سكريبت عروسة بفستان الذل كاملة بقلم
الكاتب مصطفي جابر
علي فين يا هانم مين هينضف البهدلة دي.
ابتهال باستغراب: بهدلة اي يا حماتي انا مالي بيها انا عروسة.
حماتها بغضب: نعم ياختي عروسة اي مش الفرح خلص والمعازيم والناس مشيوا يبقا مبقتيش عروسة خلاص اقلعي فستانك دا وانزلي نضفي البيت وانسي ياختي العز اللي كنتي عايشة فيه.
ابتهال بصدمة: رمزي انت هتسكت علي الكلام دا.
رمزي بهدؤء: مشي الليلة يا حبيبتي عشان خاطري معلش انزلي نضفي وانا هستناكي فوق.
حنان بغضب: انت كمان بتترجها ما تنشف يا راجل يلا يا اختي وريني جمال خطوتك.
ابتهال بحزن: حاضر يل حماتي استاذنك بس اغير الفستان.
حنان ببرود: لا نضفي بيه مش مهم هو انتي هتلبسيه تاني.
ابتهال بصدمة: بس دا ماركة وبابي جايبه مخصوص عشاني.
حنان ببرود: خلصتي اسمعي الكلام ويلا عاوزة اتخمد وسطي اتقطم في الفرح النهارده الا ما حد من اهلك نقطني حتي.
ابتهال باستغراب: يعني اي ينقطك مش فاهمه.
حنان ببرود: يديني نقطتك فلوس ياختي.
ابتهال بعدم فهم: وهم يدوكي فلوس لي احنا معندناش كدا.
حنان بقرف: واضح وقال بهوات قال وانتو بخلة اوي انجزي ياختي.
.. نزلت ابتهال تنضف بفستانها وهي دموعها نازلة..
بعد شويه..
ابتهال بتعب: انا خلصت يا حماتي تؤمري ب حاجه تاني.
حنان بجمود؛ لا ياختي بكرا من الساعة ستة تصحي تحضري الفطار عشان حماكي و تطلعي للطيور و تنضفي السلم.
ابتهال بجمود: بس دلوقتي الساعة 3 هنام اي انا.
حنان ببرود: والله ميخصنيش تصبحي علي خير يا عروسة ابني.
دخلت تنام وقفلت في وشها الباب وابتهال طلعت بدموع...
رمزي بابتسامة: اخيرا جيتي انا مستنياكي من زمان.
ابتهال بدموع: مامتك عاوزاني اصحا الساعه 6 وانضف و اطلع للطيور وافطر ابوك دي مش عوايدنا يا رمزي.
رمزي ببرود: طب اسمعي بقا انا امي كلمتها سيف علي رقبتك ماشي تقولي ليها حاضر ونعم ولو اشتكت منك هزعلك.
ابتهال بصدمة: انت بتكلمني كدا لي.
رمزي بتنهيدة: عشان مش عاوز مشاكل يا حبيبتي تعالي يلا عشان نرتاح شويه.
ابتهال بصت له بحزن...
تاني يوم الساعة 9..
ابتهال صحيت علي ترزيع الباب قامت جري لاقت حماتها زقتها ودخلت.
حنان بغضب: انا مش قولت لك تتزفتي تصحي الساعة ستة.
ابتهال بتعب: معلش يا حماتي نمت متاخر وتعبانه.
حنان بزعيق: نعم ياختي تعبانه بيجوزوكي لي طلما مريضة انزلي حضري الفطار واعملي اللي قولت عليه امبارح.
ابتهال بحزن: حاضر يا حماتي.
حنان بتفحص: دا اي البجامة الحلوة دي.
ابتهال بهدؤء: ماما اللي جبت الهدوم بتاعتي من مصنعها.
حنان بخبث: طب وعلي كدا حلوين كلهم.
ابتهال باستغراب: اكيد مش حاجه عروسه يا حماتي.
حنان بخبث: صدقي عندك حق ماشي هنزل وابقي حصليني يا عروسة.
نزلت و ابتهال جهزت ونزلت وراها...
حنان بخبث: اطلعي خدي الهدوم اللي انتي عاوزاها اتبهي بيها قدام جوزك واهله اه.
سمية بمكر: طب والمفتاح هي مش هترضا تدهولي.
حنان ببرود: خدي دي النسخه بتاعتي اطلعي وظبطي نفسك كدا اه.
سمية بطمع: ماشي يا ماما ربنا يخليكي ليا يارب.
.. بعد شويه...
ابتهال دخلت الشقة سمعت صوت ما بتحسبه رمزي دخلت الاوضة صرخت بخضة: سمية انتي بتعملي اي في دولابي.
