رواية متى ينتهى عذابى الفصل العشرون والحادى وعشرون بقلم إيه المهدى حصريه
رواية متى ينتهى عذابى الفصل العشرون والحادى وعشرون بقلم إيه المهدى حصريه
البارت 20
بدأ يوم جديد بأحداث جديدة ونزل الجميع لللاسفل لتناول الإفطار معا وكلا منهم صامت تمام نظر الجد للجميع باستغراب من حالتهم ونظر لابنه الأكبر سالم
سالم : مالكوا يا ولاد مضايقين ليه
آنس : مافيش يا عمي مع كل اللي حصل امبارح بس كل واحد فينا عنده اسئلة كتيرة واجوبتها بس عند فجر
الجد بثقة : وفجر هتيجي قريب وبكرة هتفهموا كل حاجة ونظر لشمس حفيدته ليراها ساكنه ولا يري أي ردة فعل لها كأنها لم تكن شقيقتها
ليلي : شمس مش عايزة تقولي حاجة
شمس ببرود : لا لانه الموضوع ميخصنيش عن اذنكوا انا شبعت وذهبت سريعا لغرفتها قبل أن يري أحد دموعها
شعر كريم بها وبما يحدث بداخلها فذهب هو الآخر بهدوء لغرفة شقيقته ليتحدث معها
عز بحزن : بكرة تفهم كل حاجة رغم أنه انا كمان مضايق وزعلان قوي ازاي بنتي يحصل معاها كل ده وانا معرفش انا كان بامكاني الاقيها بسهوله
الجد بجدية : علشان انت مقدرتش تحب بناتك لحد دلوقتي يا عز بسبب كاميليا انت بتقنع نفسك انك تقبلت الموضوع لكن لاء انت مقدرتش لحد الان تقرب منهم خصوصا فجر وانت مكنتش موجود معاهم في مراحل حياتهم ولا قدرت تقوم بدور الاب معاهم فحقك ده لما تقوم بواجباتك كلها تجاههم الاب مش كلمة تتقال لا دي اكبر من كده بكتير راجع نفسك يا ابني وقرب من البنات وصلهم حبك الحقيقي كأب
تآثر عز كتيرا بكلام والده وليس هو فقط بل الجميع
فهم مخطئين بحق فجر وشمس أيضا
علي الناحية الأخري في منزل فجر :
كانت علي أتم الاستعداد للمواجهة أمام الجميع اغلقت منزلها جيدا وأخذت حقبيتها واستعدت لرحلتها
وبعد مرور ساعات من الوقت وصلت لفجر أمام منزل عائلتها وظلت تخطو خطواتها بثقة دقت فجر الجرس لتفتح لها أحدي العاملات وترحب بها
الخادمة بصدمه : ايه ده انتي بجد هنا
فجر : طب ادخل بس الاول وبعدين اتصدمي
ظلت تعتذر العاملة لها علي غبائها وأخذت منها الحقيبة وذهبت للداخل وفجر تتبعها وفجأة توقفت عندما رأت نظرات الجميع لها بصدمة
معاذ : فجر انتي هنا توقف الجميع بذهول من رايتها أمامهم
فجر بهدوء : انتوا اكيد شوفتوا اللي حصل وحابين تفهموا كل حاجة
شمس بغضب : مش عايزين نفهم حاجة وكمان رجعتي ليه كنتي خليكي هناك انتي مالكيش حد هنا
عز بحدة : شمس عيب كده دي اختك الكبيرة
وأثناء كلام الجميع نزل كريم للاسفل ليري شقيقته فجر أمامه ذهب ليعانقها سريعا وهو فرح عانقته فجر بمحبة وهدوء فهو ليس له ذنب بما فعلته والدتها
فجر : ازيك يا كريم عامل ايه
كريم بحزن : انتي مشيتي ليه انا كنت لوحدي هنا ومافيش حد فاهمني
معاذ : يا سلام يا سي كريم يعني كلنا مش ماليين عينك
توتر كريم قليلا وشعر بالخوف ليلاحظ الجميع خوفه
فجر بتنهيدة : ممكن نقعد ونتكلم
عبد الله بغموض : أيوة يا ريت علشان انا عايز افهم كل حاجة منك انتي بقيتي ظابط ازاي وانتي تخصصك مختلف
فجر : انا دخلت كليه الشرطة وده كان بمساعدة تيتا طبعا وشمس كنت مخبية عليها ولأن تيتا كانت خايفة عليا مقالتش لحد اني دخلت الشرطة ودرست إدارة أعمال برضو وده كان الظاهر قدام الكل لحد ما اتخرجت وتيتا ليها معارف كتير هناك انا طلبت منهم ابقي ظابط سري يعني محدش يعرف اني في الشرطة صحيح ملفي عندهم بس هما خافين كل حاجة لحد ما بقيت زي ما انتوا شايفيني قدامكو
الجد بتفكير : خرجتي وسيبتي البيت ليه
