سكريبت المضطرب والمجنونه كامله بقلم سلسبيل احمد
سكريبت المضطرب والمجنونه كامله بقلم سلسبيل احمد
- هو انت حاطط ايدك عليا كدا ليه!؟
= ششش
- يبني أنـ....
= بس قولت
- الله!
- ها كنت عامل ايدك كدا ليه بقي ادينا نزلنا
= عشان متتخبطيش والباص ماشي
- اتخبط فين؟
= ف اي حاجه
- انت كداب على فكره
= عشان محدش يخبطك ارتحتي؟
- شوفت بقا بتغير ازاي
= ليلي انتي مش بتزهقي!؟
- بتغير عليا يا زين.
= اه عشان بنت عمي واختي.
- طيب تمام اسفه لو ضايقتك.
= مش مضايق اصلا يلا وصلنا
اطلعي وياريت تقولي لجدو اني خرجت
- رايح فين!
= انتي مالك !!!
" وشي احمر مشي وانا واقفه مصدومه بلعت ريقي بصعوبة ودخلت و اول ما جدو ظهر ابتسمت "
- فين زين ؟؟ سابك تيجي لوحدك ؟
= لا لا يجدو جابني ومشي عنده مشوار مهم
- راح فين
= مش عارفه ، هو ممكن اتكلم مع حضرتك
- تعالي ياحببتي
قعدت قصاده وبصتله
= جدو انا عندي كام سنه ؟
- 21 اشمعنا يعني يا لمضه.
= مش شايف اني كبرت ده انا كسرت الـ 20 وبقيت 21 يعبد العزيز يعني.
ابتسم: اه فهمتك يا ليلي
= انت عارف اني عاقلة ومش هتصرف غلط ممكن
تخلوني انزل لوحدي قول لزين ميتعبش نفسه تاني ويجبني ويوديني انا كبرت! وكفايه كده
فعلا الطريقه دي بضايقني انا.
- اوعي يكون الواد زين قالك حاجه زعلتك
ابتسمت: ابدا يا جدو زين طيب!
- خلاص ياحببتي انا بس لو بضغط عليكي لانك امانه معايا فى القاهره لحد ما تخلصي تعليم وترجعي لأمك وانتي عارفه كمان بتخاف عليكي ازاي
= متقلقش الموبايل معايا عيب عليك يعني يا زيزو
ضحك لكلامها: طيب.
>>>>>>>>>>>>>>>>>>>>>>>>>>>>>>>>>>>>>
'اللهم صلِ وسلم وبارك على سيدنا محمد '
|| تاني يوم الصبح ||
- الحقني ياجدو.. الحقني انا توهت
= ليلي؟ توهتي ازاي انتي فين
- مختش بالي من الطريق
ونزلت غلط اعمل اية دلوقتي
= طب اهدي بطلي عياط اسألي انتي فين بظبط
وخليكي عندك متخافيش.
" وبعد ما عرفت اسم الشارع عبد العزيز راح
يصحي زين بسرعه "
- زين قوم .. اتحرك
زين بنوم وكسل: حاضر يا جدو هقوم اهو
ليلي جهزت ولا لسه
- جهزت اية دي نزلت وتاهت اصحي
زين قام بسرعه: بتقول اية؟؟؟؟ نزلت لوحدها الهانم؟؟ وانت سبتها ياجدو !!!
= احنا في اية ولا في اية قوم هاتها يلا
دي بتعيط في الشارع الهبله
>>>>>>>>>>>>>>>>>>>>>>>>>>>>>>>>
- زين!!!
" طول الطريق غضبان وعامل حسابي هزعق واتنرفز عليها عشان نزلت لوحدها لكن اول ما شوفتها قاعده خايفه والدموع مغرقه وشها كل حصُوني انهارت.. "
= ششش اهدي بتعيطي ليه!!
- عشان توهت
طبطبت عليها: طب اهدي يا ليلي تعالي اروحك
بدموع: و الجامعه طيب
نفخت بتعب: جامعه اية بس بحالتك دي تعالي ارتاحي فى البيت مش مهم انهارده
>>>>>>>>>>>>>>>>>>>>>>>>>>>>>>>>>>>
' سبحان الله وبحمده سبحان الله العظيم '
|| في الفيلا ||
" عبدالعزيز اطمن عليها وهي كانت مضايقه "
ليلي بهدوء: جدو انا هطلع انام شوية
طلعت من غير ولا كلمه وهما الاتنين بصوا لبعض
عبدالعزيز بصله بنص عين: اوعي تكون زعقت لها!
= انا تعبت !
- تعبت؟ تعبت من ايه!؟؟
= تعبت اه مش كل شوية تتهمني بحاجه انا مش شرير ولا هأذيها انا ابن عمها وهي اختي
- لا عشان عارف انك بتعاملها وحش!!
= لاء انا بعاملها عادي
- وليه متعملهاش كويس مش عادي؟؟
=معرفش دي طريقتي بقي بعد اذنك انا طالع اكمل نوم
"زين طلع اوضته و عبد العزيز طلع خبط على ليلي
زين سمعه ونفخ بعصبيه من كتر ما حاسس انه مدلعها غصب عنه من الفضول سمع كلامهم من وراه الباب"
- بتعيطي ليه تاني يا ليلي
"مسحت دموعها واتكلمت بصوت مكتوم ومخنوق"
= عشان غبيه وفاشلة حتت مشوار للجامعه معرفتش اروحه لوحدي انا تعبت من نفسي انا ليه مش زي بقيت الناس ها يجدو ؟ ليه لازم احتاج حد..
- طيب اهدي انا مش عارفه بس اية خلاكي تقلبي على زين ما كان بيوديكي
= مقلبتش عليه ! بس مش عايزه مساعده من حد انا حمل على اي حد فى حياتي وانا مش عايزه ده
- ياحببتي اكبر منك و بيحصلهم اكتر من كده
= لا مش حقيقي!! ده كله بسبب ماما الى طول حياتي حبساني ! بتعاملني على اني طفله مهما كبرت!! بقلمي سلسبيل احمد انا معرفتش معني اني اخرج لوحدي وابقي بحريتي غير لما دخلت سنه اولي جامعه!! بدأت اكتشف كل حاجه!! ولقيت اني مش قادره اتأقلم بسرعه زي كل الناس الطبيعيه واني جبانه!!
- هدي نفسك طيب يا ليلي.. احنا عايشين نتعلم ياحببتي وانا هساعدك لحد ما تبقي زي ما انتي عاوزة وملكيش دعوه بأمك خلاص؟
مسحت عينيها: خلاص.
"زين غمض عينيه بحزن على شعورها ومشي بسرعه عشان محدش يشوفه و دخل اوضته."
>>>>>>>>>>>>>>>>>>>>>>>>>>>>>>>>>>>>>
'لا إله إلا انت سبحانك اني كنت من الظالمين'
- احم.. صباح الخير
= صباح الخير الساعه خمسه المغرب يا زين؟
- فين ليلي
= فى اوضتها مخرجتش
- طيب انا بفكر اروح الشركه
= مش ده يوم اجازتك الى ماسك لي فيه وقولت مش عايز اخرج!
- ايوا ياجدو عادي هبص على الشغل مش بتقولي دايما بص على شغلنا والشركه دي همسكها فى المستقبل وكل الكلام الكبير العميق ده
= اوي اوي ده خبر يسعدني اتفضل انزل
- و .. احم هاخد ليلي معايا
ابتسم: هتخدها معاك اه
- اها يعني عاوز اخليها تخرج كدا وتروح وتيجي مش معقول تتوه فى السن ده ولا حضرتك اي رأيك.
= ايوا طبعا
- طيب هطلع لها
_________________
طق طق طق *
- مين؟
= انا زين
- اتفضل
= اية هتفضلي قاعده هنا؟
- مش عارفه
= متيجي معايا
ليلي فتحت عيونها بفضول: اجي معاك ؟ فين!
= تعالي بس اللبسي وانزلي هستناكي فى العربية
ليلي لبست بسرعه وكانت فرحانه ونزلت وعبد العزيز شافها و هي فرحانه فا اتبسط
- جدو انا رايحه مع زين
= قالي ياحبيبة جدو خدي بالك من نفسك.
- ماشي باي.
________________
- انت بقالك خمس دقايق ساكت هنروح فين.
= بصي المفروض اننا كنا نازلين الشركه بس هوديكي ناكل الاول اشطا؟
ليلي ابتسمت: شكرا
= على اية؟
- عشان اخدتني معاك.
= انا كنت عايز اعتذرلك على الصبح مكنش قصدي يعني اتعصب متزعليش.
ابتسمت: مش زعلانه انا برضو مكنش مفروض اتدخل
"زين اتنفس بصعوبه عاوز يقولها عادي وانه ساعات بيحب اهتمامها لكن سكت"
- هييييييييه وصلنا
كانت هتجري مسك ايدها: لا لا خدي ، نهدي كدا وبلاش الجنان بتاعك انا مش عايز امسك فحد جوه و...
ليلي مكنتش معاه خالص وباصه على ايده الى ماسكاها..
فلاش باك #
|| قبل 12 سنه ||
- اوعيييي يا زين سيب ايدي بقي انت وحش !
= قولتلك متلعبيش مع العيال دول
- لا دول صحابي
= لاء بصي صاحبك انا وبس!!!
وابن عمك كمان اللعبي معايا انا!
ضحكت: بس انت لعبك وحش وغريب وبيضحك
زين بتحدي طفولي: انتي بتتريقي عليا طب عرفت لعبه جديده تعالي اوريكي
وكانوا بيلعبوا لعبه ينطوا سوا من على خطوط رسمها على الارض وليلي مكنتش بتقدر تنط لانها قصيره وصغيره مقارنه بـ زين الى كان اكبر وكانت هتخسر فا مسك ايدها وبقوا ينطوا سوا ويجروا ويضحكوا
- بحبك اوي يا زين انت اكتر حد بحبه في الدنيااااا
باك #
فاقت على صوت زين: يبنتي!!
- ايوا ايوا
شال ايده وبصلها: سرحتي فـ ايه؟
= لا ولا حاجه..
" اتنهدت ونزلوا سوا "
- ها عاوزة تاكلي اية ؟؟
= بيتزا تشكن.
ابتسم: حاضر
"الويتر جه ياخد الطلبات و زين قاله كل الى عاوزينه."
- اي حاجه تاني يفندم ؟
ليلي ردت بسرعه: اه اه وبيبيسي و بطاطس و.. امم بيبيسي
الولد ضحك وبصلها بأعجاب: منتي قولتي بيبيسي مره
ليلي ضحكت بأحراج و وطت راسها: اه احم خلاص.
زين اتكلم بغيره وهوا قابض ايده وهيطق: اتفضل حضرتك خلاص كدا
" مشي وزين بص لـ ليلي بعصبيه "
ليلي ببراءه: مالك؟ انت زعلان من حاجه
زين بأبتسامه صفرا: اطلاقا بس بعد كدا هكسر نفوخك لو هزرتي مع حد ولما تحبي تطلبي حاجه قوليلي
- تكسر نفوخي!؟ ايه ده
زين بعصبيه: ده كل الى لفت نظرك
- انا مهزرتش انا ضحكت غصب عني!
= وتضحكيله ليه ها؟
- خلاص هبقي اعيط بعد كدا
" نهت كلامها وهي بتضحك على قلبة وشه "
" وبعدين الأكل نزلهم.. و طلب لها مولتن كيك عشان عارف انها بتحبه و خدوه وطلعوا على الشركه.. "
>>>>>>>>>>>>>>>>>>>>>>>>>>>>>>>>>>>
|| داخل مكتب زين ||
- الموظفين بيعكوا الشغل كان مفروض يخلص !!
اتفضل خد الملفات دي رجعها
" الموظف خرج و ليلي بصت لزين بأرتباك "
= زين هو انت جايبني ليه معاك!
- عشان تتعودي على الشغل يا ليلي.
= بس جدو قالي انت الى هتبقي فى الاداره
زين وهو باصص فى الورق: واية المانع تكوني فى الادارة انتي كمان هو انتي بتتعلمي ليه
= ايوا بس
- ثانيه ثانيه
مسك التلفون وكلم السكرتيرة: داليا بكره هيبقي فى ميتينج العصر ومحدش يمشي قبله مفهوم؟
قفل معاها وبص لـ ليلي: مش محتاج اقولك انك هتيجي بكره الميتينج ده انا عمتله متأخر عشان خاطرك هعرفك على الدنيا اكتر والناس وكدا.
- ايوا بس زين انا امتحاناتي اخر الاسبوع
= طيب كويس عشان لما تخلصي تشتغلي علطول
- بس انا خايفه ابوظ حاجه لا وبعدين جدو مقاليش أ
زين ساب الورق وقام من كرسي مكتبة وقعد قصدها وحاول ميتعصبش
- ليلي!
ليلي برقت بدهشه: اية؟
- مش كل حاجه جدو جدو !
وبعدين انتي نزلتي امبارح تروحي الجامعه الى بتروحيها بقالك تلت سنين توهتي مش شيفاها غريبة شوية
= لا انا بس نزلت غلط انما انا عارف الطريق كويس و .
قاطعها: ما علينا انتي لازم تخرجي من البيت تروحي اماكن.. وتشوفي ناس!
= بس انا مش بحب الفرك
- فرك! ده شغل! هتشتغلي اية بعد الجامعه!
= انا فنون جميلة هشتغل في الى بحبه.
- هو ده شغل!!
= طيب بص لما اخلص نبقي نشوف
زين وهوا بيهادوها: ماشي استني هخلص كام حاجه ونمشي سوا.
" قعد يراجع شوية شغل وخلالها تساعده من غير ما تاخد بالها لاقها لماحه وذكيه وكويسة فالحسابات فات تلت ساعات وتعبت.. و قعدت تتاوب "
- انتي هتنامي تعالي اروحك..