سمية ببرود: باخد كام طقم من عندك عادي مش احنا زي الاخوات.
ابتهال بغضب: ايوه بس انتي واخده هدومي كلها مين اداكي الحق تدخلي اصلا وتعملي كدا.
حنان من وراها: انا يا روح امك تدخل براحتها بيت اخوها وخيره وانتي مالك.
ابتهال شدت الهدوم من سمية: وانا مراته وعيب اوي تدخلوا بدون استاذن وتاخدوا حاجتي من غير ما اعرف دي اسمها سرقة.
حنان بغضب: قصدك انه احنا حرامية يا رمززي تعالي شوف مراتك بتقول اي علي امك واختك بتقول عنهم حرامية عشان اختك بتاخد منها هدمتين.
رمزي جاه جري: مين في اي.
حنان بزعيق: ادي اخرة مجايبك لينا بنت الحسب والنسب بتسرق امك واختك يا راجل.
رمزي بغضب: الكلام دا صح يا ابتهال.
ابتهال بغضب: انا مقولتش كدا هم اللي دخلوا ياخدوا هدومي وانا معرفش.
مسكها من شعرها: وفيها اي لما ياخد اي هدومك انتي اتجننتي في مخك بت يا سميه عقاب ليها خدي كل اللي يعجبك.
ابتهال بصدمة: انت بتقول اي وانا البس اي.
حنان جابت شنطة بلاستك سودة: خدي ياختي جبت لك عبايتين قدام من عندي تغيري لك فيهم شوفتي كرم اخلاقي.
ابتهال بزعيق: اي القرف دا اوعا شعري انا هقول ل بابا وماما.
حنان بغضب: هسيبك تربي المحروسة مراتك بدل ما اربيكم انتو الاتنين اخرجي يا سميه.
سمية لمت الهدوم كلها: يلا يا ماما خليه يعلمها الادب.
خرجوا وهو زقها علي السرير: بقا انتي تطلعيني عيل قدام امي واختي يا حتة بت متسواش.
ابتهال بدموع: لا انا اسوى كتير اوي انا اللي غبيه عشان اتجوزت غصب عن بابا و اهلي واتحديتهم عشانك.
قلع حزمه: اخرسيي اي فاكرة اني مش قد المقام انا هوريكي..
برا الاوضة..
كانو سامعين صوت صريخها وهو بيضربها.
سمية بشماته: ايوا اديها مترحمهاش البت دي.
حنان بخبث: هو دا ابني اللي ربيته راجل يا رمزي اديها يا واد.
.. بعد شويه..
خرج ببرود..
حنان بصت بسخرية لاقتها مليانه كدمات وبتعيط؛ خلصي فقرة العياط دي وانزلي اعملي الغداء.
ابتهال بشهقة ودموع: حا حاضر هن هنزل اهو حاضر.
حنان بخبث: جدعة يا مرات ابني بقولك اي كنت شايفه كام غوايشة علي سلسلة دول دهب صح.
ابتهال هزت راسها ب اه.
دخلت حنان خدتهم: هاخدهم اعينهم لك عندي يا حبيبتي افرض حرامي نط كدا ولا كدا الواحد ميضمنش اللي ممكن يحصل.
خدتهم ونزلت وابتهال افتكرت كلامها مع اهلها...
فلاااااش باااااااااك..
ابتهال بهدؤء: انا هتجوز رمزي يا بابا بحبه وبيحبني.
عزمي بغضب: حب اي دا طمعان فيكي وفي فلوسك دا حتة محاسب فاشل ملهوش لازمة.
ابتهال بغضب: بعد اذنك متقولش عليه كدا انا هتجوزه.
عزمي بجمود: يا احنا يا هو يا ابتهال اختاري.
ابتهال بصدمة: ازاي تخيرني ب كدا يا بابا.
عزمي ببرود: اللي عندي قولته يا احنا يا هو.
ابتهال بدموع: انا مش هقدر اعيش من غيره يا بابا.
عزمي بكسرة: تمم يبقا اخرنا نحضر فرحك وبعدها ملكيش غيره.
ابتهال بصت له بدموع وهو مشي..
امها بحزن: ابوكي عارف مصلحتك بلاش الجوازة دي.
ابتهال مسحت دموعها: وانا مصممه عليه يا ماما ومش هتجوز غيره.
هوايدة بحزن: براحتك بس انتي اللي هتشيلي مسؤلية قرارك يا بنت بطني واحنا مش هناثر معاكي بس زي ما قال ابوكي بعد نهاية الفرح ولا نعرفك.
باااااااااككككك...
ابتهال بدموع: ياريتني سمعت كلامهم اروح لمين انا دلوقتي حسبي الله ونعم الوكيل فيكم.
