتفرج ويصور بالموبايلات.
الجيران اتصلوا بالشرطة، والنجدة جت شالتني وأنا بنزف. في القسم، مكنتش قادرة أتكلم، بس لما شفت وش هبة وهي بتكذب وبتقول للظابط دي ست مجنونة وجت تتهجم علينا وشققت هدومها بنفسها، قلبي جمد.
طلعت الموبايل وسجلت كل كلمة اتقالت في الشقة قبل ما أنطرد. والجيران قدموا فيديوهات السحل اللي صوروها.
الظابط أمر بالقبض على مدحت وهبة فوراً. وفي وسط التحقيقات، المحامي بتاعي اكتشف الكارثة الكبيرة
الفلوس مدخلتش
في مشروع ولا معرض!
مدحت كان بياخد الفلوس يصرفها في القمار وعلى ستات تانية، وهبة كانت عارفة ومخبية عليا عشان خايفة يطلقها، وكانت بتخدعني وتوهمي إن المشروع شغال.
مدحت اتحبس بتهمة الاعتداء والسرقة، وهبة اتحبست مشاركة في الجريمة.
المصنع اللي مدحت كان شغال فيه رفده لما الفضيحة انتشرت والشركة عرفت إنه حرامي ونصاب. هبة لقت نفسها وحيدة، محبوسة، وسمعتها في الأرض، وجوزها اللي ضحت بأمها عشانه، أول ما اتحبس، اعترف عليها وقال إنها هي اللي حرضته يضربني! تابعوا صفحة محمد السبكي للقصص والروايات الحصريه
أنا دلوقتي قاعدة في شقتي الصغيرة، هادية ومطمنة. قدرت أرجع جزء من فلوسي عن طريق المحكمة، بس بنتي خسرتها للأبد.
اتعلمت إن الضنا مش بس بالخلفة، الضنا بالتربية والأصل. ومهما كان حبك لأولادك، متمضيش على بياض، ولا تسلمي رقبتك لحد
حتى لو كان من دمك
تعليقات
إرسال تعليق