عوض ربنا
عوض ربنا
لما أمي قالت إن الراجل كان طالبني أنا في الأول، جسمي كله تلج ومبقتش قادرة أتحرك. بصيت لها وسألتها بصوت مرعوش ليه يا أمي؟ ليه تعملي فيا كدة؟
عدلت طرحتها وقعدت بكل برود وقالت جملة عمري ما هساها طول ما أنا عايشة إنتي قوية يا بنتي، وبتعرفي تسلكي في أي حاجة وتعيشي في أي ظروف.. لكن أختك رقيقة وغلبانة، هي محتاجة الحياة المرتاحة دي أكتر منك.
نفسي انقطع ومبقتش عارفة أرد. سنين وأنا شايلة البيت كله على كتافي،
سبت مدرستي، واشتغلت زي العبيد، وكنت بأكل البيت كله وبدفع مصاريف مدرسة هنا أختي.. ودلوقتي، الفرصة الوحيدة اللي كانت ممكن تغير حياتي، أمي بتديها لحد تاني بإيديها.
أختي هنا كانت واقفة ورا الباب وسامعة كل حاجة. كنت فاكرة إنها هترفض، كنت فاكرة إنها هتقول لأ يا ماما، ده حق أختي وده مش عدل. لكن اللي حصل إنها دخلت ومسكت إيد أمي وقالتلي ماما عندها حق، وبعدين إنتي مش جميلة زيي، تفتكري راجل غني زيه هيختارك على
أساس إيه؟
الجملة دي دخلت صدري زي السکينة. بصيت لأختي اللي ربيتها كأنها بنتي، اللي كنت بخاف عليها من الهوا، اللي كنت بجوع عشان هي تشبع.. كانت واقفة وبتضحك. ليلتها عيطت في سري على فرشتي عشان محدش يحس بيا، وتاني يوم الصبح صحيت بدري كالعادة وفتحت المحل، لأن الۏجع مبيأكلش عيش والجوع مبيستناش حد.
بعد تلات أسابيع، جه الراجل وأهله عشان قراية الفتح. كنت أنا اللي بقدملهم الأكل وبخدمهم، وقفت أسلم عليهم وبصيت في
الأرض، وفجأة الراجل فضل يبصلي كتير وسأل بصوت عالي مين البنت دي؟
البيت كله سكت. أمي ردت بسرعة وهي مرتبكة دي أخت العروسة الكبيرة، بتساعدنا في البيت. لكن الراجل كشړ وبص لأهله وقال جملة خلت الكل يتسمر مكانه لأ.. هي دي البنت اللي أنا كنت بسأل عليها!
الصينية كانت هتقع من إيدي، والبيت كله بقى هسس. أمي حاولت تضحك وتداري الموقف وقالت يا سعادة البيه أكيد فيه لخبطة، العروسة اللي إنت عايزها هي هنا.
بس الراجل قام
وقف وشاور عليا تابعوا صفحة محمد السبكي للقصص والروايات الحصريه
وقال بوضوح لأ.. الست اللي ساعدتني يوم ما عربيتي عطلت جنب السوق، واللي رفضت تاخد مني مليم، واللي شالت أكل من محلها وودته للسواق بتاعي عشان كان جعان.. هي دي!
افتكرته في لحظتها. من كام شهر، عربية راجل عطلت قدام المحل بتاعنا على الرصيف، الناس اتلمت عليه، اللي اتريق عليه واللي حاول يبتزه عشان يساعده، لكن أنا ببساطة قدمتله مية وطلبتله ميكانيكي وغلفت أكل للسواق بتاعه. مكنتش أعرف إنه
غني، ولا كان فارق معايا أصلاً.
الراجل كمل كلامه وقال أنا قولت لأهلي يدوروا على البنت دي، بس الظاهر إنهم جابوني للشخص الغلط. وش هنا أختي جاب ألوان، وأمي بدأت تتمسكن وتقول أصلها عنيدة يا بيه ومبتسمعش الكلام، مش هادية ورقيقة زي الصغيرة.
لكن والدة الراجل قاطعتها وقالت الست اللي تقدر تتعب وتضحي وتفضل محتفظة بحنيتها وأصلها، هي دي اللي قلبها قوي، وهي دي الست اللي نتشرف إنها تدخل بيتنا.
اڼفجرت في العياط.. مش عشان الجوازة، بس عشان لأول مرة في حياتي فيه حد شافني بجد. مش عشان أنا شقيانة، ولا عشان أنا خدامة للكل.. شافني عشان أنا مين من جوه.
أمي ليلتها رمت نفسها تحت رجلي وهي بټعيط وب تطلب مني أسامحها، وأختي حبست نفسها في الأوضة وفضلت ټعيط من غلها. أما أنا؟ مغلطلش في حد، ولا اتخانقت، كل اللي قولته الشخص اللي إنتي رفضتيه، هو نفس الشخص اللي ربنا نصره وڤضح بيه تفرقتك
وظلمك.
اتجوزت الراجل ده بعد كام شهر، واتعلمت درس عمري ما هنساه إياك تستهين بالطفل اللي بيعاني وبياخد على دماغه في سكات، ساعات اللي الكل بيتجاهله بيكون هو اللي ربنا بيجهزه عشان يكرمه قدام الكل.
التفرقة والتمييز بين الأخوات بتهد البيوت، والطفل اللي بيضحي بكل حاجة غالباً بيكون هو أكتر واحد منسي، بس الحنية والمعروف اللي بتعمله في السر، ربنا بيردهولك في العلن ويفتحلك بيه أبواب مقفولة.
تعليقات
إرسال تعليق