مجمع الروايات الكامله والحصريه فقط اضغط على اسم الروايه موجوده كامله في موسوعة القصص والروايات جميع الفصول مع البرنس محمد السبكي قصص وروايات كامله يسعدني تواجدكم معنا في المدونه

 حطيت عىمل لمرات ابني علي جبل عرفات

حطيت لمرات ابني

حطيت عىمل لمرات ابني علي جبل عرفات يوم الوقفه واللي حصلي بعدها كان كىارثه وقبل ما نبدأ حكايتنا اعرفكم علي بطلتنا النهارده واللي اسمها فريده وعندها 50 سنه جوزها متوقي ومعاها ولد وبنتين توأم والتلاته متجوزين وهي عايشه في شىقتها لوحدها.. وفي يوم كانت قااعده في بيتها بتروق في الصاله والباب خبط وراحت فتحت لقيته خالد ابنها..

فريده

يا حبيبي هو انت اللي بتخبط تعالي ادخل واقف تخبط ليه مش معاك المفتاح يا قلب امك..

خالد

ما هو صاع مني يا ماما بس ما تشغليش بالك انتي المهم انتي ايه اللي انتي بتعمليه ده

فريده وهي بتعدله كرسي عشان يقعد عليه

هكون بعمل ايه يعني يا حبيبي بروق في البيت اهوو..

خالد

يا سلام ومي واسراء ما يجوش ليه طيب يروقو هما ولا خلاص كل واحده اتلهت في بيتخا وجوزها قولتلك يا ماما بلاش تخلي اللتنين يتجوزو في وقت واحد..

ضحكت فريده وردت عليه

هههههه يعني كنت هجوز واحده واخلل التانيه جنبي يا ابني حرام عليا لو كنت عملت كده..

خالد

لا انا مش قصدي كده بس كنتي وفرتي مبلا علي الاقل كنتي جيبتي شغاله تعملك هي شغل البيت..

فريده

لا لا الموضوع مش مستاهل شغاله هو انت فاكرني عجزت ولا ايه لا ده انا اقوم ببيتي وبيتك وبيوت اخواتك كمان وابقي برضو ما عملتش مجهود..

ضحك خالد وقالها

ههههههه ربنا يديكي الصحه يا ست الكل طيب تعالي بقي نروق سوا وبعدين تغيري هىدومك ونروح نتغدا سوا بره..

فريده

يا ابني هتتكلف كتير انا هطبخلك هنا ولا انت مش واحشك اكل ايديا..

بىاس خالد ايدها وقال

لا طبعا واحشني بس مش عايز اتعبك يا سو الكل..

فريده

تعبك راحه يا عيون فريده ادخل بس غير هىدومك في اوضتك وتعالي عشان تحكيلي ولادك

عاملين ايه في المرحله اللي هما فيها ديواتعلمو المشي ولا لسه..

خالد بحزن

كويسين وهحكيلك كل حاجه عارفه يا ماما انا كنت طول عمري بقول ياارب اديني ست اتجوزها تكون زي امي كده بس ربنا اداني عقربه بريه والله..

فريده

عيب يا ولد نا تقولش علي مراتك كده ترضي جواز اخواتك يقولو عليهم كده في ضهرهم اللي ما ترضهوش لنفسك ما ترضهوش لغيرك وبعدين مش البنت شيلاك وشايله بيتك وولادك زالان ليه بقي..

خالد بحزن

لت وانا ايه اللي يزعلني بس يا ماما الحمد لله علي كل حال هدخل اغير هىدومي وهجيلك اساعدك

_ وبالليل رجع خالد بيته وكان مبسوط انه قضي اليوم مع امه بس اول ما دهل بيته لقي هايدي مراته قااعده متعصبه جدا

خالد

مالك يا حبيبتي مدايقه ليه وقاعده كده ليه..

هايدي

هو مش انا قولتلك لما تبقي تروح لاهلك تبقي رجلي علي رجلك..

خالد

انا عديت بالصدفه هناك وقولت اروح اسلم علي ماما والكلام خدني معاها واتأخرت وكمان ساعدتها في شغل البيت شويه..