.. بليل...
ابتهال بتحط لهم الاكل وهي لابسه عباية قديمة..
حنان بقرف: الرز ناقص ملح انتي اهلك معلموكش الطبخ ولا اي.
ابتهال بحزن: علموني كل حاجه عشان اعتمد علي نفسي.
حنان بسخرية: ياريتهم ياختي ما علموكي البركة في حبيبة قلبي سمية مشرفنا عند بيت جوزها..
... في بيت سمية...
عزيز باستغراب: جبتي منين الهدوم دي كلها يا سميه.
سميه ببرود؛ هتديني حقهم يعني انت حتي متقدرش علي تمن الفستان الواحد يا حسرة.
عزيز بهدؤء: طلما انا مقدرش جبتيهم منين انطقي.
سمية بغيظ: امي اشتريتهم لي ارتاح ياخويا.
عزيز بشك: وامك جابت الفلوس دي كلها منين عشان تجيب لك فساتين و بيجامات دا كل الحاجات دي.
سمية بغيظ: كانت عاملة جمعيه ليا ارتحت واتبطيت قوم نيم العيال عشان صدعوني.
عزيز بتنهيدة: انا جاي تعبان من الشغل مش قادر لك.
سمية بغيظ: وقادر تقعد تتنطط لي بالاوبر بتاعك دا.
عزيز بزعيق: سمية لمي نفسك انا ساكت لك بمزاجي هتزودي فيها هزعلك في اي هو مين الراجل فينا.
سمية بلعت ريقها بتوتر: انت يا حبيبي انا بهزر.
عزيز بجمود: تمم هعديهالك بس لاخر مرة متتعامليش معايا كاني انا اللي مراتك.
دخل ينام وهي بصت له بغيظ: قال يعني انت راجل اوي مش كفايه قرف امك لما بتيجي تقعد معانا بتزهقني.
.. عند ابتهال...
ابتهال كانت قاعدة بحزن.
رمزي بخبث' ما تقومي تعملي لنا حاجه نشربها وتروق علينا مش احنا عرسان بردو ولا اي.
ابتهال بتعب: ماشي يا رمزي عاوز تشرب اي.
رمزي بمكر: اي حاجه منك حلوة يا حبيبتي.
الباب خبط..
راحت تفتح..
رهف صحبتها بصدمة: ابتهال اي اللي في وشك دا واي الهدوم دي.
ابتهال بتوتر: ازيك يا رهف دا هديه من حماتي و اللي في وشي اه اتزحلقت اتخبطت.
رهف بصدمة: انتي لازمك دكتور يا حبيبتي.
رمزي ببرود: ودي مين ان شاءلله.
رهف بهدؤء: انا رهف بنت خالت ابتهال.
رمزي ببرود: مش سلمتي يلا بقا امشي عشان مش عاوز ضيوف دلوقتي.
ابتهال بصدمة: رمزي ميصحش كدا.
رمزي ببرود: حسك دا مش عاوز اسمعه عشان مطلعش عينك فاهمه ولا لا وانتي يلا غوري ومتجيش هنا تاني.
رهف بجمود: انت واحد قليل الذؤق وانا مش هرد عليك.
حنان من وراها بتشدها وبتضربها بالقلم: هو مين دا ياختي اللي قليل الذؤق.
رهف بوجع: انتي بتمدي ايدك عليا وبتضربيني؟
حنان ببرود: واكسر رقبتك وكلمة زيادة هوقعك هرميكي من عالسلم.
رهف بغضب: قسما بالله لأخد حقي وساعة بالظبط وهخليكي تشرفي عند اخويت
رهف مشيت ..
حنان بزعيق: وأخوكي ده يطلع مين يحلوه
ابتهال ببرود : اخوها رائد في الجيش
حنان بصدمة:
#يتبع.
#بارت_1
قسما بالله لأرجعلك تاني وهاخد حقي وساعة بالظبط وهخليكي تشرفي عند اخويا في القسم
سابتهم ومشيت ..
حنان بزعيق: وأخوكي ده يطلع مين يحلوه صول ولا مخبر؟
ابتهال ببرود : اخوها رائد في الجيش
حنان بصدمة: نعممم رائد اي نهارك اسود.
ابتهال بجمود: زي ما سمعتي وهيا مش هتسيب حقها و نص ساعة وهتلاقي البوكس جاي ياخدك.
رمزي بقلق: ياخد مين يا ابتهال كلمي صحبتك دي اعتذري ليها.
ابتهال بجمود: هو انا اللي طردتها ولا اللي ضربتها وهزقتها.