= لو لسه فاضل شغل خلينا
- لا لا خلاص يلا
" نزلوا العربية واول ما دخلت و زين يادوبك دخل يسوق لقاها راحت فى النوم ابتسم وبصلها وهي نايمه زي القطط بالظبط ملامحها بريئه جدا ساق العربية ولما وصلوا الفيلا نزل وفكر شوية يصحيها ولا يشيلها لحد ما صحاها "
- ليلي وصلنا قومي
" دخلوا الفيلا وليلي طلعت اوضتها و عبدالعزيز طلب زين ياكلم معاه.."
- كنت عايز اكلمك فى موضوع مهم قبل ما تنام
= خير ياجدو انت كويس؟
- اه ده بخصوص ليلي
= اممم قول طيب معاك.
- ليلي متقدملها عريس.
= بجد والله ؟
>>>>>>>>>>>>>>>>>>>>>>>>>>>>>>>>>>>>>
" تنبيه ضروري يا جماعه هنوقف البارت لحد هنا ونكمل بكره و ارجوكم تفهموا ان الرواية دي كتبتها وانا طفله لا تمت للواقع بصلة.. 😭😂 وكمان هتبقي لايت اوي و خفيفه يعني فيه فرق شاسع بينها وبين رواياتي دلوقتي.. انا مكنتش عايزه انزلها والله بس كتييييير جداااا طلبوها مني فا انا هكملها لكم و ان شاءالله يبقي خير.. هستني رأيكم اكمل ولا.💗😂"
#المضطرب_والمجنونه 1💗✨️
- ليلي متقدملها عريس.
= بجد والله ؟
- ايوه متفاجئ ليه
= عشان عيله مثلا؟
- حد قالك هيتجوزوا بكره
= اممم طيب وهي عارفه؟
= اكيد لاء امال بقولك ليه يا زين
- اه..
- انت فاهم طبعا ان ملهاش غير امها بعد وفاه احمد ابني يعني هي مسؤلة مني و انا عارف بعتبرك اية عشان كدا هاخد رأيك بعد لما نقعد معاه هو جاي بكره لسه مأكدتش عليه يعني بس بأذن الله ممكن بكره.
يحيى حاول يمسك اعصابه: طبعا معاك حق لا خليه يجي ونشوفه طبعا
" طلع اوضته وسابني وانا قعدت بهدوء.. ليلي ابوها اتوفي من اربع سنين كانت صدمه شديده على جدو ان ابنه يموت صغير كدا وعلي ليلي ان ابوها يموت فجأة برضو وهي لسه 17 سنه.. عشان كدا جدو مهتم بيها ويعتبر بيربيها مع امها..بقلمي سلسبيل انما انا بقي كنت قاعد مع جدو من وانا طفل تقريبا..
هو الى مربيني.. مع ان ابويا على وش الدنيا عادي."
>>>>>>>>>>>>>>>>>>>>>>>>>>>>>>>>>>
' اللهم صلِ وسلم وبارك على سيدنا محمد '
- ليلي اصحيييي يا ليلي
= ايييييه فيه ايه
- ايه انتى قومي
= انت بتصحيني ليه فين جدو
- صحاني وقالي اصحيكي عشان نزل قومي اللبسي اخلصي انا مستعجل انا كمان
ليلي قامت: ماهو كله منك انت الى سهرتني
- الحق عليا بخرجك بدل منتي لزقه في اوضتك
اتريقت عليه: بدل ما انتي لزقه في اوضتك رخم!
زين بصلها بشر فا جريت على الحمام: طب خدي بتجري ليه يا جبانه!
"خلصت وزين خلاها تفطر ونزلوا و وداها لحد
الجامعه بالعربيه و ده المعتاد"
- خلاص العربية اتصلحت ومفيش باص تاني يعني ملقكيش مستينا باص بره الجامعه عشان عارف انك ذكيه ماشي.. هعدي عليكي لما تخلصي
= حاضر
- وتفتحي موبايلك يا ليلي
= حاضر يا زين
- ومتتكلميش مع ولاد اظن مفهوم
= بتقولي كدا كل مره! انا مش عيلة ماشي؟
- ما تسمعي الكلام وخلاص
= الكلام ده بسمعه من اوله جامعه وانا بقيت في تالته! مش بتزهق؟
- لا يا لمضه.. مش بزهق وهفضل اكرر كلامي.. عشان متنسيش في مره.. وتعملي حاجه كده ولا كده
ليلي بثقة: انا مش طايشه.. وعمري ما اغلط
ابتسم: ماشي
" نزلت و زين فضل باصص لحد ما دخلت وقعدت يفكر هي فعلا مش عيله هي كبرت لكن عقلها! عقلها ده عقل عيال وميقدرش ميخفش عليها.! "
>>>>>>>>>>>>>>>>>>>>>>>>>>>>>>>>>>
' سبحان الله وبحمده سبحان الله العظيم '
"زين راح على الشركه وقابل عبد العزيز في مكتبة"
- اية ياجدو كنت عاوزاني ولا اي
= ايوا حد يعمل ميتينج العصر؟
- عشان ليلي هانم تيجي
= واية علاقه ليلي بالاجتماع
- جدو ليلي قربت تخلص جامعه فاضلها سنه واحده اظن مفروض تشوف شغلها هنا وتبدء تتدرب
= زين هي تشوف الى يعجبها وبعدين متضغطش عليها وهي عندها امتحانات!
- هي مبتعرفش تقرر لنفسها هتاكل اية وتشرب اية فا مفروض نبقي معاها وننصحها ! ولا حضرتك متخيل انها هتقدر تسلك في شغل بره؟ وليه اصلا والشركه موجوده! وعندنا شغل العيلة الى جوه و بره مصر !
اتنهد وبصله: زين متنساش ان ممكن ترجع اسكندريه عند امها.. هي جت هنا فتره الجامعه مش اكتر
لسه منعرفش الى جاي ايه.. متسبقش الاحداث.
"زين حس ان فيه جردل مياه ساقعه ادلق عليه وبلم"
= انت متنح كدا ليه يا واد انت
- مفيش.. هوا صح العريس جاي امتى؟
= انهارده بليل
- طيب انا رايح مكتبي.
>>>>>>>>>>>>>>>>>>>>>>>>>>>>>>>>>
' لا إله إلا انت سبحانك اني كنت من الظالمين '
|| في الجامعه | كلية فنون جميلة ||
- ليلي؟
= مين؟
- انا احمد اتكلمت معاكي من يومين
وسألتيني مين برضو
= اه مش واخده بالي معلش اتكلمنا في ايه؟
- كنت بسألك على حاجه تخص المواد
= تمام وبعدين
- الحقيقة: كنت حابب اتعرف عليكي و.
ليلي بتوتر: بعد اذنك انا لازم امشي عندي محاضره
" ومشيت بسرعه وقلبها بيدق ده اول ولد يكلمها يعتبر من اول لما دخلت الكلية.. وحتي مبصتش فى عينه شافته من كتر التوتر.. بيدج الفيس بوك بتاعتي سلسبيل احمد.. خلصت اخر محاضره عندها وبعدين خرجت تستني زين لحد ما احمد شافها وراح كلمها تاني "
|| في الشركه ||
- الو يا داليا قولي لعزيز بيه يجهز الاجتماع..
" ونزل زين مستعجل عشان يلحق ليلي الى اتاخر عليها بسبب الشغل و اول ما وصل الجامعه ملقهاش فى المكان الى بتستناه فيه فتح موبايله بسرعه لقاها كلمته كتير ومسمعوش لانه كان سايلنت الخوف اتملك منه وبقي يدور عليها زي المجنون ويكلمها على الفون بس مقفول.. "
" فتح موبايله و رن على عبد العزيز "
- الو جدو انا مش لاقي ليلي يا جدو في الجامعه كلها اعمل اية دورت فكل حته و
عبد العزيز قاطعه: لسه واصله عندي اهي تعالي موبايلها كان فاصل
زين: يعني هي جتلك لوحدها ؟
- ايوا كنت لسه هكلمك اقولك انها وصلت
زين جز على سنانه: تمام
" قفل معاه و بعدين راح على الشركه "
- هو انتي ازاي تمشي لوحدك متستنيش اجيلك
وجيتي الشركه ازاي ؟
= ءءء انا ءء
- اها انتي هتهتهي؟
= اصل فى واحد ساعدني يعني اجي
زين بعصبيه: نعم يختي مين ده ؟؟ واحد مين!!!
مسك ايدها ودفعها ناحيته: واحد مين ده ؟؟؟ انطقي
ليلي وهي بتعبد: معايا فى الجامعه
يا جدوو اللحقني
- ياجدو اللحقني؟! خدي هنا يابت !!!!
"ليلي جريت على مكتب عبد العزيز واستخبت عنده"
- اية فى اية يا ليلي
= شوف زين بيزعقلي وعايز يصْربني يا جدو
دخل زين بغضب: لا منتي مش عيله عشان اصْربك
عبد العزيز بجديه: اهدا جرا اية ؟؟ كلمتك ومردتش عليها و وزميلها وصلها الموضوع انتهي
= جدو لو سمحت متنرفزنيش
- بقولك اية نتكلم فى البيت هنا مكان شغل ويلا عشان الاجتماع الى سيادتك محدده
" خد ليلي ودخلوا الاوضه بتاعت الميتينج وزين دخل وراههم وهوا مستفز جدا ومتعصب ولما الميتينج خلص و عبد العزيز خد زين على جمب "
- انا مسافر الشركه الى في الإمارات لسه جايلي خبر دلوقتي ان فيها مشاكل.. هقعد حوالي تلت ايام
زين بتعجب: مشكلة ايه؟ حضرتك كنت لسه هناك الشهر الى فات بتحل مشكله تأخير الشحن؟
عبدالعزيز: بعدين بقا
- طب محتاجني معاك.؟
= ومين يتابع الشغل هنا؟ المهم..
هكلم ليلي كل ثانيه يا زين لو سمعت انك زعلتها هخليها تقعد لوحدها في بيت بعيد عنك انت فاهم ؟
= والله؟ طب تمام بتهددني يعني يا عبدالعزيز بيه
- زين ليلي مش حملك ولا حمل عصبيتك وانت فاهم قصدي ايه كويس
ابتسم ابتسامه صفرا: حاضر يا جدو خلاص وبعدين دي في عيني اختي.. جوه عيني كدا.
عبد العزيز ضحك وميل على ودنه: بطل تكرر كلمه اختي دي يا حبيبي انت الى شكلك هيبقي وحش فى الاخر صدقني.
زين بأستعباط: مش فاهم يعني ايه
= تفهم بعدين بقا
- اممم طب والعريس الى كان جي
= هكلمه اقوله يستني
- احسن برضو
" خلصوا كلام و عبد العزيز سلم على ليلي ومشي وبعدين نزلت تركب مع زين العربية عشان يروحوا. "
- زين هو انت مخاصمني خلاص مش هتكلمني تاني
"زين منع ضحكته من كتر سذاجتها"
ليلي بزعل: ماشي براحتك افتكر مين بدء خاصم التاني بقا..
زين مقدرش يسكت من حزن نبرتها ورد عليها: مش انتي صاحبتي ناس جديده وبتيجي معاهم ومش بتستنيني؟ عاوزة مني اية بقي ؟
" قال جملته وهي سكتت فا اضايق ولما وصلها مطلعتش زي كل مره وفضلت واقفه عند باب الفيلا "
- انتي واقفه ليه يلا عشان ندخل؟
= انت صحبي الوحيد فاكر؟ انا صحبتك انت وبس
" وكأن جمله ليلي عملت تشويش في مخه ورجع لورا بذاكرته وافتكر لما كان بيقولها كدا لو لاقها بتلعب مع ولاد وهما صغيرين "
" انتي صحبتي انا وبس اللعبي معايا انا "
" فاق على صوتها وكان مدايق لما افتكر الفترة دي من حياته اطتر فتره بيكرها! "
= احنا كنا مجرد عيال يا ليلي
ليلي بدموع: يعني احنا مش صحاب زي زمان
وهتفضل بتعاملني بس كأننا مش قريبين لبعض.. انت عارف ان مكنش عندي صحاب غيرك انت ومع ذالك بعدت عني ومن ساعه لما جيت هنا.. اقعد مع جدو وبحس انك مش حابب وجودي..
= ليلي انا قولتلك قبل كدا انتي بنت عمي و زي اختي وبخاف عليكي.. و متزعليش ياستي احنا صحاب بس مش زي زمان عشان كنا مجرد عيال دلوقتي كبرنا.. مفروض تفهمي ده
" ليلي مشيت من قدامه بنرفزة وهي بتعيط ومش مستحمله كلامه الرسمي! بعدها زين اتنهد بتعب ونام عالأرض فى الجنينه فضل يفتكر ابوه و امه عينيه دمعت وحس ان نفسه بيتسحب منه.. بقلمي سلسبيل احمد وانه اتخنق ذكريات كتير اوي محدش عاشها غيره هو بدأت تجيله مره واحده ومكنش قادر يظبط انفاسه حس بعدم امان و جسمه بدء يسخن.. "
" دخل الفيلا لـ ليلي بالعافيه وهي كانت قاعده ومدياله ضهرها "
ليلي مسحت دموعها لما حست بيه وراها: انا مخصماك ماشي ولا تكلمني بقا ولا حاجه واحنا مش صحاب
" ليلي لقته سكت فا قامت لفت له "
" واستغربت شكله "
زين بصعوبة: ليلي
بصتله بخضه: زين انت كويس ؟!!
"كان هيقع و ليلي لحقته وقعدته بسرعه"
- زين رد عليا زين
" زين ميل عليها زي الاطفال كأنه بيستخبي برعب
و ليلي حضنته جامد ولفت ايديها حوليه وهي بتشد على حضنه وبطبطب عليه كانت مخضوضه لانها اول مره تشوفه فى الحاله دي وصوت نفسه عالي جدا فجأه زين صرخ وهي اتفزعت
و كان جسمه بيتنفض وكأنه خايف من حاجه
ليلي فضلت بتعيط بس بتمسك فحضنه اكتر: زين انا جمبك اهدي متخافش !!!