هايدي

اممم ما انت حلو اهو وبتساعد مامتك اومال هنا بتكسل تعمل لنفسك كوباية شاي ليه..

خالد

يووه في ايه يا هايدي علي المسا انتي ايه اللي مزعلك طيب..

هايدي

انا عارفه كويس انك انت وامك واخواتك ما بتحبونيش انا وولادي وانت روحت النهارده من غير ما تقولي عشلن هما اكيد قالولك ما تجيبهلش معاك..

خالد

والله العظيم وحياة ولادي ما كان في اي واحده من اخواتي هناك انتي ليه بتفكري فيهم كده والله حرام عليكي انا اخواتي وامي طيبين جدا

هايدي

وانا بقي اللي شريره ووحشه طبعا ما انت تلاقيهم سخنوك عليا طيب يا حبيبي قولتلهم بقي علي مشكلة الشىقه بتاعتنا ولا لا

خالد

ايوه قولت لماما عشان اخواتي ما جوش

النهارده وماما قالتلي اننا ممكن نروح نقعد عندها في شىقتها فتره مؤقته..

هايدي

ايوه وبعد كده تقولي لا ما فيش فلوس اجيب شىقه وانا افضل قاعده في وش مامتك علي طول وطبعا انا اللي هخدمها واخواتك يجو ويعملو عليا ضيوف..

خالد

وانتي ايه اللي يريحك ان الراجل صاحب الشىقه يرمينا في الشارع والله انا شايف ان امي كتر الف خيرها وزياده انها هتخلينا نقعد معاها..

هايدي بخبث

لا انت تخليها تبيع شىقتها وتدينا الفلوس نسد بيها ايجار الشىقه المتأخر وتيجي تقعد هي معانا هنا ده لو هي عايزه تساعدك بجد..

خالد

انتي مجنونه عايزه امي تبيع شىقتها الملك عشان تيجي تقعد معانا هنا في الايجار من الاخر يا هايدي انا موافق بكلام ماما عاجبك اهلا وسهلا مش عاجبك خدي ولادك وروحي اقعدي عند امك لحد. ما اظبط اموري..

هايدي بغيظ

مااشي يا خالد انا فعلا رايحه بيت اهلي ومش راجعه خالص دي بقيت عيشه تقرف..

_وفعلا اخدت بعضها ومشيت من عنده وراحت بيت اهلها وفي بيت فريده كانت قاعده مع مي واسراء بناتها وقالتلهم

فريده

اسمعو لو اخوكم سمع كلامي وجات مراته تعيش معانا هنا اوعو في يوم تيجو وتدايقوها انا اايزاها تحس ان البيت ده بيتها..

مي

لا يا ماما ده بيتك انتي مرات اخويا انا عرفاها كويس هي لو حست انك طيبه معاها والله ما هتبقي كويسه دي هتسوق في شرها عليكي..

فريده

اخوكي راجل وهيعرف يوقفها عند حدها بس من ناحيتي انا مش عايزه ازعلها عشان اخوكم ما يزعلش مني..

اسراء

ربنا يسترها معاكي يا ماما والله انتي ديما بتخليني اتأكد انك اعظم ام في الدنيا المهم انا همشي عشان هشام زمانه وصل تحت..

فريده

طيب ما ينفعش كده يا بنتي خليه يطلع نسلم عليه حتي ويشرب

حاجه..

قامت اسراء وقالت

مره تانيه يا ماما ان شاء الله بس انا لازم انزل تحت دلوقتي..

_ قالت كلامها وسلمت عليهم ونزلت وجه خالد بعد شويه وقالهم اللي حصل بينه وبين مراته وكان مدايق جدا..

فريده

خلاص ما تزعلش مراتك يا حبيبي وانا موافقه..

مي

موافقه علي ايه يا ماما ما ينفعش كده ازاي يعني تبيعي بيتنا وتروحي تقعدي في ايجار معاهم لان اكيد تمن الشىقه دي مش هيقدرو بيه يتملكو الشىقه اللي هناك..