حنان بغضب: اسمعي كلام جوزك قبل ما تحبس حماتك.
ابتهال بجمود: لا مش هسمع الكلام عشان انا عارفة رهف دماغها ناشفه وطالما اتعرضت للأهانه لزم تتنقم
رمزي مسكها من شعرها: كلميها احسن لك عشان لو قريبتك دي فكرت تقرب من امي انا هخلص عليكي
ابتهال بدموع والم: خلاص هكلمها اوعا شعري هيطلع في ايدك..
زقها ببرود راحت مسكت التليفون بدموع وكلمت رهف وفتحت المايك..
ابتهال بدموع: رهف لو انا غالية عندك متشتكيش عليهم انا اسفه والله العظيم.
رهف بغضب: انتي معملتيش حاجه حماتك دي واحدة متربتش وانا بقا اللي هعرفها ازاي تلمس ايدي حتي هي مش واخده بالها من منظرها دي شبه امنا الغولة الست دي.
حنان كتمت غيظها وغضبها..
ابتهال بدموع: حقك عليا انا طب اي يرضيكي.
رهف ببرود: يرضيني انها تبوس ايدي وتعتذري لي الخدامة بنت الخدامين اللي هي واهلها كلهم اقدر اوديهم ورا الشمس وانتي عارفه كده كويس.
حنان بغيظ وهمس: انا مش هعمل كدا.
رهف سمعتها ببرود: يبقا تجهزي نفسك ل عشر سنين سجن واكتر انتي وابنك و ابقي اسالي اللي وقف في طريقي حصله اي يا جربوعه انتي.
رمزي بزعيق: احترمي نفسك انا مش راضي اقل منك.
رهف ببرود: لو راجل اعملها زود في عقابكم معاكم دقيقه تفكروا تبوسي ايدي وتعتذري وابنك معاكي يعتذر والا انتو احرار.
حنان بغل: هعتذر لك وابوس ايدك ارتاحتي.
رهف ببرود: حلو اقفي لي بقا قدام الباب وانا هلف ب العربية يا خدامة.
حنان في سرها: لولا ان أخوكي رائد كنت اقسم بالله شوهتك.
قفلت و حنان بصت ل ابتهال بغل: انا هبوس ايديها بس والله لخليكي انتي تبوسي رجلي اتفووو.
ابتهال بدموع: طب وانا مالي عملت اي انا.
رمزي بغضب: مجايبك اصحابك اللي ميسوش ياهانم حسابك لما تغور الزفته دي..
... بعد شويه...
رهف وصلت بعربيتها لاقت حنان قاعدة لها بتبص لها بغيظ.
رهف مدت ايديها: يلا عشان مش فاضيه لك.
حنان قامت باستها بغل: انا اسفه يا ست هانم.
رهف ببرود: وابنك بردو
رمزي جاه بغيظ: انا هنا واسف علي اللي عملته حق حضرتك عليا
رهف ببرود: تمام ابتهال لو احتاجتي اي حاجه كلميني وهبعتلك يوسف وانتي عارفة يوسف يقدر يعملك فيهم اي.
ساقت ومشيت..
الناس كانت بتتفرج..
حنان بزعيق: في اي انتي وهي بتتفرجوا علي اي ما تغوري علي بيوتكم.
الناس مشيت و حنان دخلت بغيظ: انتي يا زفتة يا ابتهال.
ابتهال بدموع: نعم يا حماتي.
حنان ضربتها بالكف: اياك حد تبعك يهوب هنا تانى فاهمه ولا لا.
ابتهال بالم: فاهمه يا حماتي.
حنان بغيظ: خدها وغور من وشي البت دي مش طايقه اشوف وشها.
... رمزي جر ابتهال وطلع شقتهم...
بعد مرور شهر...
حنان بخبث: انت متجوز بقالك شهر ومراتك مش حملت يبقا العقل بيقول اي تتجوز عليها.
رمزي بتفكير: بس دا لسه مكملناش ياما.
حنان بغيظ: هي بتبان من اول اسبوع اختك اول ما اتجوزت في ظرف اسبوع بقت حامل انت بقا لازم تتجوز عشان تخلف.
رمزي بهدؤء: انا موافق بس ابتهال هنعمل فيها اي.
حنان ببرود: سيبها اهي خدامه تحت رجلينا اقولك ارميها في اوضة اللي علي السطح واتجوز في شقتها.
رمزي بصدمة: اي لا ياما الاوضة ملهاش سقف لما اعمل ليها السقف هطلعها فيها لحد اما اعمله هخليكم الاتنين في شقة واحدة.