= ابعد عنيييي
- انا ليلي يا زين انا معاك ، انا معاااك مش هسيبك اهدي متخافش انا معاك !!! متخافش
مسكت ايده بقوة عشان يحس بيها: انا معاك انا ليلي
" زين بدء يهدا تدريجياً وهو فى حضنها و مسك فيها برعب ليلي اتنفست لما عرفت انه حس بيها "
وبدأت تكلمه: كل حاجه هتبقي كويسة ، متخافش انا جمبك
= بوظ كل حاجه هو بوظ كل حاجه في حياتي
- هو مين يا زين
= بابا
ليلي بدهشه: انا مش فاهمه حاجه عمو عادل!؟؟
زين بعصبيه وعدم وعي: هو السبب انا بكره !
ليلي - طيب اهدي اهدي !!
"زين كان بيتكلم بحاجات مش مفهومه لحد ما نام بين ايدها وهي نامت على الكنبه الناحيه التانيه بعد ما قدرت تبعد عنه بصعوبة لما حست انه راح في
النوم وهدي.. "
>>>>>>>>>>>>>>>>>>>>>>>>>>>>>>>>>>
|| تاني يوم الصبح ||
" ليلي صحيت من الأرق والتفكير و كان زين لسه نايم زي الاطفال.. "
" طلعت تجهز هي عشان كان يوم مهم في الكلية ولازم تروح ولما خلصت حاجه نزلت براحه وراحت عند زين "
- زين.. زين..؟
= امممم
- اصحي
= ليه
- انا نازلة الجامعه ماشي كمل نوم
انت تصبح على خير
"كانت هتتحرك مسك ايدها وهو مازل مغمض عينه"
= استني هقوم اهو
- خليك انت تعبان
زين فرك عينيه واستوعب انه نام على الكنبه تحت
- انا هنا ازاي! و..
" سكت وهو بيفتكر "
= انت مش فاكر حصل اية؟ كنت بتترعش وخايف من اية يا زين حصل اية قولي
سكت لما بدء يفتكر الى حصل وحاول يغير الموضوع
= انا رايح اغير عشان متتأخريش
" لبس بسرعه وهو مضايق كل ما بيفتكر الى حصل قدامها نزلوا ركبوا العربية و وصلها لحد الجامعه "
- ليلي قبل ما تنزلي
= نعم ؟
اتكلم بجديه: الحلو الى وصلك الشركه امبارح لو فكر يكلمك وانتي سمحتي لي بده هاجي ادبحهولك هنا تمام؟
ليلي رفعت حواجبها بدهشه: انا مش بتكلم مع حد اصلا ! هو الى بيكلمني كل شوية و
سكتت وحطت ايدها بوقها بأستيعاب اما زين اتعفرت: بيكلمك كل شوية !!!!
= والله هقولك بص هو كلمني مره وسبته وتاني مره سبته ومشيت برضو المره التالته بقي سألته اركب ازاي لحد الشركه لانك اتأخرت وبعدين ركب الباص معايا و وصلني
" زين نوعا ما ارتاح لما قالتله الى حصل بس لسه من جواه مضايق من الواد ده !!! "
- زين رايح فين؟
"نزل من العربية وفتحلها الباب"
= انزلي انا داخل معاكي ياريت توريهوني
- هتعمل اية!
= يلا! يا ليلي
"ليلي نزلت ودخلوا سوا وشاورلت لزين على احمد الى اول ما شافها عينيه كانت عليها"
زين بحده: اتفضلي على محاضرتك بقي
= ارجوك متعملش مشاكل
- روحي يا ليلي يلا
ليلي راحت وزين لاحظ ان احمد متابعها راح لحد عنده
- أحمد مش كدا؟
احمد بستغراب وغيره: ايوا هو انت اخوه ليلي
- لا يا حبيب قلبي خطيبها ومتشكر جدا هي قالتلي
انك وصلتها لما انا اتأخرت عليها موقف لطيف اوي منك ياريت ميتكررش تاني بقي يا حبيبي فاهم
مش عايزك تقرب ناحيتها
" زين مشي ومدلوش فرصه يرد حتي واحمد اتغاظ اوي من طريقته دي وكان هينفـ .ـجر "
>>>>>>>>>>>>>>>>>>>>>>>>>>>>>>>>>>
' الله اكبر سبحان الله الحمدلله لا إله إلا الله '
||في احدي العيادات||
" كان قاعد زين وعمل مكالمه للسكرتيره"
- الو يا داليا اللغي كل المواعيد بتاعت انهارده وخليها بكره
= تمام يفندم
"قفل معاها ودخل للدكتور"
- استاذ زين ازيك
= انا مش عايز اطول عليك بس انا امبارح حصلي نفس الموضوع الإضطراب و نوبة الذعر وافتكرت حاجات حصلتلي مأثرة عليا بس المختلف ان ..
ان في حد يعني كان جمبي وطمني وكنت بهدي مش عارف ازاي ده حصل
- انا قولتلك قبل كدا الاضطرابات النفسية دي ليها كذا سبب وزي ما ليها أسباب
فا برضو لما بتروح بيكون بسبب اكيد الشخص الى طمنك انت بتحبه ومرتاحله فا عرف يسيطر معاك على احلامك او كوابيسك دي ممكن تحكيلي بتوضيح اكتر
= هي بنت عمي كانت معايا و.. حضنتي لما حسيت بوجودها وانا خايف وبفتكر الى حصلي اطمنت كلمتني ومسكت ايدي فا محستش اني لوحدي حسيت بيها وسط كل حاجه.. هي قريبه ليا.. من واحنا صغيرين.
- هايل جدا انا كدا اقدر اقولك انك بتتعالج يا زين
زين بتعجب: بتعالج؟؟
- ايوا طبعا المشاكل النفسيه الى عندك سببها الرئيسي خوف وحاجات مش قادر تنساها.. فا كويس انك لاقيت شخص يبقي جمبك ده هيحسن علاجك.
___________________
" زين خلص معاد الدكتور ومشي.. بعد 9 سنين بيروحله عشان بيعاني من الكوابيس دي
وفجأه ليلي تبقي من ضمن العلاج ومن الحاجات الى بتخليه بيتحسن؟ هو طول عمره بيبعد عنها عشان خايف عليها من نفسه بسبب الاضطرابات الى عنده كان بيعاملها بحده تطلع هي امانه واكتر حد بتطمنه!؟ فكر كتير هيقولها اية خصوصا لما شافت الى حصله.. "
" و في آخر اليوم كان مستني عند الجامعه من بدري اوي مستنيها و وحشته جدا لحد ما شافها وهي خارجه "
- ليلي مال شكلك
= انت كويس؟
- ايوا انتي مالك كويسة
= انا كويسة يا زين انا كنت بس قلقانه عليك طول اليوم
- انا كويس مفيش حاجه!
ساق العربية في صمت رهيب لحد ما وصلوا وبعدين زين مستحملش اول ما دخلوا الفيلا كانت طالعه اوضتها و وقفها: ليلي استنى بعد اذنك..
يتبع،...
>>>>>>>>>>>>>>>>>>>>>>>>>>>>>>>>>>>>
" هكملها اهو بس عايزه الاقي تفاعل بقا🙂
هنزل البارت الى بعده علطول اول لما ده يوصل 1000 كومنت و 3000 لايك 💜💜💜💜💜💜 "
" مش محتاجه اكرر دي مجرد رواية خياليه.. ملهاش علاقه بالواقع.. التجاوز الى حصل بين يحيى وليلي غلط وحرام اكيد.. هو ابن عمها ومش صح تلمسه طبعا..
محدش يتأثر بالرواية ولا حد يفكر يروح يحضن شخص بيعاني من مشكلة معينه..✋️✋️"
" حابة اوضح برضو ان الرواية دي كتبتها وانا يعتبر طفله.. حاليا بحاول قدر الاماكن مكتبش اي شيء خارج ولا اكتب رواية فيها حاجه غلط او حرام..
القراءة جميلة وبتخلي الواحد يفصل شوية من الواقع.. بس ده بيحصل للحظات.. فا مش صح نتأثر برواية مدتها خمس او عشر دقايق.. وننسي الى بنتعلمه في حياتنا كلها.. او ننسي الدين. امتي بقا نتعلم من الرواية او من القراءة؟ لو فيها حاجات مفيده وحاجات صح.. غير كده لا. يجماعه تمام؟🥲💜 "
#المضطرب_والمجنونه. 2✨️💗
-ليلي استنى بعد اذنك انتي زعلانه مني.!
- لا خالص يا زين
= طب ياريت تقولي انك زعلانه ومتعاملنيش كدا
- على فكره جدو كلمني وسأل عليك ابقي كلمه طمنه انا هطلع
زين مسك ايدها: ليلي! بلاش طريقتك دي
بصتله: مالها! طريقتي دي حتي عاقله مش احنا كبرنا برضو ومبقناش عيال!
= انا مكنتش اقصد الى فهمتيه
- هو انت حصلك اية امبارح؟
" زين سكت واتنهد بتعب "
ليلي بنرفزه: طيب مش عاوز تقولي حتى ايه كان مخليك كدا وكنت تعبان! وبتتجاهل الموضوع عارف ليه عشان فعلا احنا مش صحاب زي ما كنا واحنا صغيرين.. ولا حتي اخوات زي ما بتقول انا مش عارفه احنا ايه!!؟؟
"سابته ومشيت وهو لقي عبد العزيز بيتصل فا رد"
- الو اسف يا جدو نسيت اكلمك في ميت حاجه و
قاطعه: انت عملت اية لـ ليلي؟
رد بستغراب: مش فاهم عملت لها اية ازاي؟
= كلمتني وقالت انها عايزه تمشي.. عايزه ترجع اسكندريه وهتيجي على الامتحانات
- نعم !
= زى ما سمعت
- طب انا هتكلم معاها..
= كمان لغيت مواعيد فى الشركه ليه هو انا اسافر يومين تلاته تسيب الدنيا تتعك يا زين؟؟
- جدو والله انا كنت مضغوط صدقني
ده مش استهتار مني.. وهصلح كل حاجه.. متقلقش
= رتب امورك يا زين انت مش عيل
- حاضر
"زين قعد وفضل يفكر يصالحها ازاي افتكر زمان وهما صغيرين لما كنت بتقفش عليه جامد لأنها قماصه من وهي طفله"
فلاش باك #
- خلاص بقي طيب بطلي عياط!
= متتكلمش معايا انا مخصماك
- ده كله عشان قولتلك هتفرج على الماتش ومش هنلعب ! ده شوية بس
= اه وعلفكره هلعب مع صحابي التانين
- تؤ تؤ هتلعبي معايا انا بصي طيب جبتلك اية
= مش هبص
- مصاصه فراوله وبالسكر كمان
= مش عاوزة لا
- خلاص بقي خديها انا اسف متزعليش مني هلعب بكره كتير دلوقتي نامي عشان المدرسه وخدي المصاصه
"ابتسمت بطفوله وخدتها وفتحتها وبدات تاكلها
ومدام كلتها معناها انها سامحته.."
ابتسمت وبصتله بحب: حلوة اوي
- استني
= اية
زين ابتسم: في حاجه كمان
"مد ايده ليها بشوكلاتة"
- شوكولاتة كمان ده كدا بحبك اوى
= وانا كمان بحبك
باك #
"زين افتكر المصاصه كان دايما يصالحها بيها!! نزل بسرعه يدور فى كذا مكان لحد ما لقي محل صغير بتاع حاجات بيبعها اشتري كل العلب الى عنده وراح عندها بعد ما حطهم في بوكس"
*طق طق طق طق*
- ايوا مين
= هيكون مين
- نعم يا زين انا مخصماك متدخلش
زين دخل ولا كأنه سمع حاجه وحط البوكس قدامها
= اية ده؟
- افتحيه و شوفي
= ايا كان اية هو مش عاوزة منك حاجه ومش بكلمك
- طب افتحيه بطلي حركات أطفال
= لاء اخرج
- طب افتحيه وهخرج
"ليلي بدأت تفتح بلامبالاه واول ما شافت العلبه عرفت المصاصه علطول ابتسمت غصب عنها وعيونها دمعت لما افتكرت الذكرى!"
- كنت متوقع اشوف الريأكشن ده والابتسامه دي
مش قادر اوصفلك بحب ابتسامتك ازاي على فكره.. وبضايق لما تزعلي
بصتله: انت ازاي جبتهم! لاقيتهم فين و بعد كل السنين دي انت لسه فاكر ؟؟
- طبعا ومش هنسي ابدا و فعلا اسف عشان كل الى قولته والى عملته معاكي وطبعا المصاصه دي تقديم اعتذار ها بقا هتقبلي؟
ليلي بزعل: بس انت قولت اننا مش عيال وانـ..
"زين قاطعها ومسك ايدها باسها بهدوء كا اعتذار عن طريقته "
- انا اسف يا ليلي هانم و حقك عليا بس انا اكتشفت اني كبير مع الناس كلها ولسه عيل معاكي انتي..
" ليلي بصتله بحب وبعدين ضحكت "
" بصت للبوكس فتحت مصاصه وكلتها وزين فهم
انها كده تمام وابتسم"
- معناها انك مش زعلانه خلاص صح؟
ليلي هزت راسها: حلوة اوي بجد
- استني
= اية
زين غمزلها: في حاجه كمان
"وطلع الشوكلاتة وليلي افتكرت انها كانت بتقوله بحبك بعدها لكن هي سكتت"
بصلها بتفكير: انا الى هقول المره دي انا الى هبدء يا ليلي انا... بحبك
ليلي فتحت عيونها وكأنها مش مصدقه: ايه؟
زين بتأكيد: بحبك.
- بتحبني!! بتحبني بجد امال ليه كنت بتقول انك...