خالد

مي معاها حق يا ماما انا مش هوافق انا كمان اخليكي تعملي كده وانتي كتر الف خيرك انك هتخلينا نقعد معاكي هي بقي مش موافقه براحتها..

فريده

طيب انا هروحلها واتكلم معاها وايااك تعترض وانا هعرف اخليها تتراضي..

_ وفعلا تاني يوم راحت فريده عند هايدي اللي كانت قاعده هي ومامتها ومدايقين جدا..

فريده

يا بنتي انتي عندي هتكوني قاعده في بيتك وملكك هو الايجار ده هينفع معاكم ولا هينفع مع مصاريف جوزك ومرتبه اللي يدوب مكفيكم..

هايدي

مش قد الجواز يبقي ما كانش اتجوز با حماتي..

الام

ما خلاص بقي يا هايدي مدام فريده معاها حق انتي وجوزك وولادك مصاريغكم بقيت زياده عشان الاسعار اللي رفعت مره واحده دي واسلم حل انكم تقعدو مع مدام فريده..

فريده

يا بنتي انا اوعدك ان البيت كله هيكون بتاعك وانا ضيفه عندك بس بلاش الوعل ده خلي الولاد يرجعو لحىضن ابوهم..

هايدي

يجي خالد هنا وياخدني انا مش هروح معاكي انتي يا حماتي بعني..

فريده بحزن

حاضر انا هبعتلك جوزك يجي ياخدك بس بلاش تعندي معاه والله خالد طيب وبيحبك..

الام

اومال طبعا يا مدام فريده طيب يعلم ربنا انا بحب خالد ازاي ده ابني هو كمان..

_ ومشيت فريده وهي كانت متعصبه جدا وزعقت

في مامتها وقالت..

هايدي

انتي ليه بتعملي كده ليه متساهله معاها كده الناس دي كلهم شر

ولازم

 

 

ياخدو علي دماغهم

الام

والله ما حد عايز ياخد علي دماغه غيرك انتي عايزه ايه يا بنت انتي جوزك راجل جدع وبيحبك بتعملي كده ليه انتي..

هايدي

هو ايه اللي عملتو يعني انا عايزه اضمن مستقبلي ومستقبل ولادي يا ماما..

الام

بطلي تبصي لغيرك يا هايدي انتي عينك علي اسراء اخت خالد والعيشه بتاعتهم بس هشام ده اتقدنلك زمان وانتي اللي رفضتيه..

هايدي بغيظ

غلطة عمري اهو بقؤ غني ومعيش مراته زي الملكه وانا قاعده بتنقل من بيت لبيت مع جوزي عشان ظروفه وحاجه تقرف..

الام

اتحملي والحمد لله علي كده ويمكن ربنا ينفخ في صورة جوزك ويبقي ياما هنا ياما هناك..

هايدي بسخريه

هه مين ده جوزي انا يبقي كده ليه ان شاء الله طيب هشام كان شاطر وطموح انما جوزي اهم حاجه عنده يكفي مصاريفه وبس..

الام

اهو انتي ما فيش حاجه تعبااكي غير الطمع وانك ديما باصه لحاجات غيرك..

_ وراح فعلا خالد تاني يوم واخدها وراحو بيت امه اللي سابت اوضتها وقالتلهم..

فريده

انا رتبتلكم اوضتي عشان تقعدو فيها عشان كبيره زجيبت سىرير للولاد عندي في اوضة خالد عشان هبقي امدهم يوم ويوم يباتو غندس عشان ما تتعبيش يا بنتي..

هايدي بضيق

طيب..

خالد

ربنا يخليكي يا ماما انا مش عارف والله اقولك ايه بس ان شاء الله في اقرب وقت الاقي شىقه علي قد ظروفي وننقل فيها..

فريده

ليه بس كده يا ابني ده بيتك يا حبيبي وكفايه اووي انك هتقعد معايا وتونسني وولادك يبقو علي طول قدامي..

هايدي

طيب خليهم معاكي بقي يا طنط عشان انا تعبانه وعايزه ارتاح ولما تبقو تجهزو الغدا ابقو صحوني.. ودخلت اوضتها..