.. ابتهال كانت واقفة ورا الباب بتسمع كل كلمة ودموعها نازلة قلبها بيتقبض وهي مش مصدقة إن جوزها وأمه بيتكلموا عنها كده.
ابتهال بصوت مخنوق: يا رب انت شايف ومطلع علي حالي أنا مليش غيرك هون عليا وجبر بخاطري أنا اتخليت عن أهلي عشانك يا رمزي وهو وأمه كسروا ضهري.
مسحت دموعها وهي بتاخد نفسها بالعافية فجأة الباب اتفتح وخرج رمزي.
رمزي بابتسامة مستفزة: كويس إنك سمعتي اني هتجوز عليكي يا بطة.
ابتهال بصدمة: انت بتقول اي
رمزي ببرود: ايوه يا حبيبتي هتجوز عليكِي واللي مش عاجبها تشرب من البحر.
ابتهال بدموع: وده جزاتي بعد اللي عملته عشانك.
رمزي بضحكة خبيثة: اه جزاتك إني أجيبلك ضرة تحلي حياتك شوية يمكن تتعلمي تخدمي أكتر.
ابتهال بصت له بوجع قلبها بيتكسر لكنها سكتت ومسحت دموعها وراحت داخلة أوضتها بهدوء مقهورة ومكتومة ولا قادرة ترد ولا تشتكي غير لربها.
بعد شويه.
رهف كلمتها في التليفون..
رهف بغضب: هو انتي لحد امتي هتفضلي كدا عايشة بقالك شهر في عذاب مع واحد ابن امه.
ابتهال بدموع: مبقاش ليا حد اروح له خلاص.
رهف بجمود: طب وانا اي ياما قولتلك لا قعدتي تكبري وتنفخي فيه واهو فرقع في وشنا كلنا.
ابتهال بدموع: انتي بتوسيني ولا بتزودي عليا اكتر يا رهف.
رهف بغيظ: هواسيكي اقفلي عشان داخله علي بيت مامتك دلوقتي.
ابتهال بحزن: هي عاملة دي وحشتني اوي.
رهف بحزن: زعلانه عليكي ونفسها تشوفك بس مش قادره تنسي انك بعتيهم.
ابتهال قفلت بدموع..
عند بيت أهل ابتهال..
رهف قاعدة قدام أبو ابتهال وأمها وشها باين عليه الغضب والحزن.
رهف بانفعال: والله يا خالي أنا شفت بعيني حماتها وأخته بيهينوها وده رمزي واقف معاهم وبيقول هيتجوز عليها وهي بتعيط وجسمها مليان كدمات .
أم ابتهال قامت واقفة وهي مش قادرة تمسك نفسها:
يا ساتر يا رب دي بنتنا يا راجل لازم نروح ناخدها دلوقتي قبل ما يكملوا عليها.
أبو ابتهال بص لها بجمود: لا هي اللي اختارت وإحنا قولنا لها وقتها ماردتش وقولت ما ترميش نفسك في بيت الناس دي وهي صمتت خلاص دلوقتي تتحمل.
أم ابتهال قربت منه بعصبية: تتحمل إيه بس دي لحمك ودمك دي مش غريبة دي بنتك حتى لو غلطت مش تسيبها للديابه ينهشوا فيها.
أبو ابتهال زفر بحدة وبص بعيد: أنا قلبي مولع عليها لكن مش قادر أبلع كسرة الكلام اللي كسرت بيها كلمتي قدام الناس.
أم ابتهال دموعها نازلة: كلمتك غالية يا أبو ابتهال بس بنتك أغلى احنا لو سكتنا النهارده بكرة نسمع خبرها مكسور أكتر من كده.
رهف بتبص بينهم وهي قلبها بيتقطع: يا خالي أنا لو ما كانك ما أنامش الليل وهي في القهر ده.
تاني يوم..
أبو ابتهال و أمها ورهف واقفين قدام الباب بيخبطوا.
حنان تفتح الباب بعين ضيقة ونبرة مستفزة: أيوه خير إيه الوشوش دي الصبح بدري كده عاوزين اي.
هوايدة بعصبية: إحنا جايين نشوف بنتنا.
حنان ببرود: آه بنتكم عموما هي جوه بس لو عايزين تشوفوها شوفوها وإنتوا واقفين مكانكم.
فجأة صوت سمية من جوه وهي بتزعق: يلا يا ابتهال انجزي شوية المطبخ مش هينضف نفسه هو إيه الكسل اللي انتي فيه ده.
حنان وهي بتلف وشها لجوا: أهي أمك وأبوك جايين يشوفوك قومي وريهم إنتِ عاملة إزاي احسن من عيشتك عندهم.
.. ابتهال طالعة شعرها متبهدل وهدومها قديمة اوي وشها باين عليه القهر والدموع ....