=هفهمك كل حاجه بس كل الى عايزك تعرفيه دلوقتي اني زي مانا انتي مخسرتنيش وانا مش هقدر اخسرك وصح مش هترجعي القاهره وهتفضلي معايا هتفضلي جمبي يا ليلي عشان
" ليلي قاطعته وحضنته .. و زين حاوطها بأيده وشعور الامان بيزيد بقربها لي وبقي حاسس انه هيموت لو بعد عنها! "
ليلي حست بيه بيتنهد: زين ؟ انت كويس
= انا عمري ما اطمنت لحد كدا من زمان عمري ما اطمنت لحد غيرك..
ليلي بصتله: وانا عمري ما حبيت غيرك يا زين
زين بفرحه: اية؟؟
- احم جدو قالك تروح الشركه صح
زين بتأفأف: امم بتهربي
= لا بجد لازم تروح
- لو هتيجي معايا ماشي
= زين!؟
- هتيجي معايا يلا بينا
= طب بعدها تحكيلي الى حصل؟
- موافق
" ونزلوا الشركه مع بعض وهما فى العربية ليلي كانت مركزه مع زين وبتبصله بحب وهو خد باله وكلمها وهو باصص قدامه "
- ليلي متركزيش معايا كدا هبصلك انا كمان
ونعمل حدثه انتي حره
= انت كنت واحشني اوي يا زين بجد!
- انا معاكي طول الوقت
= بس كنت بعيد!.. مكنتش كده
- انا فاهمك كل حاجه كانت متلخبطه بس دلوقتي هصلح كل دا.. صدقيني هحاول
= هنصلح اي حاجه سوا.
"وصلوا الشركه و زين طلع هو وليلي وبدء يشتغل"
وليلي مازلت مركزه معاه وهو لاحظ فا ساب الورق وبصلها ليلي اتوترت وضحكت: ركز قدامك قصدي بص قدامك
= مش قادر
- تؤ احنا جايين نشتغل ها جدو مضايق عشان الحاجات دي الى لغتها و
" زين قاطعها وباس خدها بسرعه و ضحك لما لقاها اتصدمت "
بصلها: عشان تبطلي تبصيلي بعيونك دي
ليلي بصدمه: ايه الى عملته ده
زين: لو مسكتيش هعملها تاني
ليلي: زين احترم نفسك والله لاقول لجدو
زين بنبره هاديه: انتي جننتيني والله خلتيني احبك او اعدي مرحله الحب كمان
- طيب ابعد واياك تكرر الحركه دي تاني
= بصراحه انا ندمان وعايز اصلح غلطتي ونتجوز
ليلي ضحكت وبصتله: والله!
زين بجديه: جدو اول ما يرجع انا هقوله اني بحبك واني عايز اتجوزك مع اني عارف انه هيشمت فيا والله
ليلي بستغراب: ليه
- ما علينا افهمك فى البيت بقا
= طب هو انت روحت فين صح عشان كدا لغيت المواعيد دي كلها؟
= مكنتش فاضي كنت في مشوار
- مشوار اية دا
= هقولك بعدين
- كله بعدين؟
'اللهم صلِ وسلم وبارك على سيدنا محمد '
= كله بوقته يا لولي.. المهم دلوقتي هو تقريبا جاي بعد بكره يعني معايا يومين هظبط كل حاجه متقلقيش المهم بس الناس العيوطه الى بتروح تشتكيني دي اعمل فيها ايه
ليلي ضحكت جامد وزين تنح معاها: ما انت ضايقتني اوي يا زين.. كنت همشي وخلاص
= كنت اموت قبل ما اضايقك وامنع الضحكه دي
- بعد الشر يأخي مش اوي كده
= طب هتساعديني؟
- اكيد يلا نبدء
" وفضلوا فى الشغل و زين بقي متأكد ليلي هتمسك فى الشركه فين بالتحديد.. بقلمي سلسبيل احمد بسبب انه عرف مهاراتها قعدوا يخلصوا شغل كتير اوي لحد ما ليلي تعبت وحطت راسها على المكتب "
- ليلي .. ليلي
= همممم
" زين فضل يرتب على شعرها ويشليه من على عينيها كان فاضلة حاجات بسيطه فى الورق خلصها وبعدين بص على ليلي تاني وكانت راحت في النوم فا صحاها وسندها ونزلوا نزل فتح العربية وهي دخلت ادلقت بيدج الفيس بوك بتاعتي سلسبيل احمد "
"وفضل سايق لحد ما وصلوا وصحاها"
- ايه طيب هتصحي ولا اشيلك
فتحت عينيها: لا خلاص
" فاقت ونزلت من العربية وبعدين دخلوا الفيلا و قعدوا ياكلوا "
" فضل كتير يفكر مع نفسه.. و كان يصارحها بكل حاجه.. و لكن في نفس الوقت خايف.. خايف انه يقرب منها يآذيها! ومش عارف هتقدر تتحمل الى هو فيه ولا لاء؟! "
بصتله: مالك يا زين..
اتنهد بتعب: عندك وقت تسمعي؟
- اكيد يا زين
" طيب استنيني هنا لحظه.. هجيب حاجه من اوضتي"
" طلع وبعدين دقايق نزل لها "
ليلي بصت: اية الى وراه ضهرك؟
= حاجه كانت ضاعت منك وانا لقتها
- حاجه اية؟
" زين طلع سلسلة من ايده "
ليلي اتفاجئت ومسكتها والدموع نازله من عينيها: انا افتكرتها ضاعت!!! افتكرت اني ضيعتها!!
ازاي لقيتها!!! ازاي؟؟؟
'سبحان الله وبحمده سبحان الله العظيم '
زين مسح دموعها: ليلي.. انا لقتها من بدري بس مكنش ينفع اديهالك وقتها
"ليلي بصتله بعدم فهم"
فلاش باك #
- ليلي جبتلك حاجه
= ايه هي مصاصه؟
- حاجه احلي
= وريني
- غمضي عينيك
" ليلي غمضت و زين لبسها السلسله "
" جريت قدام المرايا تشوفها "
= دي جميلة اوي يا زين !!
- السلسلة دي فضه جدو ساعدني اشتريها بس لما نكبر هنتجوز وهجبلك زيها دهب
ليلي ضحكت بطفوليه: هنتجوز زي الكبار؟
زين بجديه: ايوا طبعا وخليها معاكي عشان تفضلي
فاكره انك هتتجوزيني انا ماشي؟
ليلي بابتسامه وفرحه: بس انت هتفضل معايا لحد ما نكبر كده
- ايوا
= وعد؟
- وعد يا لولي
باك #
- رد عليا يا زين ليه لما لقتها مدتهانيش!
زين بصعوبه: مكنتش قد الوعد كنت خايف تفضلي فاكره وتكرهيني فا شلتها بعيد عنك وبدأت ابعد واعاملك بطريقة عاديه ويمكن ببرود
- و ليه كل ده ! ليه بعدت عني و متقوليش بعدين هفهمك !!
= لاء هجاوبك على كل حاجه بعدت لما عرفت ان عندي اضطراب نفسي وبيجيلي كوابيس بتخنق مش حاسس بأمان مكنش عندي علاج لده كنت بقوم بليل اصرخ لوحدي بسبب الحاجات الى بشوفها يعني كأني مجنون ومكنش حد حاسس بده غير جدو
ليلي بصدمه:
يعني ده الى حصلك من يومين لما تعبت!
= ايوا لما جيت لك.. ساعتها كنت محتاج ... محتاج.. كنت محتاج ماما عشان هي بالنسبالي الامان بس جتلك معرفش ليه وساعتها اكتشفت اني بطمن بقربك بهدي وانا حاسس بوجودك وفي حضنك..
ليلي بعياط: ليه معرفتنيش كل ده ليه مشاركتنيش وجعك كنت هساعدك يا زين كنت هبقي جمبك!!
طول السنين الى فاتت
= مكنتش حابب اقولك عشان متسألنيش على السبب الى عملي إضطرابات ، لأن وانا عايش في بيتي زي.. زي اي طفل هجـ ـم علينا ناس مسكتني ومسكت امي و كتفونا وراحوا عند بابا يطلبوا منه معلومات او فلاشه عن حاجه معينه مش قادر افتكر ايه بظبط الل فاكره انه رفض وساعتها قتلوا امي قدام عيني وانا بصرخ ومش قادر اعمل حاجه
"ليلي كانت مصدومه كلياً زين كمان كانت دموعه نازله.. وهي قربت ومسكت ايده ومسحت دموعه عشان يهدي فا كمل"
- جدو خدني ساعتها قال لبابا لا انت ابني ولا اعرفك وحفيدي هيعيش معايا وخدني اعيش معاه ومن ساعتها وانا ضعيف وبخاف وعمري ما بينت ده عمر ما حد شاف الجانب ده مني غيرك
خصوصا لما نقلتي وجيتي تعيشي معانا هنا.
و لما روحت للدكتور اخر مره قالي انك يعتبر جزء مهم من علاجي.. عشان بطمن لك
" ليلي حضنته بقوة وهي بتعيط من كميه المعاناه الى عاشها فضلت "
زين بدموع: انا طول عمري بشوفك من بعيد وبطمن عليكي بروح القاهره عشانك عشان بس اشوفك.. انا مسبتكيش و اول ما جيتي تدرسي هنا كنت حاسس انك بقيتي مسؤولة مني وهدافع عنك وهحميكي لكن مش هقرب عشان مسببلكيش اي اذي وانا مش في وعي او مش حاسس ، بيدج الفيس بوك بتاعتي سلسبيل احمد بس طول السنين دي عمر ما حبي ليكي قل يا ليلي صدقيني كل مضيقاتي ليكي دي كانت عشان بس متتعلقيش بيا وتتآذي مني
ليلي اتكلمت بعياط: و انا عمري بطلت احبك انا بحبك يا زين محبتش غيرك ومش هحب غيرك عمري ما هقدر اشوف غيرك اصلا انا بحبك انت
وحتي لما كنت بتتعصب عليا ده مخلاش حبي ليك يقل ولا بعدنا عن بعض خلاني ابطل احبك!
زين مسح دموعها وباس ايديها: انا جاوبتك كدا على كل الاسئلة وشرحت لك كل حاجه..
اظن بقا نبعد عن بعض يا ليلي.. ودلوقتي انتي فاهمه السبب
ليلي بصتله بدهشه: انت مجنون؟
زين كان بيهزر عشان تبطل عياط ولما اتصدمت ضحك: بطلي عياط طيب
ليلي ضـ ـربته في كتفه: متهزرش معايا!!
" نزل على ركبته ومد ايده بخاتم على شكل قلب رقيق نفس شكل قلب السلسلة "
- تقبلي تتجوزيني؟
ابتسمت بفرحه: اكيد اقبل يا زين
" قام ولبسها الخاتم.. وبعدين مدت له ايدها بالسلسلة "
- لا اصبري.. دي الفضة.. وانا وعدتك تبقي دهب.
" طلع السلسلة الدهب الى عملها ليها مخصوص مع الخاتم.. وهي لفت عشان يلبسها السلسلة ومكنتش مصدقه نفسها "
- مع اني كنت عاوز اديهالك في فرحنا بس انا اليوم ده بالنسبالي احسن يوم فى عمري عشان صارحتك بكل حاجه
' لا إله إلا انت سبحانك اني كنت من الظالمين '
ليلي: انا مش شايفه فيك اي عيوب انا شايفه حد جميل و قمور و حنين وبيخاف عليا وبحبك زي مانت و
زين حط ايده على بوقها: و كفايه كدا لحسن مش هقدر امسك نفسي وجدك هيجي يطخنا عيارين
ليلي ضحكت جامد وبعدت عنه: امسك نفسك كفايه الى عملته فى المكتب
زين غمز: عملت اية ؟ مش فاكر
= هقول لجدو صدقني
- خلاص خلاص
- بس علفكره انا هكلم جدو مينفعش كدا هقوله انك بوستيني ويجي يشوفلك حل بقي ولا يجوزنا عشان نغسل العار
= يخربيتك هتجبلي مصيبه!
- هتبقي اجمد مصيبه
= انت بقيت كدا امته يا زين!! انت اجننت خالص
- لما حبيتك جننتيني معاكي!
= طب خلاص يلا من هنا تصبح على خير هطلع انام انا عندي جامعه وانت عندك شغل!
- خلاص تصبحي على خير
= وانت من اهله
>>>>>>>>>>>>>>>>>>>>>>>>>>>>>>>>>>>
' الله اكبر الحمدلله استغفر الله لا إله إلا الله '
|| في مكان تاني بعيد ||
- ملكش شغل معايا تاني يا عادل
= يعني ايه ؟؟ بعد كل ده.؟ عشان حصلت لي مشكلة صغيره هتغدروا بيا ؟
- مشكلة صغيره؟؟ انت خسران 15 مليون جنيه تقريبا .. مشكلة صغيره ايه.. روح بقا حلها مع نفسك وابقي ارجع..
= انا مش هبقي لوحدي في الحوار ده !!
- لا لوحدك ازاي.. روح خد فلوس من عزيز بيه.. اكيد هيساعدك ده ابنه يعني.. وبعدين 15 مليون بالنسبالة مش رقم
بصله بصدمه: تقصد ايه؟؟
= اقصد ان محدش فينا هيقدر يعملك حاجه.. بالسلامه يا عادل.
>>>>>>>>>>>>>>>>>>>>>>>>>>>>>>>>>>
|| تاني يوم الصبح | في الفيلا ||
- قوووووووميييييي !!
= ايه! في ايه !!
- صباح الخير يلا الجامعه عقبال ما انشف شعري تكوني جهزتي يلاااااا
"خرج من اوضتها وليلي قامت ولسه بتستوعب"
- ده تقريبا اتنطط يخربيت جنانك!!
"بعد ما لبسوا وجهزوا وصلها الجامعه وكالعاده....."