خالد بضيق

بعد اذنك يا ماما وخليكي مع الولاد بس اوعي تعملي حاجه في شغل البيت

فريده

حاضر يا حبيبي بس ما تزعلهاش هي ما

تقصدش ما ردش عليها ودخل اوضته عند هايدي وزعق فيها وقال..

خالد

انتي ايه اللي عملتيه ده ازاي تكلمي ماما بالطريقه دي يا هايدي..

هايدي

هو انا بعني كنت كلمتها ازاي يا خالد تو مش اخنا ضيوف هنا ولا جايين نخدمها..

خالد

ايوه ورجلك فوق رقبتك اوعي تفتكري انك هتقعدي وتحطي رجل علي رجل وماما هتعملك اللي تطلبيه ده انا ارميكي في الشارع اسهل..

هايدي

ماشي يا خالد ممكن بس ارتاح النهارده عشان تعباانه شويه..

خالد

انا هطلب اكل جاهز يا هايدي ومن بكره تبقي ايدك في ايد ماما فاهمه ولا لا طلع خالد وهي قالت لنفسها..

هايدي

ان ما خليتك تندم علي اللي بتعمله ده يا خالد فيا ما ابقاش انا..

_ وتاني يوم راح خالد شغله وكانت فريده قاعده مع ولادها وقعدت جنبها هايدي وقالت..

هايدي

بقولك ايه يا حماتي انا ما اعرفش اطبخ في مطبخ مش مطبخي ممكن انتي تطبخي النهارده وانا هروق..

فريده

حاضر يا بنتي من عينية تحبي تاكلي ايه النهارده اعملهولك..

هايدي بضيق

اي حاجه بس ابقس اغسلي ايدك كويس قبل ما تبدأي عشان بقرف..

_ زعلت فريده بس قامت برضو عملت الاكل ولما خلصت قالتلها هايدي..

هادي

انتي رايحه فين معلش يا طنط الولتد تعبوني ممكن تروقي انتي وانا هدخل احميهم..

فريده

يا بنتي ايه بس اللي عىمل في البيت كده ده عايز يوم كامل عشان يتروق..

هادي

وانا مالي انا دول ولاد ابنك وبعدين هو انا هعمل ايه ولا ايه..

فريده

خلاص يا بنتي اعملي اللي يريحك وانا هكلم اسراء تيجي تساعدني..

_ وفعلا جات اسراء وعملت مع فريده كل حاجه وبالليل جه هشام جوزها عشان ياخدها..

اسراء

دقيقه واحده يا حبيبي هغير هىدومي واجيلك علي طول..

هشام

ده ايه الفمر ده تصدقي وانتي وشك كله تراب ومتبهدله كده حلوه

اووي..

اسراء

هههههه والله انت نفسك حلوه استني هنا لحد. ما اجيلك..

دخلت اسراء اوضتها وطلعت هايدي من اوضتها وهي لابسه بجامه ضيقه وقالت..

هايدي

هشام انت هنا

هشام بص للارض وقال

ازيك يا هايدي عامله ايه.

هادي

مش كويسه خالص وطالعه عيني في الجوازه دي..

هشام

خالد راجل جدع وطيب ويا بختك بيه يا هايدي انا هنزل استني اسراء تحت..

طلعت فريده من المطبخ وقالت

انتي بتعملي ايه يا هايدي هنا وانت رايح فين يا هشام..

هشام

انا هنزل استني اسراء تحت يا ماما معلش..

نزل هشام وفريده قالت لهايدي

انتي ازاي تطلعي من اوضتك بالمنظر ده قدام جوز بنتي..

هايدي

ما كنتش اعرف انه هنا يا حماتي وانتي توطي صوتك وانتي بتتكلمي معايا..

طلعت اسراء وقالت

خلاص يا جماعه ما حصلش حاجه هشام مش غريب ودي حاجه مش مقصوده وهشام محترم واكيد مش هيرفع عينه فيها بعد اذنكم..