سمية بصوت عالي: شوفوا بنتك مش بس ما بتعرفش تطبخ دي حتى الأطباق مش قادرة تمسكها وبتوقعها تكسرها.
هوايدة اتقدمت بخطوة وهي قلبها بيغلي: إنتوا بتتكلموا معاها كده ليه وازاي لابسه كدا وبتخدمكم كمان .
حنان بابتسامة لئيمة: ما هي عايشة في بيتنا على حسنا لازم تخدم وتعمل ب لقمتها .
عزمي بزعيق: اسمعي يا ست حنان دي بنتي وأي كلمة زيادة عليها هتكون عليا أنا مش عليها هي.
ابتهال وقفت ورا أمها بتبص لأبوها بدموع كأنها بتقول أخيرًا جيتوا .
عزمي بدأ يعلي صوته: أنا جاي النهارده اشوف بنتي ويوم ما أجي ألاقيكم بتشتموها وتقلوا أدبكم عليها.
حنان بغضب : نقل أدبنا إزاي يا راجل ما تلم نفسك وبعدين هي بنفسها اللي سايبة بيتكم وراحت جريت ورا ابننا.
سمية ببرود: لو مش عاجبكم الباب يفوّت جمل.
هوايدة بعصبية: هو عشان البيت بيتكم فاكرينا هنسكت لا يا حلوة انتي وهي دي بنتنا و مش هتفضل لعبة في إيدكم.
بيدخل رمزي من جوه وهو بيزعق: إيه الصوت العالي ده أنا ما بسمحش لحد ييجي يعلي صوته في بيتي.
عزمي بيقف في وشه : بيتك اللي بنتي دايقة الذل فيه.
رمزي ببرود : بنتكم دي تبقى مراتي وأنا حر فيها.
رهف بغضب: حر تعمل فيها إيه دا انت عمال تضربها وتكسرها.
.. الكل بيزعق فوق صوت بعض والجو مولع، فجأة…
صوت من وراهم: إيه اللي بيحصل هنا دا.
رهف بفرحه: يوسف اخيرا جيت احب اقدم ليكم حضرة الرائد يوسف اخويا.
عزمي بصدمه:
#يتبع..
#بارت_2
يوسف اخيرا جيت احب اقدم ليكم حضرة الرائد يوسف اخويا.
يوسف بجمود: في اي يا رهف واي صوت الزعيق ده؟
رمزي بتوتر : لا مفيش يا باشا شوية سوء تفاهم بس.
يوسف وهو بيبصله ببرود : سوء تفاهم وأنا واقف برة سامع زعيق من الشارع.
عزمي ببرود: دا مش سوء تفاهم يا يوسف يبني انا عايز بنتي تروح معايا النهارده
يوسف بابتسامة : اكيد يعمي طبعا وأنا هتأكد إن محدش هنا يفتح بقه عليها تاني او حتي يقرب ليها طول ما هي معانا.
يوسف بص لرمزي : أنت تعالى هنا.
رمزي بتوتر : خير يا باشا تؤمر ب اي.
يوسف بجمود : بنت خالتي وأختي وبنات عيلتي دول خط أحمر واللي يقرب منهم بيتحاسب حساب ما بينسهوش طول عمره.
حنان حاولت تتدخل وهي مبتسمة ابتسامة مصطنعة: باشا إحنا ما عملناش حاجة دي مشاكل بيت عائلية وبتحصل في كل بيت.
يوسف وهو بيبص لها نظرة جمدت الدم في عروقها:
البيت العادي ما بيسمعش صوته اللي في الشارع ولا الناس تتفرج عليه
رمزي بلع ريقه وحاول يضحك: خلاص يا باشا، اعتبر الموضوع انتهى مش كدا يا حبيبتي .
ابتهال بخوف: لا مش كدا يوسف انا عاوزة اعمل محضر فيهم كلهم الاول في حنان سرقت دهبي ومصوراها و التاني في سمية بردو خدت هدومي و مصورها و التعدي عليا الف مرة من رمزي.
سمية بخوف: انتي مصورنا ازاي حاطة كاميرا في اوضة نومك.
ابتهال بسخرية: لا تليفوني لما دخلت وقفشتك بتسرقيني كنت بكلم واحدة صحبتي فديو كول وسجلت كل اللي حصل ومن وقتها وانا بسجل ومستنيه فرصة عشان اخد حقي الاول مكنش ليا ضهر دلوقتي ضهري رجع لي.
حنان بغيظ: بقا بتسجلي لي لينا دا انتي نهارك مش فايت.
هتضربها بالكف ايد يوسف مسكتها: مش عيب تمدي ايدك علي ستك وتاج راسك وانا واقف.