- متتكلميش مع حد عارفه يا ليلي لو حصل حاجه زي بتاعت المره الى فاتت
= عيب عليك يا زين
- المهم جدو احتمال يجي انهارده و ياريت يعني يجي عشان عايز اتجوز بسرعه
= هتتجوز مين؟
- هتجوز بنت الجيران اسمها ليلي
= مين قالك اني موافقه
- متقدرش متوافقش.. دي بتاعتي من واحنا صغيرين
= هي لسه بتفكر عموما
زين قرب منها: عيونك بتقول غير كده
- لا طب انا نازله بقا باي
" زين ضحك وهي نزلت وكان باصص عليها واول ما دخلت شاف احمد بيروح ناحيتها وبيقرب منها عقدت حواجبه بستغراب وعصبيه!؟ "
- ليلي لو سمحتي
= بعد اذنك انا عندي محاضره
وقف قدامها: استني لحظه.. انتِ ليه مش مدياني فرصه اتكلم معاكي؟
ليلي بتوتر: عشان قولتلك قبل كده مش هينفع نلقي صحاب.. ولا نتكلم
" كانت ماشيه "
احمد اتجرأ ومسك ايدها: استني يا ليلي!
"وفجاه ايد زين كانت نازله على وشة وبيزقه و وقع بيه عالارض وكمل فيه ضرب"
ليلي بصدمه و بصوت عالي: زيييييييين !
" زين بص وكانه فاق على صوتها وهي مصدومه من الى عمله عمرها ما كانت تتخيل انه عصبي لدرجه دي وحست انها شايفه حد متعرفوش عينيها كانت مدمعه وبتبص على زين الى قام والناس اتلمت على الولد قومته الى كان وشه مليان تعاوير
اما زين فا سحب ليلي وراه وهي بتعيط وركبها
العربيه ومشي مسافه بعيد عن الجامعه وبعدين وقف بعصبيه ونزل من العربية ليلي نزلت وراه كان مديها ضهره فا حطت ايدها على كتفو وهو بعد بغضب "
- ادخلي العربيه
= زين !
" كان بيحاول يهدى.. مش عايز يتعصب عليها.. ولكن مش قادر.. للأسف مهما شرح له عمرها ما هتفهم.. لكن ليلي بالنسبالة حد مهم.. وتبقي خط احمر.. مش مسموح حد يقرب لها.. اتجنن لما شاف حد بيلمسها! "
بصلها: انا اسف انا مقدرتش اتحكم في اعصابي
ليلي بنرفزه: محصلش حاجه لكل ده مكنش هيأذيني
ولا كان هيعملي حاجه!!! ومسكني غصب عنه عشان بس اقف !! هو عمره ما هيتخطي حدوده معايا
شكلي ايه دلوقتي بعد الى عملته!! انا مش عارفه ارجع الكليه !!!
زين بعصبيه خفيفه: و انا مش هستني لما يأذيكي ليه بتجرا ويلمسك اصلا ولا يحط ايده عليكي !!! انا اتكلمت معاه مره بالذوق وحذرته !!!!
مسحت على وشها بعصبيه: انا ماشيه
" راحت خدت شنطتها من شباك العربية وقبل ما تتحرك زين مسكها "
>>>>>>>>>>>>>>>>>>>>>>>>>>>>>>>>>>>>>
" انا معرفش ليه الريتش وقع فجأة و الفيسبوك باعتبي تنبيه.. فا اتمني محدش يقرا في صمت اعملوا كومنتات وشير و لايك للبوست عشان اقدر اكمل 💗"
" هستني رأيكم.💗"
بصلها: انا اسف انا مقدرتش اتحكم في اعصابي
ليلي بنرفزه: محصلش حاجه لكل ده مكنش هيأذيني
ولا كان هيعملي حاجه!!! ومسكني غصب عنه عشان بس اقف !! هو عمره ما هيتخطي حدوده معايا
شكلي ايه دلوقتي بعد الى عملته!! انا مش عارفه ارجع الكليه !!!
زين بعصبيه خفيفه: و انا مش هستني لما يأذيكي ليه بتجرا ويلمسك اصلا ولا يحط ايده عليكي !!! انا اتكلمت معاه مره بالذوق وحذرته !!!!
مسحت على وشها بعصبيه: انا ماشيه
" راحت خدت شنطتها من شباك العربية وقبل ما تتحرك زين مسكها "
- انا الي هوديكي
ليلي: هتوديني فين! انا همشي خطوتين.. لو سمحت سبني يا زين بجد كده كتير ؟؟؟
زين: ليلي..! متعصبنيش
ردت بحده: كفايه اوي الى حصل! زين بجد سبني لوحدي اوعى
" مشيت و دخلت الكليه قدامه.. و هو مكنش عارف يعمل ايه ومش حاسس انه غلطان اصلا! "
>>>>>>>>>>>>>>>>>>>>>>>>>>>>>>>>>>
' اللهم صلِ وسلم وبارك على سيدنا محمد '
|| في الشركه ||
" زين كان متعصب من الموقف الى حصل "
- مستر زين
= ايوا خير
- جد حضرتك بيتصل بيك هو على التلفون اتفضل
- الو يا جدو
= اية يابني ؟؟ انت مش بترد ليه كل ده
- مانا فى الشغل الموبايل سايلنت حقك عليا
= اية ياولد الادب ده
- ده انت بالك رايق يا زيزو
= طبعا مبروك مقدما ولما اجي هشمت فيك زي ما قولتلك
زين اتفاجئ وقال في سره: ماشي يا بتاعت جدك يفتانه
- هي ليلي لحقت تقولك يا جدو!
= اه يا حبيب جدك انا حددت الفرح كمان وكلمت مامتها عرفتها وظبط لك كل حاجه عد الجمايل
- طب ما كنت جوزتنا بالمره
= مانا جايلكم بليل نشوف الموضوع ده
- انا عن نفسي موافق ياريت دلوقتي
ضحك بفرحه: اختي اختي ها؟
زين ضحك: طيب يا جدو هستأذن انا
= روح .. روح كمل شغل اوعي بس يبوظ من تفكيرك فيها
- لا خلاص بقي يعني
كفايه امال لما تيجي هتعمل اي
= هتعرف يلا كمل شغلك سلام
- باي
" زين خلص شغل و هوا من جواه فرحان مجرد ما حس انه هيتجوز ليلي اسرع وبعدين راحلها و اول ما خرجت ابتسم بقلمي سلسبيل احمد لكن هي كانت لسه مضايقه فا متكلمتش.. "
- ازيك
= كويسه.. ممكن نروح
- تمام يا ليلي
"زين دور العربية وطلع على مطعم مميز جدا وكان حاجز الجزء الي فى الدور الى فوق كله ليهم.."
- ده مش طريق البيت احنا فين
= انزلي
- زين احنا فين؟
" نزل وفتح لها الباب فا نزلت معاه "
" و خدها ودخلوا وهي كل ده ماشيه في هدوء ومش فاهمه حاجه.. لحد ما قعدوا على الترابيزة فا بصتله بنص عين وهو ابتسم بحنان "
- آسف.. ممكن خلاص؟
ليلي اتنهدت: يعني عارف انك كبرت الموضوع
= ممكن نتكلم بعدين طيب؟
بصت حواليها: هو المكان فاضي ليه؟
= انا حجزت المكان فوق كله واتفقت معاهم على كل الاكل الى بتحبيه وجبتلك الهديه دي عشان مش عاوزك تزعلي مني
ليلي اتفاجئت جدا وبصتله بعيون بتلمع وحب: زين!
- عيون زين والله.. انا مكنش قصدي يحصل كل ده.. مش عاوزك تبقي زعلانه.
ابتسمت له بحب: مش زعلانه خلاص.
- بجد؟ يعني حاله العصبيه دي هنفوتها خلاص
= اه انا مش زعلانه ابدا انا هفضل جمبك فى كل وقت وفي اي حاله و صدقني انا عمري ما هبص لحد غيرك مهما حاول وعمري ما هخلي حد يتخطي حدوده معايا!
زين بهدوء: هو ياريت منتكلمش عن الموضوع لأنه انتهي خلاص.. اية رأيك تفتحي الهديه
"ليلي فتحتها وكانت خاتمين واحد دبله مكتوب عليه ليلي و خاتم مكتوب عليه زين"
مد ايده وخد الخاتم: انتي هتلبسي الخاتم ده
ليلي ابتسمت: امممممم اسمك
- بالظبط لبسيني الى بأسمك بقي
" ليلي لبسته الدبله فا مسك ايدها"
= كده الدبله دي تتحط في عين التخين تمام؟
- حاضر يا مستر زين اي اوامر تانيه؟
= عارف اني بفسد اللحظه اللطيفه دي بس حبببتي مش هتبطلي إرشاد ؟
- ايه؟
= ايه؟ جدو الى قريتي لي بكل حاجه وفتنتي عليا
- يعني اخبي!
= يا ليلي هو انا كنت هخبي كنت هقوله!
- متزعلش بس كنت فرحانه وهو عرف من صوتي سألني ليه وقولتله
زين ابتسم وغمزلها: فرحانه ها؟
= ملكش دعوه.. طب مش هنروح بقي
= اية ده اية ده؟
- اصل جدو هيجي وكدا
= طب ناكل ونمشي هو لسه قدامه كام ساعه..
>>>>>>>>>>>>>>>>>>>>>>>>>>>>>>>>>>>
' سبحان الله العظيم واتوب اليه '
"مشيوا بعد ما خلصوا اكل وبعد ما وصلوا الفيلا بـ ساعه عبد العزيز وصل حصل سلامات كتير طبعا وكانوا واحشينه اوي و قعد معاهم"
- قولتيلي بقي يا ليلي وقع ازاي
= احم رد يا زين
- لا يختي مش انتي الى بتفتني ردي انتي
= فالح بس اختي و بعاملها عادي
- بص يا جدو انا كدا كدا عامل حسابي اشمت براحتك
عبدالعزيز ضحك: لا هنام عشان تعبان وعايز اروح الشركه بدري المهم بس الفرح الاسبوع الجاي
ليلي بصدمه: اية !
زين بفرحه: اية؟
= انت فرحان! ده كدا بدري اوي وبعدين فين الشقة
- الفيلا بأسمك انتي و زين تقدروا تقعدوا فى الجناح الى فوق كله براحتكم وبعدين تجهزوا فيلا يا حببتي او اخدلكم فيلا جاهزه جمبي
- طب والله يا جدو انت كفاءه وجدع
ليلي: بس انا حاسه انه كدا بسرعه طب خليها بعد امتحاناتي
= خلاص يحببتي زي ما تحبي اهم حاجه تبقوا مبسوطين ولو الواد ده زعلك قوليلي بس وشوفي هعمل ايه تصبحوا على خير.
طلعوا و زين قعد جمبها: امتحاناتك هتقعد حوالي 12 يوم هعدهم بالساعه
- تفتكر نقعد مع جدو؟
= الى انتي عاوزاه انا معنديش مشكله بس بقول نشتري فيلا فى حته تانيه ونقعد فالاتنين اية رأيك
- فكره حلوة اوي
= تحبي تبقي فين
- في اي حته المهم تبقي قريبه من هنا... واهم حاجه اني هبقي معاك
= انا حبي بيزيد ليكي كل ما بتتنفسي يا ليلي
ليلي ضحكت: وانا كمان كدا كدااا
" و فات 14 يوم وحرفيا اليوم ده زين كان مرتب انه الفرح ومجهز كل حاجه حتي الفستان فضل يلف ويوري ليلي اشكال كتير لحد ما اختارت واحد "
' لا إله إلا انت سبحانك اني كنت من الظالمين '
" وجه اليوم المنتظر اخيرااااا "
- ليلي؟
= احم ايوه يا جدو
- جاهزه؟
= انا متوتره اوي
- انا كنت عايز اقولك حاجه
= اية؟
- انتي غيرتي زين يا ليلي حقيقي انا فخور بيكم
= غيرته؟ ازاي
- ليلي زين عنده اضطرابات نفسيه وكان شبه مكتئب بسببها
ليلي اتصدمت: هو حضرتك انها لسه عنده!!
عبد العزيز بستغراب: هو انتي عارفه؟
= انا عرفت من تاني يوم حضرتك سافرت تعب وكان مخنوق وبيحلم ب كوابيس و ثانيه بس وانت عرفت منين زين مقاليش انوه قالك
- انتي فكراني عبيط ولا عايش كيس جوافة
= جدو بجد عرفت منين انها لسه عنده
- انا عيني على كل واحد منكوا مش معني ان زين بيوصلك اني مثلا معرفش بيحصل اية ولا معرفش موضوع الخناقه انا عارف كل ده
بصدمه: اممم الخناقه... احم حضرتك بتراقبنا؟
- لا بطمن لاني عارف مشكله زين والدكتور الى بيروحله شرحلي كل حاجه وكنت بسمعه بليل واقوم اهديه بس بيقولي انها مجرد كوابيس بس كنت عارف ان حالته هي هي من وهو صغير لقيت الموضوع حساس بالنسباله محبتش افاتحه فيه فا بقيت اعرف تحركاته مش اكتر
= طيب وليه حضرتك بتقولي
- لاني فعلا شوفت تغيره للاحسن بكتير وقولتلك عشان لو جه يوم اعصابه فلتت تقدري ده وتبقي فاهمه وتخلي بالك.
= اكيد فاهمه.. جدو انا بحبك اوي
- وانا بحبك يا حبيبة قلبي انتوا اغلي اتنين عندي فالدنيا يا ليلي ، ومع اني مستغرب ازاي مجتيش حكتيلي لما عرفتي بس مبسوط انه قالك
= انا خوفت حضرتك تقلق وانا كنت جمبه ساعتها وكمان هو قالي ان محدش يعرف والموضوع فعلا حساس بالنسباله بسبب مامته الله يرحمها وعمي عادل زين بيكره اوي يا جدو
- ما علينا النهارده فرحكم
سمعت صوت زين من بره: اية يا جدو!!!! هو انت هتتجوزها انت ولا اية ولا ختها وهربتوا
عبد العزيز ضحك: استني اصبر شوية
= خلاص يجدو حرام انا جاهزه
" خرجت ليلي مع جدها لي زين الى اول ما شافها عيونه دمعت من كتر حبه ليها حضنها بقوة وهو
بيدج الفيس بوك بتاعتي سلسبيل احمد حاسس خلاص انها هتبقي معاه دايما الفرح بدء بعد كتب الكتاب وكان كبير جدا والكل مبسوط وبيبارك ليهم "
- زين .. زين
= وطي صوتك مش كفايه الدي جي ده طرشني
- قوم رقصني يلا انت هتفضل مرزوع ورزعني جمبك
= بس بدل ما اديكي بضهر ايدي رقص اي وكلام فاضي اية
- زيييين !