فريده

خدي بالك من نفسك ومن جوزك يا حبيبتي

ونزلت اسراء عند هشام اللي كان مستنيها في العربية وقالت له

اتاخرت عليك ياحبيبي ولا ايه

هشام

ياروحي انتي اتاخري براحتك وانا هستناكي العمر كله

اسراء

ياحبيبي ربنا مايحرمني منك ابدا يارب انت عارف بعد مانزلت انت ماما كانت هتزعق لهايدي عشان طلعت بهىدوم البيت وانت موجود

هشام

والله ياسوسو انا ماعرف هي كانت شكلها ايه لاني فضلت باصص في الأرض والله لما هي خرجت

اسراء

من غير ماتحلف ياهشام انا عارفاك كويس ياحبيبي وعارفه أخلاقك

هشام

بس انا بعتب على مامتك اللي خلتها تيجي وتقعد معاها في الشىقه لان اللي زي هايدي دي مناخيرها في السما وماما فريدة طيبة ومش هتسلك معاها

اسراء

والله ياهشام انا ومي قولنا لماما الكلام ده بس هي فضلت تقولنا عشان خاطر اخونا خالد لازم تستحملها

هاتقول ايه بقا ربنا يهديهم لبعض

ورجعو البيت وعند فريدة قالت لهايدي

اياكي يكون مره تانية يكون عندنا حد وتخرجي من الاوضة بالمنظر ده انتي فاهمة ولا لا

هايدي

لا طبعا مش فاهمة وبعدين هو انا مالي ياحماتي هو انا خرجت من غير هىدومي ولا حاجة ما أنا لابسه قدامك اهو

فريدة

لبىسة ايه هو ده لبىس عيب عليكي ياهايدي انتي واحده متجوزة ولازم تبقى عارفه الأصول والأصول بتقول انه ماينفعش تقعدي بالمنظر ده قدام راجل غريب

هايدي

والله انا مش عارفه انتي متضايقه ليه ياحماتي هو انا يعني كنت وبعدين ده اللي كان في يوم من الايام هايموت عليا وانا اللي رفضته له وبعدها ملهاش قدامة غير اسراء قال لما اخدها وخلاص واهي اي حاجة تسد

فريدة

اخرسي اياكي اسمعك بتقولي الكلام ده انا بنتي زي القمر وهشام واخدها ومتقلها بالدهب ده مفيش راجل زيه

هايدي ردت بكل برود وقالت

طيب متزعليش نفسك اوي كده ليجرا لك حاجة وانتي واقفه انا داخله اوضتي عن اذنك

ودخلت وسابت فريدة اللي قالت لنفسها

ده ايه البنت اللي معندهاش دم ياناااس

ورجع خالد من برة ودخل وقال لامه

مساء الخير ياماما ايه قاعده لوحدك كده ليه

فريدة

ابدا ياحبيبي اصل اختك كانت هنا ومشيت هايدي دخلت اوضتها الظاهر انها نامت تحب اقوم احضر لك العشا

خالد

لا لا يا أمي خليكي مرتاحة انا مش عايز اكل

وبعدها دخل خالد عند مراتة اللي قالت له

حمد الله على السلامة ياحبيبي ايه اتاخرت ليه كده

خالد

كان عندي شوية شغل كده وكنت بخلصه في حاجة ولا ايه

هايدي

فيه اني انا زهقت ياخالد من طريقة مامتك معايا دي بتعاملي ولا الخدامة هو انا جايه هنا عشان مقعدش ولا ارتاح

خالد

ليه بس ياهايدي هي ماما عملت ايه لده كله بس

هايدي

قول ماعملتش ايه دي طول النهار مشغلاني في البيت زي الخدامة وانا مستحملاها عشان خاطرك انت بس

خالد

معلش اعتبري ان البيت ده بيتك وانتي هنا

اللي بتعملي

 

 

كل حاجة فيه

هايدي

ااه اعتبر البيت بيتي لما اكون عايشه فيه لوحدي انا وجوزي وعيالي مش امك تبقا قاعده معانا وعلى قلبنا