فجر : علشان انا مقدرش اتخلي عن واجبي ابدا وكمان بيتك كان محاوطه أعداء كتير وكانت بدأت تخرج وخطف البنات كان مدبر
عبد الله بصدمة : انتي كنتي موجودة وقت خطف البنات
فجر بثقة : أيوة لانه انا الشخص المقنع
عبد الله بذهول : انتي المقنع ازاي
فجر : انا هاحكيلكوا كل حاجة اولا انا رجوعي ليكوا أنا وشمس بعد السنين دي كلها كان مدبر مني وكل حاجة كان مترتب ليها كان لازم اعمل كده علشان مش اكشف نفسي واللي ساعدني أننا من العيلة يعني محدش هيشك فينا وليث جزء من العملية ودوره كان مهم جدا لينا
ندي : ليث اللي هنا اللي بيخوف ده
ريم : بس اسكتي شوفتي بصولك ازاي
عز : طب ده كله ليه
فجر : علشان نقدر نقبض علي المجموعه كلها وانت طبعا يا عز بيه اعداءك كتير بدليل خطف البنات
الجد باستغراب : انتي كنتي عارفه بخطف البنات
وفجأة دخل الرائد ليث ليقول لهم
ليث : فجر هي الملكة المقنعه وهي اللي أنقذت البنات وكانت عارفة كل حاجة بس اللي متعرفوش أنه فيه حد ورا فؤاد اعلي منه يعني اللعبة لسه مخلصتش ده غير عاصي
سيف باستغراب : عاصي مين
فجر : عاصي ده تاجر مافيا مخدرات وأسلحة وبيتاجر في البنات كمان وعنده القتل هواية وكمان ده السبب في موت هنا ومحدش لحد الان عرف يمسك عليه دليل وهو في مصر حاليا
الجد بذهول : كل ده حصل معاكي ومتقوليش
فجر بهدوء : انا كان مطلوب مني مهمة صح مخلصتهاش كلها بس كلها فترة وبعدها هاخد كريم وشمس ونرجع زي ما كنا
شمس بغضب : مين قال اني هاجي معاكي انا هافضل هنا وانتي ارجعي مكان ما كنتي انتي حتي مفكرتيش فيا ولا هاعمل ايه من غيرك
فجر بحزن : انا اسفة
عز بحدة : فجر مافيش حد هيطلع من البيت وكمان انا ابوكوا يعني مكانوا معايا وده قراري النهائي
ليلي بحب لها : خلاص يا عز بقا خلوا البنت ترتاح شوية تعالي يا حبيبتي انتي اكيد جعانة مش كده
فجر : لا يا طنط انا عندي مشوار مهم جدا دلوقتي ولما ارجع هقولكوا بس اتمني محدش من البنات يخرج من البيت لحد ما ارجع خصوصا شمس
سالم : ليه يا بنتي مش فؤاد خلاص اتقبض عليه
فجر : عاصي مش هيسكت ونزل مصر مخصوص علشان يعرف مين ماسك القضية وكمان عرفت أنه كان بيدور ورا كاميليا وعرف معلومات عني وعن شمس فبلاش الفترة دي حد يخرج من البنات لحد ما الموضوع ينتهي
شمس بعناد : هخرج يا فجر وان كان عاجبك
فجر بحدة : شمس مش تختبري صبري علشان انا غضبي وحش و جهت كلامها للجميع شمس لو خرجت انتوا المسئولين قدامي وريم وندي وآية وكريم مافيش خروج الا لو حد معاكوا وانا هابعت ليكوا ٤ من أكفأ الظباط بس هيكونوا خافين هويتهم هما بنتين وشابين
فجر لعبدالله: عبد انت المسئول عنهم وليث هيكون معاك
ليث برفض : لا طبعا انا هكون معاكي في المهمة
فجر : ليث انت عارف أنه الفريق بتاعنا معايا متقلقش كله هيبقي تمام وعاصي نهايته علي أيدينا مهما كان التمن
عز بخوف : لا يا بنتي بلاش انتي خلي حد يمسك القضية دي مكانك اكيد الموضوع فيه خطورة
فجر : متخافوش كله هيبقي تمام
كريم بدموع : فجر مش تسيبني لوحدي تاني خليكي هنا انا مش عايز اخسرك زي هنا وماما وكمان انا حاسس اني لوحدي هنا ارجوكي خليكي معايا
فجر بنظرة للجميع : كريم هو حد هنا بيعاملك وحش
كريم بتوتر : لا لا كلهم كويسين معايا وبيحبوني
معاذ : متخافيش يا فجر كريم اخونا الصغير واحنا واخدين بالنا منه هو بس مشتاقلك مش اكتر
وقبل أن تتحدث جاء لها اتصال هاتفي
فجر بغضب : ازاي ده يحصل وانتوا كنتوا فين
نكمل البارت الجاي ....