= هنرقص حاضر يلا بينا
ليلي ضحكت: طب يلا
خدها وراحوا يرقصوا سلو على موسيقي هاديه ضمها لي وحط ايده في وسطها
- زين زين
= ارغي يا ليلي
- بيقولوا اية فاللحظه دي؟
= بيقولوا بحبك
- وانا كمان بحبك
= لا ده هما الى بيقولوا
ضربته في كتفه جامد بغيظ وشالت ايدها فا ضحك وشدها بسرعه: الناس يمجنونه يمتخلفه انا بهزر !
- متهزرش معايا تاني !
زين بضحك: اسف خلاص وبعدين مين قال اني بحبك احنا قولنا عديت المرحله دي ممكن نقول بقي واقع في دباديبك بعشقك الكلام ده
ليلي ابتسمت: بجد بتحبني اوي ولا نص نص
= بحبك اوي اوي اوي
" و وسط ما بيرقصوا وبيتكلموا زين عينه بتثبت فى مكان معين و بقت بطلع شرار على الشخص الى واقف وليلي بتبص وبتتصدم!!!! "
زين بصوت كله غضب: عادل
ليلي مسكت ايده جامد عشان يهدي و عبد العزيز قرب منهم: زين اهدي انا هتصرف روح اقعد
خديه يا ليلي!
= زين عشان خاطري اقعد تعالي معايا
"زين واقف مش بيتحرك سنتي ساب ايدها وبدء يمشي خطوات"
عبدالعزيز مسك كتفه: زيين الناس موجوده
زين بصله وابتسم ابتسامه مزيفه: انا هتكلم معاه ده حتي واحشني بقالي كام سنه مشفتوش ؟ اكتر من عشر سنين تقريبا!
" راح ناحيته بهدوء و برود شديد وكان مكان مدراي شوية عن الانظار زين بص في عينه وليلي واقفه متوتره جدا اما عبد العزيز بيحاول يمشي الفرح عشان محدش يلاحظ "
- كبرت يا زين وبتتجوز
= جاي ليه ؟
- مش عاوزاني احضر فرح ابني الوحيد؟
زين ضحك: ابنك ؟ فين ابنك ده عرفني؟
بص انا معنديش ادني فكره انت جاي ليه بس انا متوقع اي حاجه رْباله عادي من واحد زيك
عادل بعصبيه: انت نسيت اني ابوك!!!!! ازاي تتكلم معايا بالطريقة القدْرة دي؟؟؟؟؟؟
زين وصوته بدأ يعلي اضعاف: لا اسمع بقي انت مش ابويا انا معرفكش ومش عايز اعرفك اساسا واوعي تفكر تقرب من حياتي امشي من هنا ولا عايز تيجي و وراك شوية بلطجيه تاني ؟؟ والمره دي بقي
يقتـ ـلوا مين ؟ انا و لا مراتي ولا جدي؟!!!!!! ما ترد عليا !!!!
زين قرب منه بفقدان اعصاب وزقه: ما ترد
عادل بدء يتهز من مكانه: انا عمري ما كنت اتخيل ان كل ده يطلع منك انا ابوك !!!!
- بطل تقول ابويا وبعدين متخيل اي؟ انا بقالي عشر سنين بتعذب بسببك امي ما تت بسببك؟ مستني اخدك فحضني ولا ايه تبقي بتحلمم!!!
= امك ما. تت عشان ده نصيبها !!!!!! وكل الى حصل ده غصب عني مليش ذنب
- اسكت !
= طول عمري بحاول اقرب..
انا بحبك مش بكرهك!
وعملت كل حاجه عشانك
- بقولك اسكت !!
= مش هسكت انت لازم تعرف الحقيقة هي الى خلتنا نتورط في ده!! هي السبب فكل الى حصلك وحصلي انت كنت فاكرها بتحبك ولا اية!!!
زين قبض ايده وضربه بالبونيه جامد جدا
ليلي راحت لعنده بسرعه وهي مصدومه من الى حصل: زين !!!
" زين بصلها بعيون زي النا..ر وكان فاقد كل ذرة عقل
ليلي خافت من شكله فا عبد العزيز ودخله الفيلا لان الفرح كان فالجنينه وللاسف الناس مشيت والجو مكنش لطيف! الفرح يعتبر باظ"
عبدالعزيز: انت ازاي تيجي لحد هنا اطلع برا بيتي
= يا بابا انا
- برااااا مش عايز امد عليك واوعي تقول بابا دي امشي من قدامي واوعي تنطق كلمه بابا دي تاني انا معرفكش يا عادل
"عادل مشي وليلي دخلت عند عبد العزيز ومعاها امها"
- اية الى حصل ده ؟ الفرح باظ شكلنا اية دلوقتي؟
= اهدي يا لمياء يابنتي نصيبهم كدا
- يعني هو مكنش عارف يمسك نفسه يا حمايا
ليلي بدموع - هو راح فين
= مش عارف
ليلي طلعت اوضتها بضجر
- انا مش فاهمه حاجه ؟؟ كدا يكسر فرحتها؟؟
= انتي عارفه ان في مشاكل بين زين و ابوه!
- ايوا يا حمايا بس مش لدرجه يبوظ الفرح
= النصيب .. منه لله ابني يارب ابعده عننا يارب
- انا هطلع لـ ليلي
"ومامت ليلي طلعت وباتت معاها و زين لسه مختفي مامتها مشيت الصبح بعد محاولات ليلي انها تطمنها اول ما مشيت عبد العزيز قعد مع ليلي"
- انتي كويسة
= مشي يا جدو واتصرف بطريقه مش قادره افهمها
- كله بسبب ابوه الله يسامحه صدقيني زين بيحبك
= عارفه! وده الى تاعبني انا مش عارفه لو ظهر دلوقتي هقوله اية ومش عارفه هو فين اصلا!
- اهدي يا ليلي هيرجع اعذريه يابنتي ابوه ظهرله فجأه بقاله عشر سنين مش بيطيقه وبيهرب منه
= لدرجه كمان انه يضربه؟؟ جدو ده مد ايده على ابوه
- انا متأكد انه استفزه وانتي عارفه حاله زين هو انا الى هقولك!
>>>>>>>>>>>>>>>>>>>>>>>>>>>>>>>>>>
' الله اكبر الحمدلله استغفر الله لا إله إلا الله '
" ليلي فضلت قاعده اخر اليوم في اوضتها وخرجت لدقايق وبعدين رجعت اتفاجئت بحركه في اوضتها"
- ميين!!
= اهدي .. انا زين
بصتله بصدمه: لسه فاكر تيجي !
- انا اسف ان..
قاطعته: روح نام في اوضه تانيه او اقولك روح كمل فى المكان الى كنت فيه مع الى كنت معاهم
كانت رايحه ناحيه السرير فا شدها عليه وحضنها جامد اوي وكأنه بيأكد لنفسه انها معاه ومش بتسيبه
"ليلي مقدرتش تبعد لانه وحشها فا حضنته
وعيونها بتدمع"
- انا كنت لوحدي فضلت لوحدي وكنت مخنوق وفاكر اني هتحسن... بقلمي سلسبيل احمد.. لكن انا مش بهدي غير وانا في حضنك انا حتاجك كل دقيقه يا ليلي
"ليلي حضنته وطبطبت عليه "
" قعدوا وهي ومرضتش تتكلم فى حاجه عشان عارفه ان اكيد موضوع ابوه مأثر عليه وفضلت صاحيه لحد ما هو راح في النوم فا حطت راسها على المخده وبدأت تنام هي كمان.. "
" ولكن صحيت ليلي على الفجر لما حست بأصوات وكان زين بيتقلب كتير و واضح انه بيحلم بحاجه وحشه قعدت تلمس على كتافه براحه: زين زين قوم ده مجرد حلم زين؟
زين قام مفزوع مره واحده فا ليلي مسكته: اهدي!! حصل ايه
زين بزعيق وفزع: ماماااا لا !!
ليلي بقلق: يا زين اهدي ده مجرد حلم اهدي انا جمبك ركز ده مجرد حلم
" زين مسك في حضنها بضعف
قربته منها اوي وحضنته وهو رفع ايده ومسك فيها فضلت واخده فى حضنها لحد ما راح فى النوم تاني وهي اتنهدت بحزن علي الى هو فيه.. "
>>>>>>>>>>>>>>>>>>>>>>>>>>>>>>>>>
' سبحان الله وبحمده سبحان الله العظيم '
|| تانى يوم الصبح ||
ليلي صحيت لقته لسه نايم وكان حاضنها زي الطفل
وماسك ايديها فحضنه ابتسمت وقعدت تلمس وشه: زين يا زين اصحي
زين بنوم: امممممم
- قوم بقي
= ايه
- بقالك كتير نايم
= منمتش من امبارح
- منمتش؟ انت كنت فين بقي قوملي لما انكد عليك
زين فتح عيونه وبصلها: قربي
ليلي قربت افتكرته هيقول حاجه فا باسها
زقيته بأندفاع: ما انت قليل الادب
زين بصلها: انتي مراتي فين قلة الادب
- احترم نفسك طيب
= لاء
ليلي وهي بتحبس ضحكتها: انت صاحي رايق
راحت زقته وحدفت عليه مخده وقامت تجري
زين قام من عالسرير بسرعه جدا وجري وراها وقفل الباب وحاصرها ورا الباب بأيده: خلاص يا زين ونبي
= هاخد بوسه وانا اسامحك
- بطل قلة ادب بقي
= شوف بتغلط تاني ازاي
- بقيتي مراتي يعني حقي
= لاء
- شدها قعد يزغزغ فيها عالسرير وهي مبطلتش ضحك
بصلها بتركيز و هي بتضحك وعيونها بتلمع
- ليلي
= هممم
- انا بحبك
ليلي كانت سانده راسها على صدره وابتسمت فى صمت
- ساكته ليه
= عشان افتكرت الى حصل يا زين
- هو انتي هتتخانقي دلوقتي يا ليلي؟؟ دلوقتي!!
= هو هيفرق كدا كدا انت مش بتقولي حاجه
- انا مش بقولك حاجه!!! بطلي كدب يشيخه
= ايوا تقدر تقولي ليه عملت كل ده انت بوظت الفرح واول يوم جواز مشيت روحت فين وسبتني!
- مسبتكيش انا بكرهو سبته هو انتي مش فاهمه ازاي؟ مكنتش طايقه هو الوحيد الي بيخلي اعصابي تفلت لو كنت قعدت لحظه تانيه كنت هـ !!
= زين انت صْربته صْربت ابوك
زين بعصبيه: ليلي !!!!!! ده مش ابويااااا
ليلي اتفاجئت انه بيزعقلها: انا نازله ولما تهدي نتكلم
- استني!
"سابته ودخلت الحمام تغير وهو كان متعصب جدا راح ماشي ليلي سمعت رزع الباب"
" لبست وجهزت وبعدين راحت الشركه مع عبد العزيز.. "
- مش كنتي خدتي انهارده اجازه يابنتي
= اها عشان لو شوفته قدامي اديله بالقلم صح
سمعت صوت زين وراها: تدي مين بالقلم
ليلي بصت لعبد العزيز: جدو! طلعه بره
زين برخامه: ده هو الى جايبني هه
= ايه ياولد ده ؟ الفتنه وحشه
- معلش يا جدو اصل ليلي بهتت عليا
ليلي بصتله بغيظ: طب تمام انا ماشية
= خدي يابت تنزلي فين تعالي هنا
ليلي بزعيق: انت مالك ! هطفش زيك
عبد العزيز: حقها وانت احسن منها يعنى
- جرا اي يا جدو هدي النفوس
= بقولك اية اصلا انا بكرهك وسع متهزرش انا مش بهزر ومش طيقاك اوعي يا زين
- طب استني!
ليلي نزلت وسابته
عبد العزيز: تستاهل متبصليش كفايه اني كلمتك تيجي وهي مش طيقاك فعلا
- ليه كل ده! انا كان غصب عني
= انت بوظت فرحها ومسيطرتش علي اعصابك عشان خاطرها يا زين
- كله منه هو الى وصلني لمرحله صعبه يا جدو لو سمحت ياريت تخرجه من حياتنا
= متقلقش مش هيقرب تاني
- انا هنزل وراها
" زين نزل بسرعه وراها "
- ليلي ليلي استني
= يا زين وسع
- طب نتكلم اديني فرصه
= اديتك!
- ممكن طيب تيجي معايا في مكان؟
"ليلي ودت وشها الناحيه التانيه بزعل"
- عشان خاطري جربي وتعالي معايا انتي واثقه فيا؟
ليلي بصتله بتترد وبعدين وافقت
"ركبوا العربية و زين اتحرك وطول الطريق هي مضايقه وفي نفس الوقت بتحبه! عمرها ما هتقدر تزعل منه وصل عند مكان فاضي وعالي شبيه بالصحرا نزلها ولما نزلت وركزت عالمنظر تاهت فيه كان عباره عن تحفه فنيه المكان عالي والبيوت والدنيا كلها بقت صغيره تحت وشكلها لطيف قدامها"
بصتله بأستفهام..
- انا كنت هنا كنت قاعد و لوحدي مش مع حد المكان ده محدش يعرفه لانه شبه صحرا ومحدش يعرف اني باجي هنا انا بهرب دايما هنا وعمري ما قولت لحد
= وليه جبتني هنا؟
- عشان انتي كل حاجه عندي انا مش بملك غير حبك
ليلي غمضت عينيها بتحاول متضعفش: حبي!