زقها وقعت..
يوسف بخبث: دا انتو هتشوفوا اللي عمركم ما شوفتوه بس صبركم عليا.
بعد شويه..
في بيت عزمي..
ابتهال قاعدة في أوضة الضيوف راسها بتبص للارض ودموعها على خدها أبوها داخل وواقف قدامها إيده ورا ضهره.
عزمي بحزن وعتاب : أنا كنت قايل لك يا بنتي قلتلك البيت ده ما ينفعكيش والناس دي ما فيهمش خير.
ابتهال بصوت مخنوق: انا عارفة يا بابا وأنا غلطت اوي بس والله كنت بحبّه وافتكرت إن الحب هيغيره او عمري ما تخيلت انه ممكن يحصل فيا كدا .
عظمي هز راسه بسخريه : الحب مش بيبني بيت من غير أساس يا بنتي وأنا كنت شايف بس إنتي ما سمعتيش كلامي.
ابتهال وهي بتمسك إيده: وغلاوتي عندك تسامحني يا بابا انا والله ندمانة وكل يوم كنت بتمنى أرجع أحضنك .
أبو ابتهال شد إيده بخفة مش قاسي لكن باين عليه إنه موجوع: كسرتِ قلبي يا ابتهال مش علشان اخترتيه لكن علشان يوم ما احتجتي وجودي ما رجعتيش ولا فكرتي تكلميني وانا غلطان اني سبتك شهر مكلمكيش يا بنتي .
ابتهال قربت منه وحضنته : خلاص يا بابا انا مش هبعد تاني ومش هعمل حاجة من وراك والله العظيم إنت سندي وضهري سامحني.
عزمي أخد نفس طويل وبعدين مد إيده ومسح على راسها: خلاص انا سامحتك يا بنتي بس أمانة عليكي المرة الجاية تسمعي كلامي قبل ما تاخذي أي خطوة.
ابتهال بدموع وابتسامة صغيرة: أمانة يا بابا من النهارده ما فيش خطوة إلا وإنت راضي عنها.
أم ابتهال واقفة على الباب مسحت دموعها وهي شايفة اللحظة دي ورهف مبتسمة بهدوء.
يوسف دخل: لو سمحت يا خالي عاوز اتكلم مع ابتهال علي انفرد.
عزمي بهدؤء: ماشي يا ابني خد بالك منها.
يوسف بهدؤء: حاضر تعالي يا ابتهال.
خرجوا البلكونه..
يوسف بهدؤء : ابتهال من الاخر أنا ما بحبش أسيب حقي ولا حق أي حد من عيلتي واللي عمله رمزي وأهله فيكي مش هيعدي كده.
ابتهال وهي بتبص للأرض: يا يوسف أنا مش عايزة مشاكل أنا عايزة أخلص من القصة دي كلها.
يوسف بابتسامة: إنتي خلاص في بيت أهلك وأنا موجود ومحدش هيقدر يقرب منك لكن حقك لازم يرجع أقل حاجة ييجي يعتذر ويتحاسب على اللي عمله.
ابتهال رفعت وشها عينها فيها دموع لكن صوتها ثابت:
حقي الحقيقي دلوقتي إني أطلق منه مش عايزة منه حاجة غير ورقتي ولا عايزة أشوف وشه تاني.
يوسف بهدؤء : يعني القرار دا نهائي.
ابتهال بهزّة راس حاسمة: اه يا يوسف نهائي حتى لو رجع يبوس رجلي مش هرجعله اللي كسر قلبي مرة هيكسره طول عمره.
يوسف ابتسم ابتسامة صغيرة فيها فخر: تمام أنا ههتم بالموضوع من بكرة وصدقيني ورقتك هتكون في إيدك أسرع مما تتخيلي.
ابتهال بابتسامة: ماشي ربنا يخليك لينا يا يوسف إنت أخ ما خلفتوش أمي.
يوسف وهو خارج : وإنتِ أختي وأختي ما حدش يقدر يوجعها تاني طول ما أنا عايش.
يوسف بيخرج من البيت بيقف على العتبة يلبس الجاكيت.
رهف بهدؤء : يوسف استنى شوية.
يوسف وهو بيبص لها: خير يا رهف في حاجه.
رهف بتسحبه على جنب بعيد عن الباب: ليه قلت لابتهال إنها أختك وإنت من زمان بتحبها.
يوسف بيتنهد وبص على الأرض:يا رهف ابتهال عمرها ما هتحبني و قلبها اتوجع ولسه خارج من جرح كبير.
