قصة حقيقية..جن عاشق كامله
قصة حقيقية..جن عاشق كامله
صاحب جوزي كان بيستنى جوزي ينزل من البيت وييجي, الموضوع بيكون غصب عني, بيبقى متحكم فيا وأنا مسلوبة الإرادة, بس أنا مش خاينة زي ما ممكن تكونوا افتكرتوا, هو بييجي بروحه مش بجسمه.
الموضوع له علاقة بالإسقاط النجمي, أو الدجل والشعوذة مش عارفه, وقبل ما ناس تقول إن اللي بيحصل دا أوهام وتخاريف, ياريت تقروا قصتي واحكموا بنفسكوا إذا كان اللي بيحصل دا حقيقي ولا مجرد خيالات وتخاريف.
بس مش عارفة ابدأ منين, ابدأ من زمان وأنا عندي 7 سنين؟
ولا أبدأ من بعد ما اتجوزت بسنة؟
أنا هحكي وانتوا ركزوا لإني مبعرفش احكي بترتيب, بعد ما اتجوزت بسنة بدأت أحس إن فيه حد معايا في الشقة, دايما مبكونش لوحدي, جوزي بينزل الشغل الساعة تسعة مثلا وبيرجع متأخر حوالي الساعة خمسة, وكل الوقت دا وأنا في الشقة لوحدي, والمفروض إني مخافش, لكن كنت بخاف.
كان دايما بيجيلي إحساس إن فيه حد قاعد معايا, ولما اتحرك بحس بظل ماشي ورايا وساعات بستجمع شجاعتي وأبص ورايا بسرعة لكن مش بلاقي حاجه, مع إني متأكدة إن بيكون فيه, أحيانا بيكون فيه شعر صغير في إيدي بحس بيه بيوقف من الخوف.
كنت بخاف ادخل غرفة نومي لإني بكون عارفة اللي هيحصل, مجرد بس ما بطلع على السرير بحس زي ما يكون حيطة وقعت فوقي.
طبعا هتفتكروا إنه جاثوم, هو اّه جاثوم وفي الأول كان عادي, لكن من بعد ما صاحب جوزي دا شافني الموضوع مبقاش عادي.
بقى جاثوم ومعاه تجاوزات جنسية, ولما بصحى من النوم بلاقي علامات زرقة في أماكن متفرقة من جسمي من ضمنهم أماكن حساسة!
أنا وجوزي دايما بنتخانق في البيت, على أقل الأسباب, بتكون مشكلة صغيرة جدا وفجأة تكبر وتكبر لدرجة إني بروح بيت أهلي, ويمكن الأيام اللي قضيتها في بيت أهلي بعد الجواز أكتر من الأيام اللي قضيتها في بيت جوزي.
يوم الخميس هو اليوم المشؤوم بالنسبالي, بروح أنا وجوزي عند حماتي ونتعشى ونسهر هناك في جو عائلي لطيف, ولما بننزل ونتمشى على أول الشارع عشان نركب توكتوك مثلا, بنعدي على دكان العطار صاحب جوزي واللي كل المشاكل بتحصل بسببه.
بيتلكك بأي حجة وييجي يوقف معانا لحد ما نوقف توكتوك مثلا, هو علاقته بجوزي قوية جدا, بيتقابلوا أحيانا يوميا ولو متقابلوش بيتكلموا في التليفون.
في الأول كانت نظراته ليا عادية, لكن بعدين بقت نظراته متغيرة, بتبقى زي الشهوة أو الطمع, والحاجات دي احنا الستات بنحس بيها جدا وبنعرف ببراعة تفكير الشخص اللي قدامنا بمجرد ما نحلل نظرته لينا.
برجع البيت يوم الخميس بالليل, والجاثوم بييجي بعد ما ننام, ببقى حاسة بجوزي جمبي وهو بيتقلب, والجاثوم معايا بيتحسس أماكن حساسة في جسمي كإنه جوزي بالظبط, ممارسة علاقة بس بشكل اغتصاب.
ولما حاولت اربط بين اللي بيحصل ويوم الخميس بالذات بدأت أشك في صاحب جوزي, لإن لما الموضوع اتكرر, ومبقاش بس جاثوم, بقى جنس وكدمات زرقة, اتكلمت مع جوزي عشان يشوفلي شيخ أو راقي يرقيني يعني ويعرف إيه اللي فيا دا وبيحصلي.
جوزي حكى لصاحبه, العطار اللي أنا شاكه فيه أساسا, صاحبه دا سكت شويه وقاله إن مراتك عندها جن عاشق من وهيا صغيرة ولما بتنام بيحصل معاها كذا كذا, وبتلاقي بقع وكدمات لما تصحى في أماكن كذا وكذا في جسمها.