يا تري مين اللي كلم فجر ؟؟؟؟؟
بقلم آية المهدي .........
البارت 21
ذهبت فجر لذلك المجهول الذي تحدث معها بالهاتف وطلب ليث اصدقاء فجر بالفريق وشرح لهم المهمة والعائلة منتظرة بقلق وخوف شديد من القادم
ذهب ليث لاستقبال فريق فجر وعبد الله يملي التعليمات للشباب في حالة خروجهم من القصر
سيف بحدة : عبد الله انا مش بحب كده وكمان انت شايفني عيل قدامك
عبد الله بهدوء : يا سيف الوضع خطر انت مش عارف خطورة عاصي دي ازاي انا جمعت معلومات عنه ده معندوش رحمة في قلبه واكيد لما يعرف أنه فجر هي اللي ماسكة القضية هيثور وهيجلنا تهديدات كتير اتمني تساعدنا وتساعد فجر كمان علي الاقل هترتاح من قلق أنه حد فيكوا يتعرض لمشكلة
معاذ : سيف عبد الله عنده حق أنه مكانش علشانا علشان فجر ارجوك متخرجش الا لما يكون معاك حد من فريق فجر
نظر لهم سيف بغضب وذهب لغرفته فهو لا يستطيع أن يبقي مقيد هكذا ولكن الصبر من أجل حوريته الجميلة
آنس : طيب هو ليت وفريقه اتاخر كده ليه
عمر : مستعجل قوي ولا حابب تشوف صحاب فجر ونظر لآية بمكر شديد ليري تعابير وجهها المحتقنه
آنس بعصبية : اخرس يا زفت احسن اجي اخرسك انا
عمر بتسلية : ليه بس ده احنا لسه بنقول يا هادي
باسم بجدية : ممكن تخرس لانه واضح أنه فريق فجر وصل واياك تقول اي كلمه غبية من بتوعك لحد منهم جدك مش هيرحمك
عمر بغيظ : خلاص يا عم ايه ده كله انا كنت بهزر
علي الناحية الأخري في غرفة شمس
شمس بغيظ : بقي انا اتحبس في البيت ماشي يا فجر ماشي وبعد قليل شعرت بالخوف علي شقيقتها
تحدتث بخوف : لعاصي ده يعملها حاجة لا لا اكيد فجر هتبقي كويسة وأثناء تهامسها لنفسها دخل كريم لغرفتها بعد أن طرق الباب كثيرا لم يجد رد
كريم : شمس شمس
شمس بخضة وعصبية : ايه حد يدخل كده مافيش باب تخبط عليه
كريم بدموع : والله خبط كتير انتي مسمعتيش
شمس بزهق : انت كل حاجة تعيط عليها خلاص متزعلش
كريم : انا كنت جاي اشوفك علشان كنتي زعلانة
شمس بابتسامة خفيفة ولكن اخفتها علي الفور : لا مش زعلانة تقدر تروح تنام دلوقتي
كريم بزعل : تمام تصبحي علي خير
عاتبت شمس نفسها علي فظاظتها مع شقيقها الأصغر وذهبت للنوم سريعا حتي لا تجهد نفسها بالتفكير
وصل فريق فجر للقصر ورحب بهم الجميع
الجد بابتسامة : نورتوا يا ولاد اتفضلوا
ملك بجدية : منور باصحابه يا فندم
عمر بضحكة : ايه البت الآلية دي حاسس أننا هنتسلي
يونس بحدة : اخرس يلا بلاش فضايح
آسر بعملية : فجر شرحت لينا الوضع واحنا هنا هنحط شوية قواعد وهتمشي علي الكل ده بعد اذن حضراتكوا
سالم : طبعا يا ابني ده واجبكو كمل
آسر : مافيش خروج للجميع الا لو حد مننا معاكوا ودلوقتي معانا سلاسل فيها jps فجر اللي جابتهم للبنات وكمان للأستاذة ليلي وصفية وسمية ومروة واسما السلاسل دي مهما حصل متتقلعش
صفية بقلق : للدرجاتي الموضوع كبير يا ابني
جودي بحنان : متخافيش يا امي احنا هنبقي معاكوا دايما ومش هنسمح باي غلط يحصل