خالد

هايدي متنسيش انك بتتكلمي عن امي وان احنا كمان اللي عايشين معاها

هايدي

ماشي براحتك خليني كل ما اقولك حاجة تبقيها هي عليا مع اني مراتك ام عيال اللي باقيه ليك لما امك دي ربنا ياخدها

خالد اتعصب وقال

انتي بتقولي ايه والله لو ما كانت امي بره وتسمعني انا كنت خليت يومك مش معدي دلوقتي انا هنام احسن

كل ده وكانت فريدة بره سامعه صوتهم وهما بيزعقوا وقالت

اه يابنت ال بقا انتي عايزة تقومي ابني عليا ماشي ياهايدي الظاهر اني كنت طيبة اوي معاكي

وعدت الايام وكل يوم هايدي تسخن خالد بالكلام عن امه وفي يوم خالد قال لأمه

هو انتي ياماما كل يوم تعملي مشكلة مع هايدي ليه بس ياماما هي بتعمل لك ايه

فريده

انا يابني بعمل مشكلة معاها ده انا مش بخليها تشيل النسمة من على الأرض تقولي كده

خالد

اصل انا بصراحة زهقت من كتر الشكوى اللي هي بتقولها ده انا حاسس انكم عاملين زي ناقر ونقير

فريدة

خلاص ياخالد خليها ملهاش دعوة بيا خالص ولا انا ليا دعوة بيها يابني اذا كان ده يريحها انا هاقوم البىس واروح عند اختك مي اقعد معاها شوية

وفعلا مشيت فريدة راحت عند مي وقالت لها

انا مش عارفه البت دي بتعمل كده ليه والله ياماما انتي غلطانة انك جبتيهم في البيت عندك لا وايه كنتي ناويه تبعي الشىقه عشانهم

فريدة بتعيط

والله يامي انا مش عارفه هي ليه بتعمل كده انا سمعتها بودني وهي بتسخن اخوكي عليا لحد لما قالي انه زهق وصلت لاخوكي فكرة اني انا اللي وحشة

مي

والله ابنك ده يبقا عبيط لو صدقها في اللي هي بتقولو عنك هو يعني مش عارف انك أطيب ام في الدنيا

فريدة

انا مش عارفه اعمل ايه

مي

بصي احنا لازم نعمل للبت دي عىمل عشان خاطر تبعد عننا خالص وتبعد عن ابنك

فريدة

عىمل ايه بس وكلام فاضي ايه يامي انا عمري ماعملت الحاجات دي ابدا تقولي لي اعمل عىمل لا لا

مي

اسمعي كلامي ياماما انا عايزة مصلحتك البت دي مش هتغور غير بكده وانت اعرف واحده شيخة بس سرها باتع اوي هي هتعمل عمل ميخرش المايه

فريدة

طيب يعني الست

دي انتي واثقه منها يامي

مي

الا واثقه فيها ياماما طيب ده انا عرفتها عن طريق واحدة صاحبتي لما جوزها اتجوز عليها راحت عملت له عىمل بقا يشوف مراتة التانية قدامة قرد لحد لما طىلقها ورجع لصاحبتي تاني وفضل يتأسف لها ويندم على انه اتجوز عليها

فريدة

طيب خلاص خوديني عندها وفي الوقت ده اتصلت اسراء باامها وقالت لها

افرحي يا ماما افرحي ياحبيبتي هشام كان مدخلك في قرعة الحج السنة والحمد لله اتقبلتي وهاتروحي تحجي

فريدة بفرحة

انتي بتتكلمي بجد يا إسراء يابنتي والنبي بجد اللهم صلي على النبي انا مش مصدقة نفسي

اسراء

لا ياحبيبتي صدقي وبعدين انتي أطيب ام في الدنيا وتستاهلي كل خير ياست الكل يلا بقا عشان تجهزي ورقك عشان يخلص لك كل حاجة وعلى فكرة هو متكفل بكل مصاريفك