رهف بإصرار: بالعكس إنت أكتر واحد وقف معاها وأكتر حد هيحافظ عليها ليه ما تعترفش بحبك.
يوسف بهدوء : ما ينفعش مش عايزها تفتكر إني بستغل ضعفها أو ظروفها عشان أخش حياتها. الحب اللي يجي كده ما يبقاش حب حقيقي.
رهف وهي بتبص له بحزن: يعني هتفضل كاتم جواك.
يوسف بابتسامة حزينة: لو لينا نصيب ربنا هيجمعنا في وقت تكون هي واقفة على رجليها مش محتاجة حد يسندها ساعتها هكون جنبها راجل تحبه مش منقذ.
رهف بتتنهد: ربنا يكتب لك اللي فيه الخير يا يوسف.
يوسف وهو بيبعد: الخير دايمًا هو اللي أنا بشوفه في عيونها وهي مرتاحة حتى لو مش معايا.
..تاني يوم...
في القسم..
رمزي كان واقف مضروب وماسكه عسكري.
يوسف ببرود: اي يا رور عاجبتك ضيفتنا ولا لا.
رمزي بدموع: ابوس ايدك سيبني يا بيه انا حرمت واللي تؤمر بيه هعمله.
يوسف ببرود: طلق ابتهال بالتلاته يا رمزي.
رمزي بدموع: هي طالق طالق طالق اهو سيبني بقا.
يوسف ببرود: ماشي كدا هي اطلقت باقي المحاضر اللي عليك بقا خده ارميه في الحجز عقبال ما يتعرض علي النيابة.
رمزي بدموع: انا عملت اللي عايزو سيبني ابو رجلك.
خده العسكري وخرج...
ابتهال دخلت وهو رمزي خارج وقف قدمها بغل: خليه يخرجني من هنا يا ابتهال ولا وحشك ضربني.
كف قوي نزل علي وشه منها: اتفوو عليك يا ابن امك علي فكره انا كنت حامل و ابنك مات بسبب علقك ليا ومرضتش اقولك لترمي اللوم عليا ك العادة انت وامك.
رمزي بص لها بدموع ومشي مع العسكري..
دخلت بهدؤء: هو طلقني ولا لسه يا يوسف.
يوسف بابتسامة: اه طلقك دلوقتي هجيب لك راس الحية وبنتها تشوفي ترحيب بنات الحجز بيهم عامل ازاي هيشفي غليلك كله.
دخلت سمية وحنان وهم متبهدلين.
حنان بدموع: ابتهال يا بنتي خليهم يفك حبسنا.
ابتهال بقرف: لا يا حنان هتعفني في الحجز.
سمية بدموع: انا زي اختك يا ابتهال سبينا.
ابتهال ببرود: اختي انا اختي احسن منكم الف مرة لو عاوزاني افتكر انك زي اختك مفتكرتيش لي اني بني ادمه زيكم وعاملتوني كدا لي انتو متستهلوش اي رحمه.
يوسف ببرود: عندك حق كدا اتشفتي فيهم ولسه الحبس اللي هيشوفوا.
ابتهال بكره: ياريت يا يوسف ياريت.
.. بعد مرور سنتين....
ابتهال بتجري ورا بنتها: يا روح تعالي هنا بقا متتعبنيش معاكي.
روح ببراءة: لاه يا ماما مش هاجي هتديني الدواء المر يعع.
ابتهال بغيظ: انا معرفش طالعه عنيدة اوي كدا لي.
يوسف من وراها: يعني انتي مش عارفه عنيدة لمين دا حتي عيبه في حقك يا حبيبتي.
روح جريت عليه: بابي اخيرا جيت.
يوسف بحب: اه يا حبيبتي معصبه ماما لي بقا.
روح بقرف: مش عاوزة اخد الدواء الوحش دا.
ابتهال بحنان: عشان مش تقعدي تكحي.
روح نزلت: انا رايحه لجدو باي.
جريت و ابتهال هتجري وراها مسكها يوسف: اي هتسبيني وتروحي وراها مش تقعدي مع جوزك قرة عينك شويه.
ابتهال بحب: انت صح وحشتني اوي يا حبيبي.
يوسف بحب: وانتي اكتر يا حياتي ها هنروح فين النهارده.
ابتهال بدلع: عاوزه اروح السينما ممكن يا روحي.
يوسف بحنان: ممكن طبعا انتي تؤمري وانا انفذ لك كل اللي بتحلمي بيه هو انا ليا غيرك.
ابتهال بحب: ربنا يخليك ليا انت عوضتني عن كل اللي شوفته في حياتي.
يوسف باس راسها: ويخليكي ليا يا نور عيني.
#تمت...
#النهاية
تعليقات
إرسال تعليق