آسر : ودلوقتي هعرفكوا عن نفسنا انا آسر ودي ملك ودي جودي وده يزيد
عمر بتساؤل وغباء : امال مش سمعنا صوته يعني
ريان بهمس : يا ابني اسكت الله يهديك بلاش غباء
يزيد بحدة : ممكن لو سمحتوا تجمعوا العيلة كلها هنا دلوقتي
عز لليلي : روحي يا ليلي نادي البنات وكريم
علي الناحية الأخري
فجر في مكانها السري
فجر بغضب : ازاي ده يحصل شهد مش قولتلك راقبيه كويس
شهد بحزن : والله يا فندم ما غفلت عنه معرفش هرب ازاي
فجر بهدوء : طب خلاص روحي انتي يا شهد ولو وصلك اي جديد عرفيني ذهبت شهد للخارج وتلقت فجر اتصال هاتفي برقم غريب
فجر بانتباه : الوووو
الشخص : مش عيب يا حضرة المقدم لما تكوني مشغلة معاكي ناس مش فايقة كده وصاحية
فجر بعصبية شديدة : عاصي
عاصي بضحكة : الله هو اسمي حلو كده عموما يا سيادة المقدم احنا لسه في أول اللعبة بس المهم انتي احمي عيلتك كويس مني لاني ناوي علي حاجات كتيرة انا في الطبيعي مبحذرش حد بعمل علي طول بس انتي ليكي معزة خاصة عندي واغلق الهاتف وهو يبتسم بخبث
فجر بغضب شديد : مش هاسيبك يا عاصي وحق هنا وحق كل الناس اللي ماتت بسببك هاخده ذهبت فجر للقصر للاطمئنان علي الجميع وأخذت شهد معها
في القصر توجهت البنات للاسفل وشمس تنظر للجميع بغضب
شمس : جدو انا مش موافقة علي اللي بيحصل ده
يزيد بغضب من هذه الفتاة : مش علي مزاجك يا آنسة احنا هنا بنقضي واجبنا وممكن كل واحدة فيكم تعرف عن نفسها
معاذ بحده من هذا الشخص : من فضلك متتعصبش عليها أو علي حد من البنات كده دول اخواتي مش اسمح لحد يزعلهم
شمس بابتسامة : انت اللي فيهم يا زيزو احلي اخ
نظر كريم لها بحزن فهو يتمني أن تظهر حبها له مثلما تفعل مع اشقائها
آسر بهدوء : تمام يا استاذ معاذ ممكن بقا يعرفوا عن نفسهم
الجد : قبل اي حاجة بلاش شغل الجديات ده وانتوا يا ولاد تقولولي يا جدو انتوا زي احفادي وهتعيشوا معانا فترة ومش عايز اعتراض
عز : صح يا بابا وانا قولولي عمي وسالم ومحمد وكارم كمان
جودي بمرح : اشطا انا موافقة حد يطول يبقي عنده جدو قمر كده
ابتسم الجميع علي مرح هذه الفتاة الجميلة وهناك من ينظر لها بإعجاب شديد فيبدو سنري قصة حب جديدة
وصلت فجر للقصر. بآمان ورأت الجميع يبتسمون علي شقاوة جودي ومرحها وشمس تنظر ليزيد بغضب ولا تدري لماذا
فجر : واضح انكم اخدتوا علي بعض جامد
الجميع بلهفة : فجر انتي كويسة حد عملك حاجة
فجر : انا كويسه بس وقبل أن تكمل حديثها فقدت وعيها دون معرفة السبب
عز بصراخ : بنتي
الجميع بصراخ : فجر قومي فجر
نكمل البارت الجاي.........
يا تري فجر فقدت الوعي ليه ؟؟؟؟
بقلم / آية المهدي .........
تكملة الرواية من هناااااااا
لمتابعة باقى الرواية زورو قناتنا علي التليجرام من هناااااااااا
بدل ماتدور وتبحث علي الروايات عمل
متابعه لصفحتنا على فيس بوك هنااااااااااا
الرواية كاملة من هناااااااااا
مجمع الروايات الكامله 1اضغط هناااااااا
مجمع الروايات الكاملة 2 اضغط هناااااا
تعليقات
إرسال تعليق