فريدة

اللهم لك الحمد والشكر يارب انا كنت طالبها من ربنا والحمد لله اهو استجاب لدعواتي

وفقلت مع إسراء ومي قالت لها

الف مبروك ياحبيبتي ياماما يارب تروحي وترجعي بالسلامة يارب

فريدة

الله يسلمك ياحبيبتي انا هرجع البيت عشان افرح خالد اخوكي

ورجعت فريدة البيت وقالت لخالد وقال لها

الف مبروك ياحبيبتي ربنا يتقبل منك وتروحي وترجعي بالسلامه يارب

فريدة

الله يبارك فيك ياحبيبي والله ياخالد انا كان نفسي تكون معايا بس ان شاء الله ربنا يكتبهالك السنة الجاية ونكون مع بعض ان شاء الله

هايدي

ههههه وهو بقا هيروح منين ولا هيدفع منين ده لوما هشام عليكم مكنتيش لا هاتروحي ولا هتيجي ياحماتي هاها

فريدة

انتي بتتريقي ياهايدي وبعدين هشام ااه اتكفل بكل حاجة بس ربنا كتبها لي ولا ايه

هايدي

ااه صح بس على الله يتقبل منك بقا

خالد

وبعدين معاكي ياهايدي لو عندك كلمة كويسة قوليها معندكيش تسكتي خالص ومسمعش صوتك وبعدين انتي تباركي لماما وبس

هايدي

امممم طيب ياحبيبي انا لا ببارك ولا بعمل انا داخله جوه اشبع انت بقا بمامتك

ودخلت جوه وخالد قال لأمه

حقك عليا ياماما متزعليش منها انا اسف وبعدين متخليش كلامها ده يمنعك من فرحتك بالحج

فريدة

لا ياحبيبي مش زعلانة ربنا يهديها

وعدت الايام ومي قالت لأمها هنروح الست النهاردة ياماما عشان هي مستنيانا

وراحت فريدة

مع مي للدحاله وقالت لها

انتي عايزة تعملي عىمل لهايدي بنت امال عشان هي تعباكي انتي وابنك ومكرهاكم في عشيتكم

فريدة

بصراحة ايوه ياشيخة أصلها بنت ستين في سبعين وانا عايزاها تتأدب وتتعلم الادب معايا ومع ابني

الدحالة

خلاص اعتبريها اتادبت خلاص بس الباقي عليكي انا سمعت انك رايحة الحج

فريدة

ايوه هسافر قبل الوقفه بيومين ان شاء الله

الدجىالة

خلاص ده حلو اوي انتي بقا هتاخدي العىمل وتحطيه هناك وبكده اضمن لك انها هتوطي على رجلك تبىوسها

فريدة

يعني هو في أعىمال بتتحط هناك فعلا ياست انتي وازاي ده

الدجىاله

انا هاقول لك تعملي ايه انتي لما تروحي على جبل عرفات هتحطي العىمل ده معاكي هناك

فريدة بصت لمى وقالت لهم

بص هو انا كده مش هيبقا عليا ذنب ولا ايه

الدجىالة

لا خالص مفيش اي حاجة خالص انتي بس تعملي زي مابقول لك كده

ومشيت فريدة هي ومي وقالت لها

انتي يابنتي واثقه من الست دي يامي انا مش مرتاحة لكلامها خالص يابنتي

مي

هو ايه يعني اللي هيحصل ياماما ان شاء الله مفيش حاجة انتي بس اعملي زي ماهي طلبت منك وخلاص

فريدة

ربنا يسترها يامي يابنتي انتي عارفه انا رايحة عشان خاطر ربنا ومش عارفه حكاية العىمل دي كويسة ولا ايه

مي

اكيد مش هيبقا في حاجة اطمني انتي

وبعدها سافرت فريدة عشان الحج وعند هايدي اتصلت بهشام وقالت له

ازيك ياهشام والله انا من زمان نفسي اتكلم معاك اوي انت هتسمعني مش كده

هشام بتأفف قال لها

عايزة ايه ياهايدي بتتصلي بيا ليه

هايدي

بتصل عشان اقول لك اني محتاجة لك اوي محتاجة لشخص حنين وطيب يحس بيا

هشام

ليه وهو خالد مش حنين وطيب طب ده انا اسمع انه بيحبك ومش بيرفض لك طلب

هايدي

هو خالد ده اصلا ليه اي تلاتين لازمة في الدنيا ده انسان ملوش لازمة خالص

هشام

عيب لما تتكلمي عن جوزك بالطريقة دي ياهايدي ده خالد بيتنما لك الرضا ترضى

هايدي

ااه بس مش لاقي ياكل ولا عارف يكفي طلباتي انا وولادي حتى لما بيبقو نفسهم في حاجة مش بعرف اجيب لهم حاجة