ووصف كل اللي بيحصل معايا بالظبط وأنا صغيرة وكمان وأنا كبيرة, عشان كدا مش بقول عليه عطّار, بقول عليه ساحر وهتعرفوا السبب بعدين.
وأنا عندي 7 سنين, الشقة اللي كنت قاعدة فيها مع بابا وماما كانت العمارة مبنية فوق مقابر قديمة, فالناس بنت مسجد وفوق المسجد دا بنت شقق واحنا كنا ساكنين في شقة فيهم.
حمامات المسجد بتحصل فيه مواقف رعب لناس كتير واتشهرت بكدا, خصوصا الناس اللي كانت بتيجي قبل صلاة الفجر وكدا.
وأنا طفلة كنت بكون قاعدة في الأوضة وبلعب مثلا وفجأة أشوف حد غريب لابس أبيض وطويل وبيتمشى في الطرقة اللي فيها المطبخ والحمام.
أو أحيانا اسمع ماما بتنادي عليا ولما اروحلها تقولي لا مناديتش عليكي.
برضو في مرة كنت نايمة على الكنبة في أوضة الجلوس وفجأة حد خبط على كتفي من ورا, زي ما يكون حد نايم ورايا يعني وعايزني أبص عليه, بس مكانش فيه حد ورايا ولما بصيت ولقيت الحيطة بس قومت جريت عليهم وحكيت لهم لكن مصدقونيش.
وبحس بموت القريبين مني من قبل ما اعرف إنهم ماتوا, أمي مثلا كانت تعبانة وجاتلها أزمة قلبية وقصور في الشريان التاجي, وفي يوم وقفة العيد كانت بتنضف وكدا وفجأة تعبت وجاتلها الأزمة وفي الحالة دي بابا بيلحقها بحقنة معينة يعني لكنه معرفش لإن الشرايين كانت هربانه من دراعها فخدها وطلع يجري بيها على المستشفى وأنا واقفة في البلكونة ببص عليهم وبعد ما غابوا بشوية فيه صوت همس في ودني وقالي أمك هتموت..هتموت.. وبعد شوية نفس الصوت همس في ودني وقالي أمك ماتت.
رحت أعيط وأصوت وأنادي على البيت اللي قصادتنا كانت فيه خالت بابا, لحد ما جات وهدتني وبعد شوية شوفنا بابا طالع على السلم وصوته مخنوق وطلب منها تجبله بطانية عشان يغطي أمي بيها ولما سألته فيه إيه قالها إن امي ماتت.
كمان جدتي كان عندها مرض كدا في لسانها, حساسية بتخلي اللسان يورم ويطلع بره البق ومكانش له علاج, طبعا اللسان بيورم وبيسد الحلق والتنفس وهي كانت بتعاني طبعا, لا تعرف تاكل ولا تشرب ولا حتى تتنفس, الأعراض دي بتحصل مرة كل شهر فاتعودنا يعني على الموضوع.
وفي يوم موتها كان عندها نفس الأعراض وأنا كنت نايمة على السرير قدامها وسهرنا بالليل وبعد ما نمت بشوية صحيت بصيت عليها لقيتها بتبصلي وبتعاني, كنت عايز اقوم اروحلها لكن جسمي كان تقيل جدا ومقدرتش اتحرك وسمعت نفس الصوت بيقولي سيبك منها ونامي, هي خلاص هتموت, وفعلا رحت في النوم وبعدها بدقايق سمعت صراخ أمي.
الجزء الثاني من قصة جن عاشق بقلم الكاتب جمال الحفني
عرفت إن صاحب جوزي هو اللي بييجي وأنا لوحدي, مش مجرد جن عاشق ولا جاثوم زي ماهو متعارف عليه, بيجيلي عن طريق الإسقاط النجمي, دجالين كتير بيعرفوا يعملوا كدا وبيعرفوا يزوروا بيت الضحېة وهما قاعدين في مكانهم, وهقولكوا عرفت واتأكدت إزاي مع تتابع الأحداث.
الموضوع بيكون زي الاغتاب, وبيستمر خمس دقايق تقريبا, خلالهم بحاول اقرا قراّن أو أدعية لكن بدون فايدة, جسمي بيكون متكتف ومليش سلطة على أي عضو فيه, غير بس لساني وبرضو بدون فايدة.
قررت إني احكي لجوزي على التطورات اللي حصلت دي, وهو بدوره بدأ يكلم ناس ويسألها, ومنهم اللي قال إن دي أعراض جن عاشق ولازم
تنام على وضوء ومتنساش الأذكار, ومنهم اللي قال إن الجن العاشق دا معاها من وهي صغيرة يعني من قبل الجواز, ومن الحاجات اللي بيعملها الجن العاشق إنه بيحاول يبوظ أي علاقة بتدخل فيها البنت, سواء جواز أو خطوبة, بيحاول يفشكلها من البداية ولو اتجوزت بيحاول ېخرب عليها ويعمل مشاكل بينها وبين جوزها ومش هيرتاح غير لما يحصل طلاق.