- ايوا
= انا مش عارفه اقول اية يا زين
- انا فاهم انك متلخبطه بس انا صارحتك من الاول لكن اكيد لسه في ايدك الاختيار لو عاوزة تمشي انا مش همنعك لو مش قادره تكملي هبقي فاهم
= هتسبني بسهوله!
- هكدب لو قولت انه هيبقي سهل عليا! بس هبقي اناني لو اجبرتك تستحمليني وانا بوظتلك فرحك واول يوم جواز سبتك و زي ما جدو قال مقدرتش اسيطر على نفسي
ليلي بحزن: ليه مجتش عندي لما كنت تايه
زين وعيونه بتلمع بالدموع: عشان خوفت وقت فقدان اعصابي آذيكي
ليلي دموعها نزلت: بس انا مش عايزه اسيبك ومش عايزاك تسبني
زين مسك وشها برقه ومسح دموعها: انا عمري ما هسيبك يا ليلي
قربها لي وحضنها بعدين مسك ايدها: تحبي اروحك
ليلي ابتسمت: مش عاوز تقعد في المكان السري بتاعك شوية ؟
- انا مكاني هيبقي مكان ما انتي موجوده
= كلامك بيخليني مش عارفه اقول اية
زين وهو تايهه فيها: و انا بقول يلا نروح احسن
بضحك: طيب يلا
" وصلوا البيت و زين ملحقش ينزل من العربية جالة موبايل من رقم غريب "
- الو استاذ زين جد حضرتك تعبان اوي وفى المستشفي
زين حاول يمسك اعصابه ومبينش قدام ليلي لحد ما
يتصرف: تمام انا جي دلوقتي تمام جاي علطول..
ليلي بقلق: في اية ؟
= مشكله فى الشغل لازم اروح
- طب ما اجي معاك؟
= لا لا اطلعي انتي وهاجي بدري لو اتاخرت هكلمك
- طيب ماشي..
" زين مشي بسرعه وسابها قدام الفيلا
ومن بعيد شخص بيبتسم بشر "
" ليلي بتتحرك وسمعت صوت فا قالت مين ؟ فجأه واحد ظهرلها و رش في وشها اسبراي لفقدان الوعي وخدها..."
" اما زين وصل المستشفي وملقاش جده ولما سأل ملقهوش في المستشفي اصلا ولا جه !!! "
" راح الشركه بسرعه وطلع جري دخل المكتب لقي عبد العزيز بيراجع شغل "
- جدو ! انت هنا ؟
= اية في اية ؟ فين ليلي اوعي تكون مصالحتهاش؟
" زين مكنش فاهم حاجه ولكن عند كلمه ليلي استوعب الى بيحصل واتمني لو يبقي غلطان ! "
" مسك موبايله ورن علي ليلي بسرعه و الخط فتح"
اتنهدت براحه اول ما ردت: الو ليلي؟؟ انتي كويسه!!
ردت بعياط: زين اللحقني !!!
يتبع..
>>>>>>>>>>>>>>>>>>>>>>>>>>>>>>>>>>>>
- الو ليلي؟؟ انتي كويسه!!
ردت بعياط: زين اللحقني
- ليلي !!! ليلي انتي فين؟؟
" وفجأه صوتها اتقطع وظهر صوت تاني "
= لو عاوز السنيورة تجيب ورق الصفقه الى لاغيتها معانا و روحت تعملها مع شركه C L
زين اتصمر مكانه وعبد العزيز بصله بخوف وقلق: في اية ليلي فين؟؟ ؟؟؟
زين بعدم استعياب: اتحْـ ـطفت !!
"وبعد فترة عبد العزيز حاول يهدى ويهدي زين!"
زين: احنا لازم نديهم الورق
- افرض عملوا اي حاجه فيكم !
= لاء مش هيعملوا اول ما يتصلوا هقولهم تمام..
"عبد العزيز جهز الورق وهما اتصلوا تاني"
- تجيب الورق عند شارع 15 وتيجي لوحدك..
= انا عايز اكلمها... الووو!
"قفلوا السكه و زين زعق بغضب بدء يقلق اكتر وعبد العزيز بقي قلقان على ليلي و عليه عشان هيروح لوحده لأن زين منعه يبلعْ "
>>>>>>>>>>>>>>>>>>>>>>>>>>>>>>>>>>>
' اللهم صلِ وسلم وبارك على سيدنا محمد '
" وصل المكان الى بعتوله اللوكيشن بتاعه ولقي بيت في حته بعيده وراح عنده حسب وصفهم لحد ما لقي رجالة كتير واقفة بأسـ ـلحة "
- زين عبدالعزيز ابو الفضل بنفسه..؟
= هي فين
- ادخل معانا اتفضل
"دخل البيت ولقي واحد على كرسي وكان عزت نصر الى رفض يديله الصفقه.."
= فين الورق
- معايا
= هاته
زين زعق بصوته كله: الورق ده انا هحرقه واحرقك لو مظهرتش دلوقتي هي فين !!!
= لا شرس اوي تربيه عزيز بيه..
" شاور لرجالته "
- هاتوها
" ليلي دخلت و واحد كان ماسكها وهي مفحومه من العياط زين جري عليها و زق الواد الى كان ماسكها بقوة وماهموش حد "
قرب منها: انتي كويسة ؟؟
"ليلي هزت راسها وهو قربها لي وحدف الورق و عزت مسكه يشوفه "
- ليلي انتي بتترعشي كدا ليه حصلك حاجه حد عملك حاجه؟؟
ليلي بعياط و خوف: للـ.. لاء
زين حضنها: طيب بس اهدي متخافيش انا جمبك
زين بصله بقمه الشر: لو فاكر انها هتعدي تبقي غلطان لو فاكر ان زين ابو الفضل يتلعب معاه اللعبه دي و يسكت تبقي غلطان..
"ليلي غمضت عينيها و وقعت بين ايده بتعب وهو لحقها قبل ما تقع على الارض"
ابتسمله بسماجه: تقدر تمشي وتلحقها الورق مظبوط
وعلى فكره محدش جه جمبها عشان تعرف بس اننا بنفهم في الأصول.
زين شالها وخرج وكان في عربية مستنياه وفيها عبد العزيز واول ما لقي ليلي كده اتخض: هي كويسة جرا ايه يا زين ؟؟؟ مالها !!
= كويسه يا جدو متقلقش
- ليلي انتي كويسه ردي عليا متقلقنيش !!
ليلي من كتر التعب مكانتش قادره ترد بس مسكت ايد عبد العزيز وهو اتنهد براحه والعربية طلعت بيهم'
وصلوا فا شالها: انا هفضل جمبها متقلقش
= اجيب دكتور يابني احسن ؟؟
- لو متحسنتش هكلم دكتور هي محتاجه ترتاح الموضوع أكيد صعب عليها
" زين طلع بيها و حطها عالسرير وبعدين نزل يجيب اكل و مياه وحاجه سخنه تشربها وهو فى المطبخ عبد العزيز دخله "
- مش عاجبني سكوتك والهدوء الى انت فيه
' زين ساب الى في ايده واتنهد تنهيده كأنه كاتمها بقاله كتير!! وجواه غضب مش قادر يخرجه.. "
بصله براحه: انا قلبي اتكسر لما شوفتها كدا
- يبقي ظني ان انت مش هتسكت صح يا زين
ومش ناوي تعدي الى حصل واحنا مش عاوزين مشاكل
= انا هحرقهم صاحيين يا جدو
" عبد العزيز مسح على وشه بنفاذ صبر و طلع موبايله و بعدين حطه في ايد زين "
- شوف باعتين ايه
" زين مسك الموبايل وبدء يقرأ الرسالة "
- قول لحفيدك ميفركش يعمل حاجه و بلاش
تهـ ـ ـور ده طبعا لو خايف عليه.. هو ومراته..
= والله العظيم لاقتلهم !!!!
" زين قال الجملة دي بكل غل و انتقام وكان فعلا قاصدها حالته كانت سيئة مجرد ما شافها بتتأذي وانها اتحطت فى كل ده ومكنش سهل عليه بقلمي سلسبيل احمد ومش هيعدي الموضوع ابدا خصوصا انه افتكر اسوء ذكرياته.. يوم قتـ ـل امه.."
- زين ! متخوفنيش عليكم الى حصل حصل وكويس انها بخير !!!
= هو انت عاوزاني اسكت ! وبعدين بخير ايه !!! ليلي بتخاف من خيالها ومبتعرفش تروح حته لوحدها وكل ده حصلها انهارده واتحْطـ ـفت!!!!
"عيونه كانت حمرا من كتم الدموع فيها و في لحظه صْرب الكوبايه بأيده كسرها بكل غضب"
- انا عارف كويس كانت حاسه بأيه وانا معرفتش احميها من كل ده فالبدايه وكنت غبي مكنتش جمبها اكيد كانت مرعوبه هناك !!!!
عبد العزيز طبطب على ضهره: اهدي!! مينفعش تشوفك كدا اهدي يا زين وبعدين نتكلم اطلع لها دلوقتي! وكدا كدا هيدفعوا تمن الى حصل بس بالعقل
- متخفش عليا يا جدو انا المره دي متحكم في نفسي اوي ومش هعمل حاجه اندم عليها
>>>>>>>>>>>>>>>>>>>>>>>>>>>>>>>>>>>
'سبحان الله وبحمده سبحان الله العظيم '
خد الحاجه و طلع لـ ليلي سند ضهرها على السرير وحطلها مخده ومسك ايدها وباسها: انا اسف
" زين لاحظ ان ايدها بتترعش ولسه خايفه حتي بعد ما روحت "
- ليلي مالك فيكي اية؟؟!
' قعدت تعيط ومكانتش بتتكلم
زين قلق جدا وقلبه فضل يدق لدرجه انه سامعه '
= يا ليلي اتكلمي لو في حاجه عرفيني!
ليلي بصوت متقطع وشهقات عياط: اللللـ الراجل
"زين وكانت اعصابه خلاص انهارت وكل ذرة عقل جواه"
انتهت: قولي يا ليلي متخافيش قولي عمل أية؟
ليلي...
= راجل مين عملك حاجه ؟ اتكلمي قوليلي براحه
- لاء
= امال اية
زين قرب منهة وطبطب عليها وحضنها
= طب اهدي .. انتي معايا ومفيش اي حاجه هتحصلك فاهمه؟؟ انا جمبك
ليلي حاولت تطلع صوتها: كان في واحد قاعد بيراقبني فا الراجل دخل و اتكلموا وشدوا مع بعض فا... فا ررر راح مطلع مسـ ـدس و ... و ..قـ ـتـله!! قتـ .ـله يا زين قدامي و كان شكله!!!! مات قدامي و كان
" وقفت كلام وفتحت فى العياط اوي "
" زين شدها على حضنه اكتر ومسح دموعها"
-ششششش اهدي بس اهدي
= انا خايفه يا زين خايفه اوي منهم
" زين حرفيا قلبه كان بيتكسر عليها وهي كدا وده بيزود الغضب جواه وبقي عاوز ينتقم بأي شكل
فضل حاضنها جامد لحد ما نامت في حضنه وهي مش سايبه ايده مرضيش يقوم من جمبها بيدج الفيس بوك بتاعتي سلسبيل احمد وضمها لي ونام لانه عارف انها هتعاني بسبب الى شافته لان عمرها متعرضت لحاجه زي دي.. ومكنش نفسه ابدا يحصلها صدمه زي الى حصلت له وهو صغير ! "
>>>>>>>>>>>>>>>>>>>>>>>>>>>>>>>>>>
' الله اكبر الحمدلله استغفر الله لا إله إلا الله '
* تاني يوم الصبح *
- ليلي ..ليلي اصحي .. يا لولي
" ليلي فتحت عيونها وقربت على حضن زين تستخبي من النور "
- هتكملي نوم ولا اية الساعه بقت 11
= انا مش عايزه اقوم مش قادره
- لا قومي وحشتيني
= مش قادره يا زين
- يا قلب زين انا عارف انك تعبانه والى مريتي مش سهل بس اديني فرصه عشان نعدي منه سوا وصدقيني والله العظيم لاهدفعه تمن كل ده الى عملوه مش هيعدي بسهوله
ليلي قامت بخضه ومسكت ايده: لاء زين عشان خاطري اوعي تعمله حاجه ممكن يأذيك عشان خاطري متعملش لي حاجه
لمست وشها: ليلي اهدي في ايه
= انا مش عاوزاك تتأذي
- ولا انا عاوزك تتأذي !! و هو آذاكي انا كنت بموت وانتي بعيد عني وانا حاسس اني عاجز
= بس رجعتني يا زين خلاص بقي
زين بكدب: حاضر
ليلي بشك: اوعدني
- ليلي خلاص قولتلك ماشي
= اوعدني يا زين!