هشام

خلاص ياهايدي شوفي انتي وولادك محتاجين ايه وانا تحت امرك في اي حاجة معلش مضطر اقفل دلوقتي عشان عندي شغل

وعند فريدة كانت في يوم عرفة وراحت

علي عرفة وكان معاها الكيس وحتطة من غير ماحد ياخد باله وبعدت شوية وقالت لنفسها

انا ايه اللي انا عملته ده اعوزو بالله من الشبطان الرجيم لا لا يافريدة انتي مش بتاعت الحاجات دي ولا ينفع تفكري في الحاجات دي انتي لازم تجيبي الزفىت العىمل ده من مكان ماهو موجود

وفعلا بعد تفكير طلعت تاني نفس المكان واخدت الكيس اللي فيه العىمل ونزلت بسرعة واتصلت بمي وقالت

لها

انا مقدرتش يامي

مش هينفع يابنتي في المكان الطاهر ده احد العىمل فيه ربنا مش هيسبني انا جايه عشان اخرج من هنا من غير ذنوب ومش هينفع اشيل نفسي ذنب اكبر

مي

خلاص ياماما ياحبيبتي اللي تشوفيه المهم انتي بخير طمنيني عليكي

فريدة

انا بخير ياحبيبتي كان نفسي انتي واخواتك تبقو معايا يامي المكان هنا جميل بشكل مش قادرة اوصفه

مي

ربنا يكتبها لنا يارب ياماما المهم ادعي لنا كتير اوي ليا ولولادي واخواتي

فريدة

انا من ساعت ماجيت وانا بدعي لكم ياحبيبتي والله ربنا يسعدكم كلكم ويفرحكم باولادكم

وعند اسراء كانت قاعده مع هشام وقالت له

ماما بتسلم عليك اوي ياحبيبي وبتدعي لك كتير

هشام

ربنا يتقبل منها وترجع بالسلامة يارب ياحبيبتي انتي متعرفيش انا بحب مامتك دي اد ايه وبعتبرها زي مامتي على فكرة يا اسراء انا كنت عايزة احكي لك على حاجة

أسراء

قول ياحبيبي في ايه

وحكي هشام لاسراء على كل اللي هايدي قالت له وردت اسراء وقالت

والله ياهشام انا عارفه انها نادله وخىبيثة ومش بتحب غير المظاهر عماله تتبطر على عيشتها بس انا لازم اقول لاخويا عشان يكون ليه موقف معاها

هشام

انا حكيت لك عشان تحكي له يا إسراء وانا اخلي مسؤوليتي منها الست دي ولو اتصلت بيا تاني خليكي انتي تردي عليها

وبعدها اسراء حكت لخالد وقال لها

ماشي يا اسراء كتر خيرك انك عرفتيني ياحبيبتي

ودخل خالد علي هايدي وواجهها وقالت له

ااه انا كلمت هشام لانه احسن منك ومعاه فلوس وهو اللي هيعيشني عيشه احسن من عيشتك الفقر دي

ضىربها خالد وطىلقها وطىردها من البيت وقالت له

انا همشي اشوف حياتي وهسيلك عيالك وابقي وريني بقا هتصرف عليهم منين

وفعلا مشيت وبعد كام رجعت فريدة وعرفت اللي حصل وقالت له

ياحبيبي يابني هي اصلا مكنتش تستاهلك ومتشلش هم ولادك دول في عنيا الاتنين

وعاش خالد مع أمه وكانت حنينة عليه هو وولاده

وبكده تكون خلصت حكايتنا