بقيت بمجرد ما اقعد على كرسي أو على الأرض أو أمدد على السرير أحس بكيان كدا يرميني ويكتفني ويبدأ يعمل معايا العلاقة, بدأ يجيلي اڼهيار عصبي, الموضوع بقى كل يوم وكمان حوالي خمس مرات أو أكتر, كنت ملتزمة بالصلاة وليا ورد من القراّن وبقوم
الليل واقول تسبيحات وبدون فايدة, مجرد ما اقوم من على المصلايه واروح للسرير أو الكنبة اتكتف ويحصل زي ما قولتلكوا لحد ما بقيت بخاف اقعد أو أنام, لإني طول منا واقفة مبيحصلش حاجه.
الموضوع اتطور وبقى يحصل وانا صاحية, عيني مفتحة يعني مش نايمة زي الأول, بس اقعد في أي مكان فجأة اتكتف وتحصل العلاقة كاملة, علاقة زي راجل ومراته بالظبط لدرجة إني بلاقي حاجات في هدومي بعد ما بيخلص.
الفرق بينه وبين جوزي إن جوزي بكون شايفاه لكن دا مبكونش شايفاه.
وخلال العلاقة كنت بسمع صوت أنفاس قريبة من ودني, أنفاس حارة وبدأ يتكلم في ودني وكان صوت العطار صاحب جوزي, وخلال
العلاقة كان بيحاول يقولي كلام حلو زي أي راجل وست مع بعض, كان بيقولي أنا بحبك ومقدرش استغنى عنك ومش هسيبك والكلام دا, وأنا بفضل اقوله حرام, مينفعش, واترجاه لكن بدون فايدة, كان يقولي مش هسيبك وهكون معاكي على طول بس متقاومنيش, أنا فعلا مبكونش بقاومة لإني مبيكونش عندي سيطرة على جسمي, ببقى متكتفة.
أحيانا بكون في المطبخ بغسل أو بطبخ, أحس بكيان واقف ورا ضهري, مش بشوفه, لكن بحس بحرارة وبحس بيه كيان أسود طويل, ولما اخاڤ وأفكر اخرج من المطبخ أو أجري اروح أي مكان كنت بسمع في عقلي بيقولي مټخافيش أنا جمبك, بحبك ومش عايزك تهربي مني أو تخافي وبيحاول يطمني
على قد ما يقدر.
شهرين على الحال دا وجوزي كل شويه يكلم ناس ويقولوله على حاجات اعملها وبعملها وبرضو بدون فايدة, يقولولي حطي مسك بين صوابعك وبحط.
جوزي يجيبلي ورق شجر والناس تقوله تحط الورق دا في مياه كتير وتقرا عليه قراّن وتستحمى منه وتشيل شوية في التلاجة وتشرب منه وكنت بعمل كدا وبرضو بدون فايدة.
وبمرور الوقت بدأت تحصل مشاكل بيني وبين جوزي لأتفه الأسباب والموضوع يكبر واروح بيت أبويا وأرجع وأروح
بيت أبويا تاني, ولما حكيت لأهلي على اللي بيحصل معايا راح أبويا كلم اتنين يعرفهم وليهم في العلاج الروحاني, واحد منهم قال لأبويا إن دي أعراض جن عاشق وفيه جن مع بنتك وبيحصل معاها كذا كذا وقال كل حاجه بالظبط, ولازم اقعد معاه وتكون لينا جلسات مع بعض, وفعلا بابا خد منهم معاه هما الاتنين وفي اليوم اللي جايين فيه قولت لبابا إنهم مش هييجوا وفعلا محدش منهم جي.
كان أي حد يسمع بحكايتي ويحدد
ميعاد ييجي فيه سواء وأنا في بيت جوزي أو وأنا في بيت أبويا مكانش بييجي في الميعاد, كلهم بلا استثناء.
مرات بابا كمان كلمت شيخ مشهور ومعروف بفك الحاجات دي وليه صيت في البلد عندنا, وحددت معاه ميعاد وقال إنه جاي وبرضو مجاش, أمي كلمته تاني راح اعتذر وقالها مريت بظروف شخصية واعتذر وحدد ميعاد تاني وبرضو في الميعاد مجاش ولما حاولنا نتواصل معاه معرفناش نوصله.
علاقتي بزوجي اتدهورت لحد ما
قررنا الانفصال, وبعد ما انفصلنا وبعدت عن بيت جوزي بقيت أحسن جدا, وحالتي اتحسنت واللي كان بيحصل معايا توقف تماما, لكن كان بيجي مرة أو اتنين قبل البريود وباقي الشهر عادي جدا ومفيش حاجه.
كنت فاكرة إن كدا حالتي اتحسنت لكن للأسف لا ..
تعليقات
إرسال تعليق