زين بنفاذ صبر: اوعدك
تعالي بقي ننزل عشان اخرجك
= بس انا مش قادره
- مش قادره اها طب خلاص
"زين شالها مره واحده بدلع وهي قعدت تضحك"
- يا زين لاء بقا
= اسكتي عاوزين نغير جو
"نزل و هو شايلها عبد العزيز شافهم واتنهد براحه نفسيه انهم كويسين"
- شايلها كدا ليه حاسب
= عاوزين ناخد انهارده اجازه عشان هفسحها
- اوي اوي بس هما يومين
زين غمزلة: وعشان خاطري
- يوم واحد
ليلي ضحكت: طب نزلني بس
زين نزلها وباسها وبص لعبد العزيز: وعشان ليلي؟
= شوفوا هتقعدوا قد اية وارجعوا
بسرعه عشان الشغل مفهوم؟
ليلي بزعل: هو الشغل اتأثر لما خدوا الصفقه؟
عبد العزيز: فداكي الشغل كله يا ليلي انتوا عندي اهم من اي حاجه
ليلي: ايوا ياجدو بس
عبد العزيز قاطعها: ليلي روحوا اتبسطوا دلوقتي ولما ترجعوا اي حاجه تتعوض
= ماشي يا جدو
" ليلي قعدت معاه شوية و زين حضر فيهم حاجات كتير ومرضيش يقول لـ ليلي هيخدها فين
لحد ما خرجوا و ركبوا العربية مع بعض
- يا زين بقي قولي
زين مسك ايدها وباسها: مفاجأه يا ليلي
ليلي قربت بدلع: عشان خاطري يا زنزون
= لا لا كدا فيها حدـ ثه بلاش دلع وانا سايق
ليلي ضحكت: طب خلاص جبتلي حاجه اكلها
= ايوا الشنطه ورا فيها كل الى بتحبيه
قعدوا تلت ساعات فى الطريق وبعدين زين وصل عند مينا على البحر وليلي كانت تعبت وبتنام صحاها ونزلوا
- جايبني بحر؟ انت عارف اني بخاف
= تؤ تؤ اصبري
مشيت تلت دقايق معاه و صلوا عند يخت كبير من تلت ادوار و كان اسمه " ليلي "
ليلي انبهرت جدا بيه وحضنت زين بفرحه
= سميته على اسميي!!!
= اكيد امال هسميه على اسم مين
يلا بينا بقي ؟
= هنركب فيه ؟ بس اوعي تمشي ها
- ليلي متخافيش انا معاكي
= هو جميل اوي وانا فرحانه ان اسمه ليلي بس نمشي بيه فالبحر مش هقدر بخاف
زين مسك ايدها : قولتلك متخافيش وانا معاكي تعالي اوريكي حاجه
ليلي طلعت معاه بخوف و وصلوا على سطح اليخت
- بصي ده لاسلكي لما بيحصل اي حاجه بنتكلم فيه وبيعرفوا مكانا وبينقذونا غير ان في قارب نجاه و طوق وحاجات غير كل دا بقي دي مش اول مره اطلع بـ يخت فى البحر يا ليلي الموضوع سهل و امان
= بس افرض
- مش هيحصل حاجه متخافيش
ليلي حضنته: انا بحبك على فكره
- وانا كمان بموت فيكي.
زين طلع بـ اليخت وليلي كانت متوتره لكن مع غروب الشمس كانت مبهورة وبتتفرج ونسيت خوفها وبدء الليل يليل فا زين وقف ونزلها الدور الاخير
- بتعملي اية
= المياه شكلها يخوف دلوقتي
زين بضحك: امممم تلاقيكي بتفكري هتباتي هنا ازاي يمكن تيجي سمكه قرش او حوت يكلنا
= زين بطل هزار رخم
قعد جمبها وخدها فحضنه: هحكيلك حدوتة
زين اتكلم دقيقتين بالظبط لقي عيونها بتغمض فضل يمشي بأيده على شعرها وهي نامت
ساعتها زين مسك ورقه وكتب حاجات ..
هنعرفها بعدين
>>>>>>>>>>>>>>>>>>>>>>>>>>>>>>>>>>>
' لا إله إلا انت سبحانك اني كنت من الظالمين '
|| تاني يوم الصبح ||
- زين .. زين يا زين.. زين
= ليلي ؟ في اية انتي كويسة
- اصحي اقعد معايا
زين قعد وفرك عينه = الساعه كام ؟
- سته الصبح
= حرام عليكي عايز انام
- لاء انت هتسبني صاحيه لوحدي!
زين قام : حاضر ها فطريني طيب
= ماشي بس تعالي معايا
زين ضحك - نفسي تبطلي جُبن
= تعالي بقي
- حاضر يا لولي يلا
نزلوا كان في مطبخ صغير حضروا فطار وليلي قعدت
- لا تعالي ناكل بره
= م ناكل هنا!
- يابنتي ارحميني دي المياه تحفه
= عشان خاطرك بس هدي ضهري للبحر
الاتنين ضحكوا وخرجوا وهما بيفطروا
- عاوزة اقولك حاجه بقي
= ها اشجيني
- ممكن نرجع انهارده
= كنت عارف.
- انا اتبسطت بس مش مرتاحة
= خلاص ياستي ولايهمك عنيا يلا نكمل فطار؟
كملوا فطار وبعدين فضلوا يتكلموا شوية سوا و زين وراها الغروب و بعدها بدء يرجع باليخت..
واول ما وصلت الفيلا زين كان بيستعد عشان مشوار الراجل الى خطف ليلي زي ما احنا عارفين.
- رايح فين يا زين؟
= مشوار صغير كدا
- طيب متتاخرش انا هغير واروح الشركه
= لا طب بسرعه هوصلك
- هاروح لوحدي
= يا ليلي لا يلا هوصلك
ليلي نزلت بعد ما غيرت و زين وصلها الشركه و نزلت ولما طلعت ملقتش عبد العزيز فا كلمته ولكن مردش
|| في مكان تاني ||
"في حتة مقطوعه بيوصل زين ويقابل عبد العزيز "
- حمدالله على السلامه ليلي كويسة؟
= اها هو فين
- زين زي ما اتفقنا ها ؟
= جدو انا بقول تمشي انت
- متخلنيش اندم اني جبته
= هو انت جايبه عشاني ولا عشان اتجرأ وعمل الى عمله زين دخل وكان عزت مرمي عالارض ومضروب
زين وقف وبصله بقرف: عامل زي الفار يعني
= انت فاكر اني هسكتلك انت حتت عيل لسه ومش عارف عملت في نفسك اية
- تؤ تؤ انت الى متعرفش يوم ما فكرت تلعب مع عيله ابو الفضل و تخطف حد يخصني عملت فنفسك اية
عبد العزيز : انا دورت وراك كويس صفقاتك المشبوه عرفتها وكل الورق معايا بس قولت اربيك حبه قبل ما ابعتك للبوليس
عزت اتصدم وبصله بغل وغضب: هقـ ـتلك انت و هو
زين بثقه : ابقي قابلني
- لو معرفتش يبقي هخلي قلبك يتحرق على مراتك
"زين هجم عليه وقعد يصْربه لكمات متتاليه
عبد العزيز معرفش يقومه من عليه خالص زين الغضب كان عاميه ومحدش بيقدر عليه عبد العزيز نده عالجردات بسرعه جدا و شالته بصعوبة من على عزت الى مبقاش فيه نفس"
عبد العزيز شده لبره: كفايه كدا
- انا مش هسيبه
= دي مش طريقتنا !!! انا جبته لحد هنا عشان عارفك ولو كنت سبتك لدماغك كنت هتودي نفسك فداهيه فاهم !!
- هقتله
= و ليلي ؟ هتسبها وتتسجن !!
- اكيد لاء
= اية هتخدها معاك لما تتسجن ؟زين اعقل و روح على الشركه لحد ما اخلص الموضوع ده مع عاصم بيه يلا !!
- ماشي..
>>>>>>>>>>>>>>>>>>>>>>>>>>>>>>>>>>
' اللهم اغفر لي ولوالدي وللمسلمين والمسلمات الاحياء منهم والاموات '
" زين وصل الشركه ولاحظ ان ليلي كلمته كتير نفخ بضيق انه بيخبي عليها وكمان مكنش قد وعده "
- زين ! اية كل ده و فين جدو ؟؟
= بيخلص شغل وهيجي مع ناس
- مالك شكلك انت متخانق مع حد
= لاء هتخانق مع مين
- وشك احمر وشكلك في حاجه
= ليلي !! انا قولت مفيش خلاص
" ليلي كانت لسه هتقولة ماشي لكن لاحظت ضهر ايده متعور حاجات بسيطه من شده ضربه لعزت"
بصت على ايده وهو خد باله و اتوتر: لما نروح ماشي ؟ دلوقتي احنا فى الشركه
"ليلي سكتت ومردتش وهو هرب من عيونها عشان مش مستحمل انه بيكدب"
"عبد العزيز وصل ودخل يسلم عليها حضنته"
- كنت فين كل ده
= بشتري حاجات
بصت لزين: بتشتري حاجات ولا بتعمل شغل
عبدالعزيز بذكاء: الاتنين.
" تمام "
" ليلي قررت تتجاهل الموضوع وكملوا شغل.. لحد ما روحوا البيت و استنت لما الجو هدي.. و زين طلع الاوضة ولقاها قاعده بصمت "
- مالك؟
وقفت وبصتله: عملت الى في دماغك صح؟
زين بحزم: اه يا ليلي.. جبت حقنا
انا مش فاهم انتي عايزه ايه ؟؟؟ ابقي جبان !!!
" سكتت والدموع اتجمعت في عينيها من طريقته "
= انا اسف متعيطيش ممكن!
خدها فحضنه و طبطب على ضهرها عشان تهدي
بعدت عنه بعصبيه وضربته: انا بكرهك يا زين انت ضحكت عليا.. وانا قولتلك قد ايه هما وحشين
- حببتي هما كلهم فالسـ ـجن دلوقتي ايه رأيك؟
" بدء يحكي ليها كل الى حصل "
- وكدا كدا كنت هقولك جدو الى طلب مني اعرفك لما تهدي.. بس انتي نكاشه هقول ايه؟
= برضو ضحكت عليا مش عايزه اتكلم معاك
مسكها من كتافها: مش هسيبك مش هبعد تاني ولا هخليكي بعيد عني تمام ؟ اهدي بقا
"شدها لحضنه وهي بتعافر وتزقه لكن فضل مسكها بتحكم وضممها لي ومجرد ما بقت فى حضنه مبقاش قادر يبعد عنها و ليلي كماان استسلمت
لأنها كانت عارفه انه كدا كده مش هيعدي الى حصل"
- عايز اقولك حاجه اخيره.. و بعد بابا عن حياتنا للأبد.. ومبقاش عندنا مشاكل.. ولا تعقيدات تاني.. وانا بقيت احسن وانا جمبك.. خلاص.. الى جاي كله هيبقي بأذن الله حلو يا ليلي! ومفهوش مشاكل وتعب
ليلي ابتسمت له: حتي لو فيه يا زين.. هنعديها سوا!
>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>
|| وبعد مرور سنين ||
- ليلي ! الواد ده عمال يعيط كدا ليه!
= مليش دعوه
- يا ليلي بقي حرام عليكي انتي وهو عايز انام
= هو انا مش قولتلك هنكد عليك تلت سنين ياحبيبي؟
- اها وابنك انضم ليكي ولا اية؟
= اها طبعا حبيب مامي
- طب هو فاضل كام سنه كدا
= سنه الا اربع ساعات
زين بتريقه- اها مدام سنه الا اربع ساعات تبقي هانت
عبد العزيز خبط : هاتيه العيوطه ده هاتيه
= معرفش ماله لسه واكل يا جدو والله
- هخرج بيه الجنينه شوية هاتي
خد الولد وخرج وهو مبسوط و يوسف سكت
- جدو بقي يحبه اكتر مننا يا ليلي خلاص راحت علينا شكلها كدا
= فعلا بيحبه اوي و يوسف كمان بيحبه
- هو ابنك ده بيحب حد غيرك ابن امه
= مالك بالواد
ابتسم برخامه - لا مليش دعوه بالواد انا عايز امه
= عايزها في اية
- عايز اقولها تفتح ده
طلع دفتر كبير من جمبه
= اية ده ؟ انا فاكره كنت بتكتب فيه حاجه واحنا فاليخت لما صحيت وانا جمبك قولتلك وريني مرضتش
- ايوا
= هتوريني دلوقتي!
- امممم بفكر
= عشان خاطري يا زين
- طب عايز بوسة صغننه
ليلي باسته بحب : هاه وريني بقي
- بوسته تانيه فالناحيه التانيه عشان متزعلش
ليلي ضحكت وباسته = خلاص بقي وريني
زين استسلم و وراها الدفتر فتحته لقت كلام كتير زين جابلها تاريخ اليوم الى كانو فاليخت فيه لما طلبت منه يوريها ورفض وبدات تقرأ وكان كاتب
" بحب اشوفك وانتي نايمه معرفش ازاي حاسه بكل الامان ده جمبي ومطمنه وانتي معايا مكنتش فاكر ان حد ممكن يحبني زيك يا ليلي لكن اوعدك اني هحافظ على ده انا مش عارف اقول بحبك لان شعوري ناحيتك اكبر من الحب بكتير انتي كل حاجه عندي و اوقات بتبقي امي اختي صحبتي مراتي بنتي كل حاجه ليا فعلا بتمني من ربنا يحفظك ليا وتصحي بسرعه بقي عشان وحشتيني "
ليلي بصتله وعينيها بتلمع بدموع و فرحه : انت كتبت ده ليا انا
كل ده ليا وباقي الصفحات برضو ليا!
= كل مره كنتي بتبقي نايمه او مش معايه بكتبلك انا لو كتبت قد ده مليون مره مش هيكفي ومش هيوصف حبي ليكي قد اية
ليلي اترمت فحضنه حرفيا وباسته بجرأه زين حضنها جامد ورفع ايده وشدها عليه
- قصتنا دي تتعمل روايه انا بموت فيكي
= تفتكر؟
- افتكر جدا والناس هتحبها كمان وهتحسدني عليكي
ليلي ضحكت = تؤ انا الى هتحسد عليك
- طب بقولك اية
= قول
- متيجي نعمل محاولة اننا نجيب ليلي الصغيرة تاني بما ان اول محاولة فشلت
ليلي ضحكت = سبني افطر
زين شدها وحضنها: لا
وبدأت تاني ملحمه عشق من الى عمرهم ما هينتهوا
بين المصْطرب و المجـ ـنونه.✨️💗
تمت.💗
>>>>>>>>>>>>>>>>>>>>>>>>>>>>>>>>>>>
" يوم التلات هنزل رواية جديده وهستني رأيكم في دي بحبكم يا صحابي ..👀👀👀 محدش يجري "
#المضطرب_والمجنونه 6 والآخير.
#slsbell_ahmed
تعليقات
إرسال